الفصل 23
➖➖➖➖➖➖➖➖➖
Stories 📖:
الجزء_الثالث_والعشرين (23) :
#الليلة_الحمراء_بقلم_مروةآغا
مراد: هاد يلي واقف قدامك بكون
سكت وما قدر يكمل بس رام نطق وقال ببرود: بكون أخي قولها ليش خجلان
انصدمو كلن ووقع مراد على ركبو وهو بقول: ليش خبيت عليي كل هالسنين ليش
بانفعال قال رام: لان حمّلتك أنت وأمك سبب موت أمي وكنت بكرهك لأنك سرقت الحياة يلي لازم تكون إلي بس لما شفتك كيف ضايع بلا أب ولا عيلة حسيت الحياة انتقمتلي منكن
مراد بقهر: بس أنا مادخلني إذا أبي نسونجي ومن مرة لمرة
بأسف قال رام: صح اكتشتفت هالشي متأخر ماكنت بقدر ارجعلك ووقف قدامك وقلك ببرودة انا أخوك الكبير يلي شافك مرمي بالشوارع وما ساعدك
غص ودمعو عيونو وكمل: لان مابستاهل كون اخوك الكبير
ضمتو نرجس وبكيت معو ومراد ماكان مصدق: أخي نرجس انا عندي أخ
هزت راسها وهي بتقول: حاسة فيك والله حاسة فيك وأنا عندي اخوه شفتن بس مرة وحدة
مسح دموعو رام وهو بشوف سارة بتطلع عليه بصدمة زورتو وهي بتقول: مين انت انا ماعدت أعرفك
رام: انا واحد ضايع … والله ضايع
زعلت عليه وحست بصدق كلامو واضح ماضيهم ماكان سهل أبدا
ركا راسو على الحيط وهو بيبكي من جواتو بقهر بدموع محبوسة جوا عيونو رفضت انها تخفف عنو وتنزل على خدودو بقيت عم تضغط على عيونو وتعملوا غشاوة
قربت سارة ومسكتلو أيدو وهي بتقول: خلينا نساعدك لتلاقي حالك
همس رام بعجز: ماعاد ينفع
هدا حالو مراد ورجع قعد على كرسيه وهو بقول: وين كنت كل هالسنين
اتنهد رام وقال: بالسجن
اتطلعو الثلاثة ببعض ومراد سألو: ليش دخلت السجن؟
ببرود جاوب: لاني قتلت جدي
شهقو وسارة حطت أيدها على تمها بصدمة
اتطلع عليها وعيونو غرقت بالدموع ماكان بدو ياها تشوفو بهالشكل وتاخد عنو هالفكرة بس للأسف هي هلق شاهدة عيان على كل سيئ عملو بحياتو
مراد: وليش قتلتو؟
رام: لأن كان بيستاهل الموت
مراد: بهالبرود عم تحكي أنت شووو مستحيل تكون أخي
رام: وإذا بتحب تعرف برودي لوين وصل فأنا قتلتو لما كان عمري 15 سنة
عضت سارة على شفايفها مصدومة … نرجس شقد شافت طول حياتا ناس جوا الوسط القذر بس متل رام ما شافت أبداً معقول واحد يقتل جدو وهو بعمر صغير !!
مراد: للأسف أنت خسرت انسانيتك واتأخرت لعرفتك أنا مابشرفني يكون عندي هيك أخ
رجفو ملامح وجه رام وهو بقول: هلق بتكون اخدت جوابك ليش ماعرّفتك عليي لأني مارح شرفك
قربت سارة منو وهي بتقول: بكفي رامي أنا ماعدت أعرفك
رام: للأسف هاد انا متل ما شايفين مجرم … انا انسان واقعي مابحب التجميل أبداً
سألو مراد: يلي عرفتو أنو أمك ماتت
رفع حواجبو وهو بقول: لأ انقتلت
انصدمو كلن واتطلعو على بعض بحزن
سألو مراد بخوف: جدك قتلا؟
ابتسم بحزن وخنقتو الغصة وهو بقول: أي جدي
تركهن وقف عند الشباك وسارة ونرجس بلشت عيونهم تدمع على حالتو
وقف مراد وقرب منو وحط أيدو على كتفو وهو بقول: ليش قتلا
لف لعندو كان شكلو بحزن ملامح وجهو كلها لونها أحمر مخنوقة وشفايفو عم يرجفو وهو بقول: لانها اتزوجتو قال وطت راسهم بالأرض … اتزوجو بعض بعد حب الجامعة كانو اتنيناتن قد بعض وأبوك كان صغير ع المسؤولية لا بيشتغل ولا شي بعدين اهلو جبروه يطلقها وزوجوه امك وجدي عرف مكانها واجا قتلها
هز راسو وهو بيتذكر كره أبو لأمو هلق عرف السبب لأنها حرمتو من حب حياتو
سألو مراد بحزن: قتلها قدامك ؟
رام: اي قتلا هون
اتطلعو كلن لوسط الغرفة وهو كمل وقال: بسكين مطبخ ووقعت قدامي وبنفس اللحظة اسودت الدنيا بعيوني وحملت السكين وقتلتو وقعدت بقرب امي شفت الدم عم يغرقها ويغرقو
وغرقو عيون مراد بالدموع وهو بشوف أخوه شقد عانى بحياتو صح هو ماتت أمو بحريق فظيع بس وضع أخوه أصعب منو بكتير … صدمة مراهق صغير بهيك عمر أكيد مافي شي رح يمحيها
من دون شعور وبغريزة الأخوة يلي نبعت من جوا مراد حس حالو انو بحاجة اخوه قرب منو وضمو لحضنو وهو بشد على ظهرو ورام استجاب لضمة أخوه وشد عليه هو التاني وسمح لدموعو ينزلو على خدودو
بعد وجهو عنو واتقابلت الوجوه ببعض همس رام: بتعرف لو صرلك شي لما أخدك الريس والله ماكنت سامحت حالي أبدا
شدلو مراد على أيديه وهو بقول: وانا رح ضل مديونلك طول حياتي
ضحك رام وهو بقول بصدق: بين الأخوه مافي دين
ابتسملو وهو بيتمعن ملامحو وهالمرة عن حب اخوي
قربو البنات وهني بيمسحو دموعهم وقالت نرجس: بعتقد في عصابة مافيا عم تلاحقنا وبأي لحظة ممكن نموت شو رأيكم لو نحكي بالخطة يلي لازم نخططلها
دخن رام سيجارة وروق حالو وهو بشوف سارة من بعيد بتحاول تتجنبو صح بهالجلسة كسب أخوه بس هو خسر بمعركة القلب يلي دق لأول مرة دقة حقيقية
قعدو أربعتهن بقرب بعض قالت نرجس لسارة: أنت مادخلك بشي لا تحطي حالك بالخطر
سارة: انا أصلا مابعرف شي بشغلكن بس بسمع يمكن يكون إلي فايدة بشي شغلة
نرجس: ببوس أيدك مابدي يصرلك شي
سارة: شبك ولووو
نرجس: والله خايفة عليكن كلكن وقعتكن بالمشاكل
رام: انت مادخلك هني يلي دخلوكي بكل هالدوامة مع أنك كنت عايشة بعيدة عن كل شي
نرجس: اختفاء أيمن مخوفني قلتلو رح ننتقم لحنين سوا بس هو رح يتصرف ل
حالو
رام: أيمن متسرع وعصبي عيوني كانت دايما عليه وكنت خايف منو
نرجس: خسارتو كبيرة اتخيل حالك مكانو حبيبتك تموت هيك موتة
من دون ما يحسو سارة ورام اتطلعو على بعض وفورا شالو نظرهن عن بعض
رام: أنا بدي ساعدكن كلكن واحكيلكن مع المنظمة برا ومنحط الحق على نيرمين وعدنان ببساطة لأن هني متزاولين منن بعد الخربطة يلي صارت
نرجس: ونحنا بالنسبة ألن كرت محروق شو بدن بشباب وبنات طلعو عن الاوامر
رام: مارح يقدرو يتخلصو من شباب وبنات دربوهن لسنين انتو بالحقيقة بالنسبة ألهن كنز وتعبانين عليكم
نرجس: هيك برأيك؟
رام: اكيد
بقيو لدقايق وهني يتفقو على الخطة يلي عم يفكر فيها رام … بس الخطة الحقيقية يلي رح يمشوعليها بسرية تامة هي يلي رح تكون بين رام ونرجس !!
طلعو مراد وسارة ليسكتشفو الطريق قربت نرجس من رام وهي بتقلو: قابلت نيرمين
اتفاجأ بجملتها وقال بصدمة: وليش ما قلتيلي قبل
نرجس: بصراحة خفت من تصرف مراد
رام: وشو بدها منك
نرجس: بدها اقتل عدنان لتاخد مكانو
رام: وأنت رح تقتليه؟
نرجس: أنا فكرت روح قلو ووقعهن ببعض
فكر لثواني وشرد ورجع قلها: لاتعملي شي خليها تستنى وخلينا نفكر سوا بالقصة ماحكيتي لمراد شي؟
نرجس: لا ماحكيتلو وانا فكرت لو منخلص من عدنان ونيرمين منرتاح صحيح
رام: صح بس لنخلص منن وبدون دليل بدنا نفكر صح
نرجس: رح استنى يومين ومنحكي سوا
طالع من جيبتو جهاز صغير وعطاها اياه وهو بقول: هاد جهاز تشويش حطيه بقرب تلفونك هيك ماحدا بيقدر يعرف من وين عم تحكي حتى الشرطة
اتطلعت عليه مصدومة وهي بتشوف هالجهاز الصغير رح يساعدها كتير
حطتو بجيبتها ولزقتو بجوالها وهي بتقول: شكرا كتير بحب الدماغ الصاحية
رام: انا خبرة بهالمجال عشرين سنة
نرجس: كتير فرحت انك اخوه لمراد هو بحاجتك
رام: وانا بحاجتو كمان
رجع مراد وهو بقلها: يلا طلعي مافي حدا
رتبت الشال على راسها وحطت النظارات
اتطلعو رام ومراد ببعض وضربو كفوفهن ببعض وضمو بعض ضمة رجال ورام بقلو: النا لقاء يا أخي
مراد: ولقاء نظيف بعيد عن هالمشكال
طلعوا سوا ووهني متخفيين وتركو المكان كلو
رجعت سارة وقالتلو: اتأخرت ع البيت لو بتوصلني
هز راسو وقال: اي يلا اتفضلي
مشيت قدامو وقبل ماتطلع من الباب همسلها: سارة
لفت لجهته وهي بتقول: لو سمحت لا تحكي شي
رام: بعرف صدمتك بس هاي حقيقتي
سارة: وللأسف
طلعت قدامو وهو بيبلع ريقو غص واتنهد وحمل مفاتيحو وهزن بأيدو وطلع وراها … وصلها للبيت وكل الطريق عيونن مالتقت أبدا
مااعترفو أبداً بحبن لبعض بس عيونن كانت عم تنطق وقلبن كان عم يعبّر بس بالخفاء … وهلق هني خسرو هالحب لأننن ببساطة ما بيشبهو بعض
نزلت وقبل ما تسكر الباب قالتلو: شكرا
جاوبها من دون ما يتطلع عليها: عفوا
ولما مشيت اتطلع عليها ورجفت ملامح وجهو للحظة ورجع حط قناع القسوة على وجهو شغل السيارة
هو متمرد على واقع الحياة العادية يلي بتقول انو نهاية علاقة أي شب وانثى رح تتكلل ( بالحب ) والزواج والعيلة … إلا معو هو ييعرف انو مستحيل يوقع جوا خيوط الحب ويضيع فيها … ولما بحس انو رح يوقع بالفخ رح يغادر المكان ويصير أول الناجين
*
على الطريق سألت نرجس مراد: هلق انتو ما احترق بيتكن كيف القلب بقي سليم ؟؟
مراد: اغراض بابا الخاصة كانت بخزنتو وكان مفتاحها مع مفاتيح البيت يلي كانو معو لما مات فتحتها وشفت القلب موجود معها
نرجس: ليش بقيت محتفظ فيه غريب !!
مراد: لانو شكلو غريب وأصلا انا ماكنت بعرف انو لامو لرام فكرتو لأمي
نرجس: بصراحة ابوك كان كتير نسونجي
مراد: بس يلي فهمتو هلق انو ابي كان بحب ام رام وبابا انجبر يتزوج امي وبعدين اهلها قتلوها مشان هيك بقي يكره امي
اتنهد وهو بقول: طيب هني شو ذنبن
نرجس: ذنبن انو وقعو بين العادات السيئة بحياتنا … كيف بيمنعو حب شخصين بسبب زوق الأهل فقط !!
مراد: انقهرت كتير عليه اخر شي كنت بتوقعو اني لاقي اخي بعد غياب ويكون هيك عاش حياتو بهالسوء
نرجس: يعني أنت فرحان فيه
مراد: فرحان اكيد صح كنت بعرف فيه بس ماحاولت دور عليه لان وقتها ماكان بهمني بس هلق انا فرحان فيه بس اكيد بدي اياه يترك كل هالشغل
نرجس: انا وانت رح نساعدو
اتنهد وكمل سواقة وهو بيذكر شكل وجه رام وهو بيبكي وشكل وجه ابوه وهو بخبرو عن اخوه
رجعو سوا للكوخ شافوه معجوق بالكل واحد عم ياكل وواحد عم يتدرب … هاد نايم وهاد عم يلعب بس لما شافو نرجس ومراد داخلين سكتو والتمو حواليهن بعضن ليعرفو شو صار
نرجس: حكينا مع رام وقال انو رح يساعدنا ويحكي مع السلطات برا لأن نيرمين وعدنان وحتى الزعيم يلي هون هني السبب بكل شي ونحنا هربنا لنحمي نفسنا
الصخرة: يعني بدنا نرجع نشتغل مع المنظمة برا مافرقت شي
وشب قال: انت قلتي رح تعطينا حريتنا
نرجس: أي صح قلت هيك بس كل شي بخصكن من هويات وسجلات موجودة عند الزعيم وهاد الشي صعب نوصلو حاليا
شب تاني قال: انت بتعرفي انو إذا ماهربنا رح يوصلولنا ويقتلونا
مراد: هني رح يقتلوكن بكل الأحوال حتى لو سافرتو للصين لانن مسيطرين على كل شي بالعالم بس نحنا عم نشوف خطة منيحة لتطلعو فيها البريئين وهن المتهمين
جاوبو الشب: وأنت مين لتحكي بصوتنا أنت ما شفت شي من لذل يلي شناه
مراد: أنا بدي ساعدكن
الشب: انت فعليا مادخلك ووجودك مارح يفرق
عصب مراد وكان بدو يضربو بس هدتو نرجس وهي بتقول: الرجال خاطر بحياتو كرمالكن وأنت هيك عم تحكي
الشب: كرمالك ماكرمالي
قرب الصخرة وقال: بكفي حكي بلا طعمة خلونا نفكر بمصلحتنا تعالو قعدو وكل واحد يحكي يلي عم يفكر فيه لنشوف شو رح يطلع معنا
وهني بنص الحوار وصلا لنرجس مكالمة من رقم غريب اتذكرت جهاز التشويش ارتاحت وفتحت الخط … اجاها صوت بتعرفو منيح
تركت الكل وطلعت وهي بتقول: اهلين شو بدك
عدنان: ولووو نرجس خانم طلعتي ما قليلة
نرجس: مديرتك تركتنا للموت ونحنا حقنا ندافع عن حياتنا
عدنان: بس لما بتطلعي عم تخططي مع أمك هالشي بصير حقارة نحنا يلي عملناكي ليش عم تبزقي بالصحن يلي طعميناكي منو
نرجس: أنت بتعرف علاقتي بأمي صفر هي من حالا لحالا قررت تساعدني انا مادخلني بشي
عدنان: بصراحة عجبني ذكائك كيف كسبتي الكل لصفك ومافاجاتيني أبدا بالنهاي انت بنت فهلوية
نرجس: قول شو بدك ولا تلف وتدور
عدنان: فيكي تشتغلي معي شغل خفيف وتصيري بدال نيرمين
ضحكت وقالت بقلبا: اجا النصر
ورجعت همست: مافهمت عليك
عدنان: فينا نتقابل
نرجس: انا بحدد المكان والزمان
عدنان: موافق
رجعت للكوخ شافت مراد واقف عند الباب انصدمت لماشافتو قدامها
سألها: مع مين كنت بتحكي؟
بلعت ريقها وقالت: مع سارة كانت عم تطمن علينا
تركتو ودخلت وعرفت انها فشلت تكذب عليه وهو اتطلع عليها وهي بتدخل وبلش الشك يدخل لقلبو
#بقلم_مروةآغا
قربت من الشب التكنولوجي خبير الكومبيوتر وهي بتقول: شو صار معك قدرت توصل لموقع ايمن من الساعة يلي بايدو
علاء: لا أبداً أنا متاكد انو شلحها لان بيعرف رح نلاقية
نرجس: كتير مخوفني هو مجنون
علاء: عم حاول لاقي أي صورة لكمرات مراقبة بس انا متعود على كومبيوتري بالمنظمة هاد ما عم يساعدني
نرجس: حاول الله يوفقك
مشيت وقعدت بقرب الصخرة وهي بتقول: الأسلحة كلها نظفتها
الصخرة: أنا والشباب جاهزين لاي معركة شو ياشباب
قالو بصوت واحد: جاهزين
الصخرة: خرجي صير مدير المنظمة ماهيك
نرجس: نحنا بدنا نتخلص منها شو نرجعلها
الصخرة: بعرف بس الشي مزروع فينا من بداية حياتنا بدنا وقت لنطلع منو
قربت وهي بتقول
بهمس: بدي منك 4 قطع سلاح صغيرة وخطيرة لازمتني
الصخرة: خير ليش
نرجس: انت جهزن وانا بحكيلك
الصخرة: لا تاكلي هم بعد شوي بكونو معك بس لا تغامري احكيلنا كل شي
نرجس: لا تاكل هم
قرب شهاب وهو بقول: شو عم تحكو بالسر
نرجس: ولا شي شو اخبار الكل هون
شهاب: مافي شي على حالنا كلنا عم ننام محشورين
نرجس: بس فترة وبتمضى المهم انت دير بالك ما بدي أي اغلاط بين الشباب والبنات انت اكبر واوعى منن
شهاب: لا تاكلي هم من هالناحية انا محتاط وفارز البنات والشباب كل قسم بغرف خاصة
نرجس: عنجد شكرا الكم لولاكم ماكنت عرفت نظم شي
شهاب: وانت شكرا الك لولاكي كنا لساتنا بهداك المكان وكنا بقينا مغيبين عن كل شي
وقفت عند الشباك وهي بتقول: هاد يلي كان لازم يصير من زمان
قربت اكتر وهي بتشوف شب داخل من ورا الشجر وهو بيتطلع حواليه خيفان
قالت لشهاب: شبو هاد الشب ليش هيك جاي خيفان
وقف بقربها وهو بشوفو وبقول: يمكن كان بدخن
نرجس: ليش في حدا بالمنظمة بدخن
شهاب: لا بس هاد متل ايمن دايماً برا المنظمة فلما بيطلع بدخن وانا كشفتو عدة مرات
وصل الشب ودخل من الباب
وقفت مقابيلو نرجس وهي مكتفة ايديها وبتسألو: وين كنت
وقف الشب مصدوم لان الكل صار بيتطلع علبه قال بقلق: كنت برا انو عم دخن
نرجس: ليش منين معك دخان
قال الشب: سرقت باكيت من دكان قريب من هون
نرجس: اذا بدك قلنا منجبلك لا تسرق مرة تانية
قال الشب: ماشي
التفتت قالت: متل ما بتعوفو كلنا هون مفلسين انا معي شوي مصاري من وقت شغلي ومراد عم يساعدنا لنقدر نعيش هالكام يوم نحنا كتار وغير مصروف الولاد والبنات يلي معهم يلي بدو مصاري يقلي ما يروح يسرق اتفقنا
بقيو الكل بتطلعو عليها وهي قالت لشهاب بهمس: خلي عينك عليه حاسسني قلبي مخبي شي تاني علينا
*
#تاني_يوم طلعت من غرفة نوم البنات وتركتو نايم بغرفة نوم الشباب وطلعت بالسرقة أخدت سيارتو وحكت مع رام عن اتصال عدنان
سألها رام: يعني نفس طلب نيرمين
نرجس: أكيد مافي غير هيك وهلق رايحة قابلو بعتلو الموقع
رام: ديري بالك عدنان مانو نيرمين يمكن يأذيكي
نرجس: مابعتقد يأذيني لأن بدو مني مصلحة
رام: ابعتيلي الموقع لساعدك
نرجس: تمام
بعد دقايق وصلت نرجس للموقع قبل عدنان وبقيت ناطرتو وهي متخباية ورام عم يراقبهن من زاوية بعيدة
اتصل عدنان لما وصل وهي كانت عم تحكيه وهو داخل لعندها
نرجس: عدنان لاتلعب بديلك انا مالحالي وانت بتعرف شباب المنظمة مين هني
عدنان: ولو مافي ثقة انت هلق شخص مهم بالنسبة إلي
دخل عدنان ووقف مقابيلها نزلت جوالها وخبتو بجيبتها وقربت منو حطت عليه كاشف الأسلحة وزمر عند خصرو قالتلو: ارمية
عدنان: هاد للحماية بس
نرجس: وأنا من حقي احمي حالي
عدنان: صدقيني مارح أأذيي عندي الك عرض منيح كتير
نرجس: وانا جاهزة أسمع حط المسدس بالأرض واحكي
طالعو ورماه بالأرض وقال: نيرمين أخر فترة بلشت تخبص وأنا ناوي خلّص عليها وأنت رح تتراسي بدلها يعني البرنس صار قليل عليكي هاد الصخرة فيه يتراسو لأنو برعب أكتر بس مديرة المنظمة لابقة عليكي كتر وخصوصا لما شفت كيف الكل لحقك وسمع كلمتك وكمان بدي منك شي تاني
نرجس: شو هو؟
عدنان: الزعيم
ضحكت نرجس وصفرت وقالت: اووو بدك توصل لكرسي الزعيم فرد مرة احلامك كبيرة … طيب ومكانك لمين رح يكون؟
عدنان: انت احلامك كبيرة كمان بس إذا بدك بس صرت الزعيم بحطك بدالي ماعندي مانع
صارت تاكل بشفايفها وهي بتقول: بدي فكر بالموضوع بالنهاية صعب قتلهن مانو بهالسهولة
عدنان: وأنا ناطرك ومستعد ساعدك
نرجس: بس يلي معي كلن انو ناطرين حريتهن إنن يرجعو للمنظمة موضوع صعب شوي
عدنان: هني أصلا عصافير خلقت بقفاص كيف مفكرين حالن رح يقدرو يطيرو؟
نرجس: انا هيك خبرتن لما طلعو معي
عدنان: لنرجع للمنظمة منربيهن من أول وجديد
نرجس: ليش منقدر نرجع ما صارت مع الشرطة؟
عدنان: أصلا الشرطة بتعرف بوجودنا
شهقت نرجس وقالت بصدمة: شووو كيف بتعرف ع اساس منشتغل بالسر
ضحك عدنان وقال: بكل مكان بالعالم في ناس متلنا بتشتغل شغل نظافة بتقتل من دون دليل وتحت إسم الإرهاب
نرجس: أفففف الكل وسخ
عدنان: فيكي تقولي الكل بخاف على حالو ونحنا هون لنحميهم … هني بدن ناس قوايا وشديدن بوقت الحاجة … يعني مثلا شخص متدايقهن مخوفهن مانع شغلهن نحنا هون منجي ومنمحي أثرهن
نرجس: كل شي كنت متوقعتو إلا انو الدولة بتعرف بوجود المنظمة
عدنان: ما كلن كام شخص مهمين
نرجس: ويلي داهمونا منن؟
عدنان: أي الضابط الكبير وكمان ليبيضو صورتن قدام الشعب انن قدرو يسيطرو على وكر إرهابي
نرجس: وهلق كيف رح نرجع للمنظمة بعدما انشمست
عدنان: المنظمة تحت الأرض ومنقدر نعلمها ألف باب مخفيين ورا مدرسة وحتى ورا مشفى
ضحكت وهي بتقول: بيعجبي ذكائك
عدنان: ذكائي وذكائك إذا اجتمعوا كتير رح يفيدونا … وخصوصاً إذا صرت انا الزعيم وأنت المديرة
نرجس: اتركني لفكر بالخطة وبردلك خبر
طلعت نرجس قبلو وبسرعة البرق اختفت من قدام عيونو حمل مسدسو وطلع ركب بسياتو المفيمة وراح باتجاه شركتو
وصلت لسيارتها وبعدها اتصلت برام وهي بتقول: لازم نلتقى لنحكي
رام: جاي لعندك انا قريب منك
سكرت وردت على مكالمة مراد يلي دق أكتر من عشر مرات لما فاق
نرجس: أي حبيبي
مراد: وينك؟
نرجس: ما قريت رسالتي قلتلك بدي شوف سارة
مراد: ماقلتلك ما تطلعي بلايي
نرجس: مراد أنا جاي منحكي
سكرت الخط بوجهو وهي بتتنهد ورام بقربها بقلا: لا تزعلي منو أكل همك
نرجس: بعرف بس أنا عندي خطة غير يلي بخططوها كلن
رام: وأنا فهمان عليكي بس إذا انحشرتي بالزاوية فيكي تحكيلو
نرجس: إذا عرف مارح يخليني نفذ الخطة مع نيرمين وعدنان
رام: انا رح كون معك وهو كمان مارح يقصر
نرجس: شكرا لوجودك لولاك كنت ضعت
ابتسم وقال: ولو مرة أخي
ابتسمت بعيون دامعة وسألتو: لاتزعل من سارة هي انصدمت بس
اتطلع عليها وماجاوبها وهي قالت: انا بعرف رفيقتي مشاعرها مابتقدر تخبيها هي بتحبك اكيد شفت هالشي بعيونها لما كانت خاطبة وليد ما شفت بعيونها هيك نظرة أبدا
لف رام وجهو لجهة الشباك وهو بقلها: معها حق هي وين وأنا وين يلي متلها بتستاهل واحد نظيف انا تاريخي دموي بإمتياز
نرجس: وأنا كنت متلك ومراد مااتخلى عني سارة بدها شوية وقت
رام: انا متعود على الخسارة ما شي جديد عليي
نزل من السيارة وقال: يلا سلام
بس هي قالتلو: اتأكد انو مارح تخسرني وتخسر أخوك
ابتسم وقال: لكن روحي اسلقي تحقيقك من اخي
شغلت السيارة وقالت: استعنا على الشقى
رجعت للكوخ بسرية وشافت مراد قاعد عند الباب ودمو فاير
قالتلو نرجس: أنا اسفة لان اتأخرت بس كنت عم شوف موقع الزعيم
مراد: وأنا شو هون اجر كرسي
رجس: أفف مراد مزودها أنا قلقت وقلت لاطع اشتغل شغلة مفيدة
شدها من ايدها وسحبها وهي بتقول: مراد شو صرلك
مرد: يلي صاير يا مدام انو في عصابة لاحقتك وانت ولا همك
نرجس: بعرف حبيبي خلص هاي اخر مرة
تر
كتو ودخلت وهي بتقول: جوعانة كتير
وكالعادة ماقبلت تاكل سألها: ليش هيك أكلك قالل
نرجس: مابعرف من نفسيتي يمكن
مراد: واستفراغك كل يوم مخوفني
خافت نرجس يعرف بخبر حملها فقالتلو: معي تلبك معوي من لما وقعت بالبحر من الخوف يعني
ما صدقها وبلش يشك بأمها تجون مرضانة ومخباية عليه
بقي قاعدة وهي بتطلع قدامها على الطبيعة الساحرة وبتشرد بالخطة يلي حبكتها مع رام قبل بساعة
لفت لعندو وهي بتقول: بدي شوف رفقاتي والولاد
مراد: امشي نشوفهن
خلال ساعة كانو داخلين لعند الولاد وهني جايبيلن أكلات طيبة
قعدت نرجس مع هيا وسندس وباقي البنات
ركت راسها هيا على كتف نرجس وهي بتبكي وبتهمس: ماعم اقدر اتحمل غياب حنين من لما كنا صغار ونحنا مع بعض
مسحت على شعرها وهي بتقول: ياحبيبتي معك حق وانا لهلق ما مصدقة يلي صار
قالت هيا: شكرا نرجس لكل شي
نرجس: وأنت شكرا الك ولكل البنات لان عطيتو من وقتكن للولاد
سندس: حرام هني مالن ذنب بشي
اتاملت بحب الولاد وهني بياكلو الاكلات الطيبة وقالت: نحنا كنا متلن ناقصنا حب وحنان
سألتها بنت: شو بدنا نعمل هلق؟
نرجس: انا عم خطط مع الشباب ورام رح يساعدنا
هيا: عنجد رام بدو يساعدنا كتير فرحت هيك رح نربح أكيد
نرجس: ان شاء الله
تركتن وطلعت للبلكون شافت باسل ومراد قاعدين ومراد بقلو لباسل: كنت بتعرف وخبيت عني كل هالسنين
باسل: أنا ماكان بحقلي احكيلك شي مراد إذا هو ماقبل
مراد: ياحوينة الصحبة وعشرة العمر
باسل: جاي تعاتبني وأنا طرف محايد بالقصة انا عرفت متأخر ابي وابوك طول عمرن رفقة وعرفت من بابا واتعرفت على رامي بعدين …الحق على امك وأبوك كانو بيعرفو بوجودو وانو مختفي وماحكولك لولا موت أبوك ماكنت عرفت ودخلك لما عرفت انو عندك اخ حاولت تدور عليه !؟
مراد: بس لوعرفت انو رامي نفسو اخي أكيد كنت وافقت
باسل: هاد الشي خصوصي بيناتكن انا شو ذنبي
قربت نرجس وقالت: صح هو مادخلو ابوك كان خجلان يحكيلك عنو وامك خالة مرة أب مستحيل كانت رح توافق بوجودو وهو كان معتبركن السبب بفشل حياتو وانكن السبب بطلاق أمو وأبوه والنهاية موت امو مراد لا تضعط على حدا الغلطانين الوحيدين هني اهلك
نزل راسو وهو بقول: لو كنت بعرف انو أخي معهن من سنين كنت ساعدتو
نرجس: الموضوع أصعب من هيك أنت بتعرف شو يعني طفل ينسجن ويعيش بين المجرمين
اتنهد وقعد وهو بفكر بأخوه وقفت نرجس بقرب جوزا وهي بتقول لباسل: شكرا انك استقبلتن عندك عنجد لولاك ماكنا رح نعرف وين رح نروح فين
باسل: لأن أنت السبب وافقت لأن بعرفك أصيلة وبتساعدي الكل رغم انن قلبو البيت وأنا متعود على الهدوء بس بتعود
نرجس: اي لازم تتعود لان بدنا نجوزك مابصير نخليك هيك
باسل: أنا جربت الزواج وطلع ما خرجي
نرجس: لا تقولا ما كل الزوجات متل زوجتك
إجت هيا وهي بتقول: نرجس تعالي سندس بدها تحكي معك
مشيت معها وقبل ما تبعد عن البلكون لفت لتشوف مراد بس شاف باسل عيونو على هيا يلي دخلت للمطبخ
لفت وابتسمت دخلت شافت سندس عند الباب سالتا: خير صاير شي؟
سندس: بدي قلك انو انا لسا جديدة وهوية حرية ماعندي فإذا بدك متطوع أنو انتحاري
حطت نرجس أيدها على تمها وهي بتقول: اوعك تعيدي هاد الحكي فهمانة
بكيت سندس وهي بتقول: أنا مارح أقدر كمل حياتي طبيعي صورة الزعيم وهو بيضربني وبمثّل بجسمي مارح تروح من بالي
نرجس: اكيد ماشي سهل بس أنا مستحيل أسمحلك تقتلي حالك … رح نقتلو نحنا وننتقم لحنين ورح تعيشي حياتك طبيعية أنت ما من هتلمكان السيئ رح ترجعي لعيلتك ولحياتك
سندس: عيلة!! مابقي حدا منها بس بتصدقي حياتي مع خالتي مرة أبي جنة قدام حياة المنظمة
نرجس: رح نتحرر أكيد
ضمتها وهي بتهمس: يارب
ابتسمت نرجس وضمتها وهيا من بعيد عم تطلع عليهن بعيون دامعة وما كانت منتبهة أبدا للعيون يلي كانت عم تراقبها من بعيد
#مروةآغا
طلعو مراد ونرجس سوا وهني متخفيين وقالتلو نرجس: خلينا نمر على البيت
مراد: ليش بدك تروحي
رفعت كتافها بملل وهي بتقول: بدي شوفو اشتقتلو واشتقتلك
مراد: بس أكيد البيت مراقب
نرجس: مندخل من السطح عادي
مراد: شكلو اعمال المنظمة مأثرة عليكي
مسكتلو ايدو وهمست: كتير
بصعوبة وصلو لبيتهن بس شوقهن غطا على تعبهن وارتاحو ونامو بسريرن بعد عناء طويل … بقيت بقربو طول الليل وما فارقتو وهي عم تفكر بالخطة يلي رح تنفذها تاني يوم
*
بعد هالأيام الطويلة أيمن كان بس عم يراقب كل شي بخص المنظمة ويلي بيشتغلو فيها … شغلتو من زمان يراقب الناس وهو شاطر كتير فيها لهيك هلق هو وأخيراً اكتشف مكان عدنان وبيتو وقرر ينفذ مخططو
باخر الليل طلع عدنان بسيارتو يلي كان فيها شوفير وحارس وبخبرتو القتالية قتلهم اتنيناتهم
وفتح الباب على عدنان وهو بقلو: انزل معي
برعب رفع ايديه ونزل وهو بقول بصدمة: أنت مين
أيمن: انا يلي قتلتلو حبيبتو
عدنان: مين حبيبتك
أيمن: يلي قتلها الزعيم ياحقيير
عدنان: أنا مادخلني بشي هاد الزعيم
حطلو كلبشات على ايديه وحطهن ورا ظهرو ومسكو منن وهو بقول: امشي معي
عدنان: لك انا مادخلني بشي هاد الزعيم هو السبب
أيمن: أي وصلني لكن للزعيم
عدنان: أكيد رح وصلك لعندو بس اتركني
أيمن: مارح اتركك لحتى اخد انتقاني منو
عدنان: خلص انا عندي خطة منيحة وبتفيدك بس طول بالك شوي
أيمن: شو هي الخطة !؟
*
#تاني_يوم متل ما خططت مع رام نفذت تركت رسالة لمراد وطلعت لتنفذ الخطة المتهورة
استأجرت سيارة وراحت أول الشي شافت سارة بالمكان السري
ضمتا سارة وهي بتقلها: شو صار معكن
نرجس: لسا ولا شي انا أجيت لحط عندك هاد الشي
مسكت سارة بأيدها الفلاشة وهي بتسألها: شو هاد؟
سارة: هاي فلاشة فيها أسرار مهمة خبيها بمكان أمن وبس أجا حدا لعند من طرفي وطلبها عطيه أياها
اتوترت سارة وقالتلا: نرجس بلشتي تخوفيني شوفيها الفلاشة
نرجس: لا تخافي مافيها شي مخيف فضايح بالجملة وخليتو أمانة عند لان بوثق فيكي لاتحكي لحدا عنو ولا توقعي حالك بالخطر سمعانة وإذا صرلي شي عطي هالفلاشة لمراد وقوليلو يتصرف فيها
سارة: بعيد الشر عنك شو عم تقولي
نرجس: سارة بتعرفي حياتي صارت صعبة والموت عم بلاحقني لهيك بدي أياكي تحتفظي بهالسر لأن مابدي موتي يروح بلا سبب
سارة: هششش لاتقولي هيك
ضمتها سارة وهي بتبكي وودعتها وطلعت باتجاه المهمة
*
صحي مراد شاف رسالة بقربو من نرجس بتقول فيها: انا أسفة حبيبي لأن تركتك بس في شي مهم لازم أعملو مابدي حط حدا بالخطر أنا يلي بلشت الخطة وانا يلي لازم كملها … مابدي حدا جديد يموت بسببي … بحبك
كوّر الورقة بين أيديه وهو بيصرخ بقهر: لااااا نرجس لييييش هيك عملتي فيي
طلع من البيت على عجل ووصل للكوخ وهو بيحكي للكل شو رسالة نرجس الجو اتوتر بيناتن قال الصخرة: ليش ما خبرتنا كنا ساعدناها نحنا عنا خبرة بموضوع المهمات
جاوبو شب: وإختفاء أيمن المفاجأ مخوفني أكيد في سر وراه
نفخ مراد بعصبية وقال: وين موقع عدنان ونيرمين أكيد نرجس عم تخطط توصلن
قال شهاب: ماحدا بيعرف عنن شي
ضرب الحيط قدامو وصرخ بعصبية: اااااااااااااااااه
*
وصلت نرجس لعند رام مكان ما اتفقوا
رام: نرجس أوعك تغلطي بشي فكري منيح قبل ما تعملي شي تندمي عليه
نرجس: لا تاكل هم أنا من زمان بشتغل هيك لحالي صح جمال كمان كان يخطط معي بس أنا اتعلمت كيف احبك الخطط منو
مد ايدو بسنسال وهو بقول: امسكيه بيحميكي
مسكتو بأيدها وهي بتتمعن فيه وقالت: مافهمت شو هاد
رام: خليه معك ولا تشيليه
نرجس: كمان تشويش للموقع
رام: هيك شي لا تشلحيه ابدا فيه أمانك وراحتك
لبستو وهي بتقول: رام الله يوفقك مراد بكون جانن روح هديه شوي
رام
: ماشي ديري بالك ع حالك وحاكيني
نرجس: وأيمن إذا عرفت وينو خبرني
رام: تمام
جهزت كل اسلحتا لصغيرة باماكن متفرق بجسما لبست جاكيت ضد الرصاص وفوقو سترة جلد سودة فوق بنطلون جينز أسود وطلعت للمكان المحدد
اتصلت نرجس بالرقم يلي عطاها اياه رام
رد عليها الزعيم جاوبتو: أنا نرجس البرنس الجديد
الزعيم: لسا مالحقتي توصلي لكرسي البرس بس ليش الكذب طلع فعلك أكبر من البرنس
نرجس: كنت مجبورة احمي الكل
الزعيم: مفكرتيني عم ارضع أصبعتي بعرف شو همك توصلي لكرسيي بس غيرك كان أشطر خسارتنا للمقر وللشباب والبنات كبيرة كتير رح اوصلك وأتلذذ بتعذيبك شفتي رفيقتك كيف ماتت رح تموتي متلا
لما جاب سيرة حنين غصت ودمعو عيونها وقالتلو: أنا مابدي شي من البداية ماقبلت أدخل للمنظمة انتو جبتوني غصب عني أنا بدي راحتي ونسيت خبرك حبيب رفيقتي يلي قتلتها مختفي
الزعيم: إذا قدر يوصلي وقتها رح تكون اخر لحظة بحياتو
نرجس: يازعيم أنا متصلة لخبرك انو نيرمين وعدنان يلي عملو هالخطة كلا
الزعيم بصدمة: انت شو عم تقولي؟
نرجس: انا عندي دليل
سكت لثواني وبعدين سألها: دليل شو؟
نرجس: دليل بخليك تصدق كلامي وانو عدنان ونيرمين هني السبب بدمار المنظمة
الزعيم: هلق بدك صدقك انو يلي بيشتغلو معي من سنين عم يلعبو ضدي روحي العبي غير لعبة يابنت
نرجس: لاااا لااا تسكر إذا بدك تشوف الدليل انا بجي لعند وبعطيك أياه
الزعيم: ماشي رح جربك
نرجس:وين بتحب نلتقى
الزعيم: اليوم المسا رح كون باليخت الخاص فيي تعالي لعندي
نرجس: بسسس أنا ما بوثق فيك بخاف تقتلني لما اعطيك الدليل
الزعيم: شو بدك
نرجس: انا بختار المكان
الزعيم: مابطلع من مكاني إذا بدك تعالي لعندي على اليخت رقم 66 بخط الكورنيش الاول
اتنهدت هي بتقول: وإذا لعبت من ورايي
الزعيم: انت هلق شخص مهم ومابقدر اخسرو افهمي يابنت
نرجس: تمام والمقابل برائتنا كلنا وحريتنا بدي اخد هويات وأوراق الكل
الزعيم بخبث: إذا الدليل محرز موافق
نرجس: لكن جهز الأوراق والمسا بكون عندك
*
بهالوقت كان مراد جانن عليها وعم يدور عليها بكل مكان وباقي الشباب يلي معو عم يساعدوه بس ماكان الها أي اثر
اتصل رام بمراد وهو بقول: كيفك
مراد: ماني منيح ابدا
رام ببرود: ليش شو صاير
مراد: نرجس تركتني وراحت
بقي يحكي معو وهو معصب ورام يهديه
*
#المسا لبست بدلة مضادة للرصاص وجهزت أسلحتها الخاصة ووصلت نرجس للكورنيش الخاص باليخوت … هي واثقة من قدراتها رح تقدر تتخطى أي حدا ببارزها بس الخوف من خطة تودي لنهايتها … أكيد انتحار جيتها لهالمكان بس لكل شي الو نهاية ولازم تحط النقاط على الحروف
وصلت لليخت يلي قلها عليه واستغربت لما ما شافت حدا من رجالو واقف برا
بأجرين بترجف دخلت لجوا اليخت لتشوف شوفة صدمتها الزعيم وستة من رجاله مرميين بأرض اليخت
برعب اتطلعت علين وبلشت تتنفس بخوف طلعت ركييض من قلب اليخت وهي بتهرب
رن جوالها شافت رقم خاص فتحتو لتسمع صوت عدنان بقلها بمكر: ان شاء الله تكون عجبتك المفاجأة
اتطلعت حواليها وهي بتقول برعب: أنت يلي عملتها؟
عدنان: لا انت يلي عملتيها … اوعك تفكريني ما بعرف الاعيبك أنا خبرة سنين يارب
سكر الخط بوجهها وهي وقع قلبها باللأرض وهمست بتوتر: انا مادخلني مافي بيثبت إدانتي
كان قلبها حاسسها انها وقعّت حالا بمشكلة بس بقيت عم تكذّب كل شي ومشيت لتطلع برا هالمكان المشؤوم
لما ركبت بالسيارة اتصلت برام
رام: نرجس شو صار معك
كانت عم تلهت وتحاول ترتب الكلمات بحلقها من المنظر المرعب يلي شافتو وهمست بخوف: لعبة…لعبة رام عدنان قتل الزعيم
صرخ رام: شوووو
نرجس: وصلت لعند الزعيم لقيتو مقتول هو ورجاله
رام: شو اخدك لعندو قلتلك التقو بمكان أنت بتحدديه
نرجس: ما قبل لك ما قبلللل
سمعت صوت مراد بقربو بقلو نرجس شو صاير
اخد الجوال منو وقلها: نرجس ألو نرجس أنت وينك
بكيت وهي بتجاوبه: مراد انا وقعت بلعبة
ضرب الحيط باجرو وشد شعرو وهو بقول: نرجس لااا لك شو عملتي
نرجس: ورطوني
مراد: انت قدهن يانرجس لك غبييية مفكرة رح يطلعلك مع الكل
أخد رام الجوال وهو بقلو: بدنا نهديها ولا نولعها خلص اهدا
وقال لنرجس: أي نرجس اطلعي برا المكان وخلينا نلتقى
نرجس: انا خايفة كتير أوصل لعندك بس يطلع الضو منلتقى
بعدت عن المكان وصفت السيارة بمكان بعيد وهادي وغطت السيارة ودخلت لقلبها وهي بترجف من بردها وخوفها ووجع بطنها يلي عم يزيد عن قبل … وماغفيت عينها لطلع الضو
طلعت من سيارتها وخبت غطا السيارة وحاولت تخبي ملامحها ومشيت فيها
وقفت عند محل قهوة حطت طاقية ونظارات كبيرة على عيونها واشترت قهوة وهي واقفة عم تحاسب سمعت بالتلفزيون المزيعة بتقول ( جريمة قتل مروعة راح ضحيتها 7 أشخاص ومن بينهم رجل الأعمال الشهير بأعماله الخيريه ومساعداته الكبيرة … والصور الأولى والحصرية لقناتنا المأخوذة من كمرات المراقبة الموجودة على خط الكورنيش تشير إلى هروب فتاة من اليخت وهي في حالة رعب والأدلة تشير انها القاتلة )
برعب حطت أيدها على قلبها ورجال قال بقربها: يعني كيف بنت بدها تقتل 7 أشخاص
قال واحد تاني: بتقدر ليش لا انت سمعت عن حالات الإغتيال يلي صارت بأخر فترة كلها تحت ايدين بنات متمرسات
أخدت قهوتها وانسحبت وهي بتركب بسيارتها وبتمشي برعب
اتصلت برام وهي بتقول برعب: شفت الأخبار
رام: شفتهم وهاد كلو حكي أكيد انت ما دخلك نرجس كيف هيك أنت شقد قعدتي باليخت
نرجس: مافي ثواني بس شفتهم وطلعت
رام: وهيك جريمة بدها وقت أطول أكيد ولحالك مارح تقدري تقتلي كل هالرجال
نرجس: رام أنا خايفة كتير
رام: لا تخافي اتخبي منيح وأوعك تتصلي بحدا وتعطي اشارة لمكانك
سكر رام الخط واتصل بمراد
كان صوتو كتير تعبان: رام شفت الخبر طمني عنها
رام: لا تخاف هلق حكيتها لا تتصل فيها وتعمل بلبلة لان رح يشكو فيك إنك على تواصل معها وعندي رقم مابيقدرو يعرفوه انفي إنك شفتها بأخر فترة فهمان
مراد: شو بدو يصير فيها
رام: رح نحاول نحميها منن ونطالعها برا البلد
مراد: هدول عصابة كبيرة
رام: ونحنا أقوى منن نسيت الرجال يلي معنا
مراد: بتعرف وينها
رام: لا منين بدي أعرف يعني اهدا مراد وروق ولا تتواصل معها وانا رح ردلك خبر
سكر مراد الخط ورام فاتح لابتوب صغير وهو عم يشوف قدامو صورة لجهاز مراقبة فيه موقع وتحركات نرجس عن طريق السنسال يلي عطاها اياه وحطتو برقبتها
#
*يـــــــــ͢ـོ͓ـــتبــــــــــــــོـ͓ـــ͢ــ؏*
*