الفصل 5
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"5"))♡゙//*
السلام عليكم اخواتى واحبتى 😍 موعدنا مع قصتنا اليوميه ❤ ويالااا نصلى ع الرسول وندخل على قصتنا ع طووول💗💗
#جنه_الدنيا_جيهان_سلامه
#محبه_الرحمن
اللهم تقواك وجنتك ورضاك🤲
(الحلقه الخامسه)
جنه صحيت من النوم على صوت تليفونها
جنه: ايه يا بنتى.....هو فى حد يتصل بحد دلوقتى بردوا
عبير: اه فى..... انا😄
جنه: قلق طول عمرك😄 قوليلى
ايه اللى مصحيكى بدرى كده...ده لسه بدرى على المقرأه
عبير: بصراحه كده ....قلقانه ومنمتش طول الليل
جنه اتعدلت وقعدت ......امممم... فهمت
هو العريس اتصل ولا ايه😄
عبير: اه اتصل امبارح بالليل وكلم بابا......وحدد معاه معاد انهارده بعد العشاء....انا خايفه اوى يا جوجو
جنه بفرحه : وخايفه من ايه يا عبيطه....ده انتى المفروض تفرحى😁 مبروك يا بيرو
عبير : مبروك على ايه إنتى كمان....مش لسه لما اشوفه ويشوفنى ونرتاح لبعض...وبعدين نعمل استخاره...........يعنى لسه بدرى
جنه:ولا بدرى ولا حاجه.... بإذن الله خير ...أبشرى انتى بس وقولى قبلت البشرى😊
عبير:قبلت البشرى😊 طب وانتى عملتى ايه مع الشيخ محمد ...جاى امتى تانى
جنه بحزن: لاء خلاص .....مش جاى تانى😔
عبيربصدمه : ااااايه.....مش جاى 😳
ومش جاى ليه........هو بعت الرد بالرفض ولا ايه
على العموم هو الخسران ولا تزعلى نفسك🤔
جنه: لاء يا عبير الموضوع مش كده......انا اللى اااا .....😔
عبير : اوعى تقولى إنتى اللى رفضتيه😳
جنه: 😔
عبير: لا حول ولا قوة الا بالله.......طب هو إنتى صليتى استخاره
جنه : لاء😥
عبير: نعععم😳.....طب ليه مصليتهاش يا جنه
مش يمكن لو كنتى صلتيها كان اااااا
قاطعتها جنه.......ماهو علشان كلمة يمكن دى انا رفضته
عبير: لاء معلش مش فاهمه🤔
جنه: ممكن تقولى كده إنى خوفت أصليها
والامور تمشى 😥
وانا من جوايا متردده إنى اقبله اصلا ...فهمانى
عبير: اممممم .....مصلتيش علشان انتى مش
عاوز الموضوع يكمل من اساسه .....مش كده
جنه: هو كده😥
عبير بزعل: يا خساره يا جنه ....حد يضيع النعمه من إيده
ده اخ ما شاء الله...وفيه كل الصفات اللى اى اخت تتمناها😔
تلاقيكى رفضيته علشان اااااا
جنه بنرفزه: عبير😠ممكن منفتحش كلام فى الموضوع ده تانى لو سمحتى
وخصوصا إنه خلاص هيشوف اخت تانى قبل
ما يسافر
وكمان فى عريس جاى يتقدملى يوم التلات
فخلاص ....مش هينفع افكر فى موضوع الشيخ
محمد ده تانى ولا حتى اتكلم فيه🤨
عبير باستغراب : ااااه... المهندس ده اللى تبع جوز خالتك....مش كده
جنه : اه هو ....وبيشكروا فيه جدا كمان
عبير: طب وهو الشيخ محمد لحق اوام يشوف عروسه تانيه
بس ايه ده.....وانتى عرفتى منين 🤔
جنه: علشان انا اللى رشحت العروسه للاخت ام انس
و تقول لزوجها عليها......وزوجها يقوله قبل ما يسافر
عبير باستغراب: اييييه......انتى😳
طب وتطلع مين الاخت دى ...اعرفها
جنه: تعرفيها جدااااااا
عبير: جداااا كمان🤔 طب هى معنا فى المسجد
جنه: دى هى أساس المسجد يا بنتى😊
عبير بفرحه: قصدك ليلى 😁
جنه: هى ليلى ....ايه رأيك بقا فى المفاجأة الحلوه دى
عبير : طبعا مفاجأة جميله☺️
دى ليلى تستاهل كل خير ولله وفعلاااا
هى اكتر وحده تستهلوا بجد😊
وأخدت بالها إنها غلطت....قصدى يعنى
انتو الاتنين تستاهلوا كل خير...😒
جنه بحزن: انتى معاكى حق يا عبير ...ليلى فعلا تستاهل كل خير......بس فى مشكله وكبيره كمان
عبير: مشكلة ايه ..ربنا يستر
جنه: هقولها ازاى يا فالحه دلوقتى إنه هيجى يعمل رؤيا شرعيه
وام انس عاوزة الرد انهارده ضروري علشان
يروحوا يشوفوها قبل ما يسافروا ....مش عارفه اعمل ايه
عبير بحيره: دى فعلا مشكله ...وسكتت شويه وفكرت 🤔
ولا مشكله ولا حاجه ....انا عندى فكره😁
جنه: بجد....طب ايه هى.... قولى بسرعه
عبير : اقول ببلاش كده 🤨ادفعى الاول يا حلوة
جنه:ماااشى يا ستي .....صل الله عليه وسلم 😊
عبير: ايوه كده....ماهى الأفكار دى مش ببلاش😄بصى بقا يا ستى ..... إحنا نقولهاااا
**************************
تليفون البيت رن وردت ام عبير
ام عبير:الوو
ليلى : السلام عليكم ورحمة الله وبركاته
ازي حضرتك يا طنط
ام عبير: وعليكم السلام......مين
ليلى : انا ليلى صاحبة عبير
ام عبير: ااه ......ازيك يا ليلى يا حبيبتى عامله ايه😁
ليلى : الحمد لله يا طنط....ازاى حضرتك 😊
ام عبير: الحمد لله يا بنتى بخير.....ها طمنينى مفيش عريس كده ولا كده جاى فى السكه😉
ليلى بإحراج: لاء ولله يا طنط.....دعواتك😔
ام عبير: يختى ما تشيلوا البرقع اللى على وشكوا ده وانتو يجيلكوا العرسان😏ربنا مقالش كده
بس انتى وبنتى مخكوا ناشف 😠
ليلى بأدب فى الحوار : ولله يا طنط عمر ما كان النصيب متعلق بتغطيه الوش بالنقاب او من غيره
فى بنات كتير اوى متبرچات ولسه متجوزوش
لحد دلوقتي
أم عبير: ايه موبرجات دى🤔
ليلى ابتسمت....متبرچات يا طنط...يعنى
بيحطوا مكياج وبيخرجوا بشعرهم ولبسهم مكشوف وضيق
ام عبير: يختى ...ده انتو عليكوا كلام😏
ما احنا زمان واحنا صغيرين كنا بنلبس القصير والضيق وكنا بشعرنا عادى
ولا كنا بنسمع كلمة حرام وحلال😏
ده انا لبست الطرحه على راسى لما ابراهيم اخو عبير الصغير دخل الاعداديه
انتو بصراحه محبكينها اوى يا ليلى انتى وبنتى
ليلى علشان عارفه انها مهما اتكلمت مع ام عبير مش هتغير رأيها.......فغيرت الموضوع
ليلى: على العموم ربنا يهدينا يا طنط....هى عبير فين
بتصل بيها تليفونها بيدينى مشغول على طول
هو باظ ولا ايه
ام عبير بخبث: اه...هو بايظ فعلا
وعبير نايمه تعبانه من امبارح يا عين امها
ليلى : الف سلامه عليها يا طنط شفاها الله وعافها.......خير مالها
ام عبير: لوحدها كده بطنها وجعتها اوى وقالتلى هدخل ارتاح شويه يا ماما
ليلى : الف سلامه عليها....طب إبقى بلغيها إنى
اتصلت بيها علشان مش هقدر اعدى عليها
ونروح المقرأه سوا ...لانى هروح السوق لامى الاول اشتريلها شوية طلبات
فلو سمحتى قوللها تروح على المسجد على طول
ام عبير: احسن بردوا....قصدى يعنى حاضر هقولها
ليلى: شكرا يا طنط.....اااه صحيح.....طمنينى
العريس اتصل ولا لسه😊
ام عبير بخبث: عريس...عريس ايه😒
يختى دى ستات فاضيه بتضحك عليكو
وانتو ما بتصدقوا اى حد يقولكم حاجه😏
هو فى عرسان دلوقتى بتتجوز.....بلا خيبه
ليلى زعلت على عبير لانها كانت فرحانه بالعريس
على العموم لعله خير ...ةبإذن الله ربنا يرزقها باللى أحسن منه
السلام عليكم ورحمة الله وبركاته يا طنط
وخرجت عبير فجاءه من اوضتها
وشاورت امها على بوئها انها تسكت ومتتكلمش
ام عبير : وعليكم السلام يا حبيبتى....مع السلامه
عبير بإستغراب : فى ايه.....انتى كنتى بتكلمى مين
ام عبير: دى صحبتك.....البت السوده دى اللى اسمهااااا🤔
عبير: مين السوده دى......معرفش حد اسود
ام عبير:البت اللى متجوزتش لسه دى يا بت
عبير : ليلى😠
ام عبير : ايوووووه ...هى ليلى دى
عبير بزعل: طب استغفرى الله الاول
وبعد كده من فضلك متقوليش عليها كده تانى😠
طب ياريتنى زيها فى الإلتزام او حتى نصها
ام عبير: يختى على ايه ....ده انتى احلى منها الف مره😏
قال زيها قال.......بعد الشر
عبير بخنقه:.طب هى كانت بتتصل على التليفون الارضى ليه ومكلمتنيش على تليفونى
ام عبير: كلمتك يختى ولقيتك مشغوله
عبير: طب مقالتش كانت عاوزه ايه
ام عبير: كانت عاوزه تقولك انها هتستناكى فى الجامع ومش هتعرف تعدى عليكى عشان رايحه السوق لامها
شايفه البنات .....مش انتى😠
عبير🙄..... انا هدخل اكلمها احسن قبل ما تفتحى موشح كل يوم
ام عبير: لاء استنى مش دلوقتي...اصل انا قولتلها انك نايمه
عبير: وليه بس بتكدبى يا ماما 😠
وضربت كف على كف ...... استغفر الله العظيم
ام عبير: اهو قولت كده وخلاص......وسألتنى كمان
على العريس اتصل ولا لسه ..قولتلها مفيش عريس اتصل ولا حاجه
عبير بنرفزه: وليه بس مقولتلهاش انه اتصل وحدد ميعاد وجاى ...هيحصل ايه يعنى😠
ام عبير: يا خايبه تبصلك بصه وحشه والجوازه تقف من قبل ما يجى
انتى ناسيه انك اصغر منها واحلى منها
دارى على شمعتك تقيد يا عبيطه🤨
عبير بصيت لامها بغيظ 😡
استغفر الله العظيم يا رب.....ربنا يسامحك يا ماما
على فكره بقا....حركاتك دى هى اللى هتبوظ الجوازه ...😠ودخلت اوضتها وقفلت الباب عليها
ام عبير: بقا انابردوا يا عبير اللى هبوظ الجوازه
مااااااشى....لما يجينى ابوكى هقوله على قلة ادابك🤨
ام اقوم اشوف هعمل ايه للعريس اللى جاى انهارده ده
يارب يحصل نصيب واشوفك عروسه يا عبير
يا بنت بطنى يا ام لسان طويل😠
****************************
اتقبلوا البنات التلاته فى المسجد ....وخلصوا المقرأه......وقعدوا مع بعض كالعاده
ليلى : اما اقوم اصلى سنة الظهر علشان مكسلش
عبير:ماشى ....بس بسرعه الله يباركلك
ومشيت ليلى بعيد عنهم....تصلى
جنه: ها..... اقولها امتى
عبير :ملكيش دعوه انتى... أنا اللى هفتح الموضوع معها
شوفتى امى عملت ايه مع ليلى ..... وحكيت ليها تصرف امها مع ليلى
جنه بزعل: طب ليه بس طنط تعمل كده....طب والله زعلت 😔
عبير: مش اكتر منى والله😔
ومش عارفه اقولها ازاى ان العريس جاى انهارده
جنه: لاء خلاص بقا متقوليش حاجه
علشان مطلعيش مامتك كدابه قدامها
احنا هنرتبها سوا بعد كده
جنه: تعرفى ليلى دى ساعات بحس انها نعمه كبيره ربنا اكرمنا بوجودها فى حياتنا....وحياتى انا بالذات
عبير: فعلا .....تصدقى بالله
جنه: لا اله الا الله
عبير: ساعات بقول لنفسى هى ليلى دى انسانه زينا كده ولا ملاك فى صورة انسان
جنه: نفسى اكون سبب فى فرحتها ....ويتم موضوع الشيخ محمد ده على خير وااااا
عبير قاطعتها : طب اسكتى بقا لحسن جايه
ليلى قعدت جنبهم
ايه يا بنات ...مش هتقوموا تصلوا ولا ايه
قوموا يلا وبطلوا كسل
جنه: لما اروح البيت هصليها هناك
عبير : ولله ساعات بكسل عنها يا ليلى معرفش ليه
ليلى: لا حول ولا قوة الا بالله....لاء يا بيرو
يا حبيبتى
دى سنن حبيبنا المصطفى لازم نحافظ عليها
استنوا هعلمكم حديث يخليكوا تواظبوا على السنن والرواتب بإذن الله ☺️
قال رسول الله صل الله عليه وسلم
من واظب على ترك السنن المؤكده عوتب من رسول الله يوم القيامه عتابا يسقط لحم وجه...صدق رسول الله صل الله عليه وسلم
عبير وجنه: صل الله عليه وسلم🥺🥺
جنه: لاء وعلى ايه.....اما اقوم اصليها يختى
عبير: خدينى جنبك يا اوختى ....توبت اليك يارب😄
ليلى: ربنا يبارك فيكم ويتقبل منا ومنكم صالح الاعمال😊
****************************
ام عزت: يااااا عزت.....انت يا واااااد
اصحى يلا العصر قرب يئدن......يا عززززززت
يختى هو الواد ده اتطرش ولا ايه
ودخلت الاوضه تصحيه
قوم يا وااااااد...يا واد قووووم تعبت قلبى
عزت: ايه يامه ...حد يصحى حد كده بردوا😠
ام عزت: اومال اصحيك ازاى يا حيلة امك
بمزيكة حسب الله😏
عزت قام قعد على السرير.....نعم... فى ايه
عاوزه ايه منى على الصبح.... سبينى انام شويه
حرام عليكى 😩
ام عزت: صبح.....صبح ايه يا ابو صبح
العصر خلاص على ادان.....قوم هاتلى ربع كيلو
عدس اصفر ...وربع كيلو جزر وكيس ملح
ولا اقولك بلاش ملح....هشحت حبه من ام جنه
دى بتدينى نص الكيس....كريمه اوى الصراحه😁
عزت: طب ما تسأليها بالمره على العدس والجزر وسبينى انام ابوس كعب رجلك😩
ام عزت: لا يا واد عيب..... لازم الانسان يكون حسيس
انا هسألها على الملح وعلى بصلتين وراس توم....بس كده حلو اوى
عزت: طول عمرك قنوعه اوى يامه الصراحه ونفسك عزيزه 😒
ام عزت: طووووول عمرى الحمد لله 😒
عزت:طب هو لازم عدس انهارده....ما تعملى سمك😩
ام عزت: لا مينفعش ....لسه هستلف رز كمان
لاء يا واد عيب😒
اقولك ...خليها يوم تانى احسن
ويلا قوم بقا واغسل رجلك دى اللى قالبه ريحة الشقه 😤
عزت قعد يشم فى رجله......اه صحيح
ده ايه الأرف ده
ما انا متشطف امبارح قبل ما انام ...لحقت تطلع الريحه دى🤨
وقام ودخل الحمام يغسل رجله ووشه
ولمح امه قاعده فى الصاله وحاطه قدامها طبق فسيخ وبصل...........قرب منها وقعد ضحك🤣
عزت:بقا رجلى هى بردوا اللى قالبه ريحة الشقه
الله يسامحك ....شككتينى فى رجلى😄
ام عزت: ايه يا واد...نفسى راحت للفسيخ
بعت لام نجلاء مرات خليل الفسخانى على حته
الوليه كتر خيرها بعتتلى فسيخه بحالها😁
بس عارف..... بخيله اوى الوليه دى😠
مهانش عليها تبعت معها رنجايه ولا حتة سردين
عزت: تعرفى يامه.....لو خدتك وعزلنا من الحته هنا....ولله العظيم اهل الحته هتبعتلى جواب شكر
ومش بعيد ينزلوا صورتى فى الجرنال يشكرونى إنى رحمتهم منك🤨
ام عزت: ينيلك يا واد با عزت🤣طالع شربات زى امك🤣
عزت: الا صحيح....اخبار جنه ايه ...مفيش اخبار جديده عن عريس الغفلة الجديد😒
ام عزت وهى بتاكل ....اه فيه
عزت بفرحه: خييييير 😁
ام عزت ماسكه حته الفسيخ فى ايديها وبتشد فى لحمها......وبصيتله وضحكت😃
العريس الجديد جاى يشوفها بعد بكره
وجالها زغوطه....قوم يا واد هاتلى ميه بسرعه
همووووت🙄
عزت بغيظ من امه......طب وربنا ما أنا جايب😩
بقا انتى ام انتى ...الله يسامحك يا شيخه
طب يارب السمكه تصحى وانتى بتكليها وتعضك 😩
ام عزت: بصيت للفسيخه بخوف.....يالهوى
هى ممكن تصحى يا واد😳
عزت:وهتعضك من بؤئك كمان 😠عشان تعرفى تجبيلى اخبار حلوه بعد كده ......قفلتينى على الصبح الله يسامحك😠
ام عزت بتشد فى جلد الفسيخه...اااى....سنانى😠
إبقى فكرنى يا واد اركب طقم سنان عشان اعرف اشد براحتى
عزت🙄
*******************************
ابتسام: ايه ده يا ماما....معندكوش شويه ميه ساقعه فى التلاجه ولا ايه 😠
الام: يختى اخواتك مفضين الازايز على طول
ابتسام: طب ابعتى هاتيلى حاجه ساقعه لحسن عطشانه اوى
الام: عنيه يا حبيبتى......واد يا طاطا
تعالى هات ازازه حاجه ساقعه لاختك من عم ابراهيم
ابتسام: برتقان يا طاطا.... وتكون ساقعه
طاطا : حاضر ....وهجيبلى انا كمان يا ماما
الام: هات لاختك الاول ..وهى هتبقى تسيبلك حبه😁
ابتسام: يالهوى عليا........الحمد لله انى اتجوزت وغورت من هنا 😠
ده صلاح بصراحه مش مخلينى عاوزة حاجه
الام: صلاح ابن حلال طول عمره.....بس لسانك ده اللى هيوديكى فى داهيه معاه...لمي لسانك شويه يا ابتسام مع الراجل🤨
ابتسام: يوووو ...هو انا بعمل معاه ايه يعنى😠
ما عمايل امه واخته يحرقوا الدم...وعلى طول عامل فيها المحامى بتاعهم😠
الام: انتى متجبيش سيرتهم خالص قدامه بعد كده....انتى مالك بيهم يا خايبه
ابتسام: خلاص بقا يامه اقفلى على السيره دى.....لحسن سيرتهم بتنرفزنى😡
الام: خلاص سكت اهو🤭....بقولك ايه.....اجيبلك تاكلى
ابتسام: ياريت ..لحسن حاسه انى جعانه اوى ونفسى هبطانه من الصبح
ولولا عيادة الدكتوره جنبك مكونتش جيت
هو انتى عامله اكل ايه
الام: عامله فضلت خيرك شوية بتنجان بالخل والتوم إنما اييبيه....عسل
وعملت كمان شويه مسقعه يستهلوا بؤئك😁
ابتسام بنرفزه: حرام عليكى ...هو انا ناقصه حرقة معده
ما كفايه الحمو اللى فيا مخلى معدتى نار😠
الام : انتى فطرتى طيب ولا هتشربى الحاجه الساقعه على معده فاضيه
ابتسام: غيرت ريقى بس....حمرتلى خمس بيضات
بالزبده والبسطرمه ..وجنبهم جبنه رومى
ولانشون وفينو وكوبيه اللبن ....وقولت اجى اكمل عندكوا
الام: الف هنا ....طب كنتى جبتيلى معاكى شندوتش بيض بالبسطرمه يا بخيله..ده انا نفسى فيها😁
ابتسام: بصيت لأمها بغيظ وسكتت😡
وبصت من الشباك
واااااد يا طاطا......هات معاك باكو بسكوت
ولا اقولك ....خليهم اتنين
وبصيت لامها.....اصلى عاوزة اخد الدوا
هبطانه اوى يامه😒
الام :وماله يختى ....الف هنا😏
******************************
ليلى: زعلتينى يا جنه......طب معرفتيش سبب رفضه ايه
جنه: اكيد علشان شاف إنى مش الاخت الملتزمه
اللى بيتمناها ......على العموم انا مش زعلانه
قدر الله وما شاء فعل
ليلى : طب ولله انتى اخت احسبك على خير ولا ازكيكى ع الله😔
عبير: طب ايه رايك يا لولو.... نرشحك انتى ليه
ليلى بحده فى كلامها...انتى بتقولى ايه يا عبير
مينفعش طبعا...يبقى رفض اختى وحبيبتي ف الله
واخدها انا فرصه علشان يتقدم ليا...لاااااء طبعا 😠
جنه: وليه لاء بس يا لولو ....ولله ما هزعل
هو عاوز وحده بقدر التزامك انتى
ليلى: لاء طبعا مينفعش
جنه بصت لعبير بخيبة امل😒
عبير : قوليلى يا جنه بصراحه..... انتى هتزعلى
لو حصل نصيب والاخ اختار ليلى
جنه: ابدا ولله...دى ليلى دى حبيبتى وافرحلها زيي بالظبط 😊
ولا انتى يا ليلى رجعتى فى كلامك اللى قولتيه قبل كده وهترفضيه لإنه كفيف واااا
ليلى قاطعتها: اتقى الله يا جنه.... بالعكس
ده شئ ميعيبوش ابدا......الاخ نحسبه على خير
من كلامك عليه
ويكفى انه يوم القيامه هيبصر على وجه الرحمن عز وجل بسبب فقدان البصر
جنه بحزن : ما شاء الله😔
طب بالله عليكى يا ليلي قولى هتشوفيه
اقسمت عليكى بالله لتوافقى بقا يا شيخه
عبير : هو انتى لسه هتتحايلى عليها....بقولك ايه
هاتى التليفون
ليلى: هتعملى ايه يا مجنونه
عبير : هتشوفى....وأخدت من جنه التليفون
ودورت على رقم ام انس وطلعته واتصلت
خدى يا جنه بسرعه ردى.....أخدت جنه منها التليفون وقامت بعيد عنهم
ليلى: هى جنه هتكلم مين🤔
عبير : اصبرى بس وبعدين هتفهمى😁
قربت جنه عليهم وهى بتضحك.....خلاص يا عروسه😁الاخ جاى يوم التلات الساعه ٦
عبير: بصوت واطى...لولولوى مبروك يا عروسه😁
ليلى بصدمه وزعل:ايييييه...مين ده اللى جاى😳
جنه: الشيخ محمد 😁
ليلى بزعل: ايه اللى انتو عملتوا ده بس😔اوعوا بقا انا ماشيه
عبير وجنه مسكوها
جنه: اقعدى هنا رايحه فين.....هو احنا عملنا ايه بس زعلك منا كده.....الاخ ورفضنى علشان عاوز
اخت احسن منى ف الالتزام ..ومزعلتش لان ده من حقه......وانا بعد كده رشحتك له....يبقى فى ايه بقا زعلك كده
عبير: اذكرى الله كده يا لولو واقعدى ...احنا ولله بنحبك وعاوزين نفرح بيكى
ليلى وهى بتقعد: لا اله الا الله......وغصب عنها عيطت😥
يعنى هو انا اللى مش عاوزة افرح بنفسى
بس مينفعش يبقى جاى لاختى وحبيبتى فى الله
وميحصلش نصيب
وبعد كده انا اخده ليا......لااااااء طبعا مينفعش😥
جنه:طب اقسملك بالله يا ليلى أنا مش زعلانه
بس هزعل بجد لو حد غيرك اتجوزه.... لانك
والله العظيم تستاهلوا بعض
وبإذن الله الموضوع يتم على خير ...بس إبقى ادعيلى 😁
ليلى 😔
جنه: طب على علشان اثبتلك إنى مش زعلانه
انا كمان فى عريس جاى يوم التلات يشوفنى
يعنى وراكى وراكى 😁
ليلى ابتسمت وبدأت تهدى شويه.....بجد😊
ربنا يقدرلك الخير المرادى يا حبيبتى
طب هو اااا😔 الشيخ محمد جاى امتى...ومين اللى هيجى معاه
جنه: جاى يا ستى يوم التلات الساعه ٦....واكيد طبعا امه واخوه هيجوا معاه
وعلى فكره....انا اللى حددت اليوم والوقت علشان نبقى انا وانتى فى وقت واحد عندنا عرسان 😃
ليلى:كمااااان😃وفجاءه حسيت بالخوف
عبير : مالك يا ليلى ....وشك اتغير فجاءه ليه
ليلى : اصل اكيد والدته هتقارن بينى وبين جنه😔
لاااء بلاش يا ستى ....انا مش ناقصه كلام يوجع
من حد
جنه: لاء ولله ابدا.... دى ست طيبه جدا
وبعدين لو قارنت زى ما انتى بتقولى كده.. يبقى انتى الكسبانه يختى ...وبطلى تواضع بقا😃
ليلى بصيت لجنه وضحكت بترقيه: تواضع...الله يكرم اصلك😏
عبير: ها ...نقول مبروك بقااا ولا ايه😁
ليلى: هعمل استخاره الأول وأشوف...و بصيت لعبير وصعبت عليها
عقبالك يا بيرو... بإذن الله تفرحى قريب اوى انتى كمان
جنه بدون تفكير... عقبالها ايه بس يا لولو
ماهى عروسه هى كمان زينا 😀
مش العريس بتاع المسجد اتصل بيهم
وجايلها انهارده بالليل علشان يشوفها.....شكلها هتسبقنا السوسه😀
عبير تنحت وبصيت لجنه😳
جنه افتكرت..... وعرفت انها عكت الدنيا🙄
ليلى فهمت نظرات عنيهم وزعلت ....بس
حاولت تدارى مشاعرها
ليلى: بجد....مبروك يا بيرو يا حبيبتى ربنا يجعله
الزوج الصالح اللى يعينك على طاعته😊
عبير بإحراج: واياكى حبيبتي 😔
طب أنا همشى بقا علشان لسه هشترى طلبات لماما
جنه : ماشى ...وابقى طمنينا بقا... هستنى منك تليفون
عبير: ان شاء الله.....السلام عليكم 😔
ليلى وجنه ...وعليكم السلام ورحمه الله وبركاته
جنه: بصى يا ليلى...ولله عبير ما كانت تعرف إنه جاى وااااا
قاطعتها ليلى..خلاص يا جنه انا فهمت من غير ما تقولى.....وعلى فكره انا مش زعلانه.....ومامتها عندها حق
جنه: لاء طبعا ......طنط غلطانه🤨
ليلى: طب اسكتى علشان مندخلش فى غيبه ونميمه
وتعالى يلا نقرأ ورد القران اللى علينا عقبال العصر ما يأذن
جنه:ماشى.....يلا
وفتحوا مصاحفهم.......📖📖
********************************
فى بيت ليلى....
ليلى : السلام عليكم ورحمه الله وبركاته
ام ليلى: وعليكم السلام ...ايه يا ليلى
اتأخرتى اوى كده ليه يا بنتى
ليلى : اصلى قعدت انا وجنه نقرأ قران لحد العصر
ما أذن ...وصلينا وجيت ع طول
ام ليلى:طب اغرفلك تاكلى
ليلى: ياريت يا ماما لحسن هموت من الجوع
علشان عندى خبر حلو هيفرحك😁
ام ليلى: لاء بقى... الاكل يستنى ...قولى وفرحى قلبى باللى نفسه اسمعه😀
ليلى: ماشى😀
بإذن الله فى اخ جاى بعد بكره يتعرف علينا
ام ليلى بفرحه ...بجد يا ليلى 😁
الف مبروك يا حبيبتى يارب يتمم على خير
ومواصفاته ايه بقا العريس ده
ليلى: احسبه على خير جدا يا ماما😊
ام ليلى: يعنى ايه تحسبيه ....مش فاهمه🤔
ليلى: يعنى يا امى ماشاء الله اخ ملتزم وخاتم للقرآن وإمام مسجد و داعيه😁
قاطعته امها: وانا مالى بكل ده .....المهم عندى غنى ومعاه فلوس ولا لاء
عنده شقه ولا لاء ....وبيشتغل ايه....هو ده اللى يهمنى😏
ليلى: هو اللى اعرفه يا امى إنه ما شاء الله
كويس ماديا ...بس انا اللى يهمنى الدين مش الدنيا
ام ليلى : وعرفتيه منين ....ومين جبهولك🤔
ليلى: كان اتقدم لجنه صحبتى ...وللاسف
بعد ما اتكلم معاها فى الفقه والحديث
حس إن التزامها ضعيف فرفضها
بس بصراحه هو غلطان
فيها ايه يعنى لو هو اللى علمها الفقه والحديث وحفظها القران....انا زعلانه اوى علشانها 😔
ام ليلى : وزعلانه ليه بس ...ما كل شئ قسمه ونصيب يا بنتى
ليلى: اصلها كانت متردده من الأول انها توافق عليه ولا ترفضه
ولما اتكلمت معها واقنعتها بيه... إقتنعت وقالتلى خلاص هتوافق.......يقوم هو اللى يرفضها بعد كده😔
ام ليلى: يا ستى واحنا ومالنا ....ده نصيب
ليلى: على رأيك.....نصيب
ام ليلى: بس هى كانت متردده ليه ...ما دام بتقولى انه كويس فى الدين ومعاه فلوس ومبسوط
ليلى : اصل ربنا ابتلاه بنعمه كبيره اوى 😊
الام: يا ما شاء الله ....و نعمة ايه دى يختى😁
ليلى : فقد البصر 😊
ام ليلى اتصدمت و خبطت على صدرها بإيدها ايييييييه ........ اعمى😳
لاااااااااااء.......الجوازه دى لايومكن تتم ابداااااااااا
ليلى بصدمه😲
****************************
ونكمل بكره بإذن الله ومستنيه رايكم في حلقة انهارده واتمنى تكون نالت إعجابكم🥰
توقعاتكم يا حلووووووين😁
وقبل نهاية الكلام
اذكروا الله الرحمن ☝🏼 وصلوا ع حبيبه خير الانام 🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*