45/46
[٢٢/٢، ١٠:٣١ م] null: .
البـارت 45 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
فرح: المفروض تكون اول واحد ينتبه على نفسه لانك دكتور
فادي: طيب حاضر كنت امزح معش عشان اخليش تتحاكي قد اكلت
فرح بخزا: هاه طيب
فادي فتح اغنية ماجد المهندس "فهموه اني احبه فهموه وان مالي غير قلبه فهموه"
كان فادي يقصدها بكل كلمة
وفرح ماخفى عليها هذا الاحساس اللي وصلها
.
.
عند خالد بيتبرقط (بيجنن) يشتي يدرى مابتفعل فرح والوساوس بتكبر في راسه
.
.
عند الحجة فاطمة لا ليلها ليل ولا نهارها نهار بدون حس فرح في البيت
رغد: هذا يماه وهي سارت يوم وعترجع لو تتزوج ماعتفعلي
الحجة فاطمة: لو قد اتزوجت عتفتهن واركن ان هي فوق حاملها اما وهي عند الخالة قلبي بيدحس يا بنتي
رغد بوجع: ربش كريم يماه
الحجة فاطمة شلت نفسها وبتخطى بتعب واضح عليها بس هذه المرة تعب روحها مش جسمها
رغد في نفسها يعلم الله كيف انتي يافرح مابتفعلي يخ كيف البيت بدونش
عند سيف بيسأل على اللي اتقدم لرغد وماسمع الا كل خير عليه قرر انو يجمع اخوته العصر ويتجابر معاهم
@rewayatyamania المصدر الأول للروايات
عند فيروز جالسة في البيت لحالها بعد ماساروا عيالها بتفكر ايش حصل وهل مشيت الخطة على مايشتوا او مع
يعلم الله ماوقع في الشركة على الله بس اشتي تسبر الخطه هذه عشان تنقلع وتريحنا منها لكن والله ما سبرت تتزوج قبل ما ارفسها واربيها من جديد يعني تتزوج وهي مرتاحه مععع عادها عتبسر نجوم الليل وهي عتبسر لو هي بنت ما رجمتها امها من بعد ولادتها بس ماتطلع البنت الا على امها لو الام سابرة أن بنتها سابرة
.
.
فادي بيسأل فرح وين البيت وهي بتشرح له وصلها لعند الباب
فرح: خلاص هانا
فادي بصدمة: هذا بيتكم
فرح: هذا بيت ابي
فادي منصدم وفرح ملاحظة
فرح: مالك ايش به
فادي: تعرفي امي يعني
فرح: كيف اعرفها
فادي: امي صاحبة خالتش اذا
فرح: ايششش
فادي: ايوه تجلس تسير عندها وبعض احيان اوصلها انا
فرح في نفسها لايكون هي اللي بتعلمها عليا بس ما اعتقدش لا لا يافرح
فادي في نفسه شاتأكد بنفسي اليوم من امي وابسر بيت من اللي تجلس تسير عندهم
وقبل ماتنزل: فرح منتظر لش اليوم
فرح وداخلها عيطير: ان شاءالله شاجي
فادي: ان شاءالله
فرح: تسلم على كل شي
فادي: الله يسلمش مافعلت شي
غلقت فرح الباب ودخلت
وبالصدفة كانت فيروز جنب الطاقة بسرتها نزلت من فوق سيارة جديدة وضخمة نزلت على طول
فرح فتحت الباب وهي مبتسمة
فيروز: من هو هذا ياقليلة الحياء
فرح منصدمة مالها هكذا وليش بتسبها
فرح: مالش مابه
فيروز: وعادهي عتسأل مابه
قد قلة الحياء عندش ساع يوم العيد
لابتستحي ولابتقولي معي اهل
فرح: مالش
فيروز قربت من جنبها ومسكتها من راسها: ماعتجي على نهاية العمر تشمتي فينا الاعداء ياقليلة التربية لكن الحجة مش هي عندش عند جدتش وعماتش اللي خلوش ساع الجمل الهايج
فرح مسكت يدها ونزلتها: لا ذاحين وانا محترمة لش بس مش لانني شاقبل بكل مابتقوليه عليا
بس لانو تربيتي ماتسمح لي امد يدي على عجايز
ونزلت يدها وطلعت بتلف لداتها ونزلت: كما جاء ابي حاكيتيه
فيروز: وليش شانتظر ذاحين احاكيه
وشلت التلفون واتصلت له
خالد: هاه قولي لي وصلت فرح
فيروز: قصدك حقك قليلة الحياء
خالد طلع من المكتب: ومابه ماوقع يامرة
فيروز: جي لف قليلة الحياء حقك اللي بتنزل من سيارات خلق الله
خالد اتنهد: هاه المهم قد وصلت
فيروز: بنقلك مع رجال ونزلت من فوق سيارة
خالد: داري يامرة هذا ابن المدير
فيروز استوعبت: هاه
فرح بسرتها ودريت انو ابوها حاكاها
بسرتها من طلع لانازل وفتحت الباب وروحت
فيروز: مقلع
سمعها خالد: من بتحاكي
فيروز: هاه مابلا قالت تشتي تروح ماخليتها قلت ابسر من اللي جت معه بنقلها تتغدا مارضت وشلت نفسها وروحت
خالد: يعلم الله ماقد قلتي لها
فيروز: ماقلت لها هو عملي انا حين بين أتجمل فيكم
خالد: اسكه هجعيني من وجع الراس ذاحين وكما روحت لنا مجبر
فيروز: يلا هاه مع السلامة
خالد غلق التلفون: يارب خراجك
بسره واحد من الموظفين: هيا مالك
خالد: هكذا المزوجين
الموظف: يعني تنصحني ما اتزوجش
خالد: حرام انك مفتهن لاتتزوجش
الموظف ضحك وسار عمله
.
.
وصلت فرح البيت وحملت لعند امها
الحجة فاطمة حضنتها بقوة: حيا بروحي الغالي حيا
فرح وهي بتبكي: فقدت لش يماه
رغد سمعت صوت بكاء عند امها حملت بسرعة لعندها
وبسرت فرح في حضن امها: وهذه الربحة اي حين جت
فرح بتمسح دموعها وتضحك: ذاحين ياعمه الربحه
رغد: ومالش بتبكي وبتبكي امي
فرح: هي اللي بكتني
الحجة فاطمة: لاغيبش ياروحي الغالي
رغد: من لقى احبابه نسى اصحابه اومه يماه
فرح: ياالله والحسد
رغد: ...
📚 @rewayatyamania 🇾🇪
[٢٢/٢، ١٠:٣١ م] null: .
البـارت 46 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
رغد: من لقى احبابه نسى اصحابه اومه يماه
فرح: ياالله والحسد
رغد: هيا يا حجة قومي ادي لامي ماتاكل ماقد اكلت شي من تحت راسش
فرح شهقت: يووه ليش
الحجة فاطمة: مابش نفس
فرح: اسير ابدل واجي افعل اي حاجه وناكل جمعه
الحجة فاطمة: لا انتي عتاكلي فعلتي ماشي مااشتي شي
فرح: من عيني
رغد طرحت يدها على خصرها: ايوه ايوه وانا من الصبح بين اتراشاش مراشاة تاكلي وجت فرح بكلمة
الحجة فاطمة: هي كبدي ولو تشتي عيوني ماتغلى
فرح دمعت وحضنتها وفي نفسها: الله يحرمك من شي ويرزقك شي ثاني
صح انحرمت من حنان امي وابي بس لقيته في جدتي اللي هي امي مابتحرمني من شي وايش ماطلبت يكون معي وعندي يارب اجبرني بعافيتها ولاتحرمني منها وتفجع قلبي عليها
رغد: هيا قطبه اطلعي بدلي وجي عاونيني
فرح قامت وحبت راس امها وسارت تبدل
الحجة فاطمة بتحاكي رغد: ما احلاها في البيت
رغد: ايه والله نكهة البيت
فرح من وراها: مابتحشين عليا
الحجة فاطمة: بين اقلها كيف بتحلي البيت
فرح: فدا لش يماه
رغد: ماذاحين عتشتب ساع الشبيبة
فرح: يحق لي
رغد بقصتها وخطت: هيا قطبه
فرح: اااح ياعمه مالش عليا وجعتيني
الحجة فاطمة: مافعلتي بها يا رغد
رغد: مافعلت بها شي هي بقصه صغيرة
الحجة فاطمة: لا تسخي عليها قوا يا رغد
رغد: يوووه مااسخاش عليها غر بين امزح
فرح: أنا فدا لكن الله لا يحرمني منكن وقامت تجهز لهن الأكل
.
.
فوق السيارة
فادي: غريبة لازم اتأكد من أمي عتروح البيت وأسالها بكل شي
@rewayatyamania المصدر الأول للروايات
خالد سارح وبيفكر ذلحين كيف وليش هذا الشخص الذي كان معها وقع ابن المدير ليش تخرب كل شي في وجهي وماافعل ذلحين ياالله الذي فكرت به ماعيسبرش بسبب هذا اللغجه الذي ما يتسمى
وزد فعلت فوق الطين بله المحترمة فيروز يعلم الله ماقد فعلت
في وقت الغداء
كملت فرح وعمتها وامها يتغدين وعمها علي اتغدا خارج مع صاحبه
فرح: اقوم اتصل لبسمة ابسر ماوقع وما رأيها
الحجة فاطمة: ايوه يابنتي وقولي لها عنجي عندهم غطوة والا بعده
فرح: من عيني
رغد: يلا قومي هاه
فرح قامت وبتتصل لبسمة
عند اهل بسمة
امها بتحاكي ابوها
الام: عيجوا عندنا بيت ...
الاب: حياهم الله تعرفيهم والا كيف ما اعرفهمش انا
الام: صاحبه بسمة بنت ...
الاب: هاااه ايوه ماشاءالله ناس مرتاحين ومعروفين
الام: حاكيتك علاميد لاجوا يكون معاك خبر
الاب: ماعليش شي بين احس بشي بيني وبينش
الام: ماهو
الاب: قولي لي اول باقي معاهم عزب
الام وكأن هي فهمت مابيقصد: باقي واحد
الاب: هاه خلاص دريت سبب زيارتهم
الام: الله يكتب مافيه الخير وبيني وبينك حسيت من كلامهم انهم يشتوا يخطبوا
دخلت بسمة وهم سكتوا: السلام عليكم
الام والاب: وعليكم السلام
بسمة: هيا مابتحشوا
الاب: عليش
الام: موضوع كبير
بسمة ونبعت لعند ابوها: امانه مابه
الاب: غطوة بعده عتدري
بسمة بزعل: هيا ناهي اجلس اريع لاغطوة والا بعده
الاب: ماعليش الا تدري
بسمة: طيب شابسر
اشتي اقلش يماه غطوة او بعده عتجي فرح وامها وعمتها ومدري من عيجي معاهن قالين يتعرفين عليش اكثر
الام ابتسمت وابسرت لزوجها: حياهم الله
بسمة: مالش ضحكتي يماه
الام: ولاشي او حرام اضحك
بسمة: مع اضحكي بس
وابسرت لابوها وهو بيبتسم
بسمة: الله الله بيبتسموا اليوم ونظرات وحركات هذا وقدكم شيبات
الاب بسر جنبه دبه فاضيه شلها ورجمها وهي هربت وبتضحك ملان البيت
الام: اوريش ياوقحه وهي بتضحك
بسمة: خذوا راحتكم هاه وسارت مكانها وهي بتضحك: يارب لاتحرمني منهم ومن وجودهم
الاب: كيف شاتحمل غيابها لا جاء نصيبها وسارت
الام وهي بتدمع: مع ان هي مجنونه بس والله ان هي نكهة البيت
الاب: الله يسعدها
الام: آمين
.
.
عند سيف بيتصل لاخوته يجتمعوا عند امهم يشتي يتحاكى معاهم والكل في الطريق سايرين لاعند الحجة فاطمة
.
.
عند فيروز
وصل خالد وسار يغير لداته
وفي وقت الغداء
الكل بيتغدوا وهو بيبسر لعند فيروز وفي نفسه: يعلم الله ماقلتي لفرح لوما اتصلتي
فيروز بتبسره مفتجعه لاعاد يسألها ماقالت لفرح
وعيالهم بيتغدوا
كمل يتغدا: فيروز جي بعدي
فيروز بسرت عيالها: اسير ابسر ابوكم
بنات رفعين
الصحون للمدبخ (المطبخ) لوما يكملوا يتغدوا اخوتش ولا اسمع لكم صوت تمام
وسارت لعنده
خالد: ماوقع لوما روحت فرح
فيروز في نفسها: شاحاكيه باللي بسرته وبعدا هو يحكم
خالد: هيا مالش مطننه
فيروز: لا مطننه ولاشي
بس الصدق الموقف اللي ابسرته نرفزني
خالد جلس: اتحاكي والا اجلس اريع لكلامش ساع القطارة
فيروز : بيني وبينك كنت عند الطاقة وما ابسر لك الا فرح نازلة من فوق سيارة وفيها رجال وانا ابسرتها لوما سوم راسي
خالد: ايوه وبعدا
فيروز: ...
📚 @rewayatyamania 🇾🇪