ماما - الحلقه 12 - بقلم الكاتبة المجهول | روايتك

*#ماما《12》* *#بقلمي~الكاتبة ~المجهول 🌼* ★★★★★★★★★★★★★★★★★​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ : نادو الدكتور سرعععة جلال اتنفض من محله و قال للمرضة بخوف :في شنو... الممرضة :المريضة رجعت ليها حالة التشنجات و أقوى من قبل.. جلال بقى ماشي وجاي. الدكتور اتأخر... جرى بسرعة يشوفه إذا موجود في المكتب لاقه في الممر... بسرعة اتحركه على الغرفة... جلال فضل برا.. اسبوعين و راضية م فتحت ابدا.. و بتجيها تشنجات و كل مرة أقوى من اول... بعد نصف ساعة... طلع الدكتور و قال لي جلال بجدية :راضية لازم تتنقل عشان تعمل العملية بأسرع وقت.. جلال قال ليهو :م حنستناها تصحى... الدكتور :ماف امل.. م أبدت اي مؤشرات انها ح تصحى.. انتو تستشيرو الدكتور... وهو بقرر.. جلال قعد بارهاق و اتصل على مصطفى و كلمه بالحاصل.. مصطفى قال ليهو..بكرا ننزل نكمل الإجراءات... وفات محمد كانت صدمة لي راضية و حسب كلام الدكتور حاليا راضية ميتة سريريا... يوميا بتهلوس بكلام م مفهوم و تجيها تشنجات قوية شديد.. و الدكاترة يائسين من أنها تقوم... جلال بقى قاعد في المستشفى بس من أدوية لغيرو.. تاني يوم مشو هو و مصطفى خلصو الإجراءات و السفر ح يكون بالبحر.. مصطفى م عندو طريقة يمشي بقى راجل البيت و المسؤول من اخوانه... جلال بس ح يمشي... شالهم إسعاف ل بروتسودان... و و بعدها بساعة اتحركوا على السعودية... ح يكون في مرافق هناك مستنيهم... ____ :حمودي حبيب بابا جاهز... حمودي :انا خايف.. نورين قعد جنبه في السرير وقال :الموضوع بسيط م تخاف ح تبقى كويس و نرجع بيتنا من تاني.. انا و انت و ماما.. حمودي :بجد.. نورين :بجد.. انت بس خليك بطل.. حمودي :حاااضر (حمودي ٤ سنة و نص ولد زينة و نورين) ________ بعد شهر سعاد :مصطفى راضية بقت كيف شهر و نحن م عارفين ليها خبر.. مصطفى :والله ي خالتو سعاد أمس بتكلم مع جلال و قال لي جرى الدكاترة و كدا... و العملية بكرا ادعي ليها بس.. سعاد :لا حول ولا قوة الا بالله... طيب العملية عندها آثار جانبية.. مصطفى :والله احتمال تأثر على النظر و قال لي ممكن تفقد الذاكرة.. بس دي حاجة مؤقتة و احتمالات م اكتر... سعاد :نفسي اعرف سر ماما و البسببها محمد مات و راضية جنت... مصطفى :والله انا بفضل انو تفقد ذاكرة و م تتذكر اليوم دا... بسببه لا عشنا مرتاحين.. حتى الماتو م ماتو مرتاحين... سعاد :الله لا يسمع منك... و بعدين في زول بموت مرتاح.... مصطفى :ايوا العارف عمل للآخرة حاجة ممكن تشفع ليهو... لكن شوفي حبوبة ماتت موتة زي م كذبت... قالت ماما ماتت بعضت دبيب و هدا الدبيب عضاها... و حق ماما طلع.. سعاد :بس الحقيقة م ظهرت وانا اموت و اعرف السر كامل... مصطفى :فال الله ولا فالك... كفاية موت.. خلي اي حاجة للزمن.. سعاد :أن شاء الله.. انت جلال دا انا معلوماتي عنو بسيطة.. من وين بيعرف ابوك الله يرحمه مصطفى :كل البعرفو انو ابوي خدم جلال خدمة عمر.. و جلال قرر يتزوج راضية عشان يرد ليهو جزء صغير من المعروف دا... سعاد :القصة جاطت شديد... أسى راضية لو رجعت عاقلة أن شاء الله.... ح تتذكر جلال و الحقيقة.. و ح تتقبل جلال و عياله... مصطفى : راضية اصلا بدت تتحسن و م شايف اي رد فعل بدل على رفضها ل جلال.. و صراحة راجل زي جلال دا م بيتبدل بالدنيا... سعاد :اي والله وقف معانا في كل شينة.. طيب مرته السابقة وين و عياله وين... مصطفى :الاولاد مع وحدة من اخواته اما مرته دي م بعرف ليها... سعاد :ربنا يكتب الفيهو خير.. مصطفى :امين يا رب... وراي شغل معاكم سلامة.. سعاد :الله يسلمك ي ولدي.. ____ ساعة.. ساعتين و جلال ماشي و جاي قدام الغرفة... اكتشفه انو الورم حميد الحمدلله... ساعتين و نص كدا و الدكتور طلع و طمن جلال انو العملية كانت ناجحة بس ح يستنو راضية تصحى و يعرفه النتايج... و ح يخلوها في غيبوبة اصطناعية في حال صحت من الغيبوبة الأولى عشان رأسها يشفي بطريقة آمنة ... و غير مؤلمة... ممكن العملية تسبب ألم مفرط م بتقدر تتحمله... اسبوعين تانيين و راضية شبه تماثلت للشفاء... و اليوم ح يصحوها من الغيبوبة الاصطناعية و يشوفوا النتيجة... _____ الدكتور :حمودي ي بطل جاهز نشيل الشاش... حمودي :جاااهز... الدكتور :طيب ح يوجع شووووية بي انت ح تكون بطل و تتحمل عشان ماما تمام... حمودي :تمام.. زينة مسكت يد نورين لانو و حسب كلام الدكتور الحروق م ح تروح نهائيا.. ح يكون في باقي آثار بس أخف... حمودي اتحرق في وشو كله تقريبا و يدينو و أماكن بسيطة في رجلو... الغاز م كان م مؤمن... و حمودي كان لسه صغير و قتها بيلعب في أرضية المطبخ و زينة في أوضتها.. و عشان طاولات المطبخ عالية حمودي م ح يتأذي بأي حاجة... بس الغاز بدأ يسرب و كان في مبخر قاعد في راس وحدة من الطاولات قريب من الغاز البخور انتهى و الاعواد ولعت و مع الغاز المتسرب انفجر... و حمدلله انو الغاز كان على وشك الانتهاء و الا كانو م لقو لحمودي جثمان زاتو... بس الله لطف.. و انكتب لحمودي عمر جديد...شال الشاش بعد م عملوا ليه كم عملية من قبل شهر... كانت ملامحه باينة اكتر من اول في أماكن لسه م اتلمت بس مع الزمن أن شاء الله تشفي... شالو الشاش من يدينو و الاماكن ألفي رجلينو.. زينة دموعها نازلة في صمت ضمت حمودي عليها و باستو فوق رأسه و قالت... حبيب امو انا و هو لصق تاني.... لا بنتفرق لا غيرو و م بفرقنا الا الموت... ____ :السجينة رقم ٤٠٧ =نعم.. :اتفضلي جاتك زيارة.. =زيارة لي انا... سنتين زول جاني زيارة ماف.. :اتفضلي لو سمحتي ولا م طالعة =لا طبعا معقولة دي... طلعت مع الشرطية و قالت بصدمة =خااالد.. ضمته عليها بدموع و قالت :كبرت ي ولدي... اخبارك و صحتك... كيف اخواتك.. و عماتك و ابوك و خالاتك كلكم كيفكم حيييي اشتقت ليكم والله.. م تقولو ابوي ودينا نشوف آمنا م اشتقت لي يعني... حتى ابوك بقى م بزورني... و بعدين جيت هنا كيف... و اصلا كيف سمحوا ليك تدخل... ركبت مواصلات براك صح جاها صوت أريج و هي بتقول :في شنو ي ميمي... برااااحة على الولد... نزلتي فيهو أسئلة... تعالو ي اولاد... انا جبتهم ليك لانو جلال طلب... جو سعد و منيب و محمد سلمت عليهم واحد واحد وقالت :طيب جلال ماله م جا... أريج :م موجود في البلد عشان كدا... ميمي :ايوا اكيد سافر للشغل... أريج بتلقائية :لا مشى مع راضية للعلاج... ميمي باستغراب :راضية منو سعد بفرحة :ماما التانية... ميمي بصدمة :ماما التانية... جلال عرس.!!!؟ أريج اتنهدت و قالت :اي أتزوج راضية محمد... ميمي وقفت على حيلها و قالت :محمد.. ياتو محمد بس م يكون راجل ماما.. اريح قالت ليها :اي هو... ميمي بعصبية :ايواااااا طلعو مدبرين القصة بيناتهم يقنعوني ادخل السجن... عشان يعرس بتو لي جلال... وانا الهبلة سلمت روحي.. و بعد الايام عشان اطلع و ضايقة المر جو هنا ر هو ولا على بالو عرس و سافر و شاف حياته... طيب وانا.... اريج بنبرة حادة :صوتك ي ميمي و لا شنو... اقعدي نفهمك الحاصل... ميمي : تفهميني شنو.. أريج :جلال أتزوج راضية عشان يرد الجميل العمله محمد يوم أنقذ أولادك و اقنعك تسلمي نفسك عشان تتصلحي... وانتي عارفة راضية عندها خلل في رأسها.. و زاته محمد اتوفى و حالتها اتدهورت و سافره للعلاج... ميمي : و م عرف يرد ليهو المعروف بطريقة تانية... اريج :خالد شيل اخوانك اشتري ليهم حاجة ياكلوها عايزة إتكلم مع امك على انفراد... خالد هزا راسه بهدوء و شال اخوانه و طلع... اريج ربعت يدها و قالت :طبعا بعد انتي مشيتي الفراغ عبا قلوب أولادك و نفسياتهم اتدهورت... و جلال شاف الويل عشان نفسيتهم تتحسن.. و م قدر يجيبهم ليك زيارة عشان حالتهم م تسوء اكتر و يشوفوك كعبة في نظرهم... و بلغهم انو ح يجيب ليهم ام جديدة و م شفتي الفرحة في عيونهم... حتى خالد فرح. م شفتي فرحتهم يوم جات راضية داخلة البيت... حتى هي كانت حنينة عليهم اكتر منك مع انو اول مرة تشوفهم.. ميمي لفت وشها للناحية التانية بزعل.. أريج كملت كلامها و قالت : انتي و جلال خلاص انتهيتو أطلقتوا و قصتكم انتهت.. حاولي اتاقلمي عشان أولادك... أريج قامت منها و طلعت.... _____ جلال : راضية... ي راضية راضية بعيون مغمضة :همممم جلال :فتحي عيونك... حاسة بشنو.. راضية بصوت ضعيف أقرب للهمس :مصدعة... جلال :طيب عرفتيني انا منو... راضية :جلال صح... جلال بضحكة :يعني متذكرة صوتي... راضية بضعف :اممم... جلال :طيب فتحي كدا و شوفيني... راضية م ردت... جلال بقلق :في شنو ي دكتور.. الدكتور :م تقلق شي طبيعي حبة حبة و نعرف... الاهم انها متذكراك... ودا مؤشر ممتاز بس باقي النظر نتأكد منه... جلال :طيب ي دكتور ابوها اتوفى و هي بسبب دا دخلت غيبوبة... يعني ممكن ترجع تدخل غيبوبة تاني.. الدكتور :الغيبوبة كانت بسبب الورم و نحن اتخلصنا منه و ان شاء الله ماف اي حاجة تانية... جلال :أن شاء الله... اتصل على مصطفى و طمنه انو راضية الليله صحت و للان النتايج مبشرة و ان شاء الله ترجع بالسلامة.... *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡الكاتبة المجهول ♡*