الحلقه 13
*#ماما《13》*
*#♡الاخــــــــــــــــــــــــــــــــيرة♡*
*#بقلمي~الكاتبة ~المجهول 🌼*
★★★★★★★★★★★★★★★★★
... تاني يوم...
أريج
:والله ودا الحصل..
جلال
:المهم الاولاد اتاثرو ولا حاجة..
أريج
:لا لا الحمد لله طبيعين للان... كيفها راضية...
جلال
:أسى اناو الدكتور ماشين نطمن عليها و نشوفها إذا صحت ولا لسه..
أريج
:طيب تمام... اتصل على أول م تفضي...
جلال
:تمام... سلام..
____
:راضية..
_امممم..
:انتي نايمة
_اممم
:راضية قومي عايز اكلمك...
فتحت عين وحدة و قالت بتعب
:مصدعة نتكلم بعدين..
جلال
:طيب شايفاني..
راضية عاينت ليهو و قالت
:شايفني عميانة... عاينت للغرفة و قالت
:نحن وين..
جلال ببسمة
:في المستشفى...
رفعت يدها و هبشت رأسها و قالت بخلعة
:شعري وين...
جلال ضحك بخفة و قال
:معليش بس انتي دخلتي في غيبوبة و عملنا العملية وانتي خبر م جايبة و للأسف كان لازم نشيل جزء من شعرك وعشان راسك م يبقى مبهدل شلناهو كله..
راضية بدموع
:شلتوهو... طيب حصل شنو عشان ادخل في غيبوبة انا م متذكرة شي..
جلال
:م تضغطي على راسك عشان م ح تتحملي الصداع... خليك مسترخية عشان نعجل في الشفاء...
راضية هزت رأسها و قالت
:بقيت ضعيف..
جلال ضحك و قال
:ي بت انتي ليك شهرين نايمة تقولي لي شنو... و الله جرى المستشفى انتهى مني...
راضية
:شهرين.؟؟؟
جلال
:نوني م تتعبي راسك دا...
راضية غمضت عيونها و شوية و نامت.. جلال طلع للدكتور و استفسر منو راضية بتتذكر حاجات و حاجات لا. طمنه و قال مع الزمن ح تتذكر...
______
:ج... ج .. ج... جلا.. ا... ابوي ماات مووش..
جلال اتخلع لمن جا داخل و لقا راضية بتشهق من البكى و تتكلم كدا...
جلال قعد جنبها و طبطب عليها و قال
:كلنا ميتين و دا قضاء و قدر م بنقدر نعارضه...
راضية بقت تبكي و تشهق و ماسكة رأسها و تقول
:طيب ل.. لي م وريتني...
جلال اتنهد و قال
:راضية انتي دخلتي في الغيبوبة بالسبب دا عايزاني ارجع اكلمك و اصدمك و ترجعي تدخلي الغيبوبة... اصلا الدكتور قال ح تتذكري و هدا حالتك بعد اتذكرتي..
بقت تبكي شديد و قالت
:بس انا م ودعته م شفتو...
جلال فضل جنبها و ماسك يدها و بقول
:دا قضاء وقدر.. كله مكتوب..و رجااااء. بطلي بكى لانو م بينفع معاك...
طلع منديل من جيبه و مسح دموعها.. بس هي مستمرة في البكا.. اتنهد و قال
:طيب م دام مصرة على البكا ح انادي الممرضة تديك مهدئ..
راضية قالت ليهو
:غصب عني والله كل م اتذكر اني م ودعته..
جلال
:انتي كدا معذباه.. و بعدين الله كتب كدا نعمل شنو... نطلعه من القبر يعني..
هزت رأسها بمعنى لا... قال ليها
:طيب ادعي ليهو بس.. ربنا يرحمه...
راضية هزت رأسها و قالت
:طيب ممكن اتكلم مع ناس مصطفى..
هزا راسه و أداها التلفون.. اتكلمت معاهم و فضلت تتونس جلال جا بعد زمن لقاها لسه بتتكلم قال ليها
:لا كدا غلط علي صحتك المفروض نرتاح... شال التلفون اتكلم مع مصطفى و قفل... راضية غمضت عيونها و قالت
:طيب ح نرجع متين..
قال ليها و هو بفرز الادوية
:اول م راسك يشفى بإذن الله..
هزت رأسها و سكتت... جلال عاين ليها و طلع.. كان ماشي سارح.. هسي راضية لو قالت عايزة الطلاق.. معقولة تتطلق منو.. اصلا هو عجز و بعياله... اتنهد و قال. كل شي في وقته حلو
_______
بعد شهرر..
راضية و جلال نازلين
:متييين
مصطفى
:بكرة تلقيهم هنا...
سعاد
:الحمدلله... راضية بقت كويسة؟؟
مصطفى
:الحمدلله ماشة في تحسن...
سعاد
:طيب.. انضف البيت كدا..
مصطفى
:اي ح ينزلو هنا.. و كلمني انو اخواته جايات و أولاده...
سعاد
:انت راضية من قبل قابلت أولاده...
مصطفى
:ايوا قابلتهم...
سعاد
:خايفة م تقبلهم ولا تقبل ب جلال في حياتها بعد م بقت واعية...
مصطفى
:براك قلتيها بقت واعية... اكيد م ح تتخلى عن جلال بعد وقفته دي...
سعاد
:أن شاء الله تتهني بس...
مصطفى
:أن شاء الله....
تاني يوم
كان يوم حلو البيت مليان و اولاد جلال و اخواته... و اخوان راضية.. و لمة أهل جو يستقبله راضية جديدة بعد سنة من العذاب مع العلاجات...
____
زينة و نورين💚
حمودي
:بابا نحن ماشين وين...
نورين
:مسافرين السعودية...
حمودي. :نعمل شنو هناك...
نورين
:انا وانت و ماما ماشين نعمل عمرة في بيت الله..
زينة
:و ندعي ربنا يحقق لينا اييي أمنية عايزنها..
حمودي
:يعني لو عايز عربية ح يديني...
نورين ببسمة
:انت اتمنى و م تكلم زول...
حمودي بضحكة
:حاااااضر...
نورين عاين ل زينة ببسمة و هم ماشين لاقه جلال و راضية... نورين ببسمة
:استاذ جلال...و انصدم لمن شاف راضية و قال... ماما!!!
جلال سلم عليهو قال
:لا راضية بتها... من وين بتعرف ماما...
نورين هزا راسه وقال بتعجب
:سبحان الله نسخة من امك بس.. أمك كانت شغالة معاي عمل تتطوعي من عشرة حداشر سنة كدا... و م شفتها..
راضية باستغراب
:عمل تتطوعي..
نورين
:ايوا كنت شاب وقتها كنا مجموعة كدا كل فترة و التانية نطلع نوزع اكل و مواد غذائية للمحتاجين و هي كانت ضمننا و هي مؤسسة المجموعة اساسا... كيفها اسي
راضية عيونها دمعت و قالت
:الله يرحمها..
نورين
:الله يرحمها...
جلال
:كفاية زعل ي جماعة..
نورين ببسمة
:اعرفكم زينة زوجتي و حمودي ولدي..
جلال بفرحة
:دا حمودي ما شاء الله حمدلله على سلامته.. و نزل سلم عليهو
نورين ابتسم و قال
:الله يسلمك..
جلال وقف و قال
:اعرفك راضية زوجتي...
نورين و زينة..
:ي هلا اتشرفنا...
جلال
:الشرف لينا.... مستعجلين والله الليلة نزلنا من السفر... و حمدلله على سلامة المدام و حمودي...
نورين و هو بودعه
:الله يسلمك.. و حمدلله على سلامة راضية..
و ودعه بعض على أمل اللقاء يوما 💚
_________
في الطريق
_راضية.. عايز أسألك
راضية بابتسامة
:طوالي..
جلال بتردد
:انتي بتتذكري كيف امك اتوفت...
اتنهدت راضية بتعب و قالت
:حبوبة شربتها لبن مسموم... و شفتها وقت كبتو.. بس م قايلة سم .. و بعدها قبل السم ينتهي منها اتشاكلت مع حبوبة.. و حبوبة قالت ليها فضل ليك وقت قصيييير اتهني بيهو... بعدها بدقايق امي استفرغت دم و شوية شوية مادة سودا طلعت من خشمهاو حتى لسانها طلع و بقت تعاين لي بدموع.. و قالت لي تعالي.. مشيت عليها اتعترت وقعت و ضربت راسي و بعدها م بتذكر شي..
جلال
:لا حول ولا قوة الا بالله...
راضية اتنهدت و قالت
:و نعم بالله... اسمعني انا م عايزة افتح السيرة دي تاني.. و حتى لو زول سألني ح اقول ليهو م بتذكر... حبوبة شالت جزاها و الحمدلله...
جلال هزا راسه و قال
:فعلا..
راضية
: طيب انا كمان عندي سؤال
جلال
:اسألي
راضية
:انت م حصل كلمتني عن زوجتك السابقة و كدا...
جلال صرة وشه و قال..
:حقيقي م حابب اتكلم عنها.. ابدا بس..
راضية قاطعته و قالت
:يوم تحب تكلمني كلمني انا موجودة
جلال عاين قدامه و قال مع نفسه
=اقول ليك شنو يعني انا كنت متزوج حرامية... اتنهد و سرح شوية.. كان بحب ميمي شديد و اتزوجها.. هي كانت بتحبه و بتموت فيهو كمان بس عيبها بتحب السرقة بطريقة م طبيعية.. كان بفقد قروش.. و مرات بفقد ساعات.. بس ابدا م ختا في بالو انها دي زوجته... لمن كانت حامل ب محمد مشت هي و الاولاد السوق.. و الوقت داك ظروف جلال كانت يعني متوسطة... كانت ايام الخريف و الجو شايل و جلال يتصل عليها و تلفونها مغلق عايز يقول ليها ترجع لانو الجو كعب... دخلت دكان محمد ابوها ل راضية... دكان ملبوسات و جنبه بقالة.. وقفت ناس خالد طرف و دخلت عايزة تسرق.. و سقف الدكان كان شارب موية و بدأ يطقطق و كان ح يقع فوق راس الاولاد لولا محمد شاف السقف و زحا الاولاد في آخر لحظة... و ناس خالد لمن رجعه كلمه ابوهم عن محمد و العمله و مشى شكرو و اتعرفه... حتى لمن ميمي ولدت سمو ولدها على محمد و الزيارات كترت لحد م في يوم محمد شاف ميمي بتسرق في دكانه و وقتها محمد الصغير كان عندو سنة... و واجهة و اعترفت انها بتسرق.. و كلم جلال و عرفه انو دي مشكلة عندها و قالت إنها عرضت نفسها على طبيب نفسي و م اتعالجت فاقنعوها تسلم نفسها لانو عرفو انو سرقتها كتيرة شديد.. لي يوم الليل جلال م عارف يحدد إذا هي بتحبه ولا شنو.. و ميمي كان وضعهم كعب شكلها اتربت على حب السرقة و ماف زول شايفها.. هل دا مرض ي ربي؟؟
طلع من ذكرياته على صوت راضية وهي بتقول
:سرحت وين...
جلال هزا راسه بمعنى ماف شي و قال
:طيب سؤال تاني
راضية هزت رأسها بمعنى قول... اتنهد و قال بعد تردد
:عايزة تنفصلي و لا عايزة تفضلي...
راضية ب استغراب
:كيف يعني؟!!!
جلال عاين ليها و قال
:يعني عايزة تتطلقي...
راضية بصدمة
:و اتطلق لي شنو..
جلال ببسمة صغيرة
:يعني انتي عايزة تفضلي معاي و اولادى...
راضية اتنهدت بابتسامة و قالت
: شوف.. انت اتزوجتني مع انو ماف زول كان ح يرضى يتزوجني.. بعقلي الكعب دا. ههه.. و استحملت جني طول الفترة الكنت معاك و وساعدتني و عالجتني و قفت معاي وقفة زول وقفها معاي ماف.. أي نعم ممكن م حب.. بس مودة و رحمة.. و الحب بجي بعدين.. وانا ح أفضل جنبك لباقي العمر.. ربنا يحيينا... و ابدا م تخت فرق السن بيناتنا. عاينت ليهو بغمزة و قالت.. انت لو نزلت رياضة و حسنت أكلك ترجع شباب.. و ضحكت و قالت دام انت راضي اني افضل جنبك انا ح أفضل... هااا راضي؟؟؟
جلال ببسمة و قال
:راضي..
راضية
:وانا راضية.... تمت
___
كلها اقدار مرتبطة بقصة ماما... ناس جمعهم عمل الخير (نورين و ماما 💚) __ وناس علاقتهم كانت حسد (ماما و حبوبة💔) __وناس كان نصيبها الأذى (راضية و محمد💙) ___و ناس كانت ليها علاقة في تحسين مسار الحكاية (جلال.. مصطفى..سعاد🥀)___و ناس كانت حكايتهم حكاية صبر (حمودي و راضية و زينة 💜) ___وناس كانت معبر لبداية حكاية تانية (سعاد..ميمي 💔)___كل دا كان ح يختلف لو محمد م قرر يتزوج سعاد... و م ح يطلق ماما.. و حبوبة م ح تكتل ماما.. و ماما ما ماتت... و راضية م اتعترت و اضربت...بس كله مقدر و ماما الوسيلة ___🍂 💝
*ألـنـهـــــــأيــــــــــــTHE ENDـــــــــــــــﻬـﮧ'ة*
*الكاتبة المجهول