الفصل 9
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"9"))♡゙//*
يلا نصلى ع الرسول وندخل على طوووول💗
#جنه_الدنيا_جيهان_سلامه
#محبه_الرحمن
الحلقة التاسعه🌹
هاله بتخبط على باب الاوضه وبتصحى صلاح
ابتسام: صلاااااح......صلاااااح.... يا صلاح قوم
امك بتخبط مش قادره اقوم افتح🥱
صلاح قام بالعافيه....وفتح الباب
هاله: معلش يا حبيبي صحيتك من النوم
افتكرتك صاحى
صلاح: اصل عينى غفلت غصب عني
هاله: طب خلاص يا حبيبى ...إدخل كمل نومك
صلاح : لاء انا فوقت خلاص.....هى جنه نامت
ولا لسه صاحيه
هاله: لاء صاحيه فى اوضتها ... خلصت ترويق
الشقه وانا خلصت المطبخ واهى قاعده جوه
بتقرا قران.....اندهالك دلوقتى ولا شويه تكون فوقت
ابتسام: يااا طنط... الله يخليكى حضرى العشا
اوام لحسن جوعت اوى... فين من ساعة ما كلنا 😏
صلاح بص لابتسام بغيظ...هو انا قولت ايه من شويه........هو انتى مبتفهميش😡
هاله: فى ايه يا صلاح....هى قالت حاجه يا ابنى
حاضر يا حبيبتى هدخل احضره حالا اهو
يالا قوم كده وفوق عقبال ما احضر العشا
صلاح: حاضر....... وقفل الباب
وبص لابتسام بغيظ واتنرفز
هو انتى ايه بالظبط.....مفيش دم كده خااالص
افرضى امى كانت داخله تنام من التعب ومش هتحضر عشا
نقوم احنا نتعبها ونخليها تحضره😡
مش كفايه دخلتى نمتى ولا هان عليكى تسأليها
وتشوفيها لو عاوزه حاجه تساعديها فيها
ابتسام: والسنيوره اختك لازمتها ايه
هى مش بنتها بردوا والمفروض هى اللى تساعديها.......ولا هتعمل فيها عروسه 😏
صلاح: مهى عملت الشقه لوحدها ...وامى عملت المطبخ
والاصول يا ست هانم كنتى تبقى واقفه معاهم تساعديهم😠
ابتسام: لو هتتكلم عن الأصول.....فأنا ضيفه
يعنى مليش دعوه بمواعين ولا تتضيف
وحامل كمان وتعبانه
هو انا يعنى كنت بعمل حاجه فى بيتى لما اعمل عند امك😏
صلاح: على رأيك صحيح....هو انتى بتعملى حاجه ابدا.....دى شقتنا بقيت ريحتها تقرف من قلة النضافه
ده انا مش راضى اعزم حد عندنا من شكلها وريحتها اللى توجع البطن😡
ابتسام: قولتلك اجيب حد ينضفها قولتلي لاء
خلاص اتصرف انت بقا 😏
صلاح: واتصرف ازى ان شاء الله🤨
ابتسام بصيتله بخبث 😒 تقول لامك و اختك يجوا يساعدونى فيها
صلاح بعصبيه:نعم يختى😠 ومتقوليش لامك انتى ليه
انا اهلى مش خدامين عندك يا ست هانم
ابتسام: بقولك ايه... الكلام معاك بقا يتعبنى
وانا مش ناقصه....اوعى اما اقوم اشوف امك بتعملنا اكل ايه🤨
لحسن تكون ناويه تحطلنا بواقى الاكل
وانا بقرف😏
صلاح بعصبيه مسك المخده ورمها عليها
اترزعى هنا .....انا اللى هخرج لحسن لو طولت معاكى فى الكلام حاسس انى هيجرالى حاجه
منك لله يا شيخه ...دى كانت جوازه سوده😠
وخرج......
ابتسام عوجت بوئها😏
هو إنت كنت تطول تجوزنى اصلا
بردوا هقوم اشوفها......انا مش بحب اكل مكان حد...🤨.......ودخلت المطبخ لحماتها
*******************************
سهام بفرحه: يعنى نقول مبروك😁
ليلى : لاء لسه طبعا....هصلى إستخاره الأول
سهام: بس صوتك بيقول غير كده يا لولو😁
ليلى: متكسفنيش بقا يا سهام ☺️
سهام: لا بجد قوليلى .....ارتحتيله
ليلى: بصراحه.... ارتحتله جداااا😊
واهله ناس طيبين اوى ...وكنت قاعده مبسوطه وانا وسطيهم☺️
سهام: يعنى اااا.....وسكتت
ليلى : يعنى ايه ....كملى كلامك يا سهام
سهام : بصى ليلى.....بس متفهمنيش غلط
ليلى: فهماكى يا سهام....لاء والله مش فارق معايا ابدا انه فاقد البصر
سهام:طب الحمد لله يا حبيبتى..... ربنا يسعدك
ويكون فعلا هو الزوج الصالح اللى اتمنتيه
ليلى: اللهم امين ياارب....هو صحيح يا سهام
فاقد البصر
بس مش فاقد البصيره و الايمان ...وده الاهم
عندى ....تقوى الله
سهام: بس خدى بالك بردوا ...متتغريش بالشكل ولازم تسألوا عليهم
ليلى : والله لو عليا مش هسأل لانى استفتيت قلبى
لكن طبعا عصام اخوكى هيسأل عليهم...هياخد اجازه من شغله وهيسافر المنصوره
بس لما يتصلوا الاول ونشوف
سهام: على العموم يا حبيبتى ربنا يسعدك
ويتمملك على خير يارب
ليلى: طب معلش يا سيمو ...جنه بتتصل بيا
هقفل معاكى دلوقتى واشوفها عاوزه ايه
سهام : ماشى يا حبيبتى .....سلام
ليلى:ايه الاختصار ده... اسمها ..السلام عليكم ورحمه الله وبركاته😊
سهام:ماشى يا ست لولو يا عروسه
وعليكم السلام ورحمه الله وبركاته 😁
وقفلت معها وفتحت على جنه
ليلى: السلام عليكم ورحمه الله وبركاته يا جوجو😊
جنه استغربت صوتها.....وحسيت بفرحه فيه🤔
وبتحاول تدارى زعلها.....وعليكم السلام
ايه يا بنتى..تليفونك طول النهار مقفول ليه
ايه الاخبار طمنينى
ليلى بسعاده: الاخبار يا ستى خير ولله الحمد 😊
الاخ بسم الله ما شاء الله لا قوة الا بالله
فى الالتزام والتقوى ..... حاجه كده اللهم بارك 😁
جنه بزعل: مش قولتلك يا ليلى😒
طب احكيلى بقا بالتفصيل حصل ايه بالظبط
ليلى: طب طمنينى انتى الاول عملتى ايه مع الاخ اللى جالك
جنه: بتريقه...اخ😏.....بعدين يختى بعدين
إحكى إنتى الأول بس وطمنينى وبعدين هقولك
ليلى:مااشى... بصى يا ستى ...اول ما دخلواااا
*********************************
رجائى قاعد وقدامه صنية البطيخ وبياكل
البت بنت اختك دخلت دماغ الباشمنهندس اوى
ناديه بفرحه: بجد 😁
رجائى:امممم.....بيقولى ونعمه الأدب والأخلاق
ناديه:طب الحمد لله.......ربنا يهديها هى بس وتوافق
رجائى:بص ليها وبرق عينه: لييييه...هى مش موافقه ولا ايه😠
ناديه بخوف: لاااء يا خويا.....هى بس قالت
لازم أصلى استخاره الاول......بس هى بتشكر فيه اوى بردوا😒
رجائى : اااه ......بحسب🤨
الواحد مش ناقص احراج مع الراجل
ناديه بتكلم نفسها....ربنا يهديكى يا جنه وتوافقى
ربنا ما يجيب احراج يا خويا..بس قولى هنا بقا
هو دخل يعنى ايد ورا وايد قدام ليه😏
فين بقى كلامك عنه ...وإنه معاه على قلبه اد كده وميهموش الفلوس 😏
رجائى: تلاقيه بس ملاقاش حاجه وهو جاي فى الطريق
واكيد هيجيب الزياره الجايه......قومى يلا
حضرلنا لقمه حلوه كده ...لحسن واقع من الجوع
ناديه بصيت لصنية البطيخ اللى قدامه
ناديه: يا راجل ما أنت لسه واكل بطيخه لوحدك لحقت تجوع😠
رجائى : انتى هتبصيلى فى اللقمه يا وليه ولا ايه
إلا قوليلى صحيح..... اختك مبعتتش معاكى
شويةمكرونه بشاميلى ولا نص فرخه ولا صوباعين كفته ولا حتيتين جلاش ابو لحمه
ده كان حلو اوى😁
ناديه: بصراحه مرضيتش اقولها ...اصلها قالتلى هتقضى بيهم بكره
شكلها كده معهاش فلوس ولسه مقبضتش
المعاش.....ولقيت الأكل على الاد اوى
فمرضيتش اقولها واحرجها
رجائى: طب وماله....ما كنتى حرجتيها
مش اختك بردوا🤨
ناديه: بقولك معهااااش فلوس ... تقولى احرجيها
انا هقوم اسخنلك شويه السبانخ اللى فى التلاجه
رجائى : يا وليه بقولك جلاش باللحمه وكفته وفراخ ومكرونه بشاميلى 🤨تقوليلى سبانخ
خلاص مش واااكل....انا داخل انام احسن😠
ناديه: احسن بردوا.....تصبح على خير
رجائى : انتى مش هتنامى ولا ايه
ناديه: لاء.....هستنى عيالك لما يجوا من تحت عشان اعشيهم
رجائى: قصدك عشان تعلفيهم....دول ولا بيذكروا ولا بيتنيلوا.....خلفه تعررر😡...ودخل الاوضه
ناديه بصوت واطى: نام بقاااا ..ده انت حته راجل....نكدى اوى😠
يا بختك يا هاله..جوزك مات ومريحه دماغك
*****************************
ابتسام: ها يا طنط......خلصتى العشا
هاله: اه يا حبييتى خلاص اهو....هسخن بس الشاى باللبن
ابتسام: اتصدمت...شاى بإيييه😠
لييييه... هو انتى هتعشينا ايه
هاله: جبنه وبيض ومربى وشاى بلبن
ابتسام بتكشيره : لاااااااء يا طنط......انا وحده حامل ومينفعنيش الاكل ده
ده يهفتنى اكتر ما انا هفتانه.....حطيلى من اكل
الغدا ...مش فايض اكل بردوا
وبصيتلها بخبث😒
ولا ابله ناديه خدت منه وهى ماشيه
هاله:لاء......ناديه ماخدتش حاجه ...ولو خدت يعنى ..الف هنا ليها ولولادها😠
ابتسام: طب خلاص ....حطيلى منه بقى
هاله: حاضر .. هحطلك انتى ....وانا وولادى هناكل لقمه خفيفه
ماهو العشا لازم يكون خفيف😏
ابتسام فكرت شويه....ولااقولك خلاص
هاكل معاكم بقا وامرى لله
والاكل ده إبقى حطوهولى فى علب تلاجه
اخدوا معايا بكره وانا مروحه
معلش يا طنط.. اصلى مش قادره اعمل اكل
ما انتى عارفه تعب الحمل بقا عامل ازاى 😒
هاله معرفتش تتكلم واتحرجت منها....حااضر
الصبح بإذن الله هحطهوملك فى العلب
وكلمت نفسها....حتى اللقمه اللى كنت هقضى
بيها نفسى بكره انا والبت.. بصالى فيها😔
ابتسام: خرجت من المطبخ ...ورجعت تانى
طنط....زوديلى البيض ... ولوعندك بسطرمه حطى عليه....وحطيلى لبن بس من غير شاى
انا محتاجه كالسوم عشان الواد
صلاح دخل عليهم... وبص لابتسام بعصبيه😡
انتى بتعملى ايه هنا
ابتسام: بساعد امك....مش كده يا طنط
هاله: اه يا حبيبتى ...خدى يالا الاطباق دى
حطيهم على السفره وانتى خارجه...واقعدى استريحى بقا كفايه انتى تعبتى😏
صلاح: فهم بس متكلمش....وخرجت ابتسام
صلاح: بووووز فقر😡
هاله: يا واد اسكت لتسمعك😄
صلاح: يا ستى ما تسمع....ما خلاص ادبسنا
واللى كان كان.......المهم..خدى دول يا ام صلاح
خليهم معاكى
هاله: لاء والله ابدا ...مستوره يا حبيبى
وبإذن الله اول ما اقبض المعاش هديلك فلوس الاكل اللى جبته انهارده
صلاح: انتى يا امى عاوزه تزعلينى منك ولا ايه
انا مسئول عنكم انتى واختى ...ومينفعش
تقولى الكلام ده...لحسن ولله احلف بالطلاق
ما انا واخد حاجه ...وانا بصراحه بتلكك بقا😆
خدى بقا ال ٢٠٠ جنيه دول لحد ما اقبض
ولا احلف عليها واخلص منها😆
هاله:لاء وعلى ايه ....هات😄
ربنا يخليك ويباركلك فى رزقك يارب يا ابنى
صلاح باس ايديها وراسها....اوعى تشيلى هم
طول ما انا عايش...ربنا يخليكى لينا يا ست الكل
يالا نخرج ناكل لحسن نلاقى الغوله اللى بره كلت الاكل كله 😄
هاله: يا خويا بالهنا والشفا 😄
ابتسام: ما تيلااااا بقا يا جماعه....كل ده رغى
ياا جنه ...يا طنط ....ياا صلاااااااااح
صلاح : اخرج اموتها دى واروح فيها فى داهيه ولا اعمل ايه معها بالظبط
هاله: ولا تعمل أى حاجه
ربنا يهديهالك ....يالا نخرجلها عشان تسكت
*******************************
جنه: بس يا ستى.... وده كل اللى حصل☺️
ليلى: طب يا جنه فكرى الاول قبل ما ترفضى
اللى فهمته من كلامك......إن الأخ مستعد يقرب
لربنا ويواظب على الصلاه ويبطل السجاير
يعنى هتاخدى ثواب كبير اوى لو ده حصل
جنه: شوفتى قولتى ايه....لو ده حصل
يعنى ممكن ميحصلش يا ليلى
ليلى: علمنا رسول الله صل الله عليه وسلم
بشروا ولا تنفروااا
جنه: صدق رسول الله صل الله عليه وسلم
بس انا حاسه انى مش فرحانه زي ما انتى فرحانه كده بالشيخ محمد 😔
ليلى حسيت بزعل فى صوت جنه
يا حبيبتى صلى الاستخاره انتى بس الاول
وفوضى امرك لله
جنه: الله المستعان......المهم انتى خلاص كده وفقتى ولا لسه هتفكرى ...ولا هتراجعى نفسك
ليلى: هراجع نفسى......هراجع نفسى فى ايه بالظبط
جنه: علشان يعنى ااا 😔
ليلى : المفروض مش احنا اللى نقول كده يا جنه .....يكفى دينه وايمانه....واحنا بندور على الاخره ورضا الله
والحمد لله لقيتهم فيه...يبقى ازاى ارفض النعمه
اللى ربنا اكرمنى بيها بعد كل السنين دى
بس هو يوافق عليا الاول😔
جنه: ايوه صح ......معاكى حق😔
ربنا يقدرلك الخير يا حبيبتى...واكيد طبعا هيوافق .... لانك ونعمه الاخت الصالحه اللى
تعين الواحد على طاعه الله
ليلى:اللهم لا تؤاخذنى بما يقولون
واغفر لى ما لا يعلمون
واجعلنى كما يظنون
جنه: الله .....حلو الدعاء ده اوى يا ليلى
ليلى: انا بقوله دايما لو اى اخت قالت عنى كلمه حلوه وشكرت فيا
لانى حاسه دايما إنى مقصره فى حق الله
جنه: يا حبيبتى انتى فعلا كذلك ولا ازكيكى ع الله
الباب خبط.........
جنه: ايوه
صلاح: يالا يا جنه العشا جاهز
جنه حاضر جايه اهو...طب يا ليلى هقفل معاكى
دلوقتى
وعلى العموم..مبارك عليكى مقدما الشيخ محمد
وانا واثقه إن الموافقه هتم من ناحيته
ليلى : يارب يا حبيبتى...يلا اسيبك بقا
فى رعايه الله
سبحانك اللهم وبحمدك نشهد ان لا الله الا انت
نستغفرك ونتوب اليك
السلام عليكم ورحمة الله وبركاته
جنه: وعليكم السلام ورحمة الله وبركاته
وقفلت السكه معها واتنهدت بحزن
😞 ......... يا خساااره...........😞
**********************************
عبير:بفرحه .....مبروووك يا لولو
ليلى: مبروك على ايه بس ..هو لسه حصل حاجه
مش لما يرد الأول
عبير: بقى كل الكلام الحلو ده من امه ومنه
ومن مرات عمه..ولسه عندك شك انه مش هيرد
ده انتى طيبه اوى ... اسألينى انا يا بنتى😄
ليلى: بقولك ايه صحيح ...انا محكيتش لجنه
كل ده علشان متزعلش
وتفكر انه فضلنى عليها وانى احسن منها فى الالتزام
ولا حكيتلها بردوا على كلام امه معايا...ماشى
عبير: يا بنتى وهتزعل ليه بس...ما هى اللى رفضته اصلا
ليلى بصدمه: ايه ...رفضته 😳
انتو مش قولتوا انه هو اللى رفضها
عبير اخدت بالها انها غلطت فى الكلام ووقعت بلسانها
بصى بقااا. يا ليلي.....انا هقولك اللى حصل وامرى لله
وحكيتلها ...اااااا
ليلى بزعل ونرفزه......ليه بس تعملوا معايا كده
الشيخ واهله دلوقتى يقولوا عليا ايه
بخطف عرسان اصحابى😠
عبير:لاء والله يا ليلى مش كده خالص....احنا قولنا بس انه مش هيلاقى احسن منك
وبصراحه كده
جنه هى اللى رشحتك ليه وقالت انتى اكتر
واحده تنسبيه واحسن منها كمان
يعنى هى اتمنيت ليكى الخير ....فمتفهمهاش غلط
وكفايه اللى هى فيه.......دى حاسه ياعينى بندم جامد اوى بسبب سلامها بإيديها علي العريس اللى جالها انهارده .....وكمان قعدتها معاه لوحدها فى البلكونه
ليلى بصدمه...اييييه😲معقول جنه عملت كده
لا حول ولا قوة الا بالله
عبير🙄 ايه ده...هى جنه محكتلكيش
وانتى بتكلميها دلوقتى
ليلى: لاء طبعا .....اكيد مش هتحكيلى حاجه زى دى......لانها عارفه انى ممكن اقولها ايه
عبير: طب الله يخليكى اوعى تغلطى وتقوللها بقا
لحسن تزعل منى...ده انا شكلى نيلت الدنيا انهارده على الاخر
ليلى: متخافيش مش هقولها حاجه ...ربنا يصلح حالها ويغفر لها ......انا بصراحه بدأت اخاف عليها منه
عبير: وانا كمان..........ربنا يسترها معها
طب افرحك بيا بقا 😁
ليلى: ايه.....قولى 😄
عبير: يوم الجمعة الجايه بإذن الله
كابتن ماجد جاى هو اهله علشان يتفقوا ويقروا الفاتحه 😁
ليلى بفرحه: بجد....ما شاء الله ...اللهم بارك 😊
مبرووووك يا بيرو ....ربنا يكتبلك السعاده يارب حبيبتي
عبير: واياكى حبيبتى يااارب ... و عقبالك مع الشيخ محمد 😁
ليلى بتمني : امين يارب
عبير: طب اسيبك انا بقا ونتقابل بكره بإذن الله فى المقرأه الصبح
ليلى: بإذن الله...بقولك ايه متقفليش تليفونك
علشان هرن عليكى على قيام الليل
علشان تقومى تصلى قبل الفجر.......سااامعه
عبير: افضلى انتى بس رنى عليا لحد ما اقفل عليكى
بس صحينى قبل الفجر بساعه مش بساعتين
يا مفتريه😆
ليلى: يا بنتى علمنا الحبيب صل الله عليه وسلم
أن شرف المؤمن قيام الليل
وهو احب الصلوات الى الله عز وجل بعد الصلاه المفروضه
والملائكة من السماء هيشوفوا بيتك زى قطعة اللؤلؤ المنوره .....كل ده بقيامك لليل😁
ده غير كمان المولى عز وجل يتنزل فى الثلث
الاخير من الليل نزولا يليق بجلاله
وعلمنا حبيبك النبى صل الله عليه وسلم
عبير: صل الله عليه وسلم
ينزل ربنا إلى سماء الدنيا كل ليلة، حين يبقى ثلث الليل الآخر، فينادي، فيقول: من يدعوني فأستجيب له، من يسألني فأعطيه، من يستغفرني فأغفر له
ها ...لسه بردوا عاوزه تنامى لقبل الفجر بساعه
عبير: ومن قالك انى هنام اصلا بعد كلامك
الحلو ده يا حلوة....هقوم أضربلى مج نسكافيه اللى هو ... والى الجهاااااد😁
ليلى بضحكه :ايوه كده 😄
اللهم تقبل حبيبتي. ..جعلنا الله اعوانا فى الخير
استودعك الله..السلام عليكم ورحمة الله وبركاته
عبير: وعليكم السلام ورحمة الله وبركاته
وقفلت معها وكلمت نفسها
شكلى كده نيلت الدنيا ع الاخر مع جنه وليلى
انهارده
ربنا يستر بقا ومحدش يقول للتانى حاجه
طب اعمل ايه فى نفسى بس
طول عمرى وامى بتقول عليا مدب
صدقتى يا امى والله.....فعلا مدب🙄
***********************
صلاح : ايه يا عروسه ساكته ليه.....مقولتليش يعنى رايك ايه فى الباشمهندس
جنه: لسه معرفش ....هصلى استخاره الأول واشوف...
صلاح : ماشى صلى براحتك.....بس اكيد بردوا فكرتى ولا ايه
ابتسام : فكرت ده ايه...ده باين على شكلها انها هتموت من الفرحه ومكسوفه تقول....ناولينى يا طنط طبق البيض ده
جنه بنرفزه: ليه... شيفانى بتنطط قدامك
ما انا قاعده عادى اهو😠
ابتسام: ومتفرحيش ليه .دى شقته فى حته حلوه اوى ....وشقه كبيره وفيها حمامين ومطبخ كبير
وتلات إوض وتلاته ريسبشن
عاوزة ايه تانى ...والله تبقى بوز فقر لو رفضتيه
هات رغيف يا صلاح من جنبك
هاله فى سرها....الله اكبر فى عينك يا شيخه
صلاح: ابتسام لو سمحتى .....انا بتكلم مع اختى
ممكن ملكيش دعوه انتى
ابتسام: انت حر انت وهى يا خويا...انا هقوم اشرب اللبن وانا بتفرج على التليفزيون
صلاح: احسن بردوا.......سيبك منها يا بت يا جنه
انتى عاوزاه ولا لسه بتفكرى
جنه: انا بصراحه متلغبطه......هو بيقولى عاوز
وحده تعينه على طاعة الله
وانا خايفه ارتبط به لانه مش الشخص اللى اتمنيت انى ارتبط بيه بمواصفاته دى😞
صلاح: فهمها : ولا قصدك تقولى مش زى الشيخ محمد
جنه اتفاجئت بكلامه .....ومردتيتش😔
صلاح: بصى يا جنه محدش هيغصبك على حاجه انتى مش عاوزها
بس انا شايف انه شخص مناسب جدا وشيك
فى نفسه كده وجاهز وعنده عربيه
وبصراحه شكله شاريكى...وخدى يا ستى انتى الثواب فيه
مش يمكن يكون فى يوم من الايام شيخ من الشيوخ المشهورين اللى بنسمعلهم دول
وساعتها هتبقى خدتى ثواب كبير فيه
ع العموم .....فكرى واستخيرى...وربنا يكتبلك الخير
هاله: يسلم لسانك يا بنى .....اسمعى كلام اخوكى يا جنه ..ربنا يهديكى
جنه: ان شاء الله...... انا كلت الحمد لله
هدخل انام بقا شويه علشان اصحى قبل الفجر
بس هشيل معاكى يا امى الاول الاطباق
هاله: لاء يا حبيبتى دول حاجات خفيفه
ادخلى انتى ارتاحى...ومتنسيش تصلى الاستخاره
وادعى ربنا يجعله ابن الحلال اللى يسعدك
جنه اتوضيت.......ودخلت اوضتها
ووقفت تصلى صلاة الاستخاره ....... وسلمت منها
وغصب عنها لقيت نفسها بتعيط وهى قاعده على المصليه😥
ورفعت إيديها تدعى ربها....اللهم انى استغفرك واتوب اليك
اللهم لا تواخذنى بما اخطأت... اللهم اغفرلى ذلتى
اللهم اغفر وارحم واعفو وتكرم وتجاوز عما تعلم
يارب اكتبلى الخير حيث كان ثم رضينى به 🤲🏼
سامحينى يارب ....استغفر الله...استغفر الله
استغفر الله😥
وفضلت تعيط وهى مخنوقه وندمانه على سلامها بالايد لرجل لا يحل لها وجلوسها معاه فى خلوه😭
وفجاءه تليفونها رن...واستغربت الرقم وملمت نفسها
مين هيتصل بيا فى الوقت ده ...و ايه الرقم الغريب ده ......يمكن تكون اخت من الاخوات اللى بصحيها لصلاة الفجر وجابت خط جديد وعاوزه تدينى الرقم🤔.. ......وردت
جنه: السلام عليكم
المتصل: وعليكم السلام ......ده ايه الصوت الحلو ده يا جنتى
جنه: بعصبيه: جنتك ......انت مين إنت 😠
المتصل: معجب يا ستى
جنه بزعيق: طب اتقى الله بقا....ومتتصلش بالرقم ده تانى ..انت فاااااهم ...ولسه هتقفل السكه
سمعت ...استنى بس يا جنه..... انا ياسررررر
جنه: بصدمه.........ياااسر😳
وبنرفزه.......انت جبت الرقم ده منين 😡
ياسر: أخدته من عم رجائى 😁
جنه: وازى عم رجائى يدهولك من غير اذنى
كده لا يجوز .....فلو سمحت امسح الرقم حالا
و اسفه لإنى مضطره اقفل السكه 😡
ياسر: طب خلاص انا اسف... والله مكانش قصدى ازعلك اوى كده ....وخلاص ..مش هتصل بيكى تانى
بس انا حبيت افرحك واقولك كلامك بدأ يغيرنى
فعلا....واول ما روحت البيت صليت العشا على طول......وجربت كمان قيام الليل 😊
جنه إرتبكت ومش عارفه ترد وتقوله ايه
وفى نفس الوقت حسيت انه مينفعش تحرجه
ولازم تشجعه على الطاعه
ياسر: ساكته ليه يا جنه.....على العموم انا اسف ومش هتصل بيكى تانى ما دام ده بيزعلك
جنه: يا باشمهندس اصلا لا يجوز اكلم حد غريب وكمان فى وقت زى ده ....او حتى بدرى عن كده
فلو سمحت متفهمنيش غلط
وعلى العموم ربنا يتقبل منك ويعينك ويثبتك على طاعته
ياسر:امين يارب ....بس على فكره انا مش زعلان بالعكس...انا فرحان بيكى جدا
وبصراحه كده ..بتعلق بيكى اكتر واكتر لما
بشوف تصرفاتك دى...... وبعرف انى اخترت صح😊
جنه بإرتباك...ااا...طب انا هقفل بقا
السلام عليكم
ياسر: هتوحشينى على فكره😊
وفجاءه ....السكه قفلت فى وشه وفضل
يضحك....😄
هى دى اللى لازم تبقى مراتى وتشيل اسمى وانا مطمن😊
جنه بتكلم نفسها بنرفزه وبتضرب كف على كف
لا حول ولا قوة الا بالله....استغفر الله.....استغفر الله.....استغفر الله😡
شكلى كده هقضى الليل كله استغفار بسببه
الله يسامحك يا ياسر😭
*******************************
ونكمل بكره بإذن الله ومستنه رأيكم في حلقة انهارده واتمنى تكون نالت إعجابكم كالعاده 😁
فى توقعات ولا زى كل يوم 🤔
وقيل نهاية الكلام 🤚
اذكروا الله الرحمن ☝🏼 وصلوا ع رسوله خير الانام 😊
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*