في قلبي حكايه - 32/33 - مكتملة | روايتك

. البـارت 32 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 سيف: خير مابه منى: ابدل واجي نتجابر تشتي افعل لك شاهي سيف: ايوه اركز ابسر ماعتقلي منى: يلا تمام سارت منى بدلت وفعلت شاهي ادت لزوجها الشاهي سيف: هيا اتحاكي منى: مابلا به ناس يشتوا اختك سيف: منهم وليش مايحاكوا امي وهي كانت معاكن؟ منى: هي قد كانت عتسير لعند عمتي بس بسرتها قامت وبتلبس العباية أرجع جلست جنبي وسألتني ما اوقع لها وجاوبتها قلت لها ان انا مرة ابنها ومن هذا الخبر وبعدين شلت رقمي وقالت عتتصل لي وتبسر اينو البيت وتجي تزورنا سيف: حياهم الله نبسر اصلهم وفصلهم وبعدا ماكتبه الله خير منى: ان شاءالله خير شكلهم ناس مرتاحين سيف: مايهمني مرتاحين والولد مش محترم والا فيه عيبه منى: الله يختار لها مافيه الخير سيف: الله كريم هيا خاطرش شاقوم ارقد منى: تصبح على خير @rewayatyamania المصدر الأول للروايات في البيت عند الحجه فاطمة طارحه راسها فوق الوسادة ومقهورة على فرح يعلم الله ما كانت عتفعل فيروز الهواء بفرح لو انا ما كنت عايشه يمكن عتأكلها المر وتخليها تتمنى الموت كل ثانية لكن حسبي الله فيها مثل ما بتفعل ببنتي هكذا وتطلع فيها كلام مش فيها وتطلع فيها سمعه الله ينتقم منها لكن الحجه مش عندها الحجه عند ابني الذي ما قال لها عيب من البداية مايسبرش هذه بنتي و ماعترضاش لها بالضر الغلط منه في الاول والاخير بس عباقي انا سندها وعباقي عماتها واعمومها والله ماتقدر تمس شعره من راسها وكما غطوه عتتفاهم معها قليلة الحياء وعتبسر من هي الذي عينها على واحد في الجامعة . . وفي الصباح : قامت فرح نشيطة صلت فجر وقرأت اذكارها سارت الديمة ( المطبخ ) فعلت لها بن والكل راقد اليوم عترجع تداوم في الجامعة بعد فترة غابت بسبب ماحصل معاها وفي نفسها.. شرجع اقوى من قبل وكل شي فاتني شاعوضه واذاكر بتركيز كل همي اكون شي كبير في المستقبل شثبت للكل انني قادرة اكون شي كبير رغم كل شي حولي وكل شي صعب بيحصل معي ويواجهني الا انني شاكون اقوى ومش اي شي يوقفني عن هدفي مادام انني بين اتنفس وماشتنازلش عن احلامي ولا للحظة ومادام عاد الروح فيني مابستسلم قامت لبست البالطو ( العباية ) وجهزت ملازمها ونزلت دقت على غرفة امها والحجة فاطمة كملت تصلي فجر ورقدت دقت فرح استغربت ليش ماردت عليها فتحت الباب لقتها مغلقة وبسرت امها مش مدفية دخلت ودفتها وحبتها وخرجت دقت على غرفة عمتها وهي راقدة كان الوقت بدري كتبت لها ورقة عشان ماتقلق هي والحجة فاطمة وسارت الجامعة بكل نشاط وحماس . . عند فادي : قام بسر الساعة وقدهي 6 على طول ساع المجنون اتوضى وصلى فجر قرأ الاذكار وبدأ يتجهز عشان يسير الجامعة وبيحس بشعور غريب خرج من البيت والكل عادو راقد شغل سيارته واتحرك للجامعة وفي الطريق في الجولة بسر اطفال بيشحتوا وجاءت بنت صغيرة لاعنده بتدعي له وتطلب منه زلط هو مايعجبه هذه الحركات اللي بيفعلوها الاطفال لفته كيف طريقة البنت في كلامها واسلوبها واتفاجأ لما دعت له قوا ياعم ساعدني الله يحقق مافي نفسك ويرزقك ويوصلك بالسلامة الله يخلي مرتك لك بسرها وابتسم: ماناش مزوج يابنتي بسرته وقالت: الله يزوجك بمن قلبك يحبها اتفاجأ بدعوتها ابتسم ومن قلبه: آمييين يارب خرج زلط من جيبه وقال لها: عشان الدعوة الحالية ساعش ها تفضلي البنت: يارررررب تتزوجها ياررررب ويفرح قلبك بها لا شعورياً سار تفكيره لفرح وبس . . عند خالد : قام الصبح الكل راقد التفت وبسر مرته وقام غسل وبدل وفاتته صلاة الفجر لبس واتجهز وسار العمل بعد ماكلم فيروز . . عند فيروز : قامت لما كان خالد بيتجهز قومت الجهال وسوت لهم الصبوح وساروا جهالها المدرسة وهي رجعت ترقد . . عند الحجة فاطمة نكزت وبسرت الساعه يووه فرح ماقومتها وسارت لا مكان فرح لقيتها مرتبه ومشي موجودة الحجة فاطمة: شكلها قد سارت قدو شرق رغد يارغد رغد راقدة الحجة فاطمة سارت لاعندها للمكان: رغد قوومي رغد فتحت عيونها: مابه يماه الحجة فاطمة: تقولي فرح سارت الجامعة والا وين جت رغد مسحت عيونها وقامت: مدري ماقالت لي الحجة فاطمة: الا قد حاكتني من قبل انها تشتي ترجع تسير بس ماقالت اي حين رغد فتحت عيونها سوا سارت الجامعة الحجة فاطمة: شكلها اسكه ابسريها اتصلي لها والا...خرجت تلفونها الصغير ازرار قديم هاه شليه واضربي لي رقمها رغد: جت تشتي تشل تلفونها تتصل بسرت ورقة مكتوب فيها "عمتو الحالية شاسير الجامعة ماسخيت اقومكم انتي وامي فخطيت لي اكمل المحاضرة واتصل اطمنكم تمام" هيا هاه يما ابسري قذا طمنتنا سارت الجامعة وعتتصل لوما تكمل المحاضرة الحجة فاطمة: عيوفقها ويسخر لها كل قلب بحوله وقوته هيا وانتي قومي ابسري ماتفعلي شرق رغد: يلا قيام 📚 @rewayatyamania  🇾🇪. البـارت 33 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 عند سيف : اتصل بامه وبيقلها انو عيجي وفي البيت : الحجة فاطمة : حيا حيا سيف: لش حياة الدنيا والآخرة يماه كيف انتوا ووطى حبها في ركبها وراسها الحجة فاطمة حبته: مابه فجعتني قلت تشتي تحاكيني سيف: كل خير مابلا على رغد يماه الحجة فاطمة: مالها ماقد به؟ سيف: كل خير مابلا به ناس يشتوا يخطبوها الحجة فاطمة: من هم من بيت من؟ سيف: حن كنتوا في العرس به واحدة اعجبتها رغد وقالت تشتي تخطبها حاكت المرة الحجة فاطمة: هاه ايوه به واحدة جت صليا بس ما اتحاكينا خيرات كيف من بيت من احنا ومن وينه وتشتي تجي عندنا قلت لها وين البيت بس شكلها مادريت اينه وقمنا روحنا سيف: رجعت ابسرت مرتي واتجابرين جمعه وشلت رقمها وتشتي تجي الحجة فاطمة: حياها الله لا قدو نصيبها الله يوفقها سيف: ان شاءالله خير هيا خاطرش ياغالية اقوم ارحلي العمل الحجة فاطمة: ودعتك وداع لايضيع يا ابي وروحي سيف حب امه وسار لعمله رغد جت: هيا وين سار سيف الحجة فاطمة: جاء غر يحاكيني ويرحله رغد: مابه خير وطرحت البن والصبوح الحجة فاطمة: ذاحين نصتبح ونصلي على رسول وبعدها عنتجابر رغد: يلا تمام هيا بسملوا @rewayatyamania المصدر الأول للروايات وبعد الصبوح جالسة رغد وامها رغد بتبسر الساعه وبتفكر في نفسها قد كملت المحاضرة ذاحين او عادهي الحجة فاطمة: رغد اسكه ابسري فرح وين هي مابتفعل اصتبحت اومع مدري معاها زلط او مابش رغد: الا معاها شوية واتصل لها وابسر الحجة فاطمة : عاد اقوم اصلي ضحى وانتي ابسري وين هي قد كملت او مع معاها صرفة رغد: حاضر الحجة فاطمة: اقطبي وجي اشتي احاكيش رغد: مابه ماهو حاكيني الحجة فاطمة: ان شاءالله خير رغد سارت تتصل لفرح وهي بتتبرقط تشتي تدرى ماتشتي امها تحاكيها به . . عند خالد : في العمل بيشتغل ومنهمك في عمله جاء واحد من المدراء: خالد ياخالد خالد: هاه اتفضل يامدير المدير جلس في مكتبه وبيسأله عن احوال العمل وخالد بيحس بتوتر بيفكر انو بيقيموا عمله المدير: حاكيني عن نفسك ياخالد ماجت فرصة اتعرف عليك يلا نجتمع ونكمل الاجتماع وكل واحد يسير في حاله خالد تنفس براحة لانو عرف انو يشتي بس يستفسر عن احواله الشخصية فبدأ يكلمه عن حياته وكم معه عيال المدير: ماشاء الله يعني معاك بنت في الجامعة وضحك وضربه خفيف على كتفه مشو باين عليك خالد مسك دقنته: لانني مهتم بنفسي بس والا هم يشيبوا الجاهل المدير ضحك اكيد قدك جد صح خالد: ماشي ماقد زوجتها ماقد جاش النصيب المدير: الله يوفقها ساع ابني ولارضي يتزوج وانا اشتي ابسر احفادي قبل ما الله يشل امانته خالد: الله يطول في عمرك يامدير المدير قام: اخذت من وقتك كمل عملك ولنا لقاء ان شاءالله خالد سلم عليه وودعه ورجع لعمله وبيفكر كيف ممكن يسوي بالفكرة اللي طلعت في راسه . . في الجامعة فرح كملت المحاضرة وخرجت عشان تصتبح البنات فرح فررح فرح سارت لعندهن وهن متجمعات: حيا حيا كيف حالكن البنات: الحمدلله وانتي كيف حالش وين انتي غبتي وهيه فرح: وقع معي شويه ظروف ورجعت لكن البنات: يلا سابر نورتي فرح: بنوركن واحده من البنات: الله ما هكذا ليت وكلنا يوقع لنا ظروف فرح: ماقصدش البنت: قصدي ماشاء الله جوال جديد وحركات من وين لش وكيف لوما وقع لش آيفون فرح: تسلمي عقبالش ودعممت سؤالها من الذي اشترى لها وفي قلبها يخخخ ماهو هذا الفضول حرام انها ساع مرة ابي فضوليه في كل شيء وكالعادة كل واحده شلت صاحبتها وتفرقين وفرح جلست فوق الكرسي مريعه لصاحبتها بسمة البنات من لمن بسرين الجوال كل واحده قلبها بياكلها تشتي تعرف ممن واحده منهن: يوووووه بسرتي على جوال يعلم الله من وين وقع لها البنت الثانية: ايوة بسرتي كيف دعممتش ومارضيت تتحاكى من اشترى لها البنت الثالثة: ياسعم من عيدي لها مابش معها اهل يلفوها هجعني عادكن واقفات على الجوال كم يا قصص بتحصل بسبب ترك الأهل لبناتهم واحده منهن: ماهو هذا الكلام عيب عليكن ان بعض الظن إثم كل واحدة تغلق لقفها والذي ماترضنه على نفسكن لا ترضنه على غيركن وقامت من عندهن 📚 @rewayatyamania  🇾🇪