الفصل2
*قـصـص وروايـات عـالـمـيـة💙📚📖*
*بإدارة: يـامـن💙*
*❴📖❵↵شبــابيــك.tt* 🪟💙
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
تفاجئت أنو البنت مقعدة ومابتمشي وفي وحدة تانية عم تساعدها لتقعد عالكرسي للحظة تذكرت انو مابتكمل مع حدا معقول كل هل لجمال ومابتقدر تمشي طيب ليش ياربي
ماهر:بشو شارد ولاه
مجد:ولاشي شريك خلينا نروح نفطر
ماهر:بس نفطر منطلع عالأسطوح وبتحكيلي
مجد:طيب يلا امشي نفطر
ماهر:يسلم ايديكي خالتو لفطور بجنن والله
ام مجد:صحة وهنا
ماهر:وين ابريق الشاي
ام مجد:هون ليش
ماهر:بدي جهزو مشان لمتة بدي اطلع عالأسطوح انا ومجد
ام مجد:اي الله يرضى عليكون
أنا بعدني متفاجئ ومصدوم طلعنا عالأسطوح
ماهر:اي شريك حكيلي شوفي
مجد:مابعرف شو يلي عم بصير معي
ماهر:شوفي
مجد:من يومين واقف عشباك كالعادة وكان في بنت من بين هل لشبابيك كأنها ملاك قاعدة عم ترسم ضليت انطر عالشباك لتطلع وشوفها مابعرف ليش ومن شوي شفت انو عم يقعدو لبنت على كرسي متحرك ...
ماهر:مقعدة ؟
مجد:اي مابعرف ليش مابتكمل مع حدا معقول كل هل لجمال ومقعدة ومن وقتها مزعوج
ماهر:بتحبها ؟
مجد:لا شو بحبها
ماهر:كنت بتحبها؟
مجد:لا ماكنت ولا بحبها بس مابعرف ليش ماعم تفارق تفكيري
ماهر:طيب وليش نزعجت لما شفتها مقعدة
مجد:مابعرف
ماهر:لازم تعرف انو رغم لنقص يلي بجسمها حتضل حلوة وشو يعني اذا مابتمشي ؟ بلكي حادث صاير معها شي شايف هل لشبابيك كل شباك عندو قصة مخبيها مافينا نعرف شو مخبى ورا هل لشبابيك وهلئ خود هل لغيتار وغنيلنا اغنية
خـذنـي إلـيـك قـد حـارَ نـبـضـي بالـهــوىٓ بـين يـديـك قـد سـآل الـورد دمـعـاً مـراً شـوقـاً إلـيـك مـوتٌ حـياتٌ لـا آبـالي فـقـلبي لديـك....
ماهر:والله وشكلو لهوا ولشباك رماك
مجد:ههههههه بس ولاك مو لهدرجة
ماهر:يلا قوم ننزل لتحت
مجد:يلا
نزلت وشميت ريحة ورق عنب طالعة من لبيت
ماهر:كأنو أمك عم تطبخ ورق عنب😍
مجد:اي قوم بسرعة بسرعة
صرنا نخبط عالباب ونتسابق عالمطبخ
ام مجد:ولك الله يهديكون متل لولاد
ماهر:انا بدي ادخل
مجد:أنا رح ادخل
ماهر:طب مندخل سوا
مجد:موافق
ودخلنا عالمطبخ وقعدنا نشم بالريحة
مجد:روح عبيتك
ماهر:والله مابطلع لا أكول
مجد:مو عازمينك
ماهر:مين حكالك ناطر تعزمني
مجد:قليل ذوق
ماهر:معلش انا قليل ذوق
ام مجد:متل لصغار الله يهديكن
ماهر:عزميني خالتو حتى ماحس حالي ضيف تقيل
ام مجد:لا شو ضيف تقيل تؤبرني انت متل ابني مجد وأغلا
مجد:الله الله امييي
ام مجد:خليك ملتهي انت بشباك
ماهر:ههههههههه ابنك اسمو ابو شبابيك ومن شباك لرميلك حالي
مجد:بس ولاه
ماهر:تروك شعري ياكلب ضليت ساعة عالمراي زبطو مشان اطلع حلو وخالتي ام مجد تزبطلي عروس
مجد:عروس انو وحدة رح تقبل فيك متل لكلب لسلوقي
قام وقف ماهر
ماهر:شوف طول وشعر وجمال اسمالله علي صحلها يلي بدا تاخدني رح تكون محظوظة
مجد:قول أمها داعية عليها بليلة القدر
ماهر:خالتو دبريلي عروس
ام مجد:في بنت أختي اذا انت عنجد بدك
ماهر:اي والله جد خالتو ورجيني ياها
ورجتو صورة بنت خالتي ميادة بنت عيونها سود بيضة وعم تدرس بكلوريا بنت بحلم فيها أي شب
طبعاً ماهر شافها وطار عقلو
ماهر:موافق ايمتا نروح لعندون
مجد:ليك لكلب مين حكالك برضى تصير قرايبي
ماهر:خليك بشباكك ولاتجبرني عالعنف إذا سمحت
مجد:ههههههه
ام مجد:اذا انت عنجد بدك تؤبرني من عيوني بس لازم تكون قد لمسؤولية
ماهر:له ياخالتو مابتعرفيني
ماهر كان عندو بيت بأسمو وبيشتغل بالخياطة وأوضاعو منيحة وعايش لحالو لانو أهلو متوفيين وطبعاً حامل مسؤولية وقدها
أم مجد:طيب تؤبرني أنا بكرة بروح وبحكيلك ياها وافقو منتوكل عالله ماوافقو الله ببعتلك يلي الأحسن منها
ماهر:على خير خالتو
راح ماهر من عندي وانا رجعت عشباك كانت لساها عم ترسم بس هي لمرة كانت عم تطلع عشباك يلي أنا واقف وطالع منو بعدني شارد وبإيدي لكتاب لوحتلها بإيدي وهي لوحت بإيدها نط ئلبي من محلو بعدا تركت لمرسم وراحت ضليت قاعد عشباك بدي شوف اذا بترجع
ستنيت لشوفها بالشارع وفي بنت معها عم تسحبها بالكرسي لا إرادياً نزلت عشارع وضليت عم الحقها لوصلت عالحديقة لبنت هون تركتها وراحت ستغليت فرصتي ورحت لعندها
مجد:ممكن أقعد
هي:اي أكيد فيك تقعد
مجد:أنا مجد وأنتي؟
هي:شام
مجد:أسمك حلو اديه عمرك
شام:18
مجد:العمر كلو
شام:يسلم عمرك
كان في كتير حكي لازم احكي بس سكتت بهاد لوقت كنت حابب أسألها عن حالها بس عرفت انو ملازم اتجاوز حدودي بخاف تدايئ
وبهاد لوقت اجت لبنت لتاخدها
شام:ليش تأخرتي سناء
سناء:ماتأخرت سكتي أحسن ما أحكي لا أمي تعملك بهدلة
شام:___
انا كنت قاعد مو قادر حرك ساكن
رحت عالبيت وقفت عشباك استناها تطلع لشوفها ستنيت بالساعات ماطلعت لا أجى الليل لقيتها بالغرفة وعالمرسم وعم تطلع عشباكي ستغربت أنو ليوم لما رحت وشفتها حسيتها نهت النقاش بسرعة تركت
رحت نمت
ام مجد:قوم لك أمي عالشغل
مجد:يلا امي قايم شو حتعملي ليوم
ام مجد:رح روح اخطب ميادة لماهر
مجد:ان شالله خير يامو
مجد:ان شالله خير يامو
رحت عشغل وكل تفكيري وانا
عم اشتغل مع شام كان بدي بس ارجع عالبيت لشوفها
رجعت عالبيت وكان ماهر عنا وقاعد عم يحكي هو وأمي كان فرحان يمكن هي أول مرة بشوف عيون ماهر عم تضحك من بعد ماتوفو أهلو
ماهر:اهلين شريكككك
مجد:هلا ابو شريك شو شكلها نقشت معك
ماهر:اي لحمدلله
مجد:ريتو الف مبروك رح تصير كلب من عيلتنا قصدي من عيلتنا ياصهر
ماهر:الله يعزك
مجد:وين لحلو ياواطي
ماهر:من عيوني هلئ احلى كنافة من عند سلورة
مجد:يلا نتتر جيبها وتعا
ماهر:قوم نروح انا وانت وخالتو منجيبها ومنجي
مجد:لا روح انت
ام مجد::انا بروح اتفتل بالشام
ماهر:يلا ولاه بلا تنبلة روح غير تيابك لنروح بعدا منروح على قاسيون
مجد:طيب خليني اتحمم والبس
ماهر:رح نشرب قهوة لبين ماتخلص
خلصت لبسنا وطلعنا اخدنا لكنافة وبوظة وطلعنا على قاسيون
ماهر:يالله شو حلوة شام
مجد:اي بتجنن بس محكيتولي تفاصيل
ماهر:بكرة ساعة ستة لمسا رح اخطبها رسمي ونتفق عالخطبة وكتب لكتاب
مجد:الف مبروووك بتاخدني معك جاهة
ماهر:انت وخالتي اهلي اكيد حتروحو معي وليوم رح نام عندكون ليوم
مجد:نقلع عبيتك مافي تنام اصلاً تختي مابيوسع
ماهر:كول هوا انت بتنام عالأرض وانا عتختك
ام مجد:ههههههه
ماهر:حتى بدي البس بلوزتك يلي لونها خمري وحط من لعطر يلي ريحتو طيبة
مجد:ماناقص غير تصير بدفتر لعائلة
ماهر:ليش لا
مجد:خلونا نروح عالبيت يلا
ماهر:ليش مشان شباك😂😂😂
مجد:ممكن تخرس يلا😂😒
طلعنا عالبيت وماهر قرر انو ينام عندي من فرحتو ماهر نام وانا قعدت طلع عالشباك واستنى تطلع ومكانت تطلع حطيت راسي ونمت وبتاني يوم الأجواء ببيتي كانت جو في عريس
ام مجد:قومو فطرو يلا دوبنا نلحق في شغل كتير عنا
ماهر:يلا قوم ولاه مجد
مجد:تركني نام شوي
ماهر:لك يلا قوم
قصص ابو الليث
0940041336
قمت وفوراً رحت عشباك بس مشفتها
ام مجد:يلا روحو خلصو وتحممو ولبسو دوبنا نلحق للمسا
مجد:يلا ماما فوت ولاه تحمم يلا ليوم رح نخطبلك ياكلبب
ماهر:ههههه مارح رد عليك لأني فرحان
مجد:هههههه
تحممنا ووماهر لبس بلوزة خمرية وبنطلون جينز ورفع شعراتو وحط عطر طلع بجنن وانا لبست بلوزة خضرة غامق وبنطلون اسود ورفعت شعري وطلعنا ونحنا بطريق اخدنا ورد مع شكولا
نزلنا وفتحلنا جوز خالتي
ابو ميادة:اهلا وسهلا شرفتونا
ام مجد:فيك تسلم يارب
ابو ميادة:تفضلو يلا
دخلنا
ام مجد:اي صهري مابدي طول عليك أنا جاي اخطب ايد بنتك لهاد شب وعليم الله انو احسن من ابني وضعو هو كالتالي أهلو متوفيين عايش لحالو ببيت ملك وبيشتغل بالخياطة وأوضاعو ميسورة بئى شو رأيك
ابو ميادة:منتشرف مدام منطرفك أكيد خير عطينا اذا الله راد
ام مجد:ونعم بالله قرأولنا الفاتحة عنية التيسير والتوفيق
ام مجد:شو وينها لعروس
ام ميادة:هلئ بتجي
فاتت ميادة كانت بنت حلوة بمعنى لكلمة كانت لابسة فستان طويل بكم لونو اسود وزهر وحاطة حجاب ضيفت لقهوة وكانت مرتبكة وماهر كان مرتبك
ميادة:تفضل
مجد:الف مبروك وليه صرتي عروس
ميادة:هههه هوس خليني راكزة هلئ
مجد:هههه
ميادة:تفضل
ماهر:ئا انو فنجان هاد
ميادة:اي
ماهر:اي يسلمو ايديكي
ميادة:الله يسلمك
مابعرف اجتني ضحكة لا إرادي وقت شفتهن مرتبكين
ام مجد:شو رأيكون نخليهون يحكو
ابو ميادة:اي اكيد ليش لا
تركناهون وطلعنا
ماهر:كيفك
ميادة:تمام الحمدلله وانت
ماهر:تمام الحمدلله مبسوطة؟
ميادة:ئا اي اكيد وانت
ماهر:وانا كمان طاير عقلي بتعرفي انك كتير حلوة؟؟
ميادة:___
ماهر:هههههه خجلتي
ميادة:ههههه
مجد:ومنقول هاي
ماهر:لعمى شو كلب شوبدك😂😂
مجد:جاي ضل معكون هنن هيك طلبو
ماهر:عيب عليك
مجد:ميودة خجلانة مابعرف هيك😂😂😂يخربيتك بتحكي عن عشرة
ميادة:ههههه
ماهر:خراس ولاه كلب بغار😂😂
مجد:كملو حديثكون ولغزل مارح اسمع
ماهر:برا😂
مجد:احكيلون عم تقلعني وخلي يدخلو عليكون
ماهر:لا يستر عرضك تعا خلص😂😒
خلصت سهرة وكانت حلوة كتير بالنسبة ألهون طبعاً انا فرحت بس عقلي كل لوقت عند شام وشو قصتها
رجعت ومشفتها كنت حاسس في شي ناقصني لانو ماشفتها وكان بتاني يوم عندي عطلة
حطيت راسي ونمت وصحيت عنفس روتين فطرت وحكيت انا وامي شوي ووقعدت ادرس وكل شوي قوم طلع عشباك لشوفها ومالاقيها لحسيت اني فقدت الأمل بعدين شفتها بشارع شكلها رايحة عنفس لحديقة لبست تيابي ولحقتها
مجد:كيفك شو اخبارك حكيلي ليش معدت شفتك عم ترسمي
شام:___
مجد:شبكي ساكتة احكي ليش ماشفتك
شام:بسببك
مجد:بسببي؟
شام:اي بسببك روح من هون
مجد:طب ليش فهميني
شام:تذكر لبنت يلي كانت معي هديك لمرة؟
مجد:اي بتذكر شبها
شام:هي اختي من ابي وخبرتها لمرت ابي ومرت ابي معد خلتني روح وارسم وعيطت علي
مجد:ابوكي متزوج؟وامك وينها
شام:متوفية هي وبابا
مجد:مافهمت
شام:اول شي توفت ماما بعدين بابا تزوج وعمل حادث وانا ومعو هو توفى وانا صرت مقعدة وبقيت مع مرت أبي انا واخي
مجد:انا اسف مكنت بعرف سدقيني
شام:روح أنا مو ناقصني مشاكل تركتها ورجعت عالبيت فتت بدون ما احكي مع امي ورتميت عتختي مع افكاري يلي ماعم تفار قني مرت أيام وأنا عنفس روتين جامعة وشغل وشباك شام ومرسمها وعالمها وآلوانها طبعاً ماعاد حكيت مع شام مشان ماسببلها مشاكل ماهر خطبها لميادة ولبسو محابس وليوم عرس ماهر على ميادة ماكان ألي نفس بس فرحان لرفيق دربي يلي متل اخي
مجد:وهي صرت عريس ان شالله ألف مبروك
ماهر:عقبالك
ام مجد:ان شالله ألف مبروك يا تؤبرني
ماهر:يخليلي ياكي يا أمي فيني احكيلك أمي؟
ام مجد:اكيد يا أبني
وهون ودعنا ماهر لحياتو لبديت من جديد
ام مجد:عقبالك تؤبرني
مجد:بعيد شر يامو
ام مجد:الله يرضى عليك
خلص لعرس ورجعت تاني يوم لحياة لطبيعتها صحيت صبح بس في شي من جوا نائزني مابعرف شو هو بس مو مريح هل لشعور
ام مجد:قوم تؤبرني نفطر سوا
مجد:يلا أمي
ام مجد:يلا تؤبرني نفطر مامنعرف الله شو كاتبلنا
مجد:أمي ماتحكي هيك بزعل منك
ام مجد:يلا فطار مشان تروح عجامعتك
مجد:يلا
فطرنا وقبل ماروح أمي كانت عم تودعني وكأنو رح موت وماتشوفني
ام مجد:دير بالك عحالك الله يرضى عليك
رحت عجامعة بس عقلي مو معي وبالشفب نفس شي رجعت عالبيت فتحت لباب شميت ريحة ملوخية الأكلة يلي بحبها ولبيت مرتب ونضيف هدوء لبيت كان بخوف
مجد:أمي وينك أنتي طابختيلي ملوخية يانبع لحنان
وهون.....
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```