الحلقه الرابعه
*#تلك_الفاتنة🤎🦋 {{04}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
بلسان البطلة :
رهف.. أول ما رجعت البيت، فتحت الباب و أنا مبسوطة لقيت أبوي ف وشي، صرخت، ابوووي جييت، حضنتو شديد و بكييييت.. ابوي اشقت لييك وربي.. دي شنو الغيبة دي يا أبوي.
آخر مرة جيت السودان متيين طوولت يااخ.
= بتي حبيبتي، وانتي آخر مرة جيتيني في كندا متيين"و بقو يضحكو" و دخلو جوا لناس البيت.
رهف : أبوي نور يا جماعة.
سلوى : أي والله يا حليلو أخووي طول مننا شديد.
عادل : أهو أنا جيت ما تقولي يا حليلو 😂.
سلوى : خلاص يا عادل، ما نشتاق ليك كمان، المهم أها يا عادل، طبعا سند كلمك بموضوع التقديم و البت الدايرها و كدة.
عادل : أكيد ما أنا جاي عشان الموضوع دة، سند معتبرني أبوه و أنا معتبرو هو و رنين زي أولادي، ماف فرق بينهم و بين رهف، بحبهم كلهم زي أولادي.
سلوى : ما بتقصر نهاائي يا أخوي.
عادل : نهاي ما حأقصر في أولاد أختي، اللي هم زي أولادي بالضبط ♥️.
_______________
_ وليد خلاص بطل البتعمل فيه دة، أيوة كنت عايزاك عشان قروشك، و هيبتك، بس هسي حبيتك صدقني والله غيرك ما عايزة يا وليد.
= سمر، خلاص الموضوع دة منتهي، قلتِ لي نتقابل عشان دة؟ والله وانا الكنت فاكر إنو بجد عايزة نتقابل عشان حاجة مُهمة، علييك الله فكينا من سيرة الحب و ما الحب أنا كرهتك و طلعتي من نفسي، بزات بعد كلامك داك انو دايراني عشان القروش، أنا بعرف البنات الزيك ديل كويس، عليكِ الله أختيني يا سمر، و تأني لا تتصلي لي ولا تقولي لي بحبك و ولا تقولي لي نتقابل، و زاتو ح أحظر رقمك أنسيني بالله علييك.
_ شكلك لقيت البديل، عشان كدة ما عايزني صاح... لكن يا وليد ماف بت ح تحبك زي ما أنا حبيتك، صدقني ما هتلقى زيي.
= ولا عايز ألقى زي أمثالك، كل همكم القروش ما أكتر من كدة "لبس نظارتو و مشى من جنبها ركب عربيتو ساقها و رجع البيت"
_ أخخ، لسة مصر يا وليد، مصر إنك تبعد بس ما هتقدر، لسة هعمل كتير عشان ترجع لي "مسكت تلفونها عايزة تتصل لي سماهر، إتذكرت إنو سماهر قالت ليها ما تجخليني فالموضوع دة، أتأففت و قفلت التلفون و رجعت بيتها طوالي"
عند وليد :
" وصل البيت لقى أبوهو قاعد"
_يا ولدي، أختك جاية الليلة المساء ما اشتقت ليهاا.
= إنت جاادي يا أبوي.
_ لالا بكذب.
= وربي اشتقت ليها شوق ما ليهو حدود ♥️
تنوور يااخ و أخيرا جاية، لي سنة كاملة ما شفتها، أختي الصغيرة.. ملاذ مدللتنا السمحة.
لي زمن منها، الشغل شاغلني عنها، لكن الليلة ح اشوفها و اتونس معاها لحد ما تزهج مني.
_ ربنا يوصلها بالسلامة بتي.. اها وانت ما فكرت في موضوع ريم.. انا مصر انك تتزوجها.. الليلة عمك جاي و معاهو مرتو وبناتو.
#كسرة: ريم و ريل بنات عم وليد، هم أخوات، و ريم دي قدر ملاذ أخت وليد، ملاذ بتقرا طب برا البلد، في ألمانيا و قربت تتخرج.
= خلاااص يا أبوي مش كفاية الإتحليت من ديك، الحلاني من سمر يحلني من ريم دي، ما تفتح معاه موضوع العرس يا أبوي ياخ.
_ لالا لالا ما تخاف ما بفتح معاو الموضوع دة.
= تمام، ماشي أنوم تعباان.
__بعد سااعات، الساعة 6 مساءً__
جات داخلة الغرفة و هي بتغني مع الغنية "عشا البايتات دة أخوك يا بنية، برييدو أنا والله عالم بياا أخوك يا لوذة ريدو دودو بيا💃🏼"
(طوالي وليد صحى بصوت الأغاني و قبل عليها و هو مبتسم و هي لسة بتغني و بتضحك و تعاين ليهُ).
_ ست الحسن و الجمال نوورت، الغالية تعالي تعالي، حمد لله ع السلامة ياخ "مشى حضن أختو و سلم عليها مساافة "
= الله يسلمك أخوي الغالي، و أخييرًا يا ولد
وربي إشتقت ليك شووق يشق القلب.
_ سلامة قلبك يا درويشة، الشوق بحرر ياا الأخت كيفك و كيف مع الجامعة و القراية... اووه كمان باقية مززة يا بت.. جبتي الحلاوة دي من وين.
=الحمد لله ياا اخوي قرربت انتهي خلاص.. أخت يا وليد عماد،كيف ما أكون مزة😉🖤.
"تقيف عند الشخصية دي.. ملاذ عماد الدين اخت وليد، بتقرا طب في ألمانيا بت شاطرة شديد،جميلة جدا جدا و طيبة على نياتها، زولة مرحة شديد بتحب الضحك و الفرفشة"
أبوهم : إن شاء الله خلصتو سلام، يللا يا بتي بتكوني جعانة و فترانة كمان امشي إرتاحي شوية.
ملاذ : حاضر يا أبوي.
وليد : لوذة، بكرة إستعدي ألف بيك البلد دي كلها من منتزه لي مطعم.
ملاذ : طواالي والله، نهائي م بتقصر يا أخوي أريت كلهم زيك 😘♥️.
" مشت أكلت و نامت"
لَولا الأخوةُ ما طَابَتْ ليَالينّا
ولا ضَحِكنا بليلٍ كانَ يُبكينا.
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
•♡الكاتبة •♡المجهول •♡