الحلقه 13
*#تلك_الفاتنة🤎🦋 {{13}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
دخلت البيت لقيت ناس البيت كلهم قاعدين في الهول أول ما دخلت جرو علي، أبوي حضني مسافة و قال : جينا المستشفى ما لقيناك، ف قلقنا عليكِ، الحصل شنو..
و عمتو سلوى و رنين ببكو بي دموعهم "عرفتو جبت الحنية دي من وين" و سند جا جاري علي ملهوف أول ما سمع صوتي وأنا بقول ليهم : معليش ح أفهمكم كل حاجة ما تخافو علي أنا كويسة أهو انا قدامكم🥺.
"هم مستغربين، وليد ما جا ولا جاب أهلو و وانا اتأخرت و جيت راجعة البيت الساعة ٧ مساء، ف قعدت و حكيت ليهم كل شي من الألف للياء و هم كانو مستغربين خالص"
عادل : أخخ، الله يشفيك يا مؤيد، ربنا يشفيك!
سلوى : الله يشفيه، مؤيد طلع مريض بمؤض نفسي 💔، ليه ما حكيتي لينا من البداية انتي رفضتي مؤيد عشان بعاملك كدة، ابوكِ زاتو كان حيتفهمك يا بتي.
رهف : خفت والله انو، انو ابوي ما يصدق كلامي و انتو كلكم بتحبوه ل مؤيد و بتقولو انو ولد ظريف و محترم و مؤدب ف عشان كده ما حكيت ولا شي، بس هسي عرفتو ااي حاجة.
سند : حاجة غريبة، يجماعة طيب، يعني نحن حنأجل عرسي و خطوبة رهف؟.
رنين : أكيد هيتأجلو، الوضع ما مطمن.
عادل : هنأجل كل حاجة لحد ما مؤيد يبقى كويس وانا هسي هتصل لعمكم علي اتكلم معاه "شال تلفونو و قام مشى الصالون"
سلوى : حالتهم تحنن والله، ربنا يشفيه.
رهف : إن شاء الله، متأكدة من كدة وديناه لدكتور شاطر و الجلسات هتبدأ من الأسبوع الجاي، طيب انا استأذن هستحم و أصلي و أنوم، بكرة عندي شُغل.
سلوى : ما تمشي بكرة، ارتاحي و أخدي إذن من دكتور وليد خلي يشوف غيرك.. احدي راحة اسبوع.
رهف : ما بقدر يا عمتي، لازم اشتغل و ما أخلي الموضوع دة يأثر ع شغلي و نشاطي.
سلوى : طيب، بس ما تهلكي نفسك كتير.
رهف : حاضر يا عمتو.. و مشت غرفتها.
[رنين جات داخلة لقتها بتصلي، بعد انتهت و سلمت نادتها و جات قعدت جنبها فالسرير]
= هوفة.. ما تفكري في الموضوع كتير.
_ ما قادرة يا رنين، حاسة إني أنا السبب ف دة كلو، ف مرض مؤيد، وبسببي وليد دق مؤيد كدة و دي المرة التانية يتشاكلو بسببي.
= لا ياخ ما تختي اللوم عليكِ إنتِ ما عندك ذنب، رهف هتقدري تعيشي مع واحد م بحبك، واحد مهووس بيك و معتبرك حاجة من حاجاتو؟
أهو وليد بيحبك، و ربنا يسهل ليكم و تتزوجو، و مؤيد عند دكتور شاطر ف ح يتحسن إن شاء الله
_ طيب، هدعي ليه ف كل سجدة انو ربنا يشفيه و يبدأ حياة طبيعية زيو زينا، ياربي وليد عمل شنو و قال شنو لأهله، لازم أتصل ليه بعدين اشوفو.
= هتكوني جعانة، أعبي ليك و جاية طيب.
_ لالا ما جعانة والله.
= رهف بطلي انت من متين م ماكلة ولا شاربة شي، عليك الله.
_ باكل بعدين بعد ارتاح بخش المطبخ ما تقلقي، اوك.؟
= خلاص طيب انا طالعة، إذا محتاجة اي حاجة كلميني انتِ تعبانة، تمام.
_ دنن يحلوة 🥺 حبك أنا.
= حبيبي، يللا تصبحي ع خير يقلبي.
_ وانتِ من أهلو💕.
_______________________
*وليد*
أول ما دخلت لقيت أبوي و ملاذ.. سألوني اتأخرت ليه مش المفروض اليوم كان نتقدم لي رهف؟ قلت ليهم : شوية شوية ههحكي ليكم كل شي و حكيت ليهم اي حاجة حصلت من الألف للياء، وشوشهم اتملت علامات تعجب❗
استغربو برضو، فعلا هو خالتو بتحنن بس منو الكان عارف انو مهووس و كدة؟؟.
اعتذرت لناس أبوي، قالو بكرة ما تمش الشغل و ارتاح أبيت ليهم حنسوني أبيت، قلت أكيد رهف هتجي، و هتكون محتاجة لي.
دخلت غرفتي بعد اتحممت و صليت العشاء متأخر، قاعد في المصلاية ما قمت منها جات ملاذ داخلة و حنستني عشان آكل بس رفضت للنهاية.
= معناها يا وليد خطوبتكم هتتأجل.
_ ما عارف والله، بشوف رهف أنا لو علي ما بأجلها لو القيامة قامت و بقلبها عقد بدل خطوبة
= أي والله، ربنا يشفيه مؤيد، و يعرف غلطو، كلمت زياد ولا ما عارف حاجة هوا؟
_ لسة، هتصل. ليه هسي و أوريه الحاصل.
= تمام اتصل ليه انا طالعة، تصبح على خير 💖
_ طيب، وانتي بخير.
"اتصلت لي زياد حكيت ليه كل حاجة"
= حزينة خالص 💔..والله دعواتي معاكم ان شاء الله ربنا يشفيه، و ربنا يتم ليكم ع خير، أفضل إنو بعد التأجيل دة ما تكون خطوبة بس، تكون عقد، انت عارف الجلسات النفسية دي بتكون بالشهور، يمكن تستمر سنة عادي او اكتر.
_ اي والله دي بحد ذاتها مشكلة!
= ما وريتك، سمر اتصلت لي، قالت انو اتصلت ليك كتير و ما رديت ليها من الصباح
_ مالة سمر، بدينا تاني يعني ما اقتنعت؟
= لالا يا صحبي، قالت عاوزة تعتذر ليك و كدة ف انا هسي هجق ليها عشان اوريها تتصل ليك هسي، عندها كلام عاوزة تقولو ليك.
"قفل مني و بعد ٥ دقايق ف رقم غريب اتصل، قلت اكيد هتكون سمر مين غيرها، رديت"
= ألو، أهلين سمر كيفك؟
_ يا هلا، كويسة الحمد لله، طبعا زياد حكى لي كل حاجة وانا هسي متصلة ليك عشان اقول ليك حاجة، ان شاء الله ما أزعجتك بس؟.
= لالا عادي قولي.
_ بجد بعتذر لأني ما اتفهمتك، خليتك تضطر انك تعاملني معاملة قاسية عشان اخليك، أنا صح كنت بحبك بس هسي تخطيتك و رضيت بالواقع و اقتنعت انو كل شي قسمة و نصيب، و ألف مبروك تتهنو انت و رهف وانا ان شاء الله هحضر خطوبتكم و من اليوم إعتبرني ذي أختك، و عشان ما تقول عني انسانة كعبة هقول ليك حتى السجاير أنا خليتها و اتحجبت و نظمت صلواتي، و كلو بسبب صحبتي سماهر.. وقت ما تحددو الخطوبة قولو لي عشان أحضرها💕.
= يا سلام ياخ، ربنا يثبتك ان شاء الله، ما تعتكري خلاص حاجة مضت، الفات مات هسي ركزي ع مستقبلك و اي حاجة فاتت ما تشغلي بالك بيها ر يا ستي انا ما هقول عنك بت كعبة ولا هقول انسانة ما كويسة مهما حصل في النهاية انتي بت و حاجة ما برضاها لي أختي ما هرضاها ليك أكيد، من الليلة اعتبريني زي أخوك و إذا محتاجة اي شي كلميني، وانا هعتبرك كي ملاذ واحد، الحمد لله ربنا هداك و عرفتي تمشي بالطريق المستقيم.
_ تسلم كتير ما بتقصر + خطوبتي بكرة، ممكن تجو انت و رهف تحضرو، ما هقبل أي عذر، و عايزة اتعرف على خطيبة أخوي كمان.
= ههه ان شاء الله، بكرة بكلمها و بنجي من الشغل طوالي،ربنا يتم ليكم ع خير.
_ ان شاء الله ي رب، يللا ف امان الله.
"بعد قفلت من سمر ما انتهبهت انو رهف كانت داقة لي، لقت الرقم مشغول، دقيت ليها تاني تلاتة مرات، شكلها فصلت في وشي 🌚"
قلت هتفاهم معاها بكرة في الشغل ان شاء الله تجي بس.
_____________
كريه، كان بيتكلم معا منو ذي الوقت دة، لعلها حبيبتو بس، المعفن الكريه دة، أنا بوريه، أصلا الرجال ديل كدة، كلهم كذابين.." خلوها تتم شتيمتها دي و نشوف سمر عملت شنو ".
__________
*سمر*
_انت جادة يا سماهر..! مبسوطة ليك جدًا يقلبي
= حقيقي مبسوطة شديد أنا كمان، دة الكنت عايزاهو من زمان و بدعي ربي عليه، بدعي في كل سجدة.. أخييراً كل شي إتمنيتو إتحقق، وربي مبسوطة شديد 😭.
_ ان شاء الله دايما مبسوطة" تلفون سمر رن"
هوي انا ماشة، وانتي طيري من خلقتي أمشي نومي شوفي ليك سرير اتخمدي فيه، راجلي داقي لي النمشي نخلط.
= يخلطوك في خلاطة طيري من خلقتي فقرة
"طبعا سماهر مبيتة مع سمر اليوم، الدق لي سمر دة هو الكان بحبها و اتقدم ليها و رفضتو عشان وليد تتذكرو(سامر) أتقدم ليها تاني، سماهر قالت ليها استخيري، استخارت و وافقت و يادوب قعد تتعرف على سامر زي الناس و بدت تحبو، يللا العافية درجات".
*♡◈ـ➷ـ٨ـــ٨ـ➷ـ◈ـ➷ـ٨ـــ٨ـ➷ـ◈♡*
" تأكد أن الزمن سيغير فيك أشياء كثيرة.. مفاهيمك.. قناعاتك.. اهتماماتك.. أفراحك، لكن إياك أن تتركه يغير فيك أموراً لا تقبل التغيير، كمعدنك الطيب ومبادئك وأخلاقك .. فإن مياه البحار والمحيطات لا تُغرق قارباً صغيراً ما لم تتسرب بداخله المياه "🤍.
يــــــــــتـبـع.
(الكاتبة المجهول)