في قلبي حكايه - 49/50 - مكتملة | روايتك

[٢٢‏/٢، ١٠:٣٣ م] null: . البـارت 49 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 فادي روح البيت وفرح شاغله كل تفكيره وفي وقت العشاء كان ابوه بيتحاكى مع امه وهو مش منتبه معاهم فادي ذكر: يماه بيت من هم اللي بتسيري عندهم ام فادي نجوى: بيت ...... ماذكرك بهم فادي انصدم وبنفس الوقت فرح ام فادي بسرته سكته: مالك بتبتسم فادي: هاه ولاشي ام فادي: ماذكرك بهم فادي: طلع زوجها بيتشغل في الشركة مع ابي ابوه بسر نجوى: صدق يامرة يعني تعرفيهم ام فادي: ايوه وطلبت منهم البنت لفادي وابنك مارضي فادي بمعاجلة: موافق موافق ام فادي بصدمة: احلف فادي: والله ابوه ضحك ام فادي بسرته: هيا مالك بتضحك ابو فادي: مابلا البنت شدفت حس ابنش كم قد لنا بنتراشاه يتزوج ام فادي: قلي انا كم قد قهرني ولا رضي ولما اعجبت بالبنت وبسرتها حالية ومناسبة له حاكيت اهلها بدون ما استشيره ابو فادي: هاه اللي حاكيتيني عليها وعلى اهلها ام فادي: ايوه فادي: انا شاسير غرفتي تصبحوا علـى خير ابو فادي: اللّـه معك ام فادي: تلاقي الخير وماعليك شي يا ابني شاخطبها لك وانت عتبسر انو ما اخترت لك الا البنت اللي ابسرتها مناسبة لك فادي ابتسم: اللي تبسريه يماه ابو فادي ضحك: اللي تبسره امم والا اللي بسرته انت اليوم فادي ضحك: المقصود من انا ومن امي ام فادي: الله يجعلها من نصيبك وخير لك فادي: يارب وطلع غرفته وهو بيفكر بفرح بس هذه المرة بيفكر فيها بكل حب وقدر انو يحدد مشاعره تجاهها وانو فعلا حب مش عشان ماوقع معاها او شفقة بس حب فيها شخصيتها وقوتها @rewayatyamania المصدر الأول للروايات ويوم ثاني الصبح قامت فرح صلت فجر وقرت الورد اللي بتقراه وبدأت تتجهز عشان تسير الجامعة رغد صلت فجر ورجعت ترقد بتهرب من التفكير الحجة فاطمة كملت تصلي وجالسة تدعي لفرح ورغد وبتدعي لعيالها فيروز وخالد وعيالهم راقدين وناسيين الصلاة سيف ومرته صلوا ورقدوا سعد ومرته صلوا وبدأ سعد يتجهز يسير للعمل ومرته بتتجهز عتسير بيت اهلها هي وجهالها علي صلى فجر وماقدر يرقد تفكيره كله في بسمة فادي صلى وقوم امه وابوه يصلوا وفتح حقه اللابتوب وبيراجع دروس بس كل دقيقة تمر عليه تكون فرح هي الاولة فيها سارت فرح الجامعة ودعت امها وعمتها قبل ماتسير وصلت الجامعة دخلت المحاضرة وكان الدكتور قد دخل وكانت بسمة حاجزة لها جنبها فرح بسرتها وغمزت بسمة بقصتها: حرام مافلتي لٱ بعد المحاضرة فرح: اااح والله لٱ اتصل لعمي يارجل الكلب بسمة: عادي اتصلي له لٱنتي تشتي تروحي جنازة اليوم فرح: بسم اللّه عليا عادني شادفنش بسمة تشتي تتحاكى الدكتور: اللي بيتكلم وبيسبب ازعاج عيتم طرده فرح وبسمة سكتين وركزين في المحاضرة مر الًصبح بهدوء على كل ابطالنا وفي العصر كملت فرح تتغدا ومنتظرة لعمها يجي يوصلها للعيادة الحجة فاطمة: ماقد جاش عمش فرح: ماشي يماه الحجة فاطمة: لما يجي وحاكيني شادخل داخل لوما يجي فرح: من عيني رغد: وانا عتجي والكل وغمزت لفرح فرح بقصت عمتها رغد: اااح ياخبيثة فرح ضحكت: تستاهلي رغد بتحاول تمسك فرح وفرح سارت تتخبى ورا امها الحجة فاطمة: حرام لو تعسي بنتي لٱ يوقع لش يوم احوس رغد: ايوه ايوه اتفقين عليا الحجة فاطمة: وانتي بكلش تشتي تضربيها رغد: مع بنصي خليني اعلمها الادب هذه الوقحة اللي بتقبص ( تقرص) الحجة فاطمة: قومي من عِندي خيرة الله عليش رغد بتحاول تمسك فرح وفرح بتمسك امها الحجة فاطمة شلت حقها العصية وضربتهن دلا فرح ورغد: اااااح يمااااه فرح ورغد ضحكين وكل واحدة بتقول للثانية تستاهلي الحجة فاطمة بسرتهن: اللي يبسركن يقول خوات مش بنت اخ وعمه فرح ورغد اتحاضنين والحجة فاطمة بتدعي لهن في قلبها سيف فعل رنة لاعند فرح ان قدو في الباب وخرجين عشان يوصل فرح للعيادة . . وفي العيادة فادي منتظر لفرح واول مادخلت قلبه بدأ يدق وهو مستغرب من نفسه حاول يهدأ من ارتباكه سلم على سيف وامه ودخل للمكتب ودخلت فرح بعده 📚 @rewayatyamania  🇾🇪 [٢٢‏/٢، ١٠:٣٤ م] null: . البـارت 50 ¤ فـي قلبـي حكـايـة للكاتبتين: ياسميـن أحمـد وإلهـام البحـري 👌🏻👇🏻 😍 📚 @rewayatyamania  🇾🇪 فادي بعد ماسأل عن حالها وايش سوت اليوم فادي: اليوم عتكملي لي اللي حصل صّح فرح: ان شاء الله فادي: اتكلمي وكأنش بتكلمي نفسش بصوت عالي ولاتهمي اي شي تشتي تبكي ابكي تشتي تنفعلي انفعلي المهم انش تخرجي كل الكبت فرح بغبنة وصوتها بدأ يتغير: ططييب فادي بسرها بهدوء وابتسم فرح بسرت ابتسامته وحست بطاقه ايجابية وبدأت تحكي له @rewayatyamania المصدر الأول للروايات فرح: في هذاك اليوم وانا بين اذاكر ولانو بيتنا وبالاخص البلكونة علـى الشارع كان به فكة تقدر تبسرها من البلكونة قريبة من الخط الرئيسي فادي بكل تركيز: ايوه فرح: خرج متر وفوقه اثنين واحد بيسوق والثاني معه سلاح فادي بيلاحظ كيف تعبيرات وجهها بدأت تتغير وبيشوف كيف بدأت تتعرق سحب فاين وناولها اخذت الفاين وهي بترتعش فادي: وبعدا ايش حصل فرح سمعت صوت الرصاص وشفت سيارة بيضاء اتخزقت من الرصاص اللي وصل لها فادي انصدم انو حصل معاها كل هذا كيف بنت بهذا العمر وشافت مثل هذه الجريمة وبهدوء وبنبرة فيها حنان وامان: كملي يافرح فرح وقدها عتبكي: ششففت دم وسمعت صوت مرة صاحت لحد اليوم اذني ماقدرت تنسى هذاك الصوت اللي صاحته بعد ماهرب المتر عمي علي كان في البيت هذاك اليوم خرج من البيت على هذه الجريمة اتخيل يادكتور فادي وقفت السيارة امامي بالضبط وعمي سار لاعندهم حضن واحد من المصابين كانو اثنين فوق السيارة اللي بيسوق واللي جنبه اللي جنبه وقع له رصاص خيرات تقريباً خمس  والسواق وقعين فيه ثلاث عمي لما حضنهم قدامي وبيحاول يوقف سيارة وهم مايرضوا كل واحد مفتجع يقولوا انو هو اللي قتل بعدها جوا عسكر ووقفوا سيارة غصب وطلع معاهم العسكري واسعفهم وعمي سار يبسر ليش متجمعين قدام الفكة الثانية ويشوف واحد مات ومرته جنبه وبتبكي وبتصيح وبتقول: ليش فلتني لحالي ليش ماكنتش اشتي اي حاجه غيرك ذاحين عتكون يتيمه انا وعيالك ااااااخ ياارب وتصيح وعمي علي لما روح العشي وقد هدأت سألته عن سبب صياح المرة وحاكاني وبعد ما اسعفوهم جاء البحث الجنائي وغلقوا الشارع وبدؤوا التحقيق وهذا يعتبر اخس موقف شفته وكان سبب في انو معدلي كان جيد بس فادي وقلبه بيتقطع وجع عليها: وايش فعلتي بعد مابسرتي هذا كله فرح: انصدمت وبعدها كانت تجيني كوابيس كنت اموت في اليوم ألف مرة لدرجة كنت اهلوس واحس انني شاموت واحس بشي يخنقني في الليل وما اقدر اتنفس فادي: وايش فعلتي لما اتجاوزتي هذا الشي فرح: كنت في البداية لما اجي ارقد ارقد قبل ماترقد امي يعني ارقد وعاد الكل سامر كنت كنت احس بالامان شوية بس اذا رقدت وقد رقدوا مايجيني نوم واجلس اهلوس ويجيني مثل الكافت فادي تنهد فرح كملت: بس عمي سيف ماخلاني لما كنت اتعب كان يخرجني هو وامي نص الليل نلوي في السبارة ونغير جو اروح علـى طول ارقد وهكذا يوم بعد يوم كنت احاول اشغل نفسي عشان ما افكر والحمدلله عديت هذك المرحلة وعلى فكرة يادكتور اقلك بشي فادي: اكيد فرح: كرهت الدراسة من لما بسرت نتيجتي هابطة لذلك لما تجي الاختبارات احس بفتور وما اقدرش اذاكر مثل اول فادي: طبيعي هذا يحصل فرح: كيف فادي: يعني مريتي بموقف مثل هذا فأكيد تكون هذه اثاره ولانش كبتي زاد هذا الشي بداخلش فرح نزلت راسها وبتحاول تمسك دموعها فادي: اعتبر ان هذا كفاية اليوم بس قولي لي فرح: ايش فادي:  كيف بتحسي ذاحين فرح باندفاع: ارتحت ذاحين مثل اللي كأن به شي ضاغط على قَلبي  والآن خف فادي ابتسم: وهذا اللي اشتتي اوصله فرح قامت: تسلم يادكتور فادي فادي بجرأة: الله يسلمش واجبي بس اشتي منش شي فزح: ايش اتفضل فادي: اشتي رقمش بحيث اطمن عليش لما ماتجي فرح ابتسمت وكتبت له في ورقه وخرجت من عنده الحجة فاطمة وسيف ورغد بسروها وهي مبتسمة بس به اثر لدموعها عمتها نبعت لاعندها: ماوقع قلي لي فرح بابتسامة: ولاشي رغد: على غيري الحجة فاطمة: كيف قد انتي يابنتي سيف: مافيها الا الخير يماه ومابسرناها تتحسن الا بفضل الله ثم بفضل الدكتور فادي الدكتور فادي خرج وشافهم واستأذن سيف انو يشتي رقم فرح بحيث يتابع حالتها لما ماتجي العيادة وادى له رقمها وهي بتبسر كيف شهامته وكيف انو طلب رقمها قدام امها وعمتها وعمها . . عند خالد بيحاول يبسر اي طريقة يتخلص من بنته ولا يشلها ابن المدير رغم ان خطته في البداية كانت على ابن المدير بس لما دري من هو ابن المدير الآن رفض وعيحاول يوافق باللي اتقدم لفرح عن طريق خالتها وامها المهم ماتتزوجه هو 📚 @rewayatyamania  🇾🇪