الحلقه الثامن
*#تلك_الفاتنة🤎🦋 {{08}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
أنا و ماشة الكفتيريا ازقشت مع بت، اعتزرت لي و مشت شكلها كانت بتتكلم بالتلفون، فطرت، كانت الساعة 1 بعد الضهر، بعداك اتذكرت اني لازم أمشي لي ريل.. أكلت تماام، سقت عربيتي و انطلقت لي ريل.
خبطت الباب فتحت لي الخدامة، قالت لي اتفضلي، قعدت في الكرسي، بعد خمس دقايق قالت لي اتفضلي ريل جوا في غرفتها و قالت ليك خشي "دخلت لي ريل بعد ما خبطت ليها باب الغرفة" سلمت عليها، المسكينة عيانة و ظاهر عليها المرض.
_ ريلوو، ظاهر عليكَ العيا والله، بالشفاء العاجل يارب "اديتها كيس أسود".
= ان شاء الله يارب، دة شنو يا رهوفة.
_ دة كيس فيه الشوكولاتات البتحبيها و معاها كولا عارفاك بتحبي الكولا فا عشان كده جبت ليك.
= حبيبي، ما بتقصري والله يادوب كدة مزاجي حيتعدل بالشوكولاتات دي.
_ هيي أصبري أوعك يا بت، جبت ليك فواكه لحد ما تتحسني أكلي فواكه و أشربي عصاير عارفاك حا تقضي على الشوكولاته دي كلها و تمرضي تاني 😂.
= معقولة ياخي 😹 خلاص حاضر ياماما.
"إتونست معاها كتير و قطعنا في دكتور وليد، أقصد إتكلمنا فيهو شوية ريل طبعا بتخاف منو خوف بزات عشان ولد عمها😂.
_ "عاينت للساعة لقيت ٣ جات" يللا يا بتي بعد كدة مفروض أمشي.
= خلاص طيب تسلمي على الزيارة الجميلة دي.
_ دة الواجب ياخ، خلي بالك من نفسك.
طلعت من ريل و رجعت البيت طوالي، صليت العصر و بدون ما اتكلم مع زول رقدت نمت كنت تعبانة خالص.
صحيت بعد المغرب مخلوعة ما عارفة ليه، صحي بقولو نوم العصر ما كويس..
كنت قاعدة في غرفتي و مركبة السماعات بسمع في سورة البقرة بعد ما صليت المغرب، بحب أسمعها في أي وقت بي صوت الشيخ ماهر المعيقلي، القرآن راحة نفسية♥️.
نزلت السماعة من راسي عايزة اقوم كدة، فجأة باب الغرفة خبط فتحت لقيتو دة أبوي♥️
_ اتفضل ابوي مالك واقف برا كدة
= شكرا يا بتي "قعد في السرير و بدون ما ينطق حاجة، أشر لي ع السرير يعني أقعدي"
و قعدت جنبو سكت مسافة بعدها عاين لي و ابتسم، و قال : بتي السمحة كبرت و بقت عروسة
بدون أي مقدمات، مؤيد قال عايزك على سنة الله و رسوله، و أنا وافقت يا بتي، مؤيد مافي منو صدقيني، ح تعيشي معاه مبسوطة وانا حاكون مبسوط حتى بعد ماربنا ياخد أمانتو، لأنو خليت بتي مع راجل.
مؤيد راجل يا بتي و ما في زيو، ما ح تلقي أحسن من مؤيد يكون شريك حياتك.
"أنا بسمع في كلام أبوي و ما مستوعبة، يعني مؤيد نفذ الكلام الكان بيقولو، خلاص عمل الفي راسو، لكنن رهف دي يشمها قدحة، ما دايراهو يعني ما دايراهو شنو هو بالإكراه يعني؟"
=هيي، رهف، بتي قلتي شنو.. أديك وقت تفكري و أقول ليه كدة؟
_ لا يا أبوي ما يحتلج تديني وقت، لأني عارفة أنا عايزة شنو.
= رهف، صدقيني مؤيد مافي منو، و كمان هو. قريبك، أولى بيك من الغريب يا بتي، تعيشي معاهو في سلام بدون مشاكل، حتى لو فكر يعمل حاجة نحن اهلك، نحن قراب منك ما حيقدر يعمل شي إحتراماً لينا.. أنا موافق يا رهف، لو رفضتي لو ما رفضتي انا موافق، أنا متأكد و شايف سعادتك و راحتك معاهو.
_ بسس أبوي أنا مؤيد دة ما عايزاهو ما بريدو.
= ح تحبيهو بعد الزواج.
_ بس انا ما دايرة، ما عاوزة أوافق بي مؤيد.
= "عاين لي نظرة استغراب و قال : السبب شنو طيب...؟
_" ما عرفت أقول شنو، أنا ما عارفة بس ما بقبل مؤيد دة نهائي " أمممم، بدون سبب، ما ارتحت ليه يا أبوي ممكن تقول ليه رفضت.
= رهف، لازم تعرفي إني أنا موافق وما حلقى ليك واحد احسن من مؤيد، لي يعني ما عايزاهو يا رهف.. رهف صارحيني... عندك زول في راسك؟
" سكتت وما عرفت أرد بي شنو "
= جاوبيني، ما تسكتي..عندك زول؟
_ أخدت نفس عميق و قلت ليهو : آي، عندي زول و واعدني إنو يتقدم لي أول ما يجهز.
"أبوي اتنهد تنهيدة طويلة و قال : أممم، كويس طيب خلي زولك دة يجي يقابلني"
" و قام فات بدون ما يزيد ولا حرف"
عرفت إنو زعل كييف رهف يكون عندها زول، كيف رهف تكون مرتبطة معا واحد من وراي.. بس أنا لا دة لا دة، كزبت انا، كزبت عشان ما عايزة مؤيد، "قعدت تبكي" أووف يارب يارب.
_____ مر أسبوع كامل، و البيت كلو عارف بي قصة رهف سلوى و سند و رنين، و البيت كلو مكتئب لأنو عادل و رهف زعلانين الأتنين، و عادل في اليومين الفاتو ديل ما اتكلم مع بتو رهف ولا جاب ليها سيرة مؤيد و هي تلقائيًا عرفت إنو هو كلمو و قال إنها م موافقة...
كنت كل ما أعاين لي ابوي بلقاه مكتئب، و ظاهر عليه الزعل، زعلان على حاجة انا اصلا كضبت فيها.. وينو انا ما عندي زول اصلا!
رفضت مؤيد، بس فات الأوان اني أوافق عليهو، مشيت لي ابوي ابا يعاين لي الا لمن بكيت بصوتي 💔 كان ملهوف و هو بتكلم معاي، مالك يا رهف، مالك يا بتي في حاجة واجعاك!
= أيوة في!
_ بسم الله يا بتي، مالك، واجعك شنو يا رهف.. اوديك لدكتور يا بتي💔.
= كنت بعاين ليه و عيوني متجمعة فيها الدموع، و قلت ليهو : ايوة، قلبي واجعني يا أبوي وانا شايفاك بالحالة دي شايفاك مكتئب و زعلان.. زعلان مني شديد والله، ما بي يدي يا أبوي💔
أبوي سكت و ما قال اي حاجة، قال لي انتي عارفة كيف تخليني مبسوط بس ما عايزة كدة... دة كلام شنو يا أبوي!
إنت دنيتي كلها، انت عائلتي،ما عندي أخوان ولا اخوات ولا أم 💔بس عندي أب سد خانة الأم و الأخ و الصديق، و الأخت كمان💔
ما يهون علي زعلك يا أبوي 💔
= قولي لي زولك يجي يقابلني، أنا موافق عليه.
"ما عرفت أقول شنو، أشرت ليهو براسي نظام طيب، و مشيت لبست عشان أمشي الشغل، اتاخرت.
مشيت، و الوقت كلو شاردة و ما جايبة خبر الدنيا كلها،جا دكتور وليد داخل لقاني سرحانة و ظاهر عليي الإكتئاب، قال لي : رهف؟ مالك، خير؟ افردي وشك شوية بتكوني شينة لمن تزعلي. .." عاينت ليهو و سكت ما رديت"
ااووو، دي ما من عاداتك نهائي وشك دا ما مطمن، كدي تعالي معاي.
= أجي معاك وين يا دكتور، أنا عندي شغل.
_ خمس دقايق يا دكتورة رهف نطلع برا في الحديقة القريبة دي.
= سكت مساافة و قلت ليو : تمام، طيب.
كنا ساكتين و ماشين في الطريق الصمت مخيم علينا، لحد ما وصلنا، قال لي دقيقة ماشي و جاي، مشا و حاني بعد خمس دقايق شايل في يدو فطائر و بارد مد لي، أبيت.
_ عيب عليك ياخ، الزول لمن يجيب ليك حاجة شيليها ما ترفضي، يللا ما تخجلي كمان اكلي عادي.
= اممم، طيب "شلتهم و شكرتو بديت اكل، وانا سرحانة أكلت و أكلت عبيت بطني فل و هو بس بعاين لي
_ شكلك من النوع البياكل كتير وقت الزعل.
= هههه، ااي بس ياهو زاتو.
سكتنا مسافة، لحد ما كسر الصمت دة هو و قال : حاسي بيك زي المتضايقة من حاجة، أحكي؟
= لالا ابدا يا دكتور مافي حاجة مضايقاني
_ لالا في يا دكتورة رهف، أحكي سامعك، صدقيني سرك في بير، و مشكلتك بحاول احلها معاك نلقا ليها حل سوا، فضفضي لي يا رهف، شكلك شايلة في قلبك تقيل و ما قادرة عليه، الزعل باين في عيونك!
"اول ما قال كدة عاينت ليهو نظرة انكسار، و عيونهم اتلاقت، طوالي صرفت نظرها بعيد، و فجأة بقت تبكي، و بدون ما تحس حكت لي وليد كل حاجة حصلت معاها و انو ابوها زعلان منها، و عندها موقف مع مؤيد و ما قادرة تكلم أبوها عشان هي مفكرة انو ابوها ما ح يصدقها، ح نعرف الموقف دة لي قدام.
"- الحزن يعصف بروحي كثيرًا، يجتاحني كعاصفة مدمرة في مدينة مهجورة، وأبقى أبحث عن قطرة من الأمل في بحر الألم الذي يغمرني.
يــــــــــتـبـع...
~(-الكاتبة-المجهول-) ~