...
في الأرض …
كانت حور تفكر في ذلك الأمر هي حقا تحتاج إلي ذلك الشغل …
حسان بغيظ شديد/ايه ي دكتوره فكرتي ي اختي .
حور بغرور وثقه/طب سبني شويه افكر ي خالي .
حسان وهو يذهب بغيظ /طيب ي اختي انا هروح ل عمك عرفان وبعدين هعدي عليكي سلام ي بنت اختي .
حور بشرود وهمس/والله فكره اكيد فلوسهم حلوه ي عني انتي قاعده هنا بتهببي ايه وراكي الديوان ي اختي .
شريف بوقاحه واستفزاز/كيفك ي حور ي ورده الصعيد كلها .
حور بكره واشمزاز منه /عايز ايه وايه الي جابك هنه .
شريف بابتسامه خبيثه /فيه حد يقول ل ابن العمده برضك رايح فين وجاي منين .
حور بغضب شديد/ابن العمده هناك في بيتكم مش هنه ي واكل ناسك وبعدين انت عايز مني ايه.
شريف بابتسامه/ عايزك في الحلال وانتي عارفه كده زين .
حور بغضب /حلال والي زيك يعرف الحلال كنت روحت اتجوزت البت الي اغتصبتها ودمرت حياتها ي واطي ي ناقص الي زيك ميعرفش غير الدمار ووجع القلب واسمعني زين انا مش زي اي حد ولا يهمني ابن العمده ولا ابن الجن الازرق حتي واياك تقرب مني تاني .
شريف وهو يرمي السيجاره أرضا بغضب /ماشي ي حور انا وانتي والزمن طويل ومش هرتاح غير لما اجيبك ليا انتي لعنتي الي مش عارف اخلص منها واصل ي حور..
(شريف يبقا ابن عمده قريه حور شخص اناني ومغرور بيحب حور حب جنوني )…..
في مدرسه زين وسليم …
(سليم وزين هما اخوات اسد وتؤام وفي ثانويه عامه )..
سليم بتنهيده وضيق /اوووف الامتحان كان صعب اوي عملت ايه ي زين .
زين بشرود /الحمد لله ي سليم .
سليم باستغراب /مالك ي زين بتبص علي ايه .
زين بقلق /ببص علي رحمه قالتلي انها هتستناني قدام المدرسه بس واضح انها مقدرتش تيجي .
سليم بضيق /تاني رحمه ي زين انت لسه قدامك كتير اوي ل حد ماتفكر في موضوع زي ده .
زين بضيق /بحبها ي سليم بحبها وعايزها ي اخي حس بيا ده انا تؤامي.
سليم بابتسامه /ي حبيبي انا مقصدش بس انت عارف ابوها وانت مش مستعد لده دلوقتي خالص .
زين بضيق شديد/ربنا يقدم الي فيه الخير ي سليم .
سمير بخبث ومكر /ايه مالكم شكلكم كده مكتبوتش كويس بس طبعا هتيجوا معانا الرحله الي طالعه بعد بكره دي هتبقا رحله وهم .
زين باستغراب /رحله كده في وسط الامتحانات معقول .
زين بضيق /لا طبعا مش هينفع .
سمير باستفزاز وخبث/ههههه اه صحيح نسيت أن اسد اخوكم مش هيوافق ي ابني انتوا هتفضلوا كده ملكوش شخصيه وأسد اخوكم متحكم فيكم كده يلا سلام .
سليم بعصبية وغيظ /شايف عجبك كده كل من هب ودب يتريق علينا احنا فعلا معندناش شخصيه احنا لازم نعيش حياتنا علي كيفنا نخرج ونسهر براحتنا .
زين بجديه /عندك حق ي سليم كفايه حياتنا تتضيع تحت رحمه اسد احنا لازم نعيش حياتنا ونعيش سننا .
في الصعيد …
في منزل ساره صديقه حور .
ساره بدموع والم /ي عني ايه ي حور هتسبيني وتسافري .
حور وهي تحتضنها بحنان /جرا ايه ي بت هو انا مسافره المريخ ولا ايه ده انا كل اسبوع هاجي هنا هو انا اقدر استغنا عنك ي بت وبعدين انا ندراها ندر أني اغني في فرحك ي بت .
ساره بدموع والم /فرحي وده مين الي هيتجوز واحده معيوبه زي .
حور بغيظ /تفي من بوقك ي بت ده انتي ست البنات كلها وان شاء الله هتلاقي الي يستاهلك .
ساره بدموع وقهره /ربنا ينتقم منيك ي شريف الكلب.
حور بغيظ وكره لذلك الاسم /أن شاء الله ربنا هياخدلك حقك منيه المهم علي تليفونات بقا وادعيلي ربنا يكرمني .
ساره بابتسامه من بين دموعها /ربنا يكرمك ي حور انتي تستاهلي كل خير ي حبيبتي.
في الوزاره ….
كان يسير اسد بطلته وهيبته المعهوده لمكتب اللواء جلال…
في مكتب اللواء جلال ….
اللواء جلال بحده /اظن ي اسد باشا انك ظابط والمفروض انك بتاخد اؤامر وتنفذها صح .
اسد بحده /لا سعادتك انت عارف اني بنفذ الي بشوفه صح .