الحلقه الثاني
*#تلك_الفاتنة🤎🦋 {{02}}* *#بقلم_الكاتبة_المجهول*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*
__________تاني يوم __________
رهف بصوت عالي و هي بتنطط و ترقص: عمتوو سلوى، عمتوو، لقيت لي شغل و أخيرًا.
سلوى : بجدد، مبرووك يا بتي و أخيرًا لقيتي شغل من ما إتخرجتي بتفتشيه،الحمد لله.
سند بإبتسامتو الرايقة : خير أيتها الجنية، مالك جايطة كدة، قلتِ لقيتي شنو" و قعد يضحك".
رهف : لقيت شغل ياا سند، ويين رنين اوريها.
رنين جات فجأة بعد ما سمعت صوتهم : نعم نعم، سمعت إسمي.
رهف جرت عليها مسكتها من يدها و قالت : لقييت شغل يابت، و أخيرًا، أتسهلت الحمد لله.
رنين _حلوو، مبرووك يا فحيصة، كمان عقبالي أتخرج و أشتغل يا الله يا الله.
رهف : أن شاء الله يارب+ هووي أنا ما فحيصة، أنا دكتورة، طبيبة مختبر ياخ.
رنين : I, m so sorry يا دكتورتنا.
سند : يلاا هووي أنا ماشي الشغل، الليلة متفائل ألقى لي عروسة سمحة كده، خلاص بعدا بفكر في العرس يا ناس.
رهف : إن شاء الله تلقى يا باير 😂.
"إتونسو كدة، بعد داك أي زول مشى ع شغله حتى رهف إشتغلت.. لبست ليها عباية بنفسجية و طرحة العباية و شبط ابيض،، شنطة بيضاء، عملت فير و قلوس، ساقت عربيتها و مرقت،. و هي في العربية اتصلت لصحبتها"ريل" وشكرتها لأنها لقت ليها شغل، مع العلم ريل صيدلانية"
_ تسلمي كتير يا ريل ما هنسى جميلك دة.
= يا بت مافِ بيناتنا شكر، و يللا نتلاقى.
" محل الشغل قريب من صيدلية ريل، الصيدلية عملها أبوها و سماها صيدلية ريل "
أها رهف بدت شغلها و كانت مبسوطة إنها لقت شغل أخيرًا بعد سنتين من التخريج.
و هي قاعدة في الكرسي و مقبلة ورا، بنتونس مع سند بالتلفون "فجأة" الدكتور الشغالة معاه جا خاشي ليها و قال : يا فحيصة، إنتِ جاية هنا تشتغلي ولا تتونسي، هاكِ العينات دي.
هي اول ما سمعت صوتو التلفون وقع من يدها و قبلت عليه "سجمي دة الدكتور الحكت لي عنو ريل إنه صعب و معصب دايمًا.. كماان قال فحيصة قال، م عندو إحترام لي"
= أيوة يا دكتور أنا آسفة جدًا كنت بتكلم مع أخوي و...
قاطع كلامها و قال و هو سرحان فيها و ما زح عينو منها : ما بهمني بتتكلمي مع منو المهم شوفي شغلك "خت ليها الحاجات عاين ليها مسافة و مشى"
= دة مالو دة، بعااين لي بطريقة غريبة كيف.
هيي وقت الفطور جا، حتصل لريل.
" رفعت تلفونها من الأرض إتصلت ليها و قالت ليها نتقابل ف مطعم"
__ وصلو مطعم قريب من محل شغلهم و قعدو يفطرو و يتونسو و يتصورو عشان ده أول يوم في الشغل.. بعداك اي واحدة رجعت محلها.
إنتهى اليوم على كده.
____ ف المساء "مكان آخر" _____
_ سرحان وين كده يا وليد، الشاغل بالك يتهنى" و غمز ليه ".
= هه، لالا مافي حاجة.
_ يا زول! ما بقتنع أنا بعرفك كويس يا صحبي.
= (ضحك) مُصر يعني أني أوريك؟ طيب.
الفحيصة الحكيت ليك عنها، إنو ريل بت عمي لقتها عشان تشتغل معانا،تقريبًا إسمها رهف.. الليلة شُفتها، و يا زياد وربي ما اكذب، اللهم بارك بت زي الحور العين تقول نازلة من السماء، دي ما ملامح سودانية زاتو ، جمال رباني.
= إنت كمان بقيت صايع تعاين للبنات، أها يا صحبي ما تقول لي حبيتها من أول نظرة "وضحك" أنا ما بآمن بالحب ده.
_ والله ممكن تقول دة إعجاب ما حُب، معنها فوضوية ما شايفة شغلها.
= و إحتمال يتحول لحب، المهم كدة أنسانا من الحب و ما أدراك ما الحب يا صحبي انا ما بتاع حاجات ذي دي عارفني كويس إنت وانا زاتي عارفك كويس "وضحك بصوت عالي" بس حأكمل نص ديني، لو ما الوالدة ما كان عرست زاتو 😹الفرق بيني و بينك إنك إرتبطت بس أنا ما حصل ..
= اي والله، إرتبطت بي سمر و ندمان، سمر ما البت البتمناها، قال إتقدم لي قال.
_قصهه دي.. المهم أنا ماشي هسي والله تعبان تعب حأمشي انوم نتلاقى بكرة
=طيب تمام.. لي بكرة.
"أول ما زياد طلع أبوه جا خاشي سلم و قعد"
~ أها يا ولدي ما فكرت في الكلام القلتو ليك؟
= فكرت، أنا ريم دي ما عايزها يا أبوي.
~ يا وليد فكر كويس، ريم دي بت عمك و أولى بي قروشك و....
قاطع كلامو وليد و قال : ما عايز ما عاايز و خلاص نقفل الموضوع دة ع كده.
~ خلاص أعمل البريحك (و هو من جواهو لسة عايز ريم لولدو و ما مقتنع نهائي بكلام ولدو).
_________________________
_ سمر إنتِ جنيتي ولة شنو...!؟ دة كلام شنو.
ولييد دة أنسيهُ زي ما نِساك ياخ.
= (ردت ليها و هي خاتة سيجارة ف خشمها) ما بعرف يا زولة، ينساني أنا سمر؟
_ أيوة نساگ يختي النوع دة عندو مية زيگ، قال ما عايزگ لي قدام، ح تجبريهُ يعني ولة شنو..؟
=عارفة إنه ما عايز يشوف وشي، عارفة إنه قرفان مني و ما داير يشوف خلقتي، بس لازم نتلاقى و زي ما وريتك عندي خُطة عشان ألاقيه.
_ والله يا سمر مجنونة، و خطتك عويرة لمن غلط، هه اتخيلي قال تهدديه قال، تهدديه بأختو
قايلة كده ح يحبك..!؟ بالعكس كده ح يكرهك.
=طيب نلغي الخطة شكلها ما ح تظبط، وريني أعمل شنو عشان أخليه يتعلق بي يا سماهر.
_ أنسيييهُ و خلاص، إستحاالة وليد يتعلق بيك.
= أنا كمان إستحاالة أنسااه.
_ يا كريييم، خلاص راحتك ما تدخليني فالموضوع ده يا سمر.
= أطلعي منها يا زولة، يللا أنا ماشة بيتنا بعد كده.
( و طلعت من بيت سماهر و هي لسة من جواها عايزة وليد و هتعمل أي حاجة)
_______________________
_ إنت جادي جاي تتقدم لي.. أخخ وربي بحبك بحبك بحبك... يعني خلاص هتتقدم لي الأسبوع الجاي ده .
=(ضحك ضحكتو الجذابة ديك) و قال : بموت فيكِ يا سُكرة، أيوة، أمشي كلمي أهلك، يوم الجمعة حأجي و أتقدم ليك، أنا هسي ماشي أكلم أهلي، ربنا يجعلنا من نصيب بعض يا غاليتي♥️!.
(ومالحب الا رزق فلاتستعجلوه ولاتتصنعوه).
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
الكاتبة ♡المجهول