الفصل 2
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"2"))♡゙//*
السلام عليكم اخواتى واحبتى😍 موعدنا مع قصتنا اليوميه
جنه_الدنيا_جيهان_سلامه
محبه_الرحمن
ويلا نصلى ع الرسول وندخل على قصتنا ع طووول🌹😍
اللهم تقواك🤲 وجنتك ورضاك🤲
(الحلقه الثانيه)
الشيخ محمد بإبتسامه: السلام عليكم ورحمه الله وبركاته 😊
صلاح رد وهو مصدوم: وعليكم السلام ورحمة الله وبركاته
اهلا يا شيخ ....اتفضل ....حمدلله على السلامه
وبص صلاح لمحمود اخوه وابتسمله🙂
اتفضل يا حبيبى ...نورتوا
محمود : ده نور حضرتك ...ودخلوا قعدوا
هاله بصيت لناديه بنظرة حزن ...ومش قادره تتكلم 😔
و فهمت ناديه اختها من نظراتها
كأنها بتقول
ياعينى عليكى يا بنتى.. 😔
هاله بنبرة حزن: اهلا يا شيخ نورتوا😔
الشيخ محمد: اهلا بحضرتك 😊
صلاح وهاله وناديه فضلوا قاعدين يبصوا لبعض و ساكتين مش عارفين يقولوا ايه من صدمتهم
صلاح قطع الصمت واتكلم.... نورتوا القاهره يا جماعه والله 🙂
ام محمد: منوره بأصحابها يا ابنى كتر خيرك😁
ده الطريق كان زحمه اوى والله يا ام اااا
اقولك يا ام ايه......معلش بقا......لسه متعرفناش عليكم😊
هاله: ام صلاح يا حاجه
وهو ده صلاح معنديش غيره هو وجنه
ودى اختى ناديه ...ملناش غير بعض
ام محمد: اتشرفنا والله....أنعم وأكرم😁
ناديه: تسلمى يا حبيبتى
ام محمد: ده بقا ابنى الصغير محمود عنده ١٧ سنه...... ثانويه عامه السنادى بإذن الله
ومرضيش يسبنا ابدااا انا واخوه نسافر لوحدينا
وصمم يجي معنا و رجله قبل رجلنا 😁
اصل عنده الشيخ محمد ده حاجه كبيره اوى وبيحبه وبيسمع كلامه فى كل حاجه
اصل الشيخ محمد هو اللى رباه من بعد وفاة الحاج ياسين الله يرحمه من ٥ سنين
ناديه وصلاح وهاله.......الله يرحمه
الام : وده بقا حبييى الغالى الشيخ محمد
ووالله يختى مش عشان هو ابنى...ابدا
لو حصل نصيب بإذن الله مسيركوا تيجوا عندنا
وتسألوا عليه .. وهتشوفوا وتسمعوا الكلام اللى هيتقال من الغريب قبل القريب عن اخلاقه
وعامل ايه مع الناس كلها
بلسم كده ولله .... ربنا يباركلى فيه يارب وافرح بجوازه ويدينى العمر واشيل عياله😁
ناديه: ربنا يديكى الصحه يا حاجه وتشيلى عيالهم هما الاتنين
ام محمد: امين يارب😁
هاله الحزن واضح جدا عليها ومش عارفه تداريه وقاعده سرحانه
ناديه بتحاول تلفت انتباها......ويفرحك بجنه يا ام صلاااااح 😒
هاله انتبهت لكلام اختها
يارب يا حبيبتى ...عقبال ولادك
منورين يا جماعه ...تحبوا تشربوا ايه
ام محمد: ولا اى حاجه ...متتعبيش نفسك والله يا حبيبتى
ناديه: تعب ايه بس يا حاجه...متقوليش كده
ده انتو نورتونا.....يالا يا ام صلاح ندخل نجيب العصير.......وزقتها من كتفها.......يلا😒
صلاح: وحضرتك بتشغل ايه بقا يا شيخ محمد
الشيخ محمد 😊
*****************************
فى المطبخ
هاله بحزن: يختى معرفش البت دى بختها مايل ليه كده😔
ناديه : ليه بتقولى كده بعد الشر...دى ست البنات كلهم
هاله: تفتكرى ممكن توافق عليه
ناديه: دى تبقى مجنونه بقا لو وافقت
هاله: ما انا عارفه دماغها ....بس لو وافقت
انا واخوها هنرفض ..ااه...انا مش هخليها ترمى نفسها الرميه دى 😠
وصبت العصير فى الكاسات فى متنرفزه😠
ناديه: طب حاولى انتى بس تفرضى وشك ده شويه
شكلك باين عليه اوى والناس هتاخد بالها
هاله:هحاول😠وشالت صنية العصير
هاتى الصنيه اللى فيها كوبيات الميه دى معاكى
وخرجوااااا
**********************
الشيخ محمد: يعنى بالكتير اوى بعد شهرين أشهر هكون جاهز بإذن الله
لانى بعد ست شهور بإذن الله إحتمال أسافر السعوديه
بفضل الله جالى عمل هناك فى مجال الدعوه😊بس لسه بفكر
صلاح: ما شاء الله..... ربنا يقدملك اللى فيه الخير
اتفضل العصير يا شيخ......اتفضل يا محمود
الشيخ محمد:جزاك الله خيرا 😊
ناديه ناولت لأم محمد العصير ....اتفضلى يا حاجه ...الف هنا
الام: الله يهنيكى يا حبيبتى ...... اومال فين عروستنا بقا😁هى مش عاوزه تقابلنا ولا ايه
انا سامعه انها زى القمر ما شاء الله 😁
هاله بحزن : هدخل اشوفها جهزت ولا لسه
عن اذنكو😔
ناديه: ولله القاهره نورت يا جماعه...اهلا وسهلا😊
الام: نورك يا حبيبتى ... ربنا يكرم اصلك
بإذن الله اذا فى نصيب تيجوا عندنا المنصوره وتنوروها
ناديه : دى هى كفايه منوره بأهلها😁
الام: تعيشى يا حبيبتى😁
تليفون صلاح رن برقم مراته....طب عن اذنكو دقيقه
**********************
صلاح بخنقه......الووو😠
ابتسام:بزعيق.......كل ده عشان ترد🤨
صلاح:يا ستى قاعدين مع الناس.....عاوزه ايه إخلصى
ابتسام بتريقه: هاااا....هى العانس وفقت على عريس الغفله ولا لسه😏
صلاح:بصوت واطى ....ومتعصب😡
طب لمى نفسك أحسنلك.. بدل ما اجى أنا ألمك
وإقفلى بقا وكفايه حرقه دم
ابتسام بدلع: فى ايه بس ...هو انا غلطانه يعنى انى بتصل اطمن
على العموم خلاص يا صلوحتى متزعلش
كنت بهزر معاك
صلاح: بتهزرى معايا بردوا بكلام يحرق الدم🤨
ابتسام: ما خلاص بقا ....قولتلك كنت بهزر
المهم...متنساش تجيب الاكل من امك وانت جاى عشان مفيش عشا
إلا قولى صحيح ..... هى طبخت ايه🤔
صلاح بغيظ: تصدقى بالله....انا ممكن اطلقك حالا لو ما قفلتيش دلوقتى😠
الوووو....الووووو
ايوه كده...... ناس تخاف متختيشيش 🤨
*************************
هاله دخلت لجنه اوضتها....
ها يا جنه ...جهزتى ولا لسه
جنه بفرحه:اه يا ماما جاهزه من بدرى
طمنينى ...ايه الاخبار😊
هاله بزعل: الأخبار متفرحش يا جنه....مش مناسب ليكى خالص يا بنتى
جنه بزعل: ليه....هو مش اخ ملتزم ولا ايه😟
هاله : لما تشوفيه انتى بقا احكمى بنفسك
انا مليش دعوه ....و يااالا علشان امه بتسأل عليكى بره 😔
جنه استغربت امها وشكلها وطريقتها فى الكلام
هو فى ايه يا ماما....مالك كده مش مبسوطه
هاله بنرفزه : هتشوفى بنفسك فى ايه....ويلا بقا عشان منتأخرش عليهم اكتر من كده....خلينا نخلص من اليوم ده بقاااا😠
جنه : هو فى ايه بالظبط يا ماما...فهمينى
هاله: اخرجى وانتى تعرفى ...يلاااااا😠
خرجت جنه مع امها وحاطه وشها فى الارض من الكسوف
جنه : السلام عليكم ورحمه الله وبركاته 😌
الكل : وعليكم السلام ....وسكتوا
إلا الشيخ محمد كمل السلام.........وعليكم السلام ورحمة الله وبركاته اختى فى الله😊
جنه ابتسمت من غير ما تبصيله وقلبها دق لمجرد انها ارتاحت لنبرة صوته اللى كلها تقوى وايمان
واتنهدت قالت لنفسها ..هو ده بإذن الله 😊
ام محمد بفرحه: تعالى هنا جنبى يا حبيبتى
قامت جنه وقعدت جنب ام محمد وهى مكسوفه 😌
وامها وخالتها واخوها متابعين نظراتها اللى لسه موقعتش على الشيخ محمد
ام محمد : طب يعنى اشوفك انا كده ازاى بقا
وانتى لابسه النقاب..متخلعيه كده وورنى القمر😁
جنه بكسوف... ماهو يا طنط لسه مينفعش
علشان يعنى.....😌
ام محمد:ااااااه ..قصدك محمود اخوه ....طب معلش يا صلاح يابنى خد محمود وادخل معاه البلكونه عقبال ما نشوف القمر بتاعنا دى😁
الشيخ محمد: لاء طبعا....مينفعش يا حاجه
صلاح يسيبنا لوحدنا
ده محرم ليهم ووجوده لازم وسطينا
جنه قلبها انشرح أكتر لكلامه☺️
وكلمت نفسها بفرحه
زى ما انا قولت.....هو ده زوجى بإذن الله ☺️
صلاح: ارتبك واتحرج
اااه ما انا عارف كده بردوا يا شيخنا
تعالى يا محمود ادخلك البلكونه وارجع تانى
اقعد معاهم
وخد معاك كوبية العصير .....وقاموا
رجع صلاح وقعد معهم .....
ام محمد: يلا بقا اهو محمود دخل جوه....ورينى وشك القمر يا عروسة ابنى😁
جنه: ابتسمت واتكسفت.....اصلى بصراحه مكسوفه يا طنط ☺️
الام: من ايه بقااااا........منى😄
جنه: لاء طبعا مش من حضرتك ..قصدى يعنى من اااا😌
ناديه وصلاح وهاله بصوا لبعض ومش قادرين يتكلموا😒😒😒
ام محمد فهمت انها لسه معرفتش.....ااه فهمت😔وقربت من ودنهاا ووشوشتها
ارفعى النقاب يا جنه براحتك.. الشيخ محمد كفيف يا بنتى😔
جنه بصدمه😳.....كفيف
ورفعت وشها بسرعه وبصيت عليه
شافت شاب وسيم جداا...ابيض وله لحيه خفيفه وبجلباب ابيض...وشكله مريح وكأنه من صحابة رسول الله اللى بتقرء عنهم
وفجاءه.....الحزن اترسم على ملامحج وشها
والفرحه اختفت 😞
وشافت إن ملوش لازمه ترفع النقاب
بس علشان متحرجش امه.... رفعته
رفعته لأم العريس .......مش للعريس😔
وده كان فارق معها جدا وكسر فرحتها
ام محمد بفرحه...باسم الله ما شاء الله
قمر يا جنه الله اكبر 😁
بختك حلو يا شيخ محمد ....وانت عارف بقا لما اقولك حلوة يعنى حلوة😄
الشيخ محمد: ابتسم: ما شاء الله اللهم بارك😊
بس انا الأهم عندى الدين يا حاجه مش الجمال
فكنت عاوز اسأل الاخت كده شويه اسئله
وانا بردوا تحت امرها فى اى سؤال
جنه بحزن: ااه ..اكيد طبعا....اتفضل😔
ناديه وهاله.....طب عن اذنكو احنا
ودخلوا المطبخ يحضروا الأكل
الشيخ محمد فضل يسأل جنه ...وجنه ترد عليه
ولو عندها سؤال تسأله ويجاوب بكل بساطه وبشاشة وجه😊
ولو فى ايه قرآنيه يرتلها بصوته الجميل اللى
يخشع القلب بسماعه وتدمع العين
جنه كانت قاعده مبسوطه جدا بالحوار اللى بينهم.... بس فى كسره جواها مش عارفه تتخلص منها ومسببه ليها حزن كبير 😔
هاله : جنه ....كفايه اسئله بقا كده يا بنتى
يأكلوا الاول.... الاكل كده هيبرد وهما جايين من سفر ميصحش
ام محمد: لاء ولله يا حبيبتى متتعيبوش نفسكوا
احنا شويه وماشين.... ولسه هنزور عمهم بالمره قبل ما نسافر
ناديه: لا ولله ما يحصل ودى تيجى بردوا ...يلا اتفضلوا الأكل جاهز
صلاح : اتفضل يا شيخ محمد
ودخل لمحمود البلكونه ....يلا يا محمود تعالى أدخل علشان تاكل
محمود : لاء الف شكر لحضرتك
صلاح: لاء والله ابدا...يالا كلهم بره مستنينك
وخرج معاه
وقعدوا كلهم على السفره ومركزين نظرهم على الشيخ محمد هياكل ازاى
صلاح حط قدامه الاكل....والغريب انه اكل
طبيعى جدا زى اى انسان عادى
وبدون مساعده حد ...وكأنه كان حاسس
بنظراتهم ....وقصد يعمل كده قدامهم وقدام جنه بالذات
جنه قاعده سرحانه ومش بتاكل وبتحجج بالنقاب إنها مش هتعرف تاكل بسببه ......
وفضلت تكلم نفسها وتدعى
يارب انا مش عارفه اخد قرار 😔
يا رب الهمنى الخير واختارلى ما يرضيك
واتنهدت بحزن....مفيش قدامى غير الاستخاره😔
*****************************
فى المصنع.....
ياسر: طب ايه مواصفاتها يا عم رجائى
حلوة يا ترى
رجائى : ولله يا باشمهندس مش عشان بنت اخت مراتى هشكرلك فيها.... بصراحه جنه وهى فعلا جنه فى ادابها وجمالها واخلاقها غير بنات اليومين دول خالص
ياسر: طب تمام اوى ....بس انت بتقول لبسه نقاب
يعنى هتفضل تقولى قال الله وقال الرسول
ومفيش تليفزيون ولا اغانى وانا بصراحه بحب
اعيش بحريتى ومحبش الخنقه😠
رجائى : شوفها الاول انت بس...عجبتك يبقى خير....ولو معجبتجش يبقى خلاص مفيش نصيب
ياسر:تمام.......حدد بقا ميعاد على يوم التلات اللى جاى الساعه ٦.... يناسبكم الميعاد ده
رجائى: هبلغهم واقولك بإذن الله.....ربنا يتمم بخير😁
**************************
اذان المغرب
الشيخ محمد: يا ترى فى جنب البيت مسجد قريب علشان الصلاه
صلاح: اه طبعا فيه... ..بس خلص اكلك براحتك
الاول ونصلى هنا وخلاص
الشيخ محمد:انا الحمد لله اكلت
ويا اخى الحبيب... الصلاه فى المسجد اجرها اكبر و اعظم عند الله وهى فرض على كل مسلم قادر
والحمد لله احنا قادرين ...ولا ايه😊
صلاح اتحرج من كلامه : اااه طبعا قادرين الحمد لله
طب تحب تتوضى الأول
الشيخ محمد: لاء الحمد لله على وضوء😊
يلا يا محمود معنا للصلاه..........ونزلوا يصلوا
************************
فى مسجد النساء .....حلقه حفظ قرآن 📖
ليلى: ما شاء الله عليكم انهارده
بجد فرحتوا قلبى جدا ربنا يفرح قلوبكم بالجنه😊
الاخوات: امين يارب
ليلى :موعدنا للحلقه القادمه يوم الخميس بإذن الله
ويالا مع بعض نقول دعاء ختام المجلس
الكل: سبحانك اللهم وبحمدك نشهد ان لا اله الا انت نستغفرك ونتوب اليك😊
ليلى: فى رعايه الله اخواتى...السلام عليكم ورحمه الله وبركاته
الجميع: وعليكم السلام ورحمه الله وبركاته
وبدأت الاخوات فى الانصراف
عبير: السلام عليكم
ليلى: وعليكم السلام ورحمه الله وبركاته
نفسى يا بنتى تكملى السلام للنهايه وتاخدى اجره كله😊
عبير: مش بقولك هتدخلى الجنه بصاروخ يا لولو😄
ليلى: امين يارب جميعااا😊
قوليلى.....اتاخرتى ليه انهارده على الحلقه
انا خلصت تسميع للاخوات خلاص و همشى
عبير: المواصلات طبعا هى السبب....والشوارع واقفه وحاجه تخنق
على العموم خير ..قدر الله وما شاء فعل
هعيد على الحفظ تانى واسمعلك المره الجايه باذن الله
ايه ده...اومال فين جوجو ..مشيت ولا ايه
ليلى : جنه مجاتش يا ستى انهارده.... عندها رؤيه شرعيه ...عقبالك يا بيرو😊
عبير بفرحه: بجد......ربنا يتمملها على خير يارب😁
عقبالك انتى يا لولو ..نفسى افرح بيكو انتو الاتنين بقااا
ليلى : يا بنتى كل واحد بياخد نصيبه وانا الحمد لله راضيه🙂
ده غير كمان دلوقتى كل واحد بيشرط انها تكون بيضه وحلوه زيك كده انتى وجنه
لكن السمر اللى زيي متنفعش... . لنا الله يا بنتى😃
عبير :طب ولله يا لولو انتى زى العسل
ده كفايه خفه دمك وحبك لكل الناس... والناس كمان كلها بتحبك
طب ياريتنى كنت راجل ...كنت اتجوزك على طووول 😄وكنت هبقى راجل قمر بردوا
ليلى: لاء يختى انتى كده قمرين
وعندى بالدنيا 😄
وكفايه عليا القران والمسجد...وصحبتكم اللى
عندى بالدنيا ونعيمها 🙂الحمد لله على كل حال
ويلا نمشى بقا كفايه رغى علشان متأخرش
لحسن امى بتزعقلى لما بتأخر اليومين دول
تقوليش هتخطف من جمالى مثلا 😄
عبير بحب : والله يا بنتى انا فخوره انى عرفت أخت جميله زيك....ربنا يجعلنا احباب في الله دايما .....وحضنتها
****************************
ام محمد : تسلم ايدك يا ام صلاح على الأكل
والله زى عسل😁
هاله: تسلمى يا حبيبتى....بالهنا والشفا
بس والله زعلت ....ده الاكل اتشال زى ما هو
يبقى منين عجبكوا بقا
الام: ده احنا اكلنا كتير والله.. تسلم ايدكم وتعبكم
وقربت من جنه وطبطبت عليها
ممكن اتكلم انا وانتى لوحدينا شويه يا جنه قبل
ما الرجاله تطلع من الصلاه...وكمان اصلى معاكى بالمره😁
جنه: اااه طبعا يا طنط اتفصلى جوه فى اوضتى
ام محمد:عن اذنكو يا جماعه
وقاموا ودخلوا اوضة جنه وقفلت الباب
هاله:يا ترى عاوزاها فى ايه.....وهتقولها ايه🤔
ناديه: يا خبر بفلوس..........ولموا الاكل
ام الشيخ محمد : بصى يا حبيبتى ..أنا هقولك كلمتين
واسمعيهم منى ... وانتى وراحتك بعد كده
جنه هزت راسها بدون كلام وكأنها عارفه اللى هيتقال
الام: لما صاحب الشيخ محمد قاله عليكى
انا قولتله ميقولش انه كفيف....تعرفى ليه
جنه بذكاء: عارفه......علشان مرفضوش من غير ما اشوفه واقعد واتكلم معاه😔
الأم: صح كده.....الله يفتح عليكى
وكمان لما شكر فى ادبك واخلاقك وانك مجتهده فى الدين وعاوزه حد يعينك على الطاعه
فرح بيكى اوى ...وقالى يارب تكون هى الزوجه الصالحه اللى بتمناها يا امى
ومع اننا من محافظه وانتو من محافظة تانيه
بس مهمناش تعب السفر وجينا
والحمد لله انتى واهلك طلعتوا احسن ناس فعلا
زى ما قاله صاحبه
جنه بحزن....شكر يا طنط حضرتك الاحسن😔
الأم: اوعى تفتكرى انى مخدتش بالى منك
لما اتفاجئتى ان الشيخ محمد طلع كفيف
وعلى فكره.....هو كمان خد باله
جنه بصدمه: هو كمان ازاى😳
الام : إبنى وأنا عارفاه.... واحنا خلاص إتعودنا على ده
كل ما نروح نشوف عروسه بيحصل زيك كده بالظبط
بس اللى عاوزاكى تعرفيه يا بنتى
إن محمد ابنى كان طبيعى زينا كده......واللى حصله ده كان سببه حادثه
جنه: حادثه🥺
ام الشيخ محمد: وهو عنده ١١ سنه كان بيجرى مع اصحابه بيلعب
وكانت الدنيا بتمطرجامد فى اليوم ده
ويا حبة عين امه😞
اتزحلق ووقع على راسه وقعه جامده اوى
اتاريه وقع يا حبيبى على حجر كبير😔
وبعدين حصل اللى حصل والحمد لله
ومع ذلك كان متفوق فى دراسته وطلع
الخامس فى الثانويه الازهريه على الجمهوريه
ودخل كليه الشريعه علشان حابب يفهم امور دينه
اكتر......والحمد لله اتفوق فيها واتخرج...واشتغل
وجاله شغل فى السعوديه وهيسافر
بس قالى إنه مش هيسافر إلا بالزوجه الصالحه بإذن الله
واوعدك يا بنتى لو وافقتى علي ابنى
ولله ولله بحلفلك اهو..... إنك ما هتندمى ابدا
من عيشتك معاه
ده قلبه كبير اوى وبيحب الخير لكل الناس
وما شاء الله خاتم للقران وإمام الجامع عندنا
وبيدى دروس فيه ......وتعرفى كمان
ده بيخلى الناس فى الجامع تعيط كده وتسح
لما يقرا القران بصوته الجميل
والكبير والصغير بيعملله الف حساب
وكفايه اقولك إنه هيتقى ربنا فيكى
جنه😔
ام الشيخ محمد: على العموم يا بنتى فكرى براحتك وخدى وقتك ...وكل شئ قسمه ونصيب
وعلى فكره يشهد ربنا عمرى ما قعدت القعده دى مع وحده قبلك
بس عشان انا حبيتك من اول ما شوفتك واتمنيتك لابنى عشان شكلك طيبه زيه
وعلى فكره كمان....ابنى شكله ارتحلك وارتاح لاهلك
جنه استغربت: معقول....ده احنا لسه مقعدناش مع بعض يا طنط الا الشويه الصغيرين دول
ام الشيخ محمد ابتسمتلها
ما انا بقولك .. ابنى وانا عرفاه بقا 😁
وباستها من خدها.... ربنا يجعلك من نصيبه يا
حبيبتى ...... يالا نقوم نصلى بقا
وقاموا صلوا جماعه...وخرجت ام محمد بره
وفضلت جنه قاعده فى اوضتها ومخرجتش تانى
وقعدت تفكر وهى محتاره تعمل ايه
وأد ايه كان حزنها .....لأنه فيه كل الصفات اللى حلمت بيها واتمنتها
وحسيت فجاءه بخنقه وقعدت تعيط 😥
وافتكرت ليلى صحبتها
ومسكت تليفونها .....واتصلت بيها وحكيتلها
جنه بحزن: ده اخ بسم الله ما شاء الله عليه
ده سألنى فى الفقه والقران والحديث
ولا صوته فى القران يا ليلي .....ما شاء الله
احلى بكتيييير من الشيخ توفيق اللى بنصلى وراه فى صلاه الجمعه و صلاه القيام ف رمضان
حاجه كده مختلفه ما شاء الله... تحسى كده إنه صوت من الجنه😔
ليلى: اللهم بارك بيم الله ما شاء الله 😊
جنه: تعرفى يا ليلى......أنا كنت قاعده متنحه قدامه وحاسه انى معرفش حاجه ابدا
وهو فهم انى جانبه لا افقه شئ ..وبقيت قاعده محروجه منه جدااا
وقالى وهو مبتسم... اذا حصل نصيب بإذن الله
هنبقى نعلم بعض
قال انا اعلمه قال ...شوفتى الخيبه😏
ليلى بفرحه: بسم الله ما شاء الله عليه ... عقبالى يارب بأخ كده زيه😃
جنه بدون ما تشعر..............بعد الشر
ليلى استغربت ردها واتضايقت....بعد الشر😔
كده بردوا يا جنه بدل ما تقوليلى اللهم امين
الف شكر يا ستى
جنه : اسفه ولله يا ليلى مقصودش اللى فهمتيه ده. ..انا معرفش انا قولت كده ليه
متزعليش منى بالله عليكى
ليلى : ولا يهمك ..المهم ربنا يتمملك على خير
انا هنام بقا علشان اصحى اصلى القيام قبل الفجر
السلام عليكم ورح ااااا......جنه قاطعتها
استنى يا ليلى متقفليش
ولله العظيم انا بتمنالك الخير زى ما بتمناه لنفسى واكتر كمان
انا قولت كده علشان ااااا وسكتت وهى متضايقه
استغفر الله العظيم.........اصله😔
اصله اخ كفيف يا ليلى😔
ليلى بعدم إستغراب
طب وايه يعنى يا بنتى كفيف
جنه استغربت انها متفجأتش
ايه ده ......هو كفيف عادى كده بالنسبالك
ليلى :.يا جنه يا حبيبتى (قال تعالى)
( تريدون عرض الدنيا والله يريد الاخره)
يا جنه احنا عاوزين ايه غير طاعه الله ونعيم الاخره.... و الدنيا دى احنا عايشين فيها بس علشان نعبد ربنا لحد نعيم الجنه بإذن الله
قال تعالى...
(وما خلقت الجن والانس الاليعبدون )
والدنيا دى باب للقرب الى الله والمفروض اننا
نجتهد فيها ونعمل كل عمل يقربنا من رضاه
والحمد لله....جالك اهو لحد عندك باب من ابواب الجنه
زوج صالح يعينك على طاعه الله
وبإذن الله ذريه صالحه تنفعكم فى الدارين
يعنى جنة الدنيا يا جنه ...يبقى عاوزة ايه تانى
جنه بإرتياح : فعلا ...عندك حق يا ليلى
وهو والله شاب مريح جداااا
والالتزام والتقوى تشوفيهم على وشه من اول نظره
ايوه صح....هعوز ايه تانى ...خلاص.... اناااا
صوت مامتها بينادى .........يا جنه...يا جناااااا
ايوه يا ماما.......ثانيه واحده
طب اقفلى دلوقتى يا لولو اشوف ماما عاوزه ايه
وارجع اكلمك تانى ...السلام عليكم
وخرجت جنه تكلم امها ......ايه ده
هو فين صلاح وخالتو
هاله: نزلوا وانتى جوه.....صلاح قالى هيوصل خالته فى طريقه....وبعدين هيروح على بيته
ياختى عليا وعلى مخى
ده الواد نسى ياخد علب الأكل معاه
ونسيت افكره بيهم وهو نازل
جنه: وليه بقا ان شاء الله..مهو مروح بيته واكيد مراته عامله اكل
هاله مرضيتش تقولها إن ابتسام هى اللى عاوزه الاكل
اصله ملحقش ياكل يا حبة عينى... ما انتى شوفتى قام معاهم ازاى من وسط الاكل ونزلوا يصلوا
جنه: الله يكرمك يا ماما بطلى الشويتين بتوعك دول🤨
ده تلاقى مراته هى اللى قالتلوا يجيبلها اكل
و هو مروح ...بس الحمد لله انه نسيهم
طب ولله فرحانه فيها😄
هاله: تصدقى يا بت وانا كمان 😄
المهم بقا قوليلى ناويه تعملى ايه
بس قبل ما تقررى اسمعى منى الكلمتين دول الأول
يا بنتى الوحده منا بيجى عليها وقت بتحب
تتزوق وتلبس عشان جوزها لما يشوفها يدلعها
و يقولها كلمتين حلوين يفتحوا نفسها
وبالذات وانتى عروسه .......لكن لو وفقتى
هتلاقى نفسك خلاص مبقاش فارق معاكى
شكلك وهتهملى فى نفسك
وغير كده كمان ...افرضى لما تخلفى
ممكن ولادك يطلع حد فيهم زيه كده بردوا
جنه:بس يا ماما دى حادثه حصلتله وهو عنده ١١ سنه..... يعنى مش مولود كده
هاله : بردوا منضمنش......احنا منعرفش عنهم حاجه لسه
مش يمكن هى بتقولك كده عشان توافقى
وطبطبت على كتفها ....وعلى العموم يا بنتى
براحتك ....دى عيشتك وانتى حره فيها
وبردوا من رأيي تشوفى اللى جاى تبع جوز خالتك......واللى هيبقى من نصيبك هتاخديه
محدش بياخد مرات حد يا بنتى
فشوفى هتعملى ايه ...وقوليلى
جنه اتنهدت بحيره........ هستخير ربنا الأول وبعدها هشوف هعمل ايه ....ادعيلى😔
هاله: ربنا يكتبلك الخير يارب يا حبيبتى والمناسب ليكى يجعله من نصيبك
جنه: يارب😔🤲🏼
***************************
ونكمل بكره بأذن الله😊 ومستنيه رايكم ف حلقه انهارده😉
ويارب تكون نالت اعجابكم وعيشتوا احداثها مع ابطالها 😁
يا ترى لو كنتى مكان جنه كنتى هتعملى ايه وبصراحه 🤔......هستنى كومنتاتكم ☺️
واذكروا الله ☝🏼وصلوا ع حبيبه🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*