الليلة الحمراء - الفصل 13 - بقلم مروة أغا - مكتملة | روايتك

‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ #الجزء_الثالث_عشر (13) : #اللـيـلة_الحمـراء طلعت من باب السجن ضايعة وماعرفانة شو تعمل … بقيت بلا شغل واكيد رح تصير بلا بيت لقت اجريها لحالن بيمشو باتجاه المشفى بدها تشوفها قبل ما يجي حدا من اهلها البعاد ويدفنها الاجراءات اخدت اكتر من ساعة لوصلت لبراد الموتى وشافتها قدام عيونها وهي جثة هامدة قربت ولمست ايدها ويالطيييف شو كانت باااردة رجف جسمها وشهقت وهي بتبكي قلها الممرض: اهدي كلنا على هالطريق التفتت لعندو وهي بتقول: بس ماقتل الممرض: الله يرحمها والقاتل اخد جزاتو قربت منها وحطت راسها عند صدرها وهي بتقلها: ليش رحتي في كتير حكي بدك تحكيلي اياه … ليش رحتي في كتير ايام بدنا نعيشها سوا … ياما قلتلك تعالي عيشي معي بس انت ما كنتي تقبلي … هلق كيف هيك تركتيني لحالي بنص الطريق لاعارفة امشي ولا ارجع … مين بدو يضمني … مين بدو يواسيني هلق حتى مراد تركني ماعاد الي حدا بهالحياة … لااا ياربي لاااااا عند اخر جملة وقعت بالأرض وهي منهارة … مسكها الممرض واجا واحد تاني لساعدوها تطلع لبر الغرفة وهي بتفقد وعيها بعد يوم طويل كان متل الكابوس أكيد نهايتو هيك رح تكون صحيت وهي بتشوف حالا ممدة على سرير التخت وبايدها سيروم تغذية حاولت تشيلو وتقوم لتطلع برا المشفى وراحت لبيتها لتاخد جرعة طاقة وقوة كبيرة لتكمل اجراءات الدفن تاني يوم لان بتعرف انو زهور ما الها ولاد يديرو بالن عليها حتى بوقت موتها رح تكون هي البنت المصون يلي رح تبر امها بعد موتها متل ما هالام دارت بالها عليها بعززز ضعفها رجعت للبيت وبقيت قاعدة وهي بتشوف الاخبار يلي عم تداولها الصحافة وصفحات التواصل الاجتماعي عن الحادثة يلي صارت بهالليلة المشؤومة #اربعين_يوم مرو هيك وهي بالبيت وحيدة بلا حياة دقت الباب سارة وهي بتقول: افتحي يانرجس بقلة حيلة فتحتلها الباب ودخلت كعادتها دخلت سارة وهي حاملة أكل حطتو عند الطاولة وهي بتقول: اف منك ليش هيك البيت بس نرجس ما اهتمت قعدت بإهمال من دون ما ترد فتحت الشباك لتدخل الشمس وتهوي البيت قالتلها نرجس: سااارة بكفي سكريييه سارة: قومي ولييي خلصيني بكفي حزن نرجس: سارة ما مليتي مني كل كام يوم بتجي بتعملي نفس القصة قربت وضربتها على كتفها وبخصرها دفشتها على كتفها وهي بتقول: مارح حللل عنك اليوم جبتلك اكل بس المرة الجاي قال ماما بدك تروحي لعنا اشتاقتلك ابتسمت بحزن وهي بتقول: بفرحتك ضحكت وهي بتقول: بفرحتي مارح كون فاضيتلك بدي روح مع زوووجي هلق خلتها تضحك من قلبها قالتلها: أي هاااا من زمان اضحكي هيييك قعدت بقربها وهي بتفتح الاكل وحطت قدامها صحن كبسة مزين بالجاج والمكسرات حملت معلقتها سارة وهي بتقول: اووو ما بتتفوت تعالي دوقي اكلت معها ببرود وهي بتقول: اتصلو اليوم من الشركة شفتي ناجي باعها قبل ما يهرب وقالولي روح جيب اغراضي ورح يعطوني تعويض سارة: أي منيح نرجس: بس انا مابدي اطلع معلش تروحي أنت لفت اجر على اجر وهي بتقول: لا مافاضي نرجس: ساااارة الله يوفقك اكلت وهي بتكمل: يوه قلتلك ماني فاضي عندي عرس بنت خالي نرجس: أي العرس بالليل سارة: بس انا مشغولة طول النهار نفخت وهي بتقول: اففف يعني هلق مجبورة اطلع سارة: اي اي طلعي بطرف عينها راقبتها ولاول مرة نرجس ما بتكشف كذبتها كانت ببساطة بتقدر تروح بدالها ببس ما بدها كرمال صاحبتها تطلع من هالسواد يلي عم تدفن حالا فيه #تاني_ يوم طلعت نرجس وهي لابسة بنطلون جنز أسود وفوقو كنزة سودة رفعت شعرها كعكة ونزلت غرتها وحطت نظارات سود كبار على عيونها وجزدان صغير على خصرها مشيت باتجاه الشركة اول ما دخلت شافت سكرتيرة جديدة قاعدة بدالها دخلت وهي بتقول: مرحبا أنا السكرتيرة القديمة وقفت وهي بتستقبلها: اهلين انسة اتفضلي طالعتلا كرتونة فيها اغراضها وهي بتقول هاي اغراضك ضبيتلك اياهن اخدتن منها وفتحت الكرتونة وشافت كل اغراضها سكرتها وضمتها لصدرها واستاذنت لتطلع بس السكرتيرة قالت: المدير الجديد قال بدو يشوفك لو سمحتي استني خلال دقيقة كانت قاعدة قدام المكتب شافتو كيف بيتطلع عليها من فوق لتحت اتنحنت وهي بتقول: شو بتريد مني المدير: انا بصراحة سمعت عن شغلك والتزامك وحابك تشتغلي عندي من نظراتو ما ارتاحت حملت كرتونة اغراضها وهي بتقول: شكرا الك استاذ بس انا مابدي اشتغل عن اذنك ارتاحت لما طلعت من الشركة وحست شقد كانت كابسة على نفسها وخلتها تتذكر الماضي كلو اتنفست براحة ومشيت برا المكان كلو لما طلعت من الباب اتصلت فيها سارة فتحت الجوال وسارة بتقلها: وينك انت خلصتي نرجس: اي هلق طلعت سارة: انا ووليد قاعدين بالكفتيريا تبعنا يلي ع البحر تعالي بتغيري جو نرجس: بلاها بدي روح ع البيت سارة: نرررجس خلصينييي عم استناكي اتنهدت وهي بتطلع بتاكسي لتوصل للمكان يلي كانو يلتقو فيه سوا لما وصلت وقف وليد وهو بسلم عليها: كيفك نرجس سلمت عليه وقعدت وهي بتحط اغراضها على الطاولة وبتقول: الحمد لله منيحة انت كيفك وليد: الحمد لله منيح لسا عم ندور ع شغل نرجس: كنت بتعرف بالشغل الممنوع هز راسو وهو بقول: كان هاد من ضمن الشغل هزت راسها وهي بتقول: منيح ماوقعت معهم وليد: فيكي تقولي امي داعيتلي كانت سارة عم تراقبهم بتمعن لتشوف نظراتهم لبعض بس نرجس كمشتها وحست فيها ما هي بنت متلها وبتعرف نظرات سارة لوليد شو معناها وقفت وهي بتقول: ماشي وليد انت وسارة متل اخواتي والله لا تتركوني لحالي اتطلعت بسارة شافتها مصدومة قربت منها وقالتلها: ع اساس عندك عرس يا سلالة ضحكت وهي بتقلها: مشان تطلعي من البيت نرجس: حبابة خدي الكرتونة معك انا ماني راجعة ع البيت بس نلتقى باخدها ودعتن وطلعت برا الكافيتيرا وهي عرفانة باتجاهها وصلت عند باب البناية يلي كانت دايماً تشوفها من بعبد لبعيد … طلعت ع الدرج باتجاه البيت وقفت عند الباب وهي بتقرا اسمو اتنهدت ودقت الباب فتحتلها الخادمة وهي بترحب فيها دخلت وهي بتشوف نسوان كتيرة لابسين اسود قاعدين بصالون كبير … كانت بتعرف انو اليوم اربعينو بهاليوم بيرجعو بيعملوا عزا وبوزعو اكل على روحو قعدت مع الحاضرين وهي بتراقب الكل وانصدمت لما قربت لعندها مرة كبيرة بالعمر وهي بتقول: نرجس لو سمحتي الحقيني قلبا رجف لما نطقت اسما وقفت وهي بتقول: أنت بتعرفيني !؟ بصوت خفيف قالت: لو سمحتي العيون علينا تعالي معي مشيت وراها لغرفة داخلية وقفت قدام صورة جمال مع ولادو كانت عم تتمعن شكل اخواتها لما قالتلها: ليش اجيتي لفت لعندها وهي بتشوف قدامها مرة خمسينية بشعر عسلي مصبوغ وملامح هادية ومريحة وجسم رشيق جاوبتها بتردد: اجيت لعزي _ لا انت اجيتي لتشوفي اخواتك سالتها باستغراب: أنت منين بتعرفيني جمال حكالك هزت راسها هي بتقول: جمال ماحكالي قلي اتبناكي بس انا كنت شوف صورتك عندو وبعدين لاتأكدت انك بنتو … ما قلتيلي ليش اجيتي اوعك تكذبي عليي وتقولي انك اجيتي لتعزي بابوكي يلي ما اعترف فيكي نرجس: ليش هيك عم تعامليني انا ماعملتلك شي بتحذير قالتلا: ابعدي عن ولادي نرجس: بس هدول اخواتي _ لا مالازم يعرفو فيكي نرجس: ليش لهلق ماشافو دفتر العائلة ليشوفوني على اسم جمال _ شافوه وعرفو انك بنتو بالتبني ما اكتر هاي القصة يلي الكل بيعرفها … مابدي كرر تنبيهي لو سمحتي ابعدين عنن هزت راسها وهي بتتمهن صورة وجوه اخواتها منيح وطلعت برا الغرفة وبرا البيت كلو لتنصدم عند الباب بشب طويل عريض فوراً عرفت انو أخوها اتطلعت عليه وهي بتتمعن ملامح وجهو وخبت دموعها تحت نظاراتها ونزلت الدرج ركييض لتطلع برا المكان نهايياً وهو لسا براقب اثرها بقلق ليش هيك مكتوب عليها الوحدة عندها اخوات بجننو واخ اكيد رح يكون الها سند بس في كمان حااجز كبير مانعها عنن اتنهدت ورجعت لبيتها وروتينها الاسود يلي عم تعيش فيه من عدة أسابيع ***** ____ #بعد_مرور_عام ____ انفتح باب السجن الحديدي الكبير وضربت اشعة الشمس بعيونه البنية الواسعة … سرح شعرو بايديه وهو بيبعد عن عيونو الاشعة يلي حجبتلو الرؤية لبعض الوقت طلع من الباب وهو بقول: يلا عن إذنكم استرو ما شفتو منا ضحك الشرطي وهو بقول: ابقى عيدا التفت مراد وهو بقلو بأريحية: بفرحتك شافو كيف التأم عليه تركو بسرعة وطلع برا المكان كلياً لوصل للشارع الرئيسي وقف وفتح ايديه وهو بياخد نفس بقوة ليملي قصبات صدرو فيه … وابتسم بحب وهو بقول: شو حلوة الحرية بس اتنهد وهو بقول: وشو بشعة الوحدة أول ما التفت ليلاقي سيارة تاخدو من هالمكان لمحها من بعيد واقفة عند باب سيارة بيضة ضرخلها من بعيد: نررررجس بسرعة البرق كانت راكبة سيارتها وطايرة فيها لبعيد عبست ملامحو وهو بيهمس: ليش اجيتي اذا بدك تهربي !؟ اشر لسيارة تاكسي وركب فيها لوصل لبيتو كسر قفل الباب وركب غيرو كان اشتراه وهو جاي بطريقه على صوت التكسير طلعت جارته استقبلته ببسمة وهي بتقول: الحمد لله ع السلامة مراد: الله يسلمك منين عرفتي؟ _ كلنا سمعنا انك انسجنت بس ليش !؟ مراد: قصة طويييلة _ ومرتك وينها !؟ مراد: موجودة _ يعني تركتك !؟ مارد عليها بس هي فوراً جاوبت: له ياحوينة العشرة كيف هيك بتتركك لانك انسجنت مراد: لا ماهيك القصة _ لكن شو صاير مراد: بس أرتاح بحكيلك خلص جملتو وسكر الباب وراه وهو بقول: اففف شو بكره الحشرية رما المفاتيح الجديدة على طاولة السفرة وحط الاكل الجاهز عليها … مشي وهو بيتامل البيت يلي تركو من سنة كاملة … لحتى وصل لغرفة النوم وشاف شنتايتها لساها متل ما تركتها أخر مرة قرب منها وبلش يتلمس قطع تيابها وهو بشم ريحتها … أكيد من سنة مابقي فيها ريحة بس هو حاول يلاقي حمل غطى التخت المغبر ورماه ع الارض واتمدد عليه وهو بقول: شووو حلوة الرااااحة … حط ايدو تحت راسو وكعادتو من لما عرفها سرح بخيالو وهو بفكر فيها……… #بقلم_مروةآغا #تاني_يوم طلع برا البيت وهو مقرر لوين يروح وصل لبيتها القديم التابع لشركة ناجي دق الباب لفتحلو شب اتوتر وهو بقلو: عفوا أنت مستأجر جديد _ أي الي زمان بتريد شي؟ مراد: أه لا بس كنت جاي لعند المستاجرة القديمة _ قصدك نرجس !؟ مراد بصدمة: أنت بتعرفهااااا !؟ _ انا كنت بشتغل عند ناجي بيك وبعرفها كتير منيح وبعدين انتقلت واشتغلت عند يلي أشترا بشركة جديدة مراد: وناجي بيك وينو _ باع شركتو قبل مايهرب مراد: اوووو … ونرجس بتشتغل معك _ لا نرجس بتشتغل بشركة أكبر من شركتنا ومستلمة مكان منيح فيه ابتسم لا إرادياً فخر فيها وهو بقلو: فيك تعطيني العنوان خلال نصف ساعة كان موجود بالمكان نزل من التاكسي وهو بيطلع على الشركة وبقي يسأل عنها لحتى لقى مكتبها الخاص فيها وقف وركا جسمو على الباب وهو بحط ايديه بجيبتو كانت قاعدة منسجمة وعم تكتب على كمبيوترها بس فوراً حست على حدا بالغرفة رفعت راسها وانصدمت فيه سالتو بصدمة: مراااد أنت كيف عرفت وين بشتغل!؟ مراد: ولوووو بس قولي الحمد لله على السلامة نرجس: طيب الحمد لله ع السلامة مشي وقعد على الكرسي مقابيلها وهو بقول: مبروك الشغل الجديد نرجس: وأنت واضح انك لساتك مكان ما انت مراد: اوف كل هالقد حاقدة عليي وقفت وهي بتقلو: ليش جاي شو بدك مني مراد: جاي اتطمن على مرتي نرجس: ما تضل تحكي بهالطريقة نحنا لازم نتطلق وفوراً مراد: أنا أصلاً كنت عم استنى محاميكي فتحت تمها وهي بتقول: أي كنت رح اشتغل بالأوراق بس كنت مقررة ما روح لهداك المكان أبدا وقف وقرب منها وهو بقول: أنا بعرف انك زعلانة مني من أخر تصرف عملتو معك بس والله كنت مجبور نرجس: ماترجع تحكي بالماضي خلص كل شي راح مراد: بس بدي اياكي تعرفي…… نرجس: بكفي مراد انا الماضي نسيتو خلص صفحة وطويتها مراد: بس يلي شفتو غير هيك نرجس: لا هيك انا نسيت كل يلي مرق بحياتي قبل وحتى كل الأشخاص مراد: كذابة @rwayate نرجس: لو سمحت احترم حالك نرجس القديمة اتغيرت مراد: لو صحيح نسيتيني ماكنتي تابعتي اخباري وعرفتي بأي يوم طالع من السجن واجيتي على السجن امبارح وشفتيني اتلبكت وهي بترتب الاوراق قدامها وبتقول: أكيد غلطان بوحدة تانية قرب أكتر ولف لجهة مكتبها وصار قدامها تماماً وهو بقول: لو غلطت بكل بنات الدنيا مستحيل إغلط فيكي مد ايدو لشعرها وهو بقول: هالوجه كان ملاحقني براسي كيف ما مشيت بعدت عنو وهي بتقلو: لو سمحت بعد عني هاد مكان محترم وبعدين واضح انو السجن أثر على نظرك @rwayate مراد: لا الواضح انو هالشغل والشركات أثرت على عقلك … ليش هيك اتغيرتي نرجس بلؤم: لأن مافي حدا بيستحقني مراد: بعرف انك زعلانة بس فيني بررلك نرجس: مابدي ادخل بجدال عن هالموضوع لو سمحت اتركني وروح مراد: نرررجس لو سمحتي وقفت وهي بتقول بشكل قاطع: أنت لو سمحت هاد مكان شغلي ورزقي لا تقطعو روح وبكرا المحامي رح يبعتلك اوراق الطلاق وياريت تستعجل فيهن مراد: ليش لا تكوني بدك تتزوجي ببسمة جاوبته: ليش ما بحقلي بعدما صرت بهالعمر يكون عندي عيلة ضرب ع المكتب وهو بقول بتحدي: أنا بس هي عيلتك فهمانة نرجس بانزعاج: متخلف كيف هيك بتعمل يا مجنون مراد: إذا بدك بفرجيكي الجنون على أصولو بقى خليكي عاقلة لحتى ماطالع جنوني عليكي تركها ومشي وقبل ما يطلع قلها: تيابك لسا عندي نرجس: كبهن بالزبالة كل شي ماضي عندي كبيتو متلك التأم وهو بقلها: أنا ذكرياتي كلها بحفظها وبحميها نرجس: كذاب أنت حرقت كل ذكرياتك متل حريق أهلك مراد: انتوكتير اتغيرتي نرجس: القسى ما بينتسى مراد: إذا ما اجيتي أخدتي أغراضك رح ابعتلك اياهن كل يوم قطعة قطعة لعندك لهون نرجس: مرااااد ! لا تتولدن رفع كتافو وهو بقول: أنا حزرتك طلع برا المكتب وهو بيتنهد رجع لف واتطلع عليها من فوق لتحت وهو بقول: واضح انو زعلك صعب يابنت ابتسم وهو بكمل: بس اشتقتلك قلبها بلش يرجف بين ضلوعها اتلبكت وماعرفت شو تعمل حملت علبة المحارم ورمتها عليه ضحك بصوت عالي ضحكة خطفتلها قلبا من جديد بعدما مشي اتبدلت نظرتها المتمردة لنظرة حنونة وهمست بصوت يادوب مسموع ( علمتني كيف حبك ورحت … تعال علمني كيف انساك وكمل غيابك ) اتنهدت بحزن ورجعها من شرودها صوت موبايلها ردت عليه وهي بتقول: اهلين استاذ … يلا ثواني بتكون المناقصة عندك * مشي باتجاه شط البحر قعد قدامو وهو بقول: شو بدك تعمل هلق يا ولد لا شغل ولا مهنة بأيدك اتنهد وهو بفكر بمستقبلو تاني يوم نزل وبلش يدور على شغل بس ماكان يلاقي … مستحيل يقدر يرجع يشتغل بمطعم أو شوفير او أي شي تاني لازم يلاقي شي أحسن بقي عدة أيام على هالحال وماكان يلاقي شغل لحتى تعب وصل لبيتو بأخر الليل اتمدد على سريرو تعبان وشاف شنتة نرجس قدامو فتحها وطالع منها فستان نوم قطني قصير حطو بكيس وتاني يوم اخدلها اياه للشركة وبعتو مع الحارس قرب الحارس من الباب وهو بقول: بعتو شب هو بسلم عليكي فجأة اجت صورة مراد قدام عيونها اتلبكت وهي بتقلو: شكرا عذبتك معي بايدين بترجف فتحتو وهي بتشوف قدام عيونها الفستان … سبتو وهي معصبة وخبت الكيس بجرار المكتب همست بقلق: معقول الأكشن بلش يرجع لحياتك يابنت بعد الشغل طلعت بسرعة لعندو … وصلت ع البيت معصبة كتييير دقت الباب بقوة على الصوت طلعت الجارة وهي بتسلم عليها: أهلين حبيبتي شو وين كنتي !؟ سلمت عليها وهي بتقلها: اهلين خالي والله بهالحياة رجعت تدق وهالمرة بشكل أخف رجعت الجارة سألتها: شو رجعتو لبعض !؟ فتحلها الباب وهو بيمسح شعرو بمنشفتو وبقول: شبك مستعجلة نرجس للجارة: لا رح نتطلق رفع حاجب ونزل حاجب وبسرعة البرق سحبها ودخل ع البيت وسكر الباب وراه حركت راسها الجارة يمين وشمال وهي بتقول: هالشباب شو طايشين أول ما اتسكر الباب دفشتو بايديها وبعدت عنو لحتى لزقت بالباب وهي بتقلو: لك كيف بتسمح لحالك تخجلني قدام المرة مراد: أنت كيف بتسمحي لحالك تصغريني قدامها نرجس: ليش ماهاد يلي طلبت انو يصير من سنة حط ايديه على الباب وحاوط جسمها بايديه المبلولة وهو بقلها: يعني انت مزعلك الحديث يلي صار من سنة؟؟ @rwayate بلعت ريقها وهي بتتأمله هيك بشعرو المبلول النازل قسم منو على جبينو وصدرو المكشوف كان لافف خصرو بمنشفة وعلى كتافو بشكير كان بنشف فيه شعرو الطولان عن قبل غمضت عيونها وهي بتقلو: بعد عني مراد أنا جيت أخد اغراضي وبعدين كيف هيك بتبعتلي الفستان ع الشركة مراد: أنا حذرتك نرجس: بالفعل إنك مجنون مراد بهمس: فيكي رفعت عيونها لحتى انصدمو بعيونو وفورا نزلو عيونها لشفايفو يلي بلش يعضهم بسنانو اتلبكت وبلش قلبها يدق وهي بتقلو: بكفي مراد نحنا على وشك طلاق مراد: بس انا مابدي طلقك نرجس بعصبية: ليش ماهاد كان قرارك حط ايدو على شفتها وهو بقلها: بعرف انك زعلانة من كلامي اخر مرة نرجس: اتعلمت ما ازعل حرك ايديه على شفايفها وهو بقول بهمس: أنا أسف نرجس: ما ع أساس انت ما بتعتذر مراد بهمس: بس من يلي بحبن مابقدر على زعلن غمضت عيونها وبلشت تلفح وجها حرارة نفسو العالية همست برجاء: مراد لو سمحت بعد عني مراد: انا لما قلتلك اسف معناها انا متمسك فيكي … والله اشتقتلك بلعت ريقها ورجفو ملامح وجهها وهي بتقول: لو سمحت بكفي قلها بنفس الهمس بس هالمرة قرب اكتر من وجهها: كل السنة يلي مضيت كنت عم فكر فيكي وبحضنك وبريحتك اخد نفس قوي من شع رها وهو بقول: ريحة الورد الممزوجة بريحة جسمك اتعلقت عيونها بعيونة متل الصفل يلي خيفان وأخيراً وصل للأمان … وقلبها جوا ضلوعها عم يخفق شوق … يالله شقد اشتاقتله !! … رغم انها لساتها شايفته مراد يلي بتحبو فرح قلبها وشقاه … وغربته ووطنه بلعت ريقها وهي لسا مغمضة عيونها وحست حالها كيف بلشت تضعف وخصوصا انها بتعاني من نفس شوقو … يالله على ريحتو وشكلو المبلول الشهي معقول كيف كانت عم تقوي حالا طول الفترة الماضية لتكرهه بس عند اول لقاء هيك خسرت كل الوعود يلي قطعتها لحالها رجع قرب ايديه من شفايفها وهو بيتلمسهن بنعومة لحتى بشراسة قرب شفايفو من شفايفها وبلش يبوسها بقوة وبعاطفة جياشة لثواني بقيت جماد تحت تأثير بوستو بس وفجأة طلعت صورتو قدام عيونها وهو بقلعها بعدما اجت تزورو بالسجن بكل قوتها دفشتو عنها وهو وقف لما حس بمقاومتها همستلو برقة: بكفي مراد: بعرف انك مشتاقتيلي هالمرة طلعت من حصاره وبعدت عنو وهي بتقول بتحدي: مستحيل اشتاق لشخص تركني مراد بتبرير: بعرف انك زعلانة مني بس والله كنت خيفان عليكي تتعلقي بواحد رح ينسجن مؤبد نرجس: وهاي طلعت مراد: لأن امك ساعدتني وطالعتني من المشكلة بلا أي جرم وخصوصاً مافي شي ثابت عليي انا كنت مجرد مسيير للشحنة وماحدا بيعرف بالموضوع أصلا نرجس بصدمة: وليش هيك عملت مراد: بأخر مرة شفتها كانت محاكمتي سألتها ليش هيك عملت … بوقتها قالتلي مشانك نرجس: كيف !؟ مراد: طلبت مني دير بالي عليكي لان بتعرف انك بتحبيني نرجس: كانت تفكر فيي من زمان وبعدين انا ماني محتاجة لحدا يدير بالو عليي انا قوية ولحااالي مراد: أمك ندمانة وهي حكتلي شقد عانت وماكانت تقدر تلاقيكي نرجس: بربك لسا مصدقها معقول البرنس مايكون بيعرف مراد: بس غسان قلي انو ماكانت بتعرف هو يلي خبرها عنك نرجس: لأن ماتعبت حالا لتدور عليي مراد: لا تكوني حقودة نرجس: لا بدي كون حقودة وكل الصفات السيئة كمان ومستحيل اسمح لحدا يستغلني وحتى أنت مراد: بس أنا مستحيل استغلك نرجس: لكن من شوي شو كنت بتعمل مراد: أنت مرتي وكتير اشتقتلك نرجس: هششش اوعك تعيد هالجملة فهمان قرب منها وهو بقلها: فيكي تنكري انك كمان اشتقتيلي رفعت اصبعتها وهي بتقلو: وقققف عندك واوعك ترجع تقرب مني او حتى تفكر لان وقتها مارح اسمحلك مراد: بس انت…… نفخت بعصبية وهي بتقول: أوعك ترجع تعيد الموضوع انا حكيت مع المحامي وبلش يشتغل بالأوراق مراد: يعني خلص بتحدي قالت: من زمان خلص مراد بتحدي: وانا جاهز للطلاق وقفو مقابل بعض وهني بيتطلعو على بعض يعيون بتبرق دموع محبوسة كسرت هالجموت نرجس وهي بتقول: وين أغراضي مد اصبعتو وهو بقول: مكان ماتركتيهم تركتو ومشيت بسرعة وهي بتلملم اغراضها وقربت بدها تاخد عطرها الموجود على الطاولة بس ما لقتو صرختلو من بعيد: وينو عطري جاوبها بنفس صراخها: مابعرف نرجس: طيب وين فستاني يلي لبستو لما رحنا لعند عبود مد راسو من الباب وهو بقول: كمان مابعرف نرجس: ليش عم تكذب أنا من هالبيت ما طالعت شي واصلا انا كنت بدي احرقهن بس حضرتك جبرتني اجي اخدهن تركها ومشي لجهة المطبخ وهي عصبت منو وبلشت تدور بخزانتو على اغراضها فتحت جرار صغير موجود بقرب تختو كان فيه كاتالوج صور الو مع عيلتو حملتو وفتحتو بس وقعت منو صورة لمراد وهو شب مع بنت بعمرو تقريبا Telegram: @rwayate قرب مراد وهو بقول: مابصير تشوفي خصوصية غيرك نرجس: مين هاي يلي معك اختك غير هيك انا شفتها مراد: وعم تراقبيني نرجس: انو شفت الصورة بالغلط مراد: هاي بنت الريس عبود لما كنت اشتغل عندن كنت شوفيرها نرجس: غرييبة شو كل هالقرب من شوفير لحتى تتصور معك!؟ @rwayate مراد: ببساطة علاقتي مع عيلة الريس مختلفة نرجس: امممم يعني الحب الأول بغيظ قلها: فيكي تقولي هيك شي نرجس: ووينها هلق مراد: سافرت نرجس: امممم متل الأفلام ابوها عرف بعلاقتكم وسفرها برا البلد قرب وسحب منها الصور ورجع خباهن جوا الجرار وسكر عليه رفعت حاجب ونزلت حاجب وهي بتقول: لا تخاف مارح ناكلها فتحت باب خزانتو وهي بتقول: بدي اغراضي مراد: نرجس عيب تلعبي بخصوصياتي قرب بدو يوقف عند باب الخزامة بس شافت الفستان معلق مسكتو بايدها وشافت معو معلق كيس صغير بعدها مراد وهو بقول: نرجسسسس خلص بكفي نرجس: بدي أخد فستاني مراد: كل شي برا الك بس هاد الي لمرتي لبتسلتي اياه باول زيارة عائلية سوا وقفت مصدومة وحست قلبها رح يوقع من الخجل … بس رمشت بعيونها عدة مرات وبلعت ريقها وهي بتقول: وهاد الكيس مراد: مادخلك فيه سكر الباب طلع من الغرفة بس هي عنيدة كتير رجعت بتحدي فتحت الكيس وشافت فيه عطرها وصورة الها كانت ببيتها هي متأكدة انها كانت حاطتها ببرواظ بصالون بيتها … ياترى ايمات أخدها !!؟؟ برقو عيونها وهي بتفكر فيه وابتسمت لا إرادياً … بس رجعت عبست وهي بتتذكر الماضي سكرت الخزانة وسحبت شنتايتها وطلعت برا البيت ومانسيت تخبط الباب وراها اتنهد وهو واقف بالمطبخ وحاسس بالقهر لان حط حالو بهيك موقف معها واتذكر كيف نفرت منو وكأنو حشرة !! ركبت بسيارتها وبكل عصبية ساقت لوصلت لبيتها الجديد بمنطقة جديدة حملت شنتايتها وطلعت على بيتها المفروش بفرشها القديم الراقي المعاصر … رمت شنتايتها بغرفة الكراكيب ودخلت غرفة النوم كانت معصبة وعم تلهت رفعت راسها شافت صورة وجها المقهورة بالمراية رتبت شعرا وهدت حالا وهي بتهمس لنفسها ( أنا تعبت لوصلت لهون ومستحيل اقبل بأني كون النصف لاني بستحق التمام … ومالازم اقبل انو كون الاختيار بوقت الضعف … لازم كون المحور أو العدم اوعك تضعفي وتسمحيلو يستغلك انت قوية بالحياة مافي فرص ضايعة … كل يلي فاتنا ماكان النا نقطة انتهى .. ) اخدت دوش واتغدت من الاكل يلي زايد قبل بيوم وقعدت على كنبايتها المخصصة للرواق وسرحت بخيالها بعالم الرواية يلي بتقراها لتبعدو عن فكرها نهائياً تاني يوم استقبلتها سارة عند باب الشركة وهي بتقول: ولي نرجس مين هاد يلي جبلك هدية ع الشركة نرجس بانزعاج: هاد الحارس الفسفوس بدي قصلو لسانو سارة: لك كل الشركة بتحكي بالموضوع مشيت نرجس وهي بتقول: اي منيح يلاقو شغلة يلتهو فيها حاجي يقولو عني معقدة ضحكت سارة وضربتها على كتفها وهي بتلحقها وبتقول: يعني الحقيقة ماهيك يلي بشوفك بقول بومة بهالبوز يلي ناتعتيه ههههههه ضربتها نرجس بقوة وهي بتقلها: خرسي سارة شوفي صورتك بالمراية بعدين احكي سارة: ههههههه حاج تضحكيني هلق بفكروني مفروطة وبتروح هيبتي بالشركة نرجس: قال يعني بالحقيقة كتير راكزة روحي انضبي احسن ما نتقلع انا وأنت من الشركة لسا ماالنا كام شهر موظفين … حفينا لوصلنا لهووون سارة: لك ما قلتيلي مين بعتلك الهدية وصلت لباب مكتبها ودخلت وهي بتقول: هاد مراد سقفت بايدها وهي بتقول بصدمة: اوباااا رجعت حركات الروومنننس نرجس: لا تتغابي سارة مارح يكون في شي انا حكيت مع المحامي سارة: ليش هيك عم تعملي بحالك انا الوحيدة بعرفك شقد بتحبيه وشقد عانيتي لما تركك نرجس: هاي هيي وانا مابدي ارجع عاني خلص يلي فات ماكان النا انا مالي نصيب بسعادة هالحياة ضمتها وهي بتقول: لا تقسي على حالك حاولت ما تبكي وضمتها بقوة لتاخد جرعة حنان من صديقتها الوحيدة بعدت عنها وهي بتستجمع نفسها وبتقول: وانت ما بدك تحني على وليد سارة: خلص نرجس نرجس: ماهلق كنتي عم تقولي لا اقسى على حالي هاي انت عم تقسي ع حالك سارة: نرجس حبيبتي بتعرفي شقد بحبك وشقد ممنونة لهالشغل لانك ساعدتيني لارجع اشتغل وساعدتي وليد وكتير شباب وبنات كمان بس وليد وانا ما ظابطين ع بعض نرجس: ليش سارة: انت بتعرفي ليش نرجس: اذا قصدك ع الماضي فتأكدي انو ماكان بكنلي بأي مشاعر نحنا اصدقاء بس واصلا ما منليق لبعض انا مافي حدا بيقبل فيي سارة: ليش هيك بتحكي عن حالك نرجس: شيلك مني بدي منك توعديني تفكري بالموضوع لان وليد بحبك … صدقيني لو كان في مشاعر باتجاهيي كان اعترفلي بس هو معك كان صادق واعترفلك وطلبك لتكوني حلالو اتنهدت وهي بتقول: بس كان يفكر فيكي نرجس: مين حكالك هو انسان خجلول بيخجل من كل البنات بس معك بكون منطلق وغير شكل سارة: مابعرف بدي فكر اكتر نرجس: اي ها هيك بدي اياكي تشغلي هالطاسة يلي بين كتافك ضحكت سارة وهي بتقول: لروح قبل ما نتقلع من الشركة ضحكتلها وهي بتشوفها طالعة ورايحة لمكتبها لما صادفها وليد بالطريق سلم عليها وهو بيتلبك وبقول: كيفك اتلبكت وقالتلو: الحمد لله انت كيفك وليد: منيح الحمد لله حكيت لماما عنك وكتيير مشتهية تتعرف عليكي سارة: عنجد حكيتلها ليش هيك عملت وليد: لاني صادق معك بمشاعري ومابدي طول بالموضوع انا اخر فترة ما عم اقدر ما فكر فيكي سارة: بدي فكر كمان الله يوفقك وليد: وانا ماعندي اي مشكلة بس بشرط نطلع اليوم ناكل سوا عازمك على برغر بشهههي ضحكت وهي بتقول: اذا برغر ماعندي مانع ابتسمت لنرجس وهي بتشوفهم مع بعض وبتشوف وليد شقد اتغير مع سارة صح هو ماكان بحبها ابدا لو بحبها كان وثق بمشاعرو وصارحها بس هلق اكيد هو واثق وكتير كمان مع سارة ليكون بهالوضوح والطلاقة بالحديث معها ***** وصل للشط متل ما اتفقو لما وصل لمكانن الخاص شاف فريد وغسان قاعدين ناطرينو قرب منو وهو بضمن وبدق على ظهرهم بحب مراد: كيفكن شباب فريد: أنت كيفك الحمد لله ع السلامة مراد: الله يسلمك وانت الحمد لله ع السلاامة غسان ايمات طلعت غسان: من شي جمعة مراد: متلي معناها ماطولنا غسان: يلااا راحت ع الكبار مراد: مع انك ايدو اليمين للبرنس قصدي لنرجس بس مع هيك تركوك غسان: انا بالنهاية عبد مأمور مالي بشغل الكبار مراد: منيح خلصنا منن ومعلمتك كيف وضعا غسان: لسا ما صدر حكم فيهن بس وراها ناس تقال عم يساعدوها مراد: لكن لك عمي هاي البرنسسس احكولي كيف عم تقضو ايامكم فريد: انا عم اشتغل عند بيت عمي بالمقاولة والعمار من زمان بابا بيدفشني لعندو وانا كنت اهرب هلق صرت مجبور ع الشغل غسان: وانا طلعت معي شوية مصاري بدي افتحهن سوبر ماركت وبدي اتزوج خلللص كبرت يازلمي وانا اخدم بهالعالم صار لازم ارتااح مراد: والله معك حق صار عمرنا فوف الثلاثين وما شفنا شي حلو بحياتنا غسام: اذا انت ثلاثين انا فوق الاربعين ولهلق مافي شي لا قدامي ولا ورايي … احكيلنا انت شو عم تعمل مراد: انا والله لسا ولا شي عم دور ع شغل ما عم لاقي محتار شو اعمل فريد: اذا بدك بحكيلك مع عمي تجي تشتغل معنا مراد: لا انا شو بفهمني بالعمار بدي شغلة خفيفة نظيفة غسان: طيب تساعدني بالسوبر ماركت ونصير شراكة سوا مراد: لا الله يوفقك خلينا صحاب ههههه ضحكو مع بعض وقال فريد لمراد: طيب ما حرام هالعضلات تروح ع الفاضي ليش ما بتشتغل بنادي رياضة مراد: عند الناس وشو رح استفيد كام ليرة فريد: ليش عند الناس أنت عندك بيت اهلك وكمان بيتك يلي اشتريتو من الشغل عند الريس فيك تبيع واحد منن ويصير عندك ناديك الخاص غسان: اي والله فكرة كتير منيحة عقلك شغال يا ولد بقي ساكت مراد عم يقلب الفكرة براسو لحتى نطق: بس هاد الشي صعب وبكلف كتير انا معي شوية مصاري بس يمكن ما يكفوني غسان: ما صعب ابدا واذا بدك بدينك لبين ما توقف على اجريك وبتردو بس يصير معك ضربو فريد بمزح وهو بقول: والله تاريك مليان يازلمي ههههه غسان: تعبي وشقايي قال فريد لمراد: البرنس كان عم يهتم فيه منيح ما متل الريس هههههه مراد: لكن متربي ع العززز ضحكو سوا وبقي مراد يقلب الفكرة براسو لحتى قرر…… بعد عدة أيام عرض بيتو للبيع وراح يدور على نادي منيح للاجار وبلش ترميم ببيت اهلو … كل يوم يحاول ينهي شي من دهان وتغيير خشب وبلاط لحتى انتهى تقريبا وقدر يستأجر كراج كبير ليعملو نادي رياضي بعد يومين كان عم يرتب بيتو ويحاول يفضيه لحتى وقت ينتقل لبيت اهلو يكون سهل اندق الباب ترك شغلو وراح فتح الباب شاف شب واقف وهو بقول: حضرتك السيد مراد مراد: أي نعم انا مد الشب ايدو بظرف وهو بقول: هاد من المحامي الخاص بالمدام نرجس بعتو مسكو من ايدو وهو بقول: شكرا سكر الباب وهو بيتنهد متأكد انو ورقة الطلاق حطها على الطاولة قدامو وشاف توقيعها الخاص باسمها *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖