الحلقه الثالث
*#تلك_الفاتنة🤎🦋 {{03}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
________ الساعة9:00 مساءً_______
(في بيت سلوى عمت رهف، الكل صاحي و كلهم راجين سند، القال عايز يقول ليهم حاجة مهمة رهف إتصلت لي سند قال ليها تعالي أفتحي الباب أنا برا فتحت الباب جا داخل ليهم و. ملامح الفرح بااينة فيهُ).
رهف بإبتسامة : خيير يا مان الحاصل شنو؟
سند : أرح أدخلي نتكلم جوا يا عفريتة.
رنين : أهاا أخوي، أحكي وترتناا.
سلوى : سجمي، فشنو يا ولدي، أحكي بالله عليك
سند بعد أخد نفس عميق : أحم، يا جماعة، بدون مقدمات كده.. أنا عايز أكمل نُص ديني، حاليًا عايز أخطب، أنا عندي واحدة خاتيها في رأسي، وجوا قلبي...حبيتها من أول ما شفتها، يعني زي ما بقولو حب من أول نظرة، كانت شغالة معانا، و بحجة أني مدير ليها كُنت بتواصل معاها و بثبت ليها بأفعالي إني بحبها لحدِ ما جا يوم و إعترفت ليها بحُبي ليها، اللي هو يوم الليلة، و يا جماعة أنا الليلة كلمتها إني حتقدم ليها بكرة و تمش تكلم أهلها.. قلتو شنو..؟
"كلهم كانوا مبسوطين و إبتساماتهم من الحاجب للحاجب، بزات أمو سلوى"
سلوى قربت تزغرد مسكت نفسها بس، و قالت: و أخيرًا يا ولدي "وحضنتو" أخيرًا هشوفك عريس يا ولدي.
رنين : اخييرًا يا سند هتبقى عريس "و بدت ترقص و ناس أمها يضحكو فيها"
رهف : خلاص الكتكوت طلع من البيضة و كبر و خلاص عاوز يعرس، يا سلاام كمان حب من أول نظرة قلت لي "وغمزت ليه" معناها أبوي ح يجي عشان يتقدمو و عشان العرس.
سند : أيوة، أبوكِ ح يجي بكرة أنا مكلمو بالموضوع.. قال جاي بكرة.
رهف : إنتَ جاادي أبوي جااي بكرة مبسوطة وربييي💃🏼💃🏼.
رنين : أصبروا يا جماعة، لو رفضوا كيف؟
سلوى : لالالالا، تفي من خشمك يختي، يرفضو سند والله ما نص عمرهم ضاع كدة، ولدي دة برفضوه كمان..؟
رهف : صحي يا سندة طعمية..؟
سند : بسم الله كمان + سندة تخنقك قومي من قدامي قبل ما تجيك سفنجة طايرة 😂.
(إتونسوا شوية كدة و أي حد مشى غرفتو عشان ينوم).
_______ صباح اليوم التالي _________
الساعة ٨ صباحًا...🦋✨
رهف و هي بتلبس بإستعجال : ليي ما صحوني يااخ، اووف هسي الدكتور المعصب العابس داك ح يقبضني لو لقاني متأخرة كدة، ما عندي عذر كمان، أخخ سجمي تووبة تاني ما بساهر 😭.
و طلعت سريع و هي مستعجلة ساقت عربيتها و مرقت.
أثناء ما هي سايقة بسرعة خيالية، شافت عربية قدامها و ما كانت قادرة تقيف خففت السرعة بس للأسف، العربية القدامها واقفة، ضربت العربية من ورا، و الحمد لله ما حصل ليها حاجة ولا لسيد العربية التانية!
بس العربية إتضررت من ورا شوية و حقتها برضو إتضررت من قدام.
رهف (وااي دة الكان ناقصني، كلو بسبب المعصب داك مفروض زاتو ما اجي عشان ابوي جاي الليلة "اتنهدت و فتحت باب العربية و طلعت، إتقدمت و هي متوترة).
رهف : أحم، منو سيد العربية.
= نعم، أنا سيد العربية.
(عاينت ليهو جوا العربية لقتو دكتورها زاتو، عاينت ليهو كده، بلعت ريقها بصعوبة من شدة ما خايفة منه و عارفة إنه ما حيسكت).
وليد عيونو شرار : أولاً، مالك متأخرة ع شغلك؟
ثم ثاتيًا ما بتشوفي إنتِ ولا عميانة.. ما عشان مستعجلة سايقة بالسرعة دي، زولة فوضوية زيك آنا غي حياتي ما شفت.. اللهم طولك ياروح.
"كان بيتكلم بنبرة غضب و هي بس ساكتة"
_ دكتور وليد والله بعتذر عارفة إعتذاري ما هيعمل حاجة ولا ح يصلح عربيتك، بس كنت مستعجلة عشان الشغل.
= أووف، خلاص كدي طيري شغلك و زحي من قدامي "و مشى من جنبها"
رهف عاينت ليهو و هي زعلانة عشان خربت عربيته، ركبت عربيتها الإتضررت من قدام، حاجة بسيطة كدة...و مشت محل الشغل إتصلت لي ريل و كلمتها بالحاصل.
= أممم، والله يا رهف غلطانين الأتنين، إنتِ ضربتي عربيته و هو صرّخ فيكِ، بسس ما تشغلي بالك بالموضوع ده كدة.. ولد عمي و بعرفو كوييس.
_ دكتور وليد ولد عمك!؟ ما قلتي لي كدة.
= أيوة، ود عمي طبيعي معصب كدة ما تشغلي بالك كتير بالقصة دي و شوفي شغلك.
_ طيب، هيي ما وريتك سند هيتقدم لواحدة شغالة معاه، هو مديرها،و أبوي الليلة ح يجي عشان التقدييم، مبسووطة وربي، لي سنتين ما شفتَ أبوي يااه طولت منو ياخ.
= حلوو ياخ، ربنا يتم ليهم ع خير.. و أبوك ربنا يجيبو بالسلامة يارب💖.
_ آمين يارب💖.
إنتهى اليوم الطويل، الساعات مرت طويلة على رهف؛ لأنها مستنية جية أبوها.
و رجعت البيت و هي مبسوطة عشان هتلاقي أبوها بعد غياب طويل، سنتين من شافتو آخر مرة.
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
♡الكاتبة ♡المجهول ♡•