الفصل 14
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"14"))♡゙//*
يلا نصلى ع الرسول وندخل ع قصتنا ع طووووول🌹💗
#جنه_الدنيا_جيهان_سلامه
#محبه_الرحمن
اللهم تقزاك وجنتك ورضاك🤲
الحلقه (١٤)🌹
مرات عمه: يختى ماتفوكيها شويه كده واستبشرى خير بإذن الله
ام محمد اتنهدت بزعل: ..محمد واجعلى قلبى
اوى يا ام سمير.......ولله ده غلبان ونفسى يتجوز
زى صحابه ويبقى له بيت وعيال ....هو مش اقل من حد فيهم😞
مرات عمه: طبعاااا...ده زينة الشباب كلهم
بس قلبى بيقولى إنهم هيجوا يبشرونا بالبشرى الحلوه 😁.....بس قولى يارب انتى وادعيله
ام محمد: بدعيله ليل ونهار....ربنا ينورله طريقه ويسعد ايامه ويرزقه بالزوجه الصالحه اللى متزهقش منه ابدا وتشيله جوه عنيها😥
مرات عمه:طب إيه رأيك بقا إن ليلى دى هى
اللى تنفعله
ومش مهم يختى الجمال ...ولو على العيال بإذن الله هيجوا قمر زيى ابوهم 😁
ام محمد: لاء يختى خلااااص
لا عاوزة جمال ولا غيره...انا عاوزة واحده تحب
ابنى زيي كده واكتر كمان
مرات عمه: هى البت ليلى دى بإذن الله 😀
ام الشيخ محمد: ياااارب........تعرفى يا ام سمير
الشيخ محمد نفسه يتجوز ليه
مرات عمه: عشان نفسه يبقى عنده وحده ست تهتم بيه وعيال يقولوله يا بابا😁
ام محمد بدموع : ياااريت ......كنت فرحت 😥
مرات عمه: اومال عاوز يتجوز ليه 🤔
ام محمد طلعت منديل من جيبها ومسحت
دموعها....
عشان عاوز يرحمنى انا واخوه من خدمته😥
اصله حاسس بيا وشايف انى كبرت وتعبت ومبقيتش زى الاول😥
واخوه كمان هيبقى مشغول بالمذكره والدروس عشان الثانويه العامه ....اصله نفسه يجيب مجموع كبير ويدخل كلية الطب
مرات عمه: لا حول ولا قوة الا بالله...😞
هو اللى قالك كده
ام محمد: لاء......بس أنا سمعته بيكلم واحد صاحبه فى التليفون.....ابو انس اللى جابله البت جنه ... وكان فاتح الميكروفون بتاع التليفون والصوت كان عالى....وانا كنت لسه جايه من السوق ومعرفش إنى جيت
مرات عمه: وكان بيقوله ايه
..
.
.
فلاش باااااااااااك
.
.
.
الشيخ محمد: الله يباركلك حبيبى ف الله
اذا بس الاخت ام انس تعرف اخت ملتزمه وعلى تقوى من الله وعندها استعداد تكمل حياتها مع واحد كفيف زيي تعينه على الطاعه وعلى الحياه ..ياريت تبلغنى 😞
وانا قسما بربى مش هتعبها خالص فى خدمتى
وحتى طبق الاكل اللى هاكل فيه هغسله بنفسى
وهساعدها فى شغل البيت زي حبيبنا الرسول
صل الله عليه وسلم ماكان بيعمل مع اهل بيته
بس هى تستحمل عجزى😞
لانى نفسى اريح امى واخويا من خدمتى
كفايه عليهم اوى لحد كده
وانا تعبان بسببهم ..وحاسس انى هم كبير
عليهم
ف بالله عليك حبيبى ف الله شوفلى الموضوع ده
بس اهم حاجه انا عاوزها تكون اخت ملتزمه وبنت حلال تعرف يعنى ايه بيت يرضى الله ويقام على سنة حبيبه صل الله عليه وسلم
ابو انس: حاضر ولله يا شيخ ..هقولها اول ما اقفل معاك ع طول
طب يا شيخنا لو هنا فى القاهره تنفع ....لاننا مش بنيجى المنصوره كتير
الشيخ محمد: اولا حبيبى فى الله بلاش كلمه لو
لان حبيبك النبى صل الله عليه وسلم علمنا انها تفتح عمل الشيطان....فألاحسن تبدلها بأى كلمه تانيه
ثانيا ..والله لو فى ساحل العاج وعلى تقوى وايمان....انا موافق 😊
المهم عندى اريح امى واخويا لانى تعبتهم معايا كتير اوى.....وامى كبرت وتعبت واخويا محمود عنده ثانوية عامة... يعنى مذاكره ودروس
فكفايه عليهم تعب لحد كده😞
ابو انس بزعل : الله المستعان يا شيخ ...من عنيه حاضر
الشيخ محمد: يكتبلك ربى الخير كله حبيبى فى الله...وجزاك ربى جنته بغير حساب
انا فى إنتظار الرد
السلام عليكم ورحمة الله وبركاته
.
.
..
.
باااااااااااك.
..
مرات عمه بدموع: يا حبيبى يا ابنى😥ده انا قلبى اتقطع عليه من كلامه
ام الشيخ محمد: أومال انا اعمل ايه 😥
مرات عمه: ربنا يسعده ويعوضه بالزوجه الصالحه اللى تريحه وتسعده وتطمن قلبك عليه
ام محمد: امين يارب ........وبعدها بيومين
كان بيصلى العشا فى الجامع وكان سايب تليفونه فى البيت
ابو انس اتصل بيه ....وقالى إنه لقى عروسه بنت حلال وفيها المواصفات اللى هو طالبها
كان قصده ساعتها على البت جنه اللى شوفناها قبل ليلى
فقولتله ياريت بس متقولهاش انه كفيف لحد ما نروحلها وتشوفه بنفسها
مرات عمه: طب ليه قولتيله كده 🤔
ام الشيخ محمد: اصلى خوفت ترفضه لو عرفت إنه مبيشوفش 😞
وبس يا ستى ...ومن ساعتها واحنا فى الغولب ده....وقلبى بيتقطع عليه كل ما بشوفه😥
مرات عمه:بإذن الله خير يا حبيبتى.......قلبى
بيقولى إنه هيرجع مجبور الخاطر من عندهم
ويقولك انهم وافقوا ..وهتشوفى
وساعتها ليا الحلاوه بقا😀
ام محمد : يااارب ......يسمع من بؤئك ربنا
مرات عمه: تعالى نقف فى البلكونه نبص عليهم وهما جاين .....قومى يالاا وهاتى الشاى بتاعك
معاكى نشربه جوه...يالا يا ام العريس وحضنتها
ام محمد ابتسمت لما سمعت كلمة ام العريس😊
*****************************
جرس الباب.....هاله فتحت
هاله:اهلا اهلا يا نونا......وحشتينى يا حبيبتى
ادخلى تعالى ...ايه المفاجاءه الحلوة دى😁
مقولتيش ليه انك جايه
ناديه بزعل: ازيك يا هاله ..عامله ايه انتى والمزغوده جنه😏
هاله: فهمت: بخير يا حبيبتى الحمد لله
اجيبلك تفطرى بقا
ناديه: لاء فطرت مع رجائى قبل ما يروح الشغل
ويدوب نزل من هنا وانا نزلت فى رجله طوالى
وجيت اشوفك واتكلم معاكى كلمتين😠
هاله: بقلق....خير يختى قلقتينى
هو الموضوع فركش ولا ايه😟
ناديه: بنرفزه....هو شكله كده هيفركش بسبب بنتك 😠
كل ده بتفكر ...على ايه يعنى كل ده
شايفه نفسها ملكة الجمال اللى مفيش فى جمالها......ما البنات كتير يختى وعلى قفا مين يشيل😏
هاله بزعل: طب استهدى بالله يا ناديه كده
وقوليلى حصل ايه
ناديه: رجائى يختى كل شويه يسألنى ويتخانق
معايا.......بنت اختك فكرت..... بنت اختك ردت
اختك اتصلت.... لما زهقت 😠
هو انا ناقصه نكد بقا كل شويه بسببها
هى فييين .....يا جنااااااا ...انتى يا بت يا جناااا
هاله: ريحى نفسك...جنه فى الجامع عندها مقرأه مع صحابها
ناديه بزعيق: ااااااه ...مهى شلة الجامع العوانس دول هما اللى مالين دماغها
وهى مالها بيصلى ولا مبيصليش ..هى كانت وصيه عليه عشان تحاسبه😠
هاله: طب والله قولتلها كده
وصلاح كمان اتكلم معها ...والبت مقالتش حاجه
وحشه عليه.....ولسه ياختى بتفكر والله
يعنى ملوش لازمه الزعيق ده اللى على الصبح
جرس الباب.....
ناديه :طب قومى افتحى يمكن الشملوله بنتك جت 😠
هاله على اخرها من اختها ومش قادره تتكلم
وقامت فتحت الباب.....
ام عزت بقلق: صباح الخير يا ولاد...فى ايه
مالكوا كده صوتكوا جايب لاخر الشارع
فى ايه كفا الله الشر🤔
هاله:صباح النور.. ادخلى يا ام عزت اتفضلى
ناديه : أشهدك يا ام عزت وانتى احكمى بالعدل
هاله غمزت لاختها: ملوش لزوم يا ناديه ...الست لسه صاحيه من النوم متوجعيش دماغها على الصبح
ام عزت: لاء انا صاحيه من بدرى يختى وفايقه كمان اهو.......قولى يا بت يا ناديه فى ايه🤨
هاله بصيت لناديه بغيظ ومش عاوزاها تتكلم وتحكى
ناديه: بصى يا ستى
ام عزت : إستنى يا بت الاول متحكيش
بت يا هاله.......اعمليلى كوبية شاى باللبن
ولو عندك حتة بقسماطه هاتلى وحدتين معاها
لحسن عاوزه اخد دوا السكر .......قولى يا بت فى ايه
هاله : اعملك معها شاى يا ناديه
ناديه: اعملى يختى وخلصينى😠
بصى يا ستى
البت جنه اااا........وحكيتلها الموضوع
ام عزت وهى بتشرب الشاى باللبن مع البقسماط
صرخت فجاءه.....ياختااااااااى😱
هاله وناديه استغربوا .....فى ايييه😳😳
ام عزت: البقسماطه باشت فى الشاى وانا قاعده
بسمع رغيك......هاتى يا هاله معلقه اطلعها واكولها كده وخلاص
ناديه اتغاظت منها: رغى ايه ...مش بحكيلك اللى حصل عشان تحكمى 😠
ام عزت وهى بتاكل
امممممم .......حلو البقسماط ده يا بت يا هاله
ابقى هاتيلى منه ربع كيلو وانتى بتجيبى منه تانى
ناديه هتطق من الغيظ من ام عزت....يادى النيله عليا😡
بقا انا عماله أحكيلك اللى حصل وانتى تقوليلى
بقسماط
بقولك ايه ....انا مش ناقصه عله ع الصبح كفايه اللى فيا😡
هاله : احسن تستاهلى.....ما قولتلك متقوليش 🤣
ام عزت: يا بت اصتبرى عليا شويه.....مش بفطر
ناديه: لاء خلاص ...انا غلطانه....خليكى براحتك
انا ماشيه
أنا ورايا بيتى يختى وعيالى
وانتى عاوزة دماغ فاضيه ع الصبح😡
وانتى يا هاله..بنتك لما تيجى تخليها تتصل بيا
وتقولى هتعمل ايه وتخلصنى .......وقوللها طلاق خالتك شكله على ايدك😡
ام عزت: متقطعيش انتى بس 😂
هاله كتمت ضحكتها...🤭طلاق ايه بس بعد الشر
حاضر لما تيجى هقولها ....طب اقعدى اتغدى معنا
ام عزت : انتى ناويه تعملى اكل ايه يا بت هاله انهارده
ناديه: لاء يختى مش هينفع عشان الراجل والعيال
وبصيت على ام عزت بغيظ😒
الله يكون فى عونك انتى بقا على الهم ده😏
تقعدوا بالعافيه....سلامو عليكو
هاله: وعليكم السلام يا حبيبتى.... الف سلامه
وقفلت الباب وقعدت جنب ام عزت
ام عزت: بصراحه كده ...ناديه مزودها اوى
ايه يعنى البت لما ترفضه..مش أمله اوى يعنى هو😏......ده عزت ابنى برقبته
هاله: لاء والله يا ختى ده شاب زى الفل
بس لسه البت بتفكر
ام عزت :ولا متفكرش....ما تسيبوها براحتها
مش هى اللى هتتجوز😏
مقولتليش .....هتعملى اكل ايه انهارده 😁
*********************************
فى المسجد....
جنه وعبير قاعدين مع بعض
وليلى فى حلقة تسميع قرأن للاخوات
جنه:بس بجد يا عبير ما شاء الله عليكى انهارده فى التسميع احسن من كل مره
عبير: اصلى بصراحه بقيت بخاف من ليلى وهى بتسمعلى
بتقعد تبصيلى بغيظ لما بغلط.. وبحس انها عاوزه تضربنى وبتنسى إننا اصحاب😂
جنه: وانا كمان والله كده بردوا 😂
عبير: بس انتى بصراحه إنهارده مكونتيش مركزه خالص فى التسميع ولا التجويد ..مالك يا جنه بس فيكى ايه
انتى من ساعة موضوع ااااا.......وسكتت
جنه: كملى.....قصدك موضوع ياسر....مش كده
عبير: لاء......قصدى موضوع الشيخ محمد
جنه ارتبكت: اا.ا.ا...ماله يعنى الشيخ محمد 😒
عبير: هو انتى فكرانى مش واخده بالى ولا ايه
على فكره بقا ....انتى الندم باين عليكى جداااا
إنك رفضتيه
جنه بإرتباك :اناااا.... لاء خالص ولا ندمانه
ولا حاجه😒ربنا يسعده هو وليلى... وبصراحه الأتنين يستاهلوا بعض😞
عبير بزعل: لاء ما خلاص... قدر الله وما شاء فعل
جنه بإستغراب : خلاص........خلاص ايه
عبير: ليلى يا حبيبتى كلمتنى امبارح الفجر
وهى بتصحينى علشان اصلى قيام الليل
وكانت بتعيط 😞وقالتلى إن الشيخ محمد
الله يسامحه بقا رفضها
جنه غصب عنها الفرحه بانت عليها: بجد😁
عبيراتفاجئت برد فعل جنه....واتضايقت🤨
إيه ده ...هو انتى فرحتى ولا إيه إن الموضوع ماتمش
جنه ارتبكت: ااا..اا...أنا.....لاء طبعا وهفرح ليه
ده انا حتى زعلت علشانها جدااا😒
عبير بنظرة شك: امممم.....ما أنا واخده بالى😒
جنه: بس غريبه.....ليلى مش باين عليها خالص انها زعلانه
عبير: هى بتعمل نفسها انها مش زعلانه علشان محدش يلاحظ حاجه......لكن لو كنتى سمعتى صوتها الفجر وهى بتبكى كنتى هتحسى اد ايه هى حزينه عليه😞
لانها اتعلقت بيه جدا.....اتعلقت بإلتزامه واخلاقه... واتمنيته فعلا يكون زوجها
وانتبهت لكلامها واتضايقت من نفسها
ياااربى عليا ...مفيش فايده فيا وفى لسانى😡
بقولك ايه يا جنه...استحلفك بالله
اوعى تجيبلها سيره إنى قولتلك حاجه
جنه بزعل: هى قالتلك متقوليش حاجه ليا
عبير: بصراحه لاء....هى مقالتش انها مش هتقولك ولا حتى حلفتنى انى مقولش لحد
لولا كده كنت اقسم بالله ماقولتلك حاجه
بس انا كالعاده مدب و بقع بلسانى اللى عاوز قطعه ده......على رأى امى🤨
جنه: متخافيش يا عبير.. مش هجيبلها سيره
عبير :بصراحه يا جنه كده......ممكن تقوليلى انتى ليه فرحتى لما عرفتى إن موضوع ليلى والشيخ محمد انتهى
جنه: انا فرحت😒......لاء طبعا يا بنتى
ده انا زعلانه جدا علشانها .... وعلى العموم
ربنا يقدرلها الخير ويرزقها بالزوج الصالح عن قريب بإذن الله
عبير:امين يارب .....طب مقولتليش
هتعملى ايه مع عريس الغفله ياسر
جنه: لاء الله يباركلك متجبيش سيرته نهائى قدامى علشان بتخنق منها😠
عبير: طب ناويه تعملى ايه يعنى....هترفضيه ولا ايه
جنه: بعدين هقولك.... انا هقوم اعمل تليفون ضرورى وارجعلك ......وقامت
عبير:ماشى.........واتنهدت بحيره وكلمت نفسها
انا مش فهماكى يا جنه خالص اليومين دول
الله يهديكى ويصلح حالك
جنه طلعت تليفونها من شنطتها واتصلت
السلام عليكم........😊
*****************************
ليلى : ما شاء الله عليكوا كلكم انهارده فى التسميع....اللهم بارك
جعلنا الله من اهل القرآن جميعا 🤲
الجميع: آمين يارب.......ولسه هيقوموا
ليلى : استنوا يا جماعه الخير رايحين على فين😊
لازم الأول نختم بدعاء كفارة المجلس
قولوا معايا
سبحانك اللهم وبحمدك ..نشهد ان لا اله الا انت
نستغفرك ونتوب اليك
بسم الله الرحمن الرحيم
وَالْعَصْرِ(١) إِنَّ الإِنسَانَ لَفِي خُسْرٍ(٢
إِلاَّ الَّذِينَ آمَنُوا وَعَمِلُوا الصَّالِحَاتِ (٣)
وَتواصَوْا بِالْحَقِّ وَتَوَاصَوْا بِالصَّبْر
ام رقيه:هو احنا لازم نقوله يا اخت ليلى فى كل ختام مجلس
ام عبد الله :ولو هنقوله...... فضله ايه
ليلى: بصوا يا اخواتى.....رسول الله صل الله عليه وسلم يعلم أن نفوسنا ضعيفة، وأننا سنقع لا شك في معاصي اللسان مهما اجتهدنا
لذلك جعل لنا هذه السُّنَّة النبوية الجميلة التي تمسح ذنوبنا أولاً بأول، وهي سُنَّة كفارة المجلس! روى الترمذي -وقال الألباني صحيح-
عَنْ أبِي هريرةَ رضي الله عنه، قَالَ: قَالَ رَسُولُ اللَّهِ صلى الله عليه وسلم: "
مَنْ جَلَسَ فِي مَجْلِسٍ فَكَثُرَ فِيهِ لَغَطُهُ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ: سُبْحَانَكَ اللَّهُمَّ وَبِحَمْدِكَ، أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ. إِلَّا غُفِرَ لَهُ مَا كَانَ فِي مَجْلِسِهِ ذَلِكَ".
يلا نقوله مع بعض تانى علشان تحفظوه كويس 😊قولوا ورايااا
سبحانك اللهم وبحمدك..اشهد ان لا اله الا انت
استغفرك واتوب اليك
الجميع: سبحانك اللهم وبحمدك اشهد ان لا اله الا انت استغفرك واتوب اليك
ليلى : جزاكم الله خيرا جميعا وجعلنا الله من أهل القرآن فى الدنيا وجليسا معنا فى القبر
ورفيقا لنا على الصراط ودخول الجنه بإذن الله دون سابقة عذاب... آمين يارب🤲🏼
ام عمار: امين يارب 🤲
طب يا اختى ليلى احنا فى مجلس كله ذكر وقران يعنى مفيهوش حاجه حرام علشان نستغفر
ليلى:: حبيبتى ف الله احنا ما شاء الله
كتير فى الحلقه.... فممكن تكون اخت مع اخت تانيه او كذا اخت مع بعض خلصوا الحلقه وقعدوا مع بعض واتكلموا سوا فى اى امر من امور الدنيا
وغصب عنهم جابوا سيرة حد او مثلا أخت بتشكى من زوجها او اولادها او حماتها
فالأحسن نقوله....
وعلى فكره ....كنت بستمع لحلقات الدار الاخره للشيخ عمر عبد الكافي واوصيكم انكم تسمعوها .. لأنها رااائعه جدااا ما شاء الله وبيشرح
فيها من اول الوصيه قبل الموت.... والموت والقبر وعلامات الساعه الصغرى والكبرى لحد
الجنه بإذن الله بطريقه بسيطه وجميله ...فكان
الشيخ مع كل ختام درس يقول الدعاء ده
فجميل اننا نختم به كل كلامنا سواء حلو او وحش
الحاجه ام رمضان: حتى يا بنتى لو بنتكلم مع حد فى التليفون نقوله بردوا
ليلى :ايوه يا امى... وده مهم جدااا....لاننا بقينا
نتكلم فى التليفون اكتر ما بنتقابل مع بعض
والكلام طبعا فى التليفون بيكتر.... ولا ايه😄
الكل: اه والله صح .....عندك حق
ليلى : يبقى قبل ما تقفلوا تقولوا الدعاء
واشوفكم بإذن الله الاثنين اللى جاى بعد العصر
واعملوا حسابكم إننا هنكون صايمين بإذن الله
ف اللى تحب تجيب فطارها معها ونفطر كلنا سوا
صحبه مع بعض تتفضل 😊
جعلنا الله من اهل باب الريان ..باب الصائمين
الكل: امين يارب
ليلى: استودعكم الله 😊السلام عليكم ورحمه الله وبركاته
الجميع : وعليكم السلام ورحمه الله وبركاته
وقامت ليلى.... وقربت من عبير وقعدت جنبها
السلام عليكم ورحمه الله وبركاته ....اومال فين جنه
عبير: عليكم السلام ورحمه الله وبركانه
جنه وافقه هناك أهى بتتكلم ف التليفون
المهم قوليلى قبل ما تيجى جنه
ناويه تعملى ايه
ليلى اتنهدت بحزن وبصيت لعبير ...وعنيها فجاءه اتمليت بالدموع غصب عنها🥺
عبير شدتها فى حضنها وفضلت تطبطب عليها
اهدى يا حبيبتى.....اكيد ربنا شايلك الاحسن
ليلى من جواها: مفيش احسن من الشيخ محمد 😥
********************************
صلاح: انا خلاص اتخنقت منها ومش قادر
اكمل حياتى معها 😡
هاله: طب إهدى يا حبيبي وخد اشرب الليمون ده وروق كده ..وربك هيدبرها
صلاح: تسلم ايدك يا امى
هاله: تسلم يا حبيبي.......هى من الأول مكانتش ليك يا صلاح .....الله يسامحها بقا مرات صاحبك اسامه .....هى اللى وقعتك الوقعه السوده دى
صلاح: 😂
هاله إستغربت ضحكته : انت اتجننت يا واد ولا ايه 🤔
انت بتضحك على ايه دلوقت 🤨
صلاح: اصل صاحبى مراته طلعت انيل منها
ماهم صحاب بقا
هما مش بيقولوا الطيور على اشكالها تقع.....اهى وقعت على دماغنا احنا الاتنين😂
هاله: يادى الخيبه......وعامل ايه معها
ده اسامه يا عينى عليه أغلب من الغولب راخر
صلاح: بالعكس....اسامه طلع انصح منى
كتب على نفسن مؤخر ٥٠٠٠ جنيه بس
مش ٢٠٠٠٠ الف زى حالاتى 🤨
هاله: ما انت اللى اااا.....ولا بلاش......انت مش ناقص
صلاح: لاء قوليها .....انا اللى غلطت واتسرعت😞
هاله:نصيبك بقا...... طب هو عمل معها ايه
ولا زيك كاتم فى نفسه كده وساكت
صلاح: لااااا ....كاتم ايه.....ده من اول شهرين
مرتحش معها ولقى طبعها صعب وخناق ونكد على طول....... طلاقها وخلص منها قبل ما تجيبله عيل ويدبس فيها
وسبحان الله......بعدها ربنا اكرمه واتجوز على طول
بنت عمه جابتله صحبتها كانت معها فى الكليه
وقالتله دى بقا على ضمانتى ...بنت ما شاء الله اخلاقها عاليه ومحترمه وملتزمه ولبسه خمار
واهلها ناس طيبين جدااا
وكان فى الاول خايف يجرب الجواز تانى لتطلع زيها
بس سأل عليهم كويس المرادى وفعلا طلعوا
ناس كويسين اوى........واتجوزوا على طول
هاله: وطلعت كويسه بقا على كده....ولا زى اللى قبلها
صلاح: انا مكانش ينفع أساله طبعا ...بس من غير
ما اسأله عرفت إنها كويسه ومريحاه
هاله: وعرفت ازاى
صلاح: كان بيجى الشغل وشكله كده مبسوط عكس الاول تماماااا.....ولبسه نضيف ومكوى وبيضحك من قلبه وهو فرحان .....ولازم كل يوم يتصل يطمن عليها ... ..ده غير تليفون منها هى كمان الصبح تطمن عليه إنه وصل الشغل بالسلامه
تعرفى ...مره اسامه نسى ورق مهم فى البيت
ومينفعش يروح يجيبه واتصل بيها
مفيش نص ساعه وجاتله على طول وجابتله الورق
هاله: ما شاء الله......ربنا يسعدهم
وحلوة بقا على كده.....ما انا اصلى عارفه اسامه بيحب الجمال زيك بالظبط
صلاح: بالعكس بقا ....جمالها عادي جداا
بس تحسى فيها القبول والاحترام والتدين
ودول اهم من الجمال.... ومخلينها زى قمر فى عينه
وكفايه ما شاء الله الحب اللى بينهم والسعاده اللى فى بيتهم
تعرفى يا أمى.. .. أنا لما روحت انا وزمايلى نباركله
قسما بالله يا امى اول ما دخلنا شقته حسينا اننا
داخلين جنه مش بيت..........نضافه ايه وشياكة ايه.....مع ان العفش عادى جداااا
بس سبحان الله تحسى كده بيت ربنا راضى عنه
ده غير كمان الريحه الحلوة اللى ماليه الشقه
هاله: ما شاء الله......بس الحلاوه مطلوبه بردوا
صلاح: حلاوة ايه بس يا ام صلاح
يغور الجمال لو هيخلى الواحد يعيش فى الهم والنكد اللى انا فيه ده.....والبيت اللى بقى شبه السجن 😞
هاله:سجن ايه بس بعد الشر ....ما بيتك زى الفل وعفشك احلى واغلى عفش
ومراتك على اد طبعها المنيل ده.. ...بس قمر الصراحه.......بياض ايه.... وعنين زرقه وشعر ملون
متتبطرش على النعمه يا ابنى وقول الحمد لله
صلاح بخنقه.......تصدقى بالله😡
هاله : لا اله الا الله
صلاح: انا اول ما بدخل من باب الشقه كده
بشم ريحة نتانه...كأن كلب ميت فى الشقه
ده غير المواعين اللى مبتتغسلش الا بالخناق
وساعات بغسلها انا وارحم نفسى من النكد😡
وغير هدومى اللى بقيت شبه الهدوم القديمه من
غسيلها اللى مش نضيف .....ده غير اللى اتقطع واللى اترمى بسبب إهملها😔
وسبحان الله....بتبقى على سنجة عشره قدامى ومسرحه شعرها ومظبطه نفسها.... بس مع كل القرف اللى حواليها ده....شايفها غوريلا قدامى
ولا شايف فيها جمال نهائى .........بالعكس
انا شايفها جمال نفسه😂
هاله: يخيبك يا واد يا صلاح🤣
ضحكتينى وانا عاوزة اعيط على حالك معها
وغصب عنها عيطت وهى بتضحك🥲
وقام أخدها فى حضنه......وباس راسها
ادعيلى يا امى
هاله:بدعيلك والله يا ابنى😞ربنا يصلح حالك معها ويهديهالك
تليفون صلاح رن وبص فيه😡 .....وكنسل
هاله: قفلت ليه......مين اللى كان بيتصل
صلاح: دى جمال 😂
هاله: 🤣
طب كنت رديت عليها وشوفتها عاوزه ايه...لتكون تعبانه ولا حاجه
صلاح: تلاقيها عاوزه تكمل خناق معايا
ده انا مروحتش الشغل انهارده بسبب نكدها
وقولت اجي اقعد معاكى وافضفض شويه
حاسس انى هتخنق 😡
هاله: بعد الشر عليك من الخنقه يا حبيبي
اهدى كده و صل على النبى وقولى اتخانقت معها ليه
صلاح: صل الله عليه وسلم
بسبب امبارح يا ستى لما روحت اخدها من عند امها
وطلعت زى ما قولتيلى ...وخدت معايا ٥ كيلو
موز وقعدت شويه معاهم وخدتها ونزلت
وفضلت ضاربه بوز طول الطريق لحد ما روحنا شقتنا
مع انى ولله كنت ناوي اعزمها على شاورما علشان عارف إنها بتحبها وقولت اهويها شويه ونروح على البيت بعد كده
بس قولت لنفسى.. طب والله ما انا واخدك فى حته ببوزك الناشف ده😡
واول ما دخلنا البيت ...تقولى ماسورة مجارى وانفجرت فى وشى😡
موز ايه اللى انت جايبه ده ......اااااااه
ماهما عشان اهلى بتسترخص .....ما احنا مش
وش جاتو ولا طبق حلويات زى ما بتجيب لامك
واختك
وصوتها بقا اد كده عليا ...وفضايح وسط الجيران
لقيت نفسى غصب عنى مقدرتش اتحمل
ونزلت عليها ضرب فيه كل الغل اللى كاتمه جوايا طول الشهور اللى فاتت دى كلها😡
هاله ضربت كفها على صدرها:يا لهوى 😳ضربتها
ليه بس كده يا ابنى حرام عليك
انت ترضاها لاختك بردوا😠
صلاح : اختى مؤدبه ومتربيه يا ام صلاااااح😡 لكن دى اعوذ بالله منها.....شيطانه فى صورة انسان
هاله: لاء بردوا ميصحش كداااا....طب والله نكدت عليا😟
صلاح: سيبك بقا منها ومن سيرتها اللى بقيت تعكنن على الواحد دى
انا هدخل انام شويه ...منمتش من امبارح ولا حتى كلت لقمه
هاله: مكلتش ازااااى......دى خدت الاكل اللى كان
هنا كله عشانك انت وهى ...وقالتلى هنتعشى بيه عشان مش هقدر اطبخ😠
صلاح اتفاجاء: ايه ده ..هى العلب اللى كانت معها دى بتاعتك.........يا بنت ال😡
هاله: اه بتاعتى .....ليه....هى قالتلك ايه🤔
صلاح: اصلى بسألها واحنا ماشين وبقولها علب ايه دى اللى فى الشنطه
قالتلى اصل امى عملتلى عشا عشان تعبانه
مش امك اللى ولا سألت فيا ولا حتى برغيف عيش
هاله اتضايقت.....بس محبتش تكبر الموضوع
تلاقيها بس خافت تقولك عشان متزعقلهاش
صلاح بتريقه: ...ااه صح.... خافت اوى😏
واتنهد تنهيده كلها وجع😞
الله يباركلك يا امى اقفلى بقا على السيره دى...لحسن دمى محروق منها
هاله: طب ادخل ارتاح عقبال ما احضرلك لقمه تاكلها قبل ما تنام
صلاح: اومال فين جنه
هاله: زمانها جايه..كانت فى الجامع مع عبير وليلى
صلاح : ماشى.....ودخل اوضة امه ورمى نفسه على السرير وكلم نفسه بقلب موجوع
ياريتنى كنت اتجوزت وحده فيهم.....ومكونتش بصيت للحلاوه والشكل😔
صدقت يا رسول الله
فاظفر بالذات الدين ..تربت يداك)😞
**********************************
مرات عمه : الحقى يا ام محمد....تاكسى وقف عند البيت أهو
ام محمد: .يارب يكونوا هما
مرات عمه: اه يختى هما......افتح الباب يا ابو سمير للشيخ محمد ومحمود عشان طالعين
.
وفضلوا واقفين شويه فى البلكونه وبصين عليهم
ام محمد: هو الواد محمود مكشر ليه كده..انا قلبى مش مطمن يا ام سمير😟
مرات عمه: يختى تلاقيه بس حران ولا حاجه ما انتى شايفه الجو عامل ازاى
وبإذن الله خير....اطمنى
تعالى ندخل نشوفهم زمانهم طالعين على السلم
الشيخ محمد : السلام عليكم ورحمه الله وبركاته
الكل: وعليكم السلام ورحمة الله وبركاته
ام محمد: خير يا بنى طمني عملتوا ايه 😟
العم: سيبوهم الاول بس يرتاحوا من المشوار
والسلم.......هاتلهم عصير يا ام سمير
مرات عمه: حاضر يا خويا من عنيه..ودخلت المطبخ
ام محمد بصه على وش محمود لقيته مكشر وزعلان
وبصيت على وش الشيخ محمد لاقيته بشوش
وراضى كالعاده ...واحتارت🤔
وبعصبيه....ماحد ينطق ويطمني..حصل ايه
الشيخ محمد: هدى نفسك يا حاجه... كله خير
بإذن الله 🙂
محمود : تسمحلى يا شيخ اتكلم انا😞
ام محمد: اى حد فيكوا يتكلم ويطمنا
خرجت مرات عمهم بالعصير....خد يا حبيبى انت وهو اشربوا العصير
محمود بص لعمه ولامه ومرات عمه
محمود: مش عارف بصراحه اقولكم ايه...بس مش هقول غير قدر الله وما شاء فعل
التلاته😔😔😔
الشيخ محمد 😔
******************************
ونكمل بكره بإذن الله ومستنيه رأيكم في حلقة انهارده واتمنى تكون نالت إعجابكم ❤️
على فكره مش كل اللى بنتمناه بنطوله لانه اكيد خير لينا فى الاخر😔
وقبل نهاية الكلام 🤔
اذكروا الله الرحمن ☝🏼وصلوا ع حبيبه خير الأنام
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*