الفصل 16
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"16"))♡゙//*
يالا نصلى ع الرسول وندخل ع قصتنا ع طوووول😁
الحلقة ١٦
#جنه_الدنيا_جيهان_سلامه
#محبه_الرحمن
اللهم ارزقنا هداك واجعل عملنا فى رضاك 🤲
ناديه: بفرحه.....الو...ايو يا رجائى .البت وفقت
رجائى بفرحه: انتى بتتكلمى جد يا وليه😀
ناديه: اه وربنا ....😀وهاله قالتلى اااا
رجائى : مش مهم رأى هاله ..المهم جنه دلوقتى
ناديه: ماهى جنه اللى كلمتنى وقالتلى انها وافقت
رجائى: .يااا فرج الله ...ده انا كنت خايف اوى
اطلع صغير قدام الراجل
ده كان كل شويه يتصل بيا ويسألنى...وكنت ببقى فى نص هدومى ومش عارف اقوله ايه
هدومى يا شيخه وانا عمال اعشمه واصبره
ناديه: اهى الحمد لله ربنا هداها ووفقت😁
إبقى قوله بقا وفرحه هو كمان وابقى طمنى
قالك ايه😁
رجائى: هقفل معاكى وهدخله على طول😁
اجيبلكوا ايه وانا جاى حلاوة الخبر الحلو ده
ناديه : اى حاجه منك حلوه يا حبيبي 😀
ويلا مش هعطلك ......مع الف سلامه
وقفلت ناديه مع رجائى.... وبتكلم نفسها
اهو كده بقا هاله مش هتطلب منى حقها فى
الشقه.....على الاقل دلوقتى
ماهو العريس جاهز.... ويدوب فلوس الجمعيات
اللى عملاها هتكفى اللى ناقص فى جهاز البت
انت العالم بالحال يااارب ......الحمد لله
*****
ياسر: بفرحه .....الله عليك يا عم رجائى
يا عسل انت ..طب نروح دلوقتى ولا ايه😀
رجائى: لاااا.....دلوقتى ده ايه......الصبر يا باشمهندس شويه
لحد ما اخد معاد مع صلاح أخوها واقولك عليك
وربنا يقدم اللى فيه الخير😁
ياسر : بس بسرعه الله يخليك ..انا خللت من الانتظار جنبكوا...😀
رجائى: بإذن الله اول ما هروح البيت هكلمه على طول وابلغك بكره
ياسر: طب ما تكلمه دلوقتى الله يخليك وريح قلبى
رجائى: حاضر يا باشمهندس من عنيه😁
وطلع تليفونه من جيبه وجاب الرقم واتصل
ياسر: هااااا ...جرس ولا مشغول
رجائى : لا ده ولا ده .......ده مقفول خالص
ياسر😤ده الحظ ده بس يا ربى
رجائ : حظك زى الفل بإذن الله ...انا هتصل بيه شويه كمان واشوف كده الاخبار
واطمنك بكره بإذن الله😁
ياسر: لااااااااء...بكره ده ايه....انا معاك للصبح
اتصل بيا انت بس فى اى وقت هتلاقينى صاحى
رجائى : ماشى😀...استئذن انا بقا
سلامو عليكو
ياسر: وعليكم السلام يا وش السعد😁
ياااااااا ....أخيرا يا جنتى وفقتى ..ورديتى فيا روحى😊
التليفون رن........
ياسر: اهلا يا روحى .....وحشتينى😁
فينك يا بت من زمان ليكى وحشه
****
هاله بزعل: سلامو عليكم ...... ازيك يا ناديه
ناديه: الحمد لله ...صوتك بيقول انك زعلانه منى
هاله: عادى بقا ...مش جيتى واتخنقتى وفرجتي علينا الجيران
ناديه: متزعليش منى يا هاله...والله غصب عنى يختى
واحنا ملناش غير بعض يا هلوله....وانا بصراحه
مستخسره الجدع يطير منا ...وبنتك كده
بارده وتشل عقبال ما رديت علينا
متزعليش منى بقا ده انتى حبيبتى ومليش غيرك
هاله: خلاص يا حبيبتى ربنا ما يجيب زعل بينا ابدا
قوليلى... قولتى لرجائى ان جنه وفقت
ناديه: على طول بعد ما قفلت معاكوا .....كلمته
وقال للباشمهندش كمان....وبيقولى كان
مظئطط وفرحان على الاخر...وقال ايه
كان عاوز يجيلكوا دلوقتى 😁
شوفتى بنتك عملت فى الراجل ايه من ساعة ما شافها😄كلت دماغه
هاله: شوفتى انتى جنه عجباه ازاى
دى ست البنات كلهم ..مش كلامك اللى قولتيه على البت 😏
ناديه: ما خلاص بقاااا يا هاله
كلمتين وطلعتهم وانا متضايقه مش كل شويه
تقطمينى بيهم كده....المهم......فين صلاح
رجائى عمال يتصل به بيلاقيه مقفول على طول
هاله: اسكتى يختى... صلاح يا حبة عينى عندى
من الصبح.....نايم جوه من قبل العصر
ناديه: تلاقى المنفوشه بنت المنفوشه دى
هى اللى زعلته
هاله: اسكتى يختى ...ده حكالى بلاووووى عنها
ناديه: خير ..احكى يا حبيبتى وفضفضى الهى تتطلق ونخلص من نكدها على الواد كل شويه
ولا بلاش عشان خاطر العيل اللى فى بطنها
هاله: ااااه يختى حرام.... ادعيلها ربنا يهديها احسن ...........وحكيتلها على اللى حصل
ناديه بغيظ: إخس عليها إخس...هو فى كده يختى 😠
ده احنا على كده يختى مكوناش ستات بقا
البت دى مكنتش للغلبان ابنك ده ابدا...ربنا يخلصوا منها...وتغور بابنها عناا😠
هاله: لاء يختى حرام ...العيل ذنبه ايه بس
ربنا يهديها
ناديه: هتفضلى غلبانه وعبيطه كده طول عمرك
طب على العموم لما يصحى يبقى يكلم رجائى
ضرورى متنسيش.......يااالا سلام بقا علشان
اشوف اللى ورايا
هاله : حاضر يختى هقوله........مع السلامه
***
هاله: صلاح....صلاح....قوم يا حبيبى كفايه نوم
الساعه بقيت ٩
صلاح بيفتح عينه بالعافيه : يااااا..هو انا نمت كل ده.......طب مصحتنيش اصلى ليه بس
كده راح عليا العصر والمغرب والعشا ...ليه بس كده يا امى
هاله: اختك قالتلى قبل كده مادام كنت نايم
مفيش ذنب عليك ...الذنب لو انت صاحى
وسامع الادان ومكسل ونمت
صلاح: استغفر الله العظيم........وبص على الاكل
ايه ده.........هو نمت ومكلتش
هاله: ما ده اللى انا استغربتوا بردوا لما دخلت
دلوقتى اصحيك .....انا دخلتلك الاكل لقيتك نايم
وصحيتك علشان تاكل قولتلى حاضر هقوم اكل ...ويا حبة عينى روحت فى النوم ولا كلت ولا شربت
صلاح: ولا حسيت بحاجه من اللى بتحكيه ده
انا فعلا كنت جعان......بس جعان نوووم
هاله: طب قوم يالا كده وفوق ......عمك رجائى
كان عاوزك و بيتصل بيك وتليفونك مقفول
صلاح: ما انا قفلته من الزنانه اللى كل شويه تتصل دى ....ليه خير ....فى حاجه ولا ايه
هاله:خالتك اتصلت عليا وقالتلى ان رجائى
عاوز صلاح ضرورى..قولتلها ده عندى نايم
صلاح : وبص لامه ...وطبعا حكيتلها كالعاده🤨
هاله : يوه....دى خالتك مش حد غريب
صلاح: نفسى فى مره افضفض معاكى
ومتحكيش لحد ....وتلاقيكى كمان حكيتى لام عزت🤨
هاله: لاااااء.. الا دى ...ده كده الشارع كله هيعرف
صلاح: طب الحمد لله ...طب هو عم رجائى
عاوزنى فى ايه ..خالتى مقالتلكيش حاجه
هاله: قالتلى طبعا ...اصل اختك كانت
بتكلم خالتك ولاقتها كده يا خويا لوحدها
بتقولها انها موافقه على العريس
صلاح: استغرب: بس دى كانت متردده وشكلها
مكانش مبسوط🤨
هاله: انا عارفه بقا....أهى كل شويه بحال
المهم انها وافقت وخلاص ....وهو كان بيتصل بيك عشان تحدد معاه معاد ويقول للعريس عليه عشان يجى يتفق😁
صلاح: بصى يا امى ..الاصول اصول ومفيش زعل فى كده
هاله: ايوه طبعا أومال ايه ....بس ليه بتقول كده
صلاح: المفروض العريس هو اللى يتصل بيا
ويحدد معايا انا .....وعم رجائى خلاص كده
دوره انتهى..و يشكر اوى.....انا مش عيل يا امى ولا ايه🤨
هاله: معاك حق...بس بصراحه اتكسف اقوله كده
او اقول لناديه تقوله ..وممكن يحصل زعل ساعتها
صلاح: خلااص هقوله انا....بس هتكلم الاول
مع جنه وافهم منها هى وفقت ليه بعد ما كانت متردده.........هى صاحيه ولا نامت
هاله: من ساعة ما جت دخلت اوضتها وفعدت تقرا قران وبتصلى
ودخلت عليها من شويه لقتها نايمه
صلاح: طب اقوم اصلى الاول.. وسخنيلى
معلش الاكل ده تانى لحسن جعان اوى
وشوفيها اذا كانت صحيت ولا لسه علشان اكلمها
هاله: هو انت مش ناوى تروح بيتك ولا ايه
صلاح: لاء🤨
هاله: يا بنى مينفعش كده....ده ااااا ......قاطعها صلاح
الله يخليكى يا امى متضغطيش عليا وسبينى براحتى ...ولا انزل انام فى الشارع
وسابها ودخل يتوضا
هاله: يا عينى عليك يا ابنى ...كانت وقعتك ما يعلم بيها الا ربنا 😞
*******
مرات عمه بصوت واطى.....هو سمير مبعتش حواله بالفلوس اللى قولتله عليها
عمه : لسه..... واعملى حسابك مش هذل
نفسى لابنك وابعت اقوله عاوز فلوس تانى😠
المعاش اهو قرب ..وربنا يسهل
مرات عمه:خلاص يا خويا متزعلش نفسك
اصل الفلوس بتخلص والجماعه لسه قاعدين فعيب منعملش الواجب معاهم لحد ما يمشوا
بالسلامه
عمه: سبيها على الله....ربك كريم وهيدبرها
مرات عمه: طب اتصل الصبح بسمير واسأله اااا
قاطعها بنرفزه😡...بس ولا كلمه
مش كفايه كلمتيه من ورايا وخلتيه يبعت التليفونات ...ده لا بيسأل علينا ولا بيطمن حتى بمكالمه كل كام يوم.......وعامل حجته الشغل 😠
مرات العم: طب خلاص....متزعلش نفسك عشان السكر
عمه هز راسه بحزن: ربنا يهديه😞
مرات عمه: يارب يهديه ويصلح حاله
طب والعمل يا ابو سمير....هنعمل ايه
العم: مفيش غير انى انزل الصبح ابيع تليفونى
ونفضل بتليفون واحد انا وانتى
يعنى هو مين بيتصل بينا ولا بيسأل علينا😞
مرات العم: خلاص...خد تليفونى بيعه وخلى تليفونك انت
العم: اى تليفون مش فارقه......وقفلى بقا على الموضوع ده للجماعه يحسوا بحاجه
ويالا نطلع نقعد معاهم علشان ميصحش نسيبهم كل ده لوحدهم
مرات عمه: عندك حق.....يلا............وخرجوا
.
.
محمود كان واقف فى البلكونه بيلعب بتليفونه
وشباك أوضتهم على البلكونه....وغصب عنه سمع كل الكلام.........واتضايق جدا 😞
الشيخ محمد: معلش يا مرات عمى هتعبك معايا
حضرتك وامى ...
مرات عمه: انت تؤمر يا شيخ محمد وعينى ليك
الشيخ محمد: اللى يباركلك يا مرات عمى
كنت عاوزكم تزلوا بكره لاى محل دهب وتشتروا هديه للاخت ليلى وتكون حلوة كده على ذوقكم
مرات عمه: طب وليه لازمتها يا بنى الهديه
ما انت هتشترى شبكه ....ولا انت مش ناوى تشترى شبكه
الشيخ محمد ابتسملها: لاء طبعا هشترى
بس الهديه دى بتعبر عن فرحتى بيها وتقدرى ليها
وواجب بردوا افرحها ...ولا ايه😊
ام محمد: هو الشيخ محمد كده ...عنده الواجب فوق كل شئ.....ربنا يسعده زى ما بيحب يسعد كل اللى حواليه
مرات العم: يارب يا حبيبتى ... وعلى العموم متشيلش هم.....جنبنا هنا محل دهب اسمه ابو مكه
والصايغ كمان صاحب عمك.... يعنى هيكرمنا فى المصنعيه 😁
الشيخ محمد: طب الحمد لله.......معلش هتعبكم معايا
عمه: تعبك راحه يا عريس .. انت تأمر واحنا ننفذ على طول.....انت حبيبنا يا شيخ محمد😁
الشيخ محمد: الله يحبك يا عمى ويرضى عنك😊
محمود: كنت عاوزك فى كلمه يا شيخ لو سمحت
الشيخ محمد: حاضر يا حبيبى..تعالى خد بإيدى
عن اذنكم يا جماعه .....ودخلوا الاوضه
محمود: من الأول كده .... أنا أقسم بالله
من غير قصد سمعت حاجه.....وزعلتنى اوى
الشيخ محمد بإستغراب: من غير قسم انا مصدقك
بس سمعت ايه زعلك
محمود: سمعت عمى ومرات عمى وهما
بيتكلموا وبيقولواااا..............
*******
ابتسام بعصبيه: انا يضربنى ويبهدلنى ابن هاله.......طب ودينى لبهدله😡
ام ابتسام: ما تلاقيكى طولتى لسانك عليه زى عادتك.....ما انا عارفاكى😠
ابتسام بغيظ: انتى كمان بدفعيله....😡
ام ابتسام: وفيها ايه لما ادافع عنه......ده الواد
غلبان معاكى وحاطط فى قلبه وساكت منك يا شيخه😠
وانتى مفيش فايده فيكى وفى لسانك
ابتسام: يعنى انا بتصل بيكى عشان تتصلى
بالعقربه امه وتخليها تبطل تسلطوا عليا
وانتى بردوا بدفعيله....على العموم هى عندها
بت قاعدلها فيها بإذن الله😡
ام ابتسام بزعيق: يا بت اتلمى بقا حرام عليكى
الوليه بتعاملك زى بنتها ..ولسه مدياكى علب أكل أد كده وبتتمنالك الرضا ترضى يا شيخه
اييييييه.....هى العاميه مابتشوفش😡
خليكى كده لحد ما تلاقيه اتجوز عليكى ورماكى رميت الكلام.... وترجعى تقعدى جنبى باللى فى بطنك 😠
وساعتها هتقولى ياريت كنت اتكتمت وعشت معاه بما يرضى الله😠
ابتسام: ما يغور فى ستين داهيه ...ولا يهمنى
أم ابتسام: يعنى لما تطلقى وتقعدى جنبى باللى فى بطنك ....يبقى ولا يهمك 😡
ابتسام بغرور: يطلق مين ......ميقدرش🤨
هو هيلاقى فين جمالى ...ده يموت كده لو بعد عنى ساعه واحد
ام ابتسام: اااااه صح.....بأماره مهو بايت عند
امه 😏
خليكى يا خايبه كده راكبه دماغك لحد ما خالتو تشوفله واحده تجوزهاله....وساعتها كلمة ياريت ماتعمر بيت😠
ابتسام بعصبيه: حرام عليكى بقاااا....الاقيها منين ولا منين😡إقفلى يامه ....انا غلطانه انى كلمتك
سلاااااام
وقفلت مع امها ومسكت المخده عضتها من الغيظ
ااااااااه😤
طاااايب يا ابن هاله.... إن ما وريتك وسودت
نهارك وليلك😡مبقاش انا ابتسام🤨
********
رجائى : سلامو عليكو......ايه يا عم النوم ده كله😀
صلاح: عليكم السلام... ازيك يا عم رجائى
اخبارك ايه
رجائى : الحمد لله بخير ...ازيك انت وازى مراتك
صلاح: بخير الحمد لله.......امى قالتلى إنك كنت عاوزنى
رحائى: اه يا سيدى...كنت عاوزك عشان احدد معاك معاد للباشمهندس للزياره الجايه بإذن الله والف مبروك وربنا يتمم بخير 😁
صلاح: الله يبارك فيك......بس معلش يا عمى رجائى
حضرتك على راسى طبعا وفى مقام ابويا الله يرحمه
بس المفروض هو اللى يتصل بيا ويطلب الميعاد بنفسه ......معلش الأصول أصول......ولا ايه🤨
رجائى شعر بإحراج والصحكه اختفت من على وشه واتضايق🤨
اااه طبعا ....حقك يا بنى اومال ايه
ماشى . ..هبلغه واقولك ...سلامو عليكو😠
صلاح: وعليكم السلام............وبص لامه
شكله زعل
هاله : ما قولتلك بلاش تقوله ليزعل مسمعتش كلامى
صلاح: لاء كده أحسن.....عشان ميعملش علينا كبير ويحشر نفسه بعد كده فى كل حاجه
هاله: خلاص .....اللى تشوفه اعمله
ويلا قوم كل للأكل يبرد
صلاح: مش هتكلى معايا ولا ايه
هاله : لاء يا حبيبى سبقتك من بدرى...اما ادخل
اصحى اختك عقبال ما تاكل
هاله دخلت أوضة جنه وفتحت النور.....
بت يا جنه......انتى يا بت
قومى يلا... اخوكى عاوز يتكلم معاكى كلمتين
جنيه قامت قعدت على السرير.....🥺
هاله بخضه: يالهوى😳مال عينكى ورمه كده
انتى معيطه ولا ايه
جنه:بحزن لااا خالص.... ولا معيطه ولا حاجه
تلاقيها بس من النوم.....هفوق واجى وراكى
هاله عارفه انها بتعيط بسبب موضوع ياسر
بس مش قادره تتكلم... ومصدقت انها توافق
وبصيتلها بحزن.....😞
ماشى يا حبيبتى ... براحتك
اخوكى لسه بياكل بره.... تكونى فوقتى كده وعنيكى هديت شويه.........وخرجت
جنه بتكلم نفسها بصوت مخنوق ودموع😭
ليه يا جنه عملتى فى نفسك كده ...ليه اتسرعتى
ولا كنتى فاكره إن الشيخ محمد كان ممكن يرجعلك تانى 😭كنتى بتحلمى
وللاسف صحيتى على كابوس حطيتى نفسك
فيه ومش عارفه تطلعى منه
ليه عملتى كده بس....ليييييه😭
**********
ام ليلى: طب تفتكرى نعمل عشا ايه بت يا سهام
سهام: إعمللهم الفته بتاعتك... دى عجبت جوزى اوى😁
ام ليلى بعصبيه.: فتة ايه إنتى كماااان اللى اعملها دى يوم فاتحة اختك😠
سهام: خلاااااص... متتعصبيش اوى كده
اقولك ........اسألى ليلى
ام ليلى: مهى ليلى خايبه زيك كده بردوا وقالتلى اطبخ😏
بقولك ايه......إقفلى يلااااا
هى البت اسماء اللى هتقولى اعملى ايه
ابقى بوسيلى البت حبيبه وخفى عليها الضرب شويه حرام عليكى........بقولك ايه صحيح
متنسيش تيجى بكره بدرى وتساعدى اختك فى
عمايل الشقه
وهاتى معاكى معالق وشوك من بتوع جهازك المدهبين دول بدل ركنتهم فى النيش
سهام: حاضر ..عاوزة حاجه تانى أجيبهالك وأنا جايه
ام ليلى: عاوزه سلامتك ....وانا هبقى اتصل واعزم جوزك.... مهو لازم يجى يقف مع عصام
ولا ايه
سهام: هو مش محتاج عزومه.... بس بردوا اتصلى احسن
ام ليلى: هتصل بيه بالليل يكون جه من شغله
واقفلى بقا عشان أكلم البت اسماء واقولها اعمل اكل ايه بكره .....على الله ترسينى 🤔
مع السلامه يا حبيبتى.....وقفلت معها واتصلت
الووووو ازيك يا بت اسماء وازى حبيب ستو😁
اسماء: الحمد لله يا طنط..مغلبنى ومطلع عينى من الصبح😠
ام ليلى:.ربنا يخليه يختى ويطلعها كمان وكمان😄
بقولك ايه ..الجماعه اللى جايبن بكره دول
هنعملهم عشا ايه .....اصلى محتاره من الصبح ومش عارفه اطبخلهم ايه
اسماء: اعمللهم فته ...اصلها كانت حلوة اوى😁
ام ليلى بنرفزه: يقطعك انتى وسهام و الفته
فى يوم واحد 😡 إقفلى كتك خيبه انتى كمان زيهم
اسماء: هو فى ايه يا طنط...هوانا عملتلك حاجه🤨
أم ليلى: لاء يختى معملتيش .....و اقفلى بقاااا
يلا .....سلامو عليكو 😠
وقفلت التليفون معها وهى متنرفزه.😡
ليلى: فى ايه يا امى مالك...حصل حاجه ولا ايه
ام ليلى: اقول لاختك واسماء ..اعمل اكل ايه
للناس اللى جايين بكره ...يقولولى فته😡
فته اما تفتهم هما الاتنين على بعض
ليلى: طب قوليلى الاول فى حاجه فى دماغك عاوزة تعمليها
ام ليلى: انا بقول نعمل صنية بطاطس فى
الفرن🤔وجنبها صنية كوسه بالبشامل..ونعمل
جنبهم لحمه محمره وفراخ بردوا🤔
و أزود جنبهم شوية ملوخيه.....ها ايه رايك🤔
ليلى: وليه كل الاكل ده......ده كده تبذير
ام ليلى : يوه.......مش الناس تاكل براحتها يا بنتى
وكمان اخوكى ومراته واختك وجوزها جايين
ليلى: طب انا هقولك نعمل ايه
ام ليلى: طب قولى يا شملوله وريحينى
بس اوعى تقوليلى طبيخ😠
ليلى : لاء متخافيش😄
احنا المفروض نعمل اكل يبقى بيتاكل بالشوكه
ويكون سهل على الشيخ محمد...فهمانى يا امى
ام ليلى مسكت قلبها .....أخس عليكى يا ليلى
وجعتيلى قلبى يا بنتى😞
واتنهدت بحزن.......فهماكى يا حبيبتى
طب قولى زى ايه كده
ليلى: يعنى مثلا نعمل نواشف..... بانيه أو كفته
او فراخ مشويه ...ونعمل بطاطس محمره
أو صنية جلاش وتتقطع خرط صغيره
المهم ميكونش اكل يسببله احراج قدامنا هو بياكل
ام ليلى : يا حبيبى يا ابنى😞 عندك حق
خلااااااص.....انا هخلى عصام يوصى زينهم الكبابجى على اكلة كفته وفراخ مشويه
ونعمل إحنا هنا صنيتين جلاش وصنيتين مكرونه بشاميلى ...هااااا...حلو كده ولا ايه 🤔
ليلى: حلو جداااا.... ..وانا هبقى اظبطله الاكل
فى الطبق علشان يبقى سهل عليه فى الاكل😊
ام ليلى:بصيت ليلى وابتسمت وحسيت انها
مهتميه بالشيخ محمد ومش عاوزه حد يبصيله بصه مش حلوة حتى لو هو مش شايفها
ربنا يباركلك يا بنتى ويكمل فرحتكم ببعض على خير😁
ليلى حضنت اللهم امين يا امى😊وكلمت نفسها
امتى يجى بكره بقااا...هو اليوم طويل اوى كده ليه انهارده🤨
*******
رجائى بزعل: مهو خلاااص ....شايف نفسه راجل عليااااا سى صلاح😠
ناديه: متزعلش نفسك يا خويا...انا هتصل بهاله
وابهدلها على اللى ابنها قالهولك ...عييب ميصحش.....ده انت فى مقام ابوه الله يرحمه😡
خد اشرب كوبية اللمون دى روق بيها دمك
رجائى قعد على الكنبه وشرب الليمون ..وبدء يهدا........بصراحه كده......مش عيب
والواد معاه حق...... بس انا عشان متصدر للموضوع من الأول فكنت عاوز اكمله
بس بردوا زعلت منه😞
ناديه: ليه....هو كان بايخ فى كلامه معاك
رجائى : الشهاده لله لاء .......بس انا هعمل اللى عليا للاخر وهتصل بالبشمهندس وابلغه
ويبقى كده عدانى العيب....ولا ايه
ومسك تليفونه يتصل
ناديه:ايوه صح كده...ربنا يكرمك ويقعدوا لاولادك
رجائى: ياارب....وشاورلها.هششش
سلامو عليكو يا باشمهندس.....😁
*******
جنه: السلام عليكم: ازيك يا صلاح
صلاح: عليكم السلام .....إزيك انتى يا جنه
واتفاجأ بشكل عنيها
ايه بنتى ده... مال عينكى عامله كده ليه
إنتى معيطه ولا ايه
جنه: لاء مفيش حاجه ...تلاقيها بس من النوم🥺
المهم انت عامل ايه
صلاح وهو بيشرب الشاى....الحمد لله على كل حال........ادعيلى معاكى وانتى بتصلى ربنا يرزقنى الرضا مع الصبر😞
جنه: يارب يا حبيبي
صلاح: بقولك ايه... تعالى نقعد فى البلكونه لحسن حاسس انى مخنوق
جنه: طب إدخل إنت عقبال ما البس النقاب وأجيلك ..........ودخلت أوضتها ولبست نقابها
ودخلت البلكونه ....لقيته قاعد سرحان ومهموم
جنه: مالك يا صلاح......فيكى ايه
انت مش صلاح بتاع زمان...جرالك ايه
ده انت اللى حببتنى فى الالتزام...وكنت ماشاء
الله عليك بتحضر للشيوخ الدورس فى المساجد
.
.فاكر لما كنت بتروح تبات انت واصحابك فى
مسجد الشيخ محمد جبريل ليلة السابع والعشرين من رمضان...... ليلة ختام القران
علشان تلحق مكان هناك .....ولما كنت اقوم من عز نومى فى الشتا الاقيك واقف تقيم الليل بصوتك
الجميل فى القرآن.......وتنزل لصلاة الفجر ولو فى عز البرد والمطر .......وماما تقولك بلاش انهارده
تضحك وتقولها الرسول الكريم قال
《بشر المشائين في الظلم بالنور التام يوم القيامه》
وانا نفسى اكون واحد منهم ..ادعيلى يا امى
ولما كنت بتعتكف العشر الاواخر من رمضان
ونشوفك بعد صلاه العيد ..كنا بنبقى فرحانين
اوى بيك علشان وحشتنا.... والعيد يومها بيبقى عيدين😁
ياااااا........اجمل ايام والله......ياريتها تعود
صلاح عينه دمعت من كلام جنه .....ياااااا يا جنه
فكرتينى بأحلى ايام فى حياتى والله ...ونفسى ترجع تانى.......بس ترجع ازاى وانا اللى ضيعتها من ايدى😥
اخترت الدنيا ونسيت الأخره...بصيت للجمال وسبت الدين😥
جنه: ياما قولتك بلاش....دى مش شبهنا
وانت اللى كنت مصمم
صلاح: كذبت عليا و قالتلى إنها هتواظب على الصلاه وهتلبس النقاب
وبعد الجواز ...بقيت تصلى بالزعيق والخناق😡
والله اعلم بقا لما بكون مش موجود بتصلى
ولا لاء
جنه سرحت فى كلام أخوها وافتكرت ياسر..😞
صلاح: ايه يا بنتى .... روحتى فين....بكلمك
جنه::أصلى سرحت فى كلامك وحسيت فجاءه إنى خايفه 😞
صلاح: قصدك خوفتى من ياسر ليطلع شبه اللى عندى بعد الجواز........مش كده
جنه: هزت راسها: بصراحه ااه.......وخايفه يبقى نسخه من ابتسام وارجع اندم زيك كده 😞
صلاح::طب بصى....... اقعدى معاه مره كمان
وشوفى ايه الاخبار
وصدقينى محدش هيغصبك على حاجه لو رفضتيه
لا خالتك ولا جوز خالتك.ولا حتى امك
انا معاكى وفى ضهرك يا حبيبتى 😊
جنه:ابتسمتله ...وحسيت براحه بعد كلامه
جنه: تعرف لو مش قاعدين فى البلكونه كنت قومت حضنتك و بوستك كمان 😄
صلاح: خلااااص يا ستى....ولا يهمك
احنا ندخل جوه وبوسينى براحتك زى ما انتى عاوزه 😂
هاله دخلت على ضحكهم....وفرحت بيهم
يارب يسعدكم يا ولادى ويبعد عنكم الشر كله🤲🏼
تليفون صلاح........وشاف الرقم واتفاجأ
وبص لجنه وامه.....ده ياسر
جنه😠
هاله: طب رد وشوفه هيقولك ايه
صلاح: سلام عليكم ...اهلا يا باشمهندس😄😊😁
*********
عمه : هو الشيخ محمد ومحمود راحوا فين بس لحد دلوقتى ....دول إتاخروا اوى
ام محمد: ولا اعرف...هو قال لمحمود إلبس
و تعالى معايا نروح مشوار
مرات عمه: طب ماتتصل بيهم يا ابو سمير نطمن عليهم
عمه:بيتصل من بدرى مش عاوز يجمع
مرات عمه: طب جرب تاتى
عمه: حاضر ومسك تليفونه..واتصل...وإتقفل عليه
الله......ده حد قفل عليا
ام محمد:لاء بقاااا ....... انا كده اقلق عليهم
دول ميعرفوش حد هنا😦
مرات عمه: يختى متخافيش...... بإذن الله هيكونوا بخير .....والغايب حجته معاه
و هنبص نلاقيهم بيخبطوا على الباب دلوقتى
جرس الباب......شوفتى مش قولتلك 😄
وفتحت الباب بسرعه ....كنتوا فين يا ولاد
كل ده بس...... قلقتونا عليكوا
الشيخ محمد ومحمود: السلام ورحمة الله وبركاته
الكل: وعليكم السلام ورحمه الله وبركاته
عمه: يبقى انت اللى قفلت عليا يا محمود
محمود: ايوه يا عمى معلش انا اسف..بس
الشيخ محمد قالى مادام خلاص وصلنا وطالعين متكلفش عمك مكالمه على الفاضى واقفل
مرات عمه : ايه ده كله يا شيخ محمد
ما شاء الله
الشيخ محمد: دول حاجه بسيطه يا مرات عمى
ميجيش من بعد خيركم.......إنت متاكد إنك جبت كله من التاكسى يا محمود
محمود : لاء لسه هنزل تانى اجيبهم بس قولت اطلعك الاول علشان تستريح مع الكام شنطه دول
عمخ: ليه يا محمد يا بنى المصاريف دى كلها
انا كده زعلت منك...ليه كلفت نفسك بس
هو انا قصرت معاكوا فى حاجه يا ابنى😞
الشيخ محمد:لاءخالص والله يا عمى...بس دول حاجه بسيطه
ام محمد: وده يطلع ايه جنب اللى انتو عملتوا معنا من يوم ما جينا من المنصوره
مرات عمه:عملنا ايه بقا ....متقوليش كده
ده احنا اهل يا حبيبتى....وده بيتكم قبل ما يبقى بيتنا
محمود : طالع السلم ينهج....اتفضلى يا مرات عمى. ....حطى دول فى الفريزر بسرعه ليبوظوا
مرات عمه: ايه دول كمااااان
محمود : دول فراخ وبانيه وكبده ولحمه صحيحه ومفرومه
العم : اتفاجأ.....ايه يا بنى ده كله بس
لا حول ولا قوة إلا الله....وفهم انه حس بظروفهم
😞
الشيخ محمد: محمود ..خودنى عند عمك
وأخدوا وقعد جنب عمه.......ومسك ايده وباسها
شد عمه ايده بسرعه....... أستغفر الله العظيم
ايه بس اللى بتعمله دده يا سيخ محمد
وغصب عنه عيونه دمعت هو ومراته😥😥
الشيخ محمد: يا عمى حضرتك فى مقام ابويا رحمه الله......وانا زى سمير ..ولا ايه
مرات عمه : واغلى والله يا بنى 😥
عمه : ربنا عالم وحده معزتك فى قلبى اد ايه يا شيخ محمد.....ربنا يرضى عنك
ام محمد: طب ايه بقى يا جماعه ...هنفضل
نعيط كده كتير ولا ايه.....ده الواد عريس
وفاتحته بكره 🥲
ده انا مصدقت انه هيفرح ويتجوز🥲
العم: ربنا يسعدك يا بنى ويهنيك يارب
محمود اتفضلى يا مرات عمى ..علبة الجاتو دى
ليكم هنا ...والعلبيتين دول بتوع العروسه بكره بإذن الله
مرات العم : وتجيب لينا ليه بس ..لازمته ايه
يا بنى التكلفه دى كلها
الشيخ محمد: دى اقل حاجه يا مرات عمى
والاقربون اولى بالمعروف😁
ام محمد بصيت لعيالها بفرحه😊
وحمدت ربنا فى سرها على تربيتهم واخلاقهم
الكريمه مع الغريب والقريب ..
ربنا يحفظكم ويباركلى فيكوا ياااارب🤲🏼
*******
ونكمل بكره بإذن الله ومستنيه رأيكم في الحلقه الحلوه دى واحداثها ويارب تعجبكم ❤️😁
واذكروا الله☝🏼 وصلوا ع حبيبه🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*