الفصل 22 والأخير
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"22"))♡゙//*
*((و الأخيــــــــــــــࢪࢪ))*
اخر حلقه😭 من قصتكم المحبوبه بكل
ابطالها (جنه الدنيا)ماعدا ابتسام طبعا😂
ويلا نصلى ع الرسول وندخل ع قصتنا ع طووووول
الحلقه ال ٢٢ الاخيره واتمنى تنال اعجابكم لانى تعبت فيها جدا بسبب المفاجاه 😁
بس بقولكم ايه قبل ما نبدء😉الشتيمه حرااام😡
هاله: جنه....يا جنه.......يا جنااااااا
جنه اتفزعت. من النوم وهى بتترعش من الخوف.......و بصيت لاقت نفسها فى أوضتها وعلى سريرها وامها بتصحيها
مامااااا........انتى كويسه......وقعدت تعيط 😭
هاله استغربت حالتها وقلقت عليها ..ااه كويسه الحمد لله
مالك يا حبيبتى فيكى ايه. وبتعيطى ليها كده
ومسحتلها دموعها وحضنتها
بسم الله الرحمن الرحيم ....اكيد شوفتى كابوس
انا هروح أجيبلك ميه
جنه مسكتها بسرعه : لاء خليكى جنبى متسبنيش
ده كان كابوس وحش اوى ..اوى يا ماما😭
بس الحمد لله انه طلع كابوس.. مش حقيقة وانتى معايا وانا لسه فى حضنك😭
هاله: اللهم اجعله خيرا يارب
طب احكيلى شوفتى ايه ... بس سمى الله الاول.
جنه: بسم الله الرحمن الرحيم...... شوفت ااااا
وتليفونها رن......
هاله:اهو رن تانى.... ده انا دخلت اصيحكى من كتر ما كان عمال بيرن كل شويه وانتى مش راحه فى سابع نومه ولا حسه بيه...حطيته بعيد عنك عسا متقلقيش
خدى....شوفى مين اللى عمال بيرن من الصبح عليكى كده
جنه بصيت على الاسم ...واتصدمت😳
وفضلت تغمض فى عنيها وتفتحها ...و تبص على الرقم ومش مصدقه نفسها ...وتبص على الرقم تانى وتبص لأمها ....وفضلت على الحال ده لحد ما التليفون بطل رن
هاله: استغربت : مالك سهمتى كده ليه....ومين اللى كان بيتصل
جنه: دى...ااااا.....دى الاخت ام انس ومسحت بإيديها دماغها وبتحاول تفتكر.... وحسيت انها تايهه
وسألت امها وخايفه من ردها
هو...ااااا...وبلعت ريقها.......هو انا لسه مرفضتش الشيخ محمد ...ولا رفضته
هاله: لسه ....بس ناويه ترفضيه
مش انتى قولتيلى لما صحبتك تكلمك هتقوللها كل شئ قسمه ونصيب
اتنهدت جنه برااااحه وفرحت من جواها وحمدت الله .......الحمد لله......الحمد لله 😊
هاله: خلاص بقا متروديش....هى كده هتفهم لوحدها انك رفضتيه مادام مردتيش عليها
جنه هزت راسها وابتسمت ....ومسكت تليفونها واتصلت
هاله: طب خلاص قوللها انتى.. ميجراش حاجه
بس خلصينا بقا من الموضوع ده وخلينا نشوف اللى جوز خالتك جايبه....ده بيقول عليه شاب إبن حلال
جنه: ابن حلال جدااااا 😏
السلام عليكم ورحمه الله وبركاته اختى ام انس😊
ام انس :و عليكم السلام ورحمه الله وبركاته
ازيك يا جنه يا حبيبتى عامله ايه
جنه:.الحمد لله اختى ام انس بخير
معلش انا كنت نايمه ومسمعتش التليفون
ام انس: يا خبر......انا اسفه جدا انى ازعجتك
خلاص لما تفوقى ابقى كلمينى علشان عاوزاكى
ضرورى
جنه بقلق: لاء انا صحيت خلاص
خير ...عاوزانى فى ايه
ام انس: عاوزاكى تدينى كلمه فى موضوع الشيخ محمد ....اصلهم مستعجلين وعاوزين يسافروا
بكره
وعلى العموم قدامك لحد بالليل تفكرى براحتك وتقوليلى......بس ضرورى الله يباركلك يا جنه
جنه بصيت لأمها وابتسمت ...لاء هقولك دلوقتى😊
هاله : بصوت واطى...شاورت لجنه. جدعه خلينا نخلص👍
جنه: انا موافقه على الشيخ محمد يا ام انس😊
هاله:😡
ام انس بفرحه: بجد ..اللهم بارك 😁مبارك يا حبيبتى .....ده هيفرح اوى وبالذات والدته
لانها حبيتك اوى😁
هاله شاورت لجنه تقفل السكه 😡
جنه: كملت كلامها مع ام انس ......فعلا هى ست طيبه اوى وانا حبتها😊
هاله واقفه متنرفزه ومستنيه تخلص تليفون😡
جنه: خلاص ..بلغى زوجك إنه يخلى الشيخ محمد يكلم صلاح ويتفق معاه على المعاد اللى يناسبهم😊
م انس : ماشى يا عروسه ...وانا هدخل حالا أبلغ زوجى علشان يقوله ويفرحه😁
وإتأكدى يا جنه انك اختارتى صح...والله ونعم الزوج الصالح من كلام زوجى عنه
السلام عليكم ورحمه الله وبركاته حبييتى
جنه: وعليكم السلام ورحمه الله وبركاته😊
هاله بعصبيه: انتى اتجنينتى فى عقلك يا بت انتى😡
هتجوزى واحد اعمى تسحبيه فى ايدك فى كل حته تروحيها
ليه يا بنتى كده..ليه عاوزه تكسرى فرحتى بيكى
حرام عليكى الاقيها منك ولا من مرات اخوكى
اللى منكده عليه ليل ونهار دى😡
جنه: وعلشان كده انا هتجوز الشيخ محمد
يا امى .اهدى بس كده واذكرى الله وانا هفهمك
هاله: بنرفزه: هتفهمينى ايه بس ..طب وجوز
خالتك اللى خد معاد مع الراجل وهيجى
يشوفك يقوله اييييه😡
وخالتك اللى مش هخلص من لسانها وخناقها
معنا وزعلاها منى عشان طلعنا جوز عيل قدام الراجل😡
وفضلت تضرب على رجلها بإيديها
اعمل ايه يا ربى ...حرام عليكى هتموتينى😡
جنه:طب اهدى بس واسمعيني يا امى ...ماهو انا مش هغلط فى الحلم والحقيقة كمان
ومش هشترى شهوة دنيا .. بجنة الدنيا اللى نفسى ادخلها
هاله: تقصدى ايه ..انا مش فاهمه كلامك ده خالص😡 جنة ايه وشهوة ايه
جنه : طب اقعدى الاول وانا هفهمك
هاله بنرفزه: أدينى قعدت اما اشوف احرتها😡
جنه قعدت قدامها على ركبتها على الارض
وكأنها بتتوسل ليها.تسمعها.. ومسكت ايديها
يا امى جنه الدنيا اللى نفسى ادخلها هى
الزوج الصالح... والبيت اللى كله طاعه لله
وذريه صالحه تنفعنا فى الدنيا والآخرة
هى دى جنه الدنيا يا امى بالنسبالى.....واللى هدخلها مع الزوج الصالح اللى دعيت ربنا كتيييير اوى إنه يرزقنى بيه....... والحمد لله....ربنا استجاب لدعائى وبعتلى الزوج الصالح 😊
هاله ساكته ومكشره ومش مقتنعه بكلامها😡
جنه :انا عارفه انك مش مقتنعه بكلامى بس
انا هحكيلك الكابوس اللى شوفته وبعدها ردى باللى قلبك يرتاحله.....اتفقنا
هاله: 😠
وبدأت جنه تحكى الحلم...اللى بالنسبه ليها كابوووس
**********
عزت: مفيش اخبار عن جنه يامه.... متعرفيش رفضت العريس ولا قبلته😔
ام عزت: يا بنى خلاص بقا....حاول تنسى جنه دى وفوق لنفسك ولشغلك
ومن الاخر كده....انت وجنه متنفعوش لبعض
عزت: إكمنها متعلمه اكتر منى يعنى....وايه يعنى العلام🤨انا بقبض احسن من مية واحد مع شهاده😠
ام عزت: لاء مش كده يا فالح......امها كل ما بتتكلم تقول عاوزة واحد حافظ القران ومتدين
انت بقا حافظ القران🤨ده انت بتصلى بالفاتحه
بس.....ده لو صليت كمان😏
عزت: يامه الرب رب قلوب ..وانا والله قلبى
طيب وبيحبها ..ادعيلى انتى بس تكون من نصيبى
ام عزت: أدعى وانا عارفه ان الدعوه مش هتتقبل😏
عزت بغيظ: يا ستى إدعى وخلااااص هو الدعا بفلوس 🤨
ام عزت بصيت للسما ......يارب😒
عزت: هى دى الدعوه اللى قدرتى عليها😠 اختصرتيها....طب يارب ايه .....حددى😠
ام عزت: يا عبيط ربنا عالم باللى فى قلبى ليك
وملكش دعوه انت بس باللى بينى وبين ربنا
وانزل يلا هاتيلى تمن كيلو حلاوه....نفسى ريحلها من الصبح
عزت: حلاااوه😠بقا شايفه ابنك تعبان وانتى عاوزه حلاوه😠ماشى يامه هجيبلك الحلاوه
بس بعدين مش دلوقتي 🤨
ام عزت: بعدين امتى يعنى....وسكتت شويه
وفهمت قصده ..وقلعت الشبشب من رجلها
وحدفيته عليه ....وفتح الباب وطلع يجرى
على بره.....فهمتك يا ابن الناصحه😡
عاوزينى اخوش السجن يا عزت....مااااشى
لما تطلعلى...هتروح منى فين😠
ودخلت شقتها ورزعت الباب وراها من غيظها
من ابنها......
مااااشى يا عزت ......لما تطلعلى
عيل مترباش صحيح😠
**********
ليلى:السلام عليكم ورحمة الله وبركاته
عبير: وعليكم السلام...ها خلصتى المقرأه
ليلى: يا بنتى نفسى انتى وجنه تكملوا السلام لآخره
ده الرد عليه ٤٠ حسنه..وانتو بضيعهم كده
عبير: خلاص والله....أوعدك هقوله بعد كده كله
هاا... خلصتى
ليلى: طبعا خلصت..اومال بذكائك ده هسيب الاخوات واجى اقعد ارغى معاكى
عبير: اه صحيح .....معلش مش مركزه😄
وقفلت مصحفها .... تفتكرى يا ليلى جنه
هتوافق على الشيخ محمد ولا هترفضه
ليلى: بإذن الله هتوافق طبعا...جنه اخت على خير ما شاء الله نحسبها ولا نزكيها
والالتزام عندها الاول فى كل شئ
وتبقى بصراحه خسرانه لو رفضيت الاخ
عبير: ممكن اسألك سؤال يا ليلى من غير ما تزعلى
ليلى: قولى يا حبيبتى....مفيش بينا زعل
عبير: هو الشيخ محمد لو كان اتقدملك انتى
كنتى عملتى ايه ....وبصراحه
ليلى: مينفعش ارد يا عبير ..استغفرى الله
الاخ دلوقتى فى حكم خطيب اختنا فى الله
واللى المفروض نقوله دلوقتى ..هو الدعاء لهما بالخير
عبير: استغفر الله العظيم..بس ولله ده كان
سؤال ومش قصدى حاجه
ليلى : عارفه حبيبتى... بس الاحسن نخلى بالنا
من كلامنا😊
المهم بقا خلصتى وردك من القرآن ولا لسه
عبير بزعل: اسكتى يا لولو لحسن زعلانه من
نفسى اوى..مش عارفه ليه كده بقيت بطيئه
فى القراءه ....وممكن أخلص الجزء على كذا يوم
بدل ما كنت بخلصه فى يوم واحد 😔
ليلى : كذا يوم...ليه كده يا عبير
ده انتى كنتى ما شاء الله عليكى عندك همه عاليه فى العبادة...وكتتى بتشجعى اخوات كتير جدا.
على قراءة القرآن
عبير بزعل: إدعيلى يا ليلى بالله عليكى....لحسن بجد حزينه على نفسى جدااا😔
ليلى: طب صلى على الحبيب الاول واقولك تعملى ايه
عبير: صل الله عليه وسلم......قولى
وانا اوعدك هنفذه على طووول
ليلى: بصى يا ستى...اولا ..شوفى المكان اللى
بتصلى فيه على طول وحطى فيه مصحف
وتقرئى مع كل صلاه اربع صفحات من القرآن
عااوزه تقرئيهم قبل الصلاه ماااشى
بعد الصلاه ماااشى ..صفحتين قبل الصلاه واتنين بعد الصلاه برااحتك
المهم مع كل صلاه اربع صفحات
هتلاقى نفسك بعد صلاه العشاء خلصتى الجزء بكل سهوله😊ها ايه رايك بقاااا
عبير: حلوه جداااا الفكره دى يا لولو ربنا
يجزيكى جنته ..وعريس يااااااارب😄🤲🏼
ليلى: يارب يختى.......طب يلا نقوم بقاا علشان
منتأخرش ..سبحانك اللهم وبحمدك نشهد
ان لا اله الا انت نستغفرك ونتوب اليك
********
ابتسام: اهو نزل يجيب فطار..وقولت اكلمك
واقولك عملت ايه قبل ما يطلع
جبت نتيجه التحليل امبارح بالليل 😠
ام ابتسام: ها طمنينى حصل ولا وزى كل شهر
ابتسام: زى كل شهر😔...ومش عارفه اعمل ايه
ده انا كده هتفضح لو محصلش حمل
ام ابتسام: انتى اللى عملتى فى نفسك كده
حد قالك اكدبى وقولى انك حامل
ابتسام: ما انتى شايفه المشاكل اللى بينا
وكل شويه يهددنى بالطلاق لو متعدلتش معاه
مش عارفه يعنى اتعدل ازاى....هو أنا بعمل حاجه
😡
قولت اعمل نفسى حامل عشان ميفكرش
يطلقنى ..واهى الخطه ماشيه لحد دلوقتى كويس
ادعيلى انتى بس انى احمل الشهر الجاى
وساعتها اعمل انى سقطت ..وحملت بعدها على
طول عشان فرق الشهور ميبانش واتفضح
ام ابتسام: ولو محملتيش يا فالحه....هيبقى العمل ايه ساعتها😏
ابتسام: متقطعيش انتى بس وادعى إنى احمل ومتفضحش
ام ابتسام: ربنا يسترها معاكى وتحملى ياارب
ابتسام: يااارب ..طب انا هقفل بقا لحسن صلاح قرب يجى ... سلام........وقفلت معاها وقامت ولسه بتلف اتفاجئت بصلاح واقف وراها😡
ابتسام اتفزعت:بسم الله الرحمن الرحيم 😳 وارتبكت...ا.ا.ا......هو أنت هنا من امتى😒
صلاح: من ساعه التحليل يا ام الواد😡
ابتسام بخوف جريت بسرعه ورا الكرسى
لا يا صلاح انت فاهم غلط...دااااا.....ده تحليل
بتاع الحمل بطمن فيه على اللى فى بطنى
صلاح بعصبيه: تاااانى......هتكدبى عليا تانى يا بنت ال*** واتعصب عليها ووشه احمر من غضبه
ومسكها من شعرها 😡
ابتسام صوتت من الوجع: ااااه...سيب شعرى حرام عليكى يا صلاح متظلمنيش😭 انت فاهم غلط والله
صلاح: وكمان بتحلفى بالله كدب😡
بصى يا بنت الناس...انا استحملت قرفك كتير اوى.....ده غير طولة لسانك عليا وعلى امى واختى ......وكل ده علشان الحمل الكاذب بتاعك
وقولت بكره ربنا يهديها وتتغير معايا ومع اهلى لما تولد........يا واد اصبر عليها واعمل بأصلك😡
وانتى مفيش فايده فيكى وفى لسانك
ابتسام: ااااه شعرى😭 حرام عليك يا صلاح.....سيبنى بقا
صلاح ساب شعرها ...وزقها بعيد عنه😠
انا فعلا هسيبك ....لانك متستهليش تعيشى بما يرضى الله ......انتى طاالق يا ابتسام...طالق😡
ابتسام بصدمه : اييييييه...انت قولت اييييه
انت بتهزر صح🥺
لاء يا صلاح .....انا مقدرش ابعد عنك
انا بحبك يا صلاح...والله العظيم بحبك😭
وجريت عليه وقعدت تحت رجله
خلاص والله يا صلاح هتغير وهسمع كلامك وهعمل كل الى يرضيك ويرضى اهلك كمان😭
وهصلى الوقت بوقته.....وهلبس الخمار ولو عاوزنى اتنقب كمان انا موافقه......بس متسبنيش
صلاح واقف وابتسام فى الارض ماسكه رجله وبتتوسل له😭
يا صلاح ابوس رجلك😭 انا بحبك ومقدرش استغنى عنك😭
صلاح: بس انا مش بحبك يا ابتسام....واستغنيت 😡
وزقها برجله.. اوعى بقا خنقتينى
وسابها وخرج ورزع الباب وراه
ابتسام انهارت من العياط....لاء يا صلااااح
متسبنيش......صلاااااح ....يا صلااااح😭
ومسكت تليفونها واتصلت
ماااماااا....الحقينى .........صلاح طلقنى😭
*********
هاله بخوف: اللهم اجعله خير يارب
ده انا قلبى اتقبض من الكابوس ده.. ..ربنا يستر
جنه: اومال أنا اعمل ايه يا ماما .....ده انا عيشت فيه وكأنه حقيقى بالظبط
وشوفت ناس عمرى ما شوفتهم فى حياتى
ولا ياسر ده كمان.....ده كان مصيبه
هاله: لاء خلاص يا حبيبتي....سيبك منه
ده انتى لما كنتى بتحكى إنه حاول يدخل الشقه وانتى لوحدك ....واتخيلته بس
قلبى انقبض منه...لاء يختى يغور واللى يزعل يزعل😠
جنه : طب والشيخ محمد😊
هاله ابتسمت لبنتها.....قصدك جوز بنتى😄
ربنا يسعدك معاه يا حبيبتى ...ويطلع زى ما شوفتيه كده واحسن كمان😁
جنه حضنت امها ..ربنا يخليكى ليا يا ست الكل
هاله: ويخليكى ليا انتى واخوكى يارب
صحيح افتكرت ...اما اقوم اتصل باخوكى لحسن قلبى اتوغوش عليه من ام اربعه واربعين فى الكابوس بتاعك ده
على رأى خالتك فى الحلم 😄
جنه: ولا اكتئاب زى طنط ام عزت 😄
جرس الباب....
هاله: اما اشوف مين الاول وبعدين اتصل
فتحت.....واتفاجئت......صلااااح😳
صلاح: السلام عليكم يا امى وحضنها
وغصب عنه عيط فى حضنها 😭
هاله اتخضت عليه......مالك يا حبيب امك..فيك ايه
يا جناااا... تعالى ده صلاح ....مالك يا بنى
هى مراتك زعلتك تانى
جنه: ايه ده فى ايه ..مالك يا صلاح
صلاح قعد ومسح دموعه....انا طلقت ابتسام
هاله وجنه بصوا لبعض واتفاجئوا😳😳
هاله : ليه يا بنى كده...طب كنت تستنى لما تولد
صلاح: بتريقه...تولد ....تولد ايه بس😏دى اااا
وحكى ليهم اللى حصل
هاله بغيظ: يا لهوى على دى بت....هو فى خبث كده😡الحمد لله انها غارت فى داهيه
وانت يا حبيبى متزعلش نفسك
بكره ربنا هيعوضك بالاحسن منها عشان انت ابن حلال
جنه: هو انت ندمان انك طلقتها ياصلاح
صلاح:بسخريه... ندماااان😏
ندمان ايه يا جنه بس ...انا بس صعبان عليا حالى
اللى اتبهدل فى كل حاجه بعد جوازى منها
واولهم التزامى اللى بقيت اتنازل عنه وحده وحده.....وحاسس إنى بقيت بعيد عن ربنا😔
بس كده انا الحمد لله فوقت من كابوس
كان منكد عليا على حياتى كلها
هاله بصيت لجنه ..... وضحكوا 😄😄
صلاح استغرب....بتضحكوا على ايه ..هو انا
قولت حاجه تضحك دلوقتى😠
هاله...احكى يا جنه لاخوكى على اللى شوفتيه
يمكن يضحك معنا على اكتئاب😂
صلاح استغراب: اكتئاب......اكتئاب مين 🤔
**********
الشيخ محمد: الله يبارك فى عمرك يا حبيبى فى الله ..عقبال انس باذن الله 😁
...............
خلاص الله المستعان .. انا هتصل بأخوها صلاح
واحدد معاه الميعاد باذن الله 😊
وجزاك الله خيرا على تعبك معايا جعله الله فى ميزان حسناتك
......................
السلام ورحمة الله وبركاته ..فى حفظ الله
ام محمد: خير يا حبيبى.... طمنى
ابو انس قالك ايه
الشيخ محمد إبتسملها ومتكلمش😊
ام محمد: وشك بيقول ان العروسه وافقت
مس كده😄
الشيخ محمد: هز راسه بفرحه...الحمد لله يا امى
ام محمد حضنته جامد وعيطت ...الف بركه
يا بنى... ربنا يسعدكم ...يا محموووود تعالى بارك لاخوك....العروسه وافقت😄
محمود بفرحه: بجد...مبارك يا شيخنا وحضنه وباس وراسه
الشيخ محمد: عقبال شهادتك الاول يا حبيبى
وبعدين العروسه 😄
محمود: طب ما تخليهم الاتنين مع بعض
الزياده حلوة بردوا😄
ام محمد: شوف الواااد😄مستعجل يتجوز😄
وخدت معاد على امتى كده باذن الله
الشيخ محمد : بإذن الله هتصل بصلاح اخوها
واحدد معاه المعاد........ وقام كبر الله
و سجد لله سجدة شكر ...ودعى
اللهم لك الحمد كما ينبغى لجلال وجهك وعظيم سلطانك😊
اللهم اجعلها خير معين لى على طاعتك
******
صلاح: يا خبر ابيض...ايه يا بنتى الحلم ده
ده ولا الافلام 😂
بس سيبك انتى... انا فرحان اوى منه الحلم ده ومكيفنى الصراحه
جنه استغربت....وليه بقا🤔
صلاح: علشان ضربت ابتسام مرتين
مره فى الحلم...ومره فى الحقيقه
الكل 🤣🤣🤣
التليفون رن...
صلاح..السلام عليكم...وبص لجنه وضحك
اهلا اهلا يا شيخ محمد ..... الف مبروووك😁
جنه☺️
******
رجائى: عملتى ايه مع اختك ...اكدتى عليها
المعاد عشان الباشمهندس مستنى منى كلمه
ناديه: طب إقفل دلوقتى وانا هتصل بهاله واعرفلك الاخبار ...... سلام
واتصلت بهاله......ربنا يهديكى يا جنه وتوافقى
الوووو ..ازيك يا هاله...وحشتينى
اخبارك واخبار جنه ايه
هاله: وانتى كمان يا حبيبتى.......اسكتى
هقولك على خبر هيفرحك اوى😄
ناديه: خبر ايه.......وافتكره موضوع جنه
هاله: صلاح طلق ابتسام😁
ناديه: اييييييييه....يالهوى امتى ده😳وليه
هاله: لسه من شويه.....وليه.....هقولك😁
وحكيتلها اللى حصل
ناديه: يا حبيبى يا بنى .. معلش ربنا يعوضه بالاحسن إن شاء الله
وبينى و بينك اهى غارت فى ستين داهيه
بس طلعت بت سوسه وخبيثه اوى
بقا كانت عامله نفسها حامل عشان تربط الواد جنبها....منها لله البعيده..اهو ربنا فضحها
هاله: أدينا الحمد لله خلصنا منها
هاله: الحمد لله.....المهم ..رجائى لسه متص
بيا وااااا........قاطعتها هاله
بصراحه يا ناديه ومن غير لف ولا دوران
البت ارتاحت للعريس اللى جالها ....ده حتى لسه مكلم صلاح من شويه واتفق معاه على الجمعه الجايه يجوا يتفقوا.ويقروا الفاتحه......معلش يختى .....انتى عارفه النصيب بقااااا
ناديه بزعل: الف مبروك با هاله...ربنا يسعدها
هاله: انتى طبعا هتيجى ومش عاوزه عزومه
ناديه: ايوه طبعا هاجى أومال ايه....ودى عاوزة كلام.....دى جنه بنتى
خلاص ....انا هتصل برجائى واقوله يلغى المعاد مع الباشمهندس ..سلامو عليكو
واتصلت بجوزها وهى خايفه من رد فعله
ربنا يستر وميقلبش عليا
الووو ايوه يا رجائى
رجائى:ايوه يا ناديه ..ها ..عرفتى حاجه
ناديه: معلش يا خويا... مفيش نصيب
اصل البت وفقت على الشيخ اللى جالهم من يومين ده
بس اوعى تزعل نفسك يا خويا عشان خاطرى
رجائى: الله... طب وأنا هزعل ليه بس
ربنا ما يجيب زعل ..ده جواز وكل شئ قسمه ونصيب
خلاص اقفلى لما اروح اقوله ..وابقى باركى لهاله عقبال ما اكلمها ....سلامو عليكو
ناديه: وعليكم السلام.......الف سلامه
الحمد لله ..وانا اللى كنت فاكره إنه هيبهدلنى😁
واد يا خااااالد واد يا اااشرف انتو فيييين يا عياااال
حد فيكم ينزل يجبلى عيش😠
******
ومر يومين وجه الشيخ محمد وامه واخوه وعمه ومرات عمه
واتفقوا على كل حاجه ....وسعاده جنه كانت
متتوصفش....واتفقوا على عقد القران بعد اسبوعين
وبعد اسبوعين اتجمعت الاسرتين والاهل والاقارب لعقد القران
.
.
.
جنه فى اوضتها..مع ليلى وعبير واخوات من المسجد
وبيغنوا بالدف الاغانى الاسلاميه الجميله
والكل فرحان بجنه......
جنه فجاءه افتكرت الحلم ...وبصيت لليلى
وافتكرتها وهى خطيبة الشيخ محمد...وغارت منها لثوانى..😡
اعوذ بالله من الشيطان الرجيم... وابتسمت ☺️
وشدت ليلى وحضنتها...عقبالك يا حبيبة قلبى
عبير بفرحه: خدونى معاكوا فى الحضن الحلو ده يا بنات 😂
والكل كان فرحان بجنه والشيخ محمد
وهاله وناديه وام الشيخ محمد وام عزت
وصلاح وعمه ومرات عمه عم وأولاد عمه
والكل كان فرحان بالجو الاسلامى الجميل
والشيخ محمد وصلاح اتفقوا ان الزواج كمان شهرين
وكل المعازيم مشيوا معادا الشيخ محمد واهله
وجت لحظه دخول جنه للشيخ محمد
علشان يتعرفوا على بعض ويتعشوا سوا
ودخلت جنه وهى مكسوفه ☺️ السلام عليكم ورحمه الله وبركاته
الشيخ محمد: وعليكم السلام ورحمه الله وبركاته يا زوجتى الجميله😊
جنه قلبها ده اول ما سمعت كلامه......واتمنيت فى اللحظه ده بس إنه يفتح ولو لثوانى ويشوفها
وفضلت بصه عليه وهى مش مصدقه نفسها انها خلاص بقيت مرات الشيخ محمد
و اد ايه كانت مشتاقه تقعد معاه من يوم ما شافت الحلم ....وافتكرت الندم اللى كانت حاسه به.....بس خلاص مفيش ندم
الشيخ محمد بقا قدامها .....وحلالها😁
الشيخ محمد قاعد مبتسم والفرحه ظاهره عليه
مبارك يا جنتى 😊
جنه بكسوف: ربنا يبارك فيك يا شيخ
ويجعلك مفتاح لجنة دنيتى اللى حلمت بيها مع زوج صالح زيك😊
االشيخ محمد بتسملها وفهم معنى كلمتها
اللهم اجعلنى كذلك.....ويجعلك ربى الزوجه الصالحه المعينه لطاعته ياااا...واتردد شويه وبعدها ابتسم. ...يا حبيبتى فى الله😊
جنه اتفاجئت بالكلمه ووشها احمر☺
وسكتت من كسوفها☺️
******
بعد شهر من التجهيزات.......
ليلى وعبير مع جنه كل يوم بيشتروا معها باقى جهازها.....وفرحانين بيها وعاوزين يشبعوا منها قبل ما تتحوز تسافر
عبير: هو يعنى كان لازم تسكنوا فى خامس دور كده......الشنط وجعت ايدى
جنه: طب هاتى اشيل عنك شويه
عبير: يعنى انتى ايدك فاضيه اوى علشان تاخدى منى ......المهم اول ما نطلع تخلى طنط تعملنا اى حاجه ساقعه لحسن حاسه إنه جالى هبوط من اللف مع سيادتك
ليلى: لاء يا عبير انا مش هينفع اقعد انا هحط الشنط وهمشى ع طول
جنه: لاء طبعا مفيش الكلام ده....احنا هنتغدى سوا
ليلى: لاء صدفينى يا جنه مش هينفع ...اصل امى ااااا
جنه قاطعتها....اذا كان على طنط ...انا هخلى ماما تتصل بيها وتقولها
عبير: الحمد لله....أخيرااا شوفت باب شقتكم
تعالى يا حبيبى.....انت كنت وحشنى اوى
ليلى وجنه😂😂........ورنوا الجرس
هاله قاعده بتتكلم فى التليفون...
طب معلش ثانيه واحده.......وقامت فتحت الباب
جنه وعبير وليلى.... السلام عليكم ورحمه الله وبركاته
هاله: وعليكم السلام ورحمه الله وبركاته
ماشاء الله ما شاء الله ....عقبال جهزكوا يا بنات😁
جنه : جعانين اوى يا ماما....الاكل جاهز ولا لسه
عبير: بس ميه ساقعه الاول يا طنط الله يباركلك
نتك لفيفتنا المحلات كلها لحد ما ريقنا نشف
هاله: اخس عليكى يا جنه....طب كنتى شربتيهم اى عصير وانتو ماشيين .....قومى يا حبيبتى اشربى من التلاجه جوه فى المطبخ
جنه: اصل ليلى مش بتحب تشرب حاجه فى الشارع.....وطبعا مش هينفع نشرب وهى لاء
احنا هندخل اوضتى بقا علشان نقعد براحتنا
لحد ما تحضرلتا الاكل
هاله: ماشى.....بس ثوانى هخلص التليفون اللى معايا واحضرلكم تاكلوا.......وكملت المكالمه
ايوه يا ام ابتسام.......والله يختى الواد قافل منها قافله سوده ...ولا مؤخذه يعنى.... مش طايق حتى يسمع اسمها
ام ابتسام: طب حاولى معاه تانى معلش
دى زى بنتك بردوا.... البت هتموت نفسها من
العياط عليه.....اصلها بتحبه اوى😔
هاله: مهو كان معها ...وكان يتمنى منها بس كلمه حلوه تفتح نفسه على العيشه معها
ام ابتسام: والله يختى ياما قولتها ونصحتها
بس بردوا انتى الخير والبركه ...فمعلش حاولى معاه تانى
هاله عارفه ان ابنها مش عاوزها ومش طايقها
وحبت تقفل معها الموضوع
اصل بصراحه كده...صلاح هيتجوز الشهر الجاى
ام ابتسام: بصدمه اييييه...هيتجوز😳هو لحق
ده لسه مطلق البت.........وهيتجوز مين 😔
هاله مش ترد تقولها ايه.....هيتجوز ااااااا🤔
هيتجوز صاحبة اخته فى الجامع
ام ابتسام: بزعل: طب يختى الف بركه.😔
صلاح ابن حلال ويستاهل كل خير..سلامو عليكو
ابتسام: كانت جنبها وبتسمع المكالمه
وفجاءه زعقت .....هو مين ده اللى هيتجوز😳
لااااااء.....صلاح ده جوزى اناااااا😡
طب وعزه جلال الله ماهسيبه يتجوز وحده غيرى
ده انا اموته قبل ما يعملها 😡
تلاقى امه واخته العانس هما السبب
طول عمرهم بيكرهونى عشان اتجوزت صغيره وهى قاعده جنب امها😡 انا هقوم وارحله
ام ابتسام مسكتها من دراعها وزعقت فيها
انتى راحه فين .....اهمدى هنااااا😡
ابتسام: سبينى يامه.....سبينى اروحلهم وابهدلهم
خربوا بيتى منهم لله😭
ام ابتسام : مفيش نزووولل😡
ابتسام بصوات وزعيق: لاء هنزل ...سبيييييينى
ام ابتسام مقدرتش تستحمل صوتها...وزقتها على الارض.....إيييييه.......مش هعرف اربيكى ولا ايه
ما انا اللى غلطانه انى دلعتك ....وشوفتى نفسك علينا وعلى الغلبان جوزك
هو مفيش فى جمالك ولا ايه.......يغوووور جمالك ده مع لسانك الطويل😡
بلا قرف..... طبعك زفت .....واسلوبك زفتيين😡
طب ايه رأيك بقا🤨
لو ما اتعدلتى يا ابتسام لوريكى أيام سوده زى اللى عاشها معاكى الواد الغلبان😡
بت تجيب الهم.....انا عارفه عاش معاكى ازاى ده كل الشهور دى.....وسابتها ودخلت اوضتها
ابتسام: صلاااااح..... ارجعلى يا صلاح وانا اوعدك إنى هبقى وحده تانيه 😭بس سامحنى
لاااااء.. استحاله...........استحاله وحده تانيه تاخدك منى
انت بتاعى انا بس ......بتاعى أنا بس
صلااااااح .......بحبك يا صلااااااااااح😭
*****
هاله: بتحضر الأكل فى المطبخ....ودخلت عليها جنه
كنتى بتكلمى مين يا امى ف التليفون
هاله: دى ااااا......وحكيتلها اللى حصل
جنه طب وتكدبى ليه يا امى ونقول فرحه الشهر الجاى
هاله: طب كنت اعمل ايه بس مع امها
مهى كل شويه تتصل بيا وتتحايل عليا ووجعتلى دماغى....... واخوكى دماغه قفلت خلاص وكاره البت......فقولتلها هبتجوز صاحبة اخته فى المسجد.....
جنه سرحت فى كلامها شويه.... وضحكت
طب ما يبقى فعلا فرحه الشهر الجاى معايا
ايه رايك😁
امهااستغربت ..وده ازاى بقا ان شاء الله
جنه: اقولك.....😉
.
.
.
هاله: طب والله ياااريت ...وأهم يقعدوا معايا
يونسونى بعد ما تمشى انتى بالسلامه على بيت
جوزك
وخصوصا كمان بعد ما صلاح باع الشقه بتاعته
علشان يدفع للى ما تتسمى المؤخر بتاعها 🤨
ده غير العفش اللى خديته كله ..الهى ما تتهنى بيه يارب🤲🏼😠
جنه: خلاص يا ماما بقا....مندعيش عليها ..ربنا يصلح حالها
وعلى العموم انا هكلم صلاح الاول واساله واشوف رايه ايه قبل ما اكلمها......ودلوقتى
واتصلت بصلاح .......
صلاح: طب ياريت يا جنه.....هو انا اطول ارتبط بوحده زيها
دى لو وفقت يبقى ربنا راضى عنى وبيعوضنى بيها عن اللى شوفته مع اللى كنت متجوزها
جنه: يعنى مش هترجع تندم
صلاح: اندم.......واندم ليه
جنه: علشان يعنى مش جميله زى ااااا
صلاح: يا جنه انا اتعلمت من اللى حصلى
إن الجمال جمال القلب واللسان الحلو والكلمه الطيبه اللى تحبب الواحد فى عيشته ...وابتسامه تنسى الواحد همومه....مش تقوليلى جمال الشكل🤨
جنه بفرحه: خلاص ....يبقى سيب الموضوع ده عليا وابشر😁
ويالا بقا سلام دلوقتى علشان هنتغدى
وهبشرك بإذن الله...بس ليا الحلاوه😄
وقفلت معاه
وتليفونها رن على طول بعدها
امها ....مين ...صلاح تانى ولا ايه
جنه بضحكه...لاء...ده زوجى العزيز 😄
وخرجت تكلمه بره.......السلام عليكم
الشيخ محمد :وعليكم السلام ورحمه الله وبركاته
وحشتينى اوى يا جنتى
جنه:☺انت اكتر يا حبيب جنتك😁
******
بعد مرور شهر .........
كان فرح جنه على الشيخ محمد 😊
وفرح صلاح على ليلى😁
واد ايه كان يوم جميل والكل فرحان بالعرايس والعرسان .....وبيتمنوا ليهم السعاده فى ايامهم اللى جايه
وفرحتهم هما ببعض كانت احلى حاجه فى الفرح كله 👰🤵....🤵👰
.
.
.
ايام عدت عليهم كلها طاعه وفرحه وسعاده
جنه والشيخ محمد كانت السعاده عنوان بيتهم وجنتهم 🌴🌴🌹
حضور دروس دينيه ...قيام ليل ..حفظ قرآن
صلة رحم ..خروج وفسح مع العيله والمحارم
حياه جميله بطاعه الله😊
ليلى وصلاح: حياتهم متختلفش عنهم
كلها طاعه لله ...ومحبه بينهم هما التلاته وعلاقه هاديه وجميله بين هاله وليلى..علاقة ام وبنتها♥️
و صلاح كان لازم يوميا يسجد لله شكر
على زواجه من ليلى اللى اخدت بإيده من تانى
لطريق الالتزام ...وعلشان كده هى وفقت على جوازها منه
لانها كانت عارفه انه كان ملتزم وحبت تكون
السبب لرجوعه الى الله مره تانيه .... و كانت فعلا ونعمه الزوجه الصالحه المعينه له على طاعة الله
********
بعد مرور سنه ونص.....وفى يوم من ايام رمضان 🌙
الكل متجمع فى بيت هاله
جرس الباب....هاله بفرحه..... دى اكيد جنه
جت من المنصوره هى والشيخ محمد😊
وجريت فتحت الباب بسرعه
حبيبة قلب امها ....... وحضنتها وفضلت تبوس فيها
حمدلله على السلامه ...وحشتينى يا قلب امك
جنه: وانتى كمان يا ماما وحشتينى اووووى😁
هاله: حبيبة تيته...حبيبة تيته....الله اكبر ما شاء الله.....ايه الحلاوه دي.... وفضلت تبوس فيها 💋
الشيخ محمد: احم احم ....نحن هنا يا حماتى😊
هاله: معلش يا حبيبي ....متأخذنيش
اصل جنه كانت وحشانى اوى ...وبنتك خليتنى انسى نفسى😄
إزيك يا حبيبى عامل ايه 😊 كل سنه وانت طيب....نورتوا القاهره
الشيخ محمد: ده نوركوا يا أمى😊
هاله: وازاى الحاجه ومحمود....مش كانوا جم معاكوا وفطرنا كلنا سوا
الشيخ محمد: بيسلموا عليكوا ....بس الحاجه رجلها تعباها شويه ومش هتقدر تسافر
ومحمود طبعا مش هيقدر يسيبها لوحدها
هاله: الف سلامه عليها ....هبقى اكلمها بعد الفطار واطمن عليها.....دى حبيبتى والله
جنه: اومال فين صلاح وليلى
هاله: فى الاوضه جوه بتسمع لاخوكى قران
اصلها بتحفظنا كل يوم نص صفحه ...ويا ويل اللى تلاقيه مش حافظ😂
هاله: انتى هتقوليلى على ليلى...ده انا حفظها 😂
هاله: يا صلاااااح......يا ليلى ااااا.......الجماعه جم
وحشانى اوى يا قلب امك
صلاح خرج من اوضته ...وفرح أول ما شافهم اهلا اهلا يا شيخنا الغالى....كل عام وانت بخير
وحضنه 😊
حبيبتى يا جنه.... وحشتينى اوى ...عامله ايه
جنه: الحمد لله يا حبيبي....وانت كمان وحشتينى اوى
صلاح: بسم الله ما شاء الله 😁
ايه العسل ده .....هاتى حبيبة خالو القمر دى
واعملوا حسابكوا .....أنا هجوزها للواد زياد
خلاص كده انا حجزتها من دلوقتى أهو😄
هاله: سيب يا واد حبيبة تيته فى حضنى شويه
صلاح: بس بسم الله ماشاء الله ... قمر
هاله: طبعا اومال ايه ....طالعه لأبوها
جنه بزعل مصطنع: يعنى انا وحشه بقا ولا ايه 😄
هاله: قمر يختى طبعا...بس الشيخ محمد احلى😁
الشيخ محمد ابتسملها: ربنا يرفع قدرك يا امى
بس اللى قلبى شايفه وحاسس بيه ..انى جنه احلى بكتير 😊
جنه قربت منه ومسكت ايده بحب
طبعا احلى ....علشان انت بس زوجى 😊
صلاح: الله الله ..حلوة الرومانسيه دى اوى يا جماعه......بس نخليها بعد الفطار يكون احسن😄
جنه: انا بقول كده بردوا😄....اومال فين لولو
دى وحشانى اوى ..وحبيب خالتو كمان..هو فين
هاله: قاعده جوه مستنياكى.... انتى كمان وحشاها اوى😁وحبيب خالتو نايم .....وبلاش تصحيه لتندموا إنه صحى من ذنه....انا حذرتكوا 😄
جنه: على قلبنا زى العسل ملكش دعوه انت
واكيد طبعا يا ست لما اتجوزوا معاكى نسوكى جنه حبيبتك
هاله: لاء طبعا...وهو انا اقدر.....بس بحق ربنا
انتو الاتنين غلاوه واحده....وليلى دى حبيبتى هى كمان ....ونعمه ربنا انعم علينا بيها
ومخليا البيت كله بركه 😊
جنه: يا سيدى يا سيدى على الحب.....بس ابقوا افتكروا بقا إنى انا السبب فى الجوازه دى
وعدوا الجمايل😄
صلاح: فاكرين يختى.....ويلا إدخللها علشان مستنيكى على ناااار 😄
جنه: يا لولوووووو 😄
ليلى بفرحه .......جنه حبيبتى 😊وحضنوا بعض
وحشتينى اوى
جنه: وانتى كمان يا حبيبتى وحشتينى اوى 😊
ليلى: ده انا قاعده مستنياكى من بدرى تدخلى
جنه: امى كانت مسكانى بره ونازله فيا احضان وبوس....تقوليش كنت فى موزنبيق😄
ليلى: 😂
جنه: قوليلى صحيح ...متعرفيش حاجه عن عبير
البت من ساعة ما سفرت اختفت .... شكله خطفها😂
ليلى:خطفها ده ايه ... دى هى اللى تخطفه😄
هى لسه مكلمانى امبارح ...تليفونها كان بايظ
واشترت واحد جديد....واتصلت بيكى لقيتك مقفول ....إبقى خدى نمرتها احفظبها عندك علشان هتكلمك تانى
تعالى هنا الاول ....فين دنيا حبيبتى مرات ابنى😄
جنه: هو انتى وجوزك حجزتوا البت
ياعينى عليكى يا بنتى ... اتخطفتى بدرى
وجوزوكى بالاكراه😄
ليلى.:هى تطول.... ده ابنى قمر يختى كله ابوه
ومامتك😄
جنه: بس كان هيبقى قمرين لو كان طلع شبه أمه😊
ليلى ضحكتلها .....وحضنوا بعض😊😊
هاله: من المطبخ........ يا ليلى اااااا
تعالى حطى كوبيات الخشاف على السفره
يا جنه.....خدى العرقسوس وحطى فيه تلج
المغرب خلاص على اداااان يا ولاد
يا صلااااح ..... تعالى خد الاطباق وحطها على السفره......
الشيخ محمد بإبتسامته الجميله والرضا اللى مالى نفسه😊
وانا حماتى مستعد اساعد بس بعد اذان المغرب
صلاح: واشمعنى بقا يا شيخنا لما المغرب يأذن😄
الشيخ محمد: : علشان هدوق الاكل كله واطمنكوا
والله بعرف ادوق كويس حتى إسال جنتى😁
الكل:😂😂😂😂😂
أذان المغرب .....الله اكبر الله اكبر
رددوا الاذان....والدعاء.......وأكلوا البلح
صلاح : ايه يا شيخ محمد.....مش هتعلمنا المرادى
دعاء او حديث او ذكر زى عادتك ولا ايه😁
الشيخ محمد: طبعا حبيبى فى الله....وهقولكم انهارده كنز والله
هاله: طب قول وعلمنا ....ربنا يباركلك يا ابنى
الشيخ محمد:.. روى ابن أبي شيبة رحمه الله في "مصنفه" (29256) بسند صحيح عَنِ ابْنِ عُمَرَ، قَالَ " مَنْ قَالَ دُبُرَ كُلِّ صَلَاةٍ ، وَإِذَا أَخَذَ مَضْجَعَهُ : اللَّهُ أَكْبَرُ كَبِيرًا عَدَدَ الشَّفْعِ ، وَالْوِتْرِ، وَكَلِمَاتِ اللَّهِ التَّامَّاتِ الطَّيِّبَاتِ الْمُبَارَكَاتِ ، ثَلَاثًا، وَلَا إِلَهَ إِلَّا اللَّهُ مِثْلُ ذَلِكَ ، كُنَّ لَهُ فِي قَبْرِهِ نُورًا ، وَعَلَى الْجِسْرِ نُورًا، وَعَلَى الصِّرَاطِ نُورًا ، حَتَّى يُدْخِلْنَهُ الْجَنَّةَ ، أَوْ يَدْخُلَ الْجَنَّةَ )
صلاح: الله اكبر......ربنا يباركلك والله يا شيخ
انا اى حاجه بتقولها بحفظها على طول وبعلمها غيرى كمان ....ربنا يجعلها في ميزان حسناتك
الشيخ محمد: امين يارب....طب يلا بينا حى الصلاه😊
ونزل الشيخ محمد وصلاح صلوا. المغرب
وطلعوا وكملوا فطارهم بين ضحكهم وكلامهم وذكرهم لله😊😊😊😊😊
هاله: بصيتلهم كلهم بفرحه.. وحمدت ربنا على
كرمه فى أولادها ورزقهم ....بالزوج الصالح. والزوجه الصالحه
وجربت معاهم جنة دنيتهم الجميله اللى حكيتلها جنه عنها زمان .... وكلمت نفسها
فعلا يا بنتى زى ما قولتلى زماااان...جنة الدنيا بطاعة الله ❤️♥️
******
فاللهم ارزقنا جميعا جنه دنيتك واجعلنا من اهل طاعتك وذكرك
❤تمت بحمد الله وفضله وتوفيقه لى❤
ومن غير ما اقول هنكمل بكره بإذن الله😔
اتمنى تكون النهايه عجبتكم😊
واللى بيحب ليلى ممكن يزعل او يفرح 😔😊
واللى بيحب جنه اكيد هيفرح😁
المهم إن الطيبين اتجوزوا الطيبات اللى زيهم😊
وانا اتخيلت شكلكم فى اول مشهد ..عامل ازاى
من المفاجاه .... وانه طلع حلم....عملتوا كده صح😳😱
مش هتريحوا ضمريكوا بقا وتقولوا إنى حقا كاتبه مختلفه😎
ولا حد عنده اعترااااااض🤔
واتمنى تكونوا استفدتم من القصه فعلا بكل اللى اتذكر فيها ..... وأسأل الله أن يجعلها فى ميزان حسناتى وحسنات كل من تعلم منها شئ وعلمه لغيره
فاللهم اجعلها فى ميزان حسناتنا جميعا
❤احبكم ف الله❤
ونلتقى فى قصه جديده قريبااااااا
متنسونيش ....انا اختكم جيهان سلامه البارودى
محبه الرحمن ❤️
سبحانك اللهم وبحمدك أشهد أن لا إله إلا أنت أستغفرك واتوب اليك
السلام عليكم ورحمه الله وبركاته
واذكروا الله ☝🏼وصلوا ع حبيبه🌹
*⤶تــــمـــت بحمد الله*
*قࢪأتي الباࢪت يا جميلةة👀؟!*
*متنسيش تحطي ࢪياڪت لطيف يشبهڪ🥰🥰...*