الفصل 19
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"19"))♡゙//*
.يالا نصلى ع الرسول وندخل ع قصتنا ع طوووول😊
#جنه_الدنيا_جيهان_سلامه
#محبه_الرحمن
بشكركم على تعليقاتكم الحلوه اللى بتسعدنى❤️
فاللهم وفقنا لهداك 🤲واجعل عملنا فى رضاك
الحلقه (١٩)🌹
ابتسام: الله الله ....متجمعين عند النبى ان شاء الله😡
وبصوت عالى وبعصبيه...هى فييييييين
فيييييين العاااانس اللى مش لاقيه كلب يبصلها
صلاح قام جرى عليها... وبدون ما يشعر وبكل الغل اللى فيه منها 😡
مسكها من شعرها ....ونزل فيها ضرب بالإيد والرجل ......ما تتلمى بقااااا يا شيخه
قرفتينى فى حياتى ...وكرهتنينى فى عيشتى
منك لله 😡
هاله وجنه جريوا عليه بسرعه وحاولوا يمسكوه
وياسر قام وبيحاول يشده بعيد عنها
هاله شدت ابتسام من ايده بالعافيه......وبصوت عالى.......ما خلاص بقاااا يا صلاااااح
خلاص عشان خاطرى
ابتسام فضلت تصوت: بقا بتضربنى يا ابن هاله
بتضربنى بسبب امك😭امك العقربه اللى مسلطاك عليا هى واختك العاااانس اللى عاوزه تخرب بيتك وتجوزك واحده عانس زيهاااا😡
اتاريك قاعد هنا ومبلط وسايبنى اخبط دماغى فى الحيط 😭
ما انت مش راااااجل ..انت دلدول امك واختك
صلاح بصيلها بغيظ ......ومحسش بنفسه بعدها
وفلت من ايد ياسر وبكل غيظ وغل
ضربها فى بطنها بالرجل ....طب اهوووووووو
مش ده العيل اللى مصبرنى عليكى وعلى قرفك
اهوووو.وو...اهووووو.... وفضل يضرب فيها ومحدش قادر عليا
هاله بصوات: يا لهوووى ..امسكه يا ياسر
هيموت البت فى ايده
ابتسام بتصوت وجنه بتشد فى اخوها
وبتزعق فيه
خلااااص بقا يا صلاح.......حرام عليك كفايه
علشان خاطرنا انا وماما كفايه
صلاح: شوفتى بتقل ادابها عليكو ازااااااى😡
هاله: يا سيدى تقل براحتها... احنا مسامحينها
سيبها بقااااااا😠
خدوه يا باشمهندس بعيد عنها اللى يباركلك
وانتى قومى تعالى معايا جوه ....كفاينا فضايح بقا
ابتسام بعياط: وهو انا كنت عملتلكوا حاجه
يا عالم يا ظالمه عشان تسمحونى 😭
صلاح ضرب كف على كف😡يخربيتك.......هو انتى لسه فيكى نفسى تتكلمى 😡
طب اعمل فيها ايه دى دلوقتى
اموتها واروح فيها فى داهيه😠ولا اعمل اييييه
ياسر: استهدى بالله كده يا صلاح
وتعالى ندخل البلكونه
هاله: ربنا يباركلك يا ياسر خدوا من قدامها
دلوقتى ...وانتى قومى تعالى افردى ضهرك جوه عشان الحمل😠
فيها ايه لما تلمى لسانك ده شويه وترحمى نفسك من الضرب......كنتى هتموتى فى ايده😠
ابتسام: ربنا يجيبلى حقى منك يا صلاااااح يا ابن هاله😠
هاله: ماتسكتى شويه بقا وارحمى نفسك انتى واللى فى بطنك من الضرب
ابتسام وهى بتقوم مع جنه وهاله
منكم لله يا بوعاده هتموتونى انا والبت قصدى الواد😭
هاله بصيت لجنه واستغربوا وسكتوا😒😒
ابتسام بتقوم من على الارض وهاله بتسندها مع جنه.........هاله بصيت على الارض وصرخت😱
الحقنا يا صلاااااح😲
*******
عزت: ايه ده .....انتى واقفه ليه كده ولازقه
وشك فى الباب....بتبصى على ايه
وايه الصوت ده....هو فى ايه عند خالتى ام صلاح
اوعى كده اما اخرج اشوف
ام عزت: استنى يا واد لما ابص من العين السحريه الاول واشوف هيحصل ايه تانى...واقعد اترزع هنا مفيش خروج😠
عزت: طب اشوف فيه ايه ومالهم بيصوتوا ليه كده.....ده انت صحيت على صوتهم
لتكون جنه جرالها حاجه
ام عزت: لاء يا خويا اطمن ..مجرلهاش حاجه😏
تعالى وانا اقولك فى ايه
وقعدوا......على الكنبه ..وحكتلوا اللى سمعتوا
عزت: بقا كل ده يحصل ومخرجتيش تشوفيهم
وتحوشى عنهم واقفه بتتفرجى عليهم من العين السحريه ...حرام عليكى يا شيخه😠
ام عزت: حرمت عليك عيشتك ...يعنى اخرج
عشان ضربه تيجى فيا بالغلط واروح فيها😠
اااه ما انت نفسك فى كده عشان تاخد الشقه
وتتجوز فيها ...لكن ده بوعدك🤨
قاعده على قلبك 😝
عزت: طب والله العظيم انتى ظلمانى...بعد الشر عليكى يامه.....هو انا ليا غيرى
بس يعنى كنتى خرجتى وحوشتى بينهم
انتى كبيره واكيد صلاح كان هيعملك خاطر
ام عزت: كبيييره ....كبيره ده ايه ياواد 😠
إنت مالك انهارده لسانك بيحدف طوب كده ليه
قال كبيره قال...ده انا بس اقول يا جوااز
وهتشوف .....هتلاقى العرسان قد كده
ومش بعيد اجيبلك اخ كمان يدخلك الجيش😏
عزت: جوااااز.......واخ
اااه..... بأماره ما انتى خلفتينى بالعافيه بعد ١٥ سنه جواز من ابويا الله يرحمه
ام عزت: عوجت بوئها😏بلا نيله ...خلفة الندامة
عزت: بس بردوا عيب ميصحش....انا هخرج اشوف فى ايه.....الناس كويسين معنا
ام عزت: طب تصدق بالله ...انا فرحانه فى البت اكتئاب دى
عزت: انتى سمتيها إكتئاب🤣بس تصدقى فعلا مش لايق عليها ابتسام خاالص ...إكتئاب احلى😂
وفتح الباب وخرج......وخبط على باب هاله
وفتحتله جنه
عزت فرح أول ما شاف جنه....😁
ازيك يا جنه...عامله ايه.
انا فرحان اوى انك انتى اللى فتحتيلى😁
جنه بخنقه: عاوز ايه يا عزت دلوقتى انا مش فاضيلك😠
عزت: كنت جاى اطمن عليكو... اصلى سمعت
زعيق وصوات عندكوا.. ..هو فى ايه
جنه: معلش مش هينفع اقف اتكلم معاك لوحدى
لما يرجع صلاح وماما يبقوا يحكولك
عن اذنك.....وقفلت الباب
عزت بغيظ: ايه الكبسه دى😡 ماشى يا جنه
أنا غلطان إنى سألت😠
ودخل لقى امه واقفه ورا الباب وبتضحك🤣
عزت بغيظ: هو انتى بتضحكى على ايه😠
على فكره دى كلميتنى حلو اوى ..دى حتى كانت عاوزانى ادخل وانا اللى مرضيتش عشان مفيش حد جوه 😒
امه بصيتله: 😏
عزت: شكلك مش مصدقانى ...طب اندهالك تقولك بنفسها🤨
ام عزت بتريقه: مصدقك طبعا يا حيلة امك
عزت: طب انا نازل ...عاوزه حاجه
ام عزت: اااه ..هاتلى معاك كبسه...اصلى نفسى
رحيتلها من شويه 🤣
عزت بغيظ: طب وربنا ما انا جايب.. هه😡
ونزل ورزع الباب وراه
ام عزت قعدت تضحك على كسفة ابنها
ينيلك يادى الواد....ضحكتينى ومليش نفس اضحك 🤣
****
علياء:ما انتى اللى عبيطه ..ياما قولتلك شغليه
وكلميه على طول......خليه ينشغل بيكى وانتى زى
الطوبه ولا بتسمعى كلام اختك ابدا😠
اومال انا وقعت نادر اخوه ازاى ..ماهو بكده
علا: ما انا عملت كل اللى انتى قولتي عليه ده
وبردوا مفيش فايده...بيقفل معايا فى الكلام
وحاسه انه مش شايفنى ولا حاسس بيا كأنى هوا
قدامه🥺
طب بقولك ايه ..ما تكلمى ابيه نادر يقوله عليا يمكن مش واخد باله منى
علياء: أبيكى نادر يا حلوة فاهم كل حاجه
وساكت...ده حتى امبارح كان بيلمحلى إنه
عارف إنى نفسى اجوزك لياسر ..وعملت نفسى
مش واخده باللى
علا: طب والعمل ايه دلوقتي 🥺
علياء: مفيش غير إنك تخلى ماما تعزمه على الغدا او العشا ...وتظبطى معها هتعملوا ايه معاه
وانتى وشطارتك بقا
ياريتنى كنت فى القاهره...كان زمانى جوزتهولك وخلصنا
علا: ما انتى اللى سفرتى اسكنداريه بمزاجك
وابيه نادر قالك خليكى وانا اجيلك خميس
وجمعه... إنتى اللى مرضتيش
علياء: طبعا مرضاااش..هو انا هبله اسيبه لوحده
تانيه تاخدوا منى ..انا مش عبيطه زيك
يالا بقا اسيبك دلوقتى ولما ترجع ماما من النادى
ظبطى معها وقوليلى. ..بس المهم بسرعه قبل ما يطير منك لحنه بتاعته دى😏
علا: اطمنى .....اختك ناصحه😁
علياء: انتى هتقوليلى😏
******
عصام: مبروك يا ليلى يا حبيبتى.....بس هتوحشينا لما تتجوزى وتسافرى المنصوره
ام ليلى: لااااء ..ما انا هتفق معهم تيجى تزورنا
كل خميس وتبات معنا وتمشى السبت
ليلى: و ظبطتى كمان المعاد يا امى 😄
عصام: يا حاجه كل واحده على حسب ظروف جوزها......فبلاش تعملى حماه من اولها كده
الراجل طيب وغلبان 😄
ام ليلى بزعل : اخس عليك يا عصام
انا حماه بردوا 😞
طب إسأل مراتك كده....دى لما بتيجى بشيلها على راسى هى وابنك......واختك أهى شاهده على كلامى
عصام: من غير شهود يا حاجه ...أنا عارف
بس متزعليش منى.....اللى حصل منك انهارده ليها مكانش يصح...
ليلى: هو حصل ايه انهارده....ايه ده صحيح
هى أسماء مجاتش معاك ليه
انا قولت انها هتيجى معاك بالليل ما دام مجاتش الصبح
عصام: بزعل: إسالى امك......انا ماشى عاوزين حاجه
ام ليلى: استنى هنا يا واد ..ايه اللى ماشى ده
مش تصبر لما نتفق هنروح امتى المنصوره الاسبوع الجاى
ليلى : قوليلى بس الأول...ايه اللى حصل بينك وبين اسماء خلاها متجيش
ام ليلى: طب انا هشاهدك يا ليلى...وانتى اسهدى بالحق🤨......وحكيت ليها اللى حصل
ها ..ابقا غلطت فى ايه انا بقا🤨
عصام واقف عند الباب وحاطط إيده فى جيبه
ردى يا ليلى بالحق وقولى مين اللى غلطان
ليلى:بصى يا امى ...بصراحه كده ومن غير
زعل...حضرتك غلطتى واتسرعتى فى حكمك
عليها......هو بيقولك عمار منيمهاش الا الفجر
وراحت كمان عليهم نومه ..يعنى ده دليل على
انها كانت تعبانه ومحتاجه ترتاح......واسماء بصراحه خدومه جدا...وبتحبك وبتقدرك
ام ليلى: يووووو...يعنى انا اللى مش بحبها
طب والله أنا بحبها زيكوا بالظبط😠
وكنت عاوزاها تيجى بدرى وتقعد معنا
وتساعدنا ...وقولت كده لاختك سهام بردوا
يعنى كلهم عندى زى بعض
عصام: على العموم حصل خير ...بس معلش
عشان خاطرى.. ابقى كلميها وراضيها وخليها
تيجى معنا المنصوره
ام ليلى اتعصبت.......اكلم مين يا واااااد😡
إنت اتجننت ولا ايه ...هو مين الكبير فينا
ليلى: خلاص يا عصام سيب الموضوع ده عليا
وبإذن الله هيتصلحوا قبل مشوار المنصوره
ام ليلى: صلح ده ايه انتى كمان....ده مش هيحصل ابداا.......دى لازم هى اللى تيجى وتبوس الايد قبل الراس كمان...قال اصالحها قال
اهو ده اللى ناقص😏
ليلى: مش حضرتك يا امى بتحبى النبى صل الله عليه وسلم
ام ليلى: عليه الصلاه والسلام.....طبعا
بس ايه اللى دخل ده فى ده دلوقتى
ليلى: علشان حبيبنا المصطفى علمنا فى الحديث
[ قال رَسُولَ اللهِ صلى الله عليه وسلم : «لَا يحلُّ لمسْلِمٍ أَنْ يَهْجُرَ أَخَاهُ فَوْقَ ثَلاَثِ لَياَلٍ يَلْتْقَيِاَنِ فَيُعْرِضُ هَذَا وَيُعْرِضُ هَذَا وَخَيْرُهُمَا الَّذِي يَبْدَأُ بالسَّلَامِ» (رواه البخاري؛
ام ليلى: عليه الصلاه والسلام......يعنى ايه
ليلى: يعنى يا امى مينفعش تخصميها اكتر من ٣
ايام .....تكونوا هديتوا فيهم وينفع تتكلموا بهدوء
وتقدروا تعتبوا بعض ....لكن اوعى تقطعي علاقتك بيها... ده اللى فيه حرمانيه
وعلى فكره.....الاجر كبير عند ربنا للى يبدأ فيكم بالسلام الأول 😊
عصام:وفرى كلامك يا ليلى.دى امك وانا عارفها
سبيهم بقا هما يتصرفوا مع بعض ..انا ماشى
ام ليلى : واد يا عصام...استنى
عصام بزعل : نعم 😞
ام ليلى : تعالى يا واد أما اقولك...مش قادره اقوم
دخل عصام ووقف جنبها ..نعم
ام ليلى: خوشى يا ليلى هاتيلى اشرب عشان عطشت فجاءه😒
ليلى فهمت امها وضحكت : حاضر
طب تحبى اروح اجيبلك الميه من النيل نفسه 😄
ام ليلى بزعيق: امشى يابت مشش فى روكبك😠
وطلعت من كيسها فلوس......خد يا حبييى
فلوس التليفون اللى وعدتك بيهم اهم
عصام بزعل: لاء خلاص ..مش عاوز ..انا هجيب
واحد صغير يكون فلوسه على ادى
ودول خليهم لجهاز ليلى...وادعيلى ربنا يرزقنى
واقدر اساعد معاكى فى جهازها
ام ليلى: طب وعزة الله ما يحصل ابدا
بقا ابنى يمسك تليفون صغير ...خد يا واد
الفلوس وحطها فى جيبك...وملكش دعوه انت
بجهاز اختك ..فلوس جهازها موجوده والحمد
لله من الجمعيات اللى بعملها واشيلهم على جتب
وخلاص بقا متزعلش ..طالع لأبوك زعله كان
وحش بردوا...... الله يرحمه بقا
عصام :الله يرحمه....و باس راسها
دايما انتى كده بتغلبينى بحنيتك دى فى الاخر😊
انا ماشى بقا عاوزة حاجه
ام ليلى : ااه استنى...بت يا ليلى
هاتى العلب الملفوفه اللى على رخامة المطبخ
ليلى خرجت بيهم : اتفضلى يا امى
عصام: علب ايه دى
ام ليلى: دى فيها حتيتين جاتو من بتاع العريس
على حتيتين جلاش ...على خرطيتين مكرونه وفرخه صغيره كده تكولها مع ابنك
عصام ضحك: ابنى بس...😄
على العموم ماشى ...تسلم ايدك.....سلامو عليكو
ام ليلى وليلى وعليكم السلام..
ابقا طمني عليك لما توصل ..ربنا يسترلك طريقك
وقفلت الباب وراه
وبصيت لقيت ليلى بصيلها
ام ليلى: ايه يا بت بتبصيلى كده ليه
مش ابنى بردوا زيكم ولا ايه
ليلى فضلت بصيلها وساكته
ام ليلى : ما انا عارفاكى مش هخلص منك انهارده
هاتى التليفون اما اكلمها واطيب بخاطرها وامرى لله ....خلينى انا احسن منها عند ربنا
ليلى: ايوه كده 😄
ربنا يباركلك يا امى ..و بإذن الله حضرتك كده اخدتى الاجر😊
ام ليلى: الووووووو.........ايه يا بت يا اسماء
مجتيش مع عصام ليه😏
ليلى😄
********
جنه قعده قلقانه ومل شويه تتصل بصلاح مقفول ......واتصلت بأمها وبردوا مقفول
واتفاجئت بتليفوناتهم محطوطين على التربيزه
جنه: بنرفزه: طب اطمن عليهم ازاى انا دلوقتى
بس😠........وافتكرت ياسر
واترددت قبل ما تجيب الرقم..... وكلمت نفسها
طب وفيها ايه يعنى لما اتصل بيه واطمن عليهم
ما انا مش عارفه اوصلهم ..وهو معاهم دلوقتى
يبقى مفيش غيره اتصل بيه..... .يارب سامحني
ودورت على الرقم وسط الارقام الوارده..واتصلت
ياسر: بفرحه: معقول ..جنتى بتتصل بيا😊
انا مش مصدق نفسى وربنا
جنه ارتبكت ا.ا.ا..السلام عليكم
ممكن اكلم ماما او صلاح لو سمحت... اصلهم نسيوااا
ياسر قاطعها فى الكلام : انتى بتبررى ايه بس
يا جنتى
انتى تتصلى فى اى وقت .. أنا تحت امرك😁
بس تعرفى انك وحشنينى اوى
جنه لقيت نفسها فجاءه ارتعشت ومش عارفه تتكلم....وقفلت السكه فى وشه....استغفر الله العظيم استغفر الله ...استغفر الله
وفجاءه تليفونها رن برقم ياسر...وفضلت بصه على الرقم من غير ما ترد.....لحد ما بطل رن....
ورجع رن تانى.....وكلمت نفسها بحيره
اعمل ايه بس دلوقتى يا ربى.....انا عاوزه اطمن عليهم
انا هرد وخلاص.... ولو قال كده تانى هزعقله
وزى ما تيجى تيجى بقا...ومسكت التليفون
وفتحت من غير ما تتكلم
هاله: الوووو
جنه ردت على طول
ايوه يا ماما ..طمنينى عليكوا.. وابتسام عملت ايه
هاله: الحمد لله يا حبييتى ..البت محصلهاش
حاجه الحمدلله ..ربنا عالم بينا يا بنتى
جنه : بنت ...مش كانت بتقول واد
هاله: ما ساعات الأشعة بتطلع غلط
المهم انهم هما الاتنين بخير
جنه: الحمد لله ...طب هتيجوا امتى
هاله : هنشوف الدكتور هيقول ايه وهتصل اقولك
جنه: هتتصلى منين بقا ان شاء الله...انتى وصلاح نسيتوا تليفوناتكم هنا
هاله: احنا كنا فى ايه ولا فى ايه
ما انتى شوفتى شكل الدم اللى كان مغرق الدنيا خضنا كلنا ازاى
ولولا الباشمهندس ياسر الله يكرمه
خدنا بعربيته اوام كان ممكن تموت هى واللى فى بطنها......بس ربنا عالم باخوكى ونيته الطيبه
جنه: الحمد لله..طب لو عرفتوا تكلمونى تانى
انا صاحيه مش هنام .... السلام عليكم
وقفلت معها ولقيت بتفكر فى كلام ياسر
وابتسمت ..واستغربت نفسها
هو انا ليه فكرت فيه فجاءه كده
ايه يا جنه ......ايه اللى انتى بتفكرى فيه ده
استغفرى.........استغفر الله العظيم 😔
التليفون رن برقم ياسر وافتكرت امها اتصلت تانى .......وفتحت بسرعه
ايوه يا ماما . .عرفتى هتيجوا امتى
ياسر: لو عليا .....اجيلك دلوقت طاير 😊
جنه اتخضت ورميت التليفون من ايديها
ياسر: الووو....الووووو....جنه ..الوووووووو😠
*******
ناديه : بغيظ...طيب يا هاله لما اشوفك
كل ده متتصليش وتطمنينى
رجائى : يا وليه نامى بقا ...ما خلاص العروسه
للعريس والجرى للمتاعيس
ناديه: انت كده مش بتهدينى .انت كده بتولعنى 😠
رجائى : لا بولعك ولا بطفيكى ...انتى والعه من الصبح لوحدك
ناديه بغيظ: وانا هتغاظ منهم ليه يعنى....كان عندى بت ومش لاقيه اجوزها .....بقولك ايه
يا راجل انت....نام احسنلك عشان شغلك 😠
رجائى : بكره الجمعه اجازة.. ..اللى واخد عقلك
ناديه بنرفزه : ماشى يا هاله انتى وعيالك
لو اشوفكوا دلوقتى قدامى ...كنت طلعت غيظى فيكوا كلكوا😡
رجائى : طب اتصلى وريحى نفسك
ناديه: وهو انا كنت هستناك تقولى ..انا اتصلت
بهاله وصلاح و مقفولين هما الاتنين.
وجنه كانت مشغوله
رجائى: خلاص بقا .....نامى والصباح رباح
ناديه : على رأيك ..وانا هقعد أهرى وأنكوت فى
نفسى ليه....ما اللى يتجوز يتجوز😠
رجائىبتريقه: ايوه كده يا عقله...ربنا يكملك بعقلك
ناديه بصيتله بغيظ: رجاااائى.....نااااااام 😠
*********
عصام: سلام عليكم
اسماء : وعليكم السلام......ايه يا عصام التأخير ده
كله ....إنت بقالك يجى ٣ ساعات ماشى من عند امك......روحت فين كل ده
عصام: كنت بشترى ده 😁وطلع علبة التليفون من الكيس
اسماء : الله ...ده حلو اوى ما شاء الله 😁
الف مبروك يا حبيبى...حافظ عليه بقا
عصام :دى الحاجه الل يباركلها اديتنى فلوس ونزلت جبته على طول قبل ما الفلوس تطير
وهرمى المكسر اللى فى ايدى بقا
ده الواحد كان بيبقى فى نص هدومه وهو ماسكه
اسماء: اهو نفعك بردوا .......وفين علب الاكل اللى امك بعتتها معاك ....اوعى تكون نسيتهم وانت راكب
عصام: لاء يختى متخافيش..على السفره بره
بس ايه ده ..انتى عرفتى ازاى انى معايا علب
اسماء : مهى امك كلمتينى وراضيتنى😁 وقالتلى بعتلك اكل مع عصام
عصام: طب ولله امى دى زى العسل ومفيش اطيب من قلبها
ربنا يصلح الحال كده على طول بينكو عشان ارتاح انا بقاااا
اسماء: طب احكيلى ....حصل ايه انهارده
واتفقتوا على ايه🤔
*********
ابتسام:نايمه على سرير المستشفى وجسمها
ووشها متبهدلين من الضرب
الممرضه بتركب واقفه جانبها بتركب المحلول
ابتسام : معاكى تليفون لو سمحتى... اصلى
عاوزه اعمل مكالمه ضرورى
الممرضه: ااه إتفضلى.....اتكلمى براحتك
واستنيت لما الممرضه خرجت ..واتصلت
ابتسام:الوووو...قسم الشرطه
...............
انا عاوزه اقدم بلاغ تعدى بالضرب لحد ما كنت هموت ساعتك😭
................
اسم المتعدى عليا اااااااا.........وفكرت شويه وابتسمت بخبث😁
الاسم ااااااااااا
******
ونكمل بكره بإذن الله ومستنيه رأيكم في حلقة انهارده واتمنى تكون عجبتكم ❤️
تفتكروا ابتسام ناويه ع ايييييه🤔
ودعواتكم للشيخ محمد وليلى يتمم ليهم ع خير وميحصلش حاجه😒
وياترى جنه هترتاح لياسر......تفتكروا🤔
واذكروا الله وصلوا ع حبيبه💗
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*