51/52
[٢٢/٢، ١٠:٣٥ م] null: .
البـارت 51 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
في الليل
فرح كملت تصلي عشاء هي وامها وعمتها وجالسات بيتجابرين
الحجة فاطمة: اتصلي لصاحبتش غطوة عنسير عندهم
فرح: ذاحين وبسرت الساعه وان هي 8
رغد: ايوه ذاحين مافيها
فرح: ولاشي ذاحين ذاحين
واتصلت لبسمة وبلغتها انهم عيجوا عندهم
عند بسمة كملت تحاكي فرح وسارت تحاكي امها: اماه يماه
امها: هاه ماتشتي للصياح
بسمة: غطوة عيجوا عندنا بيت .....
امها ابتسمت: حياهم الله
بسمة: مالش ابتسمتي هكذا مابه يماه
امها: ولابه شي لاوقته عتدري وسارت تفعل العشاء
وبسمة في نفسها معقولة قد حاكوا امي بين احس ان هي دارية طيب لو وقع صدق وجوا خطبوني لعلي هذا كيف هو عيكون مثل ما اتمناه اوووف قد راسي عينفجر من التفكير
اسير اختمد لي اخرج
بسمة: يماه شاسير ارقد سلمي علـى ابي لما يجي
امها: عاده بدري
بسمة: اشتي اقوم بدري عشان أفعل حلا
امها: اها تمام
@rewayatyamania المصدر الأول للروايات
في الغرفة
ام فادي لو تبسر على أدب فيها واخلاق وجمال وضحكتها ترد الروح
ابو فادي: ايوة ماشاء الله عليها واضح انها قمريه وقد بسرت ردة فعل فادي لوما بسرها
تخيلي بدون شعور وقف وبيرحب بها أول ما بسرها قدامه ضحكته وصلت لعند أذنه
في غرفة فادي
سبحان الله كيف الدنيا صغيرة البنت الذي كنت رافض الخطبة لها نفس البنت الذي أخذت تفكيري كنت أقول بتكون إنسانه عادية وبأخذ منها بس البحث عشان تخصصي ما كنت عارف ان انا بوصل لهذه المرحلة من الهيام والتفكير فيها الله يا فادي جاء الذي يشغلك عن دراستك وكان من قبل بصعوبة أي حاجه تشغل تفكيرك
.
.
عند فرح :
يارب معقولة يكون اللي في بالي صّح معقولة الدنيا تضحك لي وتعوضني بشخص يكون مصدر للنور في حياتي
قاطع تفكيرها رسالة وصلتها:
أعلم بأنك غارقة في تفكير قد يسلب راحتك ولكن دعي الامر للايام فهي كفيلة بتحقيق كل امر جميل تتمنيه في حياتك لاترهقي نفسك طابت ليلتك
فرح قرت الرسالة وحست دموعها بتنزل بدون شعور فعلا كنت محتاجه حد يقول لي هذا الكلام ويهدي التفكير اللي عيقتلني
يا الله بين احس بمشاعر غريبة تجاه فادي اي حين وكيف وليش ماقدرت اجاوب على كل هذا بس اللي اعرفه انو نقطة تحول حالية عرفتها في حياتي واقدر اقول انو العوض عن كل خذلان
مسحت دموعها وقامت للمراية وبتبسر نفسها معقولة انتي يافرح ممكن فادي يكن لش مشاعر بداخله رغم ان جمالش عادي مقارنة بجماله ضحكت على نفسها والله واتطورتي يافرح وبتقولي فادي حاف بدون دكتور لااا وعادش بتقارني نفسش به بس اللي انتي متأكدة منه انو لة به مشاعر بيكنها لش معناتها انش انسانة محظوظة في هذه الدنيا يكفي انو مثل فادي والبنات حوله ويحاولين يتقربين منه ما ادى لهن فرصة وتجي انتي من بين كل البنات اللي تلفتيه
سارت فرح تغسل وجهها ومسكت التلفون ورسلت له :
ستكون الايام جميلة ان وجدت بها مايجعلك تستمر على الحياة بصدر رحب تستقبل كل الصعوبات وانت تعلم بأن هنالك كتف تستند عليه وترمي بكل الألم نحوه ليشعر وكأنها ألمه ايضا ويحاول تخفيفها بما اوتي من قوة تكون الحياة اجمل ان وجدت ذلك فقط
وصلت الرسالة لفادي اخذ تلفونه بلهفة وقرأ رسالتها وابتسم وهو بيحس ان كل كلمة كتبتها ورسلتها كانت تقصده
شوية واختفت الابتسامة منه لو يكون بتقصد شخص ثاني او في حياتها حد وبتحاول تلمح اااخ بس ياقهر قلبي لو يكون حد بحياتها ضروري مااعرف بس كيف
وجلس فادي مابين نارين نار ان هي تقصده ونار انها بتلمح ان به شخص بحياتها... ورقد وهو بيفكر كيف يفعل
.
.
ويوم ثاني
قامت فرح بكل نشاط صلت وقرأت الاذكار وسوت الصبوح
واتجهزت وسارت الجامعة وامها وعمتها عادهن راقدات
وفي الطريق كانت محتارة تشتي ترسل رسالة صباحية لفادي
ولقيت نفسها بتكتب له:
صباحك ممتلئ بتباشير تسعدك لتجعلك محلقاً وكأنك في السماء من فرط ماتشعر به لان الارض لاتسعك
ورسلت له
.
.
عند فادي كان عادهو راقد معه محاضرة بس من 9 صلى فجر ورجع يرقد طول الليل وتفكيره ماخلا من فرح رغم انو في نومه
سمع صوت رسالة استغرب وفي نفسه معقولة غيروا الجدول
يا الله خراجك شل تلفونه وفتحه وهو بنص عين
شاف اسم فرح لما فتح عيونه بأقوى قوته
ورجع يمسح عيونه
هذه رساله من فرح والا بين اتخيل والا ماهو
ماصدق فادي قام غسل وجهه عشان يصحصح وقرأ رسالتها وحس باحساس حلو بداخله مثل الثلج برد قلبه
رد عليها:
ان كانت كل الصباحات تحمل كلماتك فيا اهلا بها
وصلت الرسالة لفرح قرتها وحمرت خدودها
دخلت التلفون الشنطة ووقفت الباص ودخلت الجامعه وعيونها بتدور عليه وقلبها بدأ ينبض له
شافت بسمة سلمت عليها ودخلين المحاضرة
فادي ماعاد جاه النوم قام لبس واتجهز وسار الجامعة وقلبه بيدور على فرح
📚 @rewayatyamania 🇾🇪
[٢٢/٢، ١٠:٣٥ م] null: .
البـارت 52 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
عند الحجة فاطمة سارت لا غرفة فرح تبسر قد سارت الجامعة لقتها مرتبة وفرح مابحدهي
سارت لغرفة رغد وقومتها ورغد قامت تفعل الصبوح ولقته جاهز دعت لفرح ودفت الصبوح وقومت اخوها واصتبحوا جمعة
علي: ذاحين يماه بين ابسر نسيتوا موضوعي
الحجة فاطمة: نساك الموت يا ابني محد نساك
علي: هوذا ماقد سرتوش لبيت البنت
رغد ضحكت: قدو مستعجل يماه
الحجة فاطمة ضحكت عليه
علي: ايوه اشتي اكمل نص ديني
الحجة فاطمة: من عيني تيه قبل تيه
اليوم عنسير عندهم يا ابني ولاتهم
علي: ايوه هكذا اطمنت
رغد: اصتبح سوا هاه
علي: اكيد ما ذاحين قد افتتحت الشهية
ضحكين عليه امه واخته
.
.
عند بسمة في المحاضرة بتفكر وكانت سارحة وفرح بتحاكيها
وهي مش مركزة
فرح قبصتها
بسمة: ااااح كسروا يدش لكن
فرح ضحكت: واخيراًمن اول مابتجاوبي من شدف حسش اعترفي
بسمة: مشو على وجهش
فرح: لهذه الدرجة صوت عمي قلبش قلب
بسمة ابتسمت: عتخليني اهجع
فرح: ايوه ايوه والله وحركات ياصاحبتي وشفتش بتحبي
بسمة: كله من تحت راسش
فرح: اهجعي خلينا نسمع المحاضرة
بسمة بسرتها بنص عين ورجعت تركز مع الدكتور
.
.
عند فادي وصل الجامعة وبيدور على من بتنافس نبض قلبه
بيحس انو يومه مابيكتمل من غير مايبسرها في نفسه شكلها في المحاضرة اكيد بس كيف شادرى اي قاعه ووين هي
كيف عتدرى يافادي كيفه
ضرب راسه ايوووه صح اسير ابسر الجدول
يا الله كيف قدني بدون حس
ضحك على نفسه وسار للمكتبه يشل الجدول ويبسر وين هي
@rewayatyamania المصدر الأول للروايات
عند فيروز
بعد ماسار زوجها وعيالها من البيت قررت تسير لاعند ام فادي وتصلح الأوضاع
.
.
في الشركة
أبو فادي: خالد قد جاء او لا
السكرتيرة: ايوه موجود في المكتب
ابو فادي: كلميه يجي لعندي
السكرتيرة: طيب
سارت السكرتيرة للمكتب حق خالد وكلمته أن المدير يشتي يكلمه
خالد: غريبه ايش يشتي مني وسار لعنده دق الباب ودخل
ابو فادي: حياك اللّـه يا خالد كيف حالك
خالد: الحمدلله وانت كيفك
ابو فادي: بخير ليش واقف اجلس وشل التلفون وطلب لهم شاهي
خالد مستغرب من اهتمام المدير
جلس على الكرسي: به شي تامر بحاجة
ابو فادي: بكلمك بكل شي انتظر بس
.
.
عند ام فادي
وصلت فيروز دخلتها
ام فادي: اهلا اهلا
فيروز وبتحس بنبرة سخرية منها: اهلا فيش
ام فادي: عاش من شافش
فيروز: تعيشي كيف انتي
ام فادي: له الحمد وانتي
فيروز: الحمدلله
وين انتي ولاعاد بسرتش ولاعاد بتجي عندي
ام فادي: انشغلت شوية قدني شاخطب لابني
فيروز اكتبدت: اهاه الله يوفقه بنت من
ام فادي: شارجع اقلش في وقتها
فيروز بغير نفس: ان شاء الله خير
الله يتمم لكم
ام فادي: آميين
فيروز بسرت ادوات منزلية جديدة في الحوش قالت تسألها
فيروز: حق من الكراتين اللي خارج او عتعزلوا
ام فادي: ماشي ولاعنعزل ولاشي هذا اللي اشتراه زوجي عشان نغير
فيروز: ماشاء الله
ام فادي: على الله بس يطلعين ادوات قوية
فيروز: ان شاء الله يلا الله يوفق ابنش في خطبته ويرزقه بنت الحلال
ام فادي: آمين يارب تسلمي
فيروز: الله يسلمش المهم يلا هاه انا شاقوم اروح قلت اجي ابدي عليش ( اجي اشوفش )
ام فادي: تسلمي ماتقصري
فيروز: خاطرش
ام فادي وبتحس انو فيروز لهجتها اتغيرت كيف لما جت وهي قالبه وكيف ذاحين: مع السلامة سلمي على بناتش حبيهن مني
فيروز: حبتش العافية
وروحت فيروز
.
.
في المكتب
السكرتيرة دخلت الشاهي
ابو فادي: هو الموضوع ومافيه أشتي اناسبك وازوج ابني ببنتك على سنة الله ورسوله
ابو فادي تغيرت ملامحه وخايف يخسر شغله
بسر المدير بنظرات غريبة وواضح من ملامحه الرفض
ابو فادي: ها ايش قالت
خالد في نفسه مستحيل اخليها تتزوج به بعد الذي بسرته لو يوقع ما وقع: رفع راسه اعتذر يا مدير بس مااقدرش ازوج بنتي بابنك
المدير: ليش ايش فينا بسرت فينا عيب او شي او ابني ناقص
خالد: مابسرت فيكم الا كل خير بس بنتي عيجوا يخطبوها ناس هذا الأسبوع وسل نفسه وخرج من المكتب
أبو فادي تضايق قوي وبنفس الوقت زعل على ابنه لان البنت الذي يشتيها عتنخطب لشخص ثاني
ابو فادي: الآن كيف اكلم فادي ايش افعل ياربي بس
.
.
عند فرح
كملت المحاضرة وخرجت من القاعة تشوف فادي
كانت تشوفه وترمش بطريقة مش مصدقة ان هو قدامها
بسمة بتبسر فرح مطننة دكمتها: مالش بنت
فرح عادهي بتبسر فادي
وفادي بيبسرها ومبتسم وبيشوف كيف ان هي فقدت تركيزها من طريقة صاحبتها
فرح: هاه هاه
بسمة: مالش وين انتي
فرح: معش معش يالغجة
بسمة: قدو باين
فرح سكتت
بسمة: يارب خراجك من صاحبتي النفسية هذه
فرح: ههههههه عادش عتجي عندي
بسمة ذكرت علي وضحكت
فرح: مااحلاش لوما تخزي ما اصدقش انش بسمة
بسمة بقصتها: ليش ماابسرتيني ياوقحه
فرح: ااااح يا وسخه كملتيني بقاص
فادي...
📚 @rewayatyamania 🇾🇪