الفصل 21
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"21"))♡゙//*
يالا نصلى ع الرسول وندخل ع قصتنا ع طووول🌷
#جنه_الدنيا_جيهان_سلامه
#محبه_الرحمن
اللهم انا نسألك تقواك وجنتك ورضاك🤲
😁واوعدكم بحلقه مختلفه 😉
الحلقه (٢١)🌹
صلاح قرب من ابتسام وهو مصدوم من كلامها ورفع ايده ......ااااه يا بنت ال....😡
ابتسام حطت ايديها على وشها بسرعه وصوتت
الحقنى يا حضرت الظااابط😱
رجائى جرى على عصام ومسكه ....اهدا يا عصام مش كده يا ابنى ....هتودى نفسك فى داهيه على وحده متستهلش زى دى😡منك لله يا شيخه
متصدقهاش يا حضرت الظابط دى كدابه
والله العظيم كدابه ........احنا مشفنهاش من
الاسبوع اللى فات.....دى بتفترى على مراتى واختها
ناديه بعصبيه: منك لله يا ابتسام.....كانت جوزتك جوازه سوده 😠 اشوف فيكى يوم ....اتحدفتى علينا من أنهى داهيه......انا ايه اللى كان جابنى انهارده بس😠
دى كدابه يا حضرت الظابط ..ما تتكلمى يا هاله ساكته ليييييه😡
هاله واقفه مصدومه من اللى بيحصل قدامها ودموعها على خدها ومش قادره تقول محصلش علشان خاطر ابنها ميروحش فى داهيه
وفى نفس الوقت اختها ملهاش ذنب غير إن
ابتسام بتكرها وعاوزه تنتقم منها وخلاص
الظابط بزعيق: بس منك ليها له .. محدش يتكلم الا بأذنى 😡
وبص هاله.......ايه اقوالك فى التهمه المنسوبه اليكى
هاله: بدموع : اختى ملهاش ذنب يا حضرت الظابط😭
ومكانتش موجوده اصلا امبارح
والممرضه دى كدابه
الممرضه : ا.ا.ا نا مش كدابه 🤨
ابتسام:يالهوى عليكى ....حتى البت الغلبانه بتفترى عليها .....خافى ربنا يا شيخه😠
ناديه قربت منها وزعقت فى وشها....خافى انتى ربنا وقولى الحق😡....ولسه هتمد ايديها عليها من غيظها
رجائى مسكها بسرعه: هتعملى ايه يا مجنونه
انتى كده هتثبتى على نفسك التهمه
اقعدى واصتبرى كده لما نشوف حضرة الظابط
هيعمل ايه.
الظابط بعصبيه : وبعدين معاكوا بقااااا......مش قولت محدش يتكلم الا بإذنى😡
ها يا ست هاله..... قولتى ايه....خلينا نقفل المحضر😠
هاله: اختى ملهاش ذنب يا حضرت الظابط
زى ما قولت لحضرتك ...واااااااا😔
الظابط: وى ايه .....ما تنطقى وخلصينااا😠
هاله بصيت لصلاح😥 وشافت فى عيونه الخوف
وبدون تردد...... انا فعلا اللى ضربتها وبهدلتها يا حضرة الظابط..... وكنت عاوزه كمان اسقطها زى ما قالت😭
ناديه:ضربت بإيديها على صدرها....إنتى بتقولى ايه يا هاله.....إنتى اتجنينتى 😳
صلاح : انتى بتقولى ايه ..لاء يا حضرة الظابط الكلام ده محصلش😥
انا اللى ضربتها .....قسما بالله انا اللى ضربتها
الظابط: هو اثبات للى بتقوله ده
صلاح: لاء مفيش بس اااااا......وافتكر 😧
ايوه ....فى شاهد ..... ....عم رجائى
اتصل بالباشمهندش ياسر خليه يجى يشهد
هاله : متصدقهوش يا حضرة الظابط
هو بس مش عاوزنى اتبهدل ...امه بقا وخايف عليا من السجن
اوعى تتصل بحد يا رجائى 😥
ابتسام قلقت من وجود ياسر 😒
صلاح:بدموع: ليه يا امى .....ليه قولتى كده
حرام عليكى😭
وبص لابتسام: انتى ايه يا شيخه..... شيطاااانه 😡طب روحى وانتى طاااا
هاله مسكت بوئه.بسرعه......أوعى تنطقها يا صلاح
وافتكر اللى فى بطنها يا حبيبى.... انا غلطت لما ضربتها واستاهل السجن
وانت يا بنى سامحنى على اللى عملته فيها
صلاح: بعصبيه ...انتى بتقولى اييييه😡
يا حضرة الظابط ..انا بعترف انى انا اللى
ضربت ابتسام مراتى بالمنظر ده....واقسم بالله
مستعد اضربها تانى وتالت ورابع 😡لانها انسانه متستهلش العيشه بما يرضى الله.....دى وحده زباله وجوزتى منها كانت غلط😡
ابتسام بدموع مصطنعه وخبث: اخس عليك يا حبيبى....يعنى عشان تنقذ امك من السجن
اهون عليك تطلقنى... تسيبنى انا واللى فى بطنى لوحدينا😭
بس مش هقول غير ربنا يسامحك يا صلاح😭
الظابط قاعد ساكت وباصص لكل واحد فيهم
وبيخاول يفهم
ا
بقولكوا ايييييه.....أنا مليش دعوه بكل الكلام ده
أنا ليا دعوه بأقوال المجنى عليها
ومين اللى عمل فيها كده
والباقى بقا فى النيابه لو ثبتت الواقعه عليها
وانتى يا مدام ....حددى اقوالك علشان اقفل
المحضر ....مين اللى ضربك بالظبط 😠
بصراحه.......الكدب خيبه يا حضرة الظابط
انا كان مغمى عليا من الضرب اللى خدته
بس اتخيلت بوحده شبه خالتو بتضربنى
و بصراحه مش متأكده.......فحرام الظلم وحش
.وهسحب اقوالى ان خالتو ضربتنى 😒
الظابط: فهم انها كدابه.....اممممم
ده اخر كلام عندك
ابتسام: اه يا باشا ... اخر كلام
حرام ....الظلم وحش زى ما قولت لحضرتك
الظابط: .خلاص يا بنى ..اقفل المحضر على كده
رجائى : الحمد لله.....وبص لهاله
بزعل
ليه بس كده يا هاله... انتى كده وديتى نفسك فى داهيه
ناديه حضنت هاله وفضلوا يعيطوا هما الاتنين
😭😭 اشوف فى يوم يا ابتسام...... منك لله
ربنا ينتقم منك
لاء يا هاله قولى الحقيقه عشان خاطرى 😭
هو راجل يستحمل البهدله
هاله: يعنى اكدب يا ناديه. وأودى ابنى فى داهيه
لاء يختى انا اللى ضربتها يا حضرت الظابط زى ما فولت من شويه ...ومستعده اسلم نفسى دلوقتى
الظابط : تمام .......وشاور للعسكري
خدها يا بنى على البوكس
صلاااح: مسكها من ايديها ودموعه مغرقه وشه
لااااااا..... مش هتروح فى حته....ولو حد هيروح يبقى اناااااا😥
وبص لابتسام..انطقى وقولى الحقيقه......خافى ربنا 😡
ابوس ايدك يا امى قولى انتى كمان الحقيقه
انا بموت .....خرام عليكووو😭
رجائى : اهدا يا بنى مش كده.... ..احنا هنروح وراها ...ونتصل بالباشمهندس ياسر يجى يشهد وبإذن الله هتخرج معنا
العسكرى أخد هاله على البوكس
ناديه بصيت لابتسام ومتغاظه منها....و لسه هتقرب ....مسكها رجائى بسرعه
هتعملى ايه بس ....احنا مصدقنا انك طلعتى
منها...امشى قدامى يالا علشان نلحق اختك
ناديه شاورت بإيديها على دقنها
طاااااايب يا ابتسام ...انا وانتى والزمن طوييييل
وخرجوااااا..........
ابتسام: بضحكة خبث : .حلو مشهد الذل اللى كان معروض دلوقتى ده😄 يلا فى ستين داهيه كلكواااا
ولسه يا ابن هاله هوريلك.. ..عشان تعرف تمد ايدك عليا كويس🤨
*********
جنه صحيت على جرس الباب ...وافتكرتها امها ولسه هتفتح......افتكرت غلطت امبارح
وبصيت الاول من العين السحريه...وفتحت بسرعه
ليلى: السلام ورحمة الله وبركاته يا حبيبتى
جنه من قبل ما ترد السلام.... رمت نفسها فى حضنها وفضلت تعيط ..وفضلت ليلى تطبطب عليها
وغصب عنها عيطت هى كمان على شكل جنه
وبعد شويه بدأو الاتنين يهدوا ...🥺🥺
ليلى: خلاص بقا يا حبيبتى اهدى... الحمد لله انك بخير
انا اول ما صحيت جيتلك على طول
وجبتلك فطار كمان معاياا علشان نفطر سوا
جنه: مليش نفس .... انا كنت خايفه اوى يا ليلى
وكل ما عينى تغمض احلم بكابوس ...اقوم بسرعه وارجع اخاف تانى😭
ليلى: خلاص يا جنه بلاش .....ارفضيه ما دام خوفتى منه اوى كده
جنه: عندك حق ....ياسر ده مينفعنيش خالص
تخيلى يا مؤمنه جايبلى بيرفيوم وبيقولى
رشى منه وخلينى اشم ريحته من ورا الباب
شوفتى الفتنه والذنب اللى كان عاوزنى اقع
فيهم.......بجح اوى
ليلى: اللهم اغفر لنا وله......ربنا يصلح حاله
ادعيله بالهديه بدل ما ناخد ذنب إننا بنغتابه
جنه:: ادعيله بالهداااايه😡ده يا بنتى خلانى اشوف ليله كلها رعب وكوابيس... حسبى الله ونعم الوكيل 😭
ليلى: خلاص انسيه وشليه من دماغك خالص
جنه: لاء يا ليلى ..مش هنسى الا لما احط حد للموضوع ده😡
ليلى: هتعملى ايه يعنى
جنه: هتشوفى.....ومسكت تليفونها واتصلت
ياسر بفرحه : معقول...انا مش مصدق نفسى
اصحى على صوت جنتى حبيبتى😁
عقبال ما اصحى على الوش الجميل ده
شكلك غيرتى رأيك وعاوزانى اجيلك ....مش كده😄
جنه: بحده : لاء طبعاااااا😡تيجى فين
ولو سمحت ياباشمهندش ...الموضوع اللى بينا ده تنساه خالص......😡
ياسر بصدمه: يعنى ايه.....مش فاهم🤨
جنه: يعنى بعد موقف امبارح اللى حصل منك
اتضح ليا إننا مننفعش لبعض..وكل شئ قسمه ونصيب😡اظن كده فهمت
ياسر : يا جنه انتى فهمتينى غلط ولله العظيم
انا كنت جاى علشاااان
جنه: علشان كنت عاوز تنتهز الفرصه ان امى
واخويا مش هنا وتتهجم عليا...مش كدا 😡
ياسر: لاء طبعا. مش كده.
جنه: اومال كنت حاى ليييييه😡
ياسر: بصراحه كده.....انا كنت بختبرك
جنه: بصدمه: اييييه..بتختبرنى😳
ده على اساس انى وحده من الشارع وشاكك
فى اخلاقى زى اللى بتعرفهم😡
بقولك ايه يا باشمهندس..... الموضوع كده خلص خلاص..... وإزازة البرفان اللى كنت جايبها
هبعتهالك مع عم رجائى......والورد هيترمى فى الزباله 🤨 مقام اللى جايبه
ورقمى ده تمسحه من تليفونك... واياك تفكر تتصل بيا تااانى........انت فاهم
ياسر اتعصب من كلامها😡
اتصل بمين يا بيئه انتى واهلك ...انتى مش شايفه انتو عايشين فين وعشيتكوا عامله ازاى ....ده انتو شحاتين😡
ما فى ستين داهيه...هو انا ناقص خنقه
وكل شويه وحلال ...وحرام....ويجوز وميجوزش
وكفايه مرات اخوكى اللى تعر الواحد ...بلا قرف
وخليكى كده على رأيها....عاااانس ومش لاقيه كلب يبصلك😡وقفل السكه فى وشها
جنه 😳........وبصيت لليلى
ومش مصدقه نفسها من صدمتها فيه
ليلى كانت سامعه المكالمه ...واتضايقت علشان جنه
ليلى: ولا يهمك يا حبيبتى من كلامه......هو كان يطول اصلا يرتبط بيكى... ده من غيظه بيقول كده والله يا حبيبتى
جنه منهاره ....وكلمت نفسها:😭
كل اللى بيجرالى ده بسبب رفضى للشيخ محمد. انا واثقه من كده😭كان فى ايدى الجته
وللاسف سبتها.....ودخلت النار برجلى😭
وبصيت على ليلى ...واتمنيت تكون مكانها
(خطيبة مع الشيخ محمد )😭
ليلى: مالك يا حبيبتى.....سرحتى فى ايه كده
جنه: مسحت دموعها......مفيش يا ليلى
الحمد لله على كل حال 😥
ليلى بتحاول تغير الموضوع .....
بقولك ايه...ما تقومى تلبسى وتروحى معايا عند عبير
جنه باستغراب: ليه ......مالها عبير
ليلى: مالها.ايه يا بنتى..... عبير خطوبتها انهارده
على الكابت ماجد ...انتى نسيتى ولا ايه 😄
جنه: ايوه صح ..ده انا كنت ناسيه
ربنا يتمملها على خير 😞
ليلى :بصى....احنا نفطر الاول وننزل نصلى الجمعه وهى هتقابلنا فى المسجد.....ونروح بعد كده معها على البيت
جنه: ماشى ...بس هتصل بخالتو الاول فى المستشفى علشان اطمن على ابتسام
هى قالتلى هتروحلهم وزمانها هناك دلوقت
ليلى: طب ما تتصلى بطنط او صلاح
جنه: اصل ماما وصلاح نسيوا تليفوناتهم هنا
من امبارح...........واتصلت
ناديه ردت بحزن : الو....ايو يا جنه😞
جنه: ايوه يا خالتو.... حضرتك وصلتى المستشفى ولا لسه......اصل كنت عاوزه اكلم ماما
ناديه ساكته 😞
جنه: الوو...خالتوو....سمعانى
ناديه: ايوه يا جنه سمعاكى😞
جنه بقلق: مالك يا خالتو..فى ايه ..هى ابتسام جرالها حاجه ...ولا البيبى جراله حاجه
ارجوكى طمنينى
ناديه : الله يخربيتك ابتسام على معرفتها السوده
ياريت ربنا يخودها كنا ارتحنا...منها لله البعيده 😡
جنه:بدأ تقلق أكتر ....وليلى متبعه نظراتها بقلق ب وبتشاورلها بإيديها .....فى ايه
جنه : يا خالتو ارجوكى فهمينى حصل ايه
هو صلاح ضربها تانى
ناديه ساكته ومش عرفه تقولها ايه😞
جنه غصب عنها اتنرفزت: ف اييييه يا خالتو 😡
انتى بسكوتك ده بتقلقينى اكتررر😡
طب إدينى ماما اكلمها
ناديه : امك اااا😭 يا حسرة قلبي عليكى يختى
جنه: بزعيق : خالتووووو.......هو فى ايييه
انا اعصابى تعبت.خلاااص.....ماما جرالها حاجه
ناديه : المخفيه ابتسام حسبى الله ونعم الوكيل فيها.....اتبلت على امك إن هى اللى ضربتها
وكانت عاوزة تسقطها
جنه:.تصدمت😳 انتى بتقولى اييييييه😭
وماما فين دلوقتى
ناديه بدموع: امك فى القسم محبوسه يا جنه😭
حنه : قسم😳😭
التليفون وقع من ايد جنه من صدمتها
ليلى : فى ايه يا جنه ... مالها طنط...طمنينى
جنه بإنهيار : ماما......ماما يا ليلى😭
*******
صلاح: اتصلت يا عم رجائى بالباشمهندس ياسر
رجائى : انا قولت يا ابنى استنى شويه يكون
صحى من النوم براحته..اكمنه بيحب يسهر
صلاح بنرفزه: يصحى ايه وزفت ايه😡
امى فى الحبس يا عم رجائى وانت تقولى يصحى براحته😡
رجائى : طب اهدا يا صلاح يا بنى...مش كده
انا هتصل بيه أهو..........واتصل
الووو.... صباح الخير يا باشمهندس
ياسر بنرفزه: ..افندم ..فى حاجه😡
رجائى استغرب اسلوبه معاه: لاء ابدا
اصل صلاح كان عاوز حضرتك فى موضوع ضرورى
ياسر افتكر انه بيتصل علشان يعتذر عن اللى عملته جنه
ياسر: طب هاتوا ..اما نشوف عاوز ايه راخر 🤨
صلاح: الووو...ايوه يا باشمهندس
معلش بس عاوزك تيجى دلوقتى ضرورى فى قسم النزهه...بس الله يخليك بسرعه
ياسر استغرب: قسم النزهه.......ليه
هو فى ايه حصل
صلاح : اصل إبتسام ااااا.....وحكاله اللى حصل
وعاوزك بس تشهد انى امى ملهاش ذنب
وانا اللى ضربتها ....وكل اللى حصلها ده كان بسببى
ياسر اتضايق من طلبه......ولسه هيرفض😡
فكر شويه انه ممكن يشوف جنه هناك
ماشى يا صلاح... ..انا جايلك حالا 🤨
القسم قريب منى ومش هتأخر
صلاح:: الله يباركلك يا باشمهندس...بس بسرعه اللى يباركلك
رجائى : هو كان متعصب ليه
صلاح: ولا كان متعصب ولا حاجه...كان بيتكلم عادى
رجائى: اصله اتعصب عليا وانا بكلمه
ورد عليا باسلوب وحش....وده مش عادته معايا
صلاح: لاء..بالعكس كان عادى خالص
متحطش فى بالك يا عم رجائى.... تلاقيه لسه صاحى من النوم ومش فايق
رجائى : جايز 😏
واتفاجئوا بجنه داخله عليهم وهى منهاره ومعها ليلى 😭
صلاح قام جرى عليها.....جنه ....جيتى ليه
ومين اللى قالك بس ... وحضنها وطبطب عليها
جنه منهاره وبعياط..... ..فين ماما يا صلاح 😭
صلاح: ماما بخير يا حبيبتى ..متقلقيش
الباشمهندس ياسر جاى دلوقتى وهيشهد انها معملتش حاجه.. وانا اللى ضربتها
جنه: يعنى ايه يا صلاح........يعنى ماما تخرج وانت تدخل ........حرام.كده........حراااااام😭
منها لله ..حسبى الله ونعم الوكيل فيها😭
ليلى بتحاول تهديها .....بس يا حبيبتي اهدى واذكرى الله كده .....قال تعالى
( الا بذكر الله تطمئن القلوب)
جنه: لا اله الا الله 😭امى يا ليلى.....امى😭
ياسر دخل القسم وبيدور عليهم ...
صلاح ورجائى شافوه جريوا عليه 🏃🏃
صلاح: اهلا يا باشمهندس.....انا مش عارف اشكرك ازاى على مجيتك دى
ياسر: ولا شكر ولا حاجه يا صلاح....ده واجبى 🤨
صلاح: طب يالا ندخل للظابط الله يباركلك
وإشهد باللى حصل علشان امى تعبت اوى من امبارح وعاوزها تروح على بيتها
ولسه هيدخل للظابط ..عينه وقعت على جنه
وفضل باصص عليها وهى منهاره😭
وكان مستنى منها تقدر إنه جه يشهد
وتجرى عليه وتعتذرله 😠
صلاح: باشمهندس.......يااا باشمهندس....انت واقف عندك بتعمل ايه
ياسر: ايوه انا جاى اهو .....ودخل للظابط
هاله خرجه من الحبس مع العسكرى
وداخله اوضة الظابط........شافتها جنه وجريت عليها .......مامااااااا😭
واترمت فى حضنها وانهارت 😭ليه يا ماما
ليه عملتى كده😭
هاله بدموع: عشان اخوكى يا جنه....اخوكى هيتبهدل😭
ناديه: قولى الحقيقه يا هاله....انتى مش اد الحبس وبهدلته
جنه: يا ماما ابوس ايدك قولى الحقيقه😭
انا مش هقدر اعيش من غيرك😭
هاله: مش هقدر يا جنه ...قلبى مش مطاوعنى😭
العسكرى بعصبيه: يلا قدامى وكفايكوا رغى
.هتأذى بسببكوا.😠.....وشد هاله ودخلها
مكتب الظابط.......واتفاجئت بياسر وفهمت
إنه جاى يشهد ......وحزنت على ابنها😥
ياسر بص لهاله....🤨
الظابط: اسمك وسنك وعنوانك
ياسر: ياسر عبد الفتاح.....سنى ٣٢ سنه وساكن فى ........
الظابط..استاذ صلاح بيقول انك كنت حاضر
الوقعه ..وشوفت اللى حصل ...ممكن تحكى بالظبط شوفت ايه
ياسر: ايوه يا فندم ..كنت موجود فعلا
واللى حصل بما يرضى الله...اااا
وفجاءه ...افتكر كلام.جنه وإهانتها له🤨
اللى حصل إن مدام هاله هى اللى ضربتها
فعلا.....وكانت عاوزة تنزل البيبى🤨
هاله اتصدمت من شهادته.😳....وفى نفس الوقت ارتاحت علشان خاطر ابنها طلع منها😥
خرج ياسر وكلهم جريوا عليهم 🏃🏃
صلاح: هاااا يا باشمهندس ...قولت الحقيقه
ياسر بص لجنه: طبعا....اومال انا جاى ليه🤨
هاله خارجه من المكتب والعسكرى ماسكها
جنه جريت عليها واختها ناديه وليلى
صلاح: هى امى رايحه على فين....هو مش خلاص
وبص لياسر بتسأول ... هو انت قولت ايه للظابط
ياسر بص لجنه بإستحقار🤨
ادخل اسأل بنفسك وانت تعرف ... ولبس نضارته
ومشى
ناديه: ايه ده......هو ماشى على فين ده
الحقه يا رجائى واعرف هو قال ايه للظابط
العسكرى ماسك هاله وبيشدها
صلاح: هيخدوكى على فين تانى يا امى😥
هاله بنظرة رضا: الحمد لله يا حبيبى انك طلعت منها
ياسر اعترف انى انا اللى ضربتها😥
الكل بصدمه....... ايييييييييه😲😲😲😲
صلاح جرى ورا ياسر قبل ما يخرج من القسم ومسك في هدومه😡
انت قولت ايييييييييه للظابط😡
ياسر: نزل ايدك😠لإما اقسم بالله هعملك محضر تعدى.....انا قولت اللى حصل...ولا عاوزنى اشهد زور😠...وسابه ومشى🚶
جنه فهمت ياسر عمل كده ليه فى امها
وحسيت بالذنب😭وصرخت
لاااااااااااء...أمى لاااااااااااااء 😭أمى لااااااااااء
ووقعت على الاض.....وحاولت ليلى وناديه يمسكوها.....جنه....جنااااا
هاله شافتها وهى بتوقع ....شدت ايديها من العسكرى وجريت عليها وهى بتصرخ
جناااااااا.......جنااااااا........جنااااااا😭
********
ونكمل بكره بإذن الله ومستنبه رأيكم فى حلقة انهارده واتمنى تكون عجبتكم ❤️
رايكم فى ياسر يا ترى ايه انهارده 🤔
وتفتكروا كل الاحداث دى بسبب رفض جنه للشيخ محمد 🤔.....هستنى رأيكم
واذكروا الله وصلوا ع حبيبه 😍🌷
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*