في قلبي حكايه - 43/44 - مكتملة | روايتك

[٢٢‏/٢، ١٠:٣٠ م] null: . البـارت 43 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 خالد: فعلاً العيال كلهم هكذا الله يهديهم ابو فادي: آمين يارب ( ملاحظة خالد ما يحب يقول لفيروز كل تفاصيل يومه حتى الشركة مش عارف وين يشتغل لانه شديد ويشوف ان مرته مالها دخل في هذا الشي وهي لحد الان مش عارفه إن زوجها يشتغل في شركة زوج صاحبتها أم فادي ) بعد ربع ساعة وبعد انتظار وصل فادي للشركة السكرتيرة: تفضل فادي: وين غرفه الاجتماع السكرتيرة: نعم من حضرتك وليش تشتي غرفة الاجتماع فادي: من صباح الصبح تحقيق بين أقول وين غرفه الاجتماع أو فين المدير السكرتيرة: دقيقة بدق على المدير اكلمه انك تشتي تقابله غرفه الاجتماع ممنوع تدخل فادي بعصبيه: يا متخلفه أنا فادي ابن المدير يعني ماعندش خبر ان انا عتجي السكرتيرة: أعتذر عندي خبر وفكرتك جيت مع المدير تفضل غرفة الاجتماع نهاية الممر على يمينك فادي بسرها وسار لغرفة الاجتماع وفي قلبه استغفر الله يجي من يعكر مزاجك من صباح الباري وين فرح والله ان بسرتي لها من بعيد تخليني أروق ودق الباب ودخل غرفة الاجتماع وهو مبتسم بسر ابوه وابسر ابو فرح وتغيرت ملامحه والابتسامة اختفت وحس ان الدم جمد في عروقه وفي قلبه هذا ابو فرح هذا الشخص المتعجرف هانا ابو فادي بسره: مالك يافادي ونفس الشي حالة خالد عن فادي كان يبسره خالد بنظرات ملانها شر فادي بنبرة ثقة: ولاشي يا اباه أول شي السلام عليكم ابو فادي: وعليكم السلام فادي دخل وجلس على الكرسي وطرح رجل فوق رجل: عرفني من هذا اول مرة ابسره ابو فادي: هذا خالد موظف عندنا قد له سنين مسؤول الموظفين عندنا فادي: هاه تشرفنا يا .... خالد: خالد فادي: تشرفنا يا اخ خالد طريقة كلام فادي مستفزه له وبيحاول يكون هادي خالد: لي الشرف فادي في نفسه أتوقع هذا الشخص الوحيد الذي قابلته في حياتي وما اطيق اشوفه ومش مرتاح له أبداً لانه إنسان متخلف ومتسرع وظالم أمام الفتاة التي لم يرى قلبي مثلها كتحفة مختلفة جداً للتوضيح (لما كان يجي فادي مع ابوه العمل خالد ماكان يبسره وكان يجي فادي الشركة نادر وهذا أول اجتماع له لذلك لما بسره اليوم اتفاجأ انو ابنه) فادي: نبدأ الاجتماع ابو فادي: لا منتظرين يوصلين الاوراق حق خالد من البيت نساهن فادي بطريقة مستفزة: هذا اجتماع كيف ينسى الأوراق ابو فادي: مش مشكلة وحاول تكون رزين في كلامك مع الذي اكبر منك خالد سارح في تفكيره ومش عارف أيش بيقولوا وحس بضيق بوجود فادي في الاجتماع وقف: استاذ لو سمحت عتخرج مكتبي لوما يوصلين الأوراق ابو فادي: طيب خذ راحتك خرج خالد من عندهم وهو متضايق قوي @rewayatyamania المصدر الأول للروايات بعد عشر دقايق دخلت السكرتيرة لغرفة الاجتماع أستاذ الاوراق وصلين مع واحدة وفتحت الباب ودخلت فرح فرح اللي ماتوقعته وقع معاها شافت فادي فادي شافها ووقف وبعفوية: فرح انتي هانا فرح حمرت: دكتور فادي اهلا فادي: اتفضلي اجلسي اتفضلي ابوه بيبسرها ويبسر فادي سكته وشاف كيف ردة فعل ابنه لما بسر فرح ابو فادي: اتفضلي ماعرفتني يافادي من هذه فادي: زميلة في الجامعه يا اباه ابوه: اهلا وسهلا فرح مستغربة ليش ماقال لابوه ان هي بتزوره في العيادة وانها مريضته فادي: ماجاوبتيني ايش معش هانا اقدر اخدمش فرح بربكة: هاه ابي ابي هانا فادي: يعني انتي الذي اديتي الاوراق صح؟ فرح: ايوه ابو فادي: انتي بنت خالد فرح وهي متوترة: ايوه ابو فادي: حياش الله فرح: الله يحييك فادي في نفسه مش عارف ليش ابي طرح شخص متعجرف في شركته اخذ ابو فادي التلفون واتصل لعند خالد وقله يجي للمكتب خالد وهو في طريقه للمكتب: الله يشلش يافرح ويشل من يرركن عليش وصل المكتب دق الباب ودخل اتفاجأ مـــن اللي بسره بنته والشخص اللي بسره في الجامعه معاها ومديره في العمل كانت عيونه تخترق فادي بقوة ابو فادي: اهلا ياخالد هذه هي بنتك خالد: ايوه يا مدير ابو فادي: ماشاء الله قمر خالد وتركيزه على فادي ابو فادي بسر لعند خالد ولا وين بيبسر وبسره مركز لعند فادي ابو فادي: به شي يا خالد شكلك ما كنت مركز معانا أول هذا ابني فادي خالد وبقلق وربكة: اها ابنك الا الا كنت مركز بس مدري كيف وفي نفسه: قلنا نكحلها عنعميها ذاحين جني له عمر فادي بسره مطنن وفي نفسه: يعلم الله في ايش بيفكر لاعاد يفعل مشكلة لفرح فرح بتبسرهم سكته وفي نفسها: هذه صدفة والا مقدر والا ماهو يعني ابي يشتي يتخلص مني وفي الاخير يطلع فادي خيرة الله بس خالد متنرفز بأقوى قوته وفرح ملاحظة كيف نظرات ابوها لفادي فادي بيبسر فرح وفي نفسه ياريت وادرى ايش بتفكري فيه ذلحين ابو فادي: كملت ياخالد العمل اللي قلت لك خالد وهو مش مركز و... 📚 @rewayatyamania  🇾🇪 [٢٢‏/٢، ١٠:٣٠ م] null: . البـارت 44 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 ابو فادي: كملت ياخالد العمل اللي قلت لك خالد وهو مش مركز وحسه كيف انو خطته انقلبت ضده ابو فادي: خالد مالك فرح بسرت لعند ابوها وهزرت يده خالد: ماتشتي فرح: المدير من اول بيسألك خالد: هاه عفوا يامدير ماقلت ابو فادي: بين اقلك كملت عملك اللي قلت لك تفعله خالد: ايوه ايوه هوذا الاوراق وشلها من يد فرح ومكنه ابو فادي تقدروا تجلسوا على الطاولة الثانية لوما اتناقش مع خالد ورجع نكمل الاجتماع معك فادي: طيب وجلسوا على جنب وبيشرح له وفادي وفرح جالسين على جنب فادي: ليش ماسرتي الجامعة فرح بتجاوبه وهي مفتجعه من ابوها لا يفهم غلط فرح وهي متلبكه: هاه ابي ابي يشتيني ماسرتش اليوم وانت ليش ماسرت فادي ابتسم وفي قلبه نفس الشي سبحانه الله احلى صدفه في حياتي تمر وبسر لعند فرح وفهم ان هي مفتجعه من ابوها وباين من توترها فادي: ابي يشتيني وغالباً اجي يوم السبت معه للعمل فرح: هاه الله يوفقك فادي: الجميع حس فادي انو وجوده ماله لزمه فادي: ينفع اروح يابه واذا به شي مهم تكلمني ابو فادي: طيب الذي يناسبك بس لو كان جلست بيكون افضل فادي: لا راسي يوجعني عتروح ابو فادي: طيب فادي استأذن من ابوه وفرح شافته وابوها قال لـها تروح ابو فادي: وصلها معاك يافادي خالد: مايحتاج يتعب نفسه يامدير ابو فادي وعاجبه الوضع انو ابنه بيتعامل بمرونه مع بنت لاول مرة: ولاتعب ولاشي او انَت عندك اعتراض او شي خالد بخوف انو يخرجه من العمل: مع مع خلاص يافرح خلي فادي يروحش ولما توصلي طمنيني فرح بسرته باستغراب كيف سمح لـها تسير معه لوحدهم وبرضاه شوية وقالت في نفسها هو بيدور يتخلص مني والله لو يخليني اسير المريخ معه بس كيف الاقدار بتمشي ومحد داري من كان يتوقع انو فادي هو نفسه ابن المدير اللي بيشتغل عنده ابي ابو فادي: سيري يابنتي عيوصلش فرح بسرت بخوف لعند ابوها: طططيب ابوها اشر لها ان هي تسير فادي مستمتع باللي بيحصل فرصة وجت له وقدام ابوها وفارح مــن قلبه ان هي عتكون معه وخرجوا مع بعض من الشركة وطلعت معه فوق السيارة وجلست في الكرسي الخلفي وابو فادي قلبه بياكله وافكاره مشتتة وبيحاول يكون تمام التمام عشان عمله @rewayatyamania المصدر الأول للروايات فوق السيارة فرح: لهذه الدرجة وجودي وجع رأسك لو كنت عارفه انك موجود ما جيت فادي: لااا مالش يا هبلا أنا كنت اشتي اخرج متضايق من وجود ابوش قدش داريه بكل شي فرح: اها طيب فادي لمن قالت له فرح لهذه الدرجة وجودي وجع رأسك تذكر اغنية بسر فرح في المراية وقال لها:  فرح مروق أنا عادي افتح المسجله بعد اذنش يعني فرح: عادي خذ راحتك شغل المسجلة والأغنية كانت ( دايخ بيك أحبك يا وجع راسي دايخ بيك إنت يا هوا أنفاسي قفلت عليك أني بقلبي وإحساسي وأسولف بيك أقول لهم هذا أعز ناسي وإلك أشتاق شوق الطفل للشبكة وإلك أشتاق مثلك قل لي وين ألقى ) فرح ابتسمت وفادي مركز عليها في المرايه فرح في نفسها معقولة يقصدني بهذه الاغنية وليش هذه الأغنية بالذات اختارها فادي: أنا كل يوم بدأت افهم مشاعري لفرح وأحس ان انا فعلاً بدأت احبها بس كيف وليش ياربي أنا روقت لمن بسرتها وسبحان الله اول مادخلت الشركة قال هي الوحيدة الذي عتخليني اروق وفعلاً جت عشان اروق فادي حب يقطع جو الهدوء وطى (قصر) صوت المسجلة وبنبرة كلها امان: فرح عتجي اليوم موعدش صح فرح وهي مازالت بتفكر فيه ما سمعت شي فادي ابتسم وفهم انها بتفكر وفي نفسه ياريت واكون انا اللي شاغل بالش وقف السيارة ونزل يشتري سكريم فرح انتبهت ان السيارة وقفت: وين سار هذا ماكملت تقول هذه الكلمة الا وهو فاتح لباب السيارة ناولها الكيس فرح: ماهو هذا يادكتور فادي: اولا اسمي فادي قولي اسمي عادي مابش بيننا رسميات ثانيا هو سكريم ما اديتش طلي وضحك فرح ضحكت وبهدوء: تسلم فادي: اخترت لش نكهة الفرولة تعجبش فرح وهي فارحة: ايووه ايووه تعجبني فادي ابتسم وهي حست على نفسها والتفتت للطاقة بتبسر عشان تخفف من احراجها فادي فتح العلبة حق السكريم وبياكل فادي: لحظة لحظة انتي قد اصتبحتي والا ماشي فرح وبتأكل برواق: ايوه اكلت وجيت لعند ابي على طول وانت اكلت والا على معدة فاضية فادي وهو فارح بإهتمامها: ماشي فرح شهقت: خلاص بس لا تاكل السكريم ووقف عند اي محل وكل اي شي فادي وهو مستمتع: مابش نفس ابسرت السكريم وخورت فرح: ماينفعش هكذا عتتعب فادي: سهل مشكلة يوم يومين وبس فرح: المفروض تكون اول واحد ينتبه على نفسه لانك دكتور فادي: ... 📚 @rewayatyamania  🇾🇪