الجزء 11و12
._*ࢪوايـه حقيقتى المتوحشه🍒⸙♡»))*_
تابع قناة الكاتبةالمجهول ➶𝄞🥂📓ツ)) في
الجزء 11:
انا هفضل هنا لحد امته هفضل محبوسه في العالم الميت دا لحد امته ايهاب انا بكرهك انت اخدت مني كل حاجه اخدت مني الامل الوحيد الي كان ممكن انقذ بيه كامليا وانقذ بيه نفسي بس انت موتني بالحيا والله اعلم هرجع ازاي ولا امته اااااااااااااااااااااااه خلتني افتح ابواب قديمه مكنتش عايزه اعرفها بكرهك بكرهك اااااااااااااااااااااااااااااه .
_________
______
____
كامليا واقفه قدام المرايه بتسرح شعرها وتحط ميك اب تخلص وبعدين تلف بوشها وتبص ع الملاك الي نايم ع السرير تقوم من مكانها وتتجه ناحية السرير وتقعد تمسك ايديها ...
كامليا : فات الكتير ما بقى الا القليل هترجعيلنا قريب قريب اوي * تقوم كامليا وتاخد شنطتها وتنزل تحت * صابح الخير يا زيز .
عزيز : صباح النور يا قلب زيز .
كامليا : عامل ايه انهارده ؟
عزيز : كويس يا بنتي .... انتي عامله ايه في الجامعه ؟
كامليا : اهو ماشي الحال ..... انا انهارده رايحه محل كان بيبيع كتب سحره و كده كنت قريت عنه في النت وهروح اشوف يمكن الاقي حاجه تفيدنا .
عزيز : تمام .... ايهاب الي هيتجنن عدا سنه وروجين مش عارفين نرجعها .
كامليا : انا الي مش فهماه ازاي انا رجعت وهي لحد دلوقتي مش عارفين نرجعها .
عزيز * يمسك ايديها * : لانك مكنش لازم تبقي هناك ولا انك تدخلي العالم دا روجين وهي بتديكي حياتها كانت خايفه وفضلت ماسكه فيكي واخدتك معاها حياه مؤقته ولما رجعتي ... رجعتي بطبيعتك بكامليا بنتي وهي الي راحت .
كامليا : وماما ؟
عزيز : ليالي ماتت وكانت بردو خايفه انك تموتي واديتك حياتها وانا حميتك وهي راحت بس مش عارف ليه هي راحت هناك .
كامليا : يعني كل دا بسببي .!
همس * من وراهم * :اوعي تقولي كده تاني انتي ملكيش دعوه باي حاجه بتحصل .
كامليا : ازاي !! واكتر اتنين بحبهم ضحو بحياتهم علشاني انا وانا حاسه اني عاجزه ومش عارفه اعمل اي حاجه .
همس : احنا كلنا معاكي وروجين هترجع يا لوكا هترجع فاهمه !
كامليا : فاهمه ..... هقوم انا علشان الحق اروح المكان دا ولو وصلت لحاجه هكلمكم اوكي .
عزيز : خلي بالك من نفسك .
كامليا * تحرك راسها ب اوكي* : باي .
تطلع لوكا من البيت تركب عربيتها وتتجه للمكان وبعد ما توصل وطريق اخد منها ساعه ونص وقفت قدام المحل ونزلت من العربيه استغربت من شكل المكان * محل شبه مهجور الشبابيك ازازه متكسره ومتمسمر بالخشب تقرب من باب المحل وتحاول تفتح الباب وتدخل المكان ضلمه مفيش غير الضوء الي داخل من فتحات الشباك ضوء الشمس وفي تراب في كل حته وكتب كتيير وتنادي*
كامليا : هااااااي .!! حد هنا !! يا صاحب المكااان ؟ ايه دا هو مفيش حد هنا اكيد طبعا لازم ميبقاش في حد في المكان المهجور دا ابو العبط .... * عنيها تيجي على كتاب تمسكه بايديها وفجاه الاضوء الي كان داخل من الشباك يختفي والدنيا تبق ضلمه اكتر * في حد هنا !
صوت : انتي مين ؟
كامليا : اوووووه اهم حاجه انك انسان .... ممكن تفتح النور لاني مش شايفه حاجه .
الشخص*بتوتر* : اه اه سوري ..... اهو اهلا مين حضرتك .
كامليا : انت صاحب المكان !
الشخص : ايوه انا وائل .
كامليا : ازاي ؟ الي اعرفه ان صاحب المكان كبير في السن !
وائل : ما انا ابنه ....بابا توفى من 10 سنين .
كامليا : ايه ؟ والمحل اتقفل برده من 10 سنين صح ؟
وائل : ايوه .... حضرتك محتاجه حاجه ؟
كامليا : ايوه كنت جايه ادور على كتاب عن العالم الباطني .
وائل * بصدمه * : ايه ؟
كامليا : تعرف حاجه عن العالم الباطني .؟
وائل : لا .... واتفضلي من هنا احنا مش بنبيع كتب لحد .
كاميلا : انا متاكده انك تعرف حاجه عن العالم دا صح ؟
وائل : قولت لحضرتك اتفضلي من هنا .... انا معرفش حاجه .
كامليا * تمسك ايديه و تستغرب * : انت ساحر !
وائل * يشد ايده * : انا معرفش انتي بتتكمي عن ايه واتفضلي امشي .
كامليا : ارجوك ارجوك انا عايزه انقذ اختي .
وائل : الي بيروج هناك مبيرجعش .
كامليا : بس انا رجعت .
وائل*بخضه* : انتي بتقولي ايه استحاااله دا يحصل الي بيدخل العالم الباطني مش بيرجع لان دا دا عالم السحر الاسود .
كامليا : انا مش فاهمه ؟
وائل : افهمي ان اختك ماتت ومش هترجع تاني .
كامليا : انت كداب وانا متاكده انك تعرف حاجه واختي مش ماتت لان جسمها لحد دلوقتي موجود وبقولك انا كنت هناك كانت عباره عن حياه مؤقته.
وائل : لايمكن دا يكون صحيح .
__________________________________________
العالم التاني !!!!!!!!!
روجين في مكان مليان شجر ولابسه فستان احمر قصير وشال لونه احمر ومغطيه وشها بيه وماسكه سيف بايديها وقدامها مجموع اشباح بانياب طويله جدا ولونهم اسود وفي ضهرها ليالي .
((( الاشباح دول مليانين العالم الباطيني والعالم دا في اي شيئ تتخيله يخوف )))
ليالي : جاهزه ؟
روجين * بابتسامه * : اكيد .
وتبدا المعركه تدوم نص ساعه .........................
ليالي : واو مهاراتك يوم عن يوم ببتتحسن .
روجين : انا روجين ومفيش حاجه بتبق صعبه عليا .
ليالي : برافو * وتسكت لدقيقه * بتفكريني بنفسي قبل ما احمل فيكي مكنتش بسيب حاجه غير لما اتعلمها حتا علاقتي بباباكي هي كانت غلط بس منكرش اني كنت مبسوطه معاه .
روجين : متقوليش بابايا لان الانسان ده هرب وسابك لوحدك بتعاني وقاتل وسابني وحتى مفكرش انه يدور عليا او عليكي .
ليالي : روجين انا بالنسبه ليهم ميته لاني فعلا كده .
روجين : كفايه انك بالنسبالي عايشه ومعايا .
ليالي : طيب يلا علشان الشمس هتختفي دلوقتي وخطر علينا نبق هنا .
روجين : اوكي يلا .
واول ما يوصلو البيت وهما مبسوطين وبيضحكو .... فجاه الضحكه تتشال من على وشهم .
روجين * تعدل ماسكة السيف في ايديها * وتقول ليالي بصوت خافت وهي بتبص لروجين : مين الي مشرفنا .
روجين : هنعرف دلوقتي .... * تمشي روجين بهدوء وتتجه ناحية الصوت الي جاي من المطبخ ........ ترفع روجين السيف * انت مين وجاي هنا ليه ؟
ليالي : انطق انت مين ....... * يلف الشخص الي واقف * ادوارد .
ادوارد * بابتسامه عريضه * : اذيك يا ليالي ؟
ليالي : ........................
روجين / مين دا يا ماما .
ادوارد : ماما !!!
ليالي : انت هنا ازاي ؟
ادوارد : السحره حدفوني هنا قال ايه عقاب مؤبد ورمونا هنا زي الكلب .
روجين : مين دا ؟؟
ادوارد : انتي الي مين ؟
ليالي : دا باباكي ....ودي بنتك .
ادوارد وروجين : نعم ؟؟؟
________________________________________
وائل : اسمعي يا اسمك ايه انا مقدرش اساعك في اي حاجه لان الي انتي بتدوري عليه دا مش موجود اصلا .
كامليا : واختي .
وائل : الله يرحمها .
كامليا * بعصبيه تقرب منه وتمسك دماغه * : انا اقدر اقرا كل الي في دماغك فا متخلنيش اعمل كده وقولي تعرف ايه .
وائل : قولتلك معرفش حاجه .
كامليا * تبدا تقول تعويزتها بصوت خافت وتشوف كل افكاره * : مش بقولك كداب .
وائل : انا مش هقدر اساعدك .... انا ابويا مات وهو بيحاول يخرج حد من هناك ويساعدها والتعويزات كانت اقوى منه ومات اما انا مش مستعد اضحي بحياتي علشان اختك او اي حد تاني .
كامليا : ع الاقل باباك حاول يساعد الشخص دا بس تفتكر لو هو هنا دلوقتي وطلبت منه مكنش هيساعدني طبعا هيساعدني لانه قلبه ابيض مش زي ابنه كداب وقلبه اسود وحجر ... ع العموم اسفه اني ازعجتك عن اذنك .
تطلع كامليا من المكان وتفتح باب عربيتها وييجي وائل من وراها .
وائل : استني .... انا هاجي معاكي .
كامليا * بابتسامة انتصار * : اوكي اركب .
وهما في العربيه ....
كامليا * ماسكه الموب وبتطلب رقم * : الوو ..... انا لقيته تعالى ع البيت حالا .
وائل : مين ؟
كامليا : شخص هتتفاجئ بوجوده .
وائل : طيب اما نشوف .
يعدي فتره من الزمن ويكونو في البيت .....
كامليا : احب اعرفك يا بابا دا وائل .... وائل دا عزيز بابايا .
وائل : اهلا وسهلا .
ايهاب * يجي بسرعه من بره * : لوكا عملتي ايه ؟؟
كامليا : الحل اهو * وتشاور على وائل *
ايهاب : مين دا ؟
كامليا : ولا اعرف .
وائل : نعم ياختي .
كامليا : اصل دا برومن .
وائل : برومن مين ؟؟؟
كامليا : هو في كام برومن على وش الارض .
وائل : بتهزري صح !
ايهاب : لا مش بتهظر انا هو الشخص دا .
وائل : لما دا معاكم طالبين مساعدتي ليه ؟
ايهاب : مهو لو انا اعرف الحل كنا دورنا اصلا .
كامليا : معلش ثواني .... هو الحل ازاي !
وائل : الحل في دم الهجين دا .
ايهاب : هه !
_________________________________________
ليالي : والله زي ما بقولكم كده ..... يمكن انتي مش مصدقه يا روجين بس انت المفروض انك تصدق مش حاسس بالرابط الي بينك وبينها مش حاسس بدمك الي ماشي في عروقها .
روجين : * يارتنا كنا بنتكلم في حاجه تخرجنا من هنا بدل سيرتك دي ... انا فعلا مكنتش اتخيل اني اقابلكم انتو الاتنين .... وفي نفس االمكان واااااو .
ادوارد : انتي بقه منشوده برومن .
روجين : شوفت ... عمايلكم الاسود وداكو لحد فين .
ادوارد : هي ازاي لسه عايشه .؟
ليالي : انت مستغرب انها عايشه بدل ما تفرح بانها وسطنا .
روحين : مين يفرح دا ؟؟؟ دا واحد معندوش اي دم عايزه يبق مبسوط ان انا عايشه .
ادوارد : ميهمنيش اصلا .
روجين : عارف انت لولا انك ابويا كان زماني قتلتك وخلصت العالم من شرك .
ادوارد : وانتي تعرفي ايه اصلا عني .
روجين : كفايه اني عرفت انك بتقتل الابرياء ومش بيهمك اي حد وتستاهل ان السحره جابوك لحد هنا بس عارف هما غلطو كان لازم يخلصو عليك على طول .
ليالي : روجين دا باباكي خلي في احترام ع الاقل للابوه .
روجين : بابايا براااافو * تسقف بايديها * دلوقتي بقه ابويا ..... بصو انتو الاتنين اطلعو من حياتي كفايه الي انا عيشته .
ادوارد : يلا في داهيه .
روجين * بعصبيه * : انت ملكش كلام معايا فاهم ....... * باستهزاء * ازاي دا ابويا دا قد عيالي .
ليالي : روجين !
روجين " بلا روجين بلا زفت انا طالعه اوضتي .
____________________________________________
ايهاب : يعني ايه دمي هو الحل ؟؟
وائل : يعني هحاول اني اتواصل معاها وهحاول بقدر الامكان اني اخد دم منها واعرفها ايه الي هيحصل وبعد كده هناخد من دمك ونتحده مع بعض كده هنفتح بوابه تقدر هي تعبر منها بس ...
كامليا : بس ايه ؟؟
وائل : لما هي تعبر ......الشر هيعبر معاها .
كامليا : ايه ؟؟؟ ازاي ؟
وائل : شر كبير اوي محدش هيقدر عليه وللاسف معرفش ايه هو .
ايهاب : ميهمنيش كل دا اهم حاجه ان روجين ترجع .
وائل : هي فين ؟
كامليا : هي ايه ؟
وائل : انتي يا بت هتجنني امي ... اختك فين ؟
كامليا : اه اه فوق .... تعالى ورايا .
وائل * واول ما يدخل الاوضه * : هي هجين ؟؟؟؟؟؟؟
ايهاب : امال انت فاكر ايه ؟
كامليا : مش قولتلك انك هتتفاجيء .... بص الموضوع معقد هبق احكيلك عليه بعدين .
وائل * يقرب من روجين ويقعد جنبها يمسك ايديها ويغمض عينه وفجاه * : هي فين ؟؟
روجين : انت مين انت كمان وظهرتلي زي العفاريت كده ليه ؟
وائل : انتي روجين ؟
روجين : بيقولو !
وائل : اسمعيني كويس لان مش فاضلي كتير انا عايزك تجيبي عينه من دمك حالا وتحاولي بقدر الامكان تبقي في الغابه الساعه 12 الصبح هنفتح بوابه هتمري منها وتخلي بااالك جدا من اي حد يحاول يعبر من البوابه دي مفهوم .
روجين : انا مش فاهمه حاجه .
وائل : اعملي الي قولتلك عليه وبس انا هناك مع ايهاب وكامليا .
روجين * بحزن * : هما كويسين .؟
وائل : مش هيبقو كويسين لو انا مت ما تخلصي .
روجين : حاضر حاضر !!
_________________________________
ايهاب : انا مش قادر استوعب ازاي يكون الحل معايا طول المده دي ومعرفش .
عزيز : مكنش حد يعرف يا ايهاب ولما الاستاذ دا يرجع هنعرف منه كل حاجه لانه يعرف حاجات كتير اوي السحره الكبار ميعرفوهاش .
كامليا : فعلا ..... بس ممكن يكون عارف لان باباه حاول يفتح البوابه دي بس للاسف مات .
ايهاب : مات ؟؟؟؟؟ يعني دا ممكن يموت ؟
كامليا : لا .... احنا هنساعده ومش هسمح باي حاجه تحصله .
ايهاب : تفتكري ايه الي ممكن يعبر مع روجين !
كامليا : الله اعلم .
وائل : اااااااااااااااااااااااااااااااااااااااااااااااااااااااااه
كامليا : وائل وائل انت كويس ؟
وائل : مين ادوارد دا ؟
كامليا : ادوارد ؟؟؟
عزيز : مش ممكن ؟
ايهاب : ابو روجين !!!
وائل : احتمال كبير يكون هو ..... الحيوان كان عايز يقتلني .
كامليا : وهو شافك ازاي ؟
وائل : دخل الاوضه على روجين وشافها وهي بتديني الدم * ويمد ايده بازازه صغيره فيها دم روجين * واتهجم عليا وكان هيموتني .
ايهاب * ياخد الازازه من وائل * وبحزن : روجين !
_________________________________
ادوارد : انتي عارفه لو عبرتي البوابه دي ايه الي هيحصل .
روجين : ميهمنيش الاهم اني ارجع وبس .
ليالي : وهتسبيني ؟؟
روجين : لا طبعا انتي هاتيجي معايا .
ليالي * بضيق وحزن * : روجين الموضوع مش بالسههوله كده ..... البوابه دي متفتحتش من 10 سنين وانا الي كنت بحاول افتحه وللاسف فشلت والطرف التاني مات لانه اخد الشر جواه وعلشان ينهيه مات .... انتي لو عبرتي الشر دا هيعبر معاكي واي حد تاني بردو .
روجين : لا اكيد هما عارفين وهيعملو حسابهم .... ليالي انا عارفه انا بقولك ايه ؟
ادوارد * بابتسامه شريره* : ههههه يبق قابلي بقه الي هيحصلك .
.
.
.
واستنوني في حلقه بكره ..
توقاتكم وايه رايكم في الحلقه ..
ياترى روجين هتعبر فعلا من البوابه دي ؟
والشر دا هيكون عباره عن ايه ؟؟
انجوي .....
الجزء 12:
كامليا : مصيييبه .
روجين * بخضه وتسحب الموب من ايهاب *: في ايه ؟
كامليا : لازم تمشو من هنا تختفو .
ايهاب : في ايه يا لوكا ؟
كامليا : كلاوس رجع وعايز بنتقم وبيدور عليكم .
ايهاب * الاسم نزل عليه زي الصاعقه افتكر كل لحظه عاشها في الحبس العزاب الي شافه هناك كمية الدم الي كانو بياخدوه منو شكل كلاوس ومنظره المخيف * : احنا مسافرين انهارد علـــ
كامليا : كويس اوي وياريت محدش يعرف مكانكم نهائيها وخلي بالكم من بعض واحنا هناخد بالنا من الوضع هنا .
روجين : لا انا استحاله اسافر واسيبهم .
ايهاب : انتي متعرفيش لو كلاوس مسكنا هيخلص عليكي وعليا وعليهم ... والاحسن ان احنا نبعد .
روجين : من امته بتخاف من حاجه ؟
ايهاب : ودا الي لازم نخاف منه .... يلا يا روجين .
كامليا : روجين اسمعي الكلام احنا هنبق هنا وهنبق كوييسين متقلقيش .
روجين : احنا امته هنرتاح !!
ايهاب : الله اعلم .
كامليا : اشوف وشكم بخير مع السلامه .
روجين وايهاب : سلام .
روجين * بجزن * : هههههههه كل ما نيجي الشليه دا يحصل حاجه .
ايهاب : يب بقيت احس انها مشؤومه ..... بس بتخلينا ننبسط ولو دقيقه .
روجين : عندك حق ..... امته معاد الطياره .
ايهاب : بالليل الساعه 8.
روجين : وهي دي المفاجاه .
ايهاب : كانت .
روجين : عادتي متعوضه في حاجه تانيه .
ايهاب : امممممممممممم الجوازه دي جايه عليا بخصاره .
روجين : فااااااااااااااشر دا انا ماديه .
ايهاب : طب يلا .
_______________________________________________
في الكافي ....
كامليا : عايزه مساعده .
...... : الي هي ؟
كامليا : في خطر على روجين وايهاب .... ومحتاجين مساعدتك .
...... : ايهاب !! هههههههههههههههه اساعد ايهاب انتي هبله ؟
كامليا : سايمن انا مبهزرش كلاوس رجع وعايزهم .
سايمن : انــ انتــ انتي قولتي مين ر رجع .
كامليا : شوفت الاسم هزك ازاي !
سايمن : وكلاوس رجع ازاي دا كان اتنفا من عالم البشر نهائيا .
كامليا * بعتاب * : رجع بسببك ...... بسببك انت انا واختي كنا في العالم الباطني رجعت انا وفضلت هي اكتر من سنه هناك ..... بسببك كانت ممكن تموت بسببك كنت انا هموت بسببك ناس كتير كانت هتموت ... بس طبعا دا مش يهمك اصلا في حاجه .
سايمن * بتانيب* : والمطلوب مني !
كامليا : تساعد روجين وايهاب امهم يخرجو من البلد هنا بخير ويبقو بعيد جدا عن الانظار .
سايمن * بتفكير * : مممممممم انا عارف هوديهم فين .
كامليا : فين ؟
سايمن : الاحسن محدش يعرف مكانهم علشان كلاوس لو بص في عينك هيعرف ..... اه والاحسن انك متبصيش في عنيه علشان هتندمي طول عمرك ... يلا باي .
كامليا * تمسك تليفونها * : انت فين ؟ طب تعالى على كوفي *** علشان عايزاك ... اوكي باي .
بعد دقايق .....
كامليا : كل دا تاخير !
وائل : تاخير ايه دا هما تلت ساعه متاخرتش .
كامليا : طب ااقعد .
وائل : خيير في ايه .... ما انا مش هخلص .
كامليا : تعرف كلاوس .
وائل : يانهار اسود كلاوس مين .... متقوليش كلاوس الي اتنفى .
كامليا : هو بعييينه .
وائل : يخربيييتك يا وائل .
كامليا : هو دا الشر الي عبر مع روجين .
وائل : كماااااااان
كامليا : وحاليا بنحاول نخليهم مختفيين علشان كلاوس مش يلاقيهم .
وائل : تمام تماااام المطلووووب .
كامليا : ولا اي حاجه .... انا قولت اقولك بس .
وائل : اها !!
كامليا : نعم بتبصلي كده ليه .
وائل : مش قولتلك عيونك بتسحرني .
كامليا * بكثوف * : احم .
______________________________________________
ايهاب : جهزتي ؟؟
روجين : ايوه يلا .
ايهاب : يــــــ * ويسكت *
سايمن : رايحين فين * كان قاعد في الصاله * .
روجين : انت دخلت هنا ازاي .؟
سايمن : من الباب .
ايهاب : اطلع بره .
سايمن : اوعو تفتكرو حتى لو رحتا بلد بعيده كلاوس مش هيعرف يجيبكم ..... لا هيجيبكم حتى لو تحت الارض .
ايهاب : عايز ايه ؟
سايمن : مفيش الا مكان واحد بس الي تقدرو تقعدو فيه وهناك كلاوس مش هيعرف يوصلكم ابدا .
روجين : وضح كلامك .
سايمن : جزيره بعيده مختفيه عن البشر محميه بتعويزات كتيره كلاوس نفسه ميقدرش يدخلها او يشوفها .
ايهاب : فين ؟
سايمن : بشرط قبل ما تعرف مكانها .
روجين : اخلص .
سايمن : عينات من دمكم .
روجين : ياربييي ايه حكاية دمنا دا .
ايهاب : ماشي موافق .
روجين : ايهاب !
ايهاب : اهم حاجه نبق بعيد عن كلاوس .
سايمن : تمام خد * ويديله انينتين صغيرين ياخدهم ايهاب ويعبي فيم الدم *
ايهاب : يلا ولا ايه ؟
سايمن : يلا .
ويتحركو بالعربيه وبعد مرور 3 ساعات .....هما التلاته وقفين قدام شط .
روجين : وبعدين ؟؟
سايمن : هتركبو القارب دا وهتفضلو ماشيين على طول .
ايهاب : احلف !!
سايمن : يا غبي الجزيره مختفيه لو فضلتو ماشين بالقارب بالاتجاه نفسه الجزيره هتبان قدامكم وساعتها انتو كمان هتختفو .
روجين : طب ما كده اي حد هيمشي من هنا هيقدر يشوف الجزيره .
سايمن : لا لان القارب دا الوحيد الي يقدر يوصلكم لهناك .
ايهاب : تمام !! .............. سايمن !
سايمن : نعم ؟
ايهاب : شكرا .
سايمن : مش عايز اشوف وشكو تاني سلام .
ايهاب : الله يهدك سلام .
روجين : انا مش عارفه انت وثقت فيه ازاي بعد الي عمله .
ايهاب : هو كمان عارف مين كلاوس وعارف انه ممكن يئزي اي حد ودي مش مساعده هو حس بتانيب ضمير من الي عمله معاكي بس .
روجين * وهي بتركب القارب * : امال اخد الدم ليه ؟
ايهاب : مش يهمني يلا .
وبعد وصلو ..
روجين : دا زي ما قال فعلا الجزيره موجوده .
ايهاب : اول مره يعمل حاجه كويسه في حياته .
روجين : الجزيره دي كلها بتاعتنا O-:
ايهاب : تقريبا هههههههههههههه .
روجين : اللللله كان نفسي اعيش في جزيره لوحدي .
ايهاب : لوحدك ؟؟
روجين : ايوه .
ايهاب : لوحدك .
روحين : ه ال اقصد يعني قبل ما احبك وكده .
ايهاب : قبل ما ايه !!
روجين : قبل ما احبك .
ايهاب : بجد !* ويقرب منها *
روجين * بكثوف * : ايوه .
ايهاب : ما تجيبي بوسه .
روجين : اتلم واوعى كده .
ايهاب : بت انتي مراتي .
روجين : مش رسمي .
ايهاب : يييه لسه بقه فستان وبدله وواحد يقولي هل تقبلي الزواج منه نعم هل تقبل الزواج منها ونعم والجو دا .... يابنتي من ساعة ما لبستي الخاتم دا * ويمسك ايدها * بقيتي مراتي وش .
روجين : بردو لا ... وهلبس الفستان الابيض يا ايهااااااب وهروح للكوافير يا ايهاااااب وهيبق في معازيم يا ايهاااااب مفهووم .
ايهاب : اممممم حلو اوي الجو دا * يشيلها على كتافه * وحلو برده البحر .
روجين : ايهاب نزلني ااااه ايييهااااااب نزلني بقولك .
ايهاب : اسكتي خالص .
روجين : ههههههههههههه يا مجنون .
ايهاب : بعشقك .
______________________________________
نرجع لكامليا ووائل .
وائل : طيب ايه ؟
كامليا : ايه ؟؟
وائل : وراكي ايه انهارده !
كامليا : ولا حاجه .
وائل : طيب ممكن تسيبيلي نفسك .
كامليا : ايه سيبيلي نفسك دي ماتتلم .
وائل : يخربيت الدبش الي طلع انتي ليه دماغك ضاربه شمال انا اقصد هفسحك وكده .
كامليا : اه اذا كان كده ماشي .
وائل : طب قومي انجري قدامي .
كامليا : اطلبها بادب .
وائل : يااااصبر ايوب ..... ممكن يا انسه لوكا تقومي معايا افسحك .
كامليا : اوكي .
يقومو هما الاتنين يتمشو وياخدها وائل للملاهي يلعبو ويهزرو وياكلو وائل حاسس بارتياح لكامليا حاسس انها ملكته من الدنيا خطفته وكامليا حاسه بسعاده اول مره تحسها وائل خطف قلبها بقت عايزه انه يبق موجود معايا 24 ساعه في ال24 ساعه تشاركه كل حياتها وتحكيله كل الي بيحصل معاها ...... وبعد ما خلصو هما الاتنين ماششين في الشاع قريب من بيت لوكا وهما ماششين جنب بعض كل شويه ايديهم تتخبط في ايد بعض ويبصو لبعض ويتكثفو لحد ما وائل قرر انه يمسك ايديها .
وائل : مش عايزك تسيبي ايدي ابدا .
كامليا * بكثوف * : حاضر .
ويظهر بني ادم من حيث لا تدري : الله على الرومانسيه .
كامليا : ادوارد ؟
ادوارد : ايوه هو بشحمه ولحمه ...... فين روجين ؟
وائل : كلامك معايا مش معاها .
اوارد * يزقه بعيد * : بس يا بابا .
كامليا : منعرفش هي فين .
ادوارد * يشاور بايده * : فين روجين وايهاب .
كامليا : قولتلك معر............ وائل!
ادوارد : لو مقولتيش هما فين انا هخلص عليه .
كامليا : والله العظيم معرف هما فين .
ادوارد : اوكي انا هحاول اعرف بطريقتي .... اتفضل يا بووص .
يججي شخص لابس شال اسود طويل ومغطي وشه يقف قدام كامليا في اللحظه افتكرت كلام سايمن (( الافضل انك متبصيش في عنيه علشان هتندمي ))
ادوارد : بصيله كويس .
كامليا : مش باصه لحد .... وانا عارفه مين دا كلاوس صح !
كلاوس * بصوت بشع * : زكيه !
كامليا : وانا بقولك انا معرفش روجين وايهاب فين .
كلاوس : مصدقك ... بس لو عرفت انكم مخبينهم هتندمو سلام .
ادوارد : انت هتسيبهم .
كلاوس : ايوه .... يلا .* ويختفو فجاه *
وائل * يجري على كامليا * : انتي كويسه .
كامليا : اه متقلقش .
وائل : شوفتي وشه ؟
كامليا : لا والاحسن ان محدش يشوفه .
الكاتبةالمجهول
.