الحلقه 15و الاخيره
*#تلك_الفاتنة🤎🦋 {{15}}* *#بقلم_الكاتبة_المجهول*
*#الـــــأخـــيـــر*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
مرت الأيام بحلوها و مرها بدون تفاصيل مهمة تذكر، وليد كان نعم السند لي رهف، كان معتبر أهلها زي أهلو واحد، معتبرها بتو و صحبتو و حبيبتو، مر شهر، و اليوم عرس وليد و رهف.. اليوم الكانو منتظرينو بفارغ صبرهم.
رهف في الكوافير : تلفوني رن، كان رقم غريب رديت ألووو.. و سمعت صوتو الما بغباني.. دة مؤيد، لقى رقمي وين و عايز مني شنو، بلعت ريقي و قلت ليو : مؤيد؟ إزيك.
مؤيد :كويس الحمد لله، إنتِ كيف + ألف ألف مبروك يا رهف، و شكراً جزيلاً لأنك كنتي السبب في تحسني " ضحك و قال : و كنتِ سبب مرضي و هوسي برضو لكن ما مشكلة كلو قضاء و قدر.
رهف : الله يبارك فيك تسلم، مؤيد انت اتحسنت كلياً؟ خلاص بقيت كويس؟ قدرت تتجاوز حبك الكبير دة و...
قاطع كلامها وهو بقول : رهف خلي الكلام الكتير، زينت عربيتي و جاي أسوقكم للصالة ان شاء الله بس خلصتي، اموركم الما بتنتهي دي.
رهف : اهااا لالا خلصت الحمد لله، وليد عارف؟
مؤيد : يا الأخت خلي الأسئلة الكتير اصلاً وليد هو الطلب مني كدة وقال لي ما أوريك بس أسوي شنو عارف لساني خفيف ههههه.. يللا أقفلي جايين عليك و لسةة في مفاجأة تانية لي قدام، ح تفرحي لي عارفك. "وقفل"
حرفياً انبسطت شديد لأنو مؤيد رجع ذي ما كان و إتحسن، الحمد و الشكر لله 💚 و أخيراً ما مصدقة والله، فرحتين فرحة عرسي من البحبو، و فرحة مؤيد ال إتحسن، الحمد لله.
بعد ربع ساعة وليد جا داخل.. "الكاتبة المجهول "
دخلت ليها و كانت آية من الجمال، رغم إنها ما بتحتاج ميكب، الزفاف و الحجاب زادوها جمال أكتر من ما هي جميلة، جمال رباني مشيت عليها وانا ما مصدق إنو خلاص بقت حلالي، ضميتها شديييد تاني البمنعني شنو م بقت حلالي..
رهف : وليد خلاص هتخرب لي الطرحة دي.
هتخرب التكويزة ياخخ.. كريهه دة.
وليد و هو بيبعد : حتى في اليوم السمح دة عايزة تقولي لي كريه، كريهة انتي، "حصنها، مسكها من يدها و ساقها برا " يللا يا فراشتي الفاتنة💜. "ركبو العربية اللي كان سايقها مؤيد، ابتسم ليهم و قال : ألف مبروك و حياة زوجية سعيدة، ربنا ما يحرمكم من بعض.
*في صالة العرس*
دخلو بي أغنية" كملت بيك أنا نُص ديني " رهف كانت عاوزة تبكي من الفرحة بس كتمت دموعها بالشدة لأنو وليد منعها 😭😂..
أول ما دخلو لقو أبو رهف حضنهم الأتنين و بارك ليهم، بعداك أبو وليد، مشو و هم ماسكين يدين بعض قعدو و بدت المباركات...💛
رنين و ملاذ و سمر يشيلو و يصورو فيهم، اعملو كدة، و سوو كدة، عشان الصور تظبط.
رهف : ياخ خلاص كفاية صور.
وليد : جننتونا.
"إنتهو و جا الوقت الجرتك و ك العادة ملاذ و سمر و الصور، صورو كترة فديوهات و صور، لكن حاجة سمحة عشان تكون ذكرى لليوم المميز المحفور في قلبي و ذاكرتي..
*تقديم الأحداث*
بعد مرور عام، سمر و سامر اتزوجوا و حالياً عندها ولد سمتو مناف، أما سماهر عرسها زياد أخو سما و صاحب سامر و وليد، أما عن سند و سما جابو بت و ولد لجين و لؤي و طلعو لي كندا لأنو سند اشتغل هناك في شركة عادل أبو رهف،، أما رنين مؤيد حباها و اتعلق فيها و هي كمان حبتو، الكلام ده كان يوم عرس رهف و دي المفاجأة المؤيد كان عايز يوريها لرهف يوم العرس، هسي هم مخطوبين و عرسهم بعد عرس ناس ملاذ اخت وليد ..أما ملاذ خلال السنة دي اتخرجت و تخريجها كان بعد عرس وليد طوالي، هسي مخطوبة خطبها واحد من دفعتها قرأ معاها الجامعة و اتخرجو سوا و عملو الخطوبة و اليوم عرسهم ♥️♥️
الكاتبةالمجهول : وليد كان نعم الزوج و نعم الأب، ما حرمني من حاجة و كل يوم بحمد ربي ألف مرة عشان وافقت بيه و اتزوجتو، جبت توأم بت و ولد سميتهم "غزل و غسان بيتشابهو شديد، عمرهم 6 شهور "🖤
بلسان وليد : رهف كانت نعم الزوجة، عن كمية الحب البتديني ليه، وقفت معاي أيام ضغوطات الشغل وقفت معاي في وقت الضيق و كل ما اقبل ألقاها جنبي، جبت منها أحلى توم سمحين زي أمهم ههه، اليوم عرس ملاذ أختي، مبسوط ليها شديد و في نفس الوقت زعلان جواي احساس متناقض. خلاص أختي هتخلي لينا البيت مسيخ و تمشي، السنة دي كلها كانت أعراس و ارتباطات، اظن دة موسم الإرتباط، سماهر و زياد، سمر و سامر، أنا و رهف، ملاذ و معتز، رنين و مؤيد، بجد انبسطت لي مؤيد شديد انو اتعافى و كمان ارتبط بي رنين و نسى هوسو بي رهف مرة واحدة..
= يا رهف، يا مرا هوي، تعالي لبسي بتك دي سريع ياخ اتأخرنا.
_ كويس يا زوجي الغالي، وانت حضرت سيادتك لبس ولدك دة وليد امسكو مني جنني😭.
= يا زولة خلاص ما تبكي، غسان يبكي انتي تبكي معاهو سوا سوا، غيتو انا اتزوجت لي شافعة وانا ما عارف 😂.
_ وليد، كريه دة طير من خلقتي.
= لسة بتقولي كريه، قولي كلام سمح ياخ لي زوجك الفاقد حنان دة..
_ أبيت.. ما بتستاهل 😂.
= بوو، طيري من خلقتي و لبسي بتك مؤيد دة اتصل لي مية مكالمة..
"لبسوهم و مشو الصالة"
رهف (فجأة دموعي نزلت) اخخ يا وليد.
= مالك بسم الله فشنو يا قلبي؟
_ مف شي، اشتقت لي سند و أبوي رجعو كندا تاني، ي حليلهم هسي كانو هيكونو معانا..
= ما مشكلة يا قلب وليد إنتي، هيرجعو قريب و نحن زاتنا هنمشي ليهم زيارات، ما وريتك، بكرة من هنا طواالي، يا كندا جاك زوول.
_ وليد انت كمان ماشي و تخليني "زادت ف البكا
= هبلة دي، هبلة لدرجة، أنا أقدر أخليك و اخلي أولادي ديل حتة مني و منك وانتي كُلي♥️.
يا حبيبتي السمحة الفاتنة، بكرة هنمشي كندا زيارة ل سند و أبوك و أنا مجهز أي حاجة و قلت اعملها ليك مفاجأة.. رأيك.
_" بتبكي زيادة " الله ما يحرمني منك يا وليد وربي بحبك، مبسوووطة بيك و طايرة السما😭
= تطيري بشنو عندك جناح إنتي🌝
_ كريه، ثقيييل، قايل نفسك ظريف 😑..
" مسكها من يدها "
_هوي وليد فكني، نحن قدام الناس ياااخ
= و يعني؟ مش مرتي. تتذكري زمان بتقولي لي شنو؟ 🌝 هسي ح انتقم منك وما هفك يدك.
_ كريهه دة.
= اوف انتي غير الكلمة دي ما عندك حاجة.
_ اي بس 😹 بحبك طيب، بعشقك♥️.
= و أخيراً يا زفتة، أنا بحببببك أكتر، ربنا ما يحرمني منك، أدامك الله لي و أدام قلبك.
*♡◈ـ➷ـ٨ـــ٨ـ➷ـ◈ـ➷ـ٨ـــ٨ـ➷ـ◈♡*أما بَعد :
أتَعلميّن ياسَيدتي الفاتنة
بأنَني في اللحظة التي رأيتكِ فيها
لأول مرة أدركت بأنَّ :
" القَمر يَسكن في جانب الرصافة ❤️ "
انتِ .. انتِ : جميلتي الفاتنة .. انا لا اطيق الايام التي لا تخففها بسمتك.
*تلك الفاتنة التي أعشق*
ᎿᎻᎬ ᎬᏁᎠ
(الكاتبة المجهول) 😎🌹🌹