الحلقه الاولى
*#تلك_الفاتنة🤎🦋 {{01}}* *#بقلم_الكاتبة_المجهول*
~____♡>____♡>____♡>____♡>_____♡>___♡>~
"جمالك كجمال يوسف، مع ذلك فالجمال الخارجي لا يكفي، بل أخلاقك هي من تعكس شخصيتك الجميلة و جمالك الداخلي أهم"
في مدينة من مُدن السودان، في حي راقي و جميل،قاعدة في غُرفتها و بتعاين للماشي و الجاي بشباك غرفتها، لفتت إنتباها "قطة" بيضا صغيرة و بتموء، شافتها في الشارع بالشباك طوالي نزلت ليها و شالتها و قالت : يا سلاام، حلوة حلوة وربي، نااعمة و بيضاء و نضيفة و عيونك كبيرة و سمحة و لونهم رهيب، حأشيلك و أربيك عندي يا مسكينة "مسحت على راسها و شالتها دخلتها جوا" سمعت صوت عمتها بتناديها : يا رهف، يا بت تعالي اف....
و قبل ما تتم كلامها لقت رهف شايلة القطة و بتلعبها "عاينت ليها و هي عاقدة حواجبينها" و قالت : رهف ده شنو، ده مرض يا بتي قومي غسلي يدك سريع و تعالي أفطري.
رهف : بس يا عمتوو سلوى، عاجباني ياخ حاشيلها و بعمل حسابي بوعدك ما هتطلع من غرفتي و و حأغسل يدي كل ما ألمسها، بليييز خليها خليها pleas my Dear aunt.
سلوى : خلاص ما مشكلة هسي تعالي الفطور سريع غسلي يديك تمااام، يللا قدامي.
"غسلت يدها و مشت تفطر"
فجأة وقفت أكل، و قالت : عمتي، سند وينو إتأخر ياخ ما ح يفطر معانا ولا شنو؟
و رنين مشت الجامعة صح؟
سلوى : ااي صح.. يا بت الليلة مش عندو شغل، نسيتي شكلك، بالك ده ويين.
رهف : إنتِ عارفة بالي ويين، يللا الحمد لله شبعت.
= أمك صح، حبيبتي بالله عليك أكلي، إنتِ هسي ما أكلتي حاجة يا رهف.
رهف سكتت و مشت ع غرفتها طوالي.
نوصف رهف الفاتنة "عيونها عسلية كبييرة، لونها طبيعي بييضاء زي بياض الثلج، شفايف وردية و مليانة، رموش و حواجب غزيرة، شعرها طويل و أسود، قوامها جميل نخرتها سنة اللهم بارك جمييلة جمال رباني، الكمال لله، قارية مختبرات و متخرجة عمرها 25 سنة، متوسطة الطول ، رهف كانت موقفة الجامعة ع رجل واحدة من كتر جمالها و طبعًا الناس بيحكمو عليك من شكلك، لكن هي فعًلا حلقة و أخلاق، اتقدمو. ليها كتير، عدد لا يُحصى ولا يُعد من الرجال (دي صيغة مبالغة يعني اتقدمو ليها كتار بس هي بترفض )"
منو الما بعلق لمن يشوفها، بت فريدة، ملاك ع هيئة بشر و ماشة فالأرض.
*رهف رجعت غرفتها و بقت تعاين للماشي و الجاي كالعادة لفتت إنتباها عربية حلوة كده، نفس عربيتها بس اللون" أسود" و حقتها بيضا رغم إنها بتحب الأسود بس العربية دي جاتها هدية من أبوها_عادل_اللي قاعد ف كندا هسي و هي أبت تمش لكن بتمش ليهُ زيارات، و قاعدة مع عمتها سلوى عندها ولد و بت.
سند(أخدراني كده خدرة نااعمة، طويل، ملتحي، مكسر نص بنات الحلة و كلهم مصاحبين رنين عشانو بس، و طوالي بيحلق نمرة واحد ما عندو حركات الشماسة دي،قاري هندسة و هسي شغال) و رنين اختو(بت قصيرة كده سمراء، عيونها نعسانة و حواجبها غزيرة ملامحها هادئة).
أبوهم إتوفى في حادث سير قبل كم سنة كده هسي عايشين مع أمهم في عمارة مكونة من طابقين في حي راقي و جميل.
*نهاية اليوم زي الساعة 6 كده، إتلم شملهم و كلهم قاعدين في الهول سند جا خاشي :
_ السلام عليكم والرحمة.
= و عليكم السلام يا ولدي، أكلت حاجة ولا نعبي
_ الحمد لله يا أمي شبعان والله صحبي عزمني.
= الحمد لله خش إرتاح، انت تعبان والله يا ولدي
_ لازم يا أمي أتعب عشانكم"و باسها رأسها ومشى استحم و دخل غرفته"
______________
في مكان آخر :
_ والله يا وليد حرام عليك،كيف قلبك بسمح ليك تعمل في بت الناس كده.
= اللهم طولك يا رووح، خلاص يا زياد بطل إنت عارف إني أصلاً ما جادي و ما عايزها لي قدام تجي تقول لي أتقدم ليها!
و بعدين هي بس دايراني عشان قروشي ما عشان حاجة تانية تمام.. تاني ما تفتح معاي الموضوع دا يا مان.
_ راحتك يا برو لو انت شايف كده، لي بعدين.
= يللا، في أمان الله... و حفظه.
...ألوو...
_وليد حبيبي كيف حالك؟
=اسمعي يا سمر بالله عليك أختيني و تأني ما تقولي لي حبيبي ، أنا عندي زيك مية تمام..وانا عارف انك و غيرك كمان متلمين فيني و ملصقات فيني عشان قروشي ما أكتر!
البيناتنا إنتهى "و تييت قفل الخط في وشها"
(وليد عماد الدين شاب في الثلاثين من عمره، ملتحي، عضلات.. ضخم البنية و فيه هيبة كده.. أما صحبه زياد، أصفراني كده عيونو عسلية شعرو طويل بيمسكو بباندة، يعني واو رهيب😂💙"
------------------------
*سمر*
الولد ده مجنون ولا شنو.. أووف أووف، فعلًا كلامو صح كنت عايزاهو عشان قروشو بس هسي حبيتو، أخخ يا وليد وربي بحبك!♥️.
"و إتصلت لصحبتها"
_ ااي يا سماهر، قال لي البيناتنا انتهى، قال لي إنتِ دايراني عشان قروشي.. بس هيرجع لي، لو مارجع هيرجع أنا غيرو ما عايزة.
= أنتِ جادة قال ليك كده، يا بت خليكِ زولة عندك كرامة إياك ترجعي ليه، إياكِ تحسسيه إنك عايزاهو كده لأنو صدقيني ح يتمادى.
_ ما بهمني، المهم إنه حقي، وليد لي "و قفلت"
(سمر بت جميلة شديد و مغرورة،كانت حبيبة وليد لحد ما هو نهى البيناتهم هسى، و زي ما قال هي عايزاهو عشان هيبتو و قروشو م أكتر، سمعها بتتكلم مع صحبتها قالت ليها ما بحبو، عايزاهو عشان قروشو ما أكتر! ).
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
♡الكاتبة. المجهول ♡