الفصل 11
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"11"))♡゙//*
يلا نصلى ع الرسول وندخل ع قصتنا ع طووول🌹😍
#جنه_الدنيا_محبه_الرحمن
#محبه_الرحمن
اللهم ارزقنى هداك🤲 واجعل عملى فى رضاك
الحلقه (١١)
ابتسام: ااااااااه..........الحقينى يا طنط😩
هاله اتفزعت : فى ايه يا ولااااد..ايه الهامده دى 😳
ناديه: فى ايه يا هاله 😳
هاله: اقفلى يا ناديه بسرعه اما اشوف فى ايه
ناديه بقلق: طب إبقى طمنينى
قفلت هاله معها وقامت تجرى تجرى على
اوضتها ....وجنه خرجت تجرى من اوضتها على صوت ابتسام ..
فى ايه يا ماما......ودخلوا الاوضه
شافوا ابتسام واقعه على الارض😩اااااااه
الحقونى ....همووووت😩
جريت عليها هاله وجنه يقوموها
هاله: هو ايه اللى عمل فيكى كده ....شيلى معايا يا جنه مرات اخوكى
جنه: ايه اللى وقعك كده بس ..قومى معنا
ابتسام بعياط: اااااااه....يا عضمى......ياضهرى
ااااه..بطنى ....يا رجلى ......هاتولى صلاح
يا صلاااااح😩
هاله: اجيبهولك منين أنا دلوقت بس ...ده فى شغله يا بنتى
ابتسام: بزعيق ...لااااااء
اتصلوا به يجى....تعباااانه يا نااااس........اااااه😩
جنه:ما توطى صوتك ده شويه.....لا يجوز كده
ابتسام بعصبية شوحت بإيديها فى وش جنه
هو ده وقت يجوز ولا ميجوزش انتى كمان 😠...بقولك مكسررره ......اااااااه يا ضهرى😩
هاله:طب اهدى بس كده ...خدى يا جنه
حطى المخده دى ورا ضهرها
طمنينى ...حاسه بمغص فى بطنك..ولا حاجه
جنه: ارفعى نفسك يا ابتسام كده معايا شويه
وارجعى بضهرك على المخده وارتاحى
ابتسام: هاتولى امى ....انا عاوزة امى 😩
هاله: يا بنتى اهدى بس وطمنينى حاسه بوجع فى بطنك ولا لاء
ابتسام:لاء مش حاسه ....بس انا عاوزة امى 😩
هاله: طب الحمد لله.....ما دام كويسه نقلق امك
عليكى ليه بس ... انا معاكى اهو انا وجنه ومش هنسيبك.........وبصيت مكان ما وقعت ابتسام واستغربت🤔
إلا قوليلى يا ابتسام ....انتى وقعتى ازاى كده
وايه اللى جاب الكرسى ده جنب الدولاب
وكنتى طالعه تعملى ايه فوق الدولاب🤨
ابتسامارتبكت ومش عارفه ترد.....هاتولى صلاااح
ااااه يا بطنى ....ابنى زمانه وقع من بطنى 😩
جنه غصب عنها ضحكت ومقدرتش تمسك نفسها 😂
هاله بصت ليها (بمعنى) عيب 😒
جنه: يقع فين بس يا بنتى ...ده ربنا خلقه فى قرار مكين اللى هو الرحم ..يعنى متخافيش عليه ربنا حفظه
بس قوللنا انتى الاول كنتى طالعه فوق الدولاب تعملى ايه🤨
ابتسام بإرتباك: ااا....اصلى ااااا......وبلعت ريقها
اصل انا كتت عاوزه شنطه احط فيها علب الاكل ..ولقيت شنط كتير فوق الدولاب فقولت اخد شنطه منهم
هاله بصت لجنه واستغربت واتضايقت 🤨
هاله: بس يا بنتى الشنط دى كلها مليانه جهاز جنه
وانتى عارفه كده ...كنتى قولتيلى وانا اجيبلك من المطبخ🤨
جنه فهمت انها كانت عاوزة تفتش فى حاجات جهازها..... وبصيتلها بغيظ😡 واتنرفزت
استغفر الله العظيم......شنط ايه اللى كنتى عاوزاها من شنط جهازى يا ابتسام🤨ا
وبصيت لامها ....أنا مش هتكلم علشان محدش يزعل وهدخل اوضتى احسن......وسابتهم وخرجت دخلت اوضتها وهى هطق من ابتسام😡
تليفون هاله رن ......طب ارتاحى وناميلك شويه على ضهرك ...وربنا يستر ميكونش حصل حاجه للعيل😠
اما اشوف التليفون .... وخرجت وهى بتكلم نفسها 😡
مش عارفه بتحشر نفسها فى كل حاجه ليه
الله يكون فى عونك يا بنى
الوو.....ايوه يا ناديه
ناديه:بعصبيه : كل ده عشان تردى قلقتينى
فى ايه حصل عندك
هاله: مش عارفه اقولك ايه...حاجه تحرق الدم
ناديه: ليه ...هو حصل ايه
هاله: الست ابتسام يا ستى ااااا....وحكيتلها اللى حصل
ناديه بغيظ: يا لهوى عليها مرات ابنك دى
هو فى كده😠
يختى يغوارها ويطلقها ويخلص منها
هاله اتنهدت بزعل....يطلقها ازاى بس يا ناديه
انتى ناسيه انها حامل ....ده غير كمان القايمه اللى بالشئ الفولانى اللى مكتوبه عليه والمؤخر ٢٠ الف جنيه .....والخايب مضى على كل ده
بنيه سليمه......وقالى ساعتها دول ناس طيبين
وكويسين...وادبس يا عين امه فى الجوازه😞
لولا كده كنا زمانا خلصنا منها من زماااااان
ناديه: يختى اتصرفي فى اى فلوس معاكى وخلصيه منها
انتى مش بتقولى داخله جمعيتين مع ام ليلى صاحبة جنه
هاله: دول بتوع جهاز جنه...واحده صغيره
بألف جنيه وقولت اجيبلها بيهم الكام ملايه اللى فاضلين
والجمعيه الكبيره ب ١٠٠٠٠ جنيه واخوها داخل بنفر هو كمان من ورا مراته
وقالى بردوا نخليهم لجنه نكملها بيهم جهازها
ودورنا اخر الجمعيه
بس ام ليلى الله يباركلها قالتلى.. لو جنه إتجوزت فى اى وقت هتتصرف وتقبضنى ...
يبقى اتصرفله ازاى ...واجيب منين😞
نادي: طب بقولك ايه ....رجائى بيتصل
هقفل معاكى واشوفه عاوز ايه... يمكن هيقولى حاجه على العريس وهرجع اكلمك
هاله : ماشى يا حبييتى ...مع السلامه
**********************************
مرات عمه: وناويين تردوا على الناس امتى إن شاء الله
ام الشيخ محمد: ولا اعرف ...اصل الشيخ محمد باله طووويل فى المسائل دى
لسه عقبال ما يفكر ولسه هيصلى استخاره خديلك يومين تلاته بقا عقبال ما يرد
بس ولله الواحد بقا محروج منكم ...إكمننا طولنا فى القعده
مرات عمه بزعل: اخس عليكى يا ام محمد
ده اسمه كلام بردوا.......طب تصدقى كده هتزعلينى منك
ده انتو لو مشلتكوش الارض تشيلكم عنيه
ام الشيخ محمد: تسلمى يا غاليه...ده العشم بردوا😊
مرات عمه : طب تصدقى وتأمنى بإيه
ام الشيخ محمد: لا اله الا الله
مرات العم: انتو مليتوا علينا الشقه وعملتونا
حس ...بدل ما كنا قاعدين لوحدنا كده
محمود: صباح الخير ياامى..ووطى وباس ايديها
صباح الخير يا مرات عمى 🙂
مرات عمه: صباح الفل يا حبيبى... بس انا كده زعلانه منك بقا
محمود: استغرب....ليه بس يا مرات عمى
مرات عمه: فين البوسه بتاعتى انا كمان 😆
محمود اتحرج: ....اصل ااااا......😔
ام الشيخ محمد : تلاقيه بس مكسوف منك علشان يعنى ااااااا
الشيخ محمد من على باب الاوضه...علشان لا يجوز يا مرات عمى
رسولنا الكريم علمنا كده ..ودى قواعد ثابته
يعنى مفيهاش كسوف ولا احراج يا امى
سامع يا محمود انت كمان
مرات عمه:بزعل.... ده ابنى يا شيخ محمد
وانا اللى مربياه مع امك قبل ما نمشى و نسيب المنصوره.........يعنى مش حرام
محمود راح بسرعه مسك ايد الشيخ محمد وقعد على الكنبه....وابتسم
ماهو ده شرع ربنا يا مرات عمى...
يعنى مثلا لو كانت بنتك صغيره عنه
كان اتجوزها ...وساعتها كان وطى على
ايدك باسها ...وراسك كمان☺️
مرات عمه: ياااريت.. هو انا اطول اناسبكوا
ده انتو احسن ناس والله يا شيخ محمد
ام الشيخ محمد: انتو الاحسن ولله يا حبيبتى
ربنا يديم المعرف
محمود: اومال فين عمى ..هو لسه نايم ولا ايه
مرات عمه: لاء ..ده صحى من بدرى...ونزل
عند شعبان بتاع الفول. يجيبلكم الفطار عشان تفطروا
ام الشيخ محمد: وليه بس كده ..مكانش يتعب نفسه وينزل ..ماهو محمود اهو كان نزل هو
مرات عمه: يختى ولا تعب ولا حاجه ..اهو بيمشى رجله بدل القعده ...ويجبلنا فطوره حلوه
وبصيت للشيخ محمد وضحكت ...خلى العريس يتغذ😀
ام الشيخ محمد: مرات عمك متوصيه بيك على الآخر يا شيخ محمد😀
الشيخ محمد: ربنا يعزك ويبارك فى صحتك
يا مرات عمى انتى وعمى😊
محمود : يعنى كله للشيخ محمد وانا اللى غلبان مش لاقى اللى يهتم بيا
مرات عمه: ده كله الا انت.... ده انت حبيبى يا حوده 😀
محمود: ربنا يخلى حضرتك يا مرات عمى 😊
بس كان صحانى وكنت نزلت اشتريت ومكنش يتعب نفسه
مرات عمه: مفيش تعب ولا حاجه يا حبيبي
ام الشيخ محمد: ها يا ابنى ...عملت ايه فى موضوع العروسه.....لسه بردوا
الشيخ محمد ابتسم: ابشرى يا امى ..خيرا ان شاء الله😊
مرات عمه: وشك نور لما جبنا سيرتها يا شيخ محمد 😀
الشيخ محمد بإبتسامه :بصراحه هى اخت تستاهل كل خير ....وانا صليت امبارح الاستخاره....وبفضل الله صاحى مستبشر خير 😊
ام الشيخ محمد إستغربت... معقوول..بالسرعه دى 🤔
مرات عمه اوعى تكون بتتسرع فى الرد عشان
محروج من القاعده معنا....ده بيتكم يا حبيبى
الشيخ محمد: لاء خالص يا مرات عمى ...انا فعلا
اول مره ارتاح كده لأخت ... واهلها كمان ناس طيبين و الحمد لله 😊
ام الشيخ محمد بفرحه: يعنى اقوم اتصل بأمها واخد منها معاد عشان نروح نخطبهالك😁
الشيخ محمد: لاء استنى يا امى من فضلك
بإذن الله بكره بعد الظهر هتصل بعصام اخوها وابلغه بنفسى...علشان لو عاوز العنوان بتاعنا فى المنصوره اقوله عليه ويسأل علينا براحته
وكمان الاخت تاخد فرصتها بردوا فى التفكير وتكون صليت الاستخاره براحتها.....وربنا يقدر اللى فيه الخير وتوافق هى كمان😊
مرات عمه:.لاء يا خويا اطمن😁
من الناحيه دى حط فى بطنك بطيخه صيفى
دى شكلها موافقه من واحنا هناك
ولا ايه يا ام محمد😀
الشيخ محمد فرح وابتسم ☺️
جرس الباب.....
مرات عمه: ده اكيد عمكوا جه يا ولاد ...افتح يا محمود بسرعه وخد منه الفطار ...زمانه طالع بينهج من السلم
محمود جرى يفتح الباب....الله الله على الروايح الجامده دى يا عمى ..تصدق جوعت من الريحه
عمه: طب خد يا فالح دخلهم المطبخ لمرات عمك😀سلامو عليكو جميعا
الكل: عليكم السلام ورحمه الله وبركاته
عمه: يلا يا حاجه حضرى الفطار الجماعه زمانهم جاعوا
مرات عمه: حالا يا حاج ...تعالى يا ام محمد معايا نحضره بسرعه........ودخلوا المطبخ
العم قعد جنب الشيخ محمد
هااا....ايه الاخبار يا شيخ محمد ...نقول مبروك ولا لسه شويه😀
الشيخ محمد ابتسم: بإذن الله هتقول يا عمى 😊
**********************
هاله: ايوه ياللى على الباب .. .جايه اهووو
وفتحت الباب.....اهلا يا ام عزت ..اتفضلى
ام عزت: لاء معلش يا حبيبتى اصل الأكل على
النار وكنت عاوزه شويه فلفل اسود وشويه
كسبره ناشفه عشان طاشه الملوخيه وشويه كمون
كمان عشاااان..🤔عشان ايه يا ام عزت ...يووه
نسيت ..أهو هاتيهم وخلاص لحد ما افتكر كنت
عاوزاهم في ايه
هاله فاهمه ام عزت ..بس مش بتحب تحرجها
حاضر ..دقيقه واحده..ودخلت المطبخ تجبلها التوابل
دخلت ام عزت ...وفضلت تشم فى ريحة الشقه.
ام صلاااااح ..شوفيلى معاكى رغفين تلاته
عشان نسيت اقول للواد عزت يجبلى عيش وهو جاى ....ومعيش رصيد
خرجت هاله من المطبخ ومعها التوابل والعيش
هاله : اتفضلى يا حبيبتى ..وخمس ترغفه اهم كمان مش تلاته....خليهم عندك
ام عزت: ياختى كتر خيرك😁
هو انتى مش طابخه انهارده ولا ايه
هاله: لاء.. عندى اكل من امبارح
ام عزت: اصل نفسى مايعه عليا اوى من الصبح
معندكيش حاجه حلوة او حته جاتو من بتاع العريس اللى جه امبارح اعدل بيها نفسى
هاله بإحراج: لاء ولله يا حبيبتى مفيش
اصل العريس مجابش حاجه حلوه وهو جاى
ام عزت عوجت بؤئها😏: مجابش حاجه
ودخل كده فاضى
هاله اتحرجت: لاء فاضى ازاى.... ده جاب فاكهه وهو داخل😒
ام عزت: ااااااااه ..بحسب طلع بخيل
اصل انا محبش البخل طول عمرى... الا البخيل مقبلوش ولا بطيقه
ابتسام خرجت من الاوضه على كلمة هاله
واتنرفزت😡....بقى عندكو فاكهه من امبارح
ومتحطليش منها. ...على العموم انا مش عاوزة حاجه ....بس عييب ..ولا ايه يا خالتى ام عزت
ام عزت: لاء لاء لاء يا هاله .... ده عيب طبعا
دى حتى البت حامل ومحتاجه تتغذى
متزعليش يا بت يا ابتسام....يالا يا هاله اجرى هاتلنا اااا.....قصدى هاتلها طبق فاكهه تتغذى بيه عشان العيل اللى فى بطنها.....انتى فى الكام دلوقتى يا بت😁
ابتسام فى وش ام عزت .....فى الخامس🖐️
هاله وقفت مكانها ومش عارفه تعمل ايه
وغمزت لابتسام علشان تفهم ...ماشى يا إبتسام
هحطلك بعدين 😒
ابتسام بصه لهاله ومش فاهمه😏
التليفون رن فى شقة ام عزت....
هاله من جواها.....الحمد لله
الحقى يا ام عزت التليفون بيرن عندك جوه
ام عزت قاعده ومش عاوزة تقوم
يختى خليه يرن.....ده تلاقيه الواد عزت
سيبك منه😁
روحى انتى بس هاتلنا الفاكهه...يووو يقطعنى
قصدى هاتلها هى الفاكهه عشان تتغذى
هاله سابتهم ودخلت المطبخ وهى بتحسبن على الاتنين فى سرها😩ومش عارفه تجبلهم فاكهه منين
ام عزت قعدت تبص على ابتسام😳
شكلك يا بنت حامل فى واد...منخيرك بقيت قد
البتنجانه الرومى المبذره
ابتسام اتغاظت من كلامها...... وبصوت عالى
الفاااااكهه يااااا طنط...عاوزة امشى😠
التليفون رن تانى فى شقه ام عزت
ام عزت: مفيش فايده ..أما أقوم اشوف
مين وارجعلك يا بت ناكل الفاكهه سوا 😁
بس استنينى متكلهاش لوحدك🤨
ابتسام: بقااا انا شبه البتنجانه المبذره يلى شبه القرنبيطه المحجره😡
هاله سمعت الباب اتقفل.....وخرجت من المطبخ
هى فين ام عزت
ابتسام : خرجت تشوف التليفون.....ست يا باااااى عليهاااااا😠انا مش عارفه انتى مستحملها ازاى دى
فين يا طنط الفاكهه....ولا بتخبيهم منى🤨
هاله: بنرفزه:اخبى ايه منك بس يا شيخه......عماله
اغمزلك وانتى ولا واخده بالك
ابتسام:اخد بالى من ايه
هاله: اننا معندناش فاكهه.....بس اتحرجت منها
لما سأليتنى على العريس جاب ايه وهو داخل قولتلها فاكهه.....اعمل ايه بس ...حرجتينى
ابتسام: ااااااه.......بحسب😏
طب هاتى بقا علب الاكل خلينى اروح عند امى عشان الدكتوره
هاله: يا بنتى ريحى انهارده انتى لسه واقعه خافى على اللى فى بطنك
هاله: لاء انا بقيت كويسه .هاتى انتى بس العلب
يلااااا
هاله بقلة حيله: حاضر........😞
ومكانش عندها غير الاكل ده تقضى به اليوم
ابتسام واقفه على الباب:يالاا يااا طنط
كل ده بتعملى ايه...عاوزة امشى
هاله: خدى يا حبيبتى العلب أهى...وخلى بالك وانتى نازله بيهم على السلم...وابقى سلميلى على ماما
ابتسام: يوصل...سلامو عليكو....ولسه بتلف
علشان تنزل صرخت😲....بسم الله الرحمن الرحيم
عبير اتحرجت: السلام عليكم
ابتسام بنرفزه: مش تعملى صوت وانتى طالعه
كنتى هتسقطينى من الخضه😡
هاله بإحراج:تعالى يا عبير يا حبيبتى ...ادخلى جنه جوه فى اوضتها
عبير بإحراج ..ازيك يا طنط ..حضرتك عامله ايه وباستها
هاله : الحمد لله يا حبيبتى ..ازاى ماما
عبير : الحمد لله بخير..عن اذنك هدخل لجنه ودخلت
ابتسام: استغفر الله العظيم...انا عارفه ايه اللى
هما لابسينه ده وعمالين يخضوا به الناس😡
هاله: انزلى يالا يا ابتسام قبل ما جنه تسمعك وتحصل مشكله بينكوا😠
ابتسام: وعلى ايييه ....الواحد مش ناقص حرقة دم🤨
ونزلت وهى بتبرطم....مبقاش غيرى دى كمان
اللى هعملها حساب😏
هاله قفلت الباب. ...واتنهدت بزعل على نصيب ابنها فى مراته ......ربنا يكون فى عونك يا بنى
جنه: ماما.....يا ماما انتى فين.........ايه ده
هى اخيرا مشيت
هاله: اخيرااااا......يا ساااتر .....قعدتها هم ونكد
جنه: يا ماما لو سمحتى ١٠٠مره اقولك مسمهاش يا ساااتر.......اسمه يا ستيييير
هاله: يوووو..بنسى ولله يا بنتى .ربنا يغفرلى بقا
جنه: وكمان يا ماما منتكلمش عليها من وراها
قولى بقا اللهم اغفر لى ولها....ودى كفاره الغيبه
هاله: اللهم اغفر لى ولها........قوليلى
كنتى عاوزة ايه
جنه: كنت هقولك إعملى اى حاجه لعبير تشربها
هاله:حاضر ..من عنيه ..ادخلى اقعدى معها
وانا هجيبلكوا العصير
جنه: ماشى...بس بلاش فراوله علشان عندها
حساسيه منها....ودخلت جنه لعبير
واتنهدت هاله بحيره.....اعملها ايه دى يختى تشربه وانا اصلا معنديش حاجه تتعمل😞
*****************************
عبير: طب وانتى حاسه بإيه ناحيته بعد صلاه الاستخاره
جنه: هتصدقينى لو قولتلك مش عارفه
حاسه إنى عاوزة ارفضه... بس فى نفس الوقت خايفه
عبير: لاء بقولك ايه ..واحده واحده عليا كده
وفهمينى علشان صحبتك فهمها على أدها
جنه: هو دلوقتى طلب منى اخد بإيده لطاعه ربنا
يعنى عاوز يتغير للاحسن .. فلو رفضته
هيكون كده حرام عليا ... مش صح كده بردوا
عبير: جنه
جنه: نعم
عبير : قوليلى بصراااحه ...انتى معجبه بيه
جنه: ..مش مسألة معجبه بيه ولا لأء
عبير: اومال ايه طيب ..فهمينى
جنه: خايفه يحصل إرتباط وميعملش اللى وعدنى بيه
والاقى نفسى انا اللى بروح لدنيته وببعد عن ربنا
عبير : بصى يا جنه..انتى نيتك خير يا حبيبتى
ولو فعلا ارتاحتى.....يبقى خلاص توكلى على الله
وشوفيه فى فترة الخطوبه هيكون فيها عامل ازى
وشوفى تصرفاته..وساعتها قررى هتكملى معاه ولا لأ
جنه: طب انتى وليلى رأيكم ايه
عبير: بصراحه كده انا وليلى مش عاوزينك لحد دينه اقل منك
وبردوا احنا منقدرش نقولك بلاش الجوازه دى
لانه حطك فى اختبار صعب....لتاخدى بإيده من طريق المعاصى لطريق الطاعه او تسبيه فى طريقه زى ما هو
جنه:انا بجد تعبت من التفكير ومش عارفه اعمل ايه😞
المهم طمنينى عليكى وعلى ليلى عملتوا ايه
والشيخ محمد رد عليهم ولا لسه 😒
عبير: لسه ...بس يارب يوافق يا جنه...انا حاسه كده إن ليلى اتعلقت بيه ...ربنا يستر ويوافق
جنه بزعل: بإذن الله هيوافق ..هما الاتنين يستهلوا بعض😞
عبير بفرحه: أما انا بقا يا ستى ... الجمعه
الجايه هتكون الفاتحه بإذن الله ☺️
وخايفه اوى......بس فرحانه بردوا اوى 😁
جنه: شكلك اتعلقتى بيه يا بيرو😆
عبير: هو شكله طيب ... وتحسيه كده
خجول ..حاجه كده متلاقيهاش فى شباب اليومين دول يا بنتى😆
جنه افتكرت جرأة ياسر واتضايقت....ربنا
يكتبلكم السعاده يا حبيبتى يارب😞
عبير : امين يارب جميعا🤲🏼😁
اسكوووووووتى ....مش انا نيلت الدنيا امبارح
مع ليلى
جنه: عملتى ايه ....ما انا عارفكى طول عمرك مدب
عبير: تسلمى يا غاليه😆...ولله كتير عليا المدح ده منك ومن امى😆
الباب خبط ودخلت هاله ومعها حاجه ساقعه
هاله: مبروك يا عبير يا حبيبتى على الخطوبه
ربنا يتمملك بخير يارب😊
عبير : الله يبارك فى حضرتك يا طنط....وبإذن الله جنه تحصلنى على طول😆
هاله: يارب يا حبييتى يسعدكم كلكوا
وليلى كمان نفسى اوى تتجوز هى كمان
عبير: ماهى ليلى كمان يا طنط هتتجوز😁
جنه 🙄بصيت لعبيرعلشان تسكت
هاله: بفرحه..والله....طب الحمد لله ....طب والله فرحتينى ..وهتتجوز مين بقا 😁
عبير: الشيخ محمد يا طنط.. ..اللى جه لجنه😁
جنه فى سرها...الله يهديكى... بتقولى لييييه😒
هاله استغربت: ايه ده .......معقول🤔
ووفقوا به بقا على كده ولا لسه
عبير وهى بتشرب الحاجه الساقعه
اممممم...وافقوا طبعا...ده عاجبهم جدا
واهله بردوا ناس طيبين...وبيشكروا فيهم اوى
هاله: هما فعلا ناس كويسه بصراحه
بس الحلو مبيكملش بقااا😏
إنما العريس اللى جه لجنه ...الله اكبر عليه شاب زى الفل ومبسوط وعنده عربيه وشقه فى الكومبود ده اللى بتقولوا عليه 😆
عبير: اسمعه الكمبويند يا طنط 😆
هاله: ايوه هو ده... وشقته كبيره اوى ما شاء
يعنى اى بنت تتمناه😁
عبير اتحرجت من هاله وعاوزة تفهمها
ان الدين اهم من كل ده ...بس اتحرجت منها
ما شاء الله يا طنط....ربنا يسعدها 😊
جنه حاطه وشها فى الارض وحزينه
لإن الاخره عندها اهم من الدنيا وزينتها
عكس ما اهلها فاهمين😞
عبير : أنا همشى بقا يا جنه علشان اتأخرت
جنه: لأ بالله عليكى خليكى شويه نتغدى سوا
ماما....ممكن تحضرلنا الغدا
هاله : هااااا.....غدا😒
اه يا حبيبتى حاضر من عنيه
وخرجت وهى مش عارفه تعمل ايه
وبتكلم نفسها...... الله يسامحك يا ابتسام 😡
خلاص امرى لله ....هلبس وانزل اجيب اى حاجه
وكويس إن صلاح الله يستره إدانى فلوس
ربنا يكرمك يا ابنى ويوسع رزقك يارب
جرس الباب ...
هاله فتحت ....ولقيت قدامها محصل النور
محصل النور: فلوس النور....وخبط على ام عزت
هاله: بقلق.....كااام🤔
محصل النور: ١٥٠ جنيه
هاله: اتصدمت ...كااام😳.......وبقلة حيله
حاضر ثانيه واحده
ام عزت: فتحت الباب ...كام يا خويا
محصل النور: ٤٠ جنيه يا حاجه
ام عزت بصوت عالى........لييييييه
دى هى اوضه واحده اللى بقعد فيها وبطفى
نور الشقه كله......منك لله يا عزت بيشحن طول الليل التليفون فى الفيشه😡
محصل النور: الشاحن مبيسحبش نور يا حاجه😀
هاله: اتفضل الفلوس......وهات الوصل
محصل النور أخد ال ٢٠٠ جنيه وادها ٥٠
ام عزت: معلش يا هاله ..الواد عزت مسابش
فلوس...ادفعيلى يا ختى عقبال ما يجى...ربنا يسترك
هاله تحرجت ....ومش عارفه تقولها ايه
هاله: هو الوصل كام
ام عزت : ٤٠ جنيه.....منهم لله😡
هاله بصيت للخمسين جنيه وكلمت نفسها
يعنى الفلوس اللى كنت ناويه أجيب بيها اى لقمه ناكلها انا والبت رااااحت هى كمان😞
طيب الحمد لله على العشره جنيه الفاضيه
اجيب بيهم شوية مش ونتغدى بيهم وخلاص
هاله: اتفضل ال ٥٠ جنيه
المحصل أخدها وإدها ال١٠ جنيه....اتفضلى
ام عزت: هاتى بقا العشره جنيه دى بالمره
اجيب بيها كارت شحن عشان اقوله يجبلى
الدوا وهو جاى لحسن تعبانه اوى
ويبقى حسابك ٥٠ جنيه على طول ...صح كده يختى
هاله اتصدمت ومعرفتش ترد😳
ام عزت: يلهوى عليا......ده انا نسيت للحمه على النار زمانها اتحرقت ...عن اذنك يا هاله
ودخلت وقفلت الباب
هاله واقفه مصدومه ومش عارفه تعمل ايه
وتجيب اكل منين ....وصعب عليها نفسها وعنيها
دمعت ...يارب انا مش عارفه اعمل ايه😥
و مينفعش اقول لصلاح على فلوس تانى
استرنا ومتفضحناش يااارب 😥
ودخلت وقفلت بابها... ونادت على جنه
يا جنه.......تعالى دقيقه عاوزاكى
******************************
ياسر : أهلا يا عم رجائى.... تعالى اتفضل
رجائى: هو حضرتك بعتيلى يا باشمهندس
ياسر : ها طمنى...فى اخبار حلوة ولا ايه 😁
رجائى : بإذن الله اخبار زى الفل 😁
بس انت عارف بنات اليومين دول بيحبوا يدلعوا شويه
ياسر: وماله....سيبها تدلع براحتها...بس المهم توافق فى الاخر 😀
رجائى: هتوافق بإذن الله ...هو فى زيك
يا باشمهندس
ياسر : الله يخليك يا عم رجائى
طب مش هعطلك على شغلك واى جديد اتصل بيا
رجائى: من عنيه....سلامو عليكو... وخرج
ياسر: وعليكم السلام......ياااااا يا جنتى
نفسى اسمع إنك وافقتى بقا.....يارب والنبى توافق
اه صحيح ....هى قالتلى محلفش الا بربنا ولو نسيت اقول لا اله الا الله
وافتكرها وابتسم....يارب تكونى من نصيبى يا جنتى☺️
********************************
جنه:عن إذنك يا بيرو اشوف ماما عاوزة ايه
واشربى يا بنتى الليمون بتاعتك للاخر
لحسن متتجوزيش😀...... وخرجت
عبير: لاء طبعا مفيش الكلام ده....ده هلحس الكوبيه مش هشربها بس😀
ومسكت الكوبيه وشربتها كلها على سبيل الهزار
بس شوية لمون وقعوا على الاسدال وهى بتشرب
عبير: لا حول ولا قوه إلا بالله....انضفك ازاى انا دلوقتى بس.......وقامت تطلب من جنه فوطه او قماشه تنضف بيها الاسدال
وفتحت الباب ولسه هتنادى على جنه
سمعت ام جنه بتعيط😩
هاله: مش عارفه اعمل ايه بس ..وهكمل الشهر
ازاى ..ده لسه اسبوع على المعاش
جنه: بإذن الله يا ماما ربنا كريم وهيسترنا
هاله: طب وعبير اللى عزمتيها ع الغدا جوه دى
أحطلها أنا ايه دلوقت بس😩
جنه بزعل: ماهو انتى كمان يا ماما غلطانه
ازاى تدى الأكل كله لابتسام
دى ما شاء الله تلاجتها على اخرها...بس هى تعمل 😠
هاله: حرجيتنى يا بنتى ....المهم دلوقتى
هنعمل ايه
عبير اتضايقت علشانهم
ودخلت بسرعه قبل ما يحسوا بيها..واتصلت ب ليلى..
ليلى: السلام عليكم ورحمه الله وبركاته
عبير: وعليكم السلام ورحمة الله وبركاته
ليلى : ايه يا عبير..طمنينى على جنه
يارب تكون بخير
عبير : اه هى بخير الحمد لله
بس فى حاجه حصلت عاوزه احكيلك عليها
ليلى: خييييير.....ما انا عارفاكى ربنا يستر😀
عبير: لا بجد يا ليلى انا مش عارفه اعمل ايه
ليلى: انتى قلقتينى كده يا عبير....خير فى ايه
وحكيت ليها اللى سمعته.......
ليلى: لا حول ولا قوة الا بالله😞
بس انا بردوا بعتب عليكى يا عبير ..افرضى حد
شافك يقولوا انك واقفه بتتصنتى عليهم
استغفرى الله بقا
عبير:استغفر الله العظيم..بس والله من غير قصد
يا ليلى
ليلى :عارفه إنه مش قصدك......بس الأحسن متعملهاش تانى
وهسيبك انا دلوقتى واقوم اصلى العصر
وقوموا صلوا انتو كمان
الصلاه خير من الرغى والكلام.....ولا ايه 😀
عبير : ااه طبعا هنصلى ع طول
وبعدها هتحجج بأى حاجه وامشى
ليلى : لاء اصبرى شويه ...لحسن يحسوا انك عرفتى حاجه
عبير: صح....عندك حق
ليلى،: طب يالا ندخل نصلى ....السلام عليكم ورحمه الله وبركاته
عبير:وعليكم السلام ورحمه الله وبركاته
دخلت جنه عليها.........كنتى بتكلمى مين
عبير: دى ليلى ..اصلها كانت عاوزة تطمن عليكى
يلا نقوم نصلى العصر علشان عاوزة امشى
جنه: حمدت ربنا فى سرها ...وانها هتمشى من غير ما يتحرجوا قدامها
جنه: يا بنتى ما تخليكى قاعده معايا شويه
عبير: لاء والله مش هينفع ...يالا بس نصلى الاول
وبعدين نتكلم
وقاموا صلوا ......وبعدها قالوا اذكار المساء
و الكلام خدهم.....واتكلموا على يوم فاتحة عبير
هتلبس ايه وهتقول ايه
عبير : يااااا....ده الكلام خدنا واتأخرت اوى
ربنا يستر من امى ومتزعقليش
وسمعوا جرس الباب.... هاله فتحت
ليلى: السلام عليكم ورحمه الله وبركاته
طنط حبيبتى ...وحشانى😊
هاله حضنتها : وانتى اكتر يا حبيبه طنط😁
ومبروك يا عروسه
ليلى: الله يبارك في حضرتك....بس لسه شويه
اما أشوف رد الاخ الاول وبعدين ربنا يسهل😊
هاله: بإذن الله خير يا حبيبتى
ليلى: يارب....اتفضلى يا طنط☺️
وإديتها صنيه متغطيه
هاله استغربت: ايه ده يا حبيبتى وفتحت الشنطه من عليها
لاقتها صنيه فته كبيره ومليانه لحمه على وشها
ليلى: دى صنية فتة ملهاش حل من عمايل الحاجه ام عصام 😀
اصلها لما عرفت انى جايه اشوف جنه
قالتلى لازم تبعتلك منها وتدوقى الفته بتاعتها وتقولى رايك فيها
هاله: فرحت وحمدت ربنا فى سرها.......من غير
ما ادوق يا حبيبتى تسلم ايديها...ده كفاية ريحتها 😁
ليلى :واتفضلى دول كمان...
هاله استغربت...... ودول ايه كمان
ليلى: امى بتقول لحضرتك النفر اللى كان
هيقبض الجمعيه صاحبته مش عاوزاه دلوقتى
وقالتلى خدى دول اديهم لخالتك ام صلاح بالمره ما دام انتى رايحه هناك
هاله بفرحه: ياما انت كريم يارب🥲🤲🏼ومسكت دموعها بالعافيه
ابقى اشكريلى الحاجه اوى 😁
ليلى: حاضر من عنيه ☺️
اما ادخلوهم بقا واعملهم مفاجاءه
هاله: احلى مفاجاه والله يا ليلى😁 وهاتيهم وتعالوا ناكل كلنا الفته سوا😁
ليلى فتحت عليهم الباب فجاءه
السلام عليكم ورحمه الله وبركاته😁
عبير وجنه بفرحه: ليلى ااااا ...وقاموا حضنوها😊😊
دخلت هاله اوضتها و لبست إسدالها
وسجدت شكر لله على نعمة الستر الجميل
******************************
ونكمل بكره بإذن الله ومستنيه كومنتاتكم الحلوه على حلقة انهارده واحداثها الحلوه🥰
.
واذكروا الله☝🏼وصلوا ع حبيبه🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*