الفصل 2
*
*نوبه عشق* 💟✨
*البارت: الثاني* 💟✨
*ابداع: رورو* 💟✨
لحد ما اجا يوم كنت كتير مكتئبه وتعبانه نزلت لعندا كنت مابدي احكيلها انو نور بس معت قدرت وقلتلها بكيت بوقتا كتير طالعت كلشي بقلبي هي ماعرفت شو تحكي بس قالتلي انها كانت حاسه وهيك ومن هون بلش وجعي...
بيوم 25/11/2023 كنت عند شمس ولقيت نور بلبيت فكان بلغرفه يلي دائما انا وشمس منعد فيا فعادي قلت مرحبا وقعدت فطالع فيب(اركيله الكترونيه) دخن فيها شوي وطلع تركها عالكنبايه فرحت بسرعه واخدتها وسحبت سحبتين واختو اخدتها وسحبت سحبتين فاجا نور راحت عطتني ياها بسرعه وانا فورا حطيتها تحت رجلي مشان مايشوفها اجا مشان ياخدها مالقاها قال مين الحرامي يلي اخدها هو وعم يضحك طالعتها من تحت رجلي وقلتلو مو انا قعد يضحك علي 😅اجا ياخدها مني وهو عم ياخدها.. لمس ايدي ويااللله على هلشعور اخدها وراح وانا معت حسيت على حدا شمس عم تحاكيني ومو سمعانه شي ولا مركزه مع حدا وصافنه ياربي كيف هيك كانت ايدي بارده وهو ايدو دافيه ولمس ايدي مابينوصف الشعور وبتمنى كتير ينعاد بس مو بلغلط بس طبعا بلحلال بعد شي خمس دقايق وشمس عم تحكي وماسمعت شي قالتلي.....
شبكي شو رايك بيلي حكيتو قلتلها اه اي منيح حلو قالتلي شو يلي حلو ومنيح وين كنتي صافنه قلتلها بنور قالتلي اممم حكيتلها انو لمس ايدي وهيك هاد كان احلا يوم بحياتي انا نسيت قلكن انو هنن بيقربو ستي يعني ستي بتكون بنت عم ستو لنور فكتير منجي لعندن وبيجو لعنا وكمان جيران قالولي شدي حيلك شوي ومنسجلك بدفتر العيله😅 بعد يومين نزلت انا وامي لعندن فنزلنا جهاز الضغط مشان امو لنور كانت تعبانه اول الشي ماكان قاعد معنا بعدين اجا اقعد معنا نحنا الكل وحكا كتير قصص وكيف بغش بالامتحان وهيك كتير ضحكنا وكل مايحاكيني شغله قلو «شو» حسيتو حيفكرني طرشه شوي تانيه فصرت قلو اي وانا سانده وشي على ايدي وصافنه فيه وبعيونو:تظل عيونك هي العيون الوحيده التي يبتسم لها قلبي✨....
عرفت شي انو لما بكون حدا بتحبه قاعد معك او بنفس المكان يلي انت فيه معت بتركز شو عم يحيكي ولا شو حاكاك بتكون بعالم تاني حرفيا خلص اليوم وانا كنت كتير فرحانه انا لما بشوفو سميتها باخد جرع طاقه شوفتو جرع طاقه بنسبه لألي فاخدت كتير جرع طاقه بهاد اليوم لان ولا مره قعدنا هيك صح معنا اهلنا بس حكا عن حياتو وانا كمان وقعد يقلدني لان في مره كنت رايحه على عرس فمساويه مكياج ومساويه شعري نزلت ورجيها لشمس وامها وستها ولابسه اواعي صلاه لاني الحمدلله محجبه فقعدت علكنبايه ماكان اخواتها بلبيت بس هيه وامها وستها واختها ولابسه فستان قصير فشلحت اواعي الصلاه ورجيتهن ومابلاقي غير فايت نور وكيف شلون لبستن بسرعه واقعدن ومنزله راسي مشان مايشوفني بلمكياج (لان غريب عني وحرام يشوفني بمكياج)وقاعده عم هز برجلي انا وقاعده كانت بس ستو يلي بلغرفه ولقا وحده لابسه اواعي صلاه وعم تهز ارتعب قال بسم الله مين انتي قلتلو مو ريماس وانا عم اضحك راح من الرعبه لان كمان مافي ضو خبط رجلو بطاوله واضحك😅...