1 /2
روايه ياحوريه ياحوريه الحقيني
[١١/٢، ١٠:١٨ م] null: 1
_يا حوريه يا حوريه الحقى
_جرا اي يا بنت المل.هوف مالك فيكي اي
_الحقى اصحاب القصر على اول البلد جايين البلد النهارده والعمده عاوزنا نروح نروقه
حوريه وهى عوزا تضربها:ودا اللي مخليكي ملهوفه كدا يا مجنونه انتى صدق اللي سماكى بنت الملهوف
فاطمه :انتى ناسيه إن كان حلمى ادخل القصر دا
حوريه:طيب وانا مالى انتى عارفه انى بطلت اخدم في البيوت ..
_ارجوكى يا حور تعالى معايا اخر مره وبعدين مش هطلب منيكى حاجه واصل
_واخويا انتى عارفه هوا محرج عليا من ساعت اللي حصل اخر مره
_يبنتى أنا بقولك مفيش حد في القصر هنخلص قبل ما حد يجى ومحدش هيعرف وكمان في فلوس حلوة تجيبيلك بيهم هجمتين بدل اللي عليكي دول دابو من كتر الغسيل واللبس
حور اتنهدت وهزت راسها بماشى وهى حاسه بالخوف مش عارفه اي مصدره..
دخلت القصر وهى بتبص لكل ركن فيه بانبهار وفاطمه دخلت تساعد الستات اللي كانوا بينضفوا بما أن القصر كبير فكان في اكتر من واحده بينضفوا..
في المساء ..بعد ما خلصوا اللمسات الاخيره ..
فاطمه:شايفه القصر بينور ازاي اااه ياما نفسي اعيش في مكان زي ده ويكون حواليا الخدم والحشم وامر واتأمر
_احلمى يا اختى احلمى احنا اللي زينا مش مكتوبلهم يعيشوا في قصر زي دا احنا اخرنا الخوص وكدا نبقى مرتاحين كمان..
_احلم يا اختى ما احلمش لي دانا حتى حلوه وبيضه ومدوره والف مين يتمناني..
_امال يلا يا اختى أنا هجيب الكندوره بتاعتى واجى تكونى خلصتي احلامك دي..
حوريه طلعت تجيب الكندوره بتاعتها وكانت فاطمه واقفه تتفرج على القصر بانبهار
_يا تري بقى الناس اللي جايه دي فيهم شباب حلوة كدا ولا كلهم عواجيز..
سمعت صوت من وراها وكان صوت الغفير
_انتى واقفه عندك بتعملى اي يا بنت الملهوف انتى
فاطمه اتوترت ونسيت نفسها:ممفيش حاجه أنا كنت خلصت تنضيف وخارجه اهو
_طيب يلا انجلعى من اهنه علشان الناس صحاب القصر على وصول ..
_حاضر..
خرجت فاطمه بسرعه من القصر ...والغفير قفل الباب ومشي..
حور نزلت من فوق بعد ما جابت الكندوره بتاعتها بس الصدمه أنها لقت الباب مقفول عليها ..
فضلت تدور على مكان تخرج منه ملقتش ولا مكان ..
كانت خايفه جدا وقلقانه بصت حواليها برعب كانت الدنيا ضلمه وخافت اكتر لما لقت الباب بيتفتح..
من غباءها دخلت استخبت في المطبخ...
كانت سامعه اصوات كتير بتدل على وصول اصحاب القصر..
_واااو يا مامى أنا فرحانه جدا أننا هنقضى الاجازه هنا
عايده :روح مامى تأمر يلا اطلعى اوضتك نامى علشان الصبح تكونى فايقه وانتى بتتفرجى عالبلد وخدي نسرين معاكى
مي :حاضر يا مامى يلا يا نسرين..
وطلعوا..
حور همست بتريقه:منك لله يا فاطمه يا بنت الملهوف لما اشوفك بس عالزنقه اللي أنا فيها دي...
وحطت ايديها على بقها وهى بتتاوب:أنا بقول اريح شويه لحد ما المياعه دي تخلص علشان البت دي قلبت معدتى...
زين بنعاس:أنا كمان هطلع اريح علشان تعبت من السواقه..
عايده:استنى اتصل ب اخوك الاول علشان اتأخر اووي وعيب اكون جايبه نسرين معانا وهوا ميجيش..
زين:ماما انتى عارفه آدم كويس عنيد ومش هييجى الا لما يخلص الشغل اللي وراه كله ...
عايده:أنا مش عارفه طالع عنيد لمين!أبوه مكنش كدا
زين:من الواضح أنه طالع عنيد لحد تاني يا ماما ههههه
_قصدك اي يا ولد
_مفيش أنا هطلع انام
زين طلع وعايده طلعت هى كمان..
وفي ثوانى عم الهدوء القصر...
كانت نايمه في المطبخ في المكان اللي استخبت فيه..
فاقت على صوت عربيه بتعلن وصولها القصر .
_ييييي أنا اي خلانى انام هنا وكل دا زمان اخويا بيدور عليا اااه يا حوستى..يانا..
سمعت صوت حد داخل مع طلوعه السلم
_انا لازم ااقوم امشي حالا ..
قامت جري ووقفت عند الباب ولسه هتفتح
_انتى مين؟
همست:انا لله وانا اليه راجعون روحت في داهيه..
يتبع
https://whatsapp.com/channel/0029VaGg0x63AzNRmRSoI107
روايات كل يوم رواية جديده 💖،،
[١١/٢، ١١:٠٥ م] null: 2
_انتى مين؟
همست:انا لله وانا اليه راجعون روحت في داهيه..
سمعت صوته تاني:بقولك انتى مين وبتعملى اي هنا
حوريه:١،٢،٣ خدت نفسها ولفتله..
ادم بصلها من فوق لتحت وهوا بيتفحصها:انتى بتعملى اي هنا في وقت زي دا..
حور خافت من نبرته وهوا قرب منها:انطقى بدل ما اخدك واوديكي للعمده يتصرف معاكى
حور بدموع:لا وحياة الغاليين عندك أنا كنت هنا مع اللي بينضفوا وقفلوا الباب عليا ومعرفتش أخرج ارجوك خرجنى من اهنه..أنا مش حراميه
قربت منه ومسكت أيده :خرجني من هنا الاهى تكسب..
ادم حس برعشه في جسمه غريبه اول مره يحس الاحساس دا غمض عينيه بعصبيه وفتحها وبعدها عنه..
ولسه هيتكلم لقى نور القصر بيتفتح..
وعايده بتتكلم:ادم انت جيت يا حبيبي..
ادم خد ايد حور ودخل بيها المطبخ .
كانت واقفه قدامه وهوا حاطط أيده على بقها علشان متتكلمش..
هى كانت خايفه ومتوتره وحاسه أن قلبها هيقف من الخضه..
ادم كان باصص في عينيها اللي سرح فيهم للحظه وسمع صوت عايده
_شكله لسه مجاش معرفش الولد دا طالع عنيد لمين..اوووف وطلعت...
حوريه فجأه عض*ت أيده.
ادم بألم:اه ي عضا*ضه
حوريه:انت بقى العنيد اللي بيقولوا عليه والصعب على المنال والبت المسهوكه اللي اسمها نسرين جايه تتمسح فيك
_اى دا انتى عرفتى كل دا ازاي
_انت ناسي انى كنت مستخبيه وسمعت كل حاجه
ادم :امممم طلعتى بتلمعى اوكر كمان
_لا والله الكلام اللي جالى لحد عندى ..
_طيب يلا علشان اخرجك
جاي يمسك أيدها زقته:ايدك لاقطعهالك انت هتستحلاها ولا اي احنا اه خدامين بس بشر*فنا
ادم يصلها بذهول كل دا علشان مسك ايديها...
وسع ومشي هوا الاول وهى وراه ..
لحد ما خرجت من القصر..
حوريه:تسلم يا باشا ربنا ما يجعلها عودة تاني ولا ادخل القصر النحس دا ...
ادم كتم ضحكته ودخل وهى مشيت..
دخلت البيت وهى بتتسحب وبتدعى جواها أن اخوها ميكنش صاحى..
_كنتى فين..
همست:أنا كل شويه حد يخضني كدا هقطع الخلف..
عمار بعصبية:بجولك كنتي فين ردي عليا
حوريه بتمثيل:البت فاطمه كانت تعبانه وكنت معاها غلطانه يعنى أنا انت عارف البت يتيمه عاوزها تقول عليا اي غداره ومش صحبتها
عمار حس انها صادقه قرب منها وحضنها:انتى عارفه انى بخاف عليكي من الهوا الطاير متزعليش من اخوكي يا حوريتي
_خلاص مسمحاك هدخل انام بقى..
تاني يوم كانت حوريه قاعده في مكانها المعتاد
فاطمه جت :حوريه أنا اسفه
كانت زعلانه منها على اللي حصل وأنها سابتها ومشيت..
مردتش عليها..
فاطمه:والله الغفير جه وانا خفت منه ومشيت وحاولت ارجعلك تاني لقيت الباب مقفول بحسبك خرجتي معلش سامحيني..
حوريه :متكلمنيش علشان انا مقموصه منك أنا كنت هروح في داهيه امبارح
_اسفه يا حور سامحيني
بصي حتى جايبالك اي
حور بصت لقت معاها عودين قصب
حور:لي كدا جيتي عالجرح خدتهم منها وبدأت تاكل
_خلاص سامحتيني
_يبت أنا مقدرش ازعل منك انتى اختى..
في الوقت دا كانت مى ونسرين بيتمشوا وشافوا حوريه وفاطمه وهم بياكلوا قصب .
نسرين باشمىزاز:هم بياكلوا اي اي اللي بيعملوه ده ياااي
مى:نسرين انتى مش في القاهره الناس اللي هنا فلاحين وكل واحد ليه طريقته
فاطمه شافتهم
_شوفي يا حور بنات البندر عاملين ازاي حلوين اووي
_يحبيبتي دا كله صناعى أما احنا طبيعي والطبيعي يكسب يبت انتى شايفه البت الطويله الهايفه دي حاطه منافيخ علشان تبقى بالجسم دا
_تؤ معتقدش دي البت فرسه
حوريه بصتلها بغيظ:هاتى يبت الحته اللي انتى قشرتيها دي علشان مزعلكيش
_لا أنا اللي قشرتها وانا اللي هياكلها
_فاطمه متعصبنيييش
نسرين كانت قريبه منهم وحوريه وفاطمه بيتخانقوا..
نسرين:شايفه بتتكلم ازاي سوفاج
حوريه سمعتها:بت يا بطه يعنى اي سوفاج
فاطمه:يمكن بتشتمك بامك
حوريه بزعيق وهى بتقف:لااااا الا امى
وقربت من نسرين بغضب وجابتها من شعرها..
_بقى أنا سوفاج بتشتميني بأمى يا بت ..
وكانت بتض،رب فيها ومى وفاطمه بيحاولوا يبعدوها عنها لكن حورية لما صدقت..
فاطمه:خلاص سبيها يا حوريه هتموت في ايدك
نسرين:ابعدوا المتو،حشه دي عنى والله لقول لدادي ،وبقت تعيط
ادم كان بيتمشى الحصان بتاعه وجنبه زين على حصانه..
سمعوا صوت صريخ ..
زين:مش دا صوت نسرين
ادم:تقريبا
الاتنين بصوا لبعض باستغراب وراحوا لمصدر الصوت ..
ادم نزل لما شاف الموقف وان حوريه ماسكه نسرين ونازله فيها ضرب
حاول يكتم ضحكته وحاول يمثل الغضب..
وزين كان بيحاول ميضحكش
هم متأكدين أن نسرين عملتلها حاجه وخلتها تضربها لأنها دايما كدا..
ادم قرب ومسك نسرين وبعد حوريه عنها
حوريه بصتله وهوا اتكلم:اي اللي انتى بتعمليه دا
حوريه:باخد حقى دي شتمتني بأمى عاوزني اسكت يعنى
ادم بص لنسرين اللي كانت حالتها ميئوس منها وشعرها منعكش:انتي شتمتيها
نسرين:والله يا آدم محصلش دى هى اللي متوحشه وبيئه
حوريه :اللهم طولك يا روح ابعدوا البت دي عنى
زين كان متابع الموقف وكاتم ضحكته وفاطمه كانت ماسكه حوريه علشان متنقضش على نسرين تاني ...
مى:يا أبيه احنا كنا بنتمشي عادي وبنتكلم ف اسمها اي دي وشاورت على حوريه
حوريه :أسمى حوريه يا عنيا
مى :what ever....المهم كانت بتتخانق مع صحبتها دي على البتاع دا قامت نسرين قالت سوفاج بس كدا
حوريه:البت دي جدعه وبتقول الحق وانا عوزا حقى وحق امى
ادم:امك اي
حوريه بصت لفاطمه:بت يا فاطمه مش سوفاج دي يعنى شتيمه بآلام
يتبع
https://whatsapp.com/channel/0029VaGg0x63AzNRmRSoI107
روايات كل يوم رواية جديده 💖،