الحلقه 11
*#ماما《11》*
*#بقلمي~الكاتبة ~المجهول 🌼*
★★★★★★★★★★★★★★★★★
#بقلمي_نسمة_امل 🌼 محمد و مصطفى رجعه لورا بخلعة لمن لقوا حبوبة واقعة في الأرض... محمد سرعة رفعها و مصطفى طلع بسرعة جاب عربية و طلعوا على المستشفى... و دخلوا طواري.... بقي هو و مصطفى ماشين و جايين في الممر..محمد جاه هبوط و قعد في أقرب كرسي حاسس ببرودة في أطرافه... . الدكتور طلع و علامات الحزن ظاهرة في وشه.. مصطفى مشي عليه بس محمد م قدر يقوم من محله... الدكتور قاله
:ربنا يصبركم الدوام لله...
مصطفى صدمة شلتو ل دقيقتين.. الدكتور كلم كلامه و قال
:للأسف عضاها دبيب و جبتوها متأخرين..
مصطفى عاين للدكتور بصدمة و عاين لمحمد الكان بيسمع الحوار و هزا راسه و قال
: ظهر الحق..
مصطفى نزل رأسه و اتكلم مع الدكتور بخصوص الإجراءات و كدا... طلعه و اتصله على أهلهم و إتصل على جلال..و كلمه بالحاصل...
جلال
:راضية... قومي لازم نمشي بيتكم أسى...
راضية كانت بلعب في محمد و قالت باستغراب
:لسه بدري في شنو...
جلال
:للأسف حبوبة اتوفت...
راضية عاينت ليهو بصدمة و ختت محمد و قالت
:ارح ارح...
قامه. طلعه بسرعة...لمن وصله كان خلاص غسلو الجنازة.. راضية دخلت جوا مع النساوين.. و شوية شاله الجنازة و الناس تبكي..
تلاتة ايام مرت تقيلة شديد على البيت خصوصا محمد م قادر يضدق انه دي نهاية أمه... و حق ماما ظهر في النهاية... بس لسه السر م اكتمل... حصل شنو بالتفصيل يومها ماف زول عارف..
جلال جا قعد جنبه و طبطب عليه و قال
:ربنا يرحمها أن شاء الله..
محمد
:شايف.. شايف نهايتها كانت بشعة كيف.. دا حق ماما ظهر..
جلال
:م يجوز عليها غير الرحمة..
محمد
:ربنا يغفر ليها...
جلال
: م كنت عايز اكلمك عشان الأوضاع و كدا بس خلاص لأنه حالة راضية م بتستحمل تأخير...
محمد بقلق
:في شنو أن شاء الله خير..
جلال اتنهد و قال
:راضية عندها ورم في المخ و نحن لازم نسافر عشان العلاج...
محمد
:ورم..!!!..طيب وين المانع..
جلال
:ح نطلع ليها جواز سفر لأن العلاج برا السودان... ف بديت الإجراءات و في كم حاجة محتاجك عشان نكملها..
محمد
:لا حول ولا قوة الا بالله... تمام.. بس في ياتو دولة..
جلال
:هنا السعودية م بعيد...
محمد
:حاسس بالذنب و اني قصرت في حق راضية شديد..
جلال
:الايام جاية و ان شاء الله تتصافه..
محمد
:أن شاء الله..
____
تاني يوم... محمد و سعاد و مصطفى و الاولاد قاعدين في بيت حبوبة... و راضية رجعت مع جلال عشان الإجراءات... مصطفى دخل يصحى ابوه عشان الشاي.. دخل لقاهو مدى ضهرو
مصطفى
:ابوي.. ابويي.. قوم ي ابوي...
جات سعاد داخلة و قالت
:محمد م صحي لي اسي....
مصطفى
:ابوي بصحى فيهو م بقوم..
سعاد بخلعة
:سجمي.. محمد ي محمد قوم
بس م كان في رد حتى جسمه بارد... مصطفى ختا راسو يسمع دقات القلب و فعلا سمعها و قال
:خي قلبه بينبض
سعاد بلهفة و خوف...
:الحمدلله طيب اتصل على الإسعاف و لا جيب عربية سرعة...
مصطفى جاب عربية و شاله محمد المستشفى... و دخله طوارئ.. سعاد دموعها نازلة مطر.. و مصطفى ماشي و حلي يدعي... هنا اتذكر جلال..اتصل عليه.. جلال استغرب اتصال مصطفى و ردا من اول جرس... مصطفى كلمه.. جلال لبس سرعة و راضية سالتو
:على وين من الصباح و الشاي طيب..
جلال
:مصطفى اتصل على وقال لي محمد تعبان و نقله المستشفى..
راضية بخوف
:أن شاء الله خير... ثواني البس عبايتي و اجيك...
جلال باستعجال
:سرعة سرعة.. لغايت اطلع العربية..
لبست و طلعه.. راضية كانت قلقانة و متوترة شديد... جلال
: راضية م تتوتري عشان م تتعبي انتي كمان و يبقى الهم همين..
راضية قالت بخوف
:م قادرة والله م قادرة...
جلال طبطب عليها وقال
: بتهون..
راضية
:أن شاء الله...
وصله و وقفوا مع مصطفى و سعاد و التوتر سائد... الدكتور طلع و قال
: حالته حرجة جدا... جلطه في الرأس.. عملنا العلينا ح ننقله العناية... و نستني 48 ساعة يعده على خير...
_____
: يلا الشنط جاهزة..
نورين
:حمودي حبيبي..
حمودي
:نعم بابا..
نورين
:جاهز
حمودي
:جاهز...
شاله و طلع هو و زينة.. ماشين يقضوا اسبوع فسحة و منها ح يمشو العلاج...
___
ماااات مات مات...
الكلمات بتتردد في اضان راضية زي الجرس... عاينت لمصطفى و سعاد و الانهيار في وشهم عاينت لجلال مسافة و مسكت رأسها... سعاد بتبكي و مصطفى قعد في الأرض خاتي راسه بين يدينه و راضية في عالم تاني خالص... جلال م عرف يهدي منو... و راضية جات واقعة من الصدمة.....
مات محمد.. مات و يومه تمى... لحق أمه... زعله عليها كان كبير... كلمات بتتردد في بيت الوفاة و سعاد بتسمع فيها بحسرة... معقولة مات... معقول خلاهم.. أما راضية في المستشفى من وقعتها م قامت.. و حالتها ماشة كل يوم للأسوأ...
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡الكاتبة المجهول ♡*