الفصل 2
*⏎ روايـةةة هدايـةة البـدر ♥️🌝☆))•*
*تـمـت مـشـــاࢪڪــةة الـروايـــةة بــــواسطــةة شــــغـــــف♥️🌝*
*تــــم مشــــــاࢪڪـةة الـࢪوايـــــةة مــــــن قنـــــاةة*
*𝙋𝘼𝙎𝙎𝙄𝙊𝙉 𝙉𝙊𝙑𝙀𝙇𝙎 ♥️🌝*
*تابع قنـاةة* 𝙋𝘼𝙎𝙎𝙄𝙊𝙉 𝙉𝙊𝙑𝙀𝙇𝙎 ♥️🌝
• َ𝒍𝒊𝒏𝒌 𝒕𝒉𝒆 𝒄𝒉𝒂𝒏𝒏𝒆𝒍 |
*https://whatsapp.com/channel/0029VajIeg1GJP8HfD2NB33R
*_تابع قناة التبادل في واتساب:_*
> * • ۧ𝖑𝖎𝖓𝖐 𝖙𝖍𝖊 𝖈𝖍𝖆𝖓𝖓𝖊𝖑 ♥️🌝
*https://whatsapp.com/channel/0029VaoXtEO3AzNSJoJxmu2w*
6/7/8/9/10
رواية هدايه البدر الحلقة السادسة
يوستينا بجمود: عايزه اعمل محضر جريمه قتل وانا القاتل
الظابط:احكيلي بالظبط اللي حصل
بعد نص ساعه كانت يوستينا حكت كل حاجه
الظابط:افتحلي يبني محضر واكتب ورايا اللي هقولك عليه
بدر اتخنق من كل اللي حواليه وكان عايز يهرب يروح اي حته عشان يبعد عن الكل ركب عربيته وراح اسكندريه وقعد عن البحر فضل باصص للبحر كتير وهو بيفكر ازاي كريم اخو البنت دي وازاي كريم يمد ايده علي اخته بدر قام و راح للشقه بتاعته اللي بتطل علي البحر… دخل اوضته ورمي نفسه علي السرير وحط ايده علي شعره واتنهد بتعب بعد فتره من التفكير في يوستينا وهدي والموقف اللي حصل معاهم واهله اللي ليهم فتره متضايقين منه كل حاجه بتتخبط عليه من كل حته نام بدر
عشان يرتاح شويه من التفكير لكن أحلامه مكنتش سيباه صحي من النوم وهو بيصرخ:لا يا يوستينا…ماتسبينيش
عادل خد محسن وطلعوا شقه ام احمد يظبطوا اللي باظ منها ويبدلوا العفش اللي اتحرق
محسن:شيل دي معايا يا عادل
عادل كان تعب وجاب آخره رمي نفسه علي الكنبه :لا انا استوب لحد كده
محسن قعد جمبه وهو بيضحك عليه:صحتك عامله زي الست الحامل
عادل رمي عليه المخده:بقي انا بتشبهني بست حامل
محسن انتبه مره واحده وكأنه افتكر:صحيح انت كلمت بدر؟ برن عليه من بدري مش بيرد ولا حتي الواد كريم
عادل هز راسه بيأيده:ايوه فعلا انا رنيت كتير علي بدر ومردش…بس كريم مكلمتهوش
محسن:مش عارف في ايه معاهم كريم طلع يجري بعد ما قفل مع اخته علي المستشفي وبدر من وقت ما ودا احمد المستشفي وهو مختفي
عادل بضحك:المهم انهم محدش منهم راح بعيد الاتنين في المستشفي
كريم بص لهدي وهو مستغرب كلام بدر:كان قصده ايه بالكلام ده كان يقصد ايه اني انا بس اللي ضهرك…ما انا وماما ضهرك من زمان
هدي بصت لكريم وعيونها مليانه دموع:انت عمرك ما كنت ضهري يا كريم ولا هتكون عايز تعرف كان قصده ايه؟كان قصده يقولك ان ماما ماتت مبسوط دلوقتي؟!
كريم قرب من هدي عايز يحضنها وهو مش مصدق كلامها:هدي انتي بتقولي ايه؟!
هدي صرخت بصوت عالي:ابعد عني متلمسنيش ….
رواية هدايه البدر الحلقة السابعة
يوستينا:بدر انا قت’لت الست اللي كانت في المستشفي
بدر اتصدم من اللي سمعه:بتقولي ايه؟! قت’لتي؟!
يوستينا ببكاء:انا دورت وعرفت ان الدكتوره اللي كانت بتبكي امبارح في المستشفي دي بنتها… انا كنت سايقه العربيه ومشغله اغاني كالعاده الست دي كانت ماشيه في الطريق وشايفه العربيه بتاعتي وعندت تمشي ….كانت بتقولي استني وانا مستنتش خبطتها يا بدر
بدر بصلها بحقاره:جايه تندمي دلوقتي بعد ايه بعد ما الست ما’تت….بدرقام وقف وقبل ما يطلع بصلها:مش عايز اعرفك تاني
يوستينا فضلت تعيط مكانها
بدر راح علي المستشفي يطمن علي أحمد وعرف من الدكاتره انه حرق سطحي وقدروا يعالجوه ….راح يدور علي هدي البنت اللي بتشده ليها بكل حاجه فيها…كانت قاعده مكانها بتعيط بدر قعد جمبها وبص قدامه : بتحبي مامتك للدرجادي؟!
هدي بصت ناحيه الصوت لكن ماشفتش كويس مين اللي بيكلمها من الدموع اللي في عينها:كانت سندي كانت دايما تنصفني وتوقف في وش اخويا دلوقتي مليش غير ربنا واخويا
بدر:اخوكي يعرف ان مامته ما’تت؟
هدي استوعبت انها مبلغتش اخوها باللي حصل دورت علي موبايلها في جيبها ومسحت دموعها وكانت شايفه طشاش جمعت رقم اخوها ورنت عليه
كريم:السلام عليكم ورحمه الله وبركاته …..مالك يا هدي في حاجه
هدي:وعليكم السلام ورحمة الله وبركاتة…تعالي علي المستشفي يا كريم عايزاك
كريم قلق علي اخته في العاده مش بتطلب منه يروحلها شغلها:حاضر جاي بس طمنيني عليكي في حاجه
هدي بحنان:اطمن يا حبيبي انا بخير
كريم:طيب يلا مسافه السكه واكون عندك
محمد وصل ام احمد وبناتها بيته وأخواته وأمه استقبلوهم
محمد جيه يمشي ام احمد طلعت تجري وراه:استني يابني بالله طمني علي أحمد خدني عنده
محمد ابتسم وباس راس ام احمد:هطمنك عليه دلوقتي حالا ياست الكل محمد طلع تليفونه ورن علي بدر:الو يا بدر انت في المستشفي؟!
بدر بهدوء:اه في المستشفي واحمد بخير والدكاتره عالجوه
محمد كان فاتح الاسبيكر وبص لام احمد وهز راسه بمعني شوفتي
محمد:طيب يا حبيبي سلام انت دلوقتي
كريم وصل لهدي المستشفي وسأل علي مكانها وراحلها شافها قاعده تعيط وجمبها بدر وباصص قدامه بكل هدوء
كريم اضايق جدا ان اخته تبقي قاعده كده وتوافق ان شاب يقعد جمبها لا ومش اي شاب ده صاحبه بدر
كريم زعق بصوت عالي:هدي
هدي بصت لأخوها وطلعت تجري عليه حضنته كريم بعدها عنه بالعافيه وضر’بها علي وشها بالقلم
بدر قام وقف واتصدم ان صاحبه قدامه وبيمد ايده علي بنت ده كريم اللي مش بيبص في عين اي واحده :ايه اللي انت عملته ده انت بتمد ايدك علي بنت
كريم بص لبدر بقرف:دي اختي وميخصكش أمد ايدي عليها ولا لا من دلوقتي ولا انت صاحبي ولا انا اعرفك
بدر اتصدم من كلام كريم هو مش عارف دي الصدمه الكام ليه النهارده بدر مسك اعصابه وقرب من كريم واتكلم بهدوء:فين الشيخ كريم بتاع الحرام والحلال مش دي اختك بردو ودينك بيحرم انك تمد ايدك عليها او علي اي واحده تاني ياشيخ ده كل الاديان بتحرم انك تمد ايدك علي واحده …دي أضعف منك انا ماشي فعلا وحزين علي اللي انت وصلتله وعلي اللي قولته
واللي عملته بس قبل ما امشي عايز اعرفك ان اختك رنت عليك عشان تعرفك ان انت بس دلوقتي اللي ضهرها وسندها في الدنيا دي ….خلي بالك من اختك….سلام
يوستينا لبست هدومها وقررت قرار ومش هتتراجع فيه نزلت ركبت عربيتها وطلعت علي قسم الشرطه وراحت تقدم محضر
….:عايزه تعملي محضر ايه
يوستينا بجمود:محضر قت’ل وانا القا’تل…
رواية هدايه البدر الحلقة الثامنة
بدر كان خارج من الملهي اليلي واول ما خرج شاف ابوه
عماد بسخريه:بقي انت هنا واحنا بنلف عليك طول الفتره دي….انا مصدقتش لما وصلني خبر انك في النايت كلوب…ضر’به بالقلم:الظاهر اني مربيتش كويس
بدر حط ايده علي وشه واتكلم بحرقه:انت فين من حياتي أصلا عشان تقول ربيت انت بأي حق جاي تحاسبني
عماد بص لأبنه بوجع :كل خطوه قبل ما تخطيها انا بكون عارفها انت فكرك اني مش عارف بالمول اللي انت فاتحه ولا الشقه اللي في اسكندريه بتاعتك ولا حتي البت الدكتوره المسلمه اللي عجبتك واتخانقت انت وصاحبك بسببها علي العموم انا كلمته وعملت اني معرفش مكانك عشان لما يشوفك يصالحك انا مكنتش هجيلك عشان عارف يا بدر ان انت راجل وقد المسؤليه وامك صعبت عليا وحكتلها عن كل حاجه اللي خلاني اجيلك ان دي اول مره ليك تشرب خ’مره مكنتش مصدق
بدر قرب من ابوه وحضنه :ولما انت تعرف عني كل ده محاولتش تقرب مني ليه ….ليه مورتنيش حنانك
عماد:مكنش قصدي ابعد عنك لكن كنت عايزك تعتمد علي نفسك
بدر طبطب علي ضهر ابوه:حصل خير…يلا بينا نرجع امي وحشتني والشباب كلهم وحشوني
عماد مسح دمعه فرت من عينه:يلا
كريم وهو قاعد مع عادل:انا حاسس اني انا السبب ان بدر ميظهرش كل ده ….هو ممكن يكون حصله حاجه؟
عادل هز كتافه بعدم معرفه :معرفش بس انا حاسس انه هيظهر قريب.
كريم:يارب
الباب خبط كريم قام فتح وكان محمد و محسن
عادل سمع صوتهم ضحك:العصابه جات
جيلان كانت قاعده في اوضتها بتعيط علي ابنها
مره واحده لقيته دخل عليها الاوضه رفعت راسها لما حست ان حد فتح الباب شافت بدر طلعت تجري عليه:حبيبي وحشتني كنت فين كل ده بعيد عني
بدر:سامحيني يا حبيبتي كنت محتاج اقعد فتره لوحدي
بدر بأس راس امه وبعد ما قعد معاها ساعتين قام عشان يروح لصحابه.
باب شقه عادل خبط
كريم قام يفتح
اول ما فتح شاف بدر الاتنين فضلوا باصيين لبعض شويه وكريم قرب من بدر واخده بالحضن
بدر دخل عندهم كلهم
عادل بضحك:ادي العصابه كملت…انا مش فاهم هو انا خلفتكم ونسيتكم ما تروحوا تشوفوا مكان تاني غير شقتي
محسن:شقتك لولانا ملهاش لازمه ….كلهم قاموا سلموا علي بدر وبدر بعد ما قعد معاهم شويه قام عشان يروح ليوستينا
راح بيت يوستينا وامها فتحتله اول ما شافته بصتله بضيق:عايز ايه
بدر استغرب اسلوبها:يوستينا فين
ام يوستينا بصتله بحقاره وقرف:وانت متعرفش ان يوستينا اخدت اعدا’م
بدر:…
رواية هدايه البدر الحلقة التاسعة
ام يوستينا بصتله بحقاره وقرف:وانت متعرفش ان يوستينا اخدت اعدا’م
بدر بصدمه اخر حاجه كان ممكن يتوقعها:ازاي ده يحصل وحصل امتي
ام يوستينا :اسأل نفسك….قفلت الباب في وشه
بدر مشي وهو مش مصدق اللي سمعه رجع لصحابه
كريم قرب من بدر وعلي وشه ابتسامه:مش تباركلي
بدر ببسمه مصطنعه:مبروك
كريم استغرب رد بدر:مش هتسأل مبروك علي ايه
بدر:مبروك علي ايه
كريم بإبتسامه عريضه:خلاص هتجوز البنت اللي بحبها
بدر طبطب علي كتف كريم:يتمملكوا علي خير
عادل:انا كمان عايز اتجوز
محسن بإستغراب:في عروسه؟؟!
عادل هز راسه بلا:مفيش بس انا عايز اتجوز
محمد حمحم بصوت عالي:احم احممم انا كمان هتجوز اخت البنت اللي هيتجوزها كريم
محسن:عندها اخت تالته؟!
محمد:اه عندها بس دي لسه19
محسن بإبتسامه عريضه:وماله ده سن حلو
بدر:انتو ناسيين انكم بتتعلموا؟!
كريم:شكلك انت ناسي اننا ساقطين…كريم غمز لبدر:ايه مفيش انت كمان
بدر قام وقف:لا مفيش …يلا سلام انا دلوقتي هروح البيت ارتاح شويه
كريم:وانا كمان ماشي سايب هدي لوحدها
بدر كان ماشي و لما سمع اسمها وقف وحس بنبضات قلبه عليت …بعدها مشي علي طول
كريم نزل ركب مواصلات ووصل بيته اول ما دخل البيت هدي نطت في وشه:فينك كل ده
كريم باس راسها:معلش يا حبيبتي اصل بدر ظهر اخيرا وكان قاعد معانا عشان كده طولت
هدي فرحت اول ما سمعت كلامه:ا..اييه دده بجد اخيرا…حمدلله علي سلامته
كريم لاحظ لهفتها اول ما عرفت ان بدر جيه بعدها عنه براحه:طيب ياحبيبتي ادخلي نامي انتِ دلوقتي
ناهد:اسكتي يابت كريم مين ده اللي يتجوزني…كريم بيه ده طموحه اعلي من انه يتجوزني
سهى نفضت يإيدها في الهوا:يا اختي روحي إذا كان بقولك سمعتهم…وانا عايزين يجوزوني للاستاذ محسن
والبت مروه للأستاذ محمد
ناهد بصتلها بحده:جواز ايه يبت انتِ دلوقتي …لسه صغيره
تاني يوم اول ما صحي بدر او بمعني تاني بدر ما نامش من التفكير رن علي كريم
كريم بصدمه:انت بتقول ايه…
خمنوا
رواية هدايه البدر الحلقة العاشرة
كريم بصدمه:انت بتقول ايه
بدر ببكاء:انا هنت’حر ….اسف متزعلش مني لأي سبب وسلملي علي الشباب
كريم نط من علي السرير وهو بيلبس تيشيرت و صر’خ فيه بصوت عالي:انت فين دلوقتي
بدر غمض عينه وهو بيبكي:متحاولش معايا يا كريم انا خدت القرار وخلاص
كريم دموعه نزلت غصب عنه وكلم صاحبه بترجي:ارجوك يا بدر متعملش اي حاجه في نفسك بعد ما اقعد معاك اعمل اللي نفسك فيه …ارجوك…ابعتلي العنوان دلوقتي
هدي شافت كريم وهو متوتر ومش عارف يمسك مفتاح باب الشقه وأيده بتترعش خافت علي اخوها ومسكت منه المفتاح وفتحت الباب:كريم مالك في ايه
كريم نزل من غير ما يرد علي هدي
جيلان صحيت من النوم علي كابوس عماد صحي جمبها مخضوض:في ايه يا جيلان مالك
جيلان حطت ايدها علي صدرها وهي بتاخد نفسها:كابوس…هات كوبايه المايه اللي جمبك
عماد إداها كوبايه المايه
جيلان اخدت منه الكوبايه وشربت و قامت من علي السرير
عماد قام وراها:رايحه في يا جيلان
جيلان:قايمه اطمن علي بدر
فتحت باب الاوضه بتاعته لقيته مش قاعد….جيلان بخضه:عماد الحقني ابنك مش موجود في اوضته
عماد بعدها من الطريق ودخل بص في الاوضه:ازاي يعني مش موجود هيكون راح فين …اكيد عند صحابه
محمد بعد ما لبس هدومه وجهز راح عند الاوضه اللي فيها محسن وخبط:محسن خلصت؟!
محسن استغرب ايه الأدب اللي نزل علي محمد :مين
محمد بضحك:مين يعني محمد
محسن فتح الباب:يعني انا سمعت صح ايه ياض الاحترام ده
محمد زق محسن بدراعه:اخلص يلا عشان منتأخرش علي الكليه
محسن حط ايده علي بطنه بوجع:دراع بني آدم ده ولا دراع فيل
محمد رفع حاجبه بسخريه:وهو الفيل عنده دراع!
محسن طلع قدام محمد وفتح باب الشقه:اه انت شكلك مكنتش بتحضر حصص الأحياء في ثانوي
محمد ضحك:استغفر الله العظيم …اخلص اخلص
محسن بصله بقرف:الله متزقش منا ماشي
كريم راح علي العنوان اللي بعته ليه بدر كان مكان عالي وعلي السطح اول ما شاف بدر واقف علي السور كان بيمشي ناحيته براحه واتكلم بهدوء ونبره صوته فيها بحه:بدر ليه…ليه عايز تعمل في نفسك كده انت متعرفش ايه ممكن يحصلي لو انت عملت في نفسك كده …دموعه نزلت من غير ما يحس وهو بيفتكر ذكري بشعه في حياته:متعملش زي رفعت…رفعت صاحبي اللي انت’حر وسابني ومعملش حساب ليا
بدر بيبكي من غير ما يبص لكريم لأنه عارف لو بصله هيضعف من منظره وهو خلاص اخد قراره …بس جمد قلبه وزعق ولف مره واحده :صاحبك ده اللي انت نسيته ولا امك اللي اتوفت وانت نسيتها وبعدها بأسبوع قايم تضحك
كريم مسح دموعه بكم هدومه واتكلم بسخريه :نسيته؟!…وامي نسيتها؟!
انت متعرفش النار اللي جوايا اللي بحاول اطفيها كل يوم انا عمري ما هاجي وابينلك وجعي او اقولك انا فيا وفيا انا اه هسمع وجعك وبصدر رحب وعمري ما هزهق منك لكن انا مقدرش اطلع اللي جوايا مقدرش …امي منستهاش انا بهرب من التفكير في قعدتي معاكم وفي هزارنا ده ….ارجوك يا بدر فكر في اي حد عزيز عليك مش عشاني عشان ابوك وامك دول مش هيزعلوا عليك ويوستينا
بدر نزل من علي السور وجري علي كريم واترمي في حضنه وهو بيبكي:يوستينا خلاص يا بدر مبقتش موجوده ….يوستينا هي اللي قت’لت امك ولما عرفت وبعدت عنها سلمت نفسها واتعد’مت
كريم مكنش مصدق اللي بيسمعه قعد علي الارض ومعاه بدر وبص في السما وهو بيرص’خ:يااااااااااااارب ….يارب خفف عني مبقتش قادر استحمل يارب
ام احمد وهي بتفتح الباب للضيوف بترحاب:اتفضلوا اتفضلوا ده البيت بيتكم
نادر:عامله ايه يا طنط
ام احمد بإبتسمامه بشوشه:بخير يا حبيب طنط
ابو نادر:طبعا انتي عارفه سبب زيارتنا يا ام احمد عشان كنا طالبين منك ايد ناهد لإبننا نادر
ام احمد:ايوه عارفه وموافقه طبعا هو احنا هنلاقي احسن من نادر فين
ناهد خرجت من الاوضه وهي لابسه شيك وحاطه ميك اب زى ما والدتها قالتلها
ام نادر: ماشاء الله تبارك الرحمن عروستك زي القمر يا نادر
ناهد قعدت بإحراج
ابو نادر:نعرف رأيك يا عروسه
ناهد بصت في الأرض:رأيي من رأي ماما
ام نادر زغرطت
ابو نادر:يبقي علي بركه الله نقرأ الفاتحه
كلهم قرئوا الفاتحه وحددوا ميعاد الخطوبه وكان بعد اسبوع
كريم محبش يزود حاله بدر للأسوء ف قام ضحك:ياخي يخربيت النكد وبعدين ياض ده انت الواد البارد اللي فينا اللي مفيش حاجه تبكيك
بدر ضحك وكريم قام وقف ومد ايده لبدر وقومه من الأرض ووقفه وسنده علي كتفه وهما خارجين
كريم ابتسم إبتسامه شيطانيه… بدر استغرب :مالك ياض ايه الابتسامه دي
كريم:ايه رأيك نسافر اسبوع نغير جو انا وانت ونفكنا من جو النكد ده
بدر اتبسط من الفكره وشاف ان كريم هيطلع من مود الزعل لما يسافر:موافق
بدر بإحباط:واختك هتروح فين
كريم غمز لبدر :هخليها تروح عند اخوات محمد وكد