الليلة الحمراء - الفصل 6 - بقلم مروة أغا - مكتملة | روايتك

‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ #الجزء_السادس (6): #اللـيـلة_الحمـراء_بقلم_مروةآغا الها أكتر من أربع ساعات بالغرفة من لما اجتا المكالمة وهو قاعد برا عند طاولة الأكل بحاول ياكل بس قلق ليعرف شو صار معها بس هي حابسة حالها جوا الغرفة بعدين مل وقعد بالصالون ليلهي نفسوا بجوالو بتصفح الانترنت متل كل يوم لان ببساطة هو ما دخلو فيها ولا حتى رح يتدخل شو بدو بهيك وحدة !! بس هلق صرلا وقت طويل وهي جوا بالغرفة وهو بلش يخاف عليها لا يكون صرلا شي وخصوصا بعد ماعرف انها مريضة ربو ويمكن تختنق اذا ماحدا ساعدها وقف عند الباب وهو بحاول يسمع أي صوت بس ابدا ولا حركة ولا همسة بقي رايح جاي عند باب الغرفة لحتى بالنهاية قرر يدق الباب … بس ماكان في جواب أبداً كان مقرر يفتح الباب ليتطمن عليها بس اتراجع عن الفكرة واتوجه للصالون ليرجع يلهي نفسوا عنها … بس عقلو الباطن بقي يصورلو اشكال الوان عن اغمائها لانها بحاجة لتنفس وبعدين موتها ووين رح تموت ؟؟ ببيتو !! اتنحنح ورجع دق الباب وهلق كان مصرّ انو يفتح اذا ماردت بس فاجأتو انو فتحت الباب ووقفت وهي بتحاول تخبي متاوبتها عنو !! سب الساعة يلي خلتو يخاف عليها وهي ببساطة نايمة !!!! نرجس: شو بدك؟ … كتير انت مزعج مراد: صرت مزعج وانا كنت خيفان عليكي لا يكون صرلك شي نوبة ربو وبدك مساعدة نرجس: لا تخاف لو بدي شي او اجتني نوبة ربو كنت سمعت صوتي عم نازع مراد: لكن شو كنتي بتعملي … وليش هيك عيونك حمر نرجس: كنت نايمة لان ببساطة مانمت طول الليل سكتت نرجس ورفعت حاجب ونزلت حاجب وهي بتقلو: وأنت شو دخلك فيي مراد: بكفي قلة أدب ولا صحيح انت قليلة أدب خلقة نرجس بعصبية: مراااد احترم نفسك مراد: اكيد رح احترمك انت كنتي بدك تصيري مرة المعلم احتدت نظراتها وهي بتقول: وياريت ماتنسى انك انت شوفيري خبطت الباب بوجهو وقفلتو وهو فتح تمو مصدوم من كلامها همس بانزعاج: مغرورة انا بفرجيكي كيف لازم تحترميني ضرب الباب باجرو بكل قوتو خلاه يهتز ضحكت على عصبيته وركت جسمها على الباب وهي بتتذكر مكالمة جمال وكيف انهارت وهي بتبكي رفعت ايديها وهي بتشوفهن بيرجفو واتخيلتن كيف كلن دم همست بضعف: معقول ايديكي يتلوثو هيك بالدم وتصيري ببساطة قاتلة مأجورة … يابنت يلي بيتعود على الدم بصير ما بيقدر يعيش بدون ما يشوفو اتذكرت حالها كيف بعد نوبة البكي غطت بنوم عميق لان قبل بليلة مانامت من خوفها وقرفها من هالغرفة يلي الله يعلم قديش الو مانظفها بس لما عرفت انو في مين ينظفها اتطمنت وغفيت سرحت شعرا بايديها وشمت الريحة يلي معلقة بشعرا قربتو كلو لعند انفا وشمت ريحة بتعرفها كتير … او اتعودت عليها بالايام الماضية نفس ريحة عطر مراد كانت لما لقتو بهداك اليوم مرمي وبحاجة مساعدة وشعرها سحب هالريحة الموجودة على مخدتو اخدت من شعرها نفس عميق بس ضاعت الريحة لان اختلطت بعطرها وصارت لمزيج تاني كليا رجعت اتمددت على السرير وهي بتفكر … ولقت نفسها بتفكر فيه وكيف قلق عليها لا يكون صرلا شي … معقول صار في مين يقلق عليها بهالحياة !! طلعت لبرا باتجاه الحمام غسلت ورتبت شعرا وفتحت الهدايا يلي جابن عبود لتلاقي فيهن تياب لان عرفانها اجت بالفستان وتيابها ببيتها وهو نبههن ما يطلعوا تاني يوم من البيت على اساس عرسان جداد قدام الناس وهن لبو الطلب طالعت بنطلون جنز وكنزة لونها ازرق فاتح لتلبسهن واخيرا رح ترتاح من عبئ الفستان يلي ملاحقها طول اليوم طلعت باتجاه الصالون وهي بتسأل مراد: هلق معلمك ليش ليبعت تياب مراد من دون ما يرفع راسو: يمكن عرف انو ماعندك تياب بعتلك احسن ما تبقي بالفستان او خاف تبقي بلا تياب فتحت عيونها مصدومة وهي بتهمس: بالفعل قليل أدب مراد بخبث: ليش أنت مامتعودة تكوني هيك قربت منو بعصبية ورفعت ايدها بدها تضربو كف بس هو سبقها ومسكلها ايدها وشد عليها بقسوة وقلها: اوعك تعيديها برقو عيونها بدموع محبوسة … رفعت اصبعتها بوجهو وهي بتقلو: خراااس انا اشرف منكن كلكن لو ماكنت مجبورة ما كنت اتزوجت مراد: ههههه وعلى شو مجبورة شغل وعندك بيت وعندك ومال وعندك نرجس: لك انت شو بعرفك انا كيف عشت وكيف وصلت لهون … لك انتو يلي خلقتو بتمكن معلقة ذهب شو بعرفكن نحنا يلي مالنا حدا شو صار بحياتنا وكيف وقفنا ع اجرينا وبالأخر بس تحكو بعرضنا وشرفنا مراد: أي حاجتك عاد مثاليات يلي متلك معروف شو هني صرخت فيه: مرااااااد اوعك عرضي وشرفي خط احمر فهمااااااان وعلى كلن انا باقي هاليوم هون وراجعة لبيتي وماعاد بدي شوفك بحياتي عن اذنك ياشريف بلعت ريقها وحبست دموعها جوا عيونها وتركتو وهي بتتنفس بصعوبة وبتلملم كل اغراضها من الشقة حس بالذنب لان هيك حكا معها هو شو دخلو فيها تكون شو ماتكون ليش لحتى يجرحها … بس هي استفزتو لحت حكى هيك نفخ وهو بشوفها حوالية بتدور بالبيت وبالاخر راحت لغرفة النوم وخبطت الباب وراها وما طلعت منها ابداً اتمدد على الكنباية وهو ضميرو بأنبو رتبت الغرفة بكل عصبية بس هالمرة ما سمحتلو انو يخليها تضعف وتبكي … طالعت بخاخ الربو وريحت تنفسها وحاولت تلتهي بجوالها حتى ما تفكر بشي تاني لحتى عتمت الدنيا وجاعت طلعت لتاكل من الاكل يلي جابتو سعاد وهي بطريق الرجعة للغرفة ارتبعت لما وقفها مراد بطريقها للغرفة وهو بقلها: شبك متكهربة مارح اكلك نرجس: استرجي اعميل شي غبي صدقني رح تندم عليه حرك كتافو وهو بقلها بتحدي: واضح اني رح اندم نرجس: انت جرب وشوف مراد بانزعاج: متعجرفة رفعت حاجب ونزلت حاجب وهي بتقلو: مغرور مدتلو لسانها وسكرت الباب وهالمرة بالمفتاح لتاني يوم اما هو احتار شو يعمل ابداً ما متعود ينحبس جوا البيت هيك لو مافي شغل بروح بمارس رياضتو المفضلة او يمكن يروح لشط البحر مع رفقاتو نفخ وهو بيهمس بغضب: أنا ناقصني بلاوي !! #تاني_يوم فتح عيونو على صوتها وهي بتحكي بالتلفون وقف بملل ومشي باتجاه المطبخ وهو بسرح شعرو ليرتبو نرجس: كيفك وليد @rwayate وليد: بخير الحمدلله نرجس: بس حاكيتك كرمال الشغل لبين ما ارجع هاليومين وليد ببرود: ماشي شوفي نرجس: مصنفات الشغل كلن جاهزين جوا الدرج بدن اعادة تدقيق وفي مصنفات الشحنة الجديدة بلشت الشغل فيهن لو بتكملن لبين ما ارجع وليد: ماشي نرجس: وليد فيك شي وليد: لا شو بدو يكون في نسيت قلك مبروك لو عزمتينا كنا فرحنالك اتنهدت وهي بتجاوبه: وليد صار كل شي بسرعة وليد: بس نحنا كنااا رجفو شفايفها وهي بتقول: كنا شو؟ وليد: ولا شي ولا شي … باي سكر الخط وهو بكامل عصبيتو كان بدو يكسرو بالحيط بس كور كف ايدو وضربو بدالو لحتى اتوجع وهو بفكر كيف طيّر البنت من ايدو بسبب غابائه وتردده … بس هو خلص فهم انو هالبنت لما شافت مراد نسيتو ومنيح ما اتسرع @rwayate ضحك بمرار وهو بيهمس: أصلاً لايقين لبعض انا كيف رح اققدر اتزوج هيك وحدة اهلي مارح يقبلو فيها … ارضى بقدرك ونصيبك يا وليد بعدما سكر وليد الخط بقيت لثواني وهي بتراقب الشاشة بصدمة … لأول مرة بسكر الخط بوجهها وبعاملها بهالسطحية … اصلا معو حق يلي صار صدمة كبيرة كان بدو يصير بيناتن شي كبير بس هلق كلو اختفى مراد: شو بدو وليد من الصبح ارتعبت من صوت مراد وبعدت وجهها عنو وهي بتحاول ماتفرجيه توترها وكملت تحريك القهوة نرجس: استخدمت مطبخك من دون علمك بس ما بقدر صحصح من دون قهوة مراد: ان شاء الله تكوني حسبتي حسابي لفت لجهتو وهي بتقول: هاد الناقص اشتغل فيك كمان زواجنا مجرد زواج صوري لا تبلش اييييواااااه مراد: وانت قلتيها صوري يعني قدام الناس صورتنا بدها تبقى منيحة نرجس: اي بعرف قرب مراد وهو بقلها بتحذير: معناها كلامك الزايد مع هاد وليد مالو لزوم طفت تحت القهوة وهي بتلتفت لعندو وبتهمس: وأنت شو دخلك فيي مع مين مابدي بحكي مراد: انت قلتي زواجنا صوري وكلامك الزايد مع وليد رح يخلي هالصورة تتشوه مابدو يقول جوزا الطرطور كيف تاركها تحكي مع الشباب كلام ما دخلو بالشغل … ليش لتسأليه شبو بخصك شي هالرجال نرجس: بس هاد صديقي من سنين عم اتطمن عليه مراد: انا مابفهم هيك بفهم انك انسانة متزوجة من رجال ولازم تحترمي هاد الشي … أنت ما متزوجة خيال @rwayate نرجس: عنجد انت بلشت تكبّر الموضوع انا ووليد بيناتنا شغل يعني رح نتقابل كتير قرب مراد منها أكتر لصار واقف مقابيلها وهو بقول: الافضل ماعاد تتقابلو وتحطيلو حدود لا تفكريني غبي وما شفت نظرات عيونو عليكي من يوم المينا فتحت عيونها وهي بتسأله باهتمام: اي وشكلا كانت نظراتو واضح انو بحبني ما!؟ جاوبها بعصبية: اففف لك شو هالحكي هاد !! … قلتلك بدك تخلي بيناتكن بس شغل نرجس: وقلتلك بيناتنا بس شغل كمان هاد الزواج كلو شغل فهمان مفكرني رح اسكت وابقى معك ومع معلمك … لو شو ما عملتو ما رح اققدر غير يلي بقلبي تجاه هالزلمي عصب عليها هالمرة وهو بقول: يعني أنت بتحبيه رفعت كتافها وهي بتقول: مادخلك بحياتي مسكا من ايدها وهو بيصرخ بعصبية: لا دخلني طلعاتك وفوتاتك بدي اعرف لوين … لبسك الديق والقصير ممنوع … فتحتة صدرك هاي بتسكريها اتطلعت على ايدو مكان قبة كنزتها ضربتو عليها وشدت ايديها وسكرت زر كنزتها وهي بتقول: بالفعل انك واحد وقح مراد: اوعك تغلطي نرجس: لا بدي اغلط كيف بتمد ايدك عليي مراد: والله لو كنتي مسكرة عليه ما كنت مديت ايدي انا مرتي مابتطلع بهيك لبس كلو بدو يكون محسوب فهمانة نرجس: لك انت شو مفكر حالك محسوب عليي رجال مسكا من ايدها وشد عليها وهو بقول: غصب عنك @rwayate نرجس: عم توجعني مراد مراد: لازم تتوجعي لحتى تتعلمي كيف تحكي معي نرجس: مراد بكفي عم اتوجع … اااااه رخا ايدو عنها وهو بيبلع ريقو وبشوف علام اصابيعوا على ايدها البيضة لما تركها اتطلعت عليه بلؤم اخدت ركوة القهوة مع فنجان كبير ومشيت باتجاه الغرفة وهي بتسبو بصوت عالي وبعدين خبطت الباب وراها بقوة وقفلتو وهو بقي عم يدور بالمطبخ رايح جاي ليهدي عصبيتو ( لك شو صرلك معقول هيك وحدة تفقدك اعصابك لسا امبارح كان بدك تساعدها … اففففف خلص لازم مااحتك فيها أبداً ) دخل اتحمم ليهدا اكتر وهي بقيت بالغرفة لوقت العشا طلعت بس مرة لما سمعت صوت باب الدار انفتح واتسكر وعرفت انو مراد طلع اكلت ودخلت على الحمام واتصلت بجمال ليجبلا شي مهم قلا عليه مشان المخطط لتنفذو بهالليلة @rwayate فتحت باب البيت وبقيت ناطرة وقلبا بدق جوا ضلوعها طبول من رعبتها لا يشوفها مراد جمال: بتحطية بمكتب عبود متل ما اتفقنا بقرب مكتبو بشي مكان مايقدر يشوفو … والغرفة بالطابق تحت بقرب باب البيت كرمال الضيوف وفي الها باب خارجي للحديقة ديري بالك @rwayate نرجس: ماشي بعرف شغلي هلق روح لا يشوفك مراد راح بسرعة وسكرت الباب وراه وهي بتشوف هاد الشي الاسود الصغير يلي بيعمل العمايل بعد ساعات دق الباب مراد لعند نرجس قبل العشا فتحتلو الباب وهي بتقلو: بعتقد لسا حين على العشا مراد: حاكاني الريس عبود وقلي مافي اليوم عشا عنا شغل اجلها لبكرا نرجس: شغل شو !؟ مراد: شغل مابخصك بدي ادخل اخد اغراض وبدل تيابي فتحتلو الباب وطلعت قعدت بالصالون وهو دخل للغرفة وسكر الباب وراه طالع تيابو من خزانتو كانو عبارة عن بيجامة رياضية قطنية سودة كالعادة وبوط رياضة اسود كمان لبس ووقف قدام المراية الموجودة بقرب السرير وهو بسرح شعرو بس اخترقت انفو ريحة عطر حلوة كتير قرب وجهو شوي شوي وهو بيمسك قنينة العطر وهو بياخد نفس قوي منها عقد حواجبو وهو بقول: ريحة ورد !! ابتسم وهو بيرجع بشم ريحة عطرها الجميلة وبعدين فجأة انتفض وهو بيلعن نفسوا على تفكيرو … تركها من ايدو وبعد عنها بخ من عطرو وطلع برا الغرفة قلها مراد وهو بيتجه لباب البيت: اوعك تطلعي لبرا خليكي هون انا ساعة وبجي نرجس: كيف بدك تخليني لحالي مراد: يلي بيسمعك بقول كنتي عايشة مع عشيرة ليش ماكنتي عايشة لحالك #مروةآغا نزلت راسها بحزن وهو حس على حالو كيف زعلها بس بعدين فوراً رفعت راسها واخدت نفس طويل واتكتفت ومافرجتو ضعفها هي بتقول: معك حق اصلا العيشة مع البشر بتقرف غاظها وهو بقول: قصدك البشر يلي متلك حست انو جبهتها انقصفت قربت لترد عليه بس هو مازاد اي كلمة ولا كان ناوي يسمع كلامها طلع وسكر الباب وراه وهو بيقفلو ركضت وهي بتحاول تفتح الباب وتصرخ: لك شو عم تعمل افتااااح قرب من الباب وهمس: هششش بدك تفضحينا !! تركت الباب بيأس وهي منغاظة منو شو اتمنت تخنقو بايديها وتخليه يخرس…… دخلت اتفتلت جوا هالبيت وهي بتستكشفو لحتى داقت خلاقها تعبت وملت … متعودة على جو بيتها وروتينها هون بهالمكان رح تنفجر قعدت على السرير ورفعت راسها للسقف شافت طرف ابيض فوق الخزانة … جابت كرسي وطلعت عليه وهي بتحاول تستكشف شوفي فوق الخزانة وأخيراً مسكتو بايدها سحبتوا شوي شوي وهي بتشوف قدام عيونها صورة عائلية لاب وام وبنت وشخص رابع واضح جداً انو بيشبه مراد ابتسمت وهي بتتمعن ملامح الاشخاص الموجودين وبعدين خافت ينزعج لان عم تدخل بخصوصياتو رجعت لفتها بالقماشة البيضة وخبتها فوق الخزانة وطلعت برا الغرفة الساعة صارت قريب ال 12 وما اجا قاومت كتير وهي بتستناه ليرجع لحتى تعبت ونامت بمكانها ***** كمل مراد ورفيقو فريد حمل أخر صندوق خشب وحطوه جوا الشاحنة طالع الاسلحة وصففهن بقرب بعض بأرضية الشاحنة وحط فوقها قطعة حديد كبيرة على طول وعرض أرضية الشاحنة لتخبي الأسلحة وحط فوقها قطع السيارات كتمويه نط من قلب الشاحنة وهو بقول: ياريس هاي أخر كمية سلاح لوين رح تروح مد الريس عبود ورقة لمراد وهو بقلو: هاي العناوين مكتوبة متل ما مرقمة الشاحنات الثلاثة أنت خود شاحنة ورجال البرنس شاحنتين مراد: ماشي يلا فريد حاكي غسان يجي الريس عبود: انتبه كتير اوعك يشكو بشي مراد: لا تاكل هم دق على كتفو وهو بقلو: وحششش قرب منو وهمسلو: كيفا نرجس مراد: منيحة هي بالبيت الريس عبود: دير بالك عليها ماتخليها تغيب عن عينك مراد: لاتاكل هم طلع الريس عبود بسيارتو ورجع لبيتو قرب فريد من مراد وهو بقلو: مبروك ياعريس ضحك وهو بقلو: الله يبارك فيك كيف عرفت فريد: ولو ما بيخفى شي عن البرنس هز راسو وهو بيلعب بمفتاحو فريد: كأنك مامرتاح مراد: بتعرفني أنا أبداً ماكنت مفكر إتزوج فريد: اتوقعت يكون هالشي كرمال الشغل بس شو سبب الزواج اتنهد وهو بقول: هلق خليك مني فريد: معقول تخبي عني مراد: ماهيك بس والله ماعرفان شو احكيلك بس افهم كل شي اكيد أنت أول واحد رح احكيلك نسيت انك معلمي الأول فريد: صح انا اكبر منك بس ماتكّبرني كتير مراد: هههههه لا تواخذني نسيت … معقول هيك ماعم نشوف بعض ونعرف اخبار بعض الا من الريس والبرنس فريد: والله الشغل سرقنا بتتذكر من زمان كل شغلنا كنا مع بعض وانا صرت مع الريس وأنت وغسان مع البرنس فريد: لك ع القليلة أنت بتشوف عبود وبتحكي معو أما نحنا لك بس منسمع صوت البرنس وكمان بصوت متحول عن طريق جهاز تغيير الاصوات لك والله أحياناً بحس هالبرنس شبح ضحك مراد وهو بقلو: سكوت بدك تخربلنا بيتنا الحيطان الها اذان ههههه خلينا نكمل شغل قبل ما يطلع الضو كملو مراد وفريد شغلهن وأمنو السلاح واتأكد من كل شي ورجع لبيتو تعبان وفارط الريس عبود متعود عليه هو يلي ينهيلو هيك أشغال وخصوصاً انو ماعاد الو ثقة بحدا بعد المصايب يلي صارت معو فتح باب بيتو وهو بحاول يصحصح شوي شاف باب غرفة النوم مفتوح مشي بهدوء وكان بدو يدق على الباب أو يسكرو قبل ما يتطلع عليها بس لما التفت لجهة الصالون شافها نايمة على الكنباية متل الملاك وقف لثواني وهو براقبها شعرها الاسود مفرود على مخدتو مكان ما بنام وغرتها غطت قسم كبير من وجهها وبتتنفس بهدوء وانتظام انتبه على حالو كيف بيتطلع عليها اتنحنح وهو بيهمس: يا انسة هيييي رديييي بس ماردت كانت غايبة عن الدنيا انتهد وهو بيدخل لغرفة النوم اخد تيابو البيتيه ومنشفتو ودخل على الحمام اتحمم وطلع لقاها على نفس وضعيتها كان بدو يتركها ويدخل هو ينام بغرفة النوم على سريرو المريح بس قلبو ما طاوعو قرب منها وبايدو حركها وهو بقول: يا ست نرجس قومي انا تعبان بدي نام ارتعبت وهي بتضم ايديها لصدرها وبتهمس: شو بدك مراد: اففف شو بدي يعني روح نامي جوا نرجس: بتصدق مافيك جنس الزوق هيك بفيقو العالم مراد: اناااا !! والله انت قليلة الزوق فوق ماتشكريني لان خليتك تنامي جوا وانا بقيت هون نرجس: اتخيل تتركني نام هون وانت ترتاح جوا مراد: شو بدنا نعمل نحنا الرجال مكتوب علينا الشقى نرجس: لانكن بتستاهلو طلعت باتجاه الغرفة وخبطت الباب وراها اتمدد وهو بقول بقوت عالي: غبية مفكرة حالها رح تغيظتي … كان غيرك أشطر من جوا صرخت عليه: مراااد ماجاي عبالي هزلك بدنك ضحك وجاوب يريح جسمو لينام لان فرط بس اخترقت انفو ريحتها من جديد … ريحة الورد المنعشة همس وهو بياخد نفس منو: يا سلااام هاد الناقص تهتم بهيك شعلات تافهة كان مقرر ينام أول ما يتسطح بس للأسف ريحة الورد نبهتلو كل حواسه وخلت القلق يتسرب لقلبو وعقلو بعكس هديك يلي نومها تقيل !!! #تاني_يوم فاقو بكير متل ما متعودين يفيقو لدوام شغلهن فتحت الباب لقتو لسا نايم بالصالون خلصت اشغالا بالحمام وغسلت ورتبت شعرا واتمكيجت بالمكياج يلي كان موجود بجزذانها من يوم الحفلة وقفت بقرب باب الغرفة وهي بتقول: أنا رح استناك بسيارتي لتخلص لنروح لشركة الريس اتململ بمكانو ودخل للحمام كان بيستناها لتخلص ليطلع هالشي كان من ادبو انو ما يزعجها ابدا وهي بتجهز حالها وهيك هو بسرعة خلص ولبس خلال ربع ساعة كان بسيارتو واتوجهو للشركة دخلت نرجس قبلو لان كانت سابقتو بالسيارة … كانت مستعجلة كتير لتعرف شو نهاية هالموضوع دخلتها السكرتية فتحت الباب وهي بتهمس: صباح الخير الريس عبود: اهلين اتفضلي مشيت وقعدت مقابيل مكتبو وهي بتقول: كيف هيك صار الريس عبود: شوفة عينك اجت مرتي ومابقدر خليها تزعل نرجس: لكن هيك هلق بدي ضل عايشة ببيت واحد ما بعرفو والله طول الليل ماغفيت عيني من خوفي منو الريس عبود بحيرة: خفتي من مراد !! … بالعكس هاد انسان كتير رائع مستحيل تلاقي متلو استغربت وهي بتقول: رائع !!!! بس نبهو اوعا يغلط معي الريس عبود: لا تاكلي هم مراد تربايتي كانت بتفكر انو هاد يلي خايفة منو لانو تربايتو أكيد هالانسان مانو منيح ونسونجي كمان متل معلمو نرجس: وهلق هيك بدي ضل مرتو انا مستحيل ابقى عندو الريس عبود: لا بدك تبقي مفكّرة الشغلة لعبة لحتى قرر انا تتطلقو ومنقول انو ما اتفقتوا قالت نرجس بحدة: كيف يعني انا مستحيل وافق ابقى ببيتو الريس عبود: لا بدك تتحملي ولا تخافي من مراد وانا هلق بنبهو وكمان لا تفكري اذا طلقك ممكن اتزوجك خلص يلي بينا انتهى شكرتو ووقفت بدها تطلع وفرحت كتير من اخر جملة حكاها معقول خلصت منو بهالبساطة وبطلت تكون باسم عشيقة طلعت برا المكتب وهي بتحمد ربها وشافت مراد قاعد بيستناها ليدخل هو بس قبل ما تطلع وقف بقربها وهمسلها بقرب اذنها: استنيني تحت بدي احكي معك ماردت عليه ونزلت باتجاه سيارتها دخل مراد لعند رئيسه وحيّاه باحترامه المعتاد وبقي واقف بقرب المكتب: كيفك يابيك وقف الريس وهو بيسحب مراد ليقعد على الكراسي وقعد مقابيلو وقرب وجهو منو وهو بيهمس: اسف لان حطيتك بهالموقف بعرف انك كنت معارض فكرة الزواج بس بصراحة ما لقيت غيرك قدامي لما شفتها مراد: ما مشكلة يابيك انا رقبتي سدادة الريس عبود: بالفعل اثبتلي انك انسان رائع ومستحيل تخون ثقة معلمك مراد: انا بأمرك يابيك الريس عبود: هلق بدي منك تخلي عينك عليها مراد بقلق: ليش في شي ؟ الريس عبود: لا ابدا بس يعني لا تخليها كتير تغيب عن عينك اضمن مراد: بأمرك الريس عبود: وخليها بالبيت عندك كمان لا تخليها تغيب عن عينك واذا بدك بجهزلكن بيت الكن فيه غرفتين نوم مراد: لا ماضروري انا رح جيب شي نام عليه بالصالون اصلا انا اتعودت على البيت وبحب الجيران الريس عبود: ماشي براحتك وقف مراد وهو بقول: لسا بدك شي تاني الريس عبود: سلامتك بس خلي عيونك مفتوحة مراد: حاضر لما وصل مراد لعند الباب وقفو عبود وهو بقول: انا نرجس ماعاد بدي اياها مراد: نعم !! الريس عبود: قصدي حتى لو بعد ما تطلقها انو لا تفكر ممكن اخدها يعني هي هلق مرتك فهمت عليي مراد بتردد: انت بتعرف يابيك انا مستحيل فكر بشي تاني الا شغلي الريس عبود: مشان ما تفكر انو ممكن هالبنت تعنيلي شي خلص مستحيل فكر فيها بعدما طلع مراد من الغرفة رجع راسو على كرسية وهو بشوف بجوالو الصورة يلي وصلتو قبل بيوم من رقم مجهول … وفوراً غير مسار السهرة وحط الخطة ولهيك اتصل بمرتو لتجي ليحط حِجة انو يتزوجها مراد لان مراد الوحيد يلي بيثق فيه وبيحميه دائما نفخ وهو بهز راسو بوعيد ( رح يخليهن يشتهو الموت وما يلاقوه...) طلع مراد برا الشركة وهو بفكر بحيرة انو هالزلمي كان بدو يتجوز البنت ليش هلق فجأة صار بدو يحط عيونو عليها !!! لأ وكمان عم يلمحلو انها مرتو وفينو يعمل يلي بدو اياه لان ببساطة هو ماعاد بدو اياها وكأنها سلعة وباعها !! وصل لباب الشركة وهو بحاول يدور على سيارة نرجس بس ما لقاها نفخ وهو بطالع الجوال من جيبتو وبيتصل فيها فتحت المكالمة وهي بتهمس: الو مراد: كيف بتروحي هيك من دون ما انا وصلك نرجس: منين جبت رقمي مراد: والله انك غبية نسيتي اني جوزك نرجس: والله انت الغبي ونسيت انك كذبت الكذبة وصدقتها انا عندي شغل اهم من هالكلام الفاضي الله معك سكر الخط وهو بيمشي بعصبية باتجاه سيارتو وبيتوعدلها.... ***** بعد الشغل كانت بترتب المكتب لما طلع ناجي من مكتبو ناجي: يعطيكي العافية كان فيكي ترتاحي هالكام يوم نرجس: لشو يابيك انا ما عروس لارتاح لا تنسى ناجي: طيب متل ما بدك بس قدام الناس يعني نرجس: كل الناس بتعرف اننا شخصيين عمليين وهمنا بس شغلنا مارح يحكو شي ناجي: طيب براحتك طلعت لتسكر باب المكتب قربت سارة وهي بتهنيها سارة: هيك ياشريرة ما بتخبرينا نرجس: كلو كان فجأة سارة بحزن: بس انا متل اختك ما بتخبريني نرجس: قلتلك فجأة ماكان الي خبر سارة: متل ما بدك بس بدي قلك انو بعد بكرا عيد ميلاد وليد قلتيلي ذكرك لنعملو حفلة بس الهيئة بح وليد نرجس بحزن: أصلاً ماكان في شي ليش أنت هيك مصرّة بس منعملو حفلة لان اشتغل كتير شغل عني لاشكرو مشيت سارة وبعدت عنها من دون ما تحكي شي تاني ندهتلا نرجس: سارة زعلتي مني سارة: كنت مفكرة حالي قريبة منك بس طلعت غلطانة على كلن أنت طول عمرك هيك عندك كل شي بهالحياة وما ناقصك شي ودائما بتشوفي حالك عليي ((لا تشوف بسمتك بغيرك ولا تقارن نفسك بغريبك… لان يلي بيبتسم بصوت عالي يمكن داخلة عم يصرخ بصوت أعلى…)) نرجس: انت بتعرفي اني وصلت لهالمكان كلو بتعبي سهرت وشقيت وتعبت لصرت بهالمكان … وياسارة يارفيقتي انت عندك شي كتير مهم انا ماموجود عندي سارة: مابعتقد نرجس: لمة عيلتك واهلك حواليكي ام تطبطب على ظهرك واخت تشكيلا همك واب يعطيكي السند والأمان من دون ما تجاوب تركتها ومشيت بلعت نرجس ريقها وهي بتتنهد اصلا عادي جدا هي متعودة دائما تخسر رفقاتها ويلي بحبوها مافي شي جديد !! وهي بتشتغل اتصل جمال فيها من مكتبو الجديد جمال: هيك مابتجي بتباركيلي بمكتبي الجديد وبتجيبيلي هدية شو انك بخيلة نرجس: بالافراح ان شاء الله جمال: شبك ماعاجبك نرجس: قول شو بدك ماجاي عبالي جادل جمال: ايمات رايحين نرجس ببرود: المسا جمال: ماشي خبريني بكل جديد نرجس: أكيد بعد انتهاء الدوام طلعت من الشركة وهي بتحكي مع مراد نرجس: الو وينك!؟ مراد: بشركة الريس نرجس: لكن انا رايحة لبيتي لجهز حالي للعشا مراد: اي بس بالأول بدنا نتغدا سوا تعالي على الشركة عم استناكي نرجس: مابدي اجي مراد: نرررجس لا تعصبيني ركبت بسيارتها وهي بتتوعدلو وصلت خلال خمس دقايق نزلت من سيارتها شافتو واقف مع رجال الريس حاولت ترسم بسمة على وجهها وهي بتقرب منو وبتهمس بدلع: ميدووو يلا انا جعت التفت لجهة الصوت وهو مصعوق ورفقاتو حواليه فارطين ضحك التفت وقلهن بصرامة: بعتقد مافي شي بضحك همس واحد: حااضر ياااميدووووو مراد بغضب: خراس انت مشي بكل عصبية ومسك ايد نرجس يلي فارطة ضحك وجرها وراه نرجس: لك عم توجعني مراد: ميدو لكن انا بفرجيكي نرجس: بعتقد انت علمتني انو اسمك الدلع هيك وانا مرتك المطيعة لازم دلعك مراد: نرررجس لاتطالعيني عن طوورري هالاسم بتنسيه فهمانة نرجس: والله إذا ما زعجتني التفت لعندها ليزورها بحدة وهو يقول: غصب عنك مشطت شعرها باصابيعا لتغيظو وهي بتقول: واااو خليك راقي شوي نفخ وهو بقول: طيب لو سمحتي نرجس: امم بفكر بالموضوع عض على شفتو وهو بقول: شو بدك تتغدي !؟ ابتسمت برضا لان غلبتو هالمرة وقالت: اي شي يكون طيب اتغدو سوا بمطعم وجبات سريعة وكل الوقت كانو ساكتين هي بتفكر بحالها وهو لا إراديا كان بفكر فيها كل شوي يسرق نظرة لعندها ليشوفها بتاكل بأريحية وهي سارحة بمكان تاني ماحب يتدخل او يزعجها بكفي مسلسل الابيض والاسود يلي عايشين فيه بالبيت بوقت العشا غسلت ورتبت حالها ولبست فسطان من يلي بعتهن عبود وطلعت قعدت بالصالون كان مراد جاي من المطبخ وهو بقول: منيح يلي فطنتي تطلعي بدي اخد تيابي وقف عند باب الصالون وهو مصدوم من شكلها … كانت بريئة كتير بفستانها الزهر الفاتح … كتافها الرقيقة الناعمة صارت واضحة اكتر مع هاللون وخصوصا انو مكشوف واجريها عم تضوي تحت هالفستان الانيق الواصل لفوق ركبتها نرجس: شبك ليش هيك عم تطلع لعمى بقلبك شو نسونجي مراد: والله لو لبستي شي يسترك ما كنت اتطلعت نرجس: يالله رجعنا لهالكلام شبو فستاني مستور مراد: قلتلك ماعندي مرة تلبس هيك لبس روحي البسي شي يغطي ايديكي واجريكي هلق رجال عبود بتطلع عيونن عليكي وقفت وهي بتنفخ لتدخل الغرفة بس وقفها وهو بقول: استني لألبس أنا بالأول لفت ورجعت للصالون وهي بتتذكر كلامو وبتشوف لبسها وبتفكر (معقول كل هالقد لبسي مكشوف ومغري !!) بعد عشر دقايق طلع لابس ودخل للحمام ليسرح شعرو وهي دخلت لبست فستان ازرق نيلي طويل باكمام دانتيل وقفت قدامو وهو واقف عند الباب بحاول يطالع مفاتيح سيارتو من جيبتو وهي بتقول: والله هالعبود مزوء بيعرف يجيب فساتين كمان كانت بتحكي وهو بيتمعنا من فوق لتحت جمالا وحلاوتها طاغية جدا رمش بعيونو وهوي بقرب منها وهي ارتعبت ورجعت لورا حبست نفسها وهي بتهمس: مراد شبك وقف وابتسم ابتسامة جانبية خلت غمازتو تظهر رفع حاجبو وهو بقول: لا تخافي انا ما بخوف هلق رجعت تتنفس وهي بتراقبو كيف طالع من جيبة جاكيتو علبة حمرا صغيرة وقفت مقابيلو متفاجأة وهي بتعرف هالعلبة لشو بس بقيت ساكتة فتحها وطالع محبس رفيع بألماسة ناعمة وقدملا اياه مراد: بس قدام الناس بلعت ريقها وهي بتتمعنوا قلبها صار يرجف وهي بتشوفو بين ايديه … من زمان بتحلم بالشب يلي رح يلبسا المحبس بس بالنهاية تكون هاي الطريقة !! اتنهدت وسحبتو من ايدو بسرعة ولبستو قدام عيونو يلي بتتفحص ايديها مراد: لا يكون ماعجبك ابتسمت ابتسامة صفرة وهي بتقلو: مابهم كل هالشي تمثيلية بادلها بنفس ابتسامتها الباردة وحاولت تغير الموضوع وهي بتقول: يلا لنروح لا نتأخر مشي قدامها وهي نزلت وراه شوي شوي وبقيو كل الطريق ساكتين وهي كانت عم تتمعن بشكل المحبس كانت بتتمنى يلبسها اياه حبيبها مابهالطريقة … اتنهدت وهي بتحاول تشيل هالفكرة من راسها وتركز على شغلها يلي لازم تنهيه على أكمل وجه حتى تقدر تحصل على حريتها وعيون مراد كانو عليها شافها كيف عم تتمعن المحبس بحزن … حس فيها وبشو عم تفكر بس هي يلي وصلت حالها لهالمواصيل ليش من البداية لتسكت وتقبل بهالوضع هي ضعيفة وبتستاهل كل شي عم يصير فيها !! وقفو بقرب بعض عند باب الفيلا والرجال بترحب فيه وبتسلم عليه وهو بسلم عليهن لما خلص شافها واقفة بتشوف فرحة كل الشباب حواليه قرب منها ومد ايدو لجهتها وهو بيهمسلها: للتموية بس زمت شفايفها وحطت ايدها بايدو كهربا قوية مشيت بجسمهم لما التفت ايديهن ببعض بتردد مشيو ودخلو لجوا الفيلا لما وصلو لباب الفيلا الخشبي بسرعة سحبت ايدها منو وهي بترتب فستانها وشعرها قرب مراد منها وهو بقول: ماحرام هالشعر حابسيته هيك ليكيه كيف مخنوق سحبلا بكلة شعرها ليهر على ظهرها متل الشلالات نرجس: لك شو بتعمل مراد: حرام تظلموه وتحبسوه لازم يرتاح ويتهوى نرجس بتهديد: انت بلشت تتعدى حدودك قطعتلن حديثهن الشغالة لما فتحت الباب وهي بتسلم عليهن وجوا كانو سعاد وعبود سعاد: ماشاء الله يا مراد هالعروس بتاخد العقل نرجس: شكرا ياخانوم هاد من زوقك بلع ريقو الريس عبود وبعدين همس ليغير الموضوع: يلا اتفضلو نتعشى بالأول بعدين منسهر بعد العشا وقف عبود وقال: انا طالع جيب سيجار احسب حسابك معي مراد @rwayate مراد: بتعرفني ما بدخن الريس عبود: برافو عليك محافظ على صحتك قالت سعاد لمراد: تعال بدي استشيرك بشغلة بالمطبخ ونرجس لقتها الفرصة المناسبة استأذنت لتروح تغسل سعاد: الحمامات بجهة اليمين عند المطبخ سحبت سعاد مراد لجوا المطبخ وقالت للشغالات: روحو لمو السفرة مراد: خير يا مدام قربت سعاد وطالعت جوالها وهي بتهمس: اجتني هالرسالة بيوم زواجك قالولي انو عبود بدو يتزوج عليي وانا بصراحة شكيت في شي بدي منك تعرفلي صاحب هالرقم مين بلع ريقو مراد وهو بقول: اي تكرمي بحاول بس هالشي صعب بس الشرطة بتقدر تعرفو سعاد: انت حاول بدي اعرف مين بدو يخرب بيتي بس ماتقول لعبود هز راسو وهو بقلها: خلص تكرمي @rwayate طلع قبلها ومشي باتجاه الصالون بس وقفو صوت حركشة بقرب المطبخ بعدما غسلت نرجس طلعت ومشيت بين الغرف لوصلت لغرفة المكتب متل ما وصفها جمال فتحت الباب ودخلت بهدوء لحتى تنفذ مهمتها حطت جهاز التنصت بأول فازة شافتها بقرب المكتب وطلعت بسرعة بس فاجأها صوت مراد بقربها بقول: انت شو عم تعملي هون !!! *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖