الفصل 4
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"4"))♡゙//*
السلام عليكم اخواتى واحبتى 😍 موعدنا مع قصتنا اليوميه ❤ ويالااا نصلى ع الرسول وندخل على قصتنا ع طووول💗💗
#جنه_الدنيا_جيهان_سلامه
#محبه_الرحمن
اللهم تقواك وجنتك ورضاك🤲
(الحلقه الرابعه)
فى بيت العم
الكل مجتمع على سفرة الغدا....
الشيخ محمد وامه واخوه وعمه ومرات عمه
مرات العم: كده بردوا يا ام محمد..بقا كنتى عاوزة تسافروا من بره بره
والله ده انا كنت ازعل منك العمر كله
وعمهم كمان كان هيزعل اوى
ربنا يباركلك يا شيخ محمد ...اكيد انت اللى
قولتلها نروح عند عمى نطمن عليهم
الشيخ محمد: هى امى بس يا مرات عمى كانت محروجه لانها مستئذنتش حضرتك وقالتلك إننا هنيجى نزوركم😊
مرات العم: تستئذن ده ايه.....ده بيتها وتيجى وقت ما هى عاوزه.....ولا ايه يا ابو سمير
العم: ايوه طبعا بيتهم
ام محمد:تسلمى يا حبيبتى....بس يعلم ربنا انا اتصلت بيكى كتير اوى علشان اقولك إننا جاين تليفونك كان مقفول على طول
الشيخ محمد: وانا اتصلت بحضرتك يا عمى كتير
وكان مقفول بردوا
وكنا قلقانين عليكم جدا ...وكنت ناوى اخد محمود وانزل القاهره علشان اطمن عليكم
وسبحان الله جه موضوع العروسه وجينا كلنا
والحمد لله إنكم طلعتوا بخير😊
العم: منه لله ابن الحراميه اللى سرقنا😠
ام محمد: إتسرقتوا........إتسرقتوا ازااااى 😳
العم: نزلنا السوق نشترى شوية طلبات للبيت
وأم سمير يا ستى شالت تليفونها معايا
خافت ليتسرق منها...راح اتسرق هو وتليفونى
والمحفظه .......منه لله بقااا
الام: حسبى الله ونعم الوكيل.....ربنا ياخده😠
الشيخ محمد: ليه بس كده يا امى...متدعيش على حد كده
ام محمد: يعنى عاوزينى أدعيله وهو سارقهم 😠
الشيخ محمد: ايوه يا امى.....الأفضل إنك تدعيله بالهدايه وربنا يتوب عليه
وممكن تكون ساعة اجابه وربنا يستجيب الدعاء
و يهديه وتاخدى الاجر....لكن هنستفيد ايه لما
ندعى عليه
معلش يا عمى سامحه لوجه الله ...الله اعلم هو عمل كده ليه
مرات العم: لااااء يا شيخ محمد ...لا يومكن نسامحه ابداااا😠
ده انا وعمك عقبال ما وصلنا البيت كنا اتكسحنا من المشى ......ومكانش معنا فلوس نركب
والسوق كان بعيد ورجلى ورمت بقيت اد كده
تقولى اسامحه بردوا.....😠
الشيخ محمد: المهم انكم بخير ولله الحمد
ونسامح لوجه الله ولعله خير
طب مش ربنا اكركم بتليفونات احسن من
اللى اتسرقوا😊
مرات العم:. بصراحه اه....سمير ابنى ربنا يكرمه
بعت لينا من قطر اتنين حلوين اوى 😁
الشيخ محمد: شوفتوا بقا....ربنا دايما بيعوض بالاحسن ازاااى😊بس احنا نصبر
والاهم من الصبر اننا نرضى بقضاء الله وقدره 😊
محمود صحى من النوم وخارج من الاوضه السلام عليكم🥱
الجميع: وعليكم السلام
الام: كل ده نوم يا محمود ...أهى راحت عليك صلاه الجمعه
مرات العم: يختى سبيه براحته.....تلاقيه تعبان من السفر
محمود بزعل : طب ليه بس مصحيتنيش يا شيخ على ميعاد الصلاه😔
الشيخ محمد: صحيتك... بس انت مكونتش دريان بنفسك
بس بإذن الله رفع عنك الحرج مادام كنت نايم😊
قوم يالا اتوضى وصلى
مرات العم : كبرت يا حوده وبقيت عريس ما شاء الله😁
العم: اظن انك فى ثانويه عامه السنادى مش كده 😁
محمود: ايوه يا عمى 😊
العم : ونفسك تطلع ايه بقا😁
محمود : حلم امى واخويا ..دكتور بإذن الله😊
مرات العم: يارب يا حبيبى ينجحك ويحققلك اللى انت نفسك فيه كله🤲🏼
ام محمد: امين يارب 🤲🏼
العم: الله....اومال فين الغدا يا حاجه
الناس زمانها جاعت
مرات العم : جاهز يا خويا من بدرى ...يدوب
اسخنه بس عشان زمانه برد
الام : انا هقوم معاكى اساعدك
مرات العم :لاء يا حبييتى ..خليكى انتى مرتاحه
ام محمد: تعالى بس يالا...واهو نرغى شويه
عقبال ما الاكل يسخن ..ده انتى وحشانى😁
ودخلوا المطبخ يحضروا الغدا
مرات العم: يعنى البت حلوه واهلها ناس كويسين
الام: ناس زى الفل ما شاء الله ...والبت زى القمر وطيبه وهاديه كده ومتسمعلهاش صوت
مرات العم:: ما شاء الله ....والبت وافقت ولا لسه هيردوا عليكوا
الام: هى قالت هتعمل استخاره ويردوا علينا
بس اللى انا شايفاه... محمد ارتاح ليها وليهم اوى وقالى ربنا يسهل
بس هو بردوا مش متعشم اوى 😔 عشان يا
حبة عينى خايف يترفض زى كل مره
مرات العم: ومتوافقش ليه ....ده الشيخ محمد يعجب الباشا
طب والله العظيم لو كان عندى بنت مش متجوزه مكونتش سيبته يناسب حد غريب ابدااا
الام: يختى احنا كنا نطول😁
مرات العم: تسلمى يا حبيبتى انتو الاحسن
طب وهترد عليكو امتى بقا
الأم:ادينا مستنين .. و عشان كده
هنبات انهارده كمان عندكوا يمكن ربنا
يسهل الحال
ويردوا انهارده.......بكره......ياعالم
أصلى مبقيتش اد بهدلة السفر
وانا فهمت امها اننا هنقعد عندكوا يومين نستنى الرد
ولو مردوش هنفهم انها رفضت .....وخلاص بقا
مفيش نصيب😔
وبعدها نتكل على الله ونمشى بكره بعد العصر بإذن الله
مرات العم: تمشوااااا.........تمشوا ده ايه
ولله ما يحصل ابداااا......هو احنا لسه شبعنا منكوا
طب ولله مليتوا علينا البيت .....وزى ما انتى
شايفه كده انا وابو سمير قاعدين لوحدنا
بعد ما سمير اتجوز وسافر وعاش فى قطر
وبينزل كل فين وفين.....وسلمى هى كمان اتجوزت وسافرت البحرين مع جوزها اصله مدرس هناك
وبتنزل كل سنه اسبوعين بس.....ويسافروا تانى
وطول السنه بنفضل كده لحد الاجازه التانيه
الام : ربنا يباركلك فيهم ويحفظهم فى غربتهم
مرات العم: امين يارب 🤲🏼
صوت العم من بره.....الاكل يا حاااااااجه
مرات العم: حاااالا اهووووو ...
*****************************
صلاح: يعنى رفضت ولا بتفكر ولا محتاره ولا ايه
هاله: لسه يا بنى معرفش ...انا سيباها براحتها خاااالص
بس لو وافقت هقف قدامها طبعا
صلاح: ليه بس يا ام صلاح...... ولله ده شاب ما
شاء الله عليه .. مريح كده وابن حلال ..وامه ست طيبه واخوه غلبان
هاله: يابنى مقولتش حاجه..بس بردوا مينفعش
ده أعمى
استغفر الله العظيم .....سامحنى يا رب 😔
بس انا زى اى أم عاوزه افرح بالبت اللى حيلتى
صلاح: لا حول ولا قوة الا بالله.....دى حكمة ربنا
يا ام صلاح ومحدش ضامن نفسه
هاله: بقولك ايه ملكش دعوه انت...المهم انا
بكلمك دلوقتى عشان خالتك كلمتنى وقالتلى
العريس اللى تبع جوزها جاى يوم التلات الساعه ٦....فضى نفسك بقا وتعالى قابله
صلاح: طب مش لما تشوفوا هتعملوا ايه مع ده الأول
هاله: خلاص... جوز خالتك اتفق معاه
يعنى الراجل يطلع عيل فى كلامه بسببنا قدامه ولا ايه🤨
صلاح: حاضر ....ربنا يسهل
خدى ابتسام عاوزة تسلم عليكى
ابتسام: شاورتله بإيديها انها مطلبتش تكلمها 😠
صلاح: برقع ليها بعينه😠وخافت وأخدت السماعه
ابتسام:.ازيك يا طنط😏
هاله : اهلا يا حبيبتى وحشانى يا بسومه
وحبيب تيته الصغنن عامل ايه😁
ابتسام بزعل: اااه.... حبيب تيته اللى جوعتوا هو وامه امبارح😠مش كداااا
ده انا كنت اااا..... صلاح شد منها التليفون بسرعه
صلاج: طب ماشى يا ام صلاح ... على معادنا بقا بإذن الله.......لو عوزتى حاجه انتى وجنه إبقى كلمينى
ابتسام : 😏
هاله بزعل: طب ولله يابنى كنت محضراهم وانت اللى نسيتهم....إدينى بس افهمها لحسن تكون زعلت
صلاح: كبرى دماغك يا ام صلاح ...ابقى سلميلى على جنه...سلامو عليكو
صلاح بغيظ....هو انتى مش ناويه تلمى لسانك ده شويه بقااا😠
ابتسام: وهو انا قولت ايه يعنى😠
بس قولى هنا الأول........هى المحروسه جايلها عريس تانى ولا ايه
صلاح: بعصبيه...بصى بقا عشان انا اتخانقت وجبت اخرى منك😠
قسما بالله لو مكونتيش حامل كان زمانك فى
بيت اهلك من اول شهر جواز وارتحت منك
ومن لسانك😠
ابتسام افتكرت عيشتها فى بيت اهلها
وقربت منه وكلمته بدلع
روق كده يا حبيبى...ده انا بهزار معاك
هو إنت كده دايما ظالمنى
ايه رأيك....اعملك شاى😁
صلاح بغيظ: هو انا اتغديت عشان اشرب شاى...........فين الغدا
ابتسام: تعبانه يا صلحوتى مش قادره اعمل حاجه
اقولك...... إنزل هاتلنا سمك مشوى 😁
نفسى فيه اوى وانت عارف أنا بتوحم.....ولازم اكل اللى نفسى فيه
ليطلع للواد زعانف فى ودانه ولا حاجه😂
صلاح بغيظ : وحم ايه ده بس اللى يفلس الواحد كده😠
ابتسام: هو انت لسه هترغى ...يلا لحسن حاسه ان الواد قرب ياكل بطنى من الجوع🤨
ومتنساش بدل الجاتو اللى نسيته عند امك امبارح
هاتلى طبق بسبوسه أحلى بيه 😁
صلاح: 😡
ابتسام: ايه..... بتبصلى كده ليه
ده مش عشانى على فكره......ده عشان ابنك
صلاح: صبرنى ياااارب عليها ..وعلى المفجوع اللى شكله هينزل ياكولنا ده 😡
ابتسام: الله اكبر 😠🖐️
********************************
فى بيت ليلى
ليلى لسه بتفتح الباب وداخله .....لقيت ابن اخوها وبنت اختها قدامها👶👶
ليلى:بفرحه : اهلا اهلا عمورى حبيب عمتو😄
وبيبه حبيبة خالتو.....وحضنتهم...وباستهم
وطلعت من شنطتها كيس ...خدوا جبتلكم الحاجات الحلوة دى 😁
العيال: هيييييييييييه..... وخدوها وجريوا🏃🏃
سها: إزيك يا لولو وحشانى...كل ده بتصلى الجمعه......دى المغرب قربت يا بنتى
ليلى : اختى الكبيره عندنا ...يا مرحبا يا مرحباا😄
حضنت اختها وباستها.....وحشانى يا سوسو
اصلى كنت بصلى فى رمسيس مش هنا
المهم... ماما خلصت الاكل ولا لسه
لحسن جعانه اوى
سها :اه يختى من بدرى ... بس فاضل طشه الملوخيه ومستنين حضرتك
ووشوشتها....مرات اخوكى جوه ادخلى سلمى عليها
لحسن تعيط لاخوكى وتقوله اختك جت ومعبرتنيش ...ما انتى عارفاها😏
ليلى: يا شيخه بس بقا إتقى الله ....انا كده كده كنت هدخل اسلم عليها طبعا
ولسه هتدخل المطبخ.... سمعت امها واسماء بيتكلموا عليها
اسماء: يا طنط العمر بيجرى وليلى كبرت
انا مستعده اشوفلها عريس ...بس هى عاوزه واحد على مزاجها
وبصراحه بقااا.....المفروض تقبل بإى حد وخلاص عشان تفلت بجلدها من كلمة عانس دى
ام ليلى:جرى ايه يا اسماء.....ماتخلى بالك من كلامك 😠
اسماء: متزعليش منى يا طنط..بس انا خايفه عليها
ده انا واختها اصغر منها وعندنا بيت وعيال
ام ليلى:بزعل... على العموم كتر خيرك ..بس اعمل ايه
ياما نصحتها توافق على اى حد كويس وخلاص
تقولى لاء
انا عاوزه اتجوز واحد يكون ملتزم ويتقى الله وياخد بإيدى للجنه ...فى الاخر تعبت منها وقولتلها بصى
هتفضلى تقولى لاء كده كتير لحد متلاقيش
عريس واحد يخبط على بابك.... واهو على يدك محدش بقى يتقدم خالص من زماااان
اسماء: طب ايه رأيك. اشوفلها صاحب السوبر ماركت اللى تحت البيت عندى.... كان سألنى على عروسه...بس يارب هى توافق.... اصله كان طالب واحده حلوة وصغيره
ويعنى متأخذنيش يا طنط... ليلى جمالها مش أد كده ..وسمره ... والكل دلوقتى بيطلب الحلوة البيضه
ام ليلى: نصيبها بقا كده ....اصلها طالعه لاهل ابوها
ليلى بتحاول تمسك دموعها بالعافيه...ودخلت عليهم
ازيك يا اسماء 😔...الاكل خلص يا ماما علشان عاوزة انام
اسماء حسيت ان ليلى سمعتها😒ازيك انتى يا لولو....وحشانى
ام ليلى: اسكتى يا لولو....مش مرات اخوكى جيبالك عريس😁
ليلى بترقيه ربعت ايديها على صدرها
ليه.....هو إنتى إشتغلتى خاطبه اليومين دول ولا
ايه.........ومين العريس ده بقا ان شاءالله
اسماء: اسماعيل صاحب السوبر ماركت اللى تحت البيت عندى
راجل كويس اوى... وقريب من سنك كده
عنده حوالى ٤٢..٤٥...فى الحدود دى يعنى
ليلى :بتحاول تدارى زعلها وخنقتها من كلامها
طب كويس...ويا ترى حافظ للقران....وبيحافظ على الصلوات فى المسجد
اسماء: بصراحه معرفش😒
ليلى : يبقى خلاص ....متتعبيش نفسك بعد كده.. ...وانا لما أحب اتجوز
هتجوز لله وبس ...لكن جواز علشان الخلفه
والعيال والهروب من كلمة عانس
يبقى معلش إنسى......انا كده مرتاحه ٢٤ قيراط وشكرا لخدماتك يا سوما🤨
يلا يا ماما انا جوعت اوى ...عاوزه اكل و اريح شويه قبل ما اروح المسجد
ام ليلى: هو انتى هتروحى المسجد تانى ليه
مش لسه جايه
ليلى: فى درس فى المسجد بعد صلاة المغرب وعاوزة احضره.........وسابتهم وخرجت
اسماء : بخوف....تفتكرى سمعتنا🤔
ليلى خرجت من المطبخ و ماسكه دموعها بالعافيه😥
شافت اختها قاعده بتتفرج على التليفزيون
ليلى: هو انتى صليتى العصر يا سهام
سهام: لاء لسه
ليلى: يا بنتى مينفعش تأخرى الصلاه عن معادها قومى يلا صلى العصر واستغفرى ...المغرب قربت
سهام: ما انا هقوم اهو ...بس كنت بغير لحبيبه ونسيت اصلى
ليلى: طب يلا قومى.....ربنا يصلح حالك
ودخلت اوضتها....وقفلت عليها الباب
ورمت نفسها على السرير...و ما صدقت تبقى لوحدها.....وانهارت بالدموع😭
من وجع كلام اليوم كله.. فى المسجد والبيت
ياااااارب....يا عالم بحالى ...وغنى عن سؤالى
إرضينى يا رب.....اجبر بخاطرى يا جابر
المنكسرين 😭
ام ليلى من بره......ياا ليلى.........الغدا جاهز يلاااااا عشان تاكلى
******************************
هاله دخلت على جنه اوضتها .....لاقيتها بتصلى
وقعدت على السرير تستناها
جنه: السلام عليكم ورحمه الله...... السلام عليكم ورحمه الله
هاله: حرما يا جوجو
جنه: الاحسن تقولى تقبل الله يا ماما
هاله : ماشى.....تقبل الله يا حبيبتى
ها قوليلى ........صليتى الاستخاره ولا لسه
جنه بحزن: لاء لسه😔
هاله: ما دام مصلتيش ..يبقى انتى مش موافقه ...صح😁
جنه: لسه مش عارفه يا ماما....متردده وخايفه
هاله: خايفه من ايه بس
جنه: خايفه اقول اه......اندم
وخايفه اقول لاء...اندم اكتر وربنا يغضب عليا
هاله: وربنا يغضب عليكى ليه بس ....ده جواز
يا بنتى
يعنى لازم ترتاحى للشخص ويبقى فيه قبول بينك وبينه
جنه: عارفه يا ماما......بس بصراحه الاخ ما شاء الله....فيه كل الصفات اللى اتمنيتها وزياده كمان
بس لما فكرت واتخيلت نفسى زى ما قولتيلى
انى نفسى زى اى بنت تحب تسمع كلمه حلوة من جوزها على شكلها ...على تسريحة شعرها
او على اى حاجه تفرحها
لقيت نفسى زعلت ومحستش بالفرحه😔
بس اااااا
هاله: ما دام فيها بس ..تبقى مش مقتنعه
خلاص بقا با جوجو ....كل شئ قسمه ونصيب
واكيد ربنا هيرزقه بواحده تانيه تكون بنت حلال بردوا.......ونقفل بقا على الموضوع ده
جنه: طب. إدينى فرصه كمان افكر 😔
هاله: قولتلك خلاااص ....ولا فرصه ولا اتنين
كمان خالتلك قالتلى العريس اللى تبع عمك
رجائى جاى يوم التلات الساعه سته
جنه: طب اللى جاى ده .. ملتزم وحافظ للقران
هاله: ده جوز خالتلك بيشكر فيه اوى
و بيقول عليه شاب كويس وبيصلى وابن حلال
وانا بردوا مش هغصبك على حاجه....اتفقتا
جنه: 😔
هاله: اجيبلك تاكلى بقا
جنه: اتنهدت بزعل.....لاء يا ماما مليش نفس دلوقتى.... انا عاوزة انام شويه 😔
هاله : على راحتك يا حبيبتى .... اما اقوم اكلم
خالتك واقولها.. وانتى ابقى إتصلى بصحبتك اللى قالتلك عليه واقفلى معاها الموضوع ده بقا
علشان الناس مستنين الرد ...وامه اكدت عليا إننا نرد عليهم فى اقرب وقت عشان عاوزين يسافروا
وخرجت وقفلت الباب ....
جنه : يا ترى اللى عملته ده صح ولا غلط😔
يااااارب 🥺
يارب إنت عالم انى ضعيفه ...وخايفه أرتبط بيه وارجع اندم 😥
وبعد تردد وتفكير.....اخيرا قررت
ومسكت تليفونها...... واتصلت
ام انس: السلام عليكم
جنه :عليكم السلام اختى ام انس ...ازى حضرتك ...يارب تكونى بخير
ام انس: الحمد لله يا حبيبتى
هااا نقول مبرووووك😁
جنه بحزن: للأسف.... محصلش نصيب😥
ام انس بزعل: لا حول ولا قوة الا بالله
منك ولا منه
جنه: منى😥
ام انس: ااااه..فهمت... على العموم قدر الله وما شاء فعل....كل شئ نصيب
جنه: هو أنا ممكن اسألك سؤال
ام أنس:اه طبعا... اتفضلى
جنه: ليه مقولتليش انه كفيف من الاول بدل الاحراج ده
ام انس: بصراحه...دى كانت رغبة والدته
بس ولله يا جنه زوجى بيشكر فيه جدا جدا
وبيقول عليه اخ بيفكرنى بصحابة النبى صل الله عليه وسلم لما بيقعد معاه....ماهم جيران ولدته فى المنصوره
جنه بحزن: بصراحه....هو كده فعلا 😥
اخ ما شاء الله.......بس انا ضعيفه وخايفه اقول
اه ...ارجع اندم بعد كده
و اسفه جدا لو سببت ليكى اى احراج مع زوجك😔
ام انس: يا حبيبتى متتأسفيش ..ده زواج
والنصيب فى الاخر بتاع ربنا
ربنا يرزقك بالزوج الصالح ...وهو بالزوجه الصالحه
طب بقولك ايه.....متعرفيش اخت تكون على خير وملتزمه أقول لزوجى عليها يقوله يشوفها قبل ما يسافروا
جنه: هما لسه مسافروش
ام انس: لاء لسه....هو كان بيكلم زوجى بعد صلاة الجمعه انهارده وكان بيسأله على الرد وعرف انهم عند عمه
جنه: لاء للاسف معرفش اخت تكون بقدر علمه والتزامه وااااااااا
وافتكرت ليلى ....وكلامها معها عنه
واد ايه كانت بتقنعها بيه ومش فارق معها انه كفيف إن المهم دينه..............لااء استنى عندى
ام انس: طب خير.......مواصفاتها ايه
جنه: اخت ما شاء الله..... قسما بالله يا ام انس افضل منى بمراحل
اخت خاتمه للقران .....ومحفظه
وحافظه ما شاء الله احاديث البخارى ومسلم .....وداعيه كمان
احسبها على خير ولا ازكيها على الله
ام انس : ما شاء الله...وفين دى ...اعرفها
جنه: الاخت ليلى محفظة القران فى مسجد الرحمن
ام انس: اااااه ...ليلى
دى اخت فعلا ما شاء الله عليها ....بس فى مشكلتين للاسف
جنه بإستغراب : مشكلتين🤔...وايه هما دول
ام انس : أولا والدته كانت عاوزة واحده حلوة وبيضه
وثانيا السن ....وليلى شكلها كبير شويه عن السن اللى امه قالت عليه...........فمش عارفه اعمل ايه
جنه: توكلى على الله انتى بس وقولي لزوجك يقوله على مواصفاتها والتزامها ....وباذن الله خير
ويحصل القبول بينهم يارب...... لانهم فعلا يستهلوا بعض...... وشبه بعض فى الالتزام والتقوى
ام انس: الله المستعان....هقوله يقول للشيخ محمد وأبقى ابلغك
بس بلاش هى تعرف دلوقتى لحسن يرفض ولا حاجه ونتسبب فى احراجها
جنه: معاكى حق.......جزاكى الله خيرا
خلاص هستنى ردك ......السلام عليكم
ام انس: وعليكم السلام ورحمه الله وبركاته
جنه قفلت معها وفضلت تدعى ربنا إنه يوافق على ليلى
ياارب.يوفقوا على ليلى.....دى بنت حلال وتستاهل 🤲🏼
*********************************
الشيخ محمد: السلام عليكم ورحمه الله وبركاته
اهلا بالاخ الحبيب ابو انس..... كيف حالك 😊
ابو انس بحزن: الحمد لله يا شيخنا الغالى كله تمام
الشيخ محمد شعر بنبره حزن فى صوت ابو انس
ولله يا حبيبى ف الله انت اللى غالى عندى
وبشيل عنك الاحراج اللى فى صوتك
وبقولك قدر الله وما شاء فعل😊
الام ومحمود وعمه ومراته كانوا متابعين المكالمه
الام هزت راسها بحزن ...لا حول ولا قوة الا بالله
يا عينى على حظك يا ابنى😔
الشيخ محمد: لاء خلاص ...هأجل الكلام فى الزواج شويه
ابو انس: ولله يا اخى الحبيب الجماعه عندى بيشكروا فى الاخت دى جدا ....وفى التزامها
دى ما شاء الله خاتمه للقران ومحفظه كمان
بس هو فى مشكله
الشيخ محمد: مشكلة ايه
ابو انس: زوجتى يعنى بتقولى إنها مش جميله وبشرتها سمره وااااا.......
قاطعه الشيخ محمد: كفايه يا ابو انس..... لا يجوز يا اخى وصفها....اتقى الله ....وعلى العموم خلاص هشوفها بإذن الله
مع انى كنت هأجل الموضوع ده دلوقتى ....بس علشان بتقول عنها إنها اخت ملتزمه ما شاء الله
وانا بتزوج لله يا ابو انس ولأخره......مش لدنيا
ابو انس : اللهم بارك ...ربنا يرضى عنك يا شيخنا
طب ثانيه واحد كده يا شيخ
وكلم زوجته بصوت واطى......وزعل
ايوه يا شيخ....معلش بس كانت زوجتى بتقولى
على حاجه كده ومش عارف رايك هيكون ايه
الشيخ محمد:خيرا ان شاء الله
ابو انس: بتقولى سنها يعنى..... فوق ال٣٠ او ٣١
سنه ...يعنى تقريبا انتو الاتنين اد بعض
او هى اكبر منك بكام شهر
الشيخ محمد بإبتسامته الجميله الراضيه😊
هو ينفع تحدد معاهم ميعاد قريب علشان نلحق بس نسافر
ابو انس بفرحه: ولله يا شيخ محمد انا بتعلم منك الاسلام الحق.....روح يا شيخ ربنا يجبر بخاطرك😁
الشيخ محمد: امين يارب.....شوف الرد وياريت يكون انهارده
علشان بس لو منفعش نسافر بكره الصبح بإذن الله
ابو انس: الله المستعان يا شيخ ...انتظر منى مكالمه.....السلام عليكم
الشيخ محمد: وعليكم السلام ورحمة الله وبركاته..فى رعايه الله
الام: بحزن...خير يا محمد...هى العروسه رفضت
الشيخ محمد : قدر الله وما شاء فعل يا حاجه
ملناش نصيب....بس بيقولى على اخت تانيه ملتزمه وخاتمه للقران....لعل الله اراد بى خيرا
مرات العم: طب ولله العظيم يا بنى هى الخسرانه
ده انت مفيش زيك ...ربنا يسعدك يارب
محمود: يعنى احنا لسه هنقعد تانى
العم: هو انت لحقت زهقت منا يا محمود ولا ايه 😄
محمود : لا ابدا يا عمى... بس انت عارف بقا
بيت الواحد بردوا بيوحشه
مرات العم: ماهو ده بردوا بيتك يا محمود يا ابنى
محمود: اه طبعا يا مرات عمى ....على العموم
كله يهون علشان خاطر ابويا الشيخ محمد
وطبطب على كتفه وباس راسه
العم بإبتسامه: ربنا يخليكوا لبعض يا ابنى😊
الام ساكته وحاطه ايديها على خدها وحزينه
مرات العم : مالك بس يا ام محمد
ماهو بيقولك هيشوف عروسه تانيه... وبإذن الله تكون هى عروسته المرادى
طب بصى كده على وشه
ده ما شاء الله عليه وعلى كميه الرضا اللى عنده
الام بحزن: اصل البت دخلت قلبى اوى يا أم سمير
وحبتها زى بنتى تمام......ده غير انها زى القمر وهاديه كده وتحبى تبصيلها😔يلا مفيش نصيب
و اللى ربنا عاوزه هيكون
الشيخ محمد: لاء يا حاجه خلى بالك
لا يجوز الجمله دى
العم: وليه بقا يا شيخ محمد.....فهمنا يا ابنى
الشيخ محمد: لان يا عمى العوز ده من صفات
النقص و من صفات البشر فلا تجوز في حق الله...
العم: جزاك الله خيرا يا شيخ...اول مره أعرف كده...ده الواحد طلع جاهل بصحيح
الشيخ محمد: ربنا يرفع قدرك يا عمى ويعلمك ما جهلت
ام محمد : على الله بقا تطلع حلوة وكويسه واهلها كويسين زى اهل جنه كده
مرات العم: قلبى بيقولى انها هتطلع بنت حلال واحسن من جنه كمان😁
الام: يارب يا ام سمير
الشيخ محمد: لعله خير يا حاجه.....وانا راضى بماقسمه الله لى.....فله الحمد😊
مرات العم:يا سلااااام.....شايفه ابنك
ربنا يرضى عنك يا ابنى ويسعدك
اما اقوم احضرلكم العشا بقا زمانكوا جعتوا
ام محمد:استنى انا جايه معاكى
الشيخ محمد كلم نفسه بحزن
ومن قبل ما اشوفها .....مستعد بردوا لصدمه
جديده.......ولكن الحمد لله ....فاللهم ارزقنى الرضا
بقضائك😔
****************************
ونكمل بكره بإذن الله ومستنيه رأيكم وكومنتاتكم
الحلوه اللى بتفرحنى🥰
توقعتكم 🤔
قبل نهاية الكلام... اذكروا الله الرحمن
وصلوا على خير الأنام ❤️🥰🌹
إذكروا الله ☝🏼وصلوا ع حبيبه🌹💗
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*