الفصل 6
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"6"))♡゙//*
السلام عليكم اخواتى واحبتى😍 موعدنا مع قصتنا اليوميه😊💗 ويلا نصلى ع الرسول وندخل على طوووووووول💗🌹
#جنه_الدنيا_جيهان_سلامه
#محبه_الرحمن
اللهم تقواك وجنتك ورضاك🤲
(الحلقه السادسه)
عبير بتكلم جنه فى التليفون وهى زعلانه
عبير: تفتكرى ليلى زعلت منى😔
اصلى محروجه اوى من اللى عمليته ماما معاها
جنه: يا بنتى ليلى قلبها ابيض واكيد مش هتزعل منك........المهم قوليلى ....عملتى ايه مع الاخ لما جه....وطلع كويس ولا ايه طمنينى
عبير: إسكتى يا جوجو.....ده طلع شاب ما شاء الله.....طيب جدا ومحترم وابن ناس .... والغريب بقا إنه عجب ماما ...جدا وانتى عارفه ماما مبيعجبهاش حد وبالذات اللى عندهم لحيه 😀
جنه: المهم يعجبك انتى
عبير بكسوف: بصراحه هو عجبنى☺️
وحسيت يعنى كده إنه كان قاعد مبسوط
جنه: الحمد لله يا حبيبتى.☺️
ربنا يتمملك على خير...........وخالتو جت معاه
عبير: لاء.....هو جه لوحده المرادى
وقعد بقا يسألنى فى الصلاه بصليها فى مواعيدها ولا بأخرها ....و محافظه عليها ولا لاء
وسألته انا كمان عن حفظه للقران ...وإنه بيصلى فى المسجد جماعه ولا لاء ...وبيسمع لشيوخ مين
لحد ما الراجل عرق فى ايدى يا بنتى😀
وماما وبابا بقوا يبصولى بمعنى اسكتى واتهدى وانا ابدا...تقوليش حنفيه واتفتحت 😂
جنه: انتى هتقوليلى ما انا عارفاكى جباره طول عمرك 😀
عبير: اوى الصراحه😂
جنه: يا عينى عليه... الله يكون فى عونه منك😂 وهتردوا عليه امتى
عبير : كمان كام يوم كده بإذن الله....علشان ميقولش علينا إننا مصدقنا 😀
جنه: ايوه صح....عندك حق 😀
عبير: ويارب بكره انتى وليلى تفرحونى
علشان نبقى احنا التلاته عرايس الموسم😀
جنه بحزن : ربنا يقدر الخير 😞
***************************
رجائى: الو......سلامو عليكو يا باشمهندس
ياسر:عليكم السلام ....اهلا يا عم رجائى
خير ....فى حاحه ولا ايه
رجائى: خير بإذن الله ... أنا بس كنت بتصل بأكد علي حضرتك معاد بكره......اكمنى مشوفتكش انهارده فى المصنع
ياسر: لاااا تمام على ميعادنا بإذن الله.....بس خد
بالك إنه هيكون فى ميعاد الماتش وانا كنت ناسى الموضوع ده....فياريت ميطلعوش من الناس اللى محبكينها ومعندوهمش تليفزيون🤨
ولا يقولوا مش بنشغل مباريات...انا راجل فرفوش وبحب الفرفشه يا عم😀
رجائى : لاااا....حضرتك فاهم غلط....دول ناس عاديين وعندهم تليفزيون ..واتفرج براحتك😀
ياسر :طب تمام اوى كده...يبقى على ميعادنا بإذن الله....سلامو عليكو
رجائى: عليكم السلام.....الف سلامه 😁
ناديه:ها .....هيجى فى ميعاده
رجائى: اه طبعا اومال ايه...ده راجل كلمته واحده
ناديه: طب مقالكش هيجيب ايه وهو داخل
رجائى : يا وليه هيقول ايه بس.....وعلى العموم من الناحيه دى اطمنى .. ده ما شاء الله عليه رجل غنى... يعنى ميهموش القرش
بس ابقى اكدى انتى على اختك وخليها تعمل اكله حلوه كده تشرفنى قدام الراجل
ناديه: ماهى اكيد هتعمل ...هاله اختى طول عمرها ذوق وتعرف فى الواجب
عقبال ما تجوز عيالك يا خويا😁
رجائى : مش لما يفلحوا الاول فى دراستهم
ناديه: ومالهم بس العيال.....ما زى الفل اهو
طب بكره تشوف ولادك دول هيبقوا عاملين ازاى
خد ...عملتلك طبق الفاكهه ده. يغذيك....بالهنا والشفا
رجائى: هاااااتى... ده الواحد ريقه ناشف من الصبح
وابقى فهمى بنت اختك متقعدش قدام الراجل زى الطوبه🤨
خليها تضحك وتهزر كده...الراجل فرفوش وبيحب الهزار والضحك
ناديه : حاضر يا خويا هقولها
رجائى: وابقى خلى اختك تعمل صنيه رقاق
اصلها بتعملها حلوة اوى ونفسى رايحلها اليومين دول
ناديه: وماله.اقولها ...دى هاله بتعزك اوى
باذن الله هقوم بدرى بعد ما تمشى انت والعيال
واخلص اللى ورايا و هتكل على الله عشان
اساعدها لو فى حاجه اعملها معها
رجائى: ماشى......بس متنسيش تقوللها على صنية الرقاق😁
***************************
صباح يوم جديد.....☀️
جرس الباب ....خرجت هاله من المطبخ تفتح...
ايوه انا جايه اهووو.......وفتحت
هاله: اهلا يا نونا ...نورتى يا حبيبتى😁
ناديه: ده نورك يا ام العروسه 😁
الف مبروك يا حبيبتى...ربنا يجعله عريس الهنا يارب
هاله: يارب يا ناديه.......ادخلى ارتاحى
ولسه هتقفل الباب....باب ام عزت اتفتح
ام عزت: صباح الخير يا ام صلاح😁
هاله: صباح الفل يا ام عزت😊
ام عزت: هى مين اللى دخلت عندى دى
هاله: دى ناديه اختى...اصلها جت تقف معايا علشان العريس اللى جاى انهارده ....عقبال عزت
ام عزت: ربنا يتمم بخير يا حبيبتى....متنسنيش
بقا فى الجاتو المرادى كمان 😀
هاله: من عنيه....عن اذنك بس ادخلها علشان سيبها لوحدها
ام عزت: اتفضلى يا حبيبتى وإبقى سلمى عليها
صوت ناديه من جوه.....ازيك يا خالتى ام
عزت ..معلش مش قادره اقوم لسه جايه
ام عزت: ازيك يا بت يا ناديه ...لاء خليكى مرتاحه يا حبييتى
طب مش عاوزه اى مساعده يا ام صلاح
هاله : شايلاكى لوقت عوزه يا ام عزت...إنشالله يخليكى
ام عزت: طب يختى ...يلا ادخلى لاختك
هاله : ماشى يا حبيبتى عن اذنك....وقفلت هاله الباب ودخلت لناديه......ده انتى انقذتينى من رغياها على الصبح
ناديه:بصراحه الله يكون فى عونك ....مستحملاها ازى دى
انا مرضتش اقوم اسلم عليها....مليش دماغ للرغى
هاله: ما انا خدت بالى😀.......ها تفطرى بقا
ناديه: ماشى....عندك فول بالزيت الحار والطحينه
هاله: عندى... وهقلى طعميه وبطاطس وبتنجان
كمان.....ايه رايك بقا فى الفطور الحلو ده😁
ناديه: اى حاجه من ايدك عسل وتفتح النفس يا اوختى😁
هاله: حبيبتي 😁
وبعدها نحضر الغدا... ..هعملك الكشرى اللى بتحبيه من ايديا😁
ناديه : كشرى اييييه😳
هو انتى مش ناويه تعملى اكل للباشمهندس ياسر
هاله: واعمل اكل ليه ...انا شايفه انه ملوش لزوم
ناديه بزعل: وليه بقا ...يعنى اللى جه قبل كده كان احسن منه ولا ايه ...وكمان ده من
طرف رجائى ..يعنى لازم تقومى معاه بالواجب وزياده كمان😏
ده غير ما هيبقى اكيد داخل شايل ومحمل حاجات اد كده
هاله بإحراج: اه يا حبيبتى وماله....اعمل
بس اكمنى الشيخ محمد واهله كانوا جاين من سفر......لكن ده ساكن هنا
ناديه بزعل: على العموم براحتك ...اللى عاوزة تعمليه اعمليه🤨
هاله: لاءخلاص هعمل علشان خاطر رجائى
ناديه : طب يلا نفطر لحسن صاحيه من بدرى وجعانه اوى ...اساعدك فى حاجه
هاله وهى متضايقه...لاء يا حبييتى خليكى مرتاحه
كفايه عليكى المشوار...ثوانى ويكون الاكل جاهز
هاله: طب شوفيلى الريموت فين ..عاوزة انقل اجيب التمثليه
دخلت هاله المطبخ.....ومسكت تليفونها
واتصلت على ابنها
صلاح: سلام عليكو يا ام صلاح ...وحشانى
هاله: ازيك انت يا حبيبى......بقولك ايه
هو انت جاى امتى
صلاح: هخلص شغل ع طول وهاجى
هاله بأحراج: طب اااااا...😔..اصل ااااا
صلاح: فى ايه يا ام صلاح...البت جنه رفضت العريس ولا ايه
هاله: لاء خالص..... انا بس كنت عاوزة منك فلوس سلف لحد ما اقبض اول الشهر المعاش😔
صلاح: عينى يا ام صلاح ....عاوزه كام
هاله:عاوزه كده اد ٥٠٠ جنيه .....معاك ولاااا
صلاح: قاطعها..لاء معايا الحمد لله ..عنيه ليكى
لما اجى بإذن الله هدوهملك...هو انتى عاوزه تجيب لجنه حاجه ولا ايه
هاله: لاء ابدا ...اصل خالتك حرجتنى وااا
وحكيت له اللى حصل
صلاح بنرفزه....طب وخالتى مالها.... كان كفايه
كوبيه العصير والشاى وخلصنا...يعنى هو كان جاى من سفر زى التانى.....دى اختك دى عليها حاجات ينرفز😠
هاله: خلاص بقا يا صلاح...مش عاوزة اعمل
معها مشكله ...المهم بس تحاول تيجى بدرى.
علشان الحق انزل اشترى فراخ ولحمه مفرومه واى صنف جنبهم
صلاح: طب شوفى عاوزه ايه واجيبلك اللى انتى عاوزاه فى سكتى.
وكده كده العريس جاى الساعه٦ يعنى لسه قدمنا وقت
هاله: انشاالله يخليك ليا يا حبييى ...طب بص
يا سيدى ..اكتب عندك عاوزه ........
************************
ابتسام: أوف😤كل ده رغى......هو بيرغى مع مين كل ده
مصيبه ليكون بيكلم واحده😳
هو اكيد بيكلم وحده.......نهارك اسود يا صلاح لما اشوف وشك😡......وجربت ترن تانى
صلاح: ايوه يا ابتسام......عاوزه ايه
ابتسام بعصبيه: كنت بتكلم مين كل ده😡
صلاح: كنت بكلم امى .....فى حاجه🤨
ابتسام : امك بردوا يا صلاح بتكلمها كل ده 😡
صلاح: بقولك ايه...انا مش فاضيلك....خلصى وقولى عاوزة ايه😠
ابتسام: هتيجى امتى عشان تجيبلى غدا وانت جاى 🤨
صلاح: لا اله الا الله...هو انا مش قايلك الصبح
انى مش جاي وهطلع على امى علشان العريس اللى جاى انهارده ده
ابتسام: خليك كده متشحطط كل شويه علشان خاطر العانس بتاعتكواا😏
صلاح بخنقه: طب اقفلى يا ابتسام بدل ما اجيلك
ومش عاوز اقولك انا ممكن اعمل فيكى ايه
ف لمى نفسك واقفلى بالذوق احسنلك😠
ابتسام بعصبيه: طب والغدا.....هتغدى ايه انا دلوقتى 😡
صلاح بعصبيه.😡كولى نفسك يا ابتسام
ولا اقولك بلاش... للواد اللى بطنك يجيلوا تسمم
وقفل السكه فى وشها.....دى بقيت حاجه تقرف
انا ايه اللى خلانى اتجوز بس....واتجوز دى بالذات 😡
ابتسام بغيظ: كده بردوا يا صلاح.....مااااشى
أنا بقا هعرف كنت بتكلم مين.....ويومك اسود انهارده لو طلعت بتكذب عليا😡
وقامت لبست وخرجت.........
*****************************
جرس الباب ..........ليلى فتحت
ودخلت اسماء مرات اخوها وابنها
أسماء: مبروك يا عروسه......ربنا يتمم بخير يا حبيبتى😁
ليلى : الله يبارك فيكى يا اسماء ..بس هو لسه محصلش حاجه
اسماء : بإذن الله هيحصل😁
ام ليلى : ازيك يا بت يا اسماء ...اقعدى ارتاحى
عمورى حبيب تيته...وحضنته وفضلت تبوس فيه
اسماء: انتو كنتوا بتمسحوا ولا ايه
ليلى : اه ....نفضت الشقه كلها ومسحتها وخلاص قربت اخلص
اسماء: طب وليه يعنى التعب ده...ده انا سامعه من طنط انه مبيشوفش😏
ليلى بزعل: اتقى الله يا اسماء ..لا يجوز كلامك ده على فكره
وتليفون ليلى رن....ام اشوف التليفون😠
ليلى : السلام عليكم ورحمه الله وبركاته
سهام: وعليكم السلام يا عروسه😊
ليلى: ازيك يا سهام
سهام : الحمد لله....بس مال صوتك... فيكى ايه
هو العريس مش جاى ولا ايه😲
ليلى : امك يا ستى راحت قالت لاسماء مرات اخوكى تيجى
سهام: تلاقى اخوكى هو اللى قالها تيجى..مش امى
ليلى: الله اعلم....بس ملهاش لزوم
دى لسه رؤيه شرعيه...وقالتلى كمان كلمه نرفزتنى
سهام: بقولك ايه ...متنكديش على نفسك
وعدى اليوم ده بقا...انا مرضيتش اجى علشان فعلا ملوش لزوم اللمه الكتير
ليلى: استغفر الله العظيم...يالا بقا ..مش مشكله
المهم ادعيلى..لحسن امك ع اخرها من الموضوع. ورافضه من قبل ما يجوا...ده انا اقنعتها بالعافيه تقابلها وقولتها عيب الناس جايين بيتنا
سهام: سيبك منها......المهم انتى تكونى مبسوطه
ربنا يفرحك يا لولو ياااارب واشوفك عروسه 😁
ليلى : يارب يا سيمو...اسيبك بقا وادخل اكمل مسح الشقه....وهبقى اطمنك لما يمشوا....يلا نقول بقا دعاء كفارة المجلس
سبحانك اللهم وبحمدك أشهد أن لا اله الا انت استغفرك واتوب اليك...السلام عليكم ورحمه الله وبركاته
وقفلت معها وكملت تنضيف الشقه
**********************
الشيخ محمد: والله ما ينفع يا مرات عمى
لازم تشرفى معنا ...
الام: طبعا لازم تيجى معنا ...وده بردوا كلام
مرات العم: اصله يا جماعه انا شايفه إنه ملوش لزوم يعنى
العم: خلاص بقى يا ام سمير متزعليش الحاجه
والشيخ محمد وروحى معاهم...وانا محمود هنقعد نستناكوا هنا
محمود: كويس ..علشان اتفرج على الماتش معاك يا عمى
الشيخ محمد: بعتنى علشان الماتش يا حوده....ماشى😊
محمود: لا ابدا ولله يا شيخ...خلاص هاجى معاك
الشيخ محمد:لا يا حبيبى خليك ...انا كنت بهزر معاك... خليك مع عمى
طب يلا معايا...العصر بيأذن...ولا مش هتيجى المسجد هو كمان😊
محمود: لاااااا ...كله الا الصلاه.....هتوضى واجيلك حالا
العم: يلا طب احنا يا ابنى نسبقه على تحت
الشيخ محمد: ماشى يا عمى ...اتفضل
و بص ناحية امه ومرات عمه .. يلا قوموا صلوا
العصر واوعوا تكسلوا.....علمنا الحبيب صل الله عليه وسلم.....
الكل: عليه الصلاة والسلام
الشيخ محمد : من ترك صلاة العصر...حبط عمله
صدق رسول الله صل الله عليه وسلم
العم: عليه الصلاة والسلام.... طب يلا بينا يا شيخ محمد....السلام عليكم ورحمه الله وبركاته
ونزلوا كلهم لصلاه العصر
الام:بزعل غلبان اوى يا حبيبى ....بس ملوش بخت😞
مرات العم: ليه بس يا ختى ...ده ربنا هيكرمه اخر كرم بإذن الله ....هو فيه زيى الشيخ محمد
الام:كلام فى سرك.... البت جنه مأثره فيا اوى وكان نفسى فيها
مرات العم: خلاص بقا مفيش نصيب...ومتعرفيش الخير فين.....وبإذن الله العروسه انهارده تطلع احلى واحسن
الام: يارب....تفتكرى ناخد ايه معنا واحنا داخلين
طبق حلويات ولا فاكهه🤔
مرات العم: يختى وعلى ايه المصاريف دى كلها
ولا ده ولا ده.....دى لسه قعدة تعارف وياعالم
فى نصيب ولا لاء
الام: لااااء مينفعش ...ده كان الشيخ محمد يزعل
منى ....ده عنده الواجب فوق كل شئ
مرات العم: خلاص...سبيه هو اللى يختار وريحى دماغك انتى
الام: على رأيك.......طب يلا نقوم نصلى بدل ما الكلام ياخدنا ويجى يسمعنا كلمتين 😄
مرات العم: وعلى ايه يختى ....يلا نصلى 😄
*************************
هاله من المطبخ....افتحى الباب يا ناديه
ايدى مش فاضيه
ناديه: يعنى انا اللى قادره اقوم ......حاااضر
ناديه: اتفاجئت:ابتساام😲
اهلا يا ابتسام....تعالى ادخلى
دى ابتساااام يا هاله
هاله من المطبخ استغربت...وكلمت نفسها 🤔
ودى ايه اللى جابها دى دلوقتى...وصلاح مقاليش انها جايه.......اما اخرج اشوفها
ناديه: ايه يا بت ده .. مناخيرك نفشت اوى كده ليه
شكلك كده حامل فى واد
ابتسام بصيت لناديه بغيظ....نفشت فين دى بس
ده انا حته مناخيرى صغيره😏
هاله: اهلا اهلا.. ازيك يا ابتسام يا حبيبتى
وحضنتها وباستها ...وابتسام قاعده على الكرسى ومقامتش لحماتها
ابتسام: معلشى يا طنط ..السلم تعبنى مش قادره اقوم
هاله: ولا يهمك يا حبيبتى..عامله ايه فى الحمل
ناديه: ربنا يقومك بالسلامه.....انتى فى الكام دلوقتى يا بت
ابتسام خمسيت فى وش ناديه....قربت ادخل الخامس 🖐️
ناديه: خدت بالها من حركتها......😠
وبصيت لناديه ودورت وشها وبصت على التليفزيون ومردتيتش عليها🤨
هاله أخدت بالها.....وغيرت الموضوع
طب قومى ارتاحى وافردى ضهرك جوه فى اوضتى علشان بطنك
ابتسام: افرد ايه وبطنى ايه....انا عطشانه وجعانه
وابنك سايبنى كده من غير اكل من الصبح
يرضيكى 😡
ناديه بغيظ: هو مش جايبلك حاجاتك كلها فى
تلاجتك...يبقى يعملك ايه تانى😠
هاله: بصت لناديه وغمزتلها علشان تسكت
طب خلاص يا حبيبتى شوفى عاوزه تاكلى ايه واجيبهولك
ابتسام: الا قوليلى يا طنط الاول.....هو صلاح كلامك انهارده 🤔
هاله: اه كلمنى ...ليه فى حاجه
ابتسام: لاء .. ولا حاجه.. كنت بسأل بس
طب هاتيلى عصير لحسن حاسه بدوخه من الصبح
هاله :حاضر ...إدخلى ارتاحى وغيرى هدومك
والبسى حاجه من عندى وقعدى براحتك
ابتسام وهى بتقوم....ااااه.....قطيعه تقطع الحمل
ده تعب ..الواحد خلاص زهق...ودخلت اوضة حماتها
ناديه : ده له حق الواد يختى يزهق منها😠
ايه دى ......جبتوها منين دى يختى
ده كلامها كله دبش ...الله يكون فى عون الواد
هاله: ولله يختى تلاجتها مليانه من خيرات ربنا
وصلاح انتى عارفاه حنين ومش بخيل
لكن تقولى ايه...ولا تفكر تعمل للواد لقمه عدله
وكله من اكل الشارع.
ولولا الحمل ..كان هيبقى فى كلام تانى
بس خلاص..... ما باليد حيله
ناديه: يختى.....تغور العيال اللى بتذل اهلها
جرس الباب........وفتحت هاله
كل ده يا جنه ...يا بنتى العريس قرب يجى
جنه: السلام عليكم......خالتو حبيبتى منوره😊
ناديه: شايفه الكلام الحلو......حبيبة خالتو😁
وحضنتها وباستها
هاله: جبتى الخمار والنقاب
جنه: اه جبتهم الحمد لله....ام ادخل بقا اكويهم
هاله: ادخلى الاول سلمى على مرات اخواكى لحسن تزعل😏
جنه: بخنقه :ودى ايه اللى جابها اصلا😠
ناديه: سبحان الله....محدش طيقاها 😂
هاله: وطوا صوتكوا لحسن تسمعكوا وتعملها حكايه
جنه: ماشى ....بس اى لقمه كده يا ماما على السريع لحسن هموت من الجوع
هاله: عينى يا حبيبتى......و دخلت المطبخ حضرت باقى الفطار..... الفول والطعميه والبطاطس
يلا يا جنه انتى وابتسام عشان تاكلوا
ابتسام : ايه ده ....فووووول😏
جنه: وماله الفول ... ده جميل
ابتسام بتريقه: وانتو هتأكلوا العريس فول وطعميه بردوا يا طنط😏
هاله: لا يا بنتى فول ايه ...انا لسه بخلص فى الغدا
كولى بس مع جنه لقمه عقبال ما الاكل يخلص
ناديه بغيظ من ابتسام : ليه يا حبيبتى...هوانتى مكونتيش بتكليه فى بيت ابوكى ولا ايه😏
ابتسام بصيت لناديه ومردتيتش عليها 😠
لاء مش عاوزه اكل فول يا طنط بيتعب معدتى
الباب اتفتح....ودخل صلاح بأكياس فى ايده
صلاح : سلامو عليكو 🙂
الكل وعليكم السلام ورحمة الله وبركاته
ابتسام بصيت على الاكياس 😳 ....ايه ده.
هو انت جبت ايه ....وراحت تفتح الاكياس
صلاح استغرب:: ايه ده ..انتى جيتى امتى
ونزلتى ازاى من غير اذنى😠
هاله بتهدى بينهم: جرى ايه يا صلاح ..يعنى
هى جت بيت حد غريب يا ابنى ...بيتها بردوا
ادخل يلا سلم على خالتك
صلاح: ازيك يا خالتى ...عامله ايه
ناديه: ازيك يا حبيب خالتك ...ووطت على ودنه وهى بتسلم عليه
الله يكون فى عونك ..ده انت متجوز بومه 😂
صلاح: اه ولله يا خالتى 😂
ابتسام فتحت الاكياس ......صلاااااااااح
هو انت مطلعتش باللحمه والفراخ على البيت
على طول ليه
هاله بصيت لصلاح واتحرجت من كلام مراته
صلاح : مش حاجتنا يا ابتسااام...دى حاجة امى
ابتسام ربعت إيديها وعوجت بؤئها...اااااه ..بتوع امك😏
طب انزل هاتلى اكل .... امك حطالى فول وانا مليش نفس للفول ولا الطعميه
هاله: يا بنى بقولها كولى لقمه مع جنه لحد ما الغدا يخلص
صلاح بعصبيه: امى ...ريحى دماغك منها
تصبر لحد الغدا ما يخلص...او تاكل فول
او تريحنا وتمشى😠
هاله: عيب كده يا صلاح......استنى عليا بس
هسلق الفراخ حالا واديكى
ابتسام بصيت لصلاح.بغيظ: ماااشى ....لينا بيت نتكلم فيه😡
انا داخله انام شويه عقبال ما الفراخ تتسلق
صلاح بصوت واطى...نامت عليكى حيطه يا شيخه.......ايه اللى جابها دى بس
جنه: .الله يكون فى عونك والله يا ابنى😄
انزل يلا كول معايا...اامك عامله لفول حلو اوى
صلاح: انتى هتقوليلى على فول امك....وسعى يا بت يا جنه....وهاتى رغيف لحسن جعان اوى.
هاله: غلبان يا قلب امه......ربنا يهديهاله
يلا معايا يا ناديه على المطبخ عاوزين نلحق نعمل الاكل لحسن جوزك والعريس قربوا يجوا
ناديه: يلا يختى ............
***************************
ناديه ماشى .....احنا جاهزين ومستنينكو
مع السلامه
يا هاااااله.........يا جنه....العريس جه تحت
هاله: خرجت من الاوضه .... وعرفتى ازاى إنه جه
ناديه : رجائى اتصل بيا وقالى بيركنوا العربيه
اصله كان مستنيه على القهوه اللى عن الناصيه
عندنا. ...والباشمهندس عدا عليه وخدوا معاه فى عربيته
تعالى نبص عليهم ونشوف العربيه بتاعته شكلها ايه😁
هاله بفرحه....يلااا😁
ابتسام فى اوضة هاله ....اصحى يا خويا
عريس الغفله شكله جه.....على الله نخلص بقا
صلاح قام بسرعه.....هما طلعوا ولا لسه
ابتسام: لسه هيطلعوا...متتخضش كده😏
صلاح : طب اوعى بسرعه اقوم ادخل الحمام واغير هدومى
ابتسام: ااااه.....ما براحه.....خبطتنى فى بطنى
مستعجل على ايه كده اوى 😏
صلاح مردش عليها ودخل بسرعه الحمام
هاله وناديه دخلوا لجنه اوضتها
هاله بفرحه: العريس جه يا جنه ....ما شاء الله
عليه طول بعرض بحلاوه😁 ....و راكب حته عربيه ...الله اكبر....يارب يكون من نصيبك يا بنتى
جنه فجاءه حسيت بخنقه....
المهم عندى الالتزام يا ماما مش العربيه والفلوس
ناديه: بطلى خيابه بقا يا بت انتى ...ده عريس زى الفل
ابتسام بغيظ جواهاعربيه :يا بنت المحظوظه😠
مش يمكن جنه هى اللى متعجبوش يا طنط😏
ناديه: ليه يا ختى ...دى جنه ست البنات كلهم واحلاهم.....قال متعجبوش قال😏
وعلى رأى المثل
ملقوش فى الورد عيب....😏
دى بنتنا يا حبيبتى احلى من بنات كتير اوى فاكرين نفسهم حلوين😏
ابتسام : قصد.ك على مين... 😠
ولسه ناديه هترد ....جرس الباب رن
هاله: بتهدى الموقف....متقصدش حد يا حبيبتى
فتح صلاح الباب ودخل رجائى
صلاح: إزيك يا عم رجائى ..فينك ..ليك وحشه والله
رجائى: انت اكتر يا ابو صلاح ...انت اللى فينك الجواز خدك مننا ولا ايه 😄
اتفضل يا باشمهندس....صلاح اخو العروسه
وامها الست ام صلاح ....ودى ناديه مراتى
ياسر: اهلا يا استاذ صلاح😊
اهلا بحضرتك يا مدام .....اهلا بحضرتك يا مدام ناديه
صلاح: اهلا بيك يا باشمهندس ....اتفضل
ودخلوا قاعدوا فى الانتريه
هاله بصيت لناديه واستغربت......ومالت عليها وكلمتها بصوت واطى
اومال فين يختى اللى داخل بيه ده
دى ايد وراه وايد قدام......وعوجت بؤئها😏
ناديه اتحرجت ....يختى مش مهم المجايب
بس الشاب الله اكبر عليه ...عريس يفرح
هاله: لما نشوف😒
**************************
جرس الباب ....افتح يا عصام... العريس واهله
شكلهم جم
عصام فتح الباب ...اهلا اهلا ...اتفضلوا😊
دخلت الام ..ومرات العم....والشيخ محمد
السلام عليكم ورحمه الله وبركاته
عصام: وعليكم السلام ورحمة الله وبركاته
اتفضل يا شيخ.... عصام مسك ايد الشيخ محمد
ودخلوا كلهم الصالون
ام ليلى حزنت أول ما شافته.....واسماء مالت عليها ....يا عينى ....طب ولله شاب زى الفل
خساره فيه العمى😞
ودخلوا سلموا عليهم ورحبوا بيهم ....منوريين
الشيخ محمد: نور بحضرتك يا امى.....ربنا يبارك فيكى
ام ليلى : ايه بس ده كله ...كلفتوا نفسكوا ليه بس
كده.....فاكهه وحلويات.....ده كده كتير اوى ولله
الام: لا ابدا ولا كتير ولا حاجه...فضلت خيركم
ام ليلى: تسلمى يا حبيبتى .... ده عصام ابنى الكبير ..ودى مراته اسماء ومعاهم عمار حبيب قلبى😁
وعندى بت تانيه متجوزه اصغر من ليلى
ومعاها حبيبه ...
مرات عمه: ما شاء الله ربنا يخلى و يبارك
ام محمد: انا معنديش غير الشيخ محمد ومحمود 😁
ام ليلى : ما شاء الله ربنا يفرحك بيهم يا حاجه
تعالى يا اسماء نجيب العصير....عن اذنكو
ام ليلى : ادخلى انتى استعجلى ليلى وخليها تخرج
اسماء: حاضر ....ودخلت على ليلى اوضتها
ياااالا يا لولو....العريس جه هو واهله بره
بس تعرفى ...شكلهم ناس طيبين اوى
والعريس شكله ابن حلال وزى الفل...بس لولا اااااا....استغفر الله العظيم ياربى
ليلى: : اسماء .....لو سمحتى متتكلميش
كتير فى الموضوع ده.....لأنه مش فارق معايا
قال تعالى (إن اكرمكم عند الله اتقاكم)
اسماء بإحراج: وانا مالى يختى ....انتى حره
بس يعنى لازمته ايه الخمار والنقاب
دول معهومش راجل تانى.....وهو يعنى اااا
ولا بلاش لحسن بتزعلى😏
ومفيش غير اخوكى بره..يبقى على ايه تلبسى الخمار والنقاب وتخنقى نفسك بيهم وانتى قعده
اخرجى بشعرك كده احسن
ليلى : لااااء ....اتكسف
اسماء : تتكسفى من ايه بس....اسمعى كلامى ويلا
الناس قاعدين بره مستنينك....ادخلى سلمى عليهم عقبال ما نجيب العصير
ليلى اقتنعت بكلام اسماء ....ماشى
وظبطت نفسها وشعرها
وكانت لبسه جيبه سوده وبلوزه مقلمه احمر فى ابيض فى اسود ...ولمه شعرها... لان شعرها مكنش ناعم اوى ومينفعش يتفرد
ليلى دخلت..بكسوف... السلام عليكم ورحمه الله وبركاته ☺️
الكل: وعليكم السلام ورحمة الله وبركاته
وسلمت عليهم وهى مكسوفه☺️
وبصيت ع الشيخ محمد....وحسيت بفرحه وارتياح
من اول ما شافته ☺️
امه ومرات عمه:...اهلا يا حبيبتى 🙂🙂
وقعدت وحطت وشها فى الارض من كسوفها☺️
مرلت عمه:بصوت واطى ...هى مين دى يختى
ام محمد: تلاقيها اخت العروسه.......بس يارب متكونش العروسه شبها وتطبع احلى منها
عصام: منور يا شيخ ولله😁
الشيخ محمد: بنورك 😊
ام ليلى واسماء دخلوا بالعصير
ام ليلى : اتفضلوا العصير.... الف هنا 😁
مرات عمه: تسلم ايدك...اومال فين بقا عروستنا
هى هتدلع علينا من اولها ولا ايه
وضحكت هى وام الشيخ 😄😄
ليلى و ام ليلى واسماء وعصام بصوا لبعض
😒😒😒😒
ام ليلى :ما العروسه قاعده منوره قدامك اهى يا حاجه......وشاورت على ليلى
ام الشيخ محمد....ومرات عمه بصوا لبعض واتصدموا......😳😳
الام: هى دى العروسه
ليلى حسيت بنظراتهم ليها وفهمتها... وصعب عليها نفسها وعنيها دمعت 🥺
عن اذنكم ...وقامت تجرى على اوضتها
*******************************
واذكروا الله ☝🏼وصلوا ع حبيبه💜
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*