الفصل 17
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"17"))♡゙//*
يااااالا نصلى ع الرسول وندخل ع قصتنا ع طوووووووول😘😘😘
#جنه_الدنيا_جيهان_سلامه
#محبه_الرحمن
اللهم انا نسألك تقواك 🤲 وجنتك ورضاك🤲
الحلقه (١٧)🌹.
.
اولا .....بشكركم ع تعليقاتكم الجميله اللى بتسعدنى كل يوم يا اجمل متابعين.....احبكم في الله ❤️ويلا ع الحلقه
اسماء: الووو....صباح الخير يا طنط
هى الساعه كام دلوقتى
ام ليلى:صباحك زى العسل يا حبيبتى
الساعه ٧.....هو انتو لسه نايمين ولا ايه
أسماء عضيت على شفايفها بغيظ😡
يا طنط حرام عليكى....ده انا نايمه خمسه الفجر من الواد😠
ام ليلى : يختى متزعليش نفسك اوى كده
وانا كنت اعرف منين يعنى....خلاص نامى براحتك......يلا اقفلى😠
اسماء : يا طنط إستنى بس....والله غصب عنى ..مخدتش لسه كفايتى من النوم😠
وعصام كلها ساعتين ويصحى واحضرله الفطار
ام ليلى: طب خلاص روحى كملى نومك
ولما تصحى إبقى كلمينى..علشان عاوزاكى
ضرورى.........متنسييييش🤨
اسماء حاااضر مش هنسى........مع السلامه
ورميت نفسها على المخده...الله يسامحك يا حماتى ....صحتينى من احلى نومه😴😴
صوت ابنها ......اهئ اهئ😭
اسماء بنرفزه: يختاااااااى.....ناام يا واااد لحسن اقوم اكلك حتة علقه 😡مش هلاقيها منك انت وستك على الصبح
عصام قلق على زعيقها وكلمها وهو مديها ضهره
ومالها ستو يا اسماااااء😠
اسماء بنرفزه،: صحيت على تليفونها وانا كنت لسه يدوب مغمضه عينى من ابنك😠
عصام: طب بطلى لوكلوك على الصبح ونامى
لحسن يبقى يوم من أوله مش حلو 😠
وإنتى فاهمه بقا
اسماء: ماهو اليوم باين من اوله اهو
وزعقت فى ابنها......نام يا وااااد😠
عمار: اهئ اهئ...اشب بووو😭
اسماء بنرفزه.......حااااضر😠
ما هو انا مش هنام انهارده شكلى كده😠
وبصوت واطى وبغيظ
الله يسامحك يا حماتى..صحيتى البيت كله😠
*********
عزت: صباح الفل يامه......ايه ده انتى بتفطرى من غيرى ولا ايه
ام عزت بصيتله ورفعت حواجبها وعوجت
بؤئها😏 ومردتيتش عليه وكملت فطار
عزت: امممم......مادام ملامح وشك اشتغلت كده
يبقى فى حاجه ...خير يامه على الصبح🤨
ام عزت: بقا يا واد اقولك امبارح سيب ال ١٠٠
جنيه اللى خدتهم من ام جنه ..الاقيك مشيت
من غير ما تسيب ولا مليم.....أوري وشى للست ازاى انا دلوقتى😠
عزت: ماهو بصراحه كده...اينعم رضا الام من رضا الوالدين
بس انتى ساعات بيبقى ليكى حركات كده مش تمام ...وبتاخدى الفلوس فى جيبك وأرجع ادفعها تانى 🤨
ام عزت بعصبيه:قطع لسانك 😠 ده امك معروفه فى الحته كلها بعزة النفس والكرم... ومليش فى
التحشير ونقل الكلام 😠
عزت: لاء يا شيخه..😂
ام عزت: 🤨
عزت حس انها زعلت من كلامه ...وقعد جنبها وباس ايديها...طب خلاص متزعليش
بس انا اللى هديهم لحماتى بنفسى المرادى🤨
ام عزت: لمين يا حيلة امك
عزت: لخالتى ام صلاح.......حماتشى😁
ام عزت: 🤣🤣🤣
عزت : هى ايه ماسورة الضحك اللى انفجرت مره واحده دى ..انتى فطرتى ايه ع الصبح🤨
ام عزت: يو كتك ايه......ضحكتينى ومليش نفس اضحك ع الصبح🤣....قال حماته قال 🤣
عزت: طب هتشوفى🤨...انا خلاص نويت اكلم
صلاح أول ما أشوفه
ام عزت: أهو جوه من امبارح يا فالح
عزت: بجد.....وعرفتى ازاى😳
ام عزت: من جزمته المركونه قدام باب الشقه
وكل شويه ابص من العين السحريه الاقيها زى
ما هى
عزت بتريقه: وملكيش فى التحشير خالص مش كده😂
ام عزت: ولا اطيقه بعيد عنك😒
عزت: خلاص....اخبط عليهم قبل ما انزل واكلمه
بالمره قبل ما يمشى
ام عزت: ماااخلاااااص....خدها الغراب وطار 🤣العريس جاى انهارده عشان يحددوا معاد الفرح
🤣
عزت: فرح ايه.....وعريس ايه😡
لاااااء...جنه دى بتاعتشى انا ومحدش هياخودها منى 😡
ام عزت: وطى صوتك الجعوره ده شويه وإهدى كده.....وسيبك من البت جنه دى خالص واسمعى كلامى
انا لاقيتك عروسه احلى من جنه مليون مره
عزت : عروسه مين دى 🤔اعرفها
ام عزت: عز المعرفه....البت ست ابوها بنت دسوقى الفكهانى😁واهو ناخد الفاكهه منه ببلاش
عزت: ياااااارب....يارب صبرنى على امى😡
ست ابوها مين بس يامه الى عاوزه تجوزهالى
ده انا لسه شايفها امبارح بتجرى ورا العيال بالطوب
وكمان اسمها ست ابوها ..ودى لما احب ادلعها اقولها ايه.....يا ستو انا😡
الله يسامحك يامه ..ضيعتى جنه منى😠
وسابها ودخل الحمام
ام عزت: مش هتفطر يا وااااد .......انت يا ولاه
عنك ما رديت....اكمل انا فطارى
انا باخد علاج ومحتاجه غذا😏
*********
هاله: كلت ده ايه ......طب والله لانت واكل دى من ايدى...... تعدمنى
صلاح: بعد الشر عليكى...يا امى مينفعش تقولى كده........هاتى.... بس متحلفيش تانى
الحمد لله......تسلم ايدك يا ام صلاح
ده انا بطنى اتمليت على الاخر ومبقيتش قادر اخد نفسى
من ساعه ما جيت لحد دلوقتى وانتى عماله تزغطى فيا 😃
هاله: الف هنا وشفا يا حبيبى ..يعنى كلت ايه يا حسره....ده الاكل زى ما هو
صلاح: كل ده وكلت ايه...ده انا زمانى تخنت يجى اتنين كيلو.على ايدك 😂 وبص فى ساعته
يدوب كده البس واروح الشغل
هاله قامت جابتله الشراب....خد يا حبيبى
شرابك غسلتهولك امبارح
صلااااح أخده منها وشمه ... الله
ايه الريحه الحلوه ده😁
وباس إيديها ..ربنا ميحرمنيش منك يا امى
هاله: ولا منك يا حبيب امك
ها... هتيجى على هنا ولا هتروح على بيتك الاول
صلاح: للاسف هروح البيت الاول علشان اغير هدومى واقابل الراجل اللى جاى انهارده ده
انا كنت عاوزه اخليه يجى الحد.....بس هو اللى شكله مستعجل و قالى بكره....فااتحرجت منه وقولتله تنور اتفضل
هاله: يا خويا خلينا نخلص بقا من الموضوع ده
ومعلش عشان خاطرى ابقى راضى مراتك
وتعالى على نفسك شويه ...عشان خاطر امك
يا حبيبى
صلاح: كل ده واجى على نفسى شويه🤨
ده انا جيت شويااات مش شويه
المهم ..اجيبلكم ايه وانا جاى
هاله: لاء يا حبيبى متتعبش نفسك
انا هنزل كده كده السوق وهجيب اللى انا عاوزاه.....انا قولت مش هعمل اكل زى المره اللى فاتت
خالتك شكلها كده مش هتيجى هى وجوزها معاه زى المره اللى فاتت
شكلهم اتقمصوا وزعلوا من كلامك......بس بردوا هتصل واقولها تيجى وخلاص علشان مترجعش تقول متصلتيش بيا وتزعل اكتر
صلاح: طب محتاجه فلوس
هاله: لاء يا حبيبى معايا الحمد لله....خد انت بقا المرادى منى
صلاح : لاااااء بتعملى ايه ..مستوره والحمد لله
هاله: تعدم امك يا صلاح لو ممديتش ايدك
وخدتهم منى😠
صلاح: تاااانى بردوا بتحلفى .. ماقولتلك بلاش الكلام ده
بعد الشر عليكى.....وعلى العموم هاتى يا ستى علشان متزعليش
ايه ده .. دول ٥٠٠ جنيه ..لاء انا هاخد ٢٠٠ بس وخدى انتى الباقى
هاله:والله ابدا ......ولا احلف تانى🤨
الحمد لله ربنا فرجها وام ليلى بعتتلى الجمعيه
الصغيره اللى كنت دخلتها معاها
ويلا علشان متتأخرش على شغلك... ربنا يسترلك طريقك ...الف سلامه
صلاح:امين يارب.....وباس راسها
الله يسلمك ......سلام عليكم
هاله : وعليكو السلام ورحمه الله وبركاته
وقفلت الباب وراها وكلمت نفسها بزعل
يا عينى عليك يا بنى... معاكش غير ٤٠ جنيه فى
جيبك وبتعزم عليا لو عاوزه حاجه
خسارة فيها طيبة قلبك 😞
*********
ليلى: صباح الخير يا امى ☺️
ام ليلى: صباح الفل يا عروسه 😁
ايه بقا اللى مصحيكى بدرى كدااااا
ليلى فرحت بالكلمه واتكسفت☺️
مش ورانا لسه تنفيض الشقه وعمايل الاكل
وهما هيجوا على المغرب فيدوب الحق اخلص
ام ليلى: ما انا قولت لسهام تيجى تساعدك فى
الشقه وهخلى اسماء تيجى تساعدنى فى الاكل
ليلى: ليه بس تتعبيهم يا امى ..ما انا هعملها
لوحدى ..و هخلص واساعدك
ام ليلى : يختى مفيهاش حاجه ...ايد على ايد تساعد بردوا
المهم قوليلى.......... هتلبسى ايه انهارده
ليلى: هلبس لبسى العادى ...الاسدال والنقاب والعبايه
ام ليلى : ضربت ايديها على صدرها...هتقعدى
يوم فتحتك بالاسود قدام الراجل😠
ليلى زعلت من كلمة امها وحطت وشها
فى الارض والحزن بان على وشها 😞
ام ليلى: يقطعنى يابنتى....والله ما اقصد
ليلى: بعد الشر عليكى يا امى......بس ياريت
متقوليش الكلمه دى تانى...و ابقى خلى بالك
لتقولى حاجه قدامه هو اهله من غير قصد
ام ليلى: لاء لاء لاء...هو انا عبيطه ولا ايه
ليلى: طب هقوم اغير هدومى واشوف اللى ورايا
ام ليلى: ماشى....وابقى شغللنا حاجه كده فرايحى نهيص عليها.....خلينا نفرح😁
ليلى:انا هشغل سوره البقره
ام ليلى: بقولك حاجه نهيص عليها ....🤨
ليلى: يا امى انا هشغل سوره البقره احسن
قال الحبيب صل الله عليه وسلم
«اقرؤا سورة البقرة فإن أخذها بركة وتركها
حسرة ولا تستطيعها البطلة» (مسلم: 804)،
والبطلة هم السحرة يا امى ....فخلينا نحصن نفسنا وبيتنا بيها..... وبالذات انهارده
ام ليلى : عليه الصلاه والسلام....خلاص
شغلى يا بنتى ...ربنا يبعد عنا العين ويرزقنا البركه باااارب
و استر لسانى مع الجماعه انهارده ..وعديها على خير يااارب 🤲🏼
*********
هاله لسه هتنزل وبتقفل الباب...وفتحت ام عزت
ام عزت: صباح الخير يا هاله...على فين كده
ع الصبح
هاله: صباح الفل يا خالتى ام عزت.رايحه السوق
عاوزة حاجه اجيبهالك معايا
ام عزت:ياااااريت يختى ..مش قادره انزل
هاتيلى كيلو الا ربع اوطه ..وربع كيلو فاصوليا
خضرا....ونص كيلو لحمه
هاله: طب ما اجيبلك كيلو اوطه وكيلو فاصوليا
وخليهم عندك..بدل ما اتحرج وانا بشترى إربع كده
ام عزت: لاء ...هو حلو اوى كده
اصل مفيش غيرى انا والواد اللى بناكل والنفس كمان مسدوده😒......خدى ٥٠ جنيه اهى خليها معاكى......و لو فاض حاجه هاتيلى كيلو بصل
وكيلو بتنجان رومى بس اوعى تجبيه مبذر
خليكى ناصحه زي خالتك ام عزت 😂
هاله بصيت لل٥٠ جنيه واتحرجت تقولها عاوزه فلوس تانى
وبتريقه.....حاضر
واوعدك لو فاض فلوس أجيبلك بيهم خضره
ام عزت: لاء هاتيهم ....عندى الخضره أد كده جوه
ااااه ....متنسيش بقا يا هاله الحاجه الحلوة
او الفاكهه اللى هيجبها العريس وهو جاى المردى
دخليلى منها يا حبيبتى...مش زى المره اللى فاتت
هاله بضيق: حااضر ....وعن اذنك بقا عشان الحق انزل أجيب الحاجه..........سلام عليكم
ام عزت : وعليكم السلام ....
على الله متفرتكش ال ٥٠ جنيه......ما انا عارفها ايديها سايبه😠
*******
جنه صحيت على رنة تليفونها
جنه: السلام عليكم
ابتسام.بزعيق: وعليكو يختى....فين اخوكى😡
قافل تليفونه على طول ليييييه.... ولو فاتحه
بيسبنى أرن ولا بيعبرنى ...اديهووووولى😡
جنه:بعصبيه: بقولك ايه 😠وطى صوتك ده وميعلاش تانى عليا.....انتى فاهمه😠
أنا اكبر منك على فكره.....يعنى تحترمينى غصب عنك😠
ابتسام بتريقه: ااه صحيح....كنت ناسيه انك
اكبر منى😏
معلش يا ابله...اعمل ايه بقى نصيبى كده
اتجوز و انا صغيره وحامل كمان فى الوااااد
ومقعدتش جنب امى اهش وانش واشحت العرسان عشان اتجوز 😏
جنه اتصدمت من كلامها......واتعصبت عليها😡
هى مين دى اللى بتشحت العرسان يا حيوانه انتى😡
بقولك اييييه....اسمعينى كويس يا حلوة
انا كنت بعاملك بما يرضى الله علشان خاطر اخويا بس.....لكن كفايه اوى كده عليكى
علشان كلنا إرفنا منك وزهقنا من طبعك اللى زى الزفت😡
وبإذن الله هجوزصلاح واحده من صحباتى اللى
يعرفوا ربنا .....واقعدى انتى بالواد ...يا ام الوااااد😏
ابتسام بعصبيه : بزعيق..طب اعمليها كده
وربنا يا جنه هتندمى وهتشوفى ابتسام اللى بتقولى عليه بيئه دى هتعمل فيكى ايه يا عاااانس
😡
جنه: ابقى ورينى شطارتك يا حلوه....وغورى بقا فى ستين داهيه.... وقفلت السكه فى وشها
استغفر الله العظيم....دى ايه البلاوى دى بس ياربى اللى ع الصبح 😠
وافتكرت فجاءه.. ليلى والشيخ محمد
وحسيت إن قلبها وجعها وكأن سكينه وغرزت فيه
😥....ومسكت تليفونها واتصلت
عبير: السلام عليكم
جنه: وعليكم السلام...ازيك يا عبير
عبير : الحمد لله ..ايه يا بنتى....هو حصل ايه
امبارح والخط قفل فجاءه
واتصلت بيكى تانى لقيتك مغلق
هو انا قولت حاجه زعلتلك اوى كده ولا ايه 🤨
جنه: ارتبكت.ا.ا.ا. لاء خالص.... بس التليفون
وقع منى على الارض والبطاريه خرجت منه ففصل.....وكسلت اركبها وسيبته مقفول
عبير فاهمه بس متكلمتش: ااااه...طيب😒
طب قوليلى......كلمتى ليلى وبركتلها ولا لسه
جنه بنرفزه: واكلم ليلى ليه......قصدى يعنى تلاقيها مشغوله ومش فاضيه تكلم حد😠
وكمان أنا نمت بدرى امبارح ولسه صاحيه من شويه
عبير: جنه....بصراحه كده من غير لف ودوران
انتى الايام دي مش طبيعيه ..مالك فيكى ايه
جنه: هيكون مالى يعنى.....ما انا كويسه اهو
وعروسه كمان زيك و زيها😠
عبير:طب تحبى اقولك انا فيكى ايه🤨
جنه: فيا ايه 😏
عبير: انتى زعلانه على الشيخ محمد وغيرانه من ليلى ..مش كده🤨
جنه بارتباك:ااااا..... ايه الكلام العبيط ده😠
لاء طبعا
عبير: لاء حصل🤨
جنه: بنرفزه وزعيق......قولتلك لاء😠
عبير: بنرفزه وزعيق......وانا بقولك ااااه🤨
جنه فقدت سيطرتها على نفسها وبهستريا
و عياط
ايوه.....انا ندمانه عليه...وغيرانه منها وبكرها عشان خديته ليهااااااا😭
خلااااص...... ارتاحتى كده لما عرفتى😭
عبير اتصدمت من كلامها.... ومعرفتش ترد
عليها تقولها ايه😳وفى نفس الوقت صعبت عليها
جنه: اقفلى يا عبير لوسمحتى دلوقتى...مش قاده اتكلم مع حد😭....وقفلت معها ورمت نفسها على سريرها وفضلت تعيط 😭
وصعب عليها نفسها من حاجات كتير
اولها ....بسبب الشيخ محمد اللى ضاع منها بسبب قلة ايمانها😭
وغيرتها من ليلى اللى بتحبها زى اختها ومينفعش تكرها ولا تغير منها😭
وزعلانه من كلام مرات اخوها اللى جرحها😭
وياسر اللى خايفه على دينها وحياتها معاه😭
وقعدت تعيط ..وتدعي ربها🤲🏼
اللهم الهمنى رشدى... وقنى شر نفسى😭
********
ام ليلى: الوو.....لسه فكره يختى تتصلى
ده العصر قرب يأدن🤨
اسماء: اعمل ايه.... راحت علينا نومه
وصلاح لسه نازل
ام ليلى بغيظ: نزلتى الواد كمان متأخر على
شغله ...يختى ابقى نامى بدرى
أسماء بتكتم غيظها منها: إن شاء الله😏
.المهم كنت عاوزانى فى ايه
ام ليلى: كنت عاوزاكى تيجى بدرى وتساعدينى فى الاكل.......لكن خلاص يا حبيبتى ولا الحوجه😏
سهام بنتى حبيبتى هنا من الساعه ١٠ الصبح
وساعدت اختها فى عمايل الشقه وساعدتتى فى الاكل🤨
اسماء: فى سرها ...الحمد لله انى نمت😒
يا خبر يا طنط .....طب كنتى قولتيلى الصبح
على العموم متزعليش ... انا هلبس انا وعمورى
وهجيلكوااا😁
ام ليلى : لاء خلاص يا حبيبتي ...تيجى فين
ما احنا خلصنا خلاص
خليكى يختى مرتاحه انتى وعمورى
ولا اقولك كملى نوم احسن......يالا سلام😏
أسماء زعلت من كلام حماتها ....بقى كد اااا🤨
واتصلت بعصام
عصام: بقولك ايييه ... قبل ما تزعقى انا سبتلك الفلوس فى درج التسريحه علشان الواد ميقطعهاش
اسماء بنرفزه:: بلا فلوس بلا زفت دلوقتى
عصام : ايه ده.....فى ايه مالك متعصبه كده ليه
اسماء: امك😡
عصام :تانى امك.......اشمعنى
وحكيتله اللى حصل.... ومعرفش يرد
عصام: طب خلاص البسى ولبسى الواد وروحى
بردوا.....وانا هكلمها دلوقتى واااا
اسماء قاطعته: بنرفزه: تكلمها بقا ولاا متكلمهاش
انا مش هروح هناك تانى ...انا قاعده يا حبيبي فى بيتى معززه مكرمه.........سلااااااا😡
عصام: استغفر الله العظيم على الصبح
اعمل ايه بس يا ربى ..اراضى مين ولا مين بس
واتصل بأمه....الو ..ازيك يا ست الحبايب
عامله ايه
ام ليلى:فهمت.....اممم..... اوااام السوسه لحقت تتصل بيك وتقولك😠
عصام عمل نفسه مش فاهم
هى مين دى اللى تقولى ....انا مش فاهم حاجه
ام ليلى: مش هتيجى بردوا يا عصام ولو عملت ايه...... انا قولتها كلمه و خلاااااص😠
عصام: يامه معلش عشان خاطري....عدى اليوم انهارده وخليها تيجى وتقعد وسطيكوا وتفرح معاكوا
ام ليلى : ايوه كده إر واقع بلسانك...ما انت خايب طول عمرك😠
عصام تفأجا انه وقع بلسانه فعلا.....😳
ام ليلى : بقولك ايه يا وااااد😠
اقفل دلوقتى انا ورايا مليون حاجه...سلام يا جوز الست😠
عصام: منك لله يا اسماااء..خلتينى جوز الست
يعنى اروح اضربها دلوقتى عشان اعجب امى وابقى راجل ولا اعمل ايه بس 😠
زبون: سالخير يا اسطى عصام ....عاوز احلق .شعرى كده على السريع الله يباركلك
عصام:هو انا مش لسه حلقلك من كام يوم
يا عم ارحم شعرك.... القرعه بانت 😠
اقعد يالا ....خلينا نوسعها كمان يمكن تطرح🤨
********
الشيخ محمد: هو شكلى حلو يا امى 😊
ام محمد ومرات عمه غصب عنهم عنيهم دمعت
😥😥 ومقدروش يتكلموا
محمود: ما شاء الله يا حبيبى.. اللهم بارك احلى
عريس فى الدنيا والاه......وحضنه 😥
عمه: الله اكبر عليك يا بنى ..ملاك واقف
وسطينا ما شاء الله 😁
ام محمد قربت منه وحضنته وفضلت تعيط😭
الشيخ محمد: وحدى الله يا امى ..ده انا حتى
عريس انهارده... بلاش دموع الله يباركلك
خدى اجازة شويه 😊
الكل: 😄😄😄
مرات عمه : يختى افرحى بقا.....الله اكبر عليه بدر منور😁
طب والله لغنيلك يا شيخ محمد 😄
صقف يا واد يا حوده
يا عريس يا عريس......يا عريس.
افرح وهييييص....يا عريس😁
وحضنت ام محمد ....الف بركه يا حبيبتى😁
الله يسامحك يا شيخ محمد....الزغروده محشوره فى زورى هتموتنى.... عاوزه تطلع😳
الكل 😄😄😄😄
الشيخ محمد: الله يسعدكم يارب 😊
محمود أنا هنزل أحط العلب فى التاكسى عقبال ما تنزلوا ورايا.....
اللَّهُمَّ أَعُوذُ بِكَ أَنْ أَضِلَّ، أَو أُضَلَّ،
أَو أَزِلَّ، أَو أُزَلَّ......أَو أَظْلِمَ، أَو أُظْلَمَ،
أَو أَجْهَلَ، أَو يُجْهَلَ عَلَيَّ»
السلام عليكم ورحمه الله وبركاته
الكل: وعليكم السلام ورحمه الله وبركاته
عمه: هو محمود كان بيقول ايه يا شيخ محمد قبل ما ينزل
الشيخ محمد: ده دعاء الخروج من البيت يا عمى
واحنا كمان لازم نقوله قبل من ننزل علشان ربنا يحفظنا
مرات عمه: قول يا خويا وعلمنا ... واحنا هنقول وراك😁
.
.
.
ونزلوا كلهم .......وركبوا ع بيت العروسه
الشيخ محمد: قولوا ورايا يا جماعه يلا دعاء الركوب.....وهو سنه عن حبيبنا الرسول صل الله عليه وسلم
بسم الله، ...والحمد لله،... الله اكبر
سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنْقَلِبُونَ
العم: ما شاء الله لا قوة الا بالله....الله يزيدك من فضله يا ابنى
مرات عمه: ربنا يبارك فيهم ..ما شاء الله عليهم
ربنا يحفظهم
أم محمد: يااااارب🤲🏼
*******
هاله: طب حاولى كده وهاتى العيال وتعالوا
ورجائى يجى من شغله على هنا
ناديه بزعل: نيجى فى الفرح بقا ان شاء الله 😏
احنا كده عملنا اللى علينا وربنا يتمم على خير
هاله فهمت انها زعلانه و متكلمتش معها كتير
طب يا حبيبتى عقبال ولادك ...على العموم
اول ما يمشى هتصل بيكى على طول واقولك
اتفقنا على ايه
ناديه: براحتك....... وسلام بقا دلوقتى علشان هدخل أغدى العيال😏
هاله: مع السلامه يا حبيبتى....
شوفتى.......أهى خالتك شكلها زعلت
جنه سرحانه....ومردتش عليها
هاله: جنه......جنه.......انتى يا بت يا جنه...مش بكلمك😠
جنه: معلش يا ماما مخدتش بالى .... حضرتك كنتى بتقوليلى حاجه
هاله: اللى واخد عقلك 😁
جنه خافت لتكون امها فهمت.....قصدك مين
هاله:ياسر طبعا...هو فى غيره😁
على العموم يختى خلاص هانت ...كلها ساعتين ويكون هنا
جنه بحزن: ليه..... هى الساعه كام😣
هاله: الساعه ٦
الكلمه رنت فى ودن جنه ...٦.....٦.....٦
وكلمت نفسها
ليلى .......الشيخ محمد........الفاتحه.
..لااااااء ....مش هيحصل
مش هتاخده منى... .......ده كان ليا انااا
مش هيحصل ......مش هيحصل ابداا😡
وبدات تتوتر وامها لاحظت عليها
هاله : بت يا جنه ......مالك فيكى ايه
وشك ماله اتخطف مره واحده كده ليه🤔
فجاءه قامت جنه ودخلت اوضتها ....وخرجت منها بسرعه وهى لابسه هدومها ....وفتحت الباب
هاله بزعيق...جنه ...جنه ...رايحه فين يا بت
العريس زمانه جااااااى😡يا جنااااااااااا
جنه فضلت ماشيه وهى بتعيط وبتكلم نفسها
انا السبب.....انا اللى ضيعته من ايدى😭
بس زى ما ضيعته منى ... فأنا لازم ارجعه ليا تانى😭
لاء يا ليلى مش هتتجوزيه..........ده كان جاى
ليا انااا......وانا اللى لازم ابقى مراته مش انتى😭
هترجع تانى ليا يا شيخ محمد ... بإذن الله هترجع😭......ودخلت بيت وطلعت السلم
ووقفت قدام الشقه وهى منهاره 😭
ورنت الجرس🙄
******
ونكمل بكره بإذن الله ومستنيه رأيكم في حلقة انهارده واتمنى تكون عجبتكم ❤️
احداث انهارده مليانه .....فين المحللين😄
واذكروا الله☝🏼وصلوا ع حبيبه🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*