الحلقه التاسع
*#تلك_الفاتنة🤎🦋 {{09}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
= حاجة بتوجع يا رهف، و دة موقف صعب بجد، اممم طيب ممكن سؤال؟
_ ايوة، إتفضل.
= لو أتقدم ليك زول غير مؤيد، هل ابوك حيوافق عليه؟
_سكت مسافة، عقدت حواجبيني و قلت ليه : والله ممكن يوافق اذا الزول الإتقدم لي دة زول كويس، لأنو زي ما حكيت ليك، قلت ليو عندي زول و قال حيتقدم لي و هو كلم مؤيد و قال ليهو انو رهف ما وافقت و كدة.
= طيب، قولي ليهو زولي جاي بكرة.
_ ك كيف يعني؟؟ ولييد أنت جنيت.؟ قصدي دكتور وليد، معليش.
= هههه عادي، ما جنيت بس. انتِ قولي ليهو زولي جاي بكرة.. عايزة تطلعي من المشكلة دي ولالا.؟
_ ايوة عايزة بس انا كذبت على أبوي، انا ما عندي زول انا ما مرتبطة أنا...
= خلاص هشش، شنو انا انا انا، بطلي، خلي اللوك لوك الكتير دة و خليني افهمك.. أنا عايزك على سنة الله ورسوله، بتوافقي بي?
"أول ما دكتور وليد قال لي كده كنت فاكراه بهظر ط إبتسمت ليهو نص ابتسامة كدة، و اتنهدت، قلت ليهو : إنت بتهظر صح.
= دة شكل زول بيهظر؟ أكيد جادي، رهف، وربي أنا بحبك و إنتظرت اللحظة دي، كنت عايز فرصة عشان أعترف ليك بحُبي.. بالله يا رهف كلمي أبوك قولي ليه زولي جاي بكرة.
_"قالت و الدموع متجمعة في عيونها " دكتور وليد دة ما لعب عيال! تحبني كيف وانا لي شهر يادوب شغالة معاك!
= الحب مابيعرف كدة يا رهف، ما بتؤمني بالحب من أول نظرة انتي؟ رهف الحب ما حرام ولا عيب ولا جريمة! صح ولا ما صح? يا رهف أنا دايرك بالحلال أنا ما طالب منك انو نرتبط ارتباط المراهقين داك، أنا عايزك زوجتي و أم أولادي.
رهف، إستخيري عليك الله و شوفي، شكلك مترددة او في حاجة مانعاك.
"قمت وقفت على حيلي و وليد بعاين لي، اتنهدت تنهيدة طويلة و نزلت مني دمعة، قلبي كان واجعني" قلت : انا موافقة... و طوالي مشيت من جنبو، فضل يناديني وانا ما برد ليهُ، ناداني كتير ما رديت جا بي وراي سريع سريع، مسكني من يدي عشان أقيف.
_"نفضت يدو سريع و قلت ليهو : هيييي ما تلمسني ما عشان وافقت تقوم تعمل العايزو، إعتذر ليك و قال لي ما قصدي بس انتي ما مدياني فرصة و قمتي مشيتي سريع زي الفاكنك بي نبلة، يا رهف صدقيني ما حتندمي على قرارك دة.. فجأة جاتو بنية من حيث لا يحتسب
عاينت لقيتو دة مؤيد!
الجابو هنا شنو و جا متين..!
رهف بصوت عالي : مؤيد ده شنو البتعمل فيهو دة "بدو يتشاكلو وانا ما قادرة أحجز بيناتهم، الناس كلهم اتلمو فيهم وانا ما قادرة أعمل شي بس ببكي، دكتور وليد حالتو بالبلا و مؤيد ما أقل منو، دقو بعض دق!! الناس حجزوهم لمن زحو من بعض..
مؤيد : دة الرفضتيني عشانو يا رهف؟؟؟
وليد : اهاااا، معناها إنت مؤيد، يا زول رهف دي حياتها و تعمل العايزاهو إنت مالك؟
مؤيد : وانا اتكلمت معاك إنت هسي؟ يا زول ما تدخل بيناتنا، وانتي يا رهف شنو تحكي أسرارنا للغريب ما عشان دكتور شغالة معاهو تقومي تحكي ليهو خصوصياتك.
= انت مالك بتحكي للعايزاهو، تمام؟
_ إنت ما راجل ولا شنو يا زول بترضى زول يمسك يد أختك كدة!
"اول ما مؤيد قال كدة، وليد طلعت من عيونو شرار مسكو خنقو لمن ما قدر يتنفس"
رهف : وليييد لا، يااااخ بطل عليك الله فكو، فكو ح تقتل الولد "وبديت ابكي بي صوتي و لسة الناس بعاينو لينا" طوالي وليد فكاهو و مشى ساق عربيتو شكلو ماشي البيت بعد دة، كنت سرحانة وانا بعاين ليهو و خايفة عليهو لأنو حالتو ما تسمح ليهو يسوق كان غضبان شديد.
= في داعي تقول ليهو انت ما راجل؟ لو زول قال ليك كدة بترضى؟ "مسكني من يدي شديد و قال لي " : يا بت هوي، أنت حقتي يا رهف ما بسمع لزول يشاركني فيكِ فاهمة؟؟! 🙂
لا زفت وليد ولا غيرو "بدا يسب و يتلفظ وانا يدي واجعاني من مسكتو و قرفانة منو، انسان متخلف، أنا أرضى أتزوج ده؟ مستحيل"
= مؤيد أحسن ليك فكني و إلا ح تشوف شي ما يعجبك، اخخ فكني 💔💔.
_ ما ح أفكك ح تعملي شنو؟ بتقدري تعملي حاجة!
= اول ما قال كده، قلت ليو اي بقدر، وانا ما بحب زول يتحداني، عضيتو في يدو لمن كبت دم كورك و فكاني و هو بسب و بتلفظ، انسان مقرف خلاص!!
مشيت سريع من جنبو و هو شغال يقول لي ح تشوفي حعمل شنو، حتندمي، وانتي حقتي أنا لا وليد لا زفت وليد ولا غيرو غصب عنك حا توافقي بي !
ما اشتغلت بيهو ركبت عربيتي و اتحركت على البيت طوالي، أول ما دخلت لقيت ؤنين في وشي و شايفة حالتي بالبلا، و عيوني حمرا "رهف عشان حلبية شديد لمن تبكي وشها كلو بحمر" + بسم الله رهف! مالك
وشك و عيونك محمرة شديد يا رهف مالك الحاصل عليك شنو!
قلت ليها ماشة غرفتي ما جاوبت على أسئلتها كلها و طوالي مشيت استحيت و رقدت نمت.
_______________
ملاذ دخلت عرفة وليد لقتو قاعد على غير العادة
_ وليد الليلة جيت بدري ع غير العادة مالك؟
ولييد انت بتبكي؟؟؟.
= ااا، ملاذ خشي، اقعدي "كان بيتكلم معاها و هو مديها ضهرو" ههه ابكي لشنو يا بت ما نصيحة انتي ولا شنو.. خشي انا ماشي أستحم و جااي.
_ وليد ما تكذب علي و وريني مالك. أول مرة فحياتي أشوفك بتبكي يا وليد، مالك الحاصل عليك شنو، ولا لغيرك و لين قلبك كدة شنو؟
وليد احكي لي والله والله أزعل منك انا ما اختك؟ علييييك الله فضفض لي يا وليد دة شنو الخلاك تبكي كدة!💔.
"وليد عاين ليها مسافة، اتنهد تنهيدة طويلة و بدا يحكي ليها من يوم ما لاقى رهف لحد يوم الليلة
= دة كلو حاصل معاك وما بتحكي لي، مش انا اختك الوحيدة يا وليد؟🙂 ما علينا، مؤيد دة زول متخلف، و بعدين يا وليد انت براك عارف، أنو انا وانت ما أخوان بس.. إحنا أصحاب قبل كل حاجة و بنحكي لبعض كمان، يعني أنا اختك ملاذ، الليلة لو حبيت لي زول حأجي أحكي ليك و براك عارف يا وليد، تتزكر لمن قلت ليك مازن بتاع المكتبة داك عاجبني وقتها ضحكت و قلت لي، محسساني اني ما أخوك و صحبك بتحكي لي حاجات زي دي، يعني يا وليد انا لووفي يوم من الايام حبيت، ححكي ليك انت اول واحد، انت علمتني انو الحب لا عيب ولا حرام، الحرام هو الارتباط و الحاجات البعملوها تحت مسمى الحب، ما تشتغل بي كلام مؤيد ده لأنو هو زول متخلف، و بكرة نمشي نتقدم لي رهف مهي وافقت عليك خلاص، أنا و أبوي هنمشي معاك، الليلة أفتح مع أبوي الموضوع دة و حيفهمك
= الله يدي كل راجل أخت زيك وربي بحبك، ح تقدم ليها وما حخليها لي مؤيد لأنو ما يستاهل واحدة زي رهف، الليلة نكلم أبوي و نحاول نقنعو، لأنو هو داير لي ريم بت عمي وانا ما دايرها، غير رهف ما عاايز.
_ حبيبي يا أخوي، و رهف ما حتلقى أحسن منك.. خايفة بس من سمر دي،طبعا أمبارح شفتها قاعدة مع واحدة، و بتسجر بكمية خيالية.
= اااي صحبتها سماهر متواصلة مع زياد.
_ اهاا ديل كمان، ح يبدو لينا قصة حب جديدة 😂والله.. المهم يا وليد الحمد لله إنك بعدت من سمر دي أصلاً ما كنت مرتاحة ليها، اهو انت كنت بتقول لي انو الارتباط ما كويس و انت ارتبط بس الحمد لله ربنا هداك..
_ ااي والله، بصراحة كمان، قلت ليها عندي زيك مية، كلو عشان تبعد مني و مع ذلك لسة متلصقة كل يوم ضاربة لي بي رقم جديد.. انا ما عايز أكسرعا و متأكد انو هي عايزاني عشان القروش ما اكتر من كدة، قالت لي ايوة بس هسي حبيتك
= ما مشكلة انسى خلاص الفات مات و سمر الله يهديها و يديها مغترب السعودية العندو عضلات و عربية و عيون عسلية 😂.
"وليد بقى يضحك من كلام ملاذ هي إبتسمت ليهو و فرحت لأنو خلتو يضحك و يطلع من حالة الإكتئاب دي"
_ عايز أوصل رسالة لي سمر بعد أتقدم لي رهف، و أخليها تعرف اني عايز أخطب و تحاول تنساني.
= كيف طيب طالما انت ما بتتكلم معاها.
_ بواسطة زياد، حقول ليهو يقول لي سماهر كدة، و هي حتقول لي سمر بكدة حتكون عرفت.
= أيوة فكرة كويسة لازم تعرف عشان تختاك، طيب يا دكتورنا، ربنا يتم ليك ع خير 😉🖤.
_ أن شاء الله يا رب.
"في المسا أبوهم جا داخل سلمو عليه و اجتمعو كلهم في الهول، ملاذ و وليد فتحو الموضوع مع ابوهم و كانو خايفين من ردة فعلو و خايفين انو يرفض فكرة الزواج من رهف"
يــــــــــتـبـع...
<♡_{الكاتبة المجهول _♡>