الحلقه 14
*#تلك_الفاتنة🤎🦋 {{14}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
___ في صباح اليوم التالي ___
رهف، قمت عملت حاجاتي الروتينية، و لبست عشان أمشي الشغل، دورت عربيتي و فتحت قرآن بصوت الشيخ ماهر المعيقلي سورة البقرة ♥️... وصلت لقيت وليد واقف لي عند الباب عاينت ليهُ من فوق لتحت، قلت ليو سلام عليكم ورحمة الله وبركاته.
= و عليكم السلام ورحمة الله وبركاته، كيفك؟
_ كويسة الحمد لله، اهااا، امبارح تلفونك مشغول وين كدة؟؟
= مع واحدة من معجباتي ما قدرت أفصل، لأنو كانت بتقول لي كلام حلو و توريني حاجات عن نفسي أنا زاتي ما عارفها.. قالت لي والله ياا وليييد إنت عسل، وانا مكسرة فيك، و ما هخليك تتزوج غيري.. أحيي أنا من ضحكتها دي.
_ طيب طير من خلقتي و أمشي عرسها لو عندك معجبين كتار أمشي عرس ليك واحدة منهم انا إنساني، إنسان كريييهه لدرجة، اوف من أول الصباح كدة؟
= هههه روقي روقي، والله بهظر."وهو بضحك بأعلى صوت عشان رهف زعلت بجد"
_ ما تتكلم معاي يا زول "بدت تبكي و مشت من جنبو"
= بتي،وربي بهظر معاك هسي ف داعي للبكاء ياخ أمسحي دموعك دي و أفردي وشك السمح دة شوية، عشاني عليك الله..
_ وليد ما نقصاك طير، كذاب إنت.
= كذبت عليك فشنو يا رهف 😂.
_ قلت بتحبني، و من وراي بتتكلم معا الما بتتسمى دي، ما عارفة المهم مع حبيبتك دي
= ما كذبت انا فعلا بحبك، إنتي بتحبيني؟
_ شنو؟ احبك انت، طير طير من خلقتي خليني أشوف شغلي كدة.. "و دخلت خلتو و هي بتطنطن"
= لازم أراضيها مُزتي دي.."طلع مشى سوبر ماركت قريب من المشفى خم ليها شوكولاتات الدنيا في كيس أسود كبير و رجع 🌝"
هوفي، لسة زعلانة؟
_ هوي يا وليد اطلع من راسي ، و أختاني أنا مشغولة، ما هفتح الباب. "كانت معاها ريل و هي ميتة من الضحك و مشت فتحت الباب وليد أول ما شافها اتخلع"
وليد : إنتِ موجودة في كل حتة، عارض
ريل : لازم يا ود العم، كدي وريني شايل شنو في الكيس دة 😉🖤.
وليد : هووي دة حق رهوفتي، طيري من خلقتي عايزة تسمني أكتر من كدة كيف.
ريل : كريهه دة، حرام عليك 😹 يا زول أنا دايرة شوكولاتة أدينييي..
رهف : انتو الاتنين فشنووو، إسكتو، وليد جيب الكيس دة هنا.
وليد : هههه هسي ما كنا زعلانين.
رهف : زاتو ما دايرة، كريهه خلاص طير من هنا
وليد : انتي غير كلمة طير و كريه ما عندك حاجة؟ ما بتعرفي تقولي بحبك.
رهف : وليد أحسن ليك طير من خلقتي دي.
وليد : تاني طير 😂 طيارة تخمك يللا خدي الكيس دة أنا عندي شغل "شالتو منو و ابتسمت"
ريل : إبتسامة لكن، أريتو خطيبي دة.
رهف "ضربتها خفيف في راسها" أسكتي، وليد واحد ما هتلقي زيو تاني ههه.
"مر اليوم عادي بدون تفاصيل تُذكر"
[مرّ شهرين، و مؤيد قعد يتعالج و الحمد لله إتحسن شوية، أما وليد كان مستعجل على العرس هو و أبوه اتكلمو مع أهل رهف عملو خطوبة و حددو يوم للعرس و قالو يكون بعد شهر و اتفقو، في الأيامات الفاتت....رهف و وليد و زياد مشو خطوبة سمر و كانت طالعة عسل كلهم فرحو ليها، تتزكرو سماهر و سمر كانو مبسوطين، لمن سماهر قالت انو دعواتها اتحققت؟، دة زياد كان اعترف ليها ب حبو و مشى لي أهلها طوالي و طلب يدها ، و هسي خاطبها و عرسهم قريب، سامر خطيب سمر طلع بيعرف وليد و زياد لأنو كانو بيقرو الجامعة سوا،طبعا أبو رهف و ابو وليد اتقابلو في محل الشغل و سلمو على بعض سلام حار و انبسطو انهم ح يبقو قرايب أما صاحبنا سند عرسو اليوم هو و سما 🖤].
*عرس سند*
في صالة كبيرة و راقية،واقف قدام الناس و ماسك يدها و بعاين ليها بكل حب، الزغاريد و الصفافير ما تديك الدرب.. علي و مازن جو عشان يحضرو العرس و قالو مؤيد ماشي في تحسن و بدأ ينسى رهف الحمد لله...
بيحكي :
اليوم عرس ولد عمتها، او ب الأحرى أخوها الما ولدتو أمها، جيت العرس مع أهلي، كالعادة أبوي و أبوها لمن يلقو بعض بتكلمو ف السياسة، أو الشغل، او أيام الجامعة.. كانت جاية علي وانا سرحان فيها، حرفياً البت دي فاتنة، و روحها أحلى من دة كلو، خلقة و أخلاق، دايمًا بقول إني محظوظ عشان عندي رهف، جات سلمت لي و بدت ترغي و ترغي وانا سرحان في جمالها و ما منتبه ليها بتقول في شنو...
رهف : هي دة مالو بعاين لي كدة، وليييييد..مية مرة قلت ليك ما تعاين لي كدة انا لسة ما بقيت مرتك المرة الجاية بقدد ليك عيونك دي فاااااهم
= فهمت يا ستهم.
_ كريهه دة طير من خلقتي.
= انتي كلام حلو ما بتعرفي تقولي، كريهة دي.
_ ما تحاكيني، فقررر.
= اااا، ااي يا زياد جااي.. سامع صوتو بناديني
" و مشى سريع من جنبها عشان ما يجيهو كعب شبط في وشو"
_ نهائي ما حتعقل يا وليد "و إبتسمت"
ملاذ : مرت أخووي من زمان بفتشك وين انتي ياخ، تعالي البنات قاعدين هناك كلهم.
رهف : أخوك جنني، كنت بتكلم معاه، أرح.
"مشيت مع ملاذ لقيت سمر و سماهر و رنين و ريل و ريم بنات عم وليد، بعاينو لي نظرات خبيثة ما اتطمنت ليها "
رهف : مالكم بتعاينو لي كدة 🌚.
ريم : قالو لينا صوتك سمح.
ريل : م سمح ساي قالو رهيييب.
ملاذ : العجب قالو صوتها دة راحة نفسية.
رنين : أنا ما قالو لي سمعت منكم غيتو😂.
رهف : منو القال كدة هوي، لالا كذاب ساي، و مالكم بتعاينو لي نظرات خبيثة زي دي.
" فجأة الفنان مدا لي المايك، و سما و سند قاعدين و بعاينو لي و يضحكو، يادوب فهمت نظراتهم دي، بوريكم يا بنات"
الفنان : صحباتك قالو صوتك سمح، حتى العرسان قالو كدة، يللا خدي و غني لينا غنية " ما مصدق اني قدام حبيبي"
شلت منو المايك وانا بقول ليهم اصبرو لي ي وسخييين، كريهات ديل.. بديت أغني : ما مصدق إني قداام حبيبي، ماسك إيديه و عيني فعينيه...." أنا و بغني، لقيت وليد جا قداام عشان يشوفني أنا و بغني ابتسم لي، و بقى يغني معاي، جا شال مني المايك و بقا يغني (عن جمال صوتو، رهيب رهيب) انا بغني مقطع و هو مقطع
لحد ما إنتهينا، أديت المايك للفنان و مشيت تجاه البنات : كريهات ديل، ياخخ خجلت م ممكن، الفقر دة كمان تم الناقصة و جا غنى معاي... فجأة سمعت صوتو من وراي :الفقر دة لعله أنا؟
رهف : اااها لالا لالا، ما انت،قصدي انت "خلو دي قعد تتمتم كدة و نشوف الحثل شنو"
الحفلة إنتهت و بدأ الجرتق، بكييت بكا قلت سند خلاص ح يفارقنا، حيكون عندو مسؤوليات، ان شاء الله ما ينسانا...
بعد الجرتق اي زول اتجه على بيتو طبعا الا نحن و أهل وليد كانو معانا، حتى عمو و بناتو، ناس ريل و ريم، و سمر و سامر، طبعا سامر و زياد، أصحاب وليد ديل بتعاين تشغيلات ألف!
" صاحب الحنجرة الذهبية، و صاحبة الحنجرة الذهبية، عرسان الموسم" د زياد طبعا.
ودعنا سند و سما، امها دي بكت بكا، حتى زياد بكى، ما دة عرس أختو... اها بعد البكا و المخاخيت أيي زول رجع بيتو...
رنين : أحلى عرس أشوفو ف حياتي، ربنا يحفظهم لبعض.
رهف : حرفيًا ياخ، عرس أرهب من الرهابة، بزات لمن انا و وليد غنينا فيه سواا♥️.. هييي دقيقة الوراكم منو انو انا بغني الغنية دي طوالي.
رنين: ملاذ قالت، إنو انتي غنيتيها لي وليد قبل كدة، و كان مسجلها و بيسمعها طوالي.
رهف : كريه دة.
رنين : غير كلمة كريه ما عندك حاجة، يللا طيري من خلقتي الساعة 2 ننوم بعد كدة.
هيي عقبالكم إنتي و وليد كمان.
رهف ى ان شاء الله ي رب ♥️.
= تصبحي ع خير..
_ و انتي بخير..
"وليد اتصل لي اتكلمنا زي ربع ساعة كدة و نمت"
وليد : الكلام معاها راحة نفسية، حرفيا ما بقدر انوم لو ما سمعت صوتها.
"أحببتُ تلك الفاتنة، لا بل عشقتُها💜"
*♡◈ـ➷ـ٨ـــ٨ـ➷ـ◈ـ➷ـ٨ـــ٨ـ➷ـ◈♡*
- وكنتُ أختلس النظرات إليها ، نبّهني قلبي ، ليس لهذه الملامح أن تكون عابرة ، وتيقنت بداخلي أنني سأقضي نحبي في حُبها فأنا أحببتها أكثر من أي شيء رأيته أو تخيلته على وجه الأرض♥️.
يــــــــــتـبـع.
/~(♡الكاتبة ~♡•المجهول ♡) ~\