الفصل 1
*⤶صـ𓂆ـلِّ علـىٰ النبـي يـا ذووق🌟♡゙>>.*
*ࢪوايةة : جنـةة الدُنيـا💚🌎»»*
*((الفصــــ★ــل"1"))♡゙//*
السلام عليكم ورحمه الله وبركاته جميعا
اليكم اول روايه ليا والمحببه الى قلبى واتمنى تنال اعجابكم
القصه بعنوان (جنه الدنيا ) وهتفهموا انا ليه
اختارت الاسم ده بالذات مع نهاية الروايه😉
واسيبكم بقا تتعرفوا على ابطال القصه بنفسكم
واوعدكم انكم هتحسوا إنهم جيرانكم ..قرايبكم
لانى كتبتها بطريقتنا العاديه فى الكلام فى حياتنا
وكمان فيها حاجات بتحصلنا او حصلت لحد نعرفه😊
ويااالا بقا كفايه رغى وخلونا نتخيل مع بعض احداث قصتنا .......😊
(الحلقه الاولى )
تصحى جنه على صوت امها وهى بتنادى عليها
هاله: ياجناااااااا.......انتى يا بت يا جنه
يلا اصحى
عاوزين نخلص اللى ورانا بدرى ...قومى بقا يا بنتى........يا غولبى منك.....البت دى هتجنينى
جنه فتحت عنيها على الصوت
واتمطعت وهى على السرير ..وابتسمت😊
لما افتكرت ان انهارده يوم مميز ليها
جنه:حاضر يا ماما انا قومت خلاص اهو.
وقامت بصيت على نفسها فى المرايه
وحركت خصلات شعرهابإيدها ...وكلمت نفسها
يا ترى العريس اللى جاى ده شكله ايه 🤔
طويل.. قصير....تخين ...رفيع
وبزعل من نفسها.....جرى ايه يا جنه ..انتى هتفكرى فى دنيا ولا فى أخره.....انا عاوزة حد يعينى على طاعه الله وبس .....وبعد كده الحاجات دى بقا افكر فيها
وقعدت على السرير واتنهدت ورفعت ايديها تدعى ..ياااارب يكون اخ على خير ويكون ملتزم ويعينى على طاعتك.....انا عاوزه اخره يارب
صوت امها من بره فزعها وهى بتدعى
يا جناااااااااااا.......انتى يا بت تعبت قلبى
جنه: حاضر يا ماما ....انا صحيت خلاص
وخرجت لامها .....
*******************
جرس الباب بيرن.....فتحت ام جنه
اهلا ام عزت.... تعالى اتفضلى 😊
ام عزت:صباح الخير يا ام صلاح
أنا قولت اعدى عليكى وانا رايحه السوق
اشوفك محتاجه حاجه اجيبهالك
هاله:ربنا يخليكى يا ام عزت متحرمش منك
انا جايبه كل حاجتى من امبارح ....شايلاكى لوقت عوزه يا حبيبتى 😊
ام عزت :ربنا يتمم بخير لجنه يارب ...ويطلع عريس ابن حلال.. ونجوز البت دى بقا ونرتاح منها
😄
هاله: يارب يا حبيبتى وتفرحى بعزت
هو كمان يارب😁
ام عزت :ما انا ياما قولتلك نفسى اخد جنه لعزت
انتو بقا اللى مش عاوزين ومتكبرين علينا 😏
هاله: لا والله يختى...ده عزت يشرف اى حد
بس البت عاوزه واحد يكون حافظ القران
انتى عارفه جنه من ساعه ما لبست النقاب وده بقى تفكرها فى العريس اللى عاوزه تتجوزه
وعلى يدك يااااما جالها ناس وهى ترفض ..تعبت معها انا واخوها.....وفى الاخر زهقنا بقا
ام عزت:على العموم هى بنتى بردوا وافرحلها
ويارب يتمملها على خير
هاله:تسلمى يا حبيبتى
التليفون رن.....
ام عزت : ادخلى يا حبيبتى شوفى التليفون وانا هنزل اروح السوق.......يالا سلامو عليكو
هاله:عليكم السلام يا حبيبتى ...وقفلت الباب
وجريت على التليفون.....الو
ناديه: صباح الخير يا هاله
هاله: صباح الخير يا ناديه... عامله ايه
ناديه : الحمد لله.....وانتو اخباركم ايه
هاله: كويسين الحمد لله....ورجائى والعيال عاملين ايه
ناديه: الحمد لله يا حبيبتى بخير..ازاى البت جنه
وحشانى ..قوللها خالتك زعلانه منك علشان مبتسأليش عليها
هاله: معلش متزعليش منها.......و ادعيلها
جايلها عريس انهارده تبع جوز صحبتها
وجاى هو وامه واخوه الصغير من المنصوره بعد العصر
ناديه: اخس عليكى.....بقا جايلها عريس ومتقوليش
هاله: والله يختى مفاجاءه ولا كنا عاملين حسابنا
امبارح بالليل اتصلت صحبتها بيها وقالتلها عليه
ناديه: البت دى شكلها مورزقه😁انا كمان جايبلها عريس
هاله: عريس.تانى ....طب خلاص
استنى بقا لحد ما نشوف اللى جاى انهارده ده
الاول....واشوف رايها ايه
هاله: ماشى.... على العموم هقول لرجائى يصبر شويه ..اصل العريس الباشمهندس ياسر.اللى معاه فى المصنع
بس ايه ...عريس يفرح كده... ومعاه فلوس وعنده عربيه وشقه كبيره فى التجمع
هاله: ماشاء الله.......وبزعل
ياريتك كنتى قولتيلى عليه امبارح قبل ما العريس ده يجى انهارده
ناديه:بزعل....يلا... النصيب بقا
هاله:طب بقولك ايه ......ما تيجى انهارده شويه
انتى عارفه انى معنديش حد.... وانتى اختى الوحيده
يعنى المفروض تحضرى وتبقى واقفه معايا
ناديه:استغربت .. الله.....اومال صلاح ومراته
فين...مش هيجوا ولا ايه
هاله: لاء.... صلاح بس هو اللى جاى
ومراته قال ايه ...تعبانه من الحمل😏ومش بتخرج خالص من التعب
ناديه بتريقه: يا عينى علينا يختى....كنا حوامل ونازلين خدمه ومسح وكنس وغسيل
ده غير نزول السوق يوماتى...... بنات اخر زمان😏
هاله: اه ولله.... بنات اخر زمن
القصد ..هتيجى ولا ايه
ناديه: طبعا هاجى .....بس هتصل على رجائى الاول وأقوله .... وهقوم أغسل حتيتين غسيل اوام واجيلك
هاله:.طب خلاص هستناكى
مع السلامه يا حبيبتى ......اه صحيح الووووو....الوووو...... يا ناديه
ناديه: ايوه يا هاله معاكى
هاله: بحسبك افلتى...بقولك
ابقى هاتى معاكى ٦ اطباق جاتو من بتوع الطقم بتاعك اصل بتاعى اتكسر كله
ناديه: حاضر من عنيه.... اجيبلك حاجه تانيه
هاله: تسلمى ياغاليه ...متتأخريش.....الف سلامه
وقفلت معها وقامت تشوف جنه
هى البت شكلها نامت تانى ولا ايه.....مش هنخلص انهارده........يا جنااااااااااااااا😠
**********************
جنه فى اوضتها كانت بتصلى الضحى
ايوه يا ماما انا جايه اهو.....وقلعت الاسدال بسرعه وجريت على مامتها
هاله :كل ده نوم يا جنه
جنه: لاء انا صحيت من بدرى بس كنت بصلى الضحى.....صباح الخير يا ماما
هاله: صباح الفل يا عروسه😁
اتكسفت جنه وضحكت☺️
جنه:لسه يا ماما مبقيتش عروسه..... لما اشوفه الاول ...وارتاحله
ويكون فيه كل المواصفات اللى عاوزاها
وأعمل استخاره بعدها ...وأشوف هوافق ولا لاء
ولو وافقت.....ساعتها بقا قولى يا عروسه 😊
هاله:ايه يا بنتى اللفه دى كلها....المهم يبقى كويس وابن حلال واهله ناس كويسين
ومرتبه بردوا لازم يكون كويس ....مش تقوليلى مواصفات وكلام ملوش لازمه
جنه: لاء طبعا يا ماما ....انا لازم ارتبط بالانسان
اللى احس انه هيكون عون ليا ع طاعة الله
هاله:بنرفزه....بقولك ايه بقا.....سيبك من الكلام ده انتى كل يوم بتكبرى عن اليوم اللى قبله
وانتى يا بنتى مبقتيش صغيره
انتى بقا عندك ٢٦ سنه..... واللى اصغر منك اتجوزوا وخلفوا كمان....والناس مبترحمش😠
جنه: انا ميهمنيش السن ولا الناس.....المهم عندى أخد الانسان اللى يعنى على طاعة الله
ادعيلى انتى بس يا ماما وربنا يقدر الخير
هاله:ربنا يسعدك يا بنتى........اااه صحيح
مش خالتك ناديه كلمتنى من شويه وبتقولى
جوزها جايبلك عريس ... رزقك واسع يا جوجو😄
جنه: لاء يا ماما مينفعش ....ما دام حد جاى
ييقى مينفعش نتكلم فى موضوع عريس تانى
لحد ما نشوف هنعمل ايه
هاله:ما انا بردوا قولتلها كده......وقولتلها كمان
تيجى تقف معنا بدل ما احنا لوحدينا كده
جنه:احسن بردوا........اروح اروق الشقه انا بقا
علشان دول جاين بعد العصر
هاله: وانا هدخل المطبخ اخلص اللى ورايا
*********************
صلاح: ابتسااام......يا ابتسااااااام 😠
فين الشرابات ....انا مش لاقى منهم غير
فرده و فرده
اروح اقابل الناس بفرده وفرده يعنى😠
ابتسام : ايه يا صلاح..... بتزعق ليه كده
يعنى رايح الديوان يا خى.....البس اى حاجه
انا تعبانه ومش قادره ادور على حاجه دلوقتى
صلاح: بيبرطم... يخربيت دى جوازه سوده 😠
ابتسام: بتقول حاجه يا صلاااااح🤨
صلاح: بقول ربنا يقومك بالسلامه يا حبيبتي 😬
ابتسام: اه ..بحسب.....خد... لقيتلك دول شبه بعض
صلاح: دول مش نضاف يا إبتسام😤
ابتسام بعصبيه: بقولك اييييه.......انا تعبانه
ومش نقصاك.... هو كان فرح البرنسيسه يعنى
دى اختك خلاص قربت تعنس ....المفروض توافق على اى حد وتخلصنا
صلاح بعصبيه: انتى ايه الكلام اللى بتقوليه ده
اختى لسه صغيره.......وزى القمر وتعليم عالى وادب واخلاق.......يعنى اى حد يتمنها😠
ابتسام بغيظ: قصدك ايه بالتعليم العالى 😠
قصدك تقول إنى انا دبلوم وتعليمى متوسط مش كده 😠
صلاح: لا قصدى ولا مقصديش.....انا ماشى
رايح لامى ....وانتى نامى وارتاحى😠
وبصوت واطى ...نامت عليكى حيطه
ابتسام: صلاااااح
صلاح: افندم🤨
ابتسام:شوف امك هتعمل اكل ايه ....وهاتلى وانت جاى ...مش قادره اطبخ انهارده
وخليها تبحبح ايديها شويه فى الاكل😏
صلاح: بغيظ....صبرنى يارب ...انا ماشى 😠
ابتسام: يصبره على ايه....هو انا قولت حاجه 😏
ومسكت التليفون واتصلت بامها
ايوه يا ماما......شوفتى اخر خبر😄
مش العانس اخت صلاح جايلها عريس انهارده
*********************
جرس الباب رن........هاله من المطبخ
افتحى يااا جنه .....دى تلاقيها خالتك جت
جنه فتحت الباب.....اهلا يا خالتو اتفضلى😊
ناديه :لولولولى....مبروك يا عروسه😁
جنه:لسه يا خالتو 😄
هاله خارجه من المطبخ.....اهلا اهلا يا نونا
وحشتينى ...وحضنوا بعض
تليفون جنه رن فى اوضتها .....
هاله : إتأخرتى ليه اوى كده
ناديه : فين التأخير ده.....ده يدوب مسافة السكه.....قوليلى..... اساعدك فى حاجه
هاله :ولا اى حاجه...اصل انا صحيت من بدرى
وخلصت كل اللى ورايا ......يدوب صنيه
المكرونه هدخلها الفرن والفراخ تتحمر
وصنيه البطاطس تاخد لون تحت الشويه
والرز موطيه عليه
اصل العريس وامه واخوه جاين من سفر
وفى وقت غدا
قولت عيب لازم اعمل غدا .....ولا ايه
ناديه: لاء عندك حق ...طب اقوم احمرلك الفراخ
هاله: يا ستى اقعدى انتى بس وارتاحى
فطرتى ولا احضرلك فطار
ناديه: يوووو...فطرت من بدرى....هاتيلى بس بؤ ميه ريقى ناشف..الجو ناااار يختى بره
هاله: حاضر يا حبيبتى.....ودخلت جابتلها الميه
الا قوليلى يا نونا... ..هى ايه حكاية العريس اللى
قولتيلى عليه...هو غنى صحيح زى ما قولتلى 😁
*********************
جنه فى اوضتها......
جنه: السلام عليكم.....ازيك يا لولو😊
ليلى : عليكم السلام ورحمة الله وبركاته يا عروسه😁
ها طمنينى .......ايه الاخبار
جنه:اخبار ايه يا بنتى بس....هو لسه جه اصلا
ليلى: يا سلام يا جوجو لو طلع فعلا اخ ملتزم وحافظ القران وامام مسجد وداعيه.زى ما قالتلك الاخت ....يبقى ما شاء الله لا قوة الا بالله
جنه: الاهم من كل ده انه يتقى الله يا ليلي
ما ياما ناس فيها كل الصفات دى
بس للاسف معندهومش لا ايمان ولا دين
ليلى : عندك حق....ربنا يجعله الزوج الصالح اللى بتتمنيه
جنه: امين يارب.....عقبالك يا لولو ..بقولك ايه
ما تيجى شويه
ليلى : اجى فين انتى كمان ...لاء طبعا مينفعش انتى بس إبقى قوليلى على الاخبار اول ما يمشوا
جنه: ماشى😊
أسيبك بقا علشان الحق ادخل اخد دوش
اصلهم زمانهم جاين.....ادعيلى يا لولو
ليلى: ربنا يكتبلك الخير والسعاده ويجعله الزوج الصالح اللى يعينك على طاعة الله 😊
جنه: امين ياااااارب😊🤲🏼
****************
ام عزت: ما خلاص بقا يا عزت😠شيلها من دماغك يا ابنى
عزت:مش قادر يامه ......مش قادر
جنه دى تربيتى.....انا بحبها اوى😩
ام عزت: طب نعمل ايه....هى عاوزة واحد بيصلى
وانت ما شاء الله عليك الله اكبر
ولا بتركعها....يبقى تتنيل وتسكت 😠
عزت بص لامه بغيظ: يهدى من يشاء يامه
ام عزت: عوجت بؤئها😏ونعم بالله يا اخويا
عزت: انا مش طايق نفسى.....انا نازل
ام عزت: طب إبقى هاتلى معاك عيش وانت طالع
عزت:طب مش نازل يامه....ارتاحى بقاااا😠
ام عزت: طب خلاص خليك قاعد وخوش لميلى الغسيل من على الحبل
عزت بغيظ: طب اروح منك فين بس 😩
حسى بيا بقا شويه ....قلبى مجروح وانتى
تقوليلى غسيل وعيش....ده انا حتى ابنك الحيله اللى خلفتيه على كبر......يعنى شوية حنان واهتمام مش كده حرام عليكى 😩
ام عزت: لأ بقا ..ما دام ابنى الحيله يبقى خوش اغسيلى المواعين بالمره.... لحسن مش قادره اقف على رجلى
عزت بغيظ خبط راسه فى الحيطه....اموتلك نفسى يامه عشان ترتاحى😩
ام عزت: رجالة ايه دول يختى .....رجاله ورق😏
***************
ناديه: ازيك يا واد يا صلاح....فينك يا ولاه مبتسألش ليه ... واحشنى
مش تبقى تجيب مراتك وتيجى تزورنى يا واد
صلاح: والله يا خالتى الشغل مطلع عينى
ده انا حتى اخدت اجازة بالعافيه انهارده
علشان العريس اللى جاى ده.....بس حاضر
اجيلك من عنيه 😊
صلاح بصوت عااااالى
الله على روايح اكلك يا ام صلاح
والله محروم منها يا خالتى
هاله خارجه من المطبخ بتضحك😄
شكلك جعان يا حبيب امك
صلاح: ولو مش جعان..الريحه دى تجوع الشبعان
ناديه: ليه يا واد ...هى مراتك مبتعرفش تطبخ
ولا تعبانه من الحمل ومبتطبخش
صلاح: الاتنين يا خالتى✌️😩
ناديه: ياعينى على حظك يا حبيب خالتك😏
جرس الباب
صلاح..العريس شكله جه ...... وقام فتح الباب
وقامت هاله وناديه يستقبلوهم
هاله : اهلا اهلا يا حاجه نورتى ... اتفضلى 😁
دخلت الأم....سلامو عليكو.....نورك يا حبيبتى
وسلمت عليهم .......ودخلت قعدت
صلاح ....اومال فين العريس مجاش ولا ايه😄
الام : مجاش ازاى 😄هو طالع مع اخوه على السلم
ناديه وهاله وصلاح واقفين .....وطلع العريس
(الشيخ محمد) ومعاه اخوه الصغير محمود
صلاح اول ما شاف الشيخ محمد..... اتصدم😳
و بص لامه وخالتو.......اللى اتصدموا هما كمان 😲😲
الشيخ محمد بإبتسامه
السلام عليكم ورحمة الله وبركاته😊
******************************
واذكروا الله☝🏼 وصلوا على حبيبه🌹
*قرأتـي الباࢪت يا جميلةة👀؟!*
*متنسيـش تحطـي ࢪياڪت لطيف يشبهڪ🥰🥰..*