ماما - الحلقه السادس - بقلم الكاتبة المجهول | روايتك

*#ماما《06》* *#بقلمي~الكاتبة ~المجهول 🌼* ★★★★★★★★★★★★★★★★★​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ تاني يوم عند د. منذر جلال جاب راضية بعد م أداها منوم و نامت... حتن قدر ي ح يجيبها.. لانو بقت تتصرف تصرفت أسوأ من القبل... جلال قعد مع الدكتور و قال :والله م عارف اقول ليك شنو... بس راضية حالتها بقت أسوأ من اول.. د. منذر و هو محتار.. : بلعت اي دوا غلط اي حاجة م ياها... جلال. :والله ي دكتور.. الأدوية تبعها انا حريص انها تبلعها في وقتها سواء برضاها أو بالغصب.. بس حسيت تصرفاتها زادت سوء لانو امبارح دي كاتلة كديسة.. و بقت تقول كلام م مفهوم و قالت ماما قالت اكتبها.. د. منذر :طيب و التشنجات.. جلال :ودا الخوفني.. لانو زمنها زاد زيادة من خمسة دقايق.. د. منذر :طيب ح نعمل فحص الدم و نشوف في شنو... بس لازم نحجزها عندنا لأنها كدا ممكن تاذيك انت ذاتك.. جلال :يعني ممكن تكتلني.. د. منذر :والله كلها احتمالات.. بس للضمان..اديني الأدوية حقتها عشان اديها للممرضة...جلال اداه الأدوية... و الروشته زاتها و هزا راسو... و اتشكر الدكتور و طلع.. و هو و داخل لاقي نورين في الممر و معاهو زينة... كانو بيضحكو و باين انها احسن من اول م زي المرة الفاتت.. نورين سلم عليه. و مشوا.. قعد قدام غرفة راضية و مسك راسو بتعب.. في اللحظة دي راضية فتحت الباب.. جلال عاين ليها و اتنهد بتعب منها... راضية قالت :مش قلت ليك م جاية هنا... جلال :و جينا و انتهى.. راضية جات قعدت و قالت :جلال رجعني البيت.. الله يرضى عليك.. جلال :راضية حاولي تتحسني الله يرضى عليكي... ربعت رجولها في الكرسي و لون خشمها... ______ د. منذر :اتفضل استاذ نورين كيف الحال... نورين :لا أمورنا كويسة الحمد لله.. د. منذر :اها كيف مع العلاج.. نورين :والله م شاء الله.. شايف تطور ملحوظ... احسن من المرة الفاتت الحمدلله.. د. منذر :و التشنجات.. نورين :جاتها مرة وحدة من آخر مرة.. و زمنها م طول... يعني قل من خمسة دقايق.. د. منذر :ح نعمل شوية فحوصات و نشوف النتايج.. نورين ابتسم و قال :تمام.. أسى ح نمشي المعمل.. نورين استأذن هو و زينة و طلعوا... د. منذر شال الأدوية حقت راضية... كان ماسك علبة الدوا و بقرا فيها.. د. منذر باستغراب :الدوا دا م نفسه الأنا قاصده... حتى مدته منتهية...يعني دا ليهو علاقة بالحال مع راضية... لا اول لازم اشوف فحص الدم ح يطلع كيف.... فجاءة جا داخل واحد و باين معصب وقال : د. منذر.. دا شنو الأنا عرفته عن المستشفى تبعكم دا... د. منذر :في شنو.. الشخص :في انو ي دكتور اكتشفت انو انتو بتبيعونا أدوية مغشوشة و مدة صلاحيتها انتهت... يعني بدل المريض حقنا يشفي حالته تزيد سوء.. د. منذر :دا كلام شنو ي الفاضل... الأدوية دي انا بيدي بنزلها و بتأكد منها... و موثقة من وزارة الصحة.. الفاضل :امسك ي دكتور... دي الأدوية الوصفتها لأخوي.. كنت ملاحظ انو حالته اتدهورت.. بس ابدا م قلت من الدوا... امبارح بعد طلعنا منكم مشيت اشتري من الصيدلية عرفت انو الدوا انتهى... شلت العلبة سألت في صيدلية تانية... بعد ادوني الدوا تعرف قالوا لي شنو قالوا : ليك كم سنة بتفتش في الدوا دا... وانا طبعا استغربت السؤال و قلت :الليلة انتهى و جيت اجيبوا... بس انصدم لمن تقول لي الدوا دا مدتو منهية و من زمان كمان.. قلت ليهم :معقولة وانا الدوا م تما شهر مشتريه.. قالوا لي :الأدوية دي بتجيب أمراض اصلا مريضكم م عندو ليها.. يعني اخوي حالتو اتدهورت بسبب ادويتكم د. منذر ربط القصة في راسو و قال :شكله انا اتغشيت برضو.. طيب اقعد ي الفاضل و نحن نحل القصة.. الفاضل :نحل قصة شنو... اسسسسي دي ماشي أبلغ عنكم في وزارة الصحة... د. منذر :انا الح ابلغ... يبدو انو في زول بنزل أدوية مدة صلاحيتها منتهى في الصيدلية حقت المستشفى.. وانا لسه مكتشف الحاجة دي.. الفاضل روق شوية و قال :يعني شنو.. د. منذر :عندي مريضة اشترو دواها من هنا و حالته اتدهورت و الواضح انو الشغالين في الصيدلية شغالين على كيفهم... الفاضل :طيب ح نعمل شنو... نبلغ الشرطة تجي تمسكهم.. د. منذر :م عارف بس لازم نعرف اذا هم م انتبه لمدة صلاحية الدوا أو شغالين على كيفهم... الفاضل :وانت م بتنزل تمرق الأدوية الغير صالحة د. منذر :طبعا بنزل و بفضها في كراتين خاصة... الفاضل :تتوقع هم رجعوها.. د. منذر :كلو وارد.. الفاضل :طيب شوف هنا... ناس الصيدلية لو ليهم يد تبلغ عنهم لانو انا مستحيل اخلي حق اخوي... سلام عليكم. وقام طلع.. د. منذر مسك راسه و قال :اااااااخ مصيبة جديدة ح تأثر على شغلنا.. استعنا بالله على الشقى _____ جلال وهو بحاول يعرف راضية شافت شنو زمن صغيرة :راضية _نعم :انتي ماما منو _ماما.... ماما.... كيف يعني ماما منو.. :طيب ماما دي وينها _م بعرف هي بتمشي و تجي :تمشي و تجي من وين.. _م بعرف.. هي بس بتقول لي اعملي لبن ب الكاكاو و حاجة كدا م عرفتها.. جلال بحماس لانو بدت تتكلم :شنو هي.. راضية عاينت ليهو و قالت :صبغة... جلال بتعجب هو زاته :صبغة شنو.. راضية هزت رأسها و قالت :م بعرف... *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡الكاتبة المجهول ♡*