37/38
[٢١/٢، ٨:٤٨ م] null: .
البـارت 36 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
فيروز بتلاحظ كيف خالد مطنن: مالروحي مطنن او عليه شي هموم
خالد ضحك: لو تدري في ايش بين افكر
فيروز باهتمام: مابه قول لي
خالد: بين افكر ازوج فرح افتهن واتخارج منها ومن مشاكلها
فيروز: كيف لوما
خالد: واحد مفتهن ومزلط يعني عتفتهن وانا افتهن
فيروز في نفسها مع انني ما اشتي ابسرها مفتهنة لكن قدو نتخارج منها وابسرك هكذا معانا ماتقصرش
خالد: هيا من بين احاكي
فيروز: هاه معاك معاك ابن منو هذا قد تقدموا
خالد: ماشي بس قلت شاخلي فرح تجي للعمل ويبسرها قدش دارية هي حالية
فيروز: ماقلت لي من هو
خالد: ابن المدير
فيروز شهقت: ابن المدير بكله وياسعم عيبسر بنتك
خالد بقلبة: ليش مالها او فالته
فيروز افتجعت: مع مشو قصدي هكذا
خالد: كان ماقصدش
فيروز: يعني لو يوقع نصيبها تحمد الله
خالد: ايوه اكيد وقدو تخارجنا والكل
فيروز: اي حين عتحاكيها
خالد: يوم الجمعة نسير تبسر امي واشلها وتمسي للسبت ونبسر ماعيوقع
فيروز: اي حين تشلها
خالد: نشلها معانا يوم الجمعة وتمسي للسبت ابن المدير عيجي السبت
فيروز: يلا سابر لاقد الا عتوافق
خالد: لو يوقع اللي في راسي توافق وغصبا عليها مشو برضاها
خالد: يلا اقوم افعلي غفوة لابعدا واقوم اصلي عصر ونخزن جمعة
فيروز: تمام اسير اغسول وارجع
خالد: يلا ټمـٱم غلقي الباب وقولي للجهال ولا اشتي اسمع صوت
فيروز: تمام يلا خرجت وغلقت الباب
بتصيح: عمر ياعمر
عمر: ها يماه
فيروز: ابوكم رقد ولا أسمع لكم نخس حاكي اخوتك سكته
عمر: حاضر
فيروز: داعي رهف تجي تعاوني
عمر سار ودعى اخته تسير تعاون امه
وسار يلعب بلاستيشن مع اخوه ايمن
@rewayatyamania المصدر الأول للروايات
عند منى بتتصل لسليفتها نور
منى: كيف انتي ياعايبة ولاتسألي ولاتقولي وين هي سليفتي
نور: والله انش في حسي لكن مابش رصيد ما افعل
منى: خيرة الله
نور: طمنيني كيف انَـتي
منى: مالي شي وانتي
نور: له الحمد بنمشي في الدنيا هذه
نور: مابه
منى: شكلهم عيخطبوا رغد
نور: اسألش بالله
منى: والله
نور:مادراش
منى: ابسرتي لوما سرنا عرس بيت ...... هذك اليوم جت مرة لاعند عمتي
نور: ايوه
منى: عمتي ماكنتش مركزة معاها وكانت تشتي تروح
نور: ايوه ايوه اذكر وبعدا ماوقع
منى: قولي ياطويلة العمر روحت عمتي وانتي سرتي تسلمي علـى معارفش وانا جلست هانك مريعة
ما ابسرتها الا جت وبتسألني من بيت من احنا ووين بيتنا وشلت رقمي قالت تشتي تجي عندنا
نور: الله يسخر لها مارغد
منى: آمين
نور: واتواصلتي معاها
منى: ماشي قلت اريع لوما تتصل هي
قد شلت رقمي
نور: الله يجعل في ذلك الخير
منى: يارب
نور: ان شاء الله تتصل ويوقع خير
منى: ايش رأيش او ارجع اتصلها تجي عندنا الجمعة
نور: غطوة
منى: ايوه غطوة
نور: عادو احسن شاجي انا والكل وقدو نلتقي هاه
منى: تمام نزيد نبسر فيروز واجتمعنا كلنا
نور: عادو اطعم
منى: يلا كان خاطرش اتصل لسيف ابسر وين هو
نور: في وداعة الله بيننا الجمعه هاه
منى: ان شاء الله حبي عيالش
نور: حبتش العافية وانتي والكل
منى: يوصل
.
.
في البيت
رغد: يووووه جبر قلبي بك يااخي والله انك فعلت فيني خير كان مابش نفس افعل حاجة مالي شي حين قد خبزت
سيف: هيا ناهي لش ياسعم ماقد فعلت لو تشتي حرام لادي لش روحي انتي تامري بس كم معانا رغد
فرح سمعتهم ودخلت: هيا ماهو للرمسسه ماقد به معانا
رغد بضحكة: حاجة بين اخ واخته أنتي مادخلش
فرح: الا لي دخل عاد عمو سيف اخي وابي وروحي الغالي وبتغمز له
سيف: الله مااحلاكن وانتين بتتحانكين عليا وتدلعني هيا بسرتين ليش اشتي اتزوج ثنتين
رغد: يوووه شلوك ثنتين مه لاعاد تسمعك مرتك هجعنا ماهي بتصدق بسرعة خلي لها حالها
فرح: ههههههه ومافيها لو تزوج الشرع حلل الربع
رغد: حللوا عظامش لو تسمعش منى لا تنتف شعر راسش
فرح: ناهي يا خبلا هو غر بنمزح بس بيني وبين عمتي منى تسوى الدنيا ومابش فيها سخى
.
.
في البيت
فادي في غرفته جالس وبيغير ملابسه
دقت الباب عليه أمه ودخلت
فادي حب رأسها: عاد احنا في خير ما دام وعاد احنا بنبسرش بتسيري وتجي في هذا البيت
ام فادي: أنا فدا لك الله يرضى عليك مثل ما قلبي راضي عليك
فادي: آمين يارب
ام فادي: وعاد قلبي عيرضى عليك قوي لو وافقت بهذه البنت لو تبسر مااحلاها يا فادي اقسم بالله انك تبسر لوجهها وينشرح صدرك
فادي تذكر فرح وابتسم ابتسامة تشق شفتيه
وفي قلبه بس يمه انا بتشرح صدري واحدة ثانية واحده أخذتني مني
ام فادي: مالك ابتسمت كأنك فرحت مدري كيف
فادي: مع يمه مش وقت هذا الموضوع ولما ابتسمت بين ابسرش مااحلاش
ام فادي: منك صدق يا فادي ذلحين بين احاكيك من شي وانت حسك في شي ثاني يعني ماتشتيش امك تفرح بك قبل ماتموت
فادي: ...
📚 @rewayatyamania 🇾🇪
[٢١/٢، ٨:٤٩ م] null: .
البـارت 37 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
ام فادي: مالك ابتسمت كأنك فرحت مدري كيف
فادي: مع يمه مش وقت هذا الموضوع ولما ابتسمت بين ابسرش مااحلاش
ام فادي: منك صدق يا فادي ذلحين بين احاكيك من شي وانت حسك في شي ثاني يعني ماتشتيش امك تفرح بك قبل ماتموت
فادي: اوووووص يمه الله يجبر قلوبنا بعافيتش وما يحرمنا منش
ام فادي: آمين يارب خلاص ابرد لك لو انا داريه ما حاكيت المره ودخلت راسي في موقف شوعه مثل هذا
فادي: ماهو للمه تتحاكي يمه للمه بالاصل اول حاجه تحاكيني تبسري ما عتقول لش
ام فادي طنشته وخرجت وغلقت الباب وهي متضايقه لانها عجبتها فرح قوي
فادي تضايق لان أمه تكلمت بدون أذنه أو بدون ما تستشيره
الله يسامحش يمه انا بين احاول افهم شعوري بين احاول اوصل للذي يشتيه قلبي وعقلي اشتي اتأكد من هذا الشي قبل ما افعل شي واندم عليه وانتي تفعلي شي ثاني وامتد فوق السرير بعد إرهاق اليوم ورقد
@rewayatyamania المصدر الأول للروايات
في البيت
رن تلفون سيف
ضحك اذكر الحمار وفي يدك صميل
رغد ضحكت: الله يقلعك يعني مرتك حمار
سيف: اوص اوص لا تفضحينا وجاوب التلفون الو
منى: يا قلبي كيف حالك
سيف: بخير الحمدلله
منى: وين أنت
سيف: في البيت عند أمي هوذا اشتريت غداء وعتجي بعد شويه
منى: يلا تمام مريعة لك
سيف: حاضر وغلق التلفون
فرح: تغدا معانا
رغد: انتي خبلا يتغدا معش ويفلت المنى حقه
سيف ضحك: بسرتي كوني فكري ساع عمتش المعرصة
فرح: ايوه عمتي معرصة من زمان عادك غر دريت هي خبزي وعجيني
سيف: يلا شدخل لعند أمي وارجع شارحلي خاطركن
ودخل لعند أمه
سيف حب راسها: كيف حالش يمه
الحجه فاطمة: بخيره يا كبدي الله يجبر قلبي بعافيتكم
سيف: في نفسش حاجة
الحجة فاطمة: ايوة ام فادي الذي تقدمت المرة الاولة لفرح تقدمت مرة ثانية في العرس وبيني وبينك قالت لي ان فيروز قالت لها ان فرح كسلة وانها بنت مش سابره ويمكن عينها على أحد في الجامعة
سيف: ماهووووووو هذا الخبر يمه من قال لش
الحجة فاطمة: ام فادي
سيف: عليا انا شاخليها تندم على كلامها
فرح ورغد سمعت صوت سيف ارتفع ودخلين: مالكم مابه
سيف: مابه شي خاطركم وخرج
فرح بتذكر كيف عمها اتصل للدكتور واجل الموعد وكيف حست بزعل لانو الموعد تغير
.
.
صباح يوم الجمعة
قامت فرح وهي بتفكر ورجعت بذاكرتها لأمس لما سمعت صوت عمها وهو بيصيح
وامه بتهديه
رغد وفرح: مابه
سيف بسر لاعند فرح وبكل وجع: والله لٱ اربيها والا ما اكون عمش سيف وخرج
فرح بسرت امها: مابه يماه ماله عمي سيف
رغد: اتحاكي يماه ماوقع
الحجة فاطمة: تذكرين هذك المرة اللي كانت جالسة جنب فيروز
رغد: ايوه
فرح: مالها
الحجة فاطمة: ابنها دكتور ويشتي يخطب فرح وخالتها سارت تقولها ان هي كسلة وعينها على واحد في الجامعة
فرح في نفسها ولو بيدها لاتخليني سمعة
رغد: يووه على يهودة فيها هذه الخبيثة ماتشتي
الحجة فاطمة: تشتي ترجع عندها تخدمها لكن بعيد عليها
رغد: الله يجبرنا بعافيتش ويسخر لها
الحجة فاطمة: الله يسخر لكن كلكن
فرح شلت نفسها وطلعت غرفتها وهي متضايقة
شوية سمعت رسالة وصلت لها وان هي من عمها سيف بيعتذر انو ماعيقدرش يجي لها وقد بلغ الدكتور انو لغى الموعد
فرح قرت الرسالة وزعلت كانت محتاجة تتكلم معه كانت محتاجة له قوي
نكزت من افكارها وسمعت صوت عمتها: هيا قومي شرق نشتي نكمل عملنا هيا اقطبي اليوم ضيوف عاد احنا نشتي نفعل حلا احتركي
فرح: يلا ذاحين اصلي ضحى وانزل ياعمة قد قامت امي
رغد: من بعد الفجر ماعاد رقدت
فرح: وانا كملت اصلي واختمدت عادني نكزت
رغد: نوم العافيه يلا هاه قومي اليوم نسوان اعمومش والنسوان عيجين
فرح: يلا هيه
.
.
عند خالد
قامت فيروز رتبت البيت وقومت جهالها وسوت الصبوح وسارت تقوم زوجها
وبعد ماكملوا صبوحهم
خالد: رهف يابنتي اليوم انتي والا رنا ارقدين في القاع اختكن عتجي اليوم وتمسي عندنا خلنها ترقد فوق السرير
عمر برطين: ماتجي تفعل
ايمن: اصاه لايسمعك يقوم يطنطنك
عمر: ناهي لك اهجع ماتجي تفعل حن قد احنا مفتهنين تشتي تجي يخخ
ايمن: عادهي اختك الكبيرة
عمر: اختك انت مابش معي الا رهف ورنا بس
خالد: هيا ماللرجال حقي بيرطنوا
عمر بضبح: ولاشي
ايمن: هاه مابش شي يا اباه مابلا قلنا حالي حن عتجي عندنا
خالد: الله يصلحكم يلا قوموا اتجهزوا نسير نشتري مصروف نفعل غداء ونشله صلا جدتكم
فيروز بقلبة عيون ورطين: ياسعم لو يفعلين الغداء هن ماعيوقع بهن
خالد: هيا مالهم بيرطنوا
فيروز: ولابه شي اشتروا المصروف
خالد: يلا نص ساعة اسير بساعتي اتحمم والجهال يلبسوا ونسير نشتري يجي بعد الصلاة وقد احنا خاطيين صلا بيتنا
📚 @rewayatyamania 🇾🇪