ماما - الحلقه الثاني - بقلم الكاتبة المجهول | روايتك

*#ماما《02》* *#بقلمي~الكاتبة ~المجهول 🌼* ★★★★★★★★★★★★★★★★★​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ ابوي جا داخل الغرفة بغضب و باين م ناوي على خير بس م ح اسكت و لو جابت شكلة بتشاكل... وقفت على حيلي... ابوي قال لي بغضب :دا شنو الانتي عملتي برا دا.. وطيتي راسي.. قلت ليهو بصوت واطي بس حاد : دا ولا شي بالنسبة للشي الانت عملتو معاي كيف قدرت تعمل كدا.. تعرس لي واحد منتهى.. قاطعني بكف وقال :أسى أسى تطلعي ترجعي بيتك.. رفعت وشي وقلت :م طالعة قعد في بيتك انا.. عاين لي بغضب وقال :شكلي فعلا م ربيتك.. مسكني من شعر'ي و نادى سعاد مسكوني مع بعض و بقو جارني وراهم وانا اصرخ... طلعوني برا البيت لقيت الراجل المفروض راجلي واقف بالعربية حقتو... شالوني رموني جوا... قفلو باب العربية انا بجوا بدق في محاولة بائسة اني اطلع.. شفت ابوي بيتودد للراجل في الكلام و كيف بعتذر منو... كان هاين على اني اكتلهم الاتنين وقتها... شايفة مصطفى واقف بعيد بعاين بس... الواطة ضلام..كنت شايفة مرت ابوي واقفة بتعاين لي... حسيت بالشفقة في عيونها بس م اتكلمت... ثواني و الراجل جا راكب و انا بحاول اطلع لزاني لزا قوية ضربت راسي بقزاز الشباك و تاني م متذكرة اي حاجة... صحيت تاني يوم و كل حتة في جسمي بتوجعني راسي حاسة بيهو حجر شدة م تقيل و حاسة بحمى.. قمت لقيت نفسي في السرير و ملابسي مجدعة في الغرفة... حاولت استوعب حصل شنو بس م متذكرة. شوية و جا الراجل اللي للان م بعرف حتى اسمو... ابتسم في وشي بسنونو الصفر المسوسة دي... جريت الغطا على وقلت ليهو :انت عملت شنو... ابتسم وقال لي :المفروض يحصل.. كنت ح ارد جا على و قال :شوفي ي بت هنا.. انا ماف مرة ترفع صوتها على.. تمشي بالحسنة تمشي م تمشي كمان نمشيك إجباري.. زي م شايفة نفسك الآن... و كل مرة عايزك وانتي تعاندي م ح تتذكري حاجة الا تقومي و حالتك بالبلا.. م جلال محمد البتمشي مرا... فاهمة... قام مسك شعري بقوا و قال :انتي لو تسمعي الكلام الأمور بينا ح تبقى حلوة تمام...لكن قسما بالله تحاولي تعملي ليك حركة كدا ولا كدا م تلومي الا نفسك.. وانتي عارفة انا قاصد شنو... برا البيت دا ماف طلوع.. اهلك زاتو ماف مشي ليهم... أهل شنو زاتو و هو ابوك باعك.. م علينا لحد ما انا ازهج منك و اقول ليك م دايرك... و افتح ليك الباب دا تطلعي وقتها.. لزيتو مني و تفيت في وشو وقلت ليهو : شكلك عشت الدور.. انا قعاد في البيت دا ثانية م بقعد.. و تطلع بهنا بشرد بهنا.. و عادي امشي ارفع عليك شكو'ى بأنك اغتص'بتني.. و ادخلك السج' ن ي عجوز ي مخرف.. ضر' بني كف و مشى على باب الغرفة و هو طالع قال لي :لو عرفتي تطلعي من البيت طوالي امشي اشتكى.. هههه طبعا دا لو عرفتي... يوم أمس دا كان حلو و ناوي اعيدو.. و ضحك ضحكة عالية و طلع من الغرفة قعدت ابكي.. سمعت صوت العربية قمت شلت غيار دخلت الحمام... بكيت لمن دموعي نشفو طلعت فتشت عن مسكن لانو م قادرة احس بجسمي وراسي... من التعب نمت م قمت الا لمن حسيت الجو سخن.. فتحت عيوني لقيت الكهربا قطعت شوية وجع الراس خفى قمت اشوف البيت عامل كيف و احاول اشرد زاتو... طلعت البيت عبارة عن اوضة و برندة مع بعض و في صالون قدامهم تطلع برا حوش صغيروني مطبخ على اليمين و الحمام اتجاه باب الشارع...مضفور كلو و جوا سيراميك.. الحيط عالية كدا لي شنو.. مشيت جبت سرير و تكيتو في الحيطة ركبت براحة بس م كان السرير واصل حد الحيطة عشان كدا مديت يدي اول م ختيتها على طرف الحيطة حسيت بنغزة قوية... فكيت الحيطة و جيت واقعة على ضهري.. صر'خت.. و مسكت ضهري... عاينت ليدي لقيتها بتنز'ف.. مشيت غسلتهم لقيت شظا'يا حقت قزاز صغيرة شديد نضفتها و لفيت يدي بقطعة... كانت واجعني شديد... شكلو هو عمل الحركة دي عشان م اشر'د و باني الحيط طوال كدا... طيب عرف كيف اني ح اشر'د.. ضحكت وقلت يمكن عشان هو عارف انو وحدة زيي م ح تفضل مع واحد زيو.. قلت م دام م ح اشرد من الحيطة.. اشرد من الباب مشيت لقيتو مركب باب كبير من ضلفتين يعني عادي يدخل عربية.. أول م لمستو م حسيت الا وانا منفوضة بعيد و جسمي خدر و عيوني طشتشو... هزيت راسي عشان استوعب الحصل.. قمت وجسمي كل حتة فيهو منملة.. لقيت شعري منكوش معقول.. دي كهربا... خمسة دقايق كدا بديت استوعب الحاصل قلت مع نفسي بس الكهربا قاطعة... دخلت جوا لقيتها شغالة.. رقدت في السرير بحاول ازح التنميلة ألفي جسمي دي... ساعة اتنين حتن قمت م عارفة زاتو الزمن كم ماف اي تلفون بس في تلفزيون.. فتحو لقيت الساعة تلاتة العصر الا ربع... طقيت يدي في راسي مشيت اتوضيت صليت الضهر قعدت استنيت العصر أذن صليت... مشيت اشوف حاجة أكلها.. لقيت بيض وانا بعملوا بفكر كيف اشرد... شفت المكنسة في ركن المطبخ قلت اكنس القزاز من الحيطة و بعدين انط.. فكرة حلوة بس الحيطة عالية شديد ي دوب يدي لحقتها خلي لمن امد مكنسة... م مشكلة بحاول.. اكلت و قاعدة كدا سمعت صوت العربية باقي لي جا جريت دخلت الصالون و قفلت الباب و تكيت السرير عليه... جا بقا يخبط في الباب بقوا و بقول قايلة كدا ح تحميني.. افتحي الباب دا احسن ليك... م عارفة بس الخوف دق في قلبي بقيت اعاين يمكن القى طريقة اشرد بيها ماف اي شباك في الغرف كلها.. دخلت الاوضة و قفلت الباب على و انا سامعة بنادي بصوت عاااالي و بقول.... :راااااضية افتحي الزفت دا... *••••••••••••••••••••• الكاتبة المجهول: ••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡الكاتبة المجهول ♡*