الفصل 4
*⏎ روايـةةة هدايـةة البـدر ♥️🌝☆))•*
*تـمـت مـشـــاࢪڪــةة الـروايـــةة بــــواسطــةة شــــغـــــف♥️🌝*
*تــــم مشــــــاࢪڪـةة الـࢪوايـــــةة مــــــن قنـــــاةة*
*𝙋𝘼𝙎𝙎𝙄𝙊𝙉 𝙉𝙊𝙑𝙀𝙇𝙎 ♥️🌝*
*تابع قنـاةة* 𝙋𝘼𝙎𝙎𝙄𝙊𝙉 𝙉𝙊𝙑𝙀𝙇𝙎 ♥️🌝
• َ𝒍𝒊𝒏𝒌 𝒕𝒉𝒆 𝒄𝒉𝒂𝒏𝒏𝒆𝒍 |
*https://whatsapp.com/channel/0029VajIeg1GJP8HfD2NB33R
*_تابع قناة التبادل في واتساب:_*
> * • ۧ𝖑𝖎𝖓𝖐 𝖙𝖍𝖊 𝖈𝖍𝖆𝖓𝖓𝖊𝖑 ♥️🌝
*https://whatsapp.com/channel/0029VaoXtEO3AzNSJoJxmu2w*
16/17الاخير
رواية هدايه البدر الحلقة السادسة عشر
يا استاذ كريم الحق الدكتوره هدي خبطتها عربيه
كريم قام وقف و جري بخضه :بتقول ايه …هي فين دلوقتي
بدر مفهمش مين كلم كريم وطلع يجري ليه قام وراه
بدر:يا كريم استني انت هتجريني وراك
كريم قال لبدر انهم هيركبوا عربيته ويطلع علي المستشفي اللي شغاله فيها هدي
بدر بقلق:هدي مالها
كريم:لما نوصل هنعرف يلا بس بسرعه انت
بدر زود سرعه العربيه ووصلوا بسرعه نزلوا من العربيه وكريم دخل يجري جوا المستشفي وسأل علي الاوضه اللي فيها اخته
الممرضه:الاوضه اللي علي اليمين
بدر عرف ان هدي تعبانه ومشي بسرعه قبل كريم علي الاوضه ولما دخلوا شافوها علي السرير وراسها ملفوفه بشاش وفي جهاز متوصل ليها …بدر فتح عينه بصدمه
بدر اتجن لما شاف منظر هدي طلع من الاوضه يدور علي الدكتور وما شافه سأله :هي هدي ايه اللي حصلها
الدكتور:حادثه بسيطه ومفيش منها اي إصابات خطيره عليها وتقدروا تدخلوا تشوفوها بس هي لسه مفاقتش لأن ادناها بينج
بدر وكريم دخلوا عندها الاوضه وبدر قعد علي الكرسي قدام هدي وفتح المصحف علي الموبايل وقعد يقرألها قرآن
محمد كان باصص علي باب المدرج وسلمي دخلت هو كان بص بعيد ورجع بص تاني علي الباب
سلمي دخلت وقعدت بكل هدوء والمضايقات اللي كانت بتحصلها زمان بطلت
ب انتهاء المحاضرات محمد راح لسلمي وهو باصص في الأرض
سلمي بصتله بإستغراب واتكلمت بهدوء:نعم
محمد بتوتر:كنت عايز رقم والدك
سلمي عقدت حواجبها:ليه هو انا عملتلك حاجه ضايقتك؟!
محمد استغرب ردها وضحك بخفوت :هو انا لما اطلب رقم والدك هبقي عايزُه عشان اشتكيه؟
سلمي بنفس عقده الحواجب:اومال عشان ايه
محمد:كلها كام يوم وتعرفي ليه
سلمي ادتله رقم والدها ومشيت وهي مستغربه
ناهد كانت قاعده في البيت لقيت رقم غريب بعتلها صور خطيبها واقف مع بنات وتسجيلات صوت وهو بيكلم بنات
ناهد دموعها نزلت تلقائي وهي مش مصدقه بتسمع وهي مش مصدقه ده نفس الكلام اللي كان بيقولوا ليها ازاي قدر يقول كده لكل البنات دي بيحبهم كلهم ! مسحت دموعها ورنت عليه
نادر بصوت ناعس:ايه يا ناهد حد يصحي حد كده
ناهد اتكلمت بثبات عكس اللي جواها:عايزه اشوفك
نادر بضيق:لما اصحي اكيد مش دلوقتي
ناهد :دلوقتي وضروري تعالي علي الكافيه اللي متعودين نروحوا
نادر قام يلبس بضيق وهو بيشتم في ناهد انها صحته من نومه واكيد عشان حاجه تافهه
بعد نص ساعه كان في المكان اللي اتفقوا عليه
ناهد كانت قاعده حاطه رجل علي رجل وفارده ضهرها لورا وكانت طالبه عصير ليمون انحنت عشان تشرب من العصير اخدت منه شفطه ورجعت تاني لورا وبصت لنادر اللي مستغرب ها:عامل ايه
نادر بضيق:بقي انتِ جيباني كل ده عشان تقوليلي عامل ايه يعني لو قولتلك وانا في البيت اني كويس مش هكون كويس غير لما اشوفك
ناهد فتحت موبايلها وهي بتبتسم ببرود:لا اصل كنت عايزه اسمعك حاجه….فتحت تسجيل وقالتله اسمع
نادر اتوتر ومكنش عارف وصلها ازاي:ا..ايه اللي انتِ مشغلاه ده
ناهد رفعت صباعها:لا لحظه واحده لسه في حاجه كمان ….فتحت صوره ليه وهو واقف مع بنت :شايف دي …بص كده ولا دي ….لا لا دي احلي
نادر كان مبرق في الموبايل بلع ريقه برعب وبصلها بتوتر:ناهد انتِ فاهمه غلط الحاجات دي مش تبعي دي حد مفبركها
ناهد رفعت راسها بتريقه: يااه بجد طب وصوتك الحنجره الذهبيه دي هيفبركوها ازاي
نادر هز كتفه :معرفش بس كل حاجه دلوقتي بتتفبرك
ناهد قامت وخبطت علي الطرابيزه:كفايه كدب ….امسك ادي حاجاتك مش عايزه اشوف وشك تاني.
ناهد روحت البيت وحكت بأختصار لوالدتها اللي حصل بينها وبين نادر وأنهم سابوا بعض …ودخلت اوضتها وقفلت علي نفسها
ام احمد كانت بتخبط علي باب اوضه ناهد :افتحي يا ناهد انتِ من وقت ما جيتي وانتِ حابسه نفسك كده
ناهد ببكاء:سيبيني يا ماما انا عايزه اقعد لوحدي
ام احمد وقلبها واجعها علي بنتها:يابنتي بتعملي في نفسك كده ليه واحد مش كويس وراح لحاله مموته نفسك عياط ليه
ناهد قامت فتحت لباب لوالدتها واترمت في حضنها: اتحسبت عليا خطوبه والسلام… بنتك تعبانه اوي يا ماما كان مفهمني كل ده انه بيحبني وفي الاخر يطلع خاين
ام احمد:محدش بيحسبها كده يا حبيبتي انها خطوبه وخلاص اسمها تجربه فاشله ومنجحتش لسه في تجارب تاني في حياتك والجايه هتنجح بإذن الله
عماد راح لجيلان وحكالها ان ابنها بيحب واحده مسلمه وهو قريب هيكلمه وهيرجعه البيت
جيلان:البنت دي كويسه يعني ولا ايه
عماد :بنت محترمه وشغاله دكتوره في المستشفي بس النهارده خبطتها عربيه
جيلان بخضه:يالهوي طب وبدر يعرف
عماد بضحك:اه يعرف وهو من وقت ما عرف وهو لازقلها
جيلان بحيره:انا مش عارفه اعمل ايه…ده ابني وابنك مش هنعرف نسيبه لوحده
عماد بضحك:ومين قال ان احنا هنسيبه هيجي يعيش معانا زي الاول
هدي فاقت وفتحت عينها بهدوء وأول حاجه شافتها بدر اتكلمت بإبتسامه:بدر….
رواية هدايه البدر الحلقة السابعة عشر
هدي فاقت وفتحت عينها بهدوء وأول حاجه شافتها بدر اتكلمت بإبتسامه:بدر
بدر انتبه وكريم كمان انتبه وبصوا لها
هدي اتحرجت انها نطقت اسم بدر :احمم انتو هنا من امتي
كريم باصص لهآ وهو مضيق عينيه :هنا من بدرى كنتي عاوزه ايه من بدر
هدي بصت لبدر: انا استغربت بس عشان ده ناديت
بدر ابتسم لهدي واطمن انها بخير وخرج من المستشفي راح علي الجامع يصلي ويشكر ربنا انه استجاب لدعاءه
هدي خرجت من المستشفي وعدت الايام علي خير وكريم قعد مع هدي عايز يعرف رأيها:هدي بدر كان متقدملك موافقه ولا لا
هدي بفرحه قامت وقفت :بجد
كريم بص لها بهدوء وعارف أن اخته بتحب بدر
هدي قعدت مكانها:احم قصدي وصاحبك اللي كان متقدم
كريم بهدوء:صاحبي ده أصغر منك …كمل بخبث: المهم ان بدر اكبر منك وهو طالب ايدك انتِ لو مش موافقه انا هقوله عادي
هدي شاوري بإيدها الاتنين:لا لا مش موافقه ازاي موافقه طبعا
كريم قام وحضن اخته وهو فرحان بيها:قريب هشوفك لابسه الفستان الأبيض خلاص هانت
محمد اخد ميعاد مع ابو سلمي واخد اهله وراح قابله
ام محمد بصت لأبنها اللي قاعد ساكت واتكلمت:بص يا حج احنا جايين وطالبين ايد بنتك سلمي لأبننا محمد
ابو سلمي بهدوء:ايه وظيفتك
محمد:مهندس
ابو سلمي:عندك شقه؟!
محمد :اه عندي شقه لسه جديده بانيها
ابو سلمي سأله كام سؤال وسلمي خرجت تقدملهم ساقع
اخوات محمد البنات اول ما شافوا سلمي مالو علي اخوهم :عروستك احلي منك ياض يا مقشف
ابو سلمي قال لمحمد:بص يابني انا موافق وميعيبكش حاجه الرأي الاول والاخير لسلمي وبعدها نسأل عن اصلك وفصلك واللي فيه الخير يجيبه ربنا ….ها يا سلمي موافقه بمحمد ولا لا
سلمي نزلت وشها في الارض واكتفت بأنها تهز راسها
ابو سلمي :خير يابني انت كده واخد موافقه أوليه هنسأل عنك وانا هرد عليك
محمد شكر الراجل ومشي هو وأخواته وامه
ام احمد كلمت كريم عشان يجي يغيرلها الانبوبة
ام احمد فتحت لكريم ودخلته البيت وهو دخل علي المطبخ علي طول وغير الانبوبة
كريم بعد ما خلص:اومال البيت هادي كده ليه
ام احمد :العيال مش قاعدين راحوا عند خالتهم وناهد قاعده في اوضتها حابسه نفسها
كريم قلبه وجعه :ليه مالها
ام احمد بحزن:سابت الزفت خطيبها
كريم ابتسم وهو مش مصدق
ام احمد استغربت:انت بتضحك ليه
كريم :هي فين دلوقتي
ام احمد:في اوضتها ومموته نفسها عياط
كريم : طيب ممكن تبلغيها اني عايز اقابلها
ام احمد دخلت لناهد اللي قاعده تعيط في اوضتها:قومي البسي الاسدال واغسلي وشك واطلعي عشان كريم بره وعايز يقابلك
ناهد استغربت ان كريم عايز يقابلها:يعني هيكون عايزني في ايه هيقولي كلمتين زيك قوليله نايمه
ام احمد مسكت الشبشب:قومي يابت بدل ما اقومك بطريقتي
ناهد قامت بضيق ولبست اسدالها وغسلت وشها وخرجت:نعم
كريم اتحرج من اسلوبها:لا هو مفيش انا بس عرفت انك فسختي خطوبتك وكنت جاي اقولك متزعليش نفسك علي واحد خاين ام احمد قالتلي وهو ميستاهلكيش
ناهد اتنهدت بتعب هي عارفه الكلمتين دول:شكرا
كريم حس ان في غصه في قلبه:هو انتِ كنتي بتحبيه للدرجه دي
ناهد :ولا حبيته ولا حاجه انا بس اللي قهرني انه مفهمني ان هو بيحبني ومش بيكلم حد غيري وهو مفيش اكتر من البنات في حياته لما تلاقي شريك حياتك بيخونك وقتها بتحس بالإهانة اللي هو انا ايه ناقصني عشان تبص بره ومتضايقه انها اتحسبت خطوبه بالكدب
كريم بهدوء:هتستوعبي بعدين انك مكنش لازم تعيطي علي واحد خانك واحد عايش حياته وانتِ بتعاني هتستوعبي وياريت لو تستوعبي بدري عشان متندميش انك ضيعتي وقتك علي واحد ميسواش الوقت اللي قاعده دلوقتي فيه بتعيطي قومي انجزي فيه اعملي حاجه كان نفسك فيها شوفي هوايه اقرئي كتاب العبي رياضه قربي من ربك حاجات كتير لو عملتيها هتنسيكي انك كنتي مخطوبه اصلا بس هتفضلي فاكره التجربه وهتتعلمي منها ومتأمنيش لأي راجل
ناهد حست انها فعلا محتاجه تطلع من دايره الحزن دي هزت راسها وهي مبتسمه :حاضر هعمل كده
بعد اسبوع كان كتب كتاب بدر وهدي بدر رفض يعمل خطوبه وقال كتب كتاب علي طول
هدي كانت مبسوطه جدا
وبدر كان مبسوط اكتر منها …كريم بعد كتب الكتاب روح هو واخته وشالها ولف بيها :فرحان بيكي اوي يا قلبي
عدي الوقت بسرعه وكان محمد كمان كتب كتابه علي سلمي
ناهد راحت لمحمد الشغل بتاعه
كريم ساب اللي في ايده ومسح عرقه بكمه وراحلها :وانا اقول الدنيا نورت ليه
ناهد بإبتسامه:شكرا شكرا علي كلامك ده تشجيع ليا اني ابدأ حياه جديده وبدأتها فعلا
كريم بفرحه :كويس جدا انك اخدتي كلامي جد وبدأتي حياتك من جديد…ناهد…تتجوزيني؟!
ناهد وطت راسها بإحراج ومشيت بسرعه وهو وقف يضحك عليها
بعد شهرين
كان فرح محمد وبدر وكريم وسلمي وهدي وناهد
الشباب كانوا في اوضه والبنات في اوضه
محسن وهو بيلبس البدله وعامل نفسه بيعيط:بقي كلهم اتجوزوا يا محسن الا انت والحزين عادل
عادل بضحك:الله وبتحزني ليه
محسن:عشان واد فقر من يوم ما اتلميت عليك واحنا الاتنين سناجل امتي يعني هنتجوز
عادل بضحك:وده يدل علي اخلاقي مخليك سنجل
محسن رفع ايده :يا رب اتجوز يا رب عروسه
كلهم ضحكوا عليه
بدر خلص لبس واتكلم بإبتسامه:شكلي حلو ؟!
محمد بتصفير:ايه ياض الحلاوه دي كلها
بدر عدل ياقه بدلته واتكلم بفخر:اقل حاجه عندي
عند البنات
هدي:شكلي حلو بالنقاب يا بنات ولا ايه
ناهد قربت منها وحضنتها:زي القمر يا حبيبي
سلمي:انا حاسه شكلي غريب
هدي بضحك:غريب ايه يبت ده ولا القمر في ليالي اكتماله
مروه اخت سلمي بضحك:عندك حق يا هدي شكلها قمر كلكم شكلكم قمر
كل عريس راح ياخد عروسته
مروه فتحتلهم الباب
وبدر اول ما شاف هدي لابسه نقاب ابيض فوق الفستان مكنش مصدق نفسه من الفرحه :ايه ده بجد انتِ هدي
هدي بإحراج:ايه شكلي مش حلو ولا ايه
بدر بضحك وهيام:مش حلو ايه ده زي القمر
حط ايده في ايدها وخرج
كريم لناهد :هو انتِ بتحلوي كل يوم عن اللي قبله
ناهد اتحرجت واتكلمةبصوت واطي:انت كمان شكلك حلو
كريم بضحك وصوت عالي:ايوه يا سيدي اخيرا مدحتيني
حط ايده في ايدها وخرج
محمد بإبتسامه:زي القمر وانتِ مكسوفه كده
سلمي بتذمر:يعني ببقي وحشه باقي الوقت
محمد بضحك:دايما فهمك بالمقلوب
حط ايده في ايدها وخرج
نزلوا كلهم عي الفرح والكل كان بيشجعهم
عادل شاف واحده راح وقف معاها وكان باين عليهم معرفه قديمه
محسن من بعيد ماسكله منديل وبيمسح دموع وهميه:حتي انت يا عادل يا جربان شوفتلك واحده حسبي الله
بعد 10 سنين الكل متجمع عند بدر
معاذ:بابا هو انت وماما حبيتوا بعض ازاي
بدر بص في الفراغ كده :بتفكرني ليه ما صدقت نسيت المصيبه اللي وقعت نفسي فيها زمان
هدي قامت وقفت وحطت ايدها في وسطها:لا والله بقي انا مصيبه
بدر بحب:انتِ عمري كله يا حبيبتي
هدي هديت وقعدت
بدر بص لمعاذ:امك يا معاذ دي نعمه بحمد ربنا عليها كل يوم
معاذ :بابا انا كمان عايز اتجوز نادين او ساره بنات عمو محمد
سامر اخو معاذ :انت لسه صغير يا معاذ
كريم قام وهو بيضحك واخد بناته معاه:انا ماشي قبل ما ابنكم يجي يغير رأيه ويقول حد من بناتي
(لا تنسوا الصلاه علي الحبيب)
تمت بحمد الله ♥