البرنسيسه - الحلقه الاولى - بقلم فتون - مكتملة | روايتك

*_رواية/ البرنسيسه💜⚡⸙♡»))_* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ *فتون* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏استيقظت فاطمه علي صوت عامر الذي يناديها لتستيقظ عامر : اصحي وقومي جهزي العشاا بسرعه ( عامر زوج فاطمه يبلغ من العمر الثلاثون عاماً ، يعمل في الخراطه ) فاطمه : طيب حاضر هقوم ( فاطمه هي زوجت عامر تبلغ من العمر الخامسه والعشرون عاماً ، تزوجت منه بعد إلحاح من اخيها والذي ارغمها في النهايه علي تلك الزيجه وسنتعرف علي الاسباب فيما بعد ، منذ ان تزوجت وهي تعمل بالمشغولات اليدويه حتي تستطيع ان تدبر أمر الاموال التي يطلبها عامر ) استفاقت وتوجهت لتجهيز الطعام له ومن معه من الاصدقاء ليبدأوا سهراتهم المعتاده فقد اعتادت علي تلك الاوامر منذ ان تزوجته قبل ستة أعوام .. اعتادت علي ان يجلبهم معه كل ليله ليتناولوا معاً الخمر ويقضوا سهراتهم في اللعب بالاوراق حتي ساعات الصباح الاولي .. ولا سبيل لها سوي الرضوخ لأوامره حتي لا تنال منه العقاب والاهانه والضرب . خرجت من غرفتها بهدوء وتوجهت نحو المطهي جهزت لهم الطعام والاكواب الفارغه ثم عادت مره اخري لغرفتها واغلقت عليها الباب وتناولت مشغولاتها اليدويه تستكملها حتي تقوم بتسليمها لصاحب المصنع وبذلك يتثني لها ان تحصل علي المال الذي يطالبها به عامر ليشتري الخمور فهو يرغمها علي ذلك العمل حتي يأخذ منها المال ليصرفه علي مِزاجه وبعد ان انهوا سهرتهم انصرفوا .. نام عامر كعادته بالخارج فمنذ ان علم انه لم يستطع الانجاب فهجر تلك المسكينه التي لا ذنب لها سوي انها وافقت علي تلك الزيجه . لنتذكر معاً قبل خمسة اعوام مضت قابلت فاطمه الدكتوره صفاا جارتها اثناء مرورها من نفس الطريق المؤدي للمنزل توقفت وألقت عليها السلام وحددت معها موعد للكشف واستأذنت منها وانصرفت وفي صباح اليوم التالي توجهت فاطمه لإجراء الكشف ومعرفة اسباب تأخر الحمل ➷➶ اجرت عليها صفاا الكشف وطلبت منها عدة تحاليل وبعد ظهور النتيجه تأكدت انها ليس لديها ما يمنعها من الانجاب وطلبت مقابلة عامر والذي ذهب لمقابلتها بعد إلحاح لفتره طويله من فاطمه وبمتابعة التحاليل الخاصه به تبين انه ليس لديه قدرة علي الانجاب نعود لأحداثنا خرجت فاطمه من غرفتها لتجده ملقي علي وجهه علي الاريكه يكاد ان يقع من عليها .. لا يشعر بأي شئ يحدث بجانبه . دقت العاشره صباحاً تناولت فاطمه الحقيبه التي وضعت فيها قطع المشغولات التي انتهت منها بالامس وصعدت لزينه التي تعيش معها في نفس البيت بالدور العلوي اقتربت من الباب ودقت الجرس ففتحت لها زينه ( زينه هي صديقه فاطمه الوحيدة منذ الطفوله .. تزوجت في نفس البيت مع فاطمه بالدور العلوي وانجبت كريم وتعمل معها في نفس المصنع في صناعه المشغولات اليدويه ) فاطمه : صباح الخير .. ازيك يا زينه عامل اييه وكريم عامل اييه دلوقت ؟؟ زينه : صباح الخير .. الحمد لله تمام فاطمه : هتيجي معايا المصنع النهارده ؟؟ زينه : لأ انتي عارفه كريم كان سخن امبارح وتعبان طول اليوم وملحقتش اخلص الشغل المطلوب مني انتي لحقتي خلصتيه الشغل كله ؟؟ فاطمه بحسره : اه .. خلصته زينه : يا بنتي انتي مش بترتاحي خالص .. حرام عليكي نفسك وصحتك .. لو حصلك حاجه مش هيجري بيكي علي الدكتور ولا هيسأل فيكي فاطمه : انتي عارفه كويس اني اذا تأخرت عن التسليم مش هعرف أجيب فلوس وهتكون النتيجه انه هيضربني ذي عادته .. لو حضر المزاج ومفيش فلوس هيخرب الدنياا ..اقولك خليني امشي احسن الكلام مفيش منه فايده .. واستأذنت منها وتوجهت لعملها .. قابلت صاحب المصنع وسلمته القطع المشغوله واستكملت عملها في مكان آخر وبالتحديد في المنزل المقابل لمنزل فاطمه يقطن الدكتور سامي طبيب التخدير والدكتوره صفاا طبيبه النساء والتوليد التي اجرت الكشف علي فاطمه و المتزوجين منذ ثمانيه اعوام وانجبوا صفي الذي يبلغ من العمر السبع أعوام ودائماً ما يتركوه في البيت مع الخادمه ولكنها لا تستطيع ان تظل معه ليلاً حيث ان زوجها يرفض مبيتها خارج المنزل فيضطروا ان يتركوه بمفرده ليلاً و ذلك لإجراء عمليات التوليد التي تبلغهم بها اداره المشفي التي يعملون بها معاً وغالباً ما تكون بغير مواعيد محدده سامي : يا صفاا المستشفي اتصلت وفي عمليه مستعجله .. ياله بسرعه لازم ننزل حالاً صفاا : حاضر عشر دقايق هكون جاهزه .. يا نادره تعالي بسرعه نادره : نعم يا دكتوره صفاا : انا هنزل مع الدكتور سامي دلوقت عندنا عمليه مستعجله .. انتي خلصي شغلك وحضري العشاا واكلي صفي وانزلي علشان متتأخريش علي جوزك ويرجع يمنعك من النزول تاني واحنا هنخلص ونرجع وتأكدي ان التليفون بتاعه مشحون وانا هبقاا اطمن عليه واقفلي الباب كويس وانتي نازله نادره : حاضر يا دكتوره .. اللي تؤمري بيه توجهت صفاا مع سامي للمشفي لمتابعة عملهم وتوجهت نادره للمطبخ لتجهيز طعام العشاء في المصنع انتهي وقت العمل واستلمت فاطمه المبلغ المتفق عليه ثم اتجهت للتسوق وعادت لبيتها لتجهيز الطعام .. انتهي النهار وحل الليل سريعاً وكالعاده عامر وصل بيته مع صديقه الذي يدعي قاسم والذي اعتاد علي اصطحابه للبيت ليتسامروا ويقضوا سهرتهم معاً .. جهزت فاطمه الطعام كما اعتادت ثم توجهت لغرفتها واغلقت عليها الباب هرباً من نظرات قاسم ذلك السكير اللعين الطامع فيها وفي جسدها .. جلست علي فراشها لتستكمل مشغولاتها اليدويه في بيت الدكتور سامي دقت الساعه التاسعه مساءًا تجهزت نادره للإنصراف ، بدلت ملابسها وانهت عملها وجهزت طعام العشاء وأطعمت صفي ورافقته للفراش واطمأنت عليه انه قد خلد للنوم فوضعت الهاتف بجانبه وتأكدت من انه يعمل وخرجت من الغرفه بهدوء ثم انصرفت حتي لا ينزعج من نومه مر علي انصراف نادره ما يقرب من ساعه وقامت صفاا بالاتصال علي هاتف صفي حتي تطمأن عليه ، ومع اول رنين للهاتف استفاق صفي وأمسك هاتفه يجيبها ألو ، ماما صفاا : ايوه يا حبيبي ، انت لوحدك ولا نادره لسه عندك ؟؟ صفي : مش عارف استني هروح اشوفها واسرع يبحث عنها في الخارج ولم يجدها وعاد يتحدث لنادره لا يا ماما داده مشيت ، انا لوحدي وكنت نايم صفاا : طيب يا حبيبي كمل نومك وانا هخلص انا وبابا وهنرجع علي طول ، معلش المريضه تعبانه اوي ومش قادرين نمشي بدري النهارده ، انت اتعشيت ولا نمت من غير اكل ؟؟ صفي : لا داده اكلتني صفاا : ماشي حبيبي ، هقفل انا دلوقت وانت كمل نوم واحنا مش هنتأخر عليك ، سلام صفي : سلام انتهي الاتصال بين صفي وصفاا وهنا سمع صفي صوت المطر يملأ المكان فأسرع يفتح جانب من نافذته ليشاهد منظر المطر في بيت عامر تناول قاسم مع عامر الطعام واستكملوا ليلتهم في تناول الخمور ولعب الورق علي مبالغ بسيطه من المال .. شرب عامر الكثير و حين تأكد قاسم من انه قد غاب عن الوعي قام بهدوء وتوجه لغرفة فاطمه وفتح عليها الباب ففزعت وقفت فجأه وتركت ما كانت ممسكه به من خيوط وسألته فاطمه : انت عاوز حاجه .. اييه اللي جايبك هنا .. دي اوضه النوم مش الحمام قاسم : هاه ، لا انا آسف انا غلطت ووقف لدقائق ينظر إليها تكاد نظراته ان تخترق جسدها فأسرعت تنادي عامر ، عاامر فأجابها بصوت متقطع : هاااه .. هأ هأ .. عاوزه .. هأ هأ .. اييه فخرج قاسم مسرعاً وتوجَّه للحمام وبعد ان انتهي انصرف من البيت في صباح اليوم الجديد استيقظت فاطمه واستفاق عامر فاطمه : انا نازله المصنع ، هسلم الشغل وهرجع عامر : هاتيلي معاكي علبه سجاير فاطمه : طيب وخرجت فاطمه متوجهه للدور العلوي لتطمأن علي كريم وصلت وقرعت الباب واذا بزينه تنتظرها ليذهبوا معاً للعمل فاطمه : عامله اييه وفين كريم ؟؟ ➷فتون ➶ زينه : كريم واخد الدوا ونايم هنزل اسلم الشغل واجيب الشغل الجديد واستلم الفلوس وارجعله فاطمه : طيب هو عامل اييه دلوقت ، الحراره نزلت ؟؟ زينه : اه نزلت الحمد لله بقى احسن من الاول كتير ، ياله بيناا علشان متأخرش عليه واسرعوا متوجهين للمصنع لتسليم قطع المشغولات وفي طريقهم زينه : مالك يا فاطمه انتِ شكلك مش عاجبني النهارده ، في حاجه حصلت معاكي ؟؟ فاطمه : والله يا زينه انا زهقت من عامر وعيشته واصحابه اللي كل يوم يجرهم معاه للبيت واللي زاد امبارح بقى الاخ اللي اسمه قاسم داخل عليَّ اوضه النوم وهو سكران وفاكر انه الحمام بس انا مكنتش مستريحاله نظراته ليَّ دايماً مش مريحه زينه : طيب ما تروحي تقولي لأخوكي مش هو اللي مجوزهولك روحي قوليلوا خليه يشوف حل معاه ويكلمه يخلي مقابلاته براا بيتك فاطمه : تفتكري ممكن الكلام يجيب نتيجه معاه ما انتِ عارفه ان راضي صاحب عامر ودايماً بيدافع عنه زينه : والله هنجرب انتي كده كده عايشه في الهم والقرف يمكن اخوكي يحس بيكِ مره ويطلع راجل ويتكلم معاه فاطمه : ماشي بعد ما اخلص الشغل هروح اتكلم معاه واجرب حظي بعد دقائق وصلت فاطمه بصحبة زينه للمصنع وقاموا بتسليم المشغولات واستلموا القطع الجديده واستلموا المبلغ المحدد لهم وانصرفت كل منهم لوجهته زينه : انا هرجع البيت بسرعه قبل ما كريم يصحى وميلاقنيش موجوده في البيت فاطمه : ماشي وانا هروح لراضي وهرجع انا كمان أمسكي خلي الشغل ده عندك وانا اما هرجع هآخده منك زينه : ماشي هاتي ، ياله سلام 💗💗💗💗💗💗💗💗💗انصرفت زينه لبيتها وتوجهت فاطمه لبيت راضي قرعت الباب ففتحت لها ندي ابنته الكبري هيييه عمتو فاطمه جت يا بابا احتضنتها فاطمه وقبلتها ودخلت و سلمت علي راضي وسندس ابنته الصغري وجلست بجواره ازيك يا راضي ، عامل اييه ؟؟ راضي : بخير الحمد لله ، طالما جايه الصبح كده يبقى في حاجه ، خير ؟؟ ( راضي هو الاخ الاكبر لفاطمه وهو من اجبرها علي الزواج من عامر .. متزوج وزوجته تعمل ممرضه في إحدي المستشفيات وهي من تتولي المصروفات عليه وعلي البيت ، أنجب منها ندي وسندس ) فاطمه : والله يا خويا انا جيالك بخصوص عامر ، انا عوزاك تتكلم مع عامر وتقولوا بلاش يجيب اصحابه ويشربوا في البيت ، انا مش قادره استحمل اصحابه ورخامتهم ، كل يوم يرجع البيت ساحبلي واحد واتنين ويآكلوا و يلعبوا ويسكروا لحد الصبح وكمان يدخلوا علي اوضتي راضي : ده بيته وهو حر فيه ومحدش يقدر يحكم عليه يدخل مين ويخرج مين ، ولو انتِ مش عاجبك خليكي في اوضتك واقفلي عليكِ بابك واعملي نفسك مش سامعه حاجه ، انما انا مقدرش اقوله اختي اللي هي مراتك مش عوزاك تدخل اصحابك البيت فاطمه : انا كنت عارفه انك مش ممكن هتنصفني ابداً ، انت طول عمرك كده واقف في صفه وبتدافع عنه وكأنه بيصرف عليك وبيأكلك ، عموماً كتر خيرك انا لياا رب يسندني ويقف معايا ، سلام تركته فاطمه وهي دامعة العينان ليس لها سبيل سوي ان تتحمل تلك العيشه مع ذلك الزوج المريض عادت فاطمه لبيتها وصعدت لزينه تأخذ منها المشغولات وتسألها عن كريم فاطمه : كريم اخباره اييه دلوقت ؟؟ زينه : والله رجعت لقيت الحراره ارتفعت تاني ربنا يسترها بقى هروح اعمله كمادات وشوربه واشوف ميعاد الدواا ، المهم انتِ عملتي اييه عند راضي ؟؟ فاطمه : ولا حاجه ذي ما روحت ذي ما رجعت ، انا عارفه انه مش ممكن هينصفني ابداً ، قالي لو مش عاجبك خليكي في اوضتك واعملي نفسك مش سامعه اللي براا ده بيته ومحدش يقدر يقوله متجبش اصحابك فيه ، والله يا زينه انا كنت عارفه انه مش ممكن هينصفني ابداً ، ياله انا هنزل اجهز الاكل انا كمان علشان اما يصحى ميتخانقش معايا زينه : روحي الله يقويكي نزلت فاطمه ودخلت غرفتها لتجد عامر مستلقي علي الفراش نائم علي وجهه ملقي بيده الاثنتين علي الفراش لا يشعر بها ، فأقتربت منه توقظه فاطمه : عامر قوم انا اشتريت الفطار والسجاير عامر : هاه ، امم طيب هقوم اهو ، اعملي الشاي وصحيني توجهت فاطمه للمطهي وجهزت الشاي وعادت تنادي عامر ، عامر ياله الاكل والشاي هيبردوا عامر : طاااايب جاي اهوه اعتدل وخرج من غرفته دون ان يغسل وجهه وجلس ليتناول الطعام وهي تنظر له بإشمئزاز لا تستطيع ان تتحدث معه حتي لا ينهال عليها بالضرب ، وبعد ان انتهي قام ليغسل وجهه وبدل ملابسه وتناول سجائره وسألها : معاكي فلوس ؟؟ نظرت له للحظات دون ان تُجيب وفكرت ان ترفض هذه المره ان تعطيه ولكنها سريعاً عادت لصوابها وتذكرت انه سيلقنها درساً كعادته وضرباً مبرحاً فتحاشت غضبه واعطته ما طلب ، أخذ منها أموالها و توجَّه للباب عامر : انا مش جاي النهارده هروح فرح واحد صاحبي وهرجع الصبح متستنيش اتعشي انتِ لو عاوزه ونامي فاطمه : ماشي تنفست الصعداء حين سمعت بعدم رجوعه للبيت في تلك الليله وتوجهت لتجهز طعام العشاء وجهزت مشغولاتها وجلست طوال الليل تعمل حتي غلبها النوم استيقظت علي صوت عامر حين ارتطمت قدمه بقدم المنضده وهو يترنح يميناً ويساراً فأسرعت تتفقد ماذا حدث بالخارج فوجدته وقد ترك باب المنزل مفتوح وألقي بجسده علي الاريكه لا يشعر بشئ توجهت واغلقت الباب وخلعت له حذاءه واحضرت الغطاء وألقت به علي جسده وتوجهت لتتحمم وتؤدي فرضها ثم جهزت الافطار و بدلت ملابسها وأخذت حقيبتها وتوجهت لزينه فاطمه : ياله بيناا علشان منتأخرش زينه : لا روحي انتِ انا مش هقدر انزل النهارده ، كريم تعبان وحرارته عاليه طول الليل وانا كنت سهرانه جنبه ومخلصتش حاجه ، انتِ لحقتي خلصتي الشغل ؟؟ فاطمه : اه خلصت ، امبارح عامر كان في فرح وبايت براا البيت ولسه راجع من شويه فسهرت خلصت ، عموماً انا هنزل علشان متأخرش ، عاوزه حاجه من السوق انا هخلص المصنع وهرجع علي السوق اشتري الخضار اجيبلك معايا حاجه ؟؟ زينه : لا ربنا يخليكي حبيبتي ، انا عندي النهارده اكل مش هعمل حاجه ، هقعد جنب كريم ➷فتون ➶ فاطمه : ماشي سلام انصرفت فاطمه متوجهه للمصنع ، سلمت المشغولات وانتظرت لحين استلام القطع الجديده واستلمت المبلغ وتوجهت للتسوق ، اشترت احتياجاتها ثم عادت للبيت لتجد عامر علي نفس حالته ، دخلت وجهزت الطعام وبعد ساعتين استيقظ عامر واحتسي كوباً من الشاي وتحمم وبدل ملابسه عامر : انا نازل فاطمه : بالسلامه ، هتتأخر ؟؟ عامر : مش عارف لسه هنشوف السهره فين النهارده فاطمه وقد ارتفع صوتها وزادت غضباً : هو كل يوم سهر وشرب لوش الصبح كده ؟؟ اقترب منها عامر وقبضها من شعرها انتِ بتعلي صوتك ليه ، صوتك ده مسمعهوش تاني ، انا حر اعمل اللي يريحني ، سامعه ولا تحبي اسمعك ؟؟ تبكي فاطمه : سامعه ، سامعه ، سيب شعري بقى حرام عليك ترك عامر شعرها وانصرف ، جلست فاطمه في غرفتها تعمل في المشغولات حتي تنتهي وتقوم بتسليمهم في الصباح التالي حتي شعرت بالإجهاد واستسلمت وخلدت للنوم في بيت الدكتور سامي حين دقت العاشره مساءًا سامي : ياله يا صفاا علشان منتأخرش عندنا كذا حاله النهارده صفاا : ماشي انا خلصت اهو ، يا نادره ياله انتِ عشيتي صفي خلاص ونام ؟؟ نادره : ايوه يا دكتوره ، خلاص انا عشيته ونيمته من بدري صفاا : التليفون جنبه مشحون ؟؟ نادره : اه انا اتأكدت انه جنبه مشحون صفاا : طيب ياله جهزي نفسك هنآخدك معانا لأقرب مكان ليكِ الدنيا بتمطر براا نادره : حاضر يا دكتوره ، انا دقايق وهكون جاهزه اسرعت نادره وجهزت نفسها للخروج واصطحبها سامي وصفاا في سيارتهم لأقرب مكان من بيتها ثم توجهوا للمشفي حيث ميعاد مبيتهم الليله في بيت عامر استفاقت فاطمه كعادتها علي صوت عامر يوقظها لتُجهز له الطعام حيث اصطحب قاسم في تلك الليله عامر : قومي جهزي العشاا واعمليلنا شاي الجو برد والدنيا بتمطر براا فاطمه تلك المغلوبه علي امرها توجهت في صمت وجهزت الطعام والشاي ووضعته علي المنضده وكعادته قاسم يتفحص جسدها بنظراته اللاذعه اسرعت فاطمه في وضع الطعام ثم توجهت لغرفتها تستكمل ما تبقي لها من عمل مرت الساعات والمطر يزداد وصوت الرعد وضوء البرق يكاد ان يخترق الابواب المغلقه ، شعرت صفاا بالقلق علي صفي واتصلت لتطمئن عليه وكعادته منذ اول رنين للهاتف اجابها ألو ، ماما صفاا : ايوه يا حبيبي ، اييه اخبارك ؟؟ صفي : كويس يا ماما كنت نايم صفاا : طيب كمل نومك انا كنت بطمن عليك ، كلها كام ساعه وهنكون عندك ، سلام صفي : ماشي يا ماما ، سلام سمع صفي صوت الرعد وأنار ضوء البرق غرفته فأسرع متوجهاً لنافذته ليشاهد المطر وأمسك هاتفه يصور المشهد كعادته ليحتفظ به في بيت عامر انتظر قاسم حتي غاب عامر عن وعييه وقام يتقدم نحو غرفة فاطمه وفتح الباب همَّت واقفه وسألته : انت عاوز اييه وجاي هنا ليه ؟؟ يا عااامر ، يا عاااامر فلم يُجبها عامر واسرع قاسم يمسك بها حتي لا تهرب منه و ألقي بها علي الفراش وانقض عليها كالثور الهائچ .. اخذت تنادي علي عامر ولكنه لا يسمع ولا يشعر بها .. اخذت تصرخ وتستغيث به ليلحق بها وينجدها من ذلك الوحش ولكن صوت المطر والرعد والبرق جعل الناس تختفي من الشارع وتلتزم بيوتها إلي ان يهدأ المطر في الخارج .. انقض عليها ولم يرحمها ذلك المفترس الذي تحين الوقت المناسب للوقوع بفريسته لم تشعر فاطمه الإ وهو فوقها وقد احكم قبضته عليها لكي لا تستطيع ان تهرب من بين يديه .. حاولت ان تفلت منه فتنبهت لوجود المقص علي الكومود الموضوع بجانب الفراش فزحفت حتي أمسكت به وطعنته به في رقبته طعنة شديدة اودت بحياته ثم دفعته من فوقها ليرتمي علي الفراش تسيل منه الدماء التي اغرقت وجهها خرجت من غرفتها لتجد عامر غائباً عن وعيه لا يشعر بها فجلست علي الارض تلتقط انفاسها من التعب لا تستطيع التحرك وقد أغرفت عينيها الدموع .. اقتربت من عامر تجذبه من ملابسه ليستيقظ دون فائده .. تمالكت نفسها وتوجهت للمرحاض تنظف وجهها من دم ذلك الحيوان وعادت تجلس وحيده لا يرافقها سوي الدموع التي اغرقت وجهها .. جلست تفكر ولم تشعر بنفسها الإ وقد فتحت الباب وخرجت للشارع تمشي دون ان تحدد وجهتها فجأه انتبهت إلي انها بجانب محطة القطار في المساء وبالتحديد الساعه الثانيه عشر مساءًا وصل الدكتور سامي للمنزل بصحبة زوجته و التي اسرعت لتتفقد غرفة صفي وتطمأن انه في فراشه توجهت للغرفه وفتحت الباب ونظرت من جانبه ووجدته نائم في فراشه ، عادت واغلقت الباب وتوجهت لغرفتها صفاا : الحمد لله الولد نايم سامي : غيري بسرعه بقى علشان المطر اللي غرقنا ده وجهزي العشاا علشان انا ميت من الجوع وعاوز انام صفاا : حاضر هغير وهجهز علي طول ، انا كمان جعانه جداا ، النهارده كان يوم مجهد جداا ، بس تفتكر الولد هيعيش ، ده نازل تعبان اوي وفي مايه علي الرئه ، ده غير انه اقل من وزنه وضعيف جداا سامي : ان شاء الله حالته تتحسن ويستجيب للعلاج ، لازم يفضل في الحضانه فتره تحت الملاحظه لحد اما يقرب من الوزن الطبيعي مش اقل من شهر علشان يبقى كويس ، ربنا ينجيه صفاا : يارب ، انا هروح اجهز العشاا سامي : ماشي في محطه القطار دخلت فاطمه و جلست علي المقعد بجانب سيده عجوز واذا بالقطار يتوقف امامها السيده العجوز : يا بنتي ايدك معايا ممكن تساعديني .. عاوزه اطلع الشنط القطر فأسرعت لتساعدها وترفع معها حقائبها وامتعتها لداخل القطار وجلست بجانبها وهي شارده الذهن تفكر فيما حدث وما سوف يحدث و فجأه تحرك القطار من المحطه في بيت عامر .. استيقظ من نومه عامر : فاطمه .. يا فااااطمه .. لم تجيبه .. توجه لغرفة نومها ليتفقد اذا استيقظت ام لا واذا به يري قاسم غارق في دمه اقترب منه وها هو قد لفظ أنفاسه الاخيره .. صرخ عامر صرخة عاليه وسريعاً اجتمع الجيران امام الباب واسرعوا في ابلاغ الشرطه وبعد حوالي نصف ساعه حضروا للمعاينه الضابط : مين اللي ساكن هناا ؟؟ عامر : انا يا باشا ومعايا فاطمه مراتي الضابط : ومين ده ؟؟ عامر : ده صاحبي يا باشا الضابط : واييه اللي جابه هنا ؟؟ عامر : انا وهو كنا سهرانين مع بعض امبارح طول الليل كنا بنلعب وشربنا شويه لزوم السهره وبعد كده انا محستش بحاجه غير الصبح .. صحيت و دورت علي فاطمه وملقتهاش ف البيت .. هي اللي عملت كده يا باشا وهربت .. انا معملتش حاجه الضابط : معاك صوره ليها ؟؟ عامر : ايوه يا باشا معايا توجه عامر للغرفه واحضر له صوره لفاطمه واعطاه اياها اخذها الضابط وبعد ان انتهت المعاينه .. امر بالتحفظ علي عامر ونقل الجثه للمشرحه للتعرف علي سبب الوفاه و عاد للقسم وابلغ المختصين بالبحث عن فاطمه بعد ان استلموا صورتها ليتم تبليغ كل نقاط التفتيش علي الطرق قبل ان تتمكن من الهروب ومن هنا بدأت رحله البحث عن فاطمه في بيت الدكتور سامي استيقظت صفاا وتوجهت لغرفة صفي حتي توقظه واذا به يهذي فأقتربت منه لتتحسس جيبنه لتجد حرارته مرتفعه لا يقوي ان يتحرك من الفراش صفاا : يا سامي تعالي صفي تعبان اووي وحرارته مرتفعه قام سامي من فراشه وتوجه لغرفه صفي يتفحصه وطلب من صفاا ان تُجهز الماء البارد لعمل الكمادات وانه سوف يتصل بالصيدليه يطلب احضار الدواء المناسب فقد اصيب بنزلة برد شديده جعلته طريح الفراش اسرعت صفاا في تجهيز الماء وتابعت حالته حتي بدأت ان تنخفض الحراره وانتظر سامي لعدة دقائق حتي استلم الدواء واعطاه الحقن المناسبه في القطار شعرت فاطمه انه بدأ يهدئ من سرعته ويتوقف فنظرت من النافذه المجاوره لمقعدها دون ان يتنبه احد وشاهدت احد الضباط ومعه ثلاثه من العساكر يتوجهون لباب القطار ففهمت انه من المحتمل ان يكونوا اكتشفوا جريمة القتل وبدأوا البحث عنها فأسرعت وتوجهت للمطبخ لتختبأ بداخله واغلقت الباب عليها من الداخل صعد الضابط وعساكره للقطار وبدأ التأمل في وجه الركاب فأسرع يفتح جميع الابواب الموصده حتي اقترب من باب المطبخ وحاول ان يفتحه فلم يستطع الضابط للعامل : ليه الباب مبيفتحش .. في حد جواا ؟؟ العامل : لا يا باشا ده باب المطبخ وبايظ بيقفل لوحده من الهواا والكالون مش بيفتح الضابط : طيب ياله يا ابني انت وهو مفيش حد وهاه هو القدر يلعب معها ويساعدها في الهروب من الشرطه .. ظلت فاطمه مختبأه حتي شعرت ان القطار بدأ في التحرك من جديد وقد استقر الامر بالنسبه لها فخرجت بهدوء وعادت لمكانها بجوار السيده العجوز مره اخري بعد دقائق اقترب منها المفتش يسأل فين التذكره يا حاجه ؟؟ السيده العجوز : اهي يا ابني اتفضل المفتش : التذكره يا آنسه فاطمه : هاه .. مش معايا المفتش : هتتغرمي علشان مقطعتيش التذكره من المحطه السيده العجوز : يا ابني معلش اقطعلها دلوقت المفتش : طيب ماشي معاكي فلوس يا آنسه فاطمه : لا .. مفيش معايا ➷فتون ➶ السيده العجوز : انا معايا تمن نص تذكره خوديهم وكملي يا بنتي والله لو معايا هكملك فاطمه : شكراً يا حاجه .. كتر خيرك المفتش : لازم تنزلي المحطه اللي جايه علي طول مش هينفع تنتظري اكتر من كده متودنيش في داهيه .. بعد محطتين في مفتش هيبدل معايا وبيراجع علي التذاكر ولو عرف ان مش معاكي تذكره هيكتب فياا شكوي وهيخصموا من مرتبي فاطمه : لا لا متقلقش انا هنزل المحطه اللي جايه تذكرت فاطمه انها ترتدي سلسلتها الذهبيه فاطمه : طيب اييه رأيك لو تعمل فياا معروف وتآخد السلسله دي وتقطعلي التذكره بتمنها المفتش : الامر لله بس دي تمنها اكتر من تمن التذكره وانا مش معايا ادفعلك باقي الفلوس فاطمه : انا مش عاوزه حاجه انا بس عاوزه التذكره في المديريه الضابط يبدأ التحقيق مع زينه الضابط : اسمك بالكامل وسنك ووظيفتك ومحل اقامتك ؟؟ زينه : اسمي زينه عبد الرحمن وعندي خمسه وعشرين سنه وساكنه في ........... الضابط : اييه علاقتك بفاطمه ؟؟ زينه : فاطمه صديقه عمري الوحيده من وقت ما كنا صغيرين الضابط : امتي آخر مره شوفتي فيها فاطمه ؟؟ زينه : هي طلعتلي الصبح قبل ما تنزل المصنع وسألتني اذا هروح معاها وانا قولتلها ان الولد تعبان ومش هنزل النهارده ومن وقتها معرفش عنها حاجه الضابط : وتفتكري اييه اللي يخليها تعمل كده ؟؟ زينه : انا معرفش بس كل اللي اعرفه ان جوزها كان بيضربها علشان الفلوس وكان بيآخد منها ويشتري الخمراا ليه ولأصاحبه وكان بيجيبهم عندها البيت وبيسهروا ويسكروا ويلعبوا لحد الصبح وفي اليوم ده المطر كان شديد والجو كان بارد وانا نمت بدري علشان الولد كان تعبان وما صدقت انه هدي شويه .. نمت ومسمعتش حاجه غير الصبح الضابط : اتصلت بيكي من وقت ما مشيت ؟؟ زينه : لا .. متصلتش الضابط : طيب لو اتصلت بيكي تبلغيها ان من الاحسن لها انها تسلم نفسها .. ده هيحسن موقفها كتير في القضيه زينه : حاضر يا باشا .. لو اتصلت هبلغها الضابط : امضي واتفضلي ولو احتجنالك في اي وقت هنبعتلك زينه : حاضر في القطار امتثل المفتش امام توسل فاطمه لكي يأخذ منها السلسال ويعطيها التذكره وبالفعل اخذ السلسال الذهبي ووضعه في الحافظه خاصته وقال في نفسه سأضع انا ثمن التذكره واعطي تلك السلسال لأبنتي عادت فاطمه لمقعدها وقد اسندت رأسها وراحت في ثبات عميق تذكرت ما قد حدث وتذكرت منظر الدماء ووجهه الملطخ فأستيقظت بفزع تنبهت إليها السيده العجوز وسألتها مالك يا بنتي .. انتي كويسه ؟؟ فاطمه : الحمد لله قدمت لها السيده الماء وطلبت منها ان تشرب حتي تهدأ فوجهت لها فاطمه سؤال هو القطر ده رايح فين ؟؟ السيده العجوز : رايح اسكندريه .. هو انتي ركبتي ومش عارفه رايحه فين ولا لمين ؟؟ نظرت لها فاطمه وآثرت السكوت الي ان وصل القطار فطلبت السيده العجوز من فاطمه المساعده في حمل حقائبها حتي تستطيع الهبوط من القطار ومن دون تردد عاونتها في حمل الحقائب وبعد ان هبطت اخذت تتلفت يميناً ويساراً فلاحظت العجوز توترها فأخذت تسألها في حد هييجي يآخدك ولا تيجي معايا يا بنتي احسن ما تمشي لوحدك ؟؟ فاطمه : لأ شكراً يا حاجه قرايبي هييجوا يآخدوني بعد شويه فستأذنت منها العجوز وانصرفت مع ولدها الذي كان في انتظارها اتجهت فاطمه لأحد اكشاك البيع الموجوده داخل محطة القطار لتسأل كيف لها ان تستخدم الهاتف البائع : التليفون بيشتغل بالكارت يا بنتي معاكي فلوس ؟؟ فاطمه : هاه .. لأ مش معايا .. انا اتسرقت في القطر ومش معايا غير باقي الذهب بتاعي بس انا عاوزه اعمل مكالمه ضروي للقاهره البائع : شكلك بنت ناس .. طيب انا هديلك كارت تتكلمي بيه فاطمه : انا مش عارفه اشكر حضرتك ازاي البائع : لا شكر علي واجب يا بنتي .. اتفضلي الكارت واخذت منه الكارت وقامت بالاتصال بزينه ألو : زينه .. ازيك .. عامله اييه و كريم عامل اييه ؟؟ زينه عندما سمعت صوتها انهمرت في البكاء خوفاً عليها وتحدثت قائله : فاطمه .. حبيبتي انتي فين .. اييه اللي حصل معاكي وازاي تعملي كده .. انتي وديتي نفسك ف داهيه .. فاطمه : متخافيش يا زينه ..انا بخير وان شاء الله ربنا هيقف معايا .. انا كنت بدافع عن نفسي .. الحيوان ده كان عاوز يعتدي علياا .. متقلقيش علياا طمنيني اييه اللي حصل من وقت ما مشيت ؟؟ زينه : عامر قالهم ان انتي اللي قتلتيه وهربتي والضابط استدعاني وسألني عليكي وانا قولتله معرفش حاجه عنك وقالي ابلغك لو اتصلي بياا اقولك تسلمي نفسك علشان ده هيحسن موقفك كتير في القضيه فاطمه : طيب طمنيني علي كريم .. وحشني اووي (كريم هو ابن زينه الذي يبلغ من العمر الخمس سنوات ومرتبط بفاطمه بدرجة كبيره جداا فهي دائماً ما تحنو عليه وتدلله لحرمانها من الانجاب ) زينه : كريم بيعيط طول الوقت وبيسأل عليكي وانا مش عارفه اقوله اييه .. بينام لما بيتعب من العياط فاطمه سلميلي عليه وادعيلي .. انا لازم اقفل دلوقت علشان امشي من هنا قبل ما حد يكون شاف صورتي و يآخد باله مني وهبقي اكلمك تاني واطمنك علياا زينه : هستناكي .. خلي بالك من نفسك .. سلام انهت فاطمه الاتصال وتوجهت للخروج من المحطه دون ان تحدد وجهتها يتبع.... فتون