الفصل 12
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"12"))♡゙//*
يالا نصلى ع الرسول وندخل ع طوووول💗😍
#جنه_الدنيا_جيهان_سلامه
#محبه_الرحمن
اللهم تقواك وجنتك ورضاك🤲
الحلقه (١٢)🌹
ملحوظه ✋....القصه اللى اتذكرت انهارده فى الروايه قصه فعلا حقيقيه لاخت فاضلهاعرفها كويس
وكانت سامحه إنها تتحكى .....فدخلتها بين احداث القصه
لنتعلم منها حسن الظن بالله والصبر على الابتلاء
ويلا ندخل ع القصه ونشوف احداث انهارده ايه الاخبار 😊
اسماء: خد القميص اهو....كويتهولك ولا اجدع مكوجى😁
عصام: ماشى يا ستى تسلم ايدك
اسماء: إلا قولى صحيح....محدش من الجماعه اللى جم لاختك اتصلوا بيك
عصام: لاء لسه محدش اتصل
اسماء: يبقى اكيد العريس وامه رفضوا اختك😏
عصام: يا ستى ليه الفال الوحش ده بس
اكيد مشغول ولا حاجه ..ده كان شكله مبسوط
بيها اوى هو واهله...بطلى انتى بس كلامك ده الله يباركلك وخليكى فى نفسك😠
انا ماشى بقا ....سلامو عليكو
اسماء:ماشى دا ايييييه.....استنى هنا وقولى
إنت حكايتك معايا ايه بالظبط اليومين دول يا راااجل
مره تسيب فلوس ...ومره تعمل نفسك نسيت😠
عصام: ايه ده....هو أنا نسيت اسيبلك المصروف انهارده😒
اسماء: تصدق ااه😏
عصام طلع المحفظه وهو بينفخ😤
حظك وحش....معايش فكه
صرفى نفسك بإى حاجه بقا من اللى عندك....يلا سلام
اسماء بنرفزه: استنى هنا ....اصرف نفسى ازاى يعنى
انا معنديش حاجه نتغدى بيها انا والواد😠
عصام: خلاص محلوله..... خدى الواد وروحى عند امى
عقبال ما اخلص شغل واقفل المحل واجى اخدكو
بالليل......وليكى عليا يا ستى هفسحك
واعشيكى بره كمان ...ظئطاطى بقا 😁
أسماء:ايه ده بجد😁
لاء بقاااااا ..... ده انت كده تنسى الفلوس براحتك كل يوم 😀
عصام:لا اله الا الله....ما كنتى لسه هتمسكى فيا دلوقتى😀
اسماء: مقدرش يا عصومى....ده انت حبيبى😊
عصام: دلوقتى بقيت عصومك وحبيبك
ربنا يهدى🤨
تليفونه رن.............استنى اما اشوف مين بيتصل
ايه ده 😳......ده رقم الشيخ محمد
اسماء: طب رد بسرعه وطمنى
عصام: سلامو عليكوا....سلامو عليكو....الو...الووو
الشبكه وحشه هنا ...انا هنزل اكلمه من الشارع احسن
اسماء : طب إبقى طمنى وقولى قالك ايه
عصام: ماشى .....سلامو عليكو
اسماء: عليكم السلام........ودخلت وقفلت الباب وكلمت نفسها......يا ترى إتصل بعصام ليه
عشان يقوله موافق.......ولا عشان رفض🤔
عصام: سلامو عليكو
الشيخ محمد:وعليكم السلام ورحمة الله
وبركاته ...استاذ عصام معايا مش كده
عصام بفرحه: كده 😁 ازاى حالك يا شيخ
طب ولله ليك وحشه...واهل المنطقه من ساعة
ما صلوا وراك فى الجامع وهما على طول بيجبوا فى سيرتك بكل خير وبيدعولك والله😁
الشيخ محمد: حبيبى الغالى ربنا يعزك ويعزهم
كلهم ناس افاضل ما شاء الله 😊
عصام: الله يكرم اصلك يا شيخ 😁
عصام مستني يقوله خبر يفرحه......خير يا شيخ محمد.....تحت امرك
الشيخ محمد: خير بإذن الله ..اصل كنت عاوز اجى انا وولدتى وعمى وزوجته نزوركم زياره تانيه...😊
وفى الوقت اللى تحددوا انتو طبعا...
عصام بفرحه: يا خبر ابيض... انت بتستئذن يا شيخ....ده بيتكو....تيجوا وتنوروا فيه فى اى وقت😁
الشيخ محمد: الله يسعد قلبك برضا الرحمن😊
طب يعنى افهم من كده ان الاخت ليلى وافقت ولا لسه بتفكر
عصام: انا بصراحه لسه معرفش .....على العموم انا هتصل بالحاجه حالا واسألها وارد عليك
الشيخ محمد قلق من كلامه وحس إنه مخبى عليه حاجه😞
الشيخ محمد : على فكره يا عصام... انا متعود على انى اترفض...... فعادى يعنى
فلو الاخت رفضت......قول ومتتحرجش😞
عصام اتضايق علشانه 😟
طب عليا الطلاق يا شيخ ما اعرف حاجه لسه
الشيخ محمد: لا حول ولا قوة الا بالله
انا مصدقك من غير حلفان يا عصام....ليه بس تحلف بالطلاق على اى حاجه كده
هذا لا يجوز يا حبيبي فى الله.....إستغفر ربك وتب اليه....وياريت تبعد خالص عن كلمة الطلاق دى فى اى امر من امور الدنيا
عصام: عند حق.....ادعيلى يا شيخ محمد ربنا يهدينى
لحسن ده بقى لبانه ف بؤئى كل شويه اقوله على اهيف حاجه
الشيخ محمد: ربنا يحفظلك لسانك من كل كلمه
لا ترضى الله ويغفر لك ذنبك ويرفع لك قدرك
عصام: امين ياااااارب.....خلاص إستنى منى
الو انهارده او بكره بالكتير.....وبإذن الله خير😁
الشيخ محمد: بشرك الله بالخير حبيبى ف الله
وانا فى انتظارك ..السلام عليكم ورحمة الله وبركاته😊
عصام: وعليكم السلام يا شيخنا....وقفل معاه وكلم نفسه بزعل😞
لا حول ولا قوة الا بالله......قطع قلبى وربنا بكلامه ده
يارب تكون البت ليلى وفقت .........واتصل
ام عصام: الوو ..ازيك يا حبيبى عامل ايه😁
عصام: الحمد لله يا حاجه .طمنينى عليكو
انتو عاملين ايه
ام ليلى: الحمد لله..كلنا بخير......ازيك انت وازاى اسماء وعمورى حبيب تيته😁
عصام: ده واد قرد.....كل حاجه ينكش فيها
لحد ما كسرلينا العفش كله 😂
على العموم شويه وهتلاقيهم جاين عندكو وهعدى بالليل اخدهم
اصل بينى وبينك يا حاجه...مكانش معايا فلوس انهارده اسيبها فى البيت ...فعملت نفسى نسيت
وطبعا ست اسماء شغلت الوصله بتاعتها فقولتلها تيجى عندكوا انهارده وضحكت عليها بكلمتين
وقولتلها هخدها بالليل افسحها ......وطبعا ولا
هفسح ولا حاجه.....هو انا معايا فلوس
ام ليلى: يا خويا ولا تشيل هم ...ربك كريم
روح يا بنى ربنا يوسعلك رزقك ويبعتهولك
ولو كان فى سابع ارض
عصام: ايوه كده يا ام عصام ..اشتغلى فى الدعاوى دى كتير الله يباركلك لحسن الحاله مئشفره ع الاخر
انتى عارفه شغلة الحلاقه مش بتكسب اليومين دول اوى
وكل زبون بيطلع عينى معاه...و هما ال ٢٠ جنيه
اللى باخودها ع الراس ...والحمد لله على كل حال
ام ليلى : روح يا بنى ربنا يطولك كل شعر الرجاله
اللى فى الشارع عندك ويجولك يحلقوا ...ويملوا محلك بالشعر الابيض والاسود😀
عصام: يسمع منك ربنا 😀
ام ليلى : ولا تشيل هم ابدا يا حبيبى طول ما انا عايشه......و تيجوا فى اى وقت... البيت مفتوح
ده انا حته عامله انهارده شويه فته ولحمه إنما ايه ...يستهالوا بؤقك😁
واختك سهام جايه تتغدى معنا هى كمان
عصام: يا فتااااتك يا حاجه نحمدو 😂
متنسنيش بقا فى حبه على جنب عقبال ما اجيلكوا بالليل😀
ام ليلى: عينى...ده انت قبل الكل يا حبيب امك
عصام :تسلم عينكى .. عاوزه حاجه اجيبهالك
وانا جاى
ام ليلى: عاوزه سلامتك يا حبيبى ...ربنا يكرمك
عصام: طب سلامو عليكو....ولسه هيقفل افتكر
اه صحيح.......الوووووو.....الووو يا حاجه
ام ليلى : ايوه انا معاك أهو ...نسيت تقولى
حاجه ولا ايه
عصام: نسيت اقولك اللى انا متصل مخصوص عشانه
الشيخ محمد اتصل بيا وعاوز يحدد معاد عشان يجى هو واهله
ام ليلى حسيت فجاءه إنها اتخنقت ...وبقيت مش عارفه تزعل ولا تفرح........
هو امتى اتصل ......وقولتله ايه
عصام: من شويه...وقولتله لسه هعرف الرد واتصل بيه واقوله
ام ليلى: بصراحه يا عصام الواد زى الفل واهله ناس طيبين ...بس ااااا
عصام قاطعها: فاهمك عاوزه تقولى إيه يا حاجه
بس والله وهو بيكلمنى قطع قلبى لما افتكر اننا رفضناه
ام ليلى بنرفزه: يعنى هو يقطع قلبك واختك مش
هتصعب عليك لما تعيش مع واخد اعمى😠
عصام: لا اله الا الله....هو يعنى كان بإيده يا حاجه
ام ليلى بعصبيه: ولا بإيده ولا برجله 😠
البت متقعدتش كل السنين دى وفى الاخر لما تيجى تتجوز.... تجوز واحد تاخد بإيده فى اى مشوار تخروجه معاه وتجروه وراها زى العيل الصغير........لااااء.....بقولك ايه
انا مش موافقه😠
عصام: يامه واحنا مالنا... المهم هى
احنا ملناش دعوه
ام ليلى بعصبيه: مالنا ازاااااى.....مش بنتى😡
وبقولك ايه...... كلامى هو اللى يتسمع
انا كنت اه مبسوطه بيهم فى الأول لما جم
بس لاء يا خويا ....انا عندى تقعد جنبى كده
من غير جواز... بدل جوازة الندامه دى😡
واسمع...😠....انت تتصل بيه وتقوله اختى مش موافقه......سااااامع
عصام: طب شوفى بنتك الأول لتكون عاوزاه
ام ليلى بعصبيه : بقولك ايه...هى كلمه ومش هرجع فيهاااا . . لحسن وعزة جلالة الله ما هتشوف منى طيب......وانت عارفنى لما بحلف بعمل ايه😠
عصام: لا اله الا الله.......ما انتى كنتى لسه
من شويه ام القلب الحونين ...قلبتى ليه على
امنا الغوله كده😠
ام ليلى: غوله لما تاكلك ...اقفل يا واد يلا وجعت دماغى😡وقفلت السكه فى وشه
عصام بيكلم نفسه :الووو...الوووز
بقا بتقفلى فى وشى كده بردوا
مااااشى يا حاجه ......الله يهديكى
طب اقول أنا للراجل ايه بس دلوقتى 😞
لا حول ولا قوة الا بالله.....ده زى ما يكون قلبه كان حاسس
أعمل ايه بس يا ربى........هقوله وامرى لله
الله يسامحك يامه😠
*****************************
ابتسام: قطيعه تقطع السلم وسنينه ..قطع نفسى
كان لازم يعنى تسكنوا فى العالى كده
وضربت الجرس
ام ابتسام: وااد يا حماااااده....افتح الباب يا ولاه وشوف مين
حماده : دى ابله ابتسام يا ماما ..وجايبه معها حلوة😁
ابتسام: حاجه حلوة فى عينك ..اوعى كده أما ادخل ارتاح😠
ام ابتسام دخلت سلمت عليها ... اهلا يا بسبوسه.... عامله ايه يا حبيبتى....وحضنتها وباستها....🫂...وقعدت تبص على الشنطه اللى معها....👀👀
حماده: هو ايه ده اللى فى الشنطه يا ابله 😁
ابتسام: ده يا حبييى حاجه بتاعة عمك صلاح
وانزل يلا هاتلى حاجه ساقعه ..السلم قطع نفسى ونشف ريقى
ام ابتسام: اجرى يا واد هات لاختك حاجه ساقعه بسرعه من تحت
حماده: وانا كمان هجيب واحده ليا ...مليش دعوه 🤨
ام ابتسام: هى وحده بس اللى تجيبها.....واختك ابتسام هتبقى تسيبلك حبه...يلاااا اجرى
ابتسام: هى الازازه فيها اد ايه لما اسيبله حبه🤨
ام ابتسام: يختى بقوله كده وخلاص عشان ينزل
وفضلت تبص على الشنطه👀
هو ايه ده يا ابتسام اللى فى الشنطه ...شكلها علب تلاجه دى ولا ايه
ابتسام: اه....اصل حماتى بعتت معايا لصلاح
العشا بتاعه اكمنى وقعت عندها حته وقعه جامده اوى ومش قادره بسببها اعمل حاجه
ام ابتسام بخضه: يا حبييتى يا بنتى... جرالك حاجه ..والعيل جراله حاجه.... طمنينى
ابتسام: لاء الحمد لله محصلش حاجه
بس لازم بردوا اروح للدكتوره عشان اطمن
وانا اصلا لكنت هروح ولا اجى وخدت الفلوس من صلاح كأنى هروح
ام ابتسام: طب ووقعتى ازاى طمنينى
هى خليتك تمسحيلها الشقه يا بت ولا ايه😠
ابتسام: لاء طبعا... وانا امسحلها ليه
ما بنتها تمسح بدل قعدتها كده لا شغله ولا مشغله
ام ابتسام: اومال حصل ايه
ابتسام: اصل يختى لقيتهم مكربسين فوق الدولاب شنط شنط شنط ..وكلهم جهاز المزغوده
جنه😠
ودخلت نمت فى الاوضه لوحدى وقفلت عليا الباب
وجنه وامها كانوا بيطفحوا بره فى الصاله
وبعدها سمعتها بتكلم ضربة السم اختها فى التليفون
ام ابتسام : سبحان الله.....مبتنزليش من زور اختها ناديه دى😠سم اوى
ابتسام: اوى.....المهم....لسه بقف على الكرسى
واشوفهم مجهزين البرنسيسه ايه😏
وهووووب ....الكرسى وقع بيا 😩
اتارى كان مركون على جنب عشان رجله مكسوره وانا معرفش😩
ام ابتسام: يا حبييتى يا بنتى...وحصلك حاجه
ابتسام: لأ الحمد لله ربنا سترها
ام ابتسام: علشان بس ربنا عالم بنيتك الطيبه
وانك بنت حلال
ابتسام: اه والله يا ماما بس اللى يعرف بقا
خدى بقا شليهم فى التلاجه لحسن يبوظوا
ام ابتسام شالت الكيس وشمته....الله...دى ريحة الاكل حلوة اوى😁
الشهاده لله ..حماتك عليها نفس فى الكل ولا شيفات التليفزيون
ابتسام فهمت إن امها عاوزه تدوق منه😒
معلش بقى يا ماما .. ياريتهم كانوا كتير كنت دوقتك منهم انتى واخواتى
ام ابتسام بزعل: لاء يختى احنا الحمد لله واكلين
وشبعانين ..اما ادخل احطهوملك فى التلاجه😏
ابتسام: طب خبيهم كويس من ايد العيال
الجرس رن.....يا ماما تعالى افتحى الباب
مش قادره اقوم.....
خرجت امها من المطبخ ....وفتحت
حماده: خدى الحاجه الساقعه اهى وسبيلى حبه🤨
ابتسام : يا واد انت طالع طفس لمين
اصبر لما اشرب الاول وبعدين اسيبلك😠
هو انتى طابخه ايه انهارده...لحسن الطريق جوعنى اوى
ام ابتسام: حظك حلو يابسبوسه😁
عامله شوية بصاره يستهلوا بؤئك... اغرفلك😁
ابتسام : بصاااره😡....يعنى انتى عارفه انى جايه ... .تقومى تطبخى بصاره
ام ابتسام: اصل ابوكى واخواتك نفسهم فيها
حماده بص لامه: محدش نفسه فيها 🥴
ومحدش قالك اعمليها
ام ابتسام قرصته من رجله ...اسكت يا واااد
هو انت كده على طول لسانك متبرى منك😡
ابتسام بصيت لامها بغيظ ....وسكتت....🤨
وشربت الحاجه الساقعه كلها
حماده: ايه ده...فين الحبه بتوعى
ابتسام: نسيت اسيبلك شويه
المره الجايه هسيبلك
حماده بعياط: طب وربنا ما انا جايب حاجه تانى .....بس😭
ابتسام: احسن بردوا....اوعى كده بقا وبطل ذن يا واد انت
انا داخله انام شويه لحسن جسمى وجعنى من
الوقعه.......ولسه هتدخل الاوضه رجعت وبصيت
لإمها ..ماماااا
محدش يجى جنب العلب لحسن صلاح يبهدلنى
ماشى 🤨
ام ابتسام: مخبياهم من اخواتك متخافيش
نامى انتى بس وارتاحى لحد معاد الدكتوره
ودخلت نامت
ام ابتسام: يا باااى عليكى بت...طالعه لمين دى يختى🤨
**********************************
عبير: ولله يا بنات ما عارفه هعمل ايه يوم الجمعه
انا حاسه كده انى اول ما هدخل عليهم هروح
هوووووب متزحلقه وموقعه الحاجه الساقعه على خالتو وامه ... وطبعا من الاحراج هيغمى عليا😂
ليلى: إلا لو ده حصل فعلا.....هيبقى منظرك وحش اوووى😂
طب وانتى يا جنه....عملتى ايه مع الاخ اول ما دخلتى
جنه : اخ😏....اخ مين ده يا بنتى
وحدى الله..... واتنهدت بزعل... وعنيها دمعت
ليلى: لا اله الا الله... ..بس انتى بتقولى إنه قالك
إنه نفسه يتقرب من ربنا وعاوز يبقى انسان كويس
جنه: هو فعلا قالى كده ...بس مش عارفه ليه مش مصدقاه😞
ليلى: بصراحه يا جنه خايفه اقولك بلاش وارفضيه.... أكون بشجعك على معصيه
جنه: صدقنى يا ليلى لو قولتلك أنا نفسى أرفض
بس ماما وخالتو خايفه يحصل بينهم زعل لو رفضته
وابقى انا السبب فى قطيعه بينهم.....بس اللى
انا واثقه منه إنى مش عاوزة ارتبط بيه
عبير: طب ليه بس يا بنتى.....ما تديله فرصه وجربى
جنه: اجرب ايه بس يا عبير.....للاسف
مش هو ده خالص اللى اتمنيته
لا لحيه ولا جلباب ..ولا بيحفظ قرآن ..وبيشرب
سجاير ...وبيقولى كان بيعرف بنات ..والله اعلم
بالباقى بقا ....وبعد كل ده يقولى عاوزه اتغير
وخدى بإيدى
مش عارفه اعمل ايه ....انا تعبت من التفكير
وخايفه اظلم نفسى ....واظلمه معايا😥
ليلى شدت جنه لحضنها وطبطبت عليها
بصى يا جنه.....وياريت تسمعينى كويس
بس اذكرى الله الأول ..وحاولى تهدى
جنه: لا اله الا الله 😞
ليلى: عمر ما كانت الاخلاق والتقوى بتتقاس بالجلباب واللحيه
بالعكس بقا... فى ناس للاسف واخدين ده ستار
لافعالهم السيئه مع ابوهم او امهم اوأولادهم
او وزوجاتهم
وفى ناس لبسهم عادى ومن غير جلباب او لحيه بس عندهم ايمان وتقوى ومعامله حسنه مع الغريب قبل القريب
عبير: فعلا يا ليلى وانا اعرف ناس زى كده كتير جدااا
تشوفيهم تحسى كده بالتقوى والايمان فى قلوبهم
بس للأسف....معاملتهم مع الناس شئ
ومع اهل بيتهم شئ تانى خالص
وتلاقى مبهدل زوجته وبيضربها وبخيل على اولاده وبيشتم امه .... وحاجه كده استغفر الله العظيم 😠
وزى ما انتى قولتى الجلباب واللحيه ستار لافعالهم ...وده الرياء بعينه
ليلى : اللهم انا نعوذ بك من الرياء والسمعه والشهره
جنه وعبير: امين يارب
ليلى : طب بصوا يا بنات ..فاكرين الاخت دينا
عبير: دينا مين
جنه:قصدك دينا ...ام سلسبيل
ليلى: ايوه هى
عبير: ااااااه افتكرتها.....دى بسم الله ما شاء الله
عليها نحسبها ع خير ولا نزكيها على الله...مالها بقا
ليلى: زوجها زمان كان فاتح كوافير حريمى
وهى كانت بتشتغل عنده
ومكنتش طبعا محجبه وكانت بشعرها و لبسها قصير وضيق ومكياج على وشها طول الوقت
فالحمد لله الذى عافها وهداها........المهم
اتجوزوا ...وبعد كام سنه سبحان الهادى
بدأت تغير فى لبسها للاحسن وبعدين حجاب وبعدين خمار .....وبعدين النقاب بفضل الله
عبير:ما شاء الله.....طب وزوجها وافق عادى كده
ليلى: هو بصراحه كان سايبها بحريتها
وشاف إنه أحسن طبعا إنها تغطى نفسها علشان لبسها كان ملفت جدا ......بس فضل هو شغال فى الكوافير الحريمى زى ما هو..... ومكانش كمان
محافظ على الصلاه
وكانت طول الوقت بتنصحه وخايفه عليه من غضب ربنا
لحد ما سمعت فى يوم درس للشيخ فى المسجد
وعرفت إن طبعا شغل زوجها حرام وماله كمان حرام
ولما راحت بيتها....فضلت تعيط لحد ما جه بالليل
واتخض اول ما شافها
وفضل يسألها مالك فيكى ايه مكنتش بترد عليه وعماله تعيط😭
جنه :طب وهى بتعيط ليه ..ما هو اللى هيتحمل الذنب هى ملهاش دعوه
ليلى: بتعيط لانها كانت بتحبه جدااا...بس بتحب ربنا اكتر
وخايفه إن الموضوع ده يكون سبب انفصالهم
وكمان كانت خايفه على زوجها من غضب ربنا بسبب شغله ...لحد ما بدأت تهدا
وحكيتله اللى سمعته من الشيخ
فى الأول اتعصب عليها ..وزعقلها😡
دى الشغلانه اللى بفهم فيها ومش هشتغل غيرها...و انتى مش هتشيلى ذنب فى حاجه
الذنب كله عليا انا ملكيش انتى دعوه
فعيطت اكتر وقالتله... وانت مستهون
بالذنب ده اوى كده ليه .....ده انت ممكن تموت عليه....ويبقى خسرت دنيتك واخرتك....😭
والله مستعده لو هنشحت ونربى عيالنا بس برضا ربنا انا موافقه ..بس انت اقفل الكوافير 😭
راح زعق فيها اكتر واتنرفز
يوووو....مش هنخلص من الموضوع ده بقا ولا ايه......وسابها ودخل اوضته وفضل بيبرطم بالكلام
وفضلت هى تعيط .....وقامت حضرتلوا الاكل
ولاقها مجاتش تاكل معاه.....قالها مش هتاكلى معايا
قالتلوا لاء مش هاكل حاجه عندك من انهارده
واكلى هيكون عيش و حته جبنه وغصب عنى هاخد منك حق العيش والجبنه 😭
اتعصب عليها اكتر...وساب الاكل وقام😡
بس هى بكل يقين وثقه فى الله..قامت واتوضيت
وفضلت طول الليل تصلى وتدعى لزوجها بالهدايه وتبكى وتتوسل الى الله لحد صلاة
الفجر....وفضلت على الحال ده كتير وهما مش زى الاول فى المعامله
وام سلسبيل بتعمل كل اللى عليها من واجبات
ومش مقصره معاه فى حاجه.....
وسبحان مغير الاحوال😊
صحيت فى يوم الصبح..... لقيته بيصلى
وهو من فتره كان قاطع للصلاه
وفرحت جدا وحسيت ان ربنا استجاب لدعائها وسجدت لله سجدة شكر بالدموع😭
ومره مع مره فى الكلام معاه وبالدعاء
بدأ قلبه يلين ونفسه قفلت من الكوافير نهائى
ومبقاش طايق يلمس شعر وحده ست
وبفضل الله غير شغله وبقا كوافير بردوا
بس رجالى😁
ده كمان منع حلق اللحيه عنده فى الكوافير😄
ده غير كمان لما بيمسك راس واحد بيفضل يكلمه عن الصلاه وعن الله ورسوله
وسبحان الله ...ربنا جعله سبب فى هداية شباب كتير على ايده.....وبقى دلوقتى ما شاء الله عليه
امام المسجد اللى جنب المحل ..اول ما الاذان
يأذن ياخد الزبون اللى تحت ايده ويجرى به على المسجد و ميكملوش حلاقه الا لما يصلى معاه 😂
عبير : الا بقا لو بيحلق لواحد شنبه
وكان لسه بيحلق فى نص الشنب والأذان اذن 😂
جنه: تصدقوا انا متخيله المنظر ...والراجل بيصلى معاه بنص شنب😂
ليلى 😂
على فكره يا بنات ..ام سلسبيل سامحه لاى اخت تذكر قصتها لو هتكون سبب لهداية حد ..ولولا هى سامحه بكده...مكونتش حكيتها طبعا
دخلت هاله عليهم
ايه يا بنات مش كفايه رغى بقا... الاكل جاهز بره
جنه بصيت لمامتها واستغربت وكلمت نفسها
هى ماما عملت اكل ازاى وهى معهاش فلوس
هاله اتحرجت تقول قدام عبير إن دى فته ام ليلى
ليلى: ربنا يكرمك يا طنط..احنا شبعانين الحمد لله وهنمشى بقا كفايه كده😁
هاله: لاء طبعا تمشوا ده ايه ...لازم تتغدوا معنا الاول
عبير استغربت هى كمان وبصيت ليلى وفهمت انها اتصرفت
لاء معلش يا طنط مش هقدر
علشان اتأخرت انا كمان... بس بإذن الله اوعدك هنأكل من اول النهار لأخره فى يوم فرح جنه 😁
هاله: يااااارب يا حبيبتى ...وخرجت وسابتهم
ليلى: ها يا جنه....فهمتى من قصة اختنا
ام سلسبيل عاوزه اقولك ايه
عبير بهزار رفعت صوباعها....اقول انا يا ابله😁
جنه: اه فهمت يا ليلى..وعلى العموم هصلى الاستخاره انهارده واشوف ...يمكن حاجه تتغير فيا .. وربنا يقدر الخير😔
ليلى : يارب يا حبيبتي ...طب هنمشى احنا بقا واااا
اذان المغرب .....
طب نصلى المغرب الاول وبعدها نتوكل ع الله
عبير: طب مانصليها فى البيت لما نروح علشان اتأخرت اوى
جنه: وليه يا بنتى ..مانصليها جماعه مع بعض وناخد الاجر
عبير: اصل هتأخر كده ....وطبعا الاخت ليلى
هتصلى بينا بصوتها الجميل ما شاء الله
وهتطول فيها ...هنلاقى نفسنا بنقول السلام
عليكم ...وهووووب..اذان العشاء
ليلى :ماشى يا جنه خليها براحتها....بس خدى الاول..........وطلعت من شنطتها
ورقه وقلم.......خدى امضى على الورقه دى قبل ما تمشى
جنه وعبير استغربوا
عبير : ورقه ايه دى اللى امضى عليها🤔
ليلى: ورقه انك ضامنه عمرك لحد باب شقتكم
جنه فهمت قصد ليلى وبصيت لعبير وضحكت
يالا امضى يا حلوه وامشى ....ما تمضى يالا
مستنيه ايه😀
عبير: مش بقولك رايحه الجنه بصاااااروخ
خلاص امرى لله.... داخله اتوضى
وخدوا انتو حسنات بسببى كل مره....ودخلت تتوضى
ليلى وجنه 😀😀
جنه بتردد: هو ااااا...... هو صحيح يا ليلى
الشيخ رد ولا لسه
ليلى اتفاجئت بسؤال جنه ....وغصب عنها شعرت بالغيره على الشيخ محمد من سؤالها عليه
واستغربت نفسها
ليلى : لاء لسه
جنه: طب صليتى الاستخاره ولا لسه
ليلى بتحاول تتجنب الكلام فى موضوع الشيخ محمد
لانها عرفت إن جنه هى اللى رفضته
والندم واضح جدا عليها.. ومش عاوزه تزعلها وتحكى عنه قدامها
اه الحمد لله صليت
جنه: طب وحاسه بإيه ...مرتاحه يعنى ولااااا
ليلى: اه الحمد لله.....بس يعنى لسه الموضوع محصلش فيه جديد...ومحدش لسه رد
فعادى يعنى😟
جنه: بتحاول تدارى حزنها وندمها....عادى ازاى
بس يا بنتى ...ده انتى شكلك فرحانه بالأخ
وباين عليكى على فكره
ليلى بإرتباك: ب ااا....باين عليا ازاى يعنى 😒
جنه: اصلك من زمان مضحكتيش معنا بالشكل ده ....ده حتى وشك مختلف والفرحه باينه عليه
ليلى اتحرجت ومردتيش عليها وقامت وقفت
طب يلا نصلى بقا وعبير لما تيجى تدخل معنا
فى الصلاه
عبير فتحت الباب.....اناااااا جييييييت 😁
لسه ليلى هتكبر وتصلى بيهم
بصيت لعبير
عبير ...الله يصلح حالك
بالذات فى صلاه المغرب هى وصلاة الفجر
أول ما تسلمى من الصلاه متقوميش من مكانك
وخليكى بنفس جلستك ...ومتتكلميش مع حد الا بعد ما تقولى اللهم اجرنى من النار ٧ مرات
فلو الانسان مات فى اليوم ده ..كتب الله له النجاه من النار
يعنى مش اول ما نقول السلام عليكم ..ماكينه الرغى تشتغل 😀
عبير: ظلمانى طول عمرك....بس حاضر😀
ليلى: اااه....وتقولى كمان بعدها بنفس الوضع بردوا وانتى قاعده ومتكلميش حد
لا اله الا الله وحده لا شريك له..له الملك وله الحمد يحيي ويميت وهو على كل شئ قدير (١٠)مرااات
الاجر بتاعها كبير جدا بفضل الله وهبقى
اقولكم بعدين اجرها ايه ...علشان بس نلحق نصلى
ليلى.......الله اكبر
******************************
سهام: ليه بس كده يا ماما حرام عليكى
ام ليلى:حرمة عليكى عيشتك يختى 😠
يعنى لو انتى مكانها كنتى وفقتى عليه🤨
سهام: سكتت ومعرفتش ترد😔
اسماء: يا طنط دى ليلى فرحانه به... حرام نكسر بخاطرها
ام ليلى بنرفزه: لاء يا حبيبتى... انا بنتى مش
اقل من حد فيكوا..... انتى جوزك الله اكبر عليه
وسهام جوزها بردوا زى الفل.....تقوم هى تاخد اللى مبيشوفش ومش بيمشى غير لما حد يجروه من إيده😠
سهام: طب خلاص اهدى
ام ليلى : هى كلمه واحده...مش هتتجوزه
ولما تيجى هقولها إنه اتصل باخوكى وقاله
إنه رفضها ...وكل شئ قسمه ونصيب
يختى ده راح لجنه صحبتها ورفضته
واكيد امها رفضته هى كمان....نقوم احنا اللى ناخدوا😏
انا قولت لعصام يتصل بيه ويقوله😠وهتصل بيه حبه كمان واشوفه عمل ايه
اسماء بتحاول تغير الموضوع....إلا قوليلى يا بت سهام
العبايه دى حلوة اوى ..جبتيها بكام
سهام: دى حماتى كانت جيبهالى هديه وهى جايه من العمره
اسماء بصيت لحماتها وكلمتها بهزار
مش ناويه تطلعى عمره قريب يا حماتى😀
ام ليلى : يارب يوعدنا يختى..وساعتها هجيبلكو كل اللى انتو عاوزينوا من هناك😁
سهام:ربنا يكتبهالك يامه عن قريب
بس انا جوعت اوى ..ليلى إتأخرت اوى كده ليه
هى فين كل ده
ام ليلى :بعتها مشوار كده وزمانها جايه
اما اقوم اسخن الصلصه والرز وارص الفته بالمره
اسماء : اجى اساعدك يا طنط
ام ليلى : لاء يختى خليكى ...انا بحب اوطب الفته على رواقه
سهام: ده رفعت جوزى بيعشق الفته من ايدك
يامه والله😁
ام ليلى: ده حبيبى رفعت ده....ابقى خديلوا طبق
وانتى ماشيه ...وسابتهم ودخلت المطبخ
سهام: بتتصلى بمين يا اسماء
اسماء: اخوكى تليفونه مقفول من بدرى معرفش ليه
عاوزاه يجيبلى بامبرز للواد وهو جاى
سهام: استنى انا معايا ....اما اقوم اجيبلك وحده من الشنطه
اسماء: حبيبتى يا سمسم 😁
جرس الباب ....
ام ليلى: افتحى يا اسماااااااء
اسماء:حاضر يا طنط...........
ايه يا ليلى كل ده.......ده احنا هيغمى علينا من الجوع .....حرام عليكى يا شيخه
ليلى: السلام عليكم ورحمة الله وبركاته
ازيك يا أسماء ....
حبايب قلب خالتووو 😊
وأخدت عيال اخواتها فى حضنها وطلعت من شنطتها
كيس مليان حاجات حلوة .....كلتوا ولا لسه
سهام: لسه طبعا ....ليلى جت يا ماما
ازيك يا حبيبتى عامله ايه وحضنتها
ليلى: الحمد لله يا حبيبتي.....هدخل أغير هدومى أوام واجيلكوا......صليتوا المغرب الأول ولا لسه
اسماء: الصراحه لسه....الكلام خدنا ونسينا نقوم نصلى
سهام: انتى عارفه بقا امك لما بتفتح فى الكلام
ليلى: وامى كمان مصليتش ....لا حول ولا قوه الا بالله
خلاص مفيش اكل الا بعد الصلاه
اسماء: لا وحياة ابوكى انا هموت من الجوع
ليلى: قولى لا اله الا الله الاول ...علشان لا يجوز الحلف بغير الله وانتى قولتى وحياة ابوكى
اسماء: لا اله الا الله......طب ناكل الأول
ليلى : عارفه لو لسه بدرى على العشاء كنت قولتلك ناكل الأول مادام جعانين
وبعدين الرسول الحبيب صل الله عليه وسلم علمنا كده
علشان تعرفى تركزى فى الصلاه كويس ومتفكريش فى الاكل
لكن ده فاضل ربع ساعه بس على العشاء
وزمانهم مع رغيك دلوقتى بقوا عشر دقايق
يلا صلواااا بقا عقبال ما اغير هدومى
ودخلت لأمها......السلام عليكم ورحمة الله وبركاته 😊
ام ليلى: عليكم السلام يا حبيبتى...ها وصلتى الامانه لام جنه😁
ليلى : اه الحمد الله.....رينا يبارك فيكى يا امى ويجبر بخاطرك زى ما جبرتى بخاطرهم......بس يالا الاول سيبى الاكل وصلى المغرب
علشان العشاء على اذان
ام ليلى: يخراشى عليااااا...ده انا نسيت من رغى
الاتنين اللى بره دول ... الله يسامحهم بقا
اوعى كده يختى لما اروح اصلى
وجريت على بره ولبست طرحتها وقعدت على الكرسى وصليت
ودخلت ليلى تغير هدومها ....وقبل ما تغير
قالت الدعاء(بسم الله الذى لا اله الا هو )
سهام خبطت.....ليلى
ليلى: ثانيه واحده يا سهام ...بغير هدومى
سهام دخلت تصلى..... ورجعتلها تانى بعد شويه خلصتى يا ليلى
ليلى: اه يا حبيبتى ادخلى
سهام: انا بحسبك بتقرئى قران لما خبطت عليكى
فى الأول...اصل سمعتك بتقولى بسم الله
ليلى:لاء يا حبيبتى... ده دعاء خلع الملابس
تقوليه قبل ما تغيرى هدومك
سهام :و ليه بقى
ليلى : علشان يحجب الله عورتك عن أعين الجن
ولو نسيتى يكفى قول (بسم الله)
سهام: اول مره اعرف الدعاء ده ...يعنى لو قولته وانا ااا
صوت اسماء قطع كلامهم: يااااااا ليلى ...ياا سهاااااااام..الاكل هيبرد يالا بقى كفايكوا رغى
ولا ناكل احناااااا
سهام: يالا نخرج بسرعه لحسن مرات اخوكى تخلص الفته 😀
**************************
الشيخ محمد : السلام عليكم ورحمة الله وبركاته
ام الشيخ محمد ومرات عمه: وعليكم السلام
حرما يا حج... حرما يا شيخ محمد.....حرما يا حوده
عمه :جمعا بإذن الله يا حاجه
الشيخ محمد: يارب يرزقنا زياره الحرم جميعا يا مرات عمى😊
مرات عمه: يارب يا خويا صحبه كده كلنا ان شاء الله
الشيخ محمد: بس الافضل يا مرات عمى بعد الصلاه نقول تقبل الله
مرات عمه منك نستفيد يا بنى والله
سامع يا حاج ..ابقى فكرنى بقا لو نسيت
عمه: حاضر يا حاجه....إلا قولى يا محمد يابنى الجماعه اتصلوا بيك ولا لسه
ام الشيخ محمد: والله يا ابو سمير خدت الكلمه من على لسانى....ها يا ابنى.. حد اتصل..طمنى
الشيخ محمد : انا اللى اتصلت بعصام اخوها
وقالى هيرد عليا انهارده بإذن الله
مرات عمه: انا مستبشره خير والله يا جماعه
ولا ايه يا عريس😁
الشيخ محمد : الله المستعان😊
محمود: يارب يردوا بقا علشان نسافر
بيتنا وحشنى اوى
مرات عمه:اخس عليك يا حوده... ما هو ده بيتك بردوا
ام الشيخ محمد: يختى ده بيقول كده عشان صحابه واللعب معاهم .....اسألينى أنا عليه
انا اللى فهماه......مش كده يا حوده😀
الشيخ محمد:حاضر يا محمود
بإذن الله اول ما الجماعه يردوا ونشوف هنعمل ايه ....اوعدك تانى يوم هنمشى على طول😊
وفجاءه موبيل الشيخ محمد رن.....السلام عليكم ورحمة الله وبركاته 😊
المتصل:..............
*****************************
ونكمل بكره بإذن الله ومستنيه رأيكم في حلقة انهارده واتمنى تكون نالت إعجابكم 🥰
ياترى هيحصل ايه مع الشيخ محمد وليلى😞
اكيد زعلتوا.....مش كده😥
توقعاتكم يا حلووووووين 😁
وقبل نهاية الكلام 🤚 اذكروا الله الرحمن ☝🏼وصلوا ع حبيبه خير الأنام 🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*