الفصل 10
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"10"))♡゙//*
😍 ويلا نصلى ع الرسول وندخل على طووووول🤗😊
#جنه_الدنيا_جيهان_سلامه
#محبه_الرحمن
الحلقه العاشره🌹
هاله بتخبط على الباب وبتصحى ابنها
صلاااااح.....ياااا صلااااح.....قوم يا حبيبى الساعه بقيت سبعه
ابتسام: ايوه يا طنط....خلاص صحينا اهو😠
قوم يا صلاح ...امك صحيتنى من خبطها على الباب......قوم بقا خلينى اعرف اكمل نومى
صلاح: طب قومى اعمليلى اى لقمه اغير بيها ريقى الأول قبل ما تنامى 🥱
اهو تعملى أى منظر قدام امى كأنك بتفطرينى
فى بيتنا..
هاله بنوم: مش قادره اقووم .....خلى امك تحضرهولك... عاوزة اناااام🥱
صلاح بغيظ: هو انتى مبتشبعيش نوم ابداااا
دى حاجه بقيت تخنق😡
وقام فتح النور يطلع هدوم من الدولاب
ابتسام بزعيق: اطفى النووووووور😠
صلاح: بعصبيه: هطلع هدوم فى الضلمه ازاى يعنى..... ما تحطى المخده على وشك
وبصوت واطى...على الاقل اترحم منه
على رأيك خالتى ......وليه بومه😡
********************************
ليلى صحيت من نومها وهى مبسوطه 😊ورددت
الحمد لله الذى رد عليا روحى وأذن لى بذكره
الحمد لله الذى أحيانا بعد ما أماتنا واليه النشور
وقامت دخلت الحمام ...و اتوضيت وصليت الضحى.......ولبست... وخرجت من اوضتها
ام ليلى: على فين كده على الصبح يا ليلى
ليلى: صباح الفل يا امى😊رايحه المسجد
عندى مقرأه... والاخوات زمانهم اتجمعوا هناك ومستنينى
ام ليلى: يا بنتى انتى نايمه بعد الفجر
وملحقتيش تنامى ...بلاش تروحى انهارده وريحى جسمك
ليلى: لاء الحمد لله نمت كويس ...ده انا كمان
راحت عليا نومه انهارده ومقعدتش بعد الفجر للشروق زى كل يوم
بس ربنا عالم انى كنت تعبانه وعاوزة انام
ام ليلى : طب افطرى الاول
ليلى : هنفطر فى المسجد مع بعض كلنا😊
ام ليلى : طب متتأخريش...اختك جايه انهارده هتتغدا معنا
ليلى: غريبه ...مقالتش امبارح يعنى وانا بكلمها إنها جايه
ام ليلى : لاء... ما انا لسه هتصل بيها لما تصحى
واقولها تيجى تتغدى معنا ...اصلى هعمل فته وهى بتحبها من ايدى اوى ما انتى عارفه😁
ليلى: اى حاجه من ايدك جميله يا ست الكل 😊
ام ليلى : شكلك صاحيه رايقه والمزاج عال😁
ليلى اتكسفت من تلميحات امها😌
ام ليلى: طب قوليلى بقا ...صليتى الاستخاره ولا لسه
ليلى بكسوف: اه صليتها الحمد لله ☺️
ام ليلى: طب طمنينى ..حاسه بإيه😁
ليلى :ربنا ييسر الخير يا أمى ... وكمان لسه هنشوف الجماعه هيتصلوا ولا لاء😔
وكله فى الاخر اكيد هيكون خير ليا😔
ام ليلى:خير يارب يا بنتى.... بس بصراحه ناس
كومل واخر احترام
ولا العريس😁 زى الفل......بس يا خسااااااره
الحلو ميكملش
ليلى بزعل:بالله عليكى يا امى متجبيش سيرة الموضوع ده تانى
ياااما ناس بتشوف ونظرهم سته على سته
لكن معندهومش الطييه والسماحه والاخلاق
والدين اللى عند الشيخ محمد
واتنهدت وكلمت نفسها.....بس يارب هو يرضى بيا
ام ليلى : اه والله عندك حق يا بنتى ...ربنا يكتبلك اللى فيه الخير
خدى بقا الفلوس دى ...هاتيلى وانتى جايه
كيلو ونص كيلو لحمه من عند زكريا الجزار
لحمته حلوة وزى العسل وبتستوى بسرعه
وقوليله يقطعلك حته حمره....متخليهوش يضحك عليكى ويدهالك كلها دهن ....اتنصحى كده وخليكى شاطره😁
ليلى: حاضر
ام ليلى: واوعى تجيبى لحمه من عند ابو سماح لحمته مش حلوة و بتشد😠
ليلى:حاضر ..عاوزة حاجه تانى
ام ليلى: ااه...هاتيلى يا ستى تلاته كيلو اوطه
وكيلو ونص رز ..ولا اقولك خليهم اتنين كيلو عشان الفته.....واللى يفيض ميخسرش
واوعى تنسى تجيبى حاجه حلوه لحبيبه... لحسن مش هنخلص من ذنها😄
ليلى: لاء طبعا مش هنسى ....الا حبيبه 😊
انا همشى بقا علشان اتأخرت ...السلام عليكم ورحمه الله وبركاته
ام ليلى بتقفل وراها الباب: وعليكم السلام
متتأخريش يا ليلى........بالسلامه يا بنتى
ولسه هتقفل الباب افتكرت🤔
وفتحت الباب بسرعه......وبصيت على السلم
ليلى.........يا ليلى
ليلى: نعم يا امى
ام ليلى: متنسيش تجيبى عيش مفقع معاكى من عند ام حنان
عشان بحب اعمل الفته بيه....هاتى بعشين جنيه
ليلى: حاضر يا امى.... السلام عليكم ورحمه الله وبركاته
ام ليلى: وعليكم السلام......ودخلت وقفلت الباب
ربنا يريح قلبك ويسعدك ويجعله من نصيبك يا ليلي يا بنت بطنى ياااارب🤲🏼
وبزعل ....بس يعني لو مكانش ااااا
استغفر الله العظيم يا رب.....😞
*********************************
هاله: إفطر يالا يا حبيبى كويس واشرب الشاى قبل ما يبرد
صلاح: لاء إنسى ... مش هقدر اكل كل الأكل ده
انا هاخد بقسماط وشاى باللبن وحلو اوى على كده
هاله عوجت بؤئها😏
وده بردوا اسمه فطار ...لااااء...الكلام ده مينفعنيش
اقعد إفطر عدل .. إنت مش فى بيتك هنا
انت عند امك
صلاح: طب وهو انا بفطر فى بيتى اصلا
طب ياريت الاقى كوبية الشاى دى والبقسماط
كنت عملت فرح.....يالا ...نصيبى بقا😞
هاله صعب عليها ابنها وطبطبت على كتفه
هاله: نصيبك زى العسل يا حبيبى ..ولا تزعل نفسك.....ربنا يهديها
قام صلاح من على الفطار .....الحمد لله
هاله: يا ابنى افطر عدل... ده لسه اليوم طويل
صلاح: حلو اوى كده يا ام صلاح لحسن اتعود على الفطار الحلو ده كل يوم الصبح 😁
هاله:والله يا ابنى لولا بيتك بعيد كنت أخليك تيجى كل يوم الصبح وانا افطرك احلى فطار
صلاح باس إيديها...تسلميلى يا ست الكل
ودخل يغسل ايده
هاله لسه بتلم الاطباق ....
ابتسام: سيبى يا طنط الفطاااار ...انا هقعد أفطر
وبعدين أدخل اكمل نومى.....اعمل ايه ...صوتكم قلقنى😠
هاله: طب قولى صباح الخير الاول😏
ابتسام قعدت تاكل .....صباح الخير
صلاح خرج من الحمام...واتفاجأ بإبتسام قاعده بتاكل
الله .. ما انتى صحيتى اهو....مش كنتى نايمه 🤨
ابتسام: ابنك بيرفس فى بطنى من الجوع
مش عارفه انام منه
صلاح بتريقه: ابنى بردوا اللى صحاكى
ولا بطنك الحامضه😏......ودخل يلبس
ابتسام بنرفزه : شايفه ابنك🤨
هاله كتمت ضحكها 🤭
معلش متزعليش منه.....ده بيهزر معاكى
كولى يا حبيبتى بالهنا والشفا
صلاح لبس هدومه وخرج.....انا ماشى يا ام صلاح عاوزه حاجه
هاله: عاوزه سلامتك يا حبيبي....ربنا يحفظلك طريقك
صلاح: امين يارب....ولسه هيمشى..بص لابتسامه
وإنتى هتمشى امتى 🤨
ابتسام وهى بتاكل ....لسه هكمل نومى وبعدين هصحى أروح لامى الأول عشان معاد الدكتوره انهارده
وكويس إنك فكرتينى....سيبلى فلوس قبل ما تمشى
صلاح: بنرفزه..ليه ان شاء الله......والفلوس اللى كانت معاكى راحت فين😠
ابتسام: عندى متابعه عند الدكتوره انهارده
وساعات بتطلب تحاليل واشاعه... ولا عاوزنى استلف من امى😏
ومتنساش تيجى تخدنى بالليل
مش قادره اروح لوحدى ..بحس بدوخه وخايفه أقع وانا ماشيه
صلاح: طب ما انتى جيتى امبارح لوحدك ومحصلكيش حاجه يعنى 😏
ابتسام بخبث: لاء والله يا صلاح ..ده انا تعبت اوى عقبال ما جيت امبارح وكان هيغمى عليا
حتى إسأل أمك....مش كده با طنط😒
هاله بصيتلها ومعجبهاش الكلام...وسكتت😒
صلاح طلع محفظته وهو مخنوق منها😡
وعد ٢٠٠ جنيه
خدى ..بس ياريت مضيعيش الباقى وامسكى ايدك شويه فى المصاريف 🤨
وهبقى ارن عليكى بالليل تنزلى...مش قادر اطلع السابع
ابتسام:براااحتك😏اهلى يعنى مش هينقصوا حته لو مطلعتش تشوفهم وسلمت عليهم
هاله بتحاول تهدى الموقف: لاء يا حبيبى عيب
ميصحش
اطلع سلم عليهم واقعد شويه وبعدين خد مراتك امشوا
صلاح : لما اشوف ظروفى......انا ماشى بقا عاوزة حاجه
هاله: عاوزاك بخير دايما يا حبيبى
ربنا يفتحلك باب الرزق من عنده..ويحفظلك طريقك يارب🤲🏼
صلاح بص لابتسام: شايفه الدعوات اللى تفتح النفس على الصبح......اتعلمى😠
امين يارب يا امى ...وباس إيديها
سلامو عليكو
ابتسام 😏
هاله : وعليكم السلام ورحمة الله وبركاته يا حبيب امك😊
ابتسام بصوت عالى ....صلااااااااح
متنساش تجيب حاجه فى ايدك تدخل بيها على امى واخواتى....ومتعملش زى عريس امبارح 😏
صلاح لسه كان هيدخل يزعقلها 😡
هاله مسكته من دراعه....إمشى يلا يا حبيبي
على شغلك وسيبك منها ..ربنا يسترلك طريقك
ونزل وهو هيطق منها ومن كلامها😡
هاله قفلت الباب وبصيت لإبتسام بغيظ
انا هدخل اصحى جنه علشان تروح الجامع😒
ابتسام: طنط....متنسيش تحطيلى علب الاكل
على السفره لحسن أنساها وانا ماشيه
عشان هنتعشى بيها انا وصلاح...مش قادره
اعمل عشا لما اروح البيت😒
هاله بغيظ: حاااضر.......وبصوت واطى
الله يكون فى عونك يا ابنى😠
**********************************
ناديه: يلا يا رجاااائى الشاى هيبرد
رجائى: اومال فين العيال
ناديه : دول فطروامن بدرى ....وراحو على المدرسه عشان عندهم مجموعه
رجائى: افضل انا اقوع فى فلوس دروس ومجموعات وفى الاخر بيسقطوا بردوا😠
هاله: بإذن الله هينجوا ....بس انت متنرفزش نفسك على الصبح كده ويلا اقعد إفطر
رجائى قعد يفطر.....ناولينى رغيف العيش ده
هاله: خد يا خويا الف هنا
رجائى: إلا قوليلى.....اختك كلمتك ولا لسه
ناديه أخدت بيضه وقشرتها وحطيتها قدامه
لاء لسه مكلمتنيش.....شويه كده وهبقى اكلمها انا
متقلقش انت بس....وعاوزاك تطمن الباشمهندس وتقوله كلمتين حلوين كده من بتوعك على البت جنه
رجائى: ايه يا وليه ده..... الشاى من غير سكر
ناديه: يقطعنى يا خويا ...هات احطلك سكر
رجائى : لاء خلاص مش عاوز......أنا اتأخرت على الشغل ....عاوزة حاجه اجيبهالك وانا جاى
ناديه:عاوزه سلامتك يا حبيبي....ولو الباشمهندس
كلمك فى حاجه إبقى طمنى😁
رجائى: وانتى بردوا لما تكلمى اختك ابقى طمنينى
ناديه : اه طبعا اومال ايه 😁
رجائى: يلا....سلامو عليكو
ناديه: وعليكم السلام.......الف سلامه ربنا يسترلك طريقك.......وقفلت الباب
اما اخلص بقا اللى ورايا..... وبعدين اكلم هاله
تكون صحيت .......توكلت عليك يارب
**********************************
عبير: السلام عليكم ورحمه الله وبركاته
ليلى : وعليكم السلام ورحمة الله وبركاته
ايه يا بنتى...ايه اللى اخرك كده
عبير: معلش يا ليلى راحت عليا نومه وقومت متأخره ونزلت على طول .....ايه ده هى جنه لسه مجاتش هى كمان ولا ايه
ليلى : تلاقيها راحت عليها نومه هى كمان
صليتى الضحى ولا لسه
عبير : لاء لسه.... مش بقولك نزلت على طول
ليلى : طب قومى يلا صلى الاول ركعتين تحية المسجد..وبعديهم صلى الضحى ..عقبال ما الاخوات تتجمع وجنه تكون جت هى كمان
عبير: طب افطر الاول
ليلى: تفطرى وبعد كده ترغى و تضيعى الوقت زى كل مره.....وتروح عليكى صلاة الضحى
وانتى الخسرانه فى الاخر
عبير: وخسرانه ليه بس ...دى سنه يا ليلى مش فرض
ليلى: يا بنتى كفايه انها وصية حبيبك النبى صل الله عليه وسلم ....واجرها وفضلها عظيم
عبير : انا عارفه إنى مش هخلص منك
مش بقولك انتى داخله الجنه بصاروخ😄
ليلى: الفردوس الأعلى بإذن الله 😊
يلا قومى صلى بقا ومضيعيش الوقت
عبير: طب اكل سندوتش واحد...حرام عليكى انا جعانه اوى ومفطرتش ...وجايبه معايا السندوتشات وعماله حسابك انتى وجنه
ليلى: صلى الأول وبعدين ناكل براحتنا
وتكون كمان جنه جت وناكل كلنا مع بعض
انا هتصل بيها واشوفها فين
عبير: ماشى.....بس قوللها تيجى بسرعه لحسن هموت من الجوع
ليلى: حاضر ........ومسكت تليفونها ولسه هتتصل
قاطعتها ست كبيره
الست: سلامو عليكى يا بنتى
ليلى : عليكم السلام يا امى ...تحت امر حضرتك
الست قاعدت جنب ليلى .....الامر لله
معلش يا حبيبتى اصلى سمعتك بتقولى على
صلاه الضحى لازم نصليها ....ليه بقا لازم نصليها....لو مش هتعبك يعنى
ليلى :لاء خالص تحت امرك يا امى
علمنا رسول الله صل الله عليه وسلم إن صلاة
الضحى ليها فضل واجر عظيم جدااا
فالنَّبِيِّ صَلَّى اللَّهُ عَلَيْهِ وَسَلَّمَ قَالَ ( يُصْبِحُ عَلَى كُلِّ سُلَامَى مِنْ أَحَدِكُمْ صَدَقَةٌ ، فَكُلُّ
تَسْبِيحَةٍ صَدَقَةٌ ، وَكُلُّ تَحْمِيدَةٍ صَدَقَةٌ ، وَكُلُّ
تَهْلِيلَةٍ صَدَقَةٌ ، وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ ، وَنَهْيٌ عَنْ الْمُنْكَرِ صَدَقَةٌ ،
وَيُجْزِئُ مِنْ ذَلِكَ رَكْعَتَانِ يَرْكَعُهُمَا مِنْ الضُّحَى ) (رواه مسلم) .
الست: عليه الصلاه والسلام....بس معلش بردوا فهمينى براحه....انا زى امك بردوا .. سامحينى
ليلى : على راسى يا امى ...حاضر 😊
حبيبنا النبى قال يصبح على كل سلامى من الناس صدقة
سلامى يعني مفصل...... يعنى على كل مفصل فى جسم الانسان صدقه.....والإنسان فيه ٣٦٠ مفصل
وجاء في الحديث الصحيح
أن الله خلق آدم على ثلاثمائة وستين مفصل
كما جاء في حديث عائشة رضى الله عنها
عند مسلم
فإذا سبح الله، وحمد الله، وكبر الله، وقال لا إله إلا الله، وأمر بالمعروف ونهى عن المنكر
بعدد المفاصل دى كلها...أمسى وقد زحزح نفسه من النار،
قال ﷺ: ويكفي من ذلك ركعتان تركعهما من الضحى
يعنى ركعتين الضحى دول صدقه لمفاصل جسمك كله😊
ها يا امى حضرتك كده فهمتى ولا اقول كمان
الست : لاء فهمت أوى😁 ربنا يسعدك يا بنتى
اقوم بقا اصليها😁....طب معلش سؤال تانى
ليلى :اتفضلى تحت امرك😊
الست : اصليها يعنى فى اى وقت كده ولا ليها وقت معين
ليلى : لاء طبعا ليها وقتها
ووقت صلاة الضحى من طلوع الشمس وارتفاعها إلى قبيل وقت صلاة الظهر
والشيخ ابن عثيمين قدر لها وقتها
بعد شروق الشمس بربع ساعة
يعنى مثلا الشروق على الساعه٧ ...اقعدى اذكرى الله وسبحى او اقرئى قران لحد ٧ وربع كده او ٧ ونص اضمن......وعندك لحد قبل صلاة الظهر بعشر دقائق ...او تلت ساعه بردوا اضمن 😊
الست: الله يسعدك يا بنتى...ويفرحك بأولادك
ليلى اتحرجت وابتسمتلها....انا لسه متجوزتش يا امى🙂
الست: يبقى هدعيلك إن ربنا يبعتلك ابن الحلال اللى يسعدك ويفرح قلبك بالخلفه الصالحه يارب😁معلش دوشتك
ليلى: لاء خالص يا امى ...تحت امرك😊
اللهم امين ياااارب
ليلى فرحت بدعواتها جداااا....وحسيت إنها على الشيخ محمد☺️
وبصيت على عبير لقيتها لسه بتصلى
ومسكت تليفونها واتصلت بجنه
جنه صحيت على رنة التليفون
السلام عليكم ورحمه الله وبركاته
ليلى: وعليكم السلام ورحمة الله وبركاته
ايه يا بنتى... انتى لسه نايمه ولا ايه
احنا فى المقرأه......جايه امتى
جنه: بحزن: لاء مش هقدر اجى انهارده
ليلى إستغربت صوتها : انتى تعبانه يا جنه ولا ايه
صوتك مش طبيعى
جنه: لاااء خالص ...بس منمتش كويس
ليلى فهمت انها حاسه بالذنب من اللى حصلها مع ياسر.... بس مرضيتش تقولها
ليلى: طب يا حبيبتى مش هطول عليكى
بس لما تفوقى كده كلمينى وطمنينى عليكى
السلام عليكم ورحمه الله وبركاته
جنه: حاضر ...وعليكم السلام ورحمه الله وبركاته
وقبل ما تقفل..........ليلى
ليلى : نعم
جنه بتردد: هو انتى ااااا😞
وغيرت كلامها..........قصدى عبير جت
ليلى: اه يا حبيبتي جت بس بتصلى الضحى
جنه: ماشى يا ليلى سلمى عليها ...السلام عليكم
ليلى: وعليكم السلام ورحمه الله وبركاته
وقفلت معها وفهمت انها كانت عاوزه تسألها عن حاجه........ وبالأخص... عن الشيخ محمد
عبير: ها يا لولو...جنه جايه امتى...انا جعانه اوى
ليلى: لاء مش جايه ...شكلها تعبانه
عبير: تعبانه مالها.....ربنا يشفيها ويعافيها
ليلى : شكلها كده اللى حصل معها امبارح أثر فيها
عبير : بصى بقا.... احنا نخلص المقرأه ونروح نشوفها ونطمن عليها
ليلى: للأسف مش هينفع......انا هجيب طلبات الغدا لامى
عبير: طب خلاص... هروح انا واشوفها مالها
وهبقى أطمنك
يالاا نفطر بقا...انا جوعت اوى حرام عليكى
الاخوات فى المسجد: اخت ليلى.... احنا جاهزين للتسميع
عبير: لاء يا لولو بالله عليكى...انا جعانه اصبرى شويه
ليلى ابتسمتلها: الاخوات مستنينى يا عبير
ومينفعش اقعد اكل واسيبهم ...كولى انتى وحصلينى
عبير: لاء وعلى ايه بقااا
عاوزة تاخدى اجر القران لوحدك وتدخلى الجنه من غيرى ...ابدا ..رجلى على رجلك😆
ليلى : ما قولتلك الفردوس الأعلى بإذن الله خليكى طماعه فى كرم الكريم😊
ليلى: السلام عليكم ورحمه الله وبركاته اخواتى
وقعدت هى وعبير وسطيهم
الكل: وعليكم السلام ورحمة الله وبركاته
ليلى طلعت المصحف من الشنطه.....بسم الله
اخت ام معاذ.....سمعى من قول الله تعالى
إن الله اصطفى ادم ونوح وال ابراهيم وال عمران على العالمين(سوره ال عمران)
**********************************
ام عزت:واد يا عزت....انت يا واااد....هتتأخر على الشغل يا منيل.....قوم يلا يا ولااااه
طالع لابوك ... نومك تقيل زيه😠
عزت: هى الساعه كام دلوقتى
ام عزت: الساعه٩
عزت:اييييه..٩....وقام يجرى على الحمام بسرعه
ام عزت: مالك يا واد بتجرى كده ليه
عزت بنرفزه: لا ابدا يامه مفيش
الشغل معاده بس الساعه ٩...و مفيش اى حاجه
تخلينى اجرى ولا اتنرفز 😠
ام عزت: يعنى هيرفضوك من الديوان ياخى😏
عزت خرج من الحمام يجرى ...ولبس بسرعه
يامه هو فى هو حد لاقى شغل اليومين دول
اهى شغلانه وخلاص بدل ما اقعد جنبك
ام عزت: وهى شغلانة السوبر ماركو دى شغلانه عدله 😏
عزت: يامه ده مش سوبر ماركت صغير زى بتاع عم رزق اللى جنبنا....ده سوبر ماركت كبييير فيه كل حاجه....من الابره للصاروخ
ام عزت: يا سلااااام .....امممم
وعلى كده بقا بيبع جبنه اسطنبولى
عزت: يامه بقولك كل حاجه تقوليلى
جبنه اسطنبولى......اااه بيبيع
ام عزت: وحلوه بقا على كده 😁
عزت فهم امه وضحك...والله بس مش عارف
اقولك ايه....ما تقولى على طول هاتلى جبنه😄
ام عزت: مش عشانى يا واد....ده عشان تفطر بيها
عزت: عشانى انا بردوا 😄
ماشى... هجيبلك وانا جاى
ام عزت:وبالمره هات معاك لبن وبيض.....والبتاع ده اللى إسمووووه....وهرشت فى شعرها وهى بتفكر🤔
اللى شبه الفينو ده يا واد اللى جبتهولى قبل كده وفيه شكولاته من جوه.....اااااه افتكرت
البتاع ده االلى اسمه الكالسون😁
عزت: كالسون🙄
كالسون ايه بس يامه ...قفلتينى منه وربنا بالاسم ده ........اسمه كرسون
ام عزت: اهو هو الكرسون ده اللى بتقول عليه😁
عزت: حاضر ...عاوزه حاجه تانى
ام عزت: لو افتكرت حاجه هبقى اقولك
بس ابقى اتصل بيا عشان معيش رصيد
عزت:هو انا مش لسه شحنلك بعشره جنيه
امبارح بالليل......وديتيهم فين🤨
ام عزت عملت نفسها مش سامعه ...بتقول ايه
يا واد ...مش سامعه
عزت: بغيظ...دلوقتى مش سامعه🤨
مش بقول حاجه يامه .....انا ماشى
كفايه نص يوم اتخصم منى اهو بسببك
الله يسامحك بقا ... وفتح الباب
ام عزت: توصل بالسلامه ....ومتنساش الكااالسون يا واااد
عزت بنرفزه : مش هنسى🤨ورزع الباب ونزل يجرى
ام عزت: يختى مال الواد ده بيعمل كده ليه😏
هى ام صلاح مش ناويه تخبط عليا و تدينى
الجاتو بتاع عريس امبارح ولا ايه
نفسى رايحه لحاجه حلوة.......قطيعه
البخل وحش ...محبووش ابدا طوول عمرى😒
********************************
هاله: جنه...بت يا جنه..قومى يالا...هتتأخرى كده على الجامع
جنه: لاء يا ماما ...مش قادره اروح انهارده
هاله: طب قومى افطرى مع مرات اخوكى
جنه: مليش نفس
هاله قعدت جنبها وكلمتها بهدوء ..... بصى يا جنه
محدش يا بنتى هيغصبك على حاجه إنتى مش عاوزاها
بس خساره.....الشاب زى الفل....وجاهز
يدوب احنا بس هنجهز حاجات بسيطه
وانتى عارفه حالنا عامل ازاى...واخوكى الله
يكون فى عونه من مراته....حريقة مصاريف
ومرتبه على اد بيته
جنه 😞
هاله:والراجل كويس وبيصلى زى ما انتى عاوزة وشكله فرحان بيكى وشاريكى
وانا شايفه إنه مناسب ..واى بنت تتمناه
فكرى يا بنتى ربنا يهديكى
جنه : ربنا يسهل يا امى 😞
هاله: طب يالا قومى افطرى قبل ما مرات
اخوكى تخلص على الفطار بره......يلا يا حبيبتى
قومى
قامت جنه معاها... وخرجت قعدت جنب ابتسام
جنه: صباح الخير يا ابتسام
ابتسام:صباح النور.... ايه يا عروسه ..كل ده نوم ولا تلاقيكى معرفتيش تنامى 😆
جنه: ومش هعرف أنام ليه بقا إن شاء الله🤨
ابتسام بخبث: يعنى ....تلاقيكى كنتى سهرانه وبتفكرى فى الباشمهندس 😆
جنه: بنرفزه: انا لا كنت بفكر ف الباشمهندس
ولا غيره.....انا كنت بصلى وبقرأن قران لحد الفجر
هاله: بصيت لجنه وعضيت على شفايفها
فى ايه يا جنه بس ....مرات اخوكى بتهزر معاكى
جنه بنرفزه: وانا مش بحب الهزار اللى من النوع ده 😠
ابتسام بزعل: خلاص يا ست جنه مش ههزر معاكى تانى......وقامت
هاله: رايحه فين بس يا ابتسام ...كملى اكلك يا بنتى
ابتسام: لاء خلاص نفسى اتسدت😠
أنا هدخل اكمل نومى....وياريت محدش يقلقينى
ويفتح الباب عليا.. لحسن انا نومى خفيف
وسابتهم ودخلت الاوضه
هاله: كده بردوا يا جنه
طب لما تروح وتشتكى لاخوكى ويزعل
اعمل ايه انا بقا
جنه: مش هيزعل متخافيش ....وبعدين هى اللى بتتحشر فى اللى ملهاش فيه😠
واتضايقت من نفسها
استغفر الله العظيم...أهى خليتنى خدت ذنب
على الصبح...ياريتنى كنت روحت المسجد احسن
هاله: خلاص افطرى يالا وادخلى اوضتك
هى شويه ورايحه عند امها
جنه: احسن بردوا......وفطروا الاتنين مع بعض
تليفون هاله رن من المطبخ
هاله بقلق: مين اللى هيتصل بيا كده ع الصبح...خير يارب
قامت هاله دخلت المطبخ وردت.....الو.... صباح الخير يا نونا😁
ناديه: صباح الفل يا هاله ....نايمه ولا ايه
هاله: لاء نايمه ده ايه... انا صاحيه من بدرى
اصل صلاح وابتسام بايتين عندى من امبارح
وصحيت بدرى عشان اصحيه لشغله وافطره
ناديه: يختى ومراته متقومش هى ليه تصحيه وتفطره😏
هاله بصوت واطى : يختى بلا نيله😏
ده الواد غلبان معاها......ده بيقولى انه مبيفطرش
فى بيته
ناديه: انا من ساعت ما شوفتها فى الخطوبه قولتلك اييييه
هاله: اه يختى ..ياريتنى سمعت كلامك
ناديه: قولتك مش شبهنا الناس دول يا هاله
وشكلها كده طبعها منيل...قولتلى لااااء
دى غلبااااانه وكويسه
هاله: يختى ماهى كانت كويسه ايام الخطوبه وناعمه فى كلامها .... هاتى اساعدك يا ماما
هاتى انضفلك يا ماما.....بحبك يا ماما
ودلوقتى على يدك ... بقيت تقولى يا طنط
شوفتى الخيبه😏
ناديه: المهم سيبك منها دلوقتى وطمنينى
جنه فكرت وردت عليكى ولا لسه
هاله: اخوها قعد اتكلم معها امبارح
وانا كلمتها من شويه ..ودماغها كده بدأت تلين
ادعيلها انتى بس
ناديه: رجائى بيحكيلى امبارح ان الباشمهندس معجب بيها اوووى 😁
هاله: بجد والله......طب ياريت يختى 😁
ناديه : المهم هى توافق بس...هو مستنى الرد من رجائى
هاله: بإذن الله هتوافق ..متقلقيش انتى بس وقولى يارب 😁
ناديه : ياااارب يختى عشان مطلقش من تحت راس بنتك 😠
هاله: يختى الشر بره وبعيد ...طلاق ايه بس
دااااااا
وفجاءه قطع كلام هاله خبطه جامده اتفزعت منها
ايه ده .....فى ايه يا ولاااااد😳
ابتسام: اااااااااااااااااه.........الحقينى يا طنط
***************************
ونكمل بكره بإذن الله واتمنى تكون حلقة انهارده عجبتكم😊ومستنيه رايكم
تفتكروا حصل ايه لابتسام ....حد يعرف يقولى🤔
وقبل نهاية الكلام 🤚
اذكروا الله الرحمن ☝️وصلوا ع حبيبه خير الأنام ❤️ ❤️ 😍
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*