الفصل 8
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"8"))♡゙//*
يلا نصلى ع الرسول وندخل على قصتنا ع طووووووول😍💗
#جنه_الدنيا_جيهان_سلامه
#محبه_الرحمن
اللهم نسألك تقواك وجنتك ورضاك🤲💜
الحلقه الثامنه
جنه: هو انت مش ملاحظ انك مصليتش
العشاء لحد دلوقتى...ولما سمعت الاذان
مقومتش تصلى فى المسجد...وكملت فرجه
على الماتش عادى خالص😠
ياسر ....😒
جنه كملت كلامها بعصبيه: طب مخوفتش وإنت قاعد بتتفرج ومبسوط اوى كده إن عمرك ممكن ينتهى وانت عليك صلاه مصليتهاش😠
ياسر اتحرج.......وبص لرجائى يتصرف😒
صلاح وناديه وهاله...بقوا فى نص هدومهم
من طريقة كلام جنه لياسر ...😒😒😒
ناديه بصوت واطى لهاله ....شايفه عمايل بنتك اللى هتجيبلى جلطه 😠
انا بقولك شكل طلاقى على ايديها
ناديه بتحاول تغير الموضوع....بس بقا يا بت يا جنه وجعتى دماغ الراجل
تحب اعملك قهوه يا باشمهندس😁
ياسر: لا شكرا 😔
ناديه بصيت لهاله (بمعنى) شوفى بنتك
صلاح بص لجنه ..(بمعنى) اسكتى بقا😒
والجو بقى فيه توتر والكل قاعد ساكت
هاله: تعالى يا جنه عاوزاكى ....عن إذنكم يا جماعه
ياسر: لو سمحتى يا طنط......تسمحولى اقعد مع الانسه جنه على انفراد الأول
جنه : لاء طبعا.... لا يجوز🤨
رجائى : ليه بس يا جنه يا بنتى ...ما احنا كلنا موجودين معاكى اهو.....شوفى بس الباشمهندس عاوزك فى ايه
ياسر: خلاص يا عم رجائى..... سيبها براحتها
هاله بصيت لصلاح ..(بمعنى) ..اتصرف😒
صلاح: بص لجنه ......مفيهاش حاجه يا جنه
احنا كلنا موجودين معاكى زى ما عم رجائى قالك
ممكن تدخلوا تقعدوا فى البلكونه شويه
اتفضل يا باشمهندس
ودخل ياسر البلكونه الاول....وجنه بصيت لاخوها بنرفزه........مينفعش يا صلاح ....وانت عارف كده كويس 🤨
صلاح بنرفزه : يالا قومى وكفايه احراج لحد كده
قدام الراجل 😠
ناديه بنرفزه: ما تيلا يا بت قومى ادخلى
ده الرجل جاب اخره منك ...هيطفش كده
ده انتى تطهقى الواحد بعمايلك دى😤
ما تشوفى بنتك يا هاله😠
هاله: قومى يلا واسمعى كلام اخوكى...مفيهاش حاجه يا بنتى
خرج ياسر من البلكونه....هفضل قاعد لوحدى كده كتير ولا ايه يا جماعه
وعلى العموم مفيش مشكله لو هى مش عاوزه
محدش يغصبها على حاجه هى مش عايزاها
ودخل البلكونه
ناديه: لااااء ...مفيش غصب ولا حاجه يا باشمهندس......وبصيت لجنه 😠يلا قومى
وبالغصب قامت جنه وهى متنرفزه ودخلت البلكونة
جنه : السلام عليكم 😠
ياسر: وعليكم السلام....كل ده علشان عاوز اقعد معاكى شويه لوحدينا😊
جنه: على فكره انا داخله غصب عنى لانه .... 😠
ياسر ابتسملها بإعجاب... ..عارف😊لا يجوز
بس انا عاوزك تهدى الاول كده واسمعينى ... لأنى فعلا محتاج اتكلم معاكى كلمتين لوحدينا
جنه حاطه وشها فى الارض...اتفضل
وبسرعه لو سمحت
ياسر: حاضر ....اولا وبصراحه
انتى عجبانى جداا جداااا....
عاجبنى أخلاقك واحترامك لنفسك.....و كسوفك اللى بقى نادر اليومين دول بين البنات 😊
جنه بتوتر: شكرا😠
ياسر: وعلى فكره مش عجبانى انتى بس
واهلك كمان... ناس طيبين اوى ...😊
جنه : شكرا ...بس المهم بردوا انك تعجبنى انا كمان..🤨
ياسر بص لنفسه واستغرب: طب وانا فيا
ايه بس ميعجبكيش ...ما انا شاب حليوه اهو قدامك😄
جنه: بنرفزه مقصودش كده🤨
ياسر: طب قوليلى اللى مش عاجبك في شكلى
جنه: مش قصدى الشكل
ياسر : اومال قصدك ايه
جنه: قصدى الالتزام
ياسر: بزعل...امممم.......فهمت
بصى يا جنه....تسمحيلى أقولك يا جنه من غير انسه😊
جنه مردتيش عليه ..وهزت راسها بمعنى ماشى
ياسر: تمام😊
بصى يا جنه......انا عاوز اقولك كلمتين ...وانتى حره بعد كده فى قرارك
انا مش هكدب عليكى ....انا فعلا مش مواظب
على الصلاه فى وقتها وساعات بحكم شغلى صلوات بتروح عليا.....بس بصلى معظم الوقت
واه بشرب سجاير... بس نفسى ابطلها ولله العظيم ومكونتش عارف
بس اخيرا والحمد لله هلاقى السبب اللى
يخلينى أعرف ابطلها..... وهو طبعا إنتى 😊
جنه😔
ياسر : وبصراحه بردوا علشان ابقى كتاب مفتوح قدامك
كان ليا علاقات مع بنات كتير
جنه بصدمه: علااااقات😳
ياسر: بس الكلام ده من كام شهر ....وخلاص بطلت اكلم اى بنت والحمد لله
لانى قررت اتجوز واستقر ...ولما سألت على
عروسه تكون بنت حلال واخلاقها عاليه
عم رجائى قالى عليكى ......وبصراحه
اول ما قالى إنك لابسه نقاب......فكرت وقلت لنفسى
لاء بلاش....دى متنفعنيش خالص
جنه: وليه بقا إن شاء الله 🤨
ياسر: ارجوكى متفهمنيش غلط واسمعينى الاول
انا واحد بحب الضحك والفرفشه والخروج
واعرف يعنى إن اللى زيكوا كده بيبقوا مقفولين اوى على نفسهم ....وعلى طول مكشرين وااا 😠
جنه قاطعته بنرفزه: على فكره بقا... فكرتك دى غلط جداا
بالعكس.....احنا بنحب الضحك والخروج والفرفشه زى ما بتقول كده...بس كلها بما يرضى الله🤨
يعنى مش لازم البس قصير واحط ميكاب
واخرج مع شباب واتنطط وارقص علشان ابقى
وحده فرفوشه ...بالعكس ...انا ببقى مبسوطه
جدا لما اعمل حاجه وأحس إن فيها رضا ربنا
طب إنت عمرك صليت قيام ليل
ياسر بإحراج: بصرااحه... ..لاء😒
جنه: أهى الصلاه دى من أجمل وأسعد الاوقات لقلبى
ياسر: واشمعنى هى يعنى عن باقى الصلوات
جنه: لإن قيام الليل ده له سحر عجيب فى النفس
لما اقف بالليل بين يدى الله والكل نايم والدنيا هدوء
وانا واقفه بصلى لوحدى لربى بقلب خاشع
أو بدعى ...او بستغفر...او أتلو القرآن
يااااا على المتعه بجد ......ببقى فى قمه السعاده😊
انت لازم تجربها.... واوعدك هتحس بسعاده مختلفه ...عمرك ما جربتها قبل كده
ياسر شعر براحه غريبه تجاه جنه
وإنه اخيرا لقى البنت اللى كان نفسه يرتبط بيها
واللى هتحافظ على اسمه وتكون ام صالحه لأولاده
جنه..........ممكن تدينى فرصه😊
انا عارف انى مش الشخص اللى نفسك ترتبطى به
بس ده ميخلكيش تاخدى عنى فكره وحشه
انا كويس والله العظيم 😊
مش يمكن تاخدي فيا ثواب وتاخدينى لدنيا
مجربتش إنى أعيشها قبل كده ...فياريت متتسرعيش فى ردك عليا وتفكرى
انا بمدلك إيدى وبقولك ساعدينى ادخل دنيتك الجميله دى😊
ساعدينى إنى أبطل السجاير واحافظ على الصلاه
واقرب من ربنا اكتر
جنه: بقلق.............بصراحه اخاف😔
ياسر: تخافى من ايه بس....🤨
جنه: أخاف تاخدنى انت لدنيتك وتنسينى
جنة دنيتى 😔
ياسر بإصرار.....طب بصى بقاا🤨
انا بصراحه كده متمسك بيكى جدااا ...عارفه ليه
جنه بصيتله بإستغراب من إصراره🤨
ياسر: علشان لقيت فيكى الزوجه الصالحه اللى أبقى مطمن على اسمى وبيتى وولادى معها
والزوجه دى هى انتى يا جنه😊
جنه😔
ياسر : ياريت تفكرى فى كلامى ده كويس جدا
واوعدك مش هخيب ظنك فيا😊
واقولك على حاجه كمان.....من انهارده هبطل
سجاير 😁 وهجرب كمان أصلى قيام الليل.........ها......مبسوطه يا ستى😁
جنه: بتنهيده حزينه: المهم تعمل ده لله
مش ليا يا ياسر
ياسر ابتسملها....انتى قولتى يا اااايه😁
جنه اتحرجت: انا اسفه ...قصدى يا باشمهندس 😌
ياسر: لاء والنبى خليكى زى ما كنتى وقوليلى ياسر😄
جنه: طب لو سمحت قول لا اله الا الله الاول
ياسر : لا اله الا الله.....بس ليه...انا مسلم والله زيكوا😄
جنه: لانه لا يجوز الحلف بغير الله
يعنى متقولش ونبى والرسول والمصحف
ورحمة ابويا او امى مثلا....او تحلف بالنعمه
علشان كل ده لا يجوز ...ولا اله الا الله كفارة الحلفان بغير الله
ياسر بفرحه: طب شوفتى بقا كسبتى فيا ثواب
ازاى وعلمتينى حاجه اهو😊
أنا مبسوط آوى إنى عرفتك يا جنه....واتمنى انك مترفضيش الا لما تفكرى كويس فى الكلام اللى دار بينا
ولو وفقتى عليا....اوعدك هتلاقى ياسر تانى خالص.....ومن ايدك دى لايدك دى ..هاااا
قولتى ايه😊
جنه اتحرجت: وقامت وقفت ..هصلى استخاره الاول......وربنا يقدر الخير...عن اذنك
ياسر: على فكره يا جنه😊انا لسه مشوفتش وشك
بس انا خلاص مش مهم ...انا ارتحتلك حتى لو مشوفتكيش😊
جنه بردوا مش مرتاحه وحاسه بخنقه😞ولسه هتخرج
ياسر : بس بصراحه....انا عاوز اشوفك جدا
علشان وانا بفكر فيكى افتكرك ملامحك
وتفضل صورتك قدامى 😊
واظن الدين قال كده ..ولا اييييييه😄
جنه بزعل: ايوه....حقك طبعا😞اتفضل
وخرجوا من البلكونه ....
والكل بص عليهم وخايفين من رأى جنه
جنه دخلت اوضتها وناديه وهاله دخلوا وراها
هاله: ايه يا جنه...طمنينى ايه الاخبار
ناديه: اوعى تكونى عكيتى الدنيا زى عادتك😠
ما انا عرفاكى
جنه ضيق: ولا عكيت ولا حاجه....اطمنى يا خالتو...هو دلوقتى عاوز يشوفنى ...وده حقه طبعا😞
هاله: طب وماله.. يالا اخرجى وشيلى النقاب
قدامه
جنه: طب معلش يا خالتو.....انا اسفه ولله
بس ممكن عمو رجائى يقوم يدخل البلكونه علشان اخرج
هاله: بزعيق.......بت.....عيب كده😠
ناديه بزعل: خلاص يا هاله....احنا ما صدقنا انها رضيت ترفع النقاب قدامه
حاضر يا جنه..هقوله يدخل البلكونه....ويلا إخلصى إنتى واخرجى للراجل خلينا نخلص
خرجت جنه من غير نقاب لما اتأكدت ان رجائى قام ......ودخلت قعدت وهى مكسوفه
ياسر اول ما شافها ابتسم😊
بصراحه.... عندك حق تلبسى النقاب
مهو لازم الجمال ده كله يستخبى😄
جنه اتحرجت من كلامها ووشها احمر جداا😌
ومردتيتش عليه ... وحطت وشها فى الارض
هاله: من ذوقك يا ابنى ولله😁
جنه: ممكن اقوم بقا علشان عم رجائى يدخل
ناديه: ملكيش دعوه بعمك رجائى ...قولى بقا انتى اللى مكسوفه😄
ياسر: سبيها براحتها😊
جنه قامت ...ولسه هتمشى
ياسر: جنه
جنه بصيتله....نعم😌
ياسر بصيلها وابتسم ....لاء خلاص 😊
هاله بصيت لصلاح وناديه وضحكوا ...وفهموا
إنه كان عاوز يحفظ ملامحها أكتر 😄😄😄
ناديه: يا رجااااائى ...خلاص... تعالى ادخل
اتكسفت جنه من نظرات ياسر ودخلت تجرى على اوضتها🏃
ياسر قام وقف....طب يا جماعه فرصه سعيده والله 😊
رجائى: على فين بس يا باشمهندس..لسه بدرى
ياسر: لاء معلش علشان لسه ورايا كام مشوار كده
وسلم على الكل......مستنى منكم تليفون
ويارب يكون تليفون يفرح الواحد 😊
صلاح: ربنا يقدم اللى فيه الخير 🙂
هاله: نورت يا باشمهندس😁
ناديه: اتشرفنا ولله 😁
ياسر الشرف ليا يا فندم....سلامو عليكو
رجائى نزل معاه يوصله هو صلاح
وهاله وناديه دخلوا البلكونه يبصوا عليهم
******************************
ام عزت بتبص عليهم من العين السحريه
عزت بيخبط على كتفها ......هو انتى بتعملى ايه
مش هتبطلى الداء اللى فيكى ده بقى😠
ام عزت بخضه: بسم الله الرحمن الرحيم
خضيتنى منك لله😡
عزت: بردوا بتعملى ايه
ام عزت دخلت قاعدت على الكنبه ....وربعت رجليها
كنت بشوف عريس جنه وهو نازل😁
عزت بغيظ: يا دى النيله.....هو خلاص بقا عريس جنه😡
مش يمكن ميحصلش نصيب زى اللى قبله
ام عزت: اتوكس....ده شكلهم مبسوطين وهما بيوصلوه على السلم 😏
وهو خارج بيضحك ومبسوط...وسمعاه بيقولهم
مستنى تليفون منهم.....بس شكله باين عليه ابن ناس كده وشكله نضيف😁
عزت: لاء.... اكيد انتى سمعتى غلط ...انتى اصلا سمعك تقيل😠
ام عزت: انا سمعى يا خويا عشره على عشره
لسه امك بصحتها يا واااد🤨
عزت: كده🤨....طب هاتى ١٠٠ جنيه عشان معيش فلوس😞
امه قربت منه .....اييييه
بتقول ايه يا واد ........مش سامعه
عزت بصوت عالى : بقولك هاتى ١٠٠ جنيييه😠
ام عزت: ااااه...عامله اكل ايه😁
عندك جوه شويه قلقاس بقالهم تلات تيام
بس ايه.... يستهلوا بؤئك😁
عزت: هو انا جبت سيرة اكل خالص يامه😡
ام عزت: يووووو..اومال بتقول ايه
عزت: بنرفزه: بقول ربنا يصبرنى على عيشتى معاكى😡...وسابها ودخل اوضته
ام عزت: احسن بردوا.....إنشالله ما كلت😏
اقوم انا اسخنهم واكلهم
قال ١٠٠ جنيه قال😏
************************
فى بيت ليلى
الكل قاعد مبسوط وبيضحك😄😄😄😄😄😄
عصام: ولله يا شيخ محمد انت زى العسل😄
الشيخ محمد: الله يعسلك حبيبى فى الله😊
ام محمد : طب مش يالا بقى يا شيخ محمد
ام ليلى: ما لسه بدرى ...ولله قعدتكم ميتشبعش منها يا ست ام محمد 😁
مرات عمه: انتو الأحسن يا حبيبتى والله😁
ام محمد: معلش بس قبل ما امشى ...ممكن يا ليلى اتكلم معاكى كلمتين لوحدينا
ليلى بصيت لامها وشعرت بقلق : اه طبعا
اتفضلى يا امى
ام محمد : عن اذنكو يا جماعه
ام ليلى: بيتك يا حاجه .....اتفضلى 😁
اسماء وطت على ام ليلى ووشوشتها
انا هدخل معاهم اشوفها عاوزاها فى ايه
ام ليلى مسكت إيديها ...اهمدى هنا واقعدى
سبيهم مع بعض شويه ....وبعدين هنعرف من ليلى كانت عاوزاها فى ايه 😡
دخلت ليلى مع ام محمد اوضتها وقعدوا على السرير
ام محمد طبطبت على كتف ليلى ...متزعليش منى يا بنتى
ليلى اتحرجت....من ايه بس يا امى
محصلش حاجه😞
ام محمد: بصى يا ليلى..... انا مش هكدب عليكى
انا لما شوفتك مفكرتش انك العروسه
علشان يعنى مش متعوده إن اللى بتخرج علينا
بتكون بشعرها.....وبتبقى لابسه نقاب وكده يعنى
لكن والله يا بنتى لما قعدت معاكى يعلم ربنا حبيتك من قلبي ازاى...... وبالذات لما صليتى بينا بصوتك الجميل اللى يدخل القلب ده
وحسيت انك بقيتى بنتى واكتر
واتمنى من ربنا إنك تكونى مرات الشيخ محمد عشان تبقى فى حضنى على طول😊
ليلى ابتسمتلها: والله يا امى انا كمان حبيت حضرتك جدا😊ربنا يبارك فى عمرك
وعلى العموم الاخ يصلى الإستخاره وانا كمان هصلى.....وربنا ربنا يقدر الخير ☺️
ام محمد: طب بينى وبينك كده....هو عجبك
ولا لاء😁
ليلى ضحكت واتكسفت.....ومردتيتش☺️
ام محمد: خلاص فهمت😄....وحضنتها
طب أقولك على سر بينى ويينك
ليلى: اتفضلى☺️
ام محمد: انتى كمان عجبتيه😁ابنى وانا عارفاه كويس
ده عمره ما طول فى القعده عند حد كده ابدا
ولا ضحك من قلبه زى انهارده......والله انتو الاتنين ولاد حلال وتستهلوا بعض....ربنا يسعدكم يا بنتى..... وباستها من خدها🥰
ليلى: اللهم امين يا امى 😊
ام محمد مسكت ايديها وقامت: طب يلا بقا يا مرات ابنى نخرجلهم😊
ليلى بكسوف☺️ اتفضلى يا امى
خرجوا الصاله ونادت الام على الشيخ محمد ومرات عمه......مش يالا بقى يا شيخ ولا ايه
الشيخ محمد : حاضر يا أمى....قام
ومسك إيده عصام
نورتوا ولله يا شيخنا😊
مرات العم: ولله دى قعدتكم جميييله😁
وبإذن الله هتتكرر تانى ..وبصت على ليلى
ولا ايييه
ام محمد بصيت لليلى وضحكت .. بإذن الله هتتكرر😁
ام ليلى: تنورونا يا حاجه....البيت بيتكو😁
ولسه هيمشوا.......
الشيخ محمد: اخت ليلى
ليلى باستغراب .....نعم يا شيخ
الشيخ محمد بإبتسامته الجميله
اصلى بصراحه كنت عاوز اسمع صوتك قبل ما امشى
مهو يعنى لا يبقى صوت ولا صوره 😄
الكل ضحك 😂😂😂😂😂
ما عدا ليلى ..حسيت بنغزه فى قلبها
وصعب عليها جداا 😔
ربنا ينور بصرك يا شيخ ف الاخره بالنظر الى وجهه الكريم ...وكفى بها نعمه
الشيخ محمدابتسملها.... اللهم امين يارب😊
وهو ده اللى مصبر الواحد والله
ام محمد: طب سلامو عليكو يا جماعه
فى انتظار ردكم بالموافقه بإذن الله 😁
اسماء: بإذن الله خير يا طنط... وبصيت ليلى وغمزتلها😉
ونزل معاهم عصام يوصلهم
وليلى دخلت اوضتها وهى حاسه بسعاده
من زماااااان محسيتش بيها😊.... ورفعت ايديها
لربها بالدعاء
اللهم لك الحمد كما ينبغي لجلال وجهك ولعظيم سلطانك ☺️🤲🏼انك عوضتنى العوض الجميل بالزوج الصالح......وسجدت لله سجدة شكر مخلوطه بدموع الفرحه🥲
الام: يااا ليلى ااااا ....تعالى سلمى على اخوكى ومراته عشان ماشيين وعاوزين يسلموا عليكى
*****************************
جنه بحيره
مش عارفه يا عبير .....انا بجد متلغبطه اوى 😞
عبير: بصى يا جنه...كل الكلام اللى حكيتيلى عليه ده مفيهوش حاجه تلغبط ولا حاجه
الراجل عاوز يقرب من ربنا ..ولاقى اللى هتاخد بإيده وتعينه على طاعته
جنه: وإشمعنى انااا بس🥺
عبير: طب وليه لاء.....فكرى انتى بس ومتتسرعيش
جنه: وافرضى هو اللى خدنى لحياته...اعمل ايه ساعتها انا بقا 🤨
عبير: لا حول ولا قوة الا بالله
طب بصى يا جنه
انتى صلى الأول استخاره وشوفى إيه الأخبار
بس بصراحه... انتى غلطتى يا جنه
جنه بزعل...عارفه إنى غلطت😞 وندمانه على غلطتى دى وبستغفر ربنا من ساعتها
عبير: مكانش لازم يعنى تمدى ايدك وتسلمى عليه
ولا كنتى وفقتى انك تقعدى معاه لوحدكوا
جنه بضيق: عبير ..بالله عليكى انا مش ناقصه
كلامك ده ومخنوقه لوحدى 😖
عبير: طب خلاص....مش هتكلم فيه تانى
جنه: احسن بردوا......المهم ...ليلى عملت ايه طمنينى .....بتصل بيها تليفونها مقفول
عبير: وانا كمان اتصلت بيها قافله تليفونها
من الصبح
انا خايفه ليكون حد ضايقها من اهله
جنه: معتقدتش.....دول ناس طيبين اوى وفى
قمة الاحترام
والاخ ما شاء الله عليه تحسيه كده من اصحاب الرسول صل الله عليه وسلم
عبير: صل الله عليه وسلم
عبير حسيت بندم جنه ..وغيرت الموضوع
طب ايه رايك اقولك على خبر حلو 😁
جنه: خير ...قولى
عبير: بابا اتصل انهارده بالاخ ماجد وبلغه انى موافقه😁
وجاى يوم الجمعه هو اهله وهيتفقوا على كل حاجه بإذن الله☺️
جنه بفرحه : بجد....ما شاء الله الف مبروك
يا بيروووووو ..عملتيها قبلينا يا سوسه😄
عبير : عقبالك يا حبيبتى انتى وليلى يااارب
دخلت هاله وناديه على جنه....نمتى يا جوجو
😁😁
جنه: طب يا بيرو انا هقفل معاكى دلوقتى ...ولو كلمتى ليلى خليها تبقى تكلمنى ...السلام عليكم
عبير: ماشى يا جوجو ....وعليكم السلام ورحمه الله وبركاته
ناديه: ها يا عروسه ...ايه رأيك بقا فى الباشمهندس😁
هاله:ده شاب الله اكبر عليه زى الفل😁
جنه بحيره......مش عارفه الصراحه
ناديه: مش عارفه ايه بالظبط🤨
جنه: يا خالتو افهمينى لو سمحتى....هو ولله شاب كويس واى بنت تتمناه
بس مش انا البنت دى....ممكن يكون مناسب لحد تانى ..لكن انا لاء
ناديه بعصبيه:على العموم براحتك😡
وانتى قولتيها بنفسك...... اى بنت تتمناه
انا ماشيه يا هاله🤨
هاله: بنرفزه..جرى ايه يا بت ...هو محدش قادر عليكى ولا ايه😠
ماله الجدع ..ما زى الفل اهو
جنه: زى الفل لأى وحده غيرى مش انا
هاله: بقولك ايه ...انتى تعبتى قلبى
لما يطلع اخوكى يتصرف معاكى بقا 😠
ناديه: خلاص يا هاله .. سبيها براحتها😏
ولا تلاقيها كان داخل مزاجها العريس الاعمى ده وبتفكر فيه😏
جنه بصيت بنرفزه لخالتها😠
اتقى الله يا خالتو... لا يجوز تقولى كده على الاخ
ناديه بعصبيه: يختى ولا اخ ولا اخت😡ولا يجوز ولا ميجوزش ......انا هنزل لرجائى قبل ما يطلع من تحت
انا مش ناقصه فقع مراره من بنتك😠
وخرجت من الاوضه وهى زعلانه
هاله: استنى يا ناديه رايحه فين......لسه بدرى
إستنى بس ...وبصيت لجنه بغيظ...عجبك كده
😠
وخرجت وراها ....يا ناديه متزعليش استنى
ومتزعليش منها....دى لسه عيله ومش فاهمه
ناديه فتحت الباب: على العموم انا مش هقول حاجه لرجائى
وكأنها لسه بتفكر...وانتى عقلى بنتك شويه يا هاله
الواد خساره يروح مننا ....هو حد لاقى عرسان دلوقتى......بلا نيله على عرسان اليومين دووول😏
هاله: على العموم انا هتصرف معها
المهم انت متزعليش منها
ناديه: أزعل منها ده ايه....دى بنتى
وباستها.....مع السلامه يا حبيبتى
هاله: مع الف سلامه.....ابقى تعالى
صلاح كان طالع على السلم ...وقابل خالتو
عم رجائى مستنيكى تحت يا خالتى عشان مش قادر يطلع السلم
ناديه: ما انا نازله اهو ...ابقى تعالى يا واد يا صلاح ....بس من غير البومه مراتك😂
صلاح: ماشى 😄مع الف سلامه
دخل صلاح الشقه.....وقفل الباب
ادخلى صحى القتيله اللى جوه دى يا ام صلاح
كل ده نوم ...عاوزين نمشى
هاله دخلت تصحى ابتسام
ابتسام ...ابتسام...قومى يلا جوزك عاوز يمشى
ابتسام بتعب: لاء مش قادره امشى دلوقتى
خلينا بايتين انهارده هنا
صلاح دخل عليها الأوضه....لاء يالا قومى
عاوز اغير هدومى عشان عندى شغل بكره
هاله: خلاص بقا يا صلاح باتوا انهارده هنا يا ابنى
وشوف هدوم من بتوعك اللى هنا والبسيهم
علشان كمان عاوزاك تقعد مع اختك تتكلم معها شويه
صلاح : ليه...هى رفضته زى اللى قبله ولا ايه🤨
هاله: شكلها كده ....اقعد انت بس
معها وشوف أخرتها ايه ....لحسن أنا خلاص
جبت أخرى منها😡.....وخرجت
ابتسام: هو العريس مشى ولا ايه
صلاح: من بدرى......هو انتى حاسه بحاجه
ابتسام:تعبانه من الحمل يا صلاح....منامش يعنى 😏
صلاح: لاء نامى يختى براحتك.....اوعيلى شويه كده افرد ضهرى جنبك
ابتسام: لاء استنى...قوم قول لامك تحضرلى
العشا لحسن جوعت اوى🤨
صلاح بعصبيه: عشاااااا😠
عشاااا ايه ...هو مش احنا لسه واكلين كلنا من شويه...لحقتى جوعتى
ابتسام: الله اكبر...انت هتحسدنى ولا ايه🤨
انا باكل لنفرين ...يعنى غصب عنى بجوع
يرضيك ابنك يبقى جعان فى بطنى
صلاح: بنرفزه...اه يرضينى😡
واسكتى بقا لحسن قربت ارمى عليكى يمين الطلاق دلوقتى حالا....قولتى ايييييه
ابتسام بنرفزه...خلاااااص... سكيت 🤭
وضربت بطنها بإيديها....إهمد انت كمان ياواد
بطل فرك من الجوع عشان يعجب ابوووك😠
صلاح😡
*******************************
مرات عمه : ولله يا ابو سمير طلعوا ناس زى العسل ومحترمين كده واصلهم طيب
عمه بفرحه: طب الحمد لله.....وناويتوا على ايه بقى إن شاء الله
الشيخ محمد: بإذن الله يردوا الأول وربنا يقدر الخير
وساعتها حضرتك طبعا هتيجى معنا ونتفق على التفاصيل ونقرأ فاتحه بإذن الله 😊
ام محمد:هى بصراحه البت كويسه اوى
بس يعنى مش حلوه وسمره كده و ااا
الشيخ محمد قاطعها.......قولنا ايه يا حاجه😊
مش قولنا لا يجوز الكلام اللى حضرتك بتقوليه ده
وانا ميهمنيش الشكل .. المهم عندي الدين
وعن نفسى رسمتلها صوره فى خيالى من خلال صوتها.......ومبسوط بيها جدا ولله الحمد
مرات عمه: شكلك وقعت يا شيخ محمد😄
الشيخ محمد : تقدرى تقولى كده يا مرات عمى 😊
بس ده بسبب التزامها..... وصوتها اللى مليان
تقوى وإيمان هما دول اللى جذبونى ليها
وقولت هى دى بإذن...فلله الحمد على توفيقه😊
وصدق ربى (وعسى ان تكرهوا شيئا وهو خيرا لكم )
محمود: يعنى لسه هتصلى استخاره ...ولا خلاص كده مش هتصلى🤔
الشيخ محمد: انا مستريح ومبسوط بفضل الله
ولكن هصليها طبعا
محمود: لا ماهو شكلك باين عليه المرادى مستريح ومبسوط فعلااا......وغير كل مره 😄
ام محمد: يارب دايما مبسوط كده يا حبيبي
وعقبالك يا حوده انت كمان لما تبقى مبسوط كده زيه بعروستك😁
عمه: على العموم يا ابنى انا تحت امرك فى اى وقت تقول عليه
الشيخ محمد: ربنا يبارك فيك يا عمى 😊
عمه: جرى ايه يا حاجه....مش هنتعشى ولا ايه
مرات عمه: لاء طبعا هنتعشى......انا هقوم احضره اوااام اهو😁
الام: انا جايه معاكى اساعدك
الشيخ محمد سرح ......وهو بيكلم نفسه
يا ترى يا ليلى ردك هيكون ايه🤔
أنا خايف أتعشم زى كل مره ...وارجع اتصدم😞
استغفر الله العظيم ...اللهم لك الحمد على
قضائك......واجعلنى من الراضيين به😥
صوت ام محمد من المطيخ....
محموووود...تعالى خد الاطباق وحطها على السفره
محمود: حاااضر ....وقام ووطى على الشيخ محمد بهزار
ناس تتجوز ... وناس تشيل الاطباق
اوعدنا يااااااارب 😆
الكل: 😂😂
*****************************
ونكمل بكره بإذن الله ومستنيه رأيكم في حلقة انهارده واتمنى تكون نالت إعجابكم ❤️
تفتكروا جنه هتعمل ايه 🤔 وهل فعلا ياسر يستحق ياخد فرصه وجنه تبقى سبب فى هدايته
توقعاتكم يا حلووووين🥰
وقبل نهاية الكلام 🤚
اذكروا الله الرحمن ☝🏼وصلوا ع حبيبه خير الانام 🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*