الفصل 7
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"7"))♡゙//*
ويلا نصلى ع الرسول وندخل على قصتنا ع طووووول🌹
#جنه_الدنيا_جيهان_سلامه
#محبه_الرحمن
اللهم انا نسالك تقواك واجعل عملنا ف رضاك🤲
الحلقه السابعه🌹
ناديه دخلت لجنه اوضتها وهى فرحانه😁
ناديه: جوجو ...يلا يا حبييتى ..العريس جه بره
جنه حاسه بخنقه: حاضر يا خالتو ..هظبط النقاب وهاجى وراكى على طول
ناديه: يختى وعلى ايه نقاب ..مفيش حد غريب
جنه: لاء طبعا....مينفعش عمو رجائى يشوفنى🤨
ناديه: يا بت ده هو اللى مربيكى
جنه: لاء بردوا يا خالتو......لا يجوز
ناديه بغيظ: طب يلا يختى إخلصى...الرجل زمانه حمض بره......ومش وقت يجوز ولا ميجوزش😏
خرجت ناديه من اوضة جنه
وجنه فضلت قاعده وحاسه بخنقه ومش عاوزه تخرج......عكس يوم الشيخ محمد 😤
ومسكت تليفونها واتصلت
عبير: السلام عليكم ورحمة الله وبركاته يا عروسه😁.......ها طمنينى ايه الاخبار
جنه بحزن: لسه مفيش اخبار
انا فى أوضتى ولسه مخرجتش اشوفه
وحاسه انى مش عاوزه اخرج اصلا...😤
بس المهم طمنينى الاول
مفيش اخبار عن ليلى والشيخ محمد
عبير فهمت إن جنه ندمت على الشيخ محمد
لاء مفيش....تليفونها مغلق من بدري ومعرفش عنها حاجه
بس هو مال صوتك حزين كده....هو حصل حاجه
ولا ايه
جنه بتنهيده : والله يا عبير مش عارفه مالى حاسه إنى مخنوقه ومش فرحانه
سبحان الله....عكس يوم الشيخ محمد لما جالى....كنت فرحانه اوى
لكن انهارده فيا حاجه غريبه....اقولك الصراحه
انا مش عاوزه اطلع اشوفه
عبير:اممممم.......انا فهمت على فكره
جنه بإرتباك: فهمتى😒....فهمتى ايه
عبير : انتى ندمانه يا جنه على رفضك للشيخ محمد .....مش كده؟
جنه إرتبكت .: ا.ا.ا... طب اسيبك أنا دلوقتى علشان بينادوا عليا ......السلام عليكم
عبير فهمت إنها بتهرب من الإجابة
ماشى يا جنه .....بس ابقى طمنينى لما يمشى
وعليكم السلام ورحمه الله
الله يصلح حالك يا جنه......ما كان قدامك وانتى اللى رفضتيه......😏
جنه قفلت مع عبير وبصيت لنفسها فى المرايه وكلمت نفسها ......عبير معها حق
ايوه انا ندمانه .....ندمانه إنى رفضت الشيخ محمد ......رفضت التزامه اللى مفيش زيه😞
وادبه واخلاقه العاليه وطيبة قلبه😞
واللى صعب فى ايامنا دى الاقى حد بنفس مواصفاته.......بس خلاااص
فات الاوان يا جنه و مش هتقدرى تقولى ندمانه الا لنفسك وبس😞
الله يسامحك يا ماما انتى وخالتو......انتو السبب
تليفونها رن برقم خالتها ..وقفلت عليها واتنهدت
بحزن 🥺
مفيش فايده.....هقوم اخرج وانا ونصيبى بقا
ياااااارب قدر لى الخير ويسره 🤲🏼
*******************************
جريت ليلى على اوضتها وقعدت تعيط وصعب
عليها نفسها جدااا.....لأنها حسيت بالإهانه 😭
ام ليلى بزعل : منورين يا جماعه ...عن اذنكم دقيقه بس وراجعلكم
وقامت دخلت لليلى تشوفها وقامت معها اسماء
عصام صعبت عليه اخته وقام يشوفها معاهم
طب عن اذنكو دقيقه وحده ....البيت بيتكو
ام الشيخ محمد و مرات العم قاعدين محروجين من اللى حصل ... وزعلانين😞😞
الشيخ محمد: مش عارف ليه حاسس كده
إن فى حاجه مش طبيعيه حصلت
هو فى ايه بالظبط يا امى
مرات العم: بزعل...ولله يا ابنى ما كنا نعرف
الشيخ محمد: باستغراب......تعرفوا ايه
ام الشيخ محمد : ماهى اللى داخله بشعرها عادى كده
وانا متعوده انى اى عروسه بنروح نشوفها
بتدخل علينا بالنقاب الاول ...فقولت دى اكيد اخت العروسة ومش محجبه
مرات العم: بس تعرفى يا ام محمد ..البت صعبت عليا اوى 😔
ام الشيخ محمد: ولله ما نقصد يا ابنى نزعلها😞
الشيخ محمد بزعل...لا حول ولا قوة الا بالله
ده انا اللى مش بشوف... عرفت انها العروسه
ليه بس كده يا امى.....يقولوا علينا ايه بس دلوقتى😞
استغفر الله العظيم 😔
ام الشيخ محمد: مهى بصراحه كمان مش حلوة خالص يا محمد .......سمره اوى وشعرها خشن وكمان شكلها كبيره عليك😠
لكن البت جنه كانت تشرح القلب كده وقمر وااا
الشيخ محمد قاطعها بزعل: امى لو سمحتى
لا يجوز كلام حضرتك عن الاخت بالشكل ده
وكمان متنسيش اننا فى بيتها وممكن حد يسمعك ويزعلوا
وانا بعد اذنك طبعا اللى هقرر.... لإنى أنا اللى هتجوز..... والأهم عندى.... الدين مش الدنيا
مرات العم بصيت لامه وشورتلها بإيديها
خلاص بقا يا ام محمد ....هو حر.... سبيه براحته
😒
***********************
عصام: يا ليلى هما اكيد ميقصدوش اللى فهمتيه ده
ام ليلى : قومى يلا يا بنتى عيب كده الناس لوحدهم بره
اخرج انت يا عصام اقعد معاهم ..عيب يا بنى نسيب الناس لوحدهم كده
عصام : حاضر يا حاجه
اسماء: ولله الواحد محروج يخرج بعد الموقف ده
شكلنا بقى يكسف😏
ليلى زعلت من كلامها...وقعدت تعيط😥
ام ليلى اتضايقت من كلام اسماء😠وصعبت عليها بنتها......وقعدت جنبها وطبطبت عليها
خلاص يا حبيبتى إرفضيه.. ..مش امله هو يعنى😠
طب وربنا هما اللى خسرنين ...يلا قومى اغسلى وشك كده ولا تزعلى نفسك
وانا هخرج اقولهم كل شئ قسمه ونصيب
عصام دخل عليهم.......ليلى
الشيخ محمد عاوز يتكلم معاكى شويه
ليلى: لاء ... أنا مش عاوزه اخرجلهم تانى😭
خلاص انا مش موافقه... وقوله قدر الله وماشاء فعل
عصام: طب قومى شوفيه عاوز ايه عشان ميصحش... ...وبعد كده ننهى الموضوع ...بس معلش علشان خاطرى قومى معايا...دول فى بيتنا بردوا
ام ليلى:خلاص يا بنتى ..... قومى مع اخوكى وشوفى الراجل عاوز ايه.... وبعد كده نقولهم محصلش نصيب
اسماء: إبقى البسى بقا الخمار و النقاب
عشان ميحرقوش دمك تانى😏
عصام بنرفزه ..اسماااء تعالى بره عاوزك😠
وأخدها وخرجوا على بره
وكلمها وهومتعصب ....هو انتى مبتعرفيش
تمسكى لسانك ده شويه😠
اسماء: يووو...هو انا كنت قولت ايه يعنى
خلاص براحتكوا....اعملوا اللى تعملوه
وانا هتكتم خالص أهو
عصام:يكون أحسن بردوا😠
****************
ليلى بصيت لامها وصعب عليها نفسها
وأخدتها امها فى حضنها وفضلت تطبطب عليها
معلش يا بنتى متزعليش منها...ما انتى عارفها لسانها فالت منها على طول.....انا عارفه بس ايه اللى كان جابها😠
ليلى: استغفرى يا امى ...علشان انتى كده
وقعتى فى غيبه....قولى اللهم اغفر لى ولها
ام ليلى :استغفر آلله العظيم
طب يالا قومى يا حبيبتى اغسلى وشك
واستهدى بالله كده....وشوفى الراجل عاوز منك ايه
ليلى اتنهدت بضيق وبقلة حيله......حاضر يا امى😞
ودخلت الحمام غسلت وشها ..و لبست الخمار
والنقاب وخرجت وهى محروجه😞
******************************
صلاح: بسم الله ما شاء الله...
شقه ٢٢٥متر دى حاجه حلوه اوى ...ربنا يبارك
ابتسام بصوت واطى لصلاح....شااايف مساحة الشقق
مش شقتنا اللى بنخبط فى بعض فيها واحنا ماشين......بلا نيله😏
صلاح بصوت واطى: اتلمى واسكتى خالص ...سامعه😠
هاله خارجه من المطبخ ومعها العصير
منور يا باشمهندس...اتفضل😊
ياسر: نور حضرتك يا فندم........هو بس معلش
ممكن اطلب طلب بايخ شويه
صلاح: طبعا اتفضل انت تؤمر
ياسر: الماتش بس زمانه جه ..وده الاهلى مع
الزمالك.... يعنى مينفعش منتفرجش 😄
رجائى: لاء طبعا يا باشمهندس...افتح التليفزيون يا صلاح
صلاح قام فتح التليفزيون....انت اهلاوى ولا زملكاوي يا باشمهندس 😁
ياسر : اهلاوى طبعا ودى عاوزه كلام😁
فى الوقت ده خرجت جنه....السلام عليكم ورحمة الله وبركاته 😔
ياسر قام ومد ايده....وعليكم السلام اهلا يا انسه😊
جنه اتصدمت من مد إيده ...وارتبكت😳
لانها مش بتسلم على رجاله
ناديه اتحرجت وحاولت تصلح الموقف وابتسمت
ايه يا جوجو يا حبيبتى 😁
الباشمهندس بيسلم عليكى...انتى مش واخده بالك ولا ايه 😁
سلمى عليه ومتكسفيش
اصل عروستنا بتتكسف يا باشمهندس😄
جنه اتحرجت من كلامها.....وغصب عنها مدت حرف إيديها وسلمت عليه
ومع لمسة ايده ...كأن كهربا دخلت جسمها وارتعشت وقعدت بسرعه على كرسى الانتريه وحطت وشها فى الارض😔
وزعلت جدا من نفسها وفضلت تستغفر ربها فى سرها 😞
ياسر: ما شاء الله...ولله كويس ان لسه فى بنات
متربيه و بتتكسف لحد دلوقتى 😊
صلاح: لاااا ..اختى الحمد لله اخلاقها عاليه
مش عشان اختى والله يا باشمهندس
بس هى فعلا تستاهل كل خير😊
ابتسام: عوجت بؤئها😏 ..وسكتت
رجائى: دى جنه دى تربيتى ....ولا ايه يا جوجو
جنه: اسفه ولله يا عمو..مخدتش بالى انى حضرتك قاعد.....ازاى حضرتك
رجائى: الحمد لله يا حبيبتى...ولا يهمك انا
عارف بقى البنات فى الوقت ده بيبقوا مش مركزين الا فى العريس وبس 😂
ياسر فجاءه قام وقف.....وبصوت عالى
جوووووووووون.......وبص حواليه واتحرج
انا اسف يا جماعه ...بس الجون جه فجأة
ومعرفتش امسك نفسى😄
صلاح: ولا يهمك يا باشمنهدس ..هو فعلا جون حلو اوى😁
ابتسام اتخضيت من صوته...وبصوت واطى
ضربه فى قلبك..كنت هولد من الخضه يخربيتك😠
جنه كلمت نفسها وهى مخنوقه: ايه ده..... لااااء
اكيد مش ده خالص ....مش كفايه انه خلانى اسلم عليه 😥
واتنهدت بحزن استغفر الله العظيم ...يارب سامحينى😥
ياسر: معلش بس يا صلاح....ممكن طفايه
علشان السجاير
جنه: بصدمه😲اييييه ......سجاير.....انت بتشرب سجاير
هاله وناديه وصلاح بصوا لبعض واتحرجوا من طريقة جنه 😒😒😒
ابتسام😏.....ورجائى ارتبك😒
ياسر فهم انها مكنتش تعرف واتفاجئت
اه للأسف......بس بإذن الله ناوى ابطلها....ولو فى نصيب إن شاء الله تساعدينى انتى بقا إنى ابطلها وتخدى انتى الثواب😁
ناديه حاولت تدارى على الموقف...ابسطى يا ستى
هتاخدى الثواب اهو😀
جنه اتضايقت....وقعدت ساكته وكاتمه غيظها😖
اذان العشاء ....الله اكبر ..الله اكبر
هاله: احضر بقا الاكل يا باشمهندس
ياسر: لاء ملوش لزوم
ناديه : لاء ولله ابدا.....دى حاجه بسيطه كده
ولا عاوز تكسفنا بقا😁
ياسر: لاء طبعا مقدرش ...طب ممكن بس بعد الشوط الأول ما يخلص
ابتسام: خلاص.... حطيلى انا بقا يا طنط لحسن جالى هبوط من الجوع...من صباحية ربنا مكلتش
حاجه 😠
هاله وناديه وصلاح اتحرجوا من كلامها
صلاح: تعالى يا ابتسام عاوزك جوه
ابتسام: فهمت انه هيزعقلها.....مش قادره اقوم ......بعدييين 😒
صلاح بصيلها بغيظ ومقدرش يتكلم😡
جنه فضلت قعده تبص على ياسر وهو مركز فى الماتش ومش باصص عليها نهائى...وشكله منرفزها اكتر وهو بيشرب السجاير .... وافتكرت الشيخ محمد😥 وكلمت نفسها
يا ترى يا ليلى عامله ايه دلوقتى معاه😞
**************************
ليلى داخله وهى متأكده ان الموضوع مش هيتم
السلام عليكم ورحمه الله وبركاته 😞
الكل : وعليكم السلام ورحمة الله وبركاته
ام محمد ومرات العم استغربوا انها لبست النقاب
بس بعد كده فهموا انها فهمت نظراتهم ليها
وانها معجبتهومش
الشيخ محمد: اهلا يا اختاه😊
ليلى : اهلا بحضرتك😞اخويا قالى انك كنت عاوزنى .....خير
الشيخ محمد: كنت عاوز اقولك لو عاوزه تسألنى عن اى حاجه انا تحت امرك
ليلى: الامر لله...بس اعتقد انه خلاص... ملوش لازوم السؤال😞
الام ومرات العم .. بصوا لبعض وفهموا انها رفضت
الشيخ محمد حس بحزن فى صوتها...وابتسملها😊
وليه ملوش لزوم ...بالعكس بقا
انا اللى عاوز اسالك........ينفع اسأل ولا اسكت 😊
ليلى: لاء طبعا ... اتفضل إسأل😞
الشيخ محمد : اخبار المحافظه على الصلوات
ايه ......وخصوصا صلاه الفجر
واخبار حفظك للقراءن والحديث😊
ليلى: بفضل الله ..محافظه على الصلوات فى اوقاتها لقوله تعالى( إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا﴾ [النساء: 103] )
وبفضل الله خاتمه لكتاب الله بالقراءات كلها
وطالبه فى معهد اعداد الدعاه...ومحفظه للقران فى المسجد
وانعم عليا ربى بحفظ ١٠٠٠ حديث من احاديث رسول الله صل الله عليه وسلم
ولا ازكى نفسى ع الله ....ومازلت اتعلم
فاللهم اعنى على ذكرك وشكرك وحسن عبادتك
الشيخ محمد بفرحه: اللهم امين ....بسم الله ما شاءالله لا قوة الا بالله😊
لاء كده بقا شكلك انتى اللى لازم تسألينى😊
ليلى فرحت بكلامه جدا وبدءت تشعر بإنشراح الصدر☺️
بصراحه مش عارفه أسألك فى ايه
اصل اللى عرفته عن حضرتك ما شاء الله
مش محتاج انى اسألك فى حاجه خالص
مرات العم: ولله يا بنتى الشيخ محمد ده مفيش زيه ...ادب واخلاق ودين ...الله اكبر عليه
ام محمد فضلت ساكته وحاسه انها مش فرحانه
وام ليلى فهمت إن بنتها معجبتهاش 😞
أذان العشاء....الله اكبر.... الله اكبر
سكت الشيخ محمد وردد الاذان
عصام مركز مع صوت الماتش على القهوه
الشيخ محمد: هو فى مسجد قريب من هنا يا استاذ عصام
عصام مش واخد باله ومركز مع صوت الماتش
اسماء: عصاااااااااام.......الشيخ بيكلمك
عصام:اه.. ايوه ...معلش يا شيخ
اصل صوت الماتش عالى
الشيخ محمد ابتسم....ايوه واخد بالى😊
طب ننزل نصلى العشاء علشان الاقامه
اسماء بصيت لام ليلى وليلى وضحكت 😀
لان عصام مش متعود يصلى فى المسجد وبيصلى فى البيت
عصام ارتبك:.اااه طبعا يلا ....اتفضل يا شيخ
الشيخ محمد: ع فكره يا اخت ليلى ... احنا لسه
مكملناش كلامنا 😊
هصلى وارجع نكمل بإذن الله...بعد اذنك طبعا
ليلى بفرحه: الله المستعان ياشيخ ..تقبل الله☺️
الشيخ محمد:منا ومنكم 😊
ونزل مع عصام ......
ليلى كانت قاعده محروجه منهم و بصيت لأم الشيخ محمد ومرات عمه......هتصلوا بإذن الله معايا
الام: اه طبعا ...هنصلى اومال ايه
مرات العم...ممكن بس اجدد وضوئى
ام ليلى : اه اتفضلى يا حبيبتى من هنا
الكل وقف للصلاه......وليلى كانت الامام
و صليت بيهم بسوره الرحمن
أد ايه صوتها جميل ومريح وهى بتتلو ايات القرآن
وام الشيخ محمد ومرات عمه بكوا فى الصلاه من الخشوع اللى فى صوتها
بعد الصلاه.....
ام محمد شعرت براحه نفسيه تجاه ليلى
وفرحه دخلت قلبها مره وحده......وقربت من ليلى وباستها😊
ما شاء الله عليكى يا بنتى ...صوتك يشرح القلب
زى الشيخ محمد بالظبط
ربنا يسعدك يا حبيبتى ..وسكتت شويه وابتسمت😊
ويجعلك من نصيب ابنى الشيخ محمد يارب🤲🏼
ام ليلى فرحت بكلامها.....وليلى اتكسفت☺️
وضحكت... جزاكى الله خيرا يا امى
مرات العم كانت لسه بتبكى من الخشوع😭
طب ولله العظيم يا بنتى بقالى زمن معيطتش فى الصلاه كده .....الله اكبر عليكى
وبصراحه ...انتو الاتنين تستهلوا كل خير وصوتكوا احلى من بعض فى القرآن ...الله اكبر عليكو🥲
ليلى بكسوف: طب عن اذنكم ☺️
وجريت دخلت اوضتها .... وشعرت بفرحه وإنشراح قلب
وسجدت لله شكر....ورفعت ايديها وهى بتعيط😭
سبحانك ربى ما اعظمك .. سبحانك يا جابر الخواطر.....بالسرعه دى جبرت خاطرى ومنهم بردوا بعد ما كسروه 😭
إنت كريم اوى يارب
كريم اوى ...وفضلت تعيط 😭
*****************************
هاله بتحضر السفره ....حلو كده يا ناديه
ناديه: اوى اوى يختى ....سفره تشرف بصحيح
جنه دخلت عليهم وهى مخنوقه........خالتو
انا اسفه ولله غصب عنى... بس مش قادره اكمل قعده معاه.....معلش انا مش مرتاحه😞
ضربت هاله بكفها على صدرها....يعنى ايه
هو انتى لحقتى يا بت تقعدى معاه من اصله😳
ناديه: بنرفزه....يعنى ايه
هتطلعى عمك رجائى عيل قدام الراجل ....شوفى بنتك يا هاله 😠
هاله: استهدى بالله كده يا حبيبتى وادخلى اقعدى
هو لسه اصلا متكلمش معاكى ....اتكلمى معاه الأول وشوفى
جنه:اشوف ايييه..... ده مركز فى الماتش وناسينى خالص😠
ده غير السجاير اللى ورار بعض ورا بعض دى لحد ما اتخنقت😠
ويقولك عاوز ابطلها....لاااااااا...ده غير اللى فى دماغى خالص
ناديه بعصبيه: طب ولله العظيم لو ما لمتيش نفسك يا جنه واتعدلتى... ما هدخل بيتكو ده تانى
وسابتهم وخرجت😠
هاله بغيظ ...عجبك كده😡
اهمدى بقا وخلى اليوم ده يعدى على خير
مش ناقصين نكد
ابتسام دخلت عليها ومعها صوباع كفته بتاكله
هو فى ايه يا طنط ...جنه مالها
هاله:مفيش ...كلى انتى بس ومتشغليش نفسك
🤨
وانتى يا جنه يلا قدامى على جوه وعدى اليومالله يباركلك 😠
*********************************
الشيخ محمد وعصام صلوا ورجعوا البيت
الشيخ محمد: السلام عليكم ورحمه الله وبركاته
الكل: وعليكم السلام ورحمة الله وبركاته
ام ليلى: نحضر العشاء بقا يا جماعه
ام محمد: لاء ولله ملوش لزوم...احنا واكلين قبل
ما ننزل ع طول
مرات العم: طب نعمل شاى ولا حاجه ساقعه
الشيخ محمد: لو مش هتعب حضرتك.... شاى
ام ليلى : عنيه يا بنى....تعبك راحه😁
الشيخ محمد: هى الأخت لسه موجوده معنا
عصام: لاء دى دخلت اوضتها ...ثوانى ادخلها اخليها تيجى تكلمك
وخرج عصام ينادى على ليلى
ام الشيخ محمد: اسكت يا محمد......دى ايه البت اللى زى العسل دى😁
الله اكبر عليها......دى خليتنا نعيط فى الصلاه عياااط....لما عنينا ورمت
مرات العم: ده انا عمرى ما عيطت كده وانا بصلى
فعلا يا ابنى الدين اهم حاجه ربنا يسعدك
الشيخ محمد ابتسم: ولله يا امى ده كان يقينى فى الله إن كل ده هيحصل معاكم😊
الام : استغربت : ازاى يعنى
الشيخ محمد ابتسم 😊
بالدعاء يا امى ...انا اصل دعيت ربنا كتير
وانا ساجد إنه يقلب القلوب ويألفها ويحببكم في الاخت😊
ويجعلها الزوجه الصالحه اللى اتمنيتها طول عمري 😊
مرات العم: سبحان الله....فعلا ولله ده اللى حصل يا ابنى
قلبنا فجاءه كده انشرح ليها مره واحده
ليلى دخلت عليهم .... السلام عليكم ورحمه الله وبركاته 😊
الكل : وعليكم السلام ورحمة الله وبركاته وابتسموا😊😊😊
******************************
ام ليلى واسماء فى المطبخ ومعاهم عصام
ام ليلى بفرحه: بجد يا عصام ....هو قالك كده😁
عصام: ولله يا حاجه قالى كده😁
اسماء: طب قالك ايه بالظبط
عصام: قالى إنه ارتاح جدا لليلى ...وبيتمنى
تكون هى كمان ارتاحتله.... وبردوا لازم يصلوا صلاة الاستخاره...
بس هو عن نفسه مبسوط بيها جداااا 😁
ام ليلى بفرحه😊 سبحان الله.......ده انا مكونتش راضيه بالجوازه دى من الأول ...بس اول ما شوفته حاجه كده خليتنى أحبه اوى وارتاحله
ربنا يجعله من نصيبها🤲🏼😊
عصام: فعلا ولله يا حاجه ...الشيخ محمد ده
بتاع ربنا اوى وابن حلال ...وعلى فكره
هو اللى صلى بينا فى الجامع😁
وبسم الله ما شاء الله على صوته ...ولا السدسى فى الحرم.....لدرجة الناس وطت صوت الماتش عشان تسمعه😀
ويدوب....خلصنا الصلاه من هنا ...والناس اتلموا علينا من هنا.....عاوزين يشوفوا مين اللى صلى بيهم بالصوت الجميل ده😁
وقال ايه ...عاوزينه يصلى بيهم كل يوم 😀
اسماء: و بص كمان اللى حصل هنا
اختك صليت بينا العشا...وامه ومرات عمه
فضلوا يعييييطوا اول ما سمعوا صوتها😂
لاء وايه...الوليه امه قامت وحضنت اختك وباستها😂
ام ليلى: ربنا يقدم اللى فى الخير يا رب
ليلى دخلت عليهم.......كده بردوا يا عصام
عصام: خير يا ليلى ....عملت ايه 🤨
ليلى: لا يجوز تسيبنى قعده معاه كل ده لوحدى
وهو حس انك مش موجود وطلب منى اناديلك
عصام : طب قوليلى...رأيك ايه فيه
ليلى بكسوف: احسبه على خير ....بس هصلى الأول استخاره واقولك☺️
اسماء: يا بت....دى الفرحه هتنط من عنيكى😀
على العموم هو خلاص... وقع فيكى يا لولو😀
ليلى بفرحه: بجد...هو قالك حاجه يا عصام
عصام: اتكشفتى يا لولو خلاص😀
ع العموم بعدين اقولك قالى ايه ....يلا دلوقتى عشان منتأخرش عليهم.....وهاتى صنية الشاى يا حاجه ادخلها معايا بالمره
ودخلوا كلهم .....وكملوا القعده
وكانت اظرف من الأول بكتير .....والكل قاعد بيضحك ومبسوط .....وبالذات الشيخ محمد😊وليلى
حاسوا انهم اخيرا ..... لقوا بعض
لان الهدف واحد وهو....ارضاء الله❤️
****************************
على سفرة الاكل.....
رجائى : بصراحه اكلك يا ام صلاح لا يعلى عليه
ناديه: طبعا ....اختى نفسها احلى من ١٠٠ طباخ من المشاهير دول😏
ولا ايه رايك يا باشمهندش😁
ياسر: بصراحه الاكل طعمه حلو اوى ..تسلم ايد حضرتك
وبص لجنه.....ويا ترى جنه بتعرف تعمل اكل حلو كده بردوا ولا ايه 😀
جنه مردتيتش عليه😞
هاله اتحرجت من تصرف بنتها
طبعااا...اومال ايه.... دى عليها نفس ف الاكل احلى منى كمان😀
ياسر: طب كويس ..يعنى مش هنشترى اكل من بره 😀
الحمد لله ...شكرا يا جماعه على الأكل الجميل ده......انا بقالى كتير مكالتش بالشكل ده
وشبعت جداااا....ولله بجد الاكل تحفه...تسلم ايدك😊
هاله: لاء والله ماينفع .... اقعد كمل اكلك يا باشمهندس ....ده طبقك زى ما هو
ياسر: ولله شبعت يا طنط.......وبص لجنه
ممكن بس اغسل ايدى
جنه بغلاسه....طب ما تغسل حد ماسكك🤨
ناديه بكسوف من ردها: قومى يا جنه
مع الباشمهندس يغسل ايده😒
جنه بصيت😳 لخالتها.....وهزات راسها
يعنى لاء🤨
صلاح بيدارى على الموقف: انا كلت انا كمان الحمد لله...تعالى اتفضل يا باشمهندش.... انا جاى معاك
ناديه بصيت بغيظ لجنه: يا بت فكى شويه كده
قاعده عامله زى الطوبه ليه 😡
رجائى : براحه يا ناديه عليها....تلاقيها لسه مكسوفه
ابتسام اكلت طبقها كله وقامت ...الحمد لله
انا هقوم انام بقا شويه يا طنط لحد ما العريس يمشى
معلش.... اصلى تعبانه ومش قادره اقعد
هاله بغيظ:: نامى يا حبيبتى انتى وارتاحى😏
ناديه بتريقه: مكلتيش ليه يا ابتسام عدل
لسه صنية المكرونه مخلصتش 😏
ابتسام: اصلى نفسى اتسديت
زى ما يكون كده حد باصيصلى فى اللقمه😠
ودخلت تغسل ايديها
ناديه بغيظ....يعنى اقوم اجيبها من منخرها المنفوشه دى ..ولا من شعرها المنكوش اللى تحت الطرحه ده😡
هاله: متزعليش يا ناديه....انا هبقى اقول لصلاح
رجائى: خلاص بقا يا ناديه....انتى هتعملى عقلك بعقلها ولا ايه ...سيبك منها
وبعد شويه دخلوا قاعدوا كلهم فى الصالون
وكملوا الماتش وشربوا الشاى
ياسر: كان ماتش جامد اوى ....والاهلى كان ماسك الكوره طول الوقت
صلاح: الاهلى طول عمره حديد يا باشمهندس 😀
معلش بقا يا عم رجائى.. الزمالك دايما كسفكوا كده😀
رجائى : لا ما احنا خلاص اتعودنا على كده يا صلاح يا ابنى....ربنا يعينا بقاااا😄
ياسر وصلاح😀😀
ياسر بص لجنه
هو انا مش المفروض انى اشوفك بردوا ولا ايه
اللى اعرفه عنكم انكم بترفعوا النقاب لما يكون فى عريس...مش كده بردوا ولا ايه
جنه: عنكم اللى هو مين
ده على اساس اننا من كوكب تانى مثلا😠
ياسر : أنا اسف ولله مكونتش أقصد اللى انتى فهمتيه
هاله: جرى ايه يا جنه ...اهدى شويه على الباشمهندس...مش كده🤨
جنه: على العموم حقك طبعا تشوفنى
بس ممكن اسأل حضرتك سؤال الاول
ياسر: اه طبعا اتفضلى..تحت آمرك😁
جنه: هو انت مش ملاحظ انك مصليتش
العشاء لحد دلوقتى...ولما سمعت الاذان
مقومتش تصلى فى المسجد...وكملت فرجه
على الماتش عادى خالص😠ومخوفتش ان عمرك ممكن ينتهى وانت قاعد بتتفرج ومصليتش🤨
ياسر اتحرج.......وبص لرجائى يتصرف😒
وصلاح وناديه وهاله...بقوا فى نص هدومهم
من طريقة كلام جنه لياسر ...😒😒😒
ناديه بصوت واطى لهاله ....شايفه عمايل بنتك اللى هتجيبلى جلطه 😠شكل طلاقى على ايد بنتك يا هااااله
ياسر: ااااااا
******************************
ونكمل بكره بإذن الله ومستنيه رأيكم في حلقة انهارده واتمنى تكون نالت إعجابكم🥰
توقعاتكم يا حلووووووين 😁
وقبل نهاية الكلام
اذكروا الله الرحمن ☝🏼وصلوا ع حبيبه خير الأنام 🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*