ماما - الحلقه التاسع - بقلم الكاتبة المجهول | روايتك

*#ماما《09》* *#بقلمي~الكاتبة ~المجهول 🌼* ★★★★★★★★★★★★★★★★★​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ في المستشفى.. د. منذر :هااا كيف الحال... راضية :كلو تمام الحمد لله.. د. منذز :منتظمين في الأدوية ي استاذ جلال.. جلال :ايوا الحمدلله و حاسس انو في تحسن.. بس التشنجات مرات بتخف و مرات بتزيد لمن تعصب... د. منذر :طيب... ح تعمله صورة أشعة للراس...و بعدها نشوف الحاصل.. جلال :انت شاكك في حاجة ي دكتور... د. منذر :لا فحوصات عامة و كدا عشان نتطمن.. جلال :تمام... يلا ي راضية... طلعوا مع بعض و مشو يعمله الأشعة _____ =يمة انا عايز اتكلم معاك في موضوع.. : محمد؟؟؟ =اي محمد.. حبوبة :تعال اقعد.. جا محمد قعد و متوتر م عارف يبدأ الكلام كيف... لحد م حبوبة قالت ليهو :مالك ساكت... محمد لمى شجاعتو و قال بسرعة :يمة انا عايز اعرف ( ماما) ماتت كيف... الحبوبة باستغراب :ماما؟؟؟.... ماتت موتة عادية.. قاطعها محمد و قال :يمة رجاء م عايز كذب ... الحبوبة بغضب :قصدك انا بكذب.. محمد :يمة الله يرضى عليك عايز الحقيقة م اكتر... أم راضية ماتت مسمومة... وانتي وراضية بس عارفين الحقيقة الحبوبة اتوترت و قالت :راضية قالت شنو... محمد قال بكذب : قالت انتي السبب... انتي شربتي ماما الصبغة.. شهقت و دمعت و قالت :لا لا والله ما انا.. محمد :طيب ح يكون منو.. انتي و راضية اتشاكلتو يومها و كنتي قهرانة منها.. الحبوبة بانفعال :ايوا اتشاكلنا و فعلا كنت قهرانه بس م لدرجة اكتلها... محمد :طيب الحصل شنو وانتي م عايزة نعرفه بأي طريقة.. حتى م خليتي راضية تتعالج عشان م تقول الحقيقة.. الحبوبة :ابدا والله م كدا. بس راضية شايفة اني انا الكاتلة... و خفت تقول ليكم وانتو تصدقوها و تكذبوني محمد :طيب احكي الحاصل عشان اعرف اصدقك ولا اكذبك... بدت الحبوبة تسرد أحداث اليوم داك و قالت.. .... نرجع ورا شوية... الحبوبة : ماما... انتي م اطلقتي... قاعدة تتحنني لشنو.... ماما كانت سرحانة بعيييد و زعلانة... و م ردت على الحبوبة.. الحبوبة نادتها تاني وقالت :انا بتكلم معاك... ردت ماما و قالت : معليش يمة بس كنت سرحانة... الحبوبة قالت ليها :شايفاك بتتحنني فرحانة بالطلاق مش كدا... ام راضية :لا ابدا والله...بس الحبوبة بمقاطعة :بس شنو في وحدة مطلقة تتحنن... قومي ي تهاني(الحنانة) م تحننيها.. ماما بسرعة :يمة انا صح أطلقت بس طلاق رجعي.. يعني اتحنن و اتجيه يمكن يرجعني... الحبوبة :يرجعك.. انتي مش طلبتي الطلاق بنفسك.. ام راضية :كنت فاكرة ح يتعلق بي و م ح يتخلى عني... الحبوبة :يتعلق بيك؟؟؟ هو انت فيك شنو عشان يتعلق بيك... ام راضية م ردت.. تهاني خلصت و قالت : قومي ادخني عشان الصبغة تسود.. الحبوبة بلوية خشم :كمان دخان... لا انتي فرحانة شديد.. راضية دموعها نزلت رفعت يدها عشان تمسحه... مسكتها تهاني سرعة و قالت :ماما لا... دي صبغة كعبة للعين ممكن تعميك... الحبوبة قالت :يعني ممكن تكتل زول... تهاني قالت :اي ممكن و بتموت فوري... الحبوبة عاينت ل ماما و قالت :أن شاء الله تسمك و نرتاح منك.. و طلعت قهرانة.. ماما قعدت اتدخنت بعد خلصت تهاني لمت عفشها... و شالت قروشها... ماما وقفتها و قالت بتردد : تهاني.. ردت عليها تهاني و قالت :نعم.. ماما :حاسة انو الأصابع م سوود خلي لي الكيس ارددهم تاني.. تهاني :مالهم كدا..... مظبوطين شايفاهم ماما :بس انا بحبها ادكن من كدا.. تهاني أدتها الكيس و قالت :طيب سلام... بالمسا عملت اللبن بالكاكاو و وديت ل ماما كباية... صح قهرانه منها بس م للدرجة ديك.. راضية الوقت داك شالت كبايتها و دخلت لأمها... انا دخلت اجيب ليهم بسكويت.. أديت مصطفى و دخلت لقيت ماما بتفضي كيس الصبغة في الكباية.. جريتو منها و قلت ليها : مامااااا... انتي بتعملي شنو.. دي صبغة ي مجنونة... عايزة تموتي... ماما و هي بتحاول تسحب الكيس و قالت :اي عايزة اموت... عايزة ارتاح.. بتذكر أني ضربتها كف و دفقت اللبن.. قعدت تبكي و قالت.. انت م متمسك بيها و ماف زول بحبها ابدا... متذكرة راضية كانت بتلعب بس وقفت و بقت تعاين لينا انا و امها بنتشاكل... جدعت الكيس ف وش ماما و قلت ليها :هاك ليهو موتي... عشان تموتي كافرة و طلعت.. .... نرجع بس والله رجعت لقيت راضية واقعة في الأرض و ماما واقعة بجهة و م بعرف حصل شنو بس ماما م انتحرت لانو الكيس في محلو... ولا انكتلت لانو انا مستحيل اعمل كدا...أم راضية عضاها دبيب لانو أثناء م بنغسل الجنازة شفت اترو.... بس راضية لمن صحت قالت انو انا السبب ف.. سكتت محمد :ف شنو... عملتي ل راضية شنو.. الحبوبة :دقيتها و انا بدقها ضربت رأسها في مكان الضربة الأولى و فقدت الوعي تاني... محمد :يعني راضية كانت كويسة بعد وديناها المستشفى.. و انتي السبب في أنها كدا.. الحبوبة مسحت دموعها و قالت :والله ندمانة و كل يوم بطلب منهم العفو محمد :لا حول ولا قوة الا بالله العلي العظيم... طيب لي م خليتيني اعالج راضية.. و م تقولي لي خفت لانو دا عزر م مقنع ابدا.. الحبوبة :م عندي اي عزر غيرو و بس.. محمد : و ليه م قلتي ماما ماتت بدبيب. الحبوبة :انت م سألت.. محمد قام من عندها و بقى مشوش.. م عارف يصدق شنو... و ماف شاهد غير راضية بس وقتها كانت صغير هل ح تتذكر... هل دي الحقيقة... _____ في المستشفى.. جلال : طمني ي دكتور.. د. منذر :والله ي استاذ جلال انت مؤمن بالقضاء والقدر صح.. جلال :الحمدلله... في شنو أن شاء الله خير.. د. منذر :ان شاء الله.. بس التشنجات عند راضية م سببها العصبية... لا... راضية عندها ورم في المخ.. جلال وقف بصدمة تاني قعد وقال :لا إله إلا الله محمد رسول الله ﷺ د. منذر :و نعم بالله.. ح احولكم على دكتور مختص في الأورام عشان نعرف الحاصل و نوع الورم و كيفية العلاج... جلال :تمام... متين نقدر نمشي ليهو د. منذر :حاول في البدايه تقنع راضية بالمرض.. و الأهم انك تشجعها على العلاج لانو ممكن ترفض و تيأس... جلال :طيب الورم خطير.. خبيث ولا حميد.. د. منذر :دي حاجة بحددها دكتور الأورام... بعرف دكتور شاطر لو تحب.. جلال :طبعا طبعا.. د. منذر :بس العلاج م ح يكون هنا لانو دكتور م سوداني.. جلال : ح نشوف الوضع انت حدد لينا موعد عشان نزورو... د. منذر :تمام.. جلال :دا رقمي اتصل على أول م تحدد الموعد... د. منذر :بإذن الله.... بالشفاء العاجل ان شاء الله.. جلال :امين يارب.. طلع جلال و هو مهموم.... راضية لسه صغيرة على دا كلو... بس المرض م بعرف صغير ولا كبير.. و دا قضاء وقدر.. و الرضى بالمقسوم عبادة....... _______ _ زينة... زينة... زينة.. زينة : في شنو في شنو... نورين بسعادة :حمودي صحي يلا يلا سرررررعة... زينة بصدمة. :انت متأكد... نورين و هو بضمها :اي اسسسسي الدكتور كلمني.. يلا البسي سريع م اشتقت لي حمودي.. عيونها دمعت و قالت : اشتقت ليهو شددددددييييد... دقيقتين و اكون عندك... في العربية.. زينة بدموع و حماس :ي ربي ح يتذكرني... ي ربي ح يكون رد فعله شنو.. والله تاني اشيلو في رموش عيوني و م اخلي يزح.. نورين طبطب عليها و قال :أن شاء الله... وصلوا المستشفى... و زِينة ماشة بسرعة شوية و تجري.. نورين وراها مبتسم و قال :براحة أسى تقعي.. قالت بضحكة :والله لو م رجولي كان زمان جريت.. حاسة الممرات بقت طويلة و بعيدة.. نورين اكتفي بابتسامه و يدعي انو ربنا يزيد الفرح.. لانو م دايم... دخلت زينة غرفة حمودي و كان الدكتور قاعد معاهو و بيلعبو.. حمودي راقعد على ضهرو و بيضحك.. زينة دموعها نزلو و قالت : حمودي حبيب امو.. الدكتور :دي ماما.. زينة جات حضنتو و قالت :ي سلام اشتقت ليك... حمودي م عارف حاجة بس فرحان لسسه صغير.. و الحضن الدافي ملجأ و أمان و حلووو شديد بالنسبة ل طفل م متذكر متين جربه... ____🍂 💝 ملاحظة صغيرررونة... أم راضية اسمها( ماما)...يعني م كلهم بقولوا ماما زي امهم.. +هل دي الحقيقة فعلا.. الكلام القالتو الحبوبة صح؟؟؟ *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡الكاتبة المجهول ♡*