الحلقه الخامس
*#تلك_الفاتنة🤎🦋 {{05}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
مر اليوم بدون تفاصيل مهمة نذكرها، ناس رهف مبسوطين عشان سند مشى خلاص يتقدم للبت، رهف و رنين قاعدين فالبيت براهم و منتظرين بفارغ الصبر.
رهف : مالهم طولو كدة.
رنين : بري ما عارفة 😂 ليهم ساعات ياخ.
"تلفون رهف رن لقتو سند، ردت فتحت الإسبيكر"
رهف : أها يا مدمر الفتيات، الحصل شنو..؟
سند بصوت حزين : رهف.. ما عارف أقول شنو بس.. رفضتني بعد حبي داك كلو و وعدها لي انها توافق و تبقى معاي العمر كله رفضتني هي.
رنين : ششنوو.. انت جادي، سند! م تهظر ياخ.
رهف : سند خلاص ما تزعل، ح تتعوض بالأحسن، ربنا ما بشيل حاجة من زول الا و يديهو الأحسن، صدقني هتلقى الأحسن منها، ألف بت تتمناك يا سند اوعى تزعل.
سند بقى بضحك بصوت عالي، افتحي تفتحي نحن جنب الباب.
رهف جرت فتحت الباب لقت وشوشهم دي ما مبشرة بالخير.. رهف : خيير مالكم عاملين كدة.
سند و سلوى و عادل ضحكو ضحك لمن رهف و رنين إستغربو عقدو ليهم جواجبهم و قعدو 😂
رنين و هي مقلقة : هووي مالكم فشنو وترتونا معاكم، قولو.
سند : خشو خشو، البت و أهلها وافقو "وبقى يضحك" الحمد لله يارب 🤲💚.
"رهف و رنين قدر ما فرحو ليهو، زعلو عشان كذب عليهم و قدر ما يعتزر ما عايزين يتكلمو معاه. شغل شفع بس 😂"
سند : خلاص بطلو، رهف، رنين، قومو ألبسو سريع سريع، أوديكم المتنزه و منها نمشي مطعم نتعشى هناك.
رهف و رنين بي صوت واحد : انت جادي، ارح ارح نلبس، رهف ألبس شنو، البسي دة
لا دة احلى.. حلبس دة.. وانا حابس دة
سريع قبل ما يغير رأيه.."نخلي ديل لأنو حياخدو ساعات حتى يلبسو😂👋"
_____________________
_جاهزة يا لوذة؟ أسرعي.
= قربتَ أنتهي أصبر يا وليد.
_والله إنتو البنات،أنا لبست لي نص ساعة منتظرك بس يا عروس.
= أهو إنتهيت يا وليد يللا نطلع.
"طلعو مشو المنتزه، و بعدها ح يخشو مطعم"
بلسان البطل :
سُقتَ لوذة وديتها المنتزه قالت إلا نركب الساقية سوا، وانا ما بحبها، إصرت علي ركبناها، بعدها مشينا قعدنا في النجيلة في حتة ظابطة كدة، جبت لينا اسكريم قعدنا ناكل و نتصور كتير طبعًا هي جنها تصوير... عاينت جهة التذاكر، شفت البت، الفحيصة، كان اسمها رهف.. و معاها ولد و بت تانية شكلها ما شافتني.. أحسن، تجي تسلم علي وانا ما عايز أسلم.. فجأة طقطقت لي ملاذ في وشي و قالت : سرحان وين يا وليد، في المزة دييك "أشرت على رهف" و بقت تضحك.
= لا لا ياخ معقولة، أخوكِ ما بتاع حركات ذي دي.
_ ما تكذب، لكن أمانة م مزة، ماشاء الله عيني باردة.. عاين ليها قبلت عليناا.
وليد بصوت شبه مسموع = اممم، مزة ساي، دي ملاك ع هيئة بشر"و ابتسم، و رهف لسة موجهة نظرها عليهُ هو و أختو، عاينت ليهو نظرة حادة كدة و مشت مع سند و رنين"
هي : قلت حاجة يا وليد.
= أي، قلت ليك شغالة معانا، دي فحيصةة في معملنا هناك إشتغلت جديدة.
_ قاعد كل يوم فالشغل تشوف المزة دي، ماشاء الله بس يا وليد، البت دي سودانية؟
= ما تبالغي ما حلوة للدرجة دي.
_ و أكتر كمان، احيي لو لقيت لونها دة بس.
= هشش ملاذ خلاص، زفتة، قومي ما عايزة تلعبي تاني، ولا زهجتِ؟
_ يللا عايزة أركب السفينة، نركب جنب بعض لأني بخاف و بدورك الصراحة.
= أرح يا خوافة "ومشو اخدو تذاكر و ركبو"
________________
*رهف*
طلعت مع سند و رنين و أول ما وقفت للتذاكر، شفت الدكتور الشغالة معاه، دكتور وليد، كان معاه بت ما عرفتها، وارد، تكون حبيبتو، و كمان عينو قوية عينك ي تاجر
بعاين لي قدام حبيبتو عادي عاينت ليهو، و اديتو نظرة كدة و مشيت ، أخخ انا مالي و مالو، يمكن دي ما حبيبتو زاتو، شنن عرفني.. مشينا ركبنا الساقية بعد م أكلنا إسكريم و باسطة،سند من الخوف و اللف إستفرغ الأكلو كلو 😂 مشيت إشتريت لليهُ سفن أب لقيت دكتور وليد و البت الما بعرفها دي، عاوزين يركبو السفينة، برضو أداني نظرات كدة ما مفهومة حلفت ما أمشي أسلم عليه، ليه هو م يسلم .
رجعت ليهم، قعدنا في النجيلة نتونس مسافة، بعدها طلعنا مشينا مطعم طقينا بي مزاج و شلنا بيتزا و فطائر لي أبوي و عمتو سلوى.
رجعنا البيت تعبانين زي الساعة 10 كدة، و يا السرير جاك نفر.
____________
*وليد* بعد ما رجعو البيت هم زاتهم...
كفاية يا وليد تفكير في البت الطايشة دي، جمالها جذاب بي طريقة كدة، تخليك ما تزح عينك منها.. اوف، استغفر الله بس.
"و رقد نام بعد يوم شاق ذي دة "
(رأيتُ بعَينيكَ مَوجًا لا يُقاومّ ، فأبحَرتُ.).
يــــــــــتـبـع...
...(♡•الكاتبة المجهول ♡•)...